ولد حمصي سأل امه الحامل : ماما مين في ببطونك ؟
قالتله : أخوك سألها :بتحبيه ؟ قالت له : يي طبعا بحبه قالها : طيب ليش بلعتيه ؟ 
ولد حمصي عم يسأل ابوه : بابا ليش كل الناس بيحكوا نكت عالحماصنة ؟ فقاله ابوه :من غيرتهم مننا يا ابني لأنه نحن أذكى و أفهم شعب , دق عالخشب دق فدق عالخشب الولد ... قاله ابوه قوم شوف مين اللي عالباب قوم 
حمصي كان ماشي بالطريق ، شاف قشرة موزة ، قال ولييييي على هالوقعة اللي رح اكلها 
حمصي قال لشامي واجعيني عيوني و عم شوف طول النهار نقط سودة بعيوني ... قاله الشامي : شفت شي دكتور عيون ؟ قله الحمصي : لأ شفت بس نقط سودة !!! 
حمصي فتح معمل تلج سماه معمل حمص للمياه اليابسة
مجموعة شباب كل ما يشوفوا بعضهم بصيروا بيحكوا نفس النكت قام مرة اقترح واحد عليهم انو يرقموا النكات بأرقام متسلسلة حتى ما يتعذبوا بحكاية النكتة فبيقولوا رقمها ... مرة كانوا مجتمعين قام قالواحد منهم 1 قاموا صاروا يضحكوا 2 هاهاهاها 3 هاهاها 17هاهاها ام قال واحد 27 قام في واحد منهم فرط ضحك قامو سألوه ليش عم تضحك قام قالهم اول مرة بسمعها... قال واحد 67 كلهن سكتوا ما عدا واحد ضحك اجت المخابرات اخدته بعد شوي
شاب صغير حمصي طلع من البيت ...
سألته أمه : وين رايح يا حبيبي ؟
قال لها : أنا حر , و نزل ع الشارع و وقّف سيارة تكسي ...
سأله الشوفير : وين يا أستاذ ؟
قال له الحمصي : إذا لأمي ما قلت يعني رح اقول لإلك ؟!
حمصي وقع بجورة ... صرخ : الحقونييييييييي فوقع عشر حماصنة وراه هههههههه 
اثنين حماصنة كانوا عم يلعبوا شطرنج ،و قد ما طولت المباراة معهم مات الملك بجلطة 
اثنين من الحماصنة ... خطر ببال الأول يقول حكمة ...
فقال : قل لي من تعاشر أقول لك من أنت ...
فقال التاني : من تعاشر ؟
رد الأول : من انت ؟
اتنين حماصنة عم بقلدوا سيارة إسعاف واحد مدراسه من شباك السيارة اليمين و صار يقول ويوو ويوو ويوو و التاني مد راسه و صار يقول أزرق أحمر أزرق أحمر أزرق أحمر
قال حمصي لصديقه : بتشرب قهوة ؟
قال صديقه : إذا شربت قهوة ما بقدر نامقال الأول : أنا بعكسك تمام بس نام ما فيني أشرب قهوة
حمصي دخل عالدكانة و قال للزلمة عندك مارلبورو ؟ قال له لأ , راح دخل عالدكان اللي بجنبه و قال له : و إنت ؟
في مسابقة لاطول قصة في مدرسة وصلت الاحصائيات الى ان اطول ثلاث قصص هي 1000 صفحة 2000صفحة 3000 صفحة و لما اجوا يقرأوا اطول قصة وجدوا بالصفحة الاولى ركب مازن على الحصان و من الصفحة 2 الى 2999دركد دركددركد دركد دركد و بآخر صفحة نزل مازن عن الحصان
قال حمصي فتح محل سماه: بقالة الأقمشةلحلاقة الأحذية الغذائية
حمصي اشترى سيارة بي ام دبليو الحديثةو طلع بأقصى سرعة على الجبل و بس وصل , فتح عل راديو و سمع هنا لندن قال يا لطيف ما اسرعها !!!
حمصي سأل واحد بالشارع : وين الرصيف التاني ؟
قال له : هنيك
قال له الحمصي : سألت هنيك قالوا لي هون
حمصي وقع من رابع طابق التمت الناس سألته شو في قال لهم مابعرف هلق وصلت
ياباني فات على بقالة بحمص بده يشتري عشر علب كولا ...
قال اليباني للبياع : كوميهاني سيبه كولا
قام رد البياع الحمصي : بدك عشر علب شو ؟
