عيون العرب - ملتقى العالم العربي - عرض مشاركة واحدة - نوتاتٌ ذهبيّة Striving: Gokyo in tokyo•ll

**Mārionēttē** · #59 11-16-2019, 04:31 PM

السّلام عليكم ورحمةُ اللهِ وبركاته

كيفك شينا؟ عساكِ بخير؟

أنا بعرف هذه الرّواية
بتوقع هي أوّل رواية انتِ نزلتيها
وعنوانها ملفت جدّاً جدّاً وله نغمة جميلة
حبيته
واختيارك له موفّق جدّاً.. فعدا عن كونه ملفت فهو مشوّق .. أحسنتِ

نبدأ عن فصائل الغوكيو
ما حبيت فصيلة الكسولين
أنا شخص بكره الكسل + إنهم شريرين كونهم ما بياكلو إلّا لحوم
ونقطة ضعفهم كبيرة.. وهي إنه الشّمس بتأثِّر عليهم هههه

حبيت الفصيلة التانية خصوصاً قدرتهم على مغادرة أجسادهم
نايس
يعني مدري شلون فكّرتي بهيك شي لطيف

غير عن الأسماء.. حلوين
خصوصاً اسم "إيزر" و "إيفتاليا"

بالبداية انعجقت مع قصّتهم وكثرة الشّخصيات اللي أظهرتيها بنفس المقطع
لكن بلافصل الأوّل بدأ التركيز ع جزء من شخصيّات وحسّيت إنّي رح ألإهم الموضوع أكتر مع مرور الوقت
ومع تقدّم الفصول

لكن أسلوب الفصل التمهيدي جميل جدّاً
كيف بسرعة أعطيتي لمحة عن قصّتهم وتركتي مجال لكتير من التساؤلات
أحسنتِ بجد

ولو جيت أقارنها النسخة السابقة
فهذه أفضل بكتير طبعا
أنا مع التجديد

عجبتني شخصيّة كاروكو وسوزوري
حتّى ماهيرو.. عبيط لكنّه عجبني

طريقة تواصل كل من كاروكو وسوزوري عجبتني
حتّى طبيعة الحوارات بينهم حلوة ومتقنة

أمّا عن قراءة الأفكار فهاد أكيييييد أسوأ شي ممكن يحصل للشخص هههههه
أتخيل لو حد يقرأ أفكاري!! هتكون مصيبة
الحمدُ لله إنه كلنا بشر عاديين هههه

"أرني لون عينيك"
مدري ليه ضحكتني هالجملة
بالوضع الطبيعي وللناس الطبيعية رح ياخد عنها فكرة منحرفة ههه

بالفصل التالت تحوّل اسم "ساناي" لـ "سارامي" !!
جايز خطأ مطبعي أو اسمها التاني هيك!

المهم

هاد الماهيرو !!
تحسّه عايش أصلاً بأحلامه وعم يجي للواقع زيارات بس !!
لكن واضح إنّه عم يخفي كتير إشيا ورا شخصيته الكسولة!
ورغم إنّي ما حبيت كسله بالبداية لكنّه أثار فضولي فيما بعد
استمرّي ^^

ولا زالت شخصية كاروكو جميلة
إضافة لشخصيّة سوزوري.. رغم إنّي بالعادة بكره شخصيّات البنات
لكن هذه شخصيتها كيوت نوعاً ما + إنها فيها شوية عَبَط

فيه كتير تشويق بالأحداث
وهاد اللي خلّلاني أقرأ الفصول على نفس واحد
+ إنه الفصول أصلاً قصيرة

لكن لاحظت إنّه تقدُّم الأحداث بطيء جدّاً
وبعدين قلت لهيك فيه فصلين!

اممممم

انتقادي هو لشوية الأخطاء النّحوية
بتوقع لو دققتيها مرة تانية ممكن تتجنبيها لانهم سهلات وبسيطات
وبالنّسبة للفكرة
فموضوع العوالم المزدوجة موجود بكتير قصص ومانجات وأنميات
والفصائل الهجينة كذلك
لكنك لعبي صح.. وحبكتي الأحداث صح بهاد المجال

ترتيب الموضوع ممتاز
والتنسيق والتصميم ممتازات برضه

سيتم ختم الفصول
وختم الرواية ككل

كل الودّ