|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
08-31-2006, 03:20 AM
| ||
| | ||
 انا وبوهايل والمستشار في ادغال افريقيا جرت احداث هذه القصة قبل فترة قصير  جانا ذاك اليوم المستشار بعد ماطلعنا من السجن بسبب ماساة القطب الشمالي شافنا قدام البقالة نفلفص فصفص ومعاه ببسي قال هلا ياشباب الحمدلله على السلامة قلنا الله يسلمك قال المستشار انت يارعش قلبي تعجبني ومعجب فيك ووقع لي على فانيلتي قلت له ليه صاير مشهور اخر الزمن انا وانا مادري ولا ايش؟ قال لا على انكم دخلتم السجن بس كنت شجاع ورحت للقطب وطرت طيارة مع انك ماطرت من قبل قلت: هذا من شجاعتي رد بوهايل:ولا والله من خيبتك قال المستشار المهم انا بروح لادغال افريقيا وابي احد يخاويني قال بوخالد: هع هع بدري عليك من بعد الطلعة الماساوية مع الكارثة المتحركه رعش قلبي مانيب رايح معكم قال بوهايل:ولاانا قلت: انا مستعد اروح بس تراني مطفر قال المستشار: ازهلها تعرفون اني بطران وكل شي على حسابي بس ابي اسوي مغامره قلت:طيب بس لازم يروحون معي بوخالد وبوهايل حاولت اقنع فيهم بوخالد مااقتنع واشكره على هذه الخطوة لان حما نفسه بوهايل قعدت معه قعدة لين ماوافق ويوم السفر وصلنا غابات افريقيا على خير وكان معانا واحد مستكشف افريقي قال لازم اروح معكم بالغابه لانها خطره قلت: اقول توكل عطنا بس خريطه ونتصرف لااسد ولافيل يخوفوني قال بوهايل: رعش سببت لنا مصيبة المره الماضيه خل هذا يجي معنا قلت:لا قال المستشار:خلاص روح يامستكشف وخلنا لحالنا معانا قلب الاسد رعش قلبي وقال:كيفكم المهم مشينا وسط الغابه مدة معينة بدون مخاطر بس نشوف عصافير ومناظر ساحره طبعا معنا اسلحة لحماية انفسنا المهم جا الليل وخيمنا كل واحد وخيمته الصغيره الخاصه فيه وقعدنا بعدها قلت: ياسلاااااااام على الطبيعه خلونا نخلي اغراضنا هنا وندق فره نشوف لنا طير نشويه ونرجع لخيمتنا المهم رحنا وصدت طير وشويناه وكلناه قال المستشار ياسلااام على الاكله يازيين التقييله شوي النوم كبس على عيني وراح دخل الخيمة ولاانتبه للاسد الي راقد فيها راح انبطح على الفراش ويوم هو يتقلب قال:وش هذا ؟ والا يلتفت يشوف اسد راقد وجه المستشار تحول للون الفسفوري وعظامه تطق في بعض تقول كنه صوت شكمان جمس ونيت ويصرخ وهو يهرب برا الخيمه ويقول: الحقوووووووووووووني اسد في خيمتي قال بوهايل: اوف النحشه ياجماعه قلت: طيب والخيمات شاري خيمتي كان عليها تخفيض 50% قال بوهايل انحش وحطينا الرجل ووالاسد موجود وبالاخير يطلق بوهايل طلقه تخوف الاسد ويقول اوووووف خفنا وانا قاعد اضحك واقول:هرع هرع والله مقلب يخوف ويضحك وقاعد اطقطق في المستشار على كتفه >>>كنت احسبه انه المستشار الا اقول وش هذا يالمستشار وش في جلدك صار خشن بوهايل يصرخ ويقول: ياالدرج هذا مو المستشار هذا وحيد القرن والتفت الا واشوف قرنه مواجه وجهي وبقدرة قادر صارت سرعتنا 500 كيلو  المستشار قال:وينك يابو الشجاعه يارعش قلبي قال بوهايل:تراه من جنبها بس السبب انت يالمستشار ياجلاب البلاوي انت اقترحت هالروحه قلت: ذا مو وقته الخرتيت ابن الذين ملاحقنا وتراني تعبت قال المستشار:بجرب بطلق النار ويطلق ويشوف الخرتيت هرب قال:هع هع شوفوا الشجاعه قلت: والله مو منك خاف من الي حولك الا نشوف حولنا مجموعه من القبائل الافريقيه البدائيه بوهايل قال:من جرف لدحديرة وجيت انا قلت: احترت اشكي ولا احكي ولاابكي من فرحتي المهم ودونا لزعيم القبيله حقهم وقال كلام مو مفهوم المستشار كان فينا هو الي يعرف انجليزي وحنا مانفهم واحد من هالقبيله بالغلط طلع يعرف انجليزي ويسولف مع المستشار وبالترجمه قال المستشار الحقوا ناويين ياكلون كبد واحد منا قلت لهم انا اعرف لغتهم وبفهمهم>>>>ياشين اللقافه وتكلمت: هون لونج برا غتا مو نا تي بف ويوم سمعوا كلامي راحوا ماخذين بوهايل وحاطينه بقدر ويقطعون عليه جزر وبصل قال وش السالفه المستشار تفاهم مع المثقف حقهم وقال: ياخيبتك يارعش قلبي والله انك دمار قلبي قلت: ليه ياحظي قال: انت قلت لهم بلغتهم ان بوهايل مايبي يعيش ليه لخبطتا لسالفه وتسوي نفسك فاهم الا بوهايل يرمي بصله من القدر الي ناويين يطبخون فيها وتصك براسي على طول ويقول:كالعادة نكبه قلت: لاااااااااااا المثقف حقهم قال:عندي حل انكم تجتازون الاختبارات ال3 ان اجتزتوا واحد منها اطلقنا سراحكم واذا ماجتزتوا ولاواحد قولوا على نفسكم السلام عليكم رديت انا: وعليكم السلام الا وبصلة ثانيه تنرجف براسي اول اختبار لبوهايل انك تحارب نمر عندنا بوهايل دخل المعركه ومامعاه الا رمح واحد ومن الخوف حاول يرميه على النمر ولكن جا بالشجرة وطقها نحشة برا الساحه قال المثقف:خسرتوا قال: حتى لو بتطبخونا بعدين على الاقل اعيش شوي  قال المثقف دورك يالمستشار انك تحارب فارس القبيله ولازم انك تنهكه بالضربات الي يتعب اول هو الخاسر ويروح المستشار يتصارع والله لايوريكم كلها ضرب معتبر^205^ عيونه تحول لونها للتركواز واخر شي انهزم وجا دوري المستشار يقول:تكفى يارعش فوز لانروح فص ملح قال بوهايل:انقذنا قلت طيب بشوف الاختبار اكيد سهل الاختبار هو اني ادوس على 15 متر من الجمر الملتهب^205^ قلت: لا صعب اخاف اخاف وحاول انحاش مافي امل وانا قاعد ادعوا الا يقول بوهايل عندي فكرة ويروح يغز السهم في ظهري ومن الالم اركض اااااااااه واوصل للطرف الثاني هيييييييييي نجونا واطلقوا سراحنا ورجعنا ديرتنا ومن بعدها يوم وصلنا وقدام البقالة قال بوخالد: الحمدلله على السلامة قال بوهايل: الله يسلمك وانا قاعد طول الوقت امدح بروحي اني انقذتهم واني شجاع من القبيله بوهايل قال زين والا شوي والا يلبس قناع لاحد الافارقه البدائيين ويطق على كتفي التفت واشوف شكله كذا ويغمى علي من الخوف ويقعدوني ببصله وانتهت القصة
__________________  فوق.......فوق هام السحب |
|
#2
08-31-2006, 03:31 AM
| ||
| | ||
| رد: انا وبوهايل والمستشار في ادغال افريقيا
ههههههههههههههههههههههههههههههه ههههههههههههههههههههههههههههههههههههه هههههههههههههههههههههههههههه هههههههههههههههههههههههههههههه تكفى يالمشهور الشجاع دمرت مستقبلي المهني بصالفتك لكن حلوة منك ^خخخخـ^ يعطيك العافيه اخوي ضحكتني وانا عندي حموضة  محبتي
__________________  ما يزال الرجل عالماً.. ما دام حريصاً على العلم والتعلم.. فإن ظنّ أنه قد علم .. فقد جهل .. |
|
#3
08-31-2006, 03:44 AM
| ||
| | ||
| رد: انا وبوهايل والمستشار في ادغال افريقيا اقتباس:
ها التوقيع الي على الفانيله للحين موجود؟ بعدين مو ذنبي انت اعجبت بشجاعتي اقتباس:
الله يعافيك وان شاء الله مغامرة ثانيه قريبا مشكور لردك يالمستشار
__________________ فوق.......فوق هام السحب |
| مواقع النشر (المفضلة) |
| |
العرض العادي
