| إعتبرني شئ ... اي شئ _ اغنية
إعتبرني شيّ
أي شي
ماعليّ
واسمعني شويّ
يامنادي للحوار كل آخر
ليه ماتنادي قريب
ليه تسمع للغريب
وليه صدرك على الآخر وسيع
وانا عليّ اضيق
وكل ماله يضيق
ليه إذنك ماتبي
من فمي
كلمة ولاونة الم
وإذا بكيت
ماتبي هذا البكى يطلع بصوت
وليه عينك
ماتبي مثلي تشوف
إعتبرني مثل ذا الآخر
واسمعني شويّ
إعتبرني أي شي
ماعلىّ
اعتبرني يهودي
اومسيحي
ماعليّ
واعتبر لي فكر
او مذهب جاب حجه
مقابل حجتك
وخالف بها وحده
من المليون في حجتك
ماعليّ
او
اعتبرني مثل ذالآخر
طالعني شويّ
وفعيونك
اعتبرني أي شئ
بس شئ
واعترف بي في وجودك
واعترف انك من تراب
والبشر من طين
في طين
ويرجع تراب
وإعرف ان بيني وبينك
دين ودم
وقبلتي هي قبلتك
وكعبتك هي كعبتي
وان بينك وبيني ارض
تجمعنا جميع
وان ذالآخريبينا كالقطيع
وسواهـــــــــــا هناك
وانه بعد يزرع
بيني وبينك كره
ويبيعنا وياك
إذا حصل ربيع اسود
اعتبرني شئ
أي شئ
ماعليّ
واسمعني شويّ
طاعة الله واجبه
وطاعة بعض خلقه
تجي من طاعته
ياكبير اكبر
واحذر من صغير
تستصغره
والوقت يعطيه الكبر
ويكبر كبير
والعالِم الله وش يصير
ارحم صغير واعرف ان الله كبير
واسمع له شويّ
واعتبرني شي
أي شئ
ماعليّ
واسمعني شوي
ليه فينا ناس .. ماتسمع لناس
ليه فينا ناس .. تظلم ناس بالامر
ليه فينا ناس .. تبيع الناس
وتشتري الآخر
وفينا نــــاس وناس ماهم ناس
زي الناس
ليه فينا ناس .. قالوا بعضنا
ناس تفضحنا
هنا وهنـــــــــــــــاك
وليه فينا ناس .. تسرق ناس
في عـــــــــــــــــــــــــــــــــــــــــــــــــــــــــــز النهار
وليه فينا ناس .. تشتكي ظلم وقهر
وتعيش الغبن
وتلبس فقر
غصبٍ عليها
وليه فينا ناس.. تكره ناس
وليه
ليه فينا ناس .. تتفجر وتنفجر فينا
اه ياوجدان
وليه فينا ناس .. تكفرنا على رسم وصور
ليه
ليه فينا ناس .. تسجن ناس
والتهمه فكر
والا شعر
ليه
ليه
ليه فينا ناس ..
معاهم .. معاهم
عليهم .. عليهم
ماتدري وش الهرجه
بين قوسين
السالفه
تتابع
متابع وتابع
لتابع
يقولون بعض الناس
هاذي الناس
ماتنتج علوم
ولاتبني مصانع
تشتريها صح
ياكثر المصانع
تستورد قطعها والمهندس
هاذي الناس
كل شئ تستورده
الثوب والغترة
ولاهان العقال
والحوار مع الآ خر
والصلصة
والكتاب
كل شئ تستورده
إلا ثلاث اشياء
تصنعها وتتقنها بجداره
النفاق
والتصفيق
والسكوت
ماعلينا ولاعليك وماعليّ
انساها شويّ
واعتبرني شئ
أي شئ
ماعليّ
اسمعنا شويّ
واتركه لــــــــــــــــلإخيركل آ خـــــــــــــر
انا خوك
وابن عمك
وخالك
وداري حول دارك
وانا عضيدك لا اختلفت
إنت والآخر
وانايمينك دون وجهك
ودمي قبل دمك
وماعليّ
..........................
............................
من.. بحور الصمت |