بعد ماشفت الأحداث حسيت مرّة واضح ان إيرين قاعد يسوّي بأصحابه حركات إيتاشي لساسكي قبل
مادري ليه كل هالكُره له، أكيد عنده سبب منطقِي
قبل سنتين بس كان مستميت بالدفاع عنهم وعَن هيستوريا
مرّة مرّة صار لطيف معهم ألطف مما كان بداية المانجا
بيقنعني إيسا انه صار يكرههم؟ مستحيل أقتنع بعد مشهد القطار /:
يوم شاف هيستوريا وميكاسا يضحكون مع بعض ابتسم بدون لا أحد
يشوفه.. المشهد هذا ما انحط من فراغ
كمان تحطيمه لمشاعر آرمين، قاله " لم نتعارك من قبل لأننا لسنا متساوين "
آرمين لو فيه ذرة عقل بيفهم ان هالكلام كذب، محد، محد بهالمانجا
قوّى عزيمة إيرين وأثر عليه مثل آرمين
إيرين قاعد يسمع كلام آرمين يوم قال له " لا يمكن لأحدٍ أن يحرر العالم مالَم
يتخلَّ عن إنسانيته، دون أن يضحي بكل شيء "

الغالب في ظني ان إيرين قاعد يجهز نفسه لوداع العالم، قلت قبل ان إيرين
راح يضحّي في نهاية القصّة، قاعد يحاول إبعاد أحبابه عنه عشان مايوقفون
بطريقه
بالمنطاد ضحك بعد وفاة ساشا، انقلبو عليه جان وكوني
بالسجن هدد هانجي، فقدت تعاطفها معاه
والآن جرح ميكاسا وآرمين..

الكلام اللي قاله لآرمين وميكاسا تُرهات، ولا أجل متعب نفسه وقاطع هالمسافة
كلها عشان يجرحهم بس؟
أعتقد انه بنفس الوَقت اللي قاعد يقطع صلة أصدقائه معه، فهو يقطع صلته
فيهم كمان بالوقت نفسه، عشان لما تجِي اللحظة الحاسمة مايكون عنده أي
شيء يخسره، مايكون بقى له أشخاص يحبونه بهالعالم

Stories protagonists don’t turn into villains

__________________
-



يارب، فردوسك لأمّي وأبي وأحبتي أجمعين.
𝐖𝐡𝐚𝐭 𝐰𝐞 𝐝𝐨 𝐧𝐨𝐰 𝐞𝐜𝐡𝐨𝐞𝐬 𝐢𝐧 𝐞𝐭𝐞𝐫𝐧𝐢𝐭𝐲.