|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#26
01-28-2010, 03:27 AM
| ||
| | ||
| دانا كانت فاتحة الأسبيكر : خالد وربي مو أنا إلي أبي هذه مرام الخبله خذ كلمها خالد : وش اكلمها خبلة أنتي ويجي صوت ناعم مع شويت رجه : مرحبا خالد خالد من يوم سمع صوتها وقلبه صار يدق : ها أهلن أهلن مرام : خالد بالله خلينا نسوق مره نفسي أسوق بالله خالد يالبي كل شوي قولي خالد أحس انو منها غير : لالا ما يصير وإذا مره حابه استني الين ما يجي مصعب مرام : الله يسعدك خلود خالد لا وبعد تدلعني فديتك وفديت رجتك ونعومتك : طيب بس بشرط مرام : أمر تدلل خالد : أنتي بس إلي تجي معي مرام سكتت شوية بعدين : موافقة البنات بأصوات متفاوتة لالالالالالالالالالا ما يسير <<< ملاك كيف كيف والله ما تروحين على جثتي << نوف ( نوف دايم مع أهل ملاك وكنها وحدة منهم ) شوف وتقول موافقة أيا الخاااااااااينة << رشا أحسن أنا قلت لكم من أول ما رح نروح خلنا نروح السوق وخلوني أكمل جهازي <<< عهود وي وي وتوافق النذالة << عهد رهف تدخل الغرفة : ها ايش صار مرام : مالي شغل مو أنا جبت الفكرة أنا بروح رهف : أقول ردو ايش صار البنات بصوت مقهور : بس مرام إلي بتروح رهف : والله لو تصير عشرة ما تروح لوحده أقول هاتوا الجوال مرام : خلود دقيقة وأكلمك خالد : حــــــــــــــــــــــــــــــشى مو بنات مرام : هههههههههههه فديتك مرام تقفل السماعة بنات : يا مهابيل ما بروح لوحدي بس كدا كلام نوف : وإحنا ايش يثبت لنا انك كنتي تفكرين كدا مرام : اسمعوا أنا بنزل وسوي نفسي بريئة بس قبلها اخذ المفتاح كاني رايحة أجرب كيف افتح السيارة و دانا تشغل خالد و الباقي ينزل ويركب السيارة من وراء وتخبوا ووقت ما ينزل خالد طبعاً بتكون دانا معه وأنا بقوله خليها تجي معنا وبعدين نسوي هجوم ويسير وما يقدر يقول لا نوف تغمز لمرام : والله انك خطيرة ملاك : آه منك يالنذله عهد : والله ينخاف منها عهود مفهيه في مرام رشا : ياويلي ويلاه هذا كلوا فكرتي في هذي الكم دقيقة مرام مسكت الجوال دانا ودقت على خالد : الو خلود خالد فديتها : هلا مرام : خلاص أقنعت البنات ويلا دقيقتين وأكون عندك خالد : خلاص أنا استناكي مرام : اوكي بس اسمع أنا بفتح السيارة خالد ابتسم : أكيد مو أنتي إلي بتسوقينها مرام : يافلـــــــــــه أقول يلا بايو خالد : باااااااي مرام وي اشبوا قلبي كذا يدق بسم الله حتى حاسة إني حارة شكلوا عشان خايفه أسوق أقول ما علينا خليني أروح البس عبايتي : بنات يلا تجهزوا ودانا زي ما قلت لك اوكي البنات : خلاص اوكي نزلت مرام وبهمس بدون ما تقصد : خالد خالد كان طبعاً متشيك وبنفس الوقت مرتبك أول مرا يطلع مع حبيبته مرام لوحدهم : مرام مرام وي اشبو قلبي يا لله والله حاسة انو رح يطلع من مكانه : يلا مشينا خالد : ها كيف ايه تفضلي المفتاح مرام سحبته من يد خالد : شكراً خالد : العفو تجي دانا : خاااااااالد خذوني معكم تكفى خالد الله يرجك يا دانا أنا مو ناقص وربي مدري اشبي : ها لا ما يسير أنا شرطت و مرام وافقت دانا : يعني ليش بس مرام أنا ما ستاهل خالد وربي أنا ورطت نفسي ورطة قووووية مرام : خلودي تكفى بس خلي دانا مرا أحبها بليييز خالد آه يا قلبي فديييييييييييت خلودي والي قالها: امممممم لا يعني لا مرام :خالد بالله خالد يهز رأسه يعني لا مرام : واللي يعافيك خالد : مرام ودك تجي معي ولا تقعدي معهم مرام : يعني ما في أمل خالد : No مرام : إذن مالي شغل أنتي تصرفي دانا تمسك يد خالد ودخله في مكان بحيث انه ما يشوف السيارة : خالد الله يخليك والله ما يسير كدا من أول قاعدة أترجاك مرام تأشر للبنات عشان ينزلوا نزلوا البنات ودانا تحاول في خالد مو راضي دانا : خلاص إذن روح ووقت ما يجي أبوي رح ويسال عنك أقوله انك خرجت مع مرام لوحدكم :P خالد يووووه والله انك لبش : ايوااااااااا قولي كدا من أول ودك تمسكيني من يدي إلي توجعني دانا : أنت إلي خليتني امسكها خالد :آه منكم يا الحريم والله ينخاف منكم دانا لسه ما شفت شيء وابتسمت ابتسامة شيطانية : وش قلت خالد : والله لوما كان في السالفة أبوي كان وريتك شغلك دانا : يعني موافق خالد : يلا روحي البسي عبايتك وتعالي دانا : ونااااااااااسه ياخي متى بتصير رجل وما تغير كلمتك وتروح جري عشان ما يغير رأيه خالد طيب يا دانوه والله لا أوريك كيف خلني أروح أشوف مرام تأخرنا عليها كانوا البنات موجودين بالسيارة بس منزلين رؤوسهم وكانت مرام لسه ما دخلت السيارة خالد : مرام مرام يا ويلي ويلاه بصوت مرتجف : هلا خالد يا حليلها مو عارفه تفتح السيارة << والله أنت إلي يا حليلك : مو عارفه تفتحي السيارة مرام : ها ايه كيف افتحها خالد بدون ما يقصد مسك يد مرام وخلها تضغط على زر إلي يفتح السيارة مرام يدها صارت بااااردة ( طبع مرام إذا خافت أو خجلت تصير يدها باردة ) خالد مندمج بالموضوع وناسي نفسه : فهمتيني مرام :........... خالد توه انتبه لنفسه وسحب يده وحك رأسه : آسف ما انتبهت مرام : ها طيب دانا : مرومه بجي معكم مرام : من جد يااااااافله دانا يلا وتركب قدام خالد : هييي أنتي دانا : هلا أمر تدلل خالد : ليش راكبه هنا دانا : اجل أنت بتجلس جنب مرام خالد : ايه ولا و شلون تتعلم مرام : ايوا صح دندون يلآ دانا : ايه جاتك من السماء بنت وتجلس جنبك ها وتنزل من سيارة خالد الله يصبرني على هالهبله : أقول اركبي وراء وبلا كثرة حكي دانا تدخل السيارة : أف وبعدين تشهق شهقه قويه مرره خالد : وجععععععع وش فيك عهد تخبطها برجلها : اسكتي الله يفضحك دانا بصوت عالي عشان يسمع خالد : ولا شيء بس عبايتي انشقت خالد : هذا كله عشان عبايتك دانا بصوت منخفض : انتوا وش جابكم هنا وليش عهد : يعني وش جابنا إحنا ايش اتفقنا دانا : اها صح مرام تركب السيارة ( من جهة السايق ) : بنات تكفون هدوء لين ما نوصل بر الأمان يكفي اني ميته خوف خالد يجي من جهت ما ركبت مرام ويدق الشباك مرام لفت وجهها على الشباك وصارت عينها بعين خالد مره ارتبكت ونفس الشيء خالد : دانا وش يبي أخوك ليكون شك أو عرف دانا: افتحي الباب وشوفي ايش يبي مرام فتحت الباب فتحه صغيره : خالد بغيت شيء خالد وعلى وجهه ابتسامة ارتباك : ودك تسوقين وسط الناس عز الله موتنا مرام : ههههه أي والله نسيت اجل وين بتودينا خالد : في مكان اعرفه ممكن تقدري تسوقي فيه مرام : طيب تنزل من السيارة وتركب قدام جنب خالد دانا : والله ما يسير أنا اكبر المفروض أنا إلي اركب قدام خالد يلف على دانا : دندون م ............ من انتو وش جابكم هنا عهد : الله يفضحك يا دانا وطبعاً كل الخطة اتكنسلت عشان لسه ما تحركوا من البيت خالد بسرعة دار على مرام : من هذولاء مرام ترتجف : مدري وي هذه عهد أيا النذلة ليش نازله عهد : ها خلاص الحين بطلع خالد كان مره معصب يتكلم وهو ضاغط على أسنانه : خلاص أساسا كلكم مو رايحين دانا : كيف وي ليش مرام كانت مره متفشله كانت بتنزل بس خالد مسكها من يدها وقال : أنتي استني دانا : لا ما تروح لوحدها خالد : مين قال اني بأخذه ابيها في هرجه مرام ترتجف :............ دانا : خالد مو كنك زودتها خالد : دانا انزلوا البنات نزلوا ودانا قعدت : أنا بنزل لما تنزل مرام خالد أعطى دانا نظره خلتها ترتجف : مو نازله دانا : لا يعني لا خالد : خليكم بالسيارة أنا نازل نزل خالد وبعدين دانا : مرام يلا مرام وهيا ترتجف فتحت الباب ونزلت بس ما هي قادرة تمشي من كثر ما ترتجف دانا : مرام اشبك وراحت عندها ومسكت يدها و طلعوا البيت مرام أول ما دخلت البيت وهيا ساكتة البنات: دانا أخوك هذه حيوان كل............<<< كل أنواع السب و الشتم خخخخخخ دانا : بنات بالله اسكتوا مو رايقه لكم عهود : بس تصدقون شكلوا مو رايح فيها غير مرام دانا : هو بس كذا والله بس لو يرجعوا أهلنا وبس خالد أعطهم خبر على إلي سار انسوا إنكم ترجعوا تسوقوا البنات : أي والله وأنتي الصادقة مرام يا رب الله يقطع ابليسي أنا كيف فكرت كذا ولله شكله مره عصب لازم اعتذر يمكن يرضى بس أخاف يزودها أقول خلني أتوكل على الله و أروح اعتذر وبعد 10 دقايق من الهدوء إلي عم المكان مرام : بنات البنات : ها مرام : بروح اعتذر البنات : مع نفسك والله ما نروح مرام : خليكم أنا رايحه نزلت مرام ودقت الباب على غرفة خالد خالد كان بيتروش ( يستحم ) سمع دقت الباب لف النشفه على جسمه من تحت يحسبه واحد من العيال جاء فتح الباب كانت مرام وكانت منزله عيونها في الأرض مرام : خالد أنا آسفة بس مره كان ودي أروح أنا والبنات و ....... خالد ابتسم فديتها :خلاص ما صار شيء مرام رفعت رأسها مستغربه : يعني سامحتن ....... وجهها صار احمــــــــــــــــــــــــــــــــر آسفة حسبتك فاضي وجات بتروح خالد : مرام ترى ما سمحتك مرام وهيا معطيته ظهرها : يعني ايش أسوي عشان تسامحني خالد : أول توعديني تسوين إلي أقولك عليه مرام : إذا اقدر موافقة خالد : لا لازم توعديني مرام : وعد خالد : تتزوجيني ؟؟ مرام دارت على خالد : ها... ايش.... كيف خالد : تتزوجيني مرام وجها صار احمر وجسمها صار بااااااااااارد : ................... لفة وجات بتنزل خالد : مرام تكفين وربي احبببببببببببببببك مرام وقفت : تحبني ؟؟!!!!!!!!!!! خالد : وأعشقك مرام أنتي هواي إلي أتنفسه مرام أنا من زمان احبك أنتي مو حاسة فيني تهقين ليش قلت بس أنتي تسوقين وربي نفس بس لو مره اقعد معك لوحدنا ودي أحس انك تفهميني ودي أشوفك واقترب منك مرام تكفيني تزوجيني وربي رح أسعدك مرام أنا سنه وأتخرج من الجامعة وبعدين أتوظف وأجي اخطبك بس مرام قولي موافقة مرام : خالد ... يقاطعها : أبي اسمعها منك أبيك تقولين انك موافقة مرام ودموعها تنزل : وربي وربي أنا احبك وطلعت البيت جري خالد : ................... <<<يا حاول يستوعب الموضوع ههههههههههههههههههههههههههههههه تحبني هههههههههههههههههههههههه أي والله قالت تحبني مهند : خالد يا ولد أكلت البنت بعيونك استحي أنا موجود خالد : ها....... مرام متقطعة من الفشله الله يرجك يا خالد وقدام مهند والله الحين يمسكها عليه مهند : ورآك مفهي بالبنت خالد : أقول مهند ما ودك تروح تشوف أخوك مهند : والله الشرها مو عليك الشرها علي أنا إلي واقف معكم |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بائعة الخبز | شاهي | تحميل كتب مجانية, مراجع للتحميل | 7 | 07-14-2011 08:33 AM |
| || رواية البؤساء - فيكتور هوجو || بقلم : البؤساء | البؤساء | أرشيف المواضيع الغير مكتمله او المكرره او المنقوله و المخالفه | 24 | 11-08-2009 08:47 AM |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| رأيي في رواية بنات الرياض بعيداً عن الوصاية الفكرية | hosam_e7e | قصص قصيرة | 3 | 10-15-2007 10:10 PM |
| بين رواية ( بنات الرياض ) .......ورواية ( بنات بيت حانون ) .........دعوة للمقارنة | الداعية | ختامه مسك | 11 | 11-21-2006 02:31 AM |
.gif "thanks")
نننننننننننننننن كملييييييييييييييي
العرض العادي
