|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
06-13-2011, 08:02 PM
| ||
| | ||
 رواية صدفه أحب أقدم لكم أول ويمكن آخر كتاباتي :. يوميات بنات عربجيات صارت لهم أجمل صدفه بحياتهم بس بالنسبة للبارتات راح يكون كل بعد يومين بارت ويمكن أوقف إذا مافي تفاعل منكم وارجوا ماتخيبون ظني وتعبي أترككم مع البارت :. غادة / بنات شرايكم نطلع بالمعلمة قرون ؟ منى / انا عن نفسي موافقة بس وشو نسوي رغد / انا بعد موافقة اليوم بعطيكم فرصه خليت استهبالي على المعلمات اليوم من نصيبكم غادة/ غريبة رغد وش فيك اليوم ماستهبلتي عنود / إيه صح اول مره بالتاريخ رغد هاديه وش أفطرتي أخاف تعبانه رغد / ولا شي بس بشوف كيف راح تكون الشلة بدوني أعرفكم على الشلة:. غاده/ بشرتها بيضا عيونها عسلية انفها صغير وحلو شعرها بني غاامق وقصير لكتفها وعربجيه منى/ بنت هاديه ومرحه وشاطره وجميله وما تحب حركات الاستهبال سمرا شوي مو مره وعيونها سودا وشعرها فيكتوريا لونه زي لون شعر غاده بس افتح بدرجتين منه مها /بنت عربجيه واستهبالها قليل عيونها عسلية يعني كلها على بعضها حلو عنود / اوووه عاد ذي وخرو عنها محد يقدر لها غير وحده الحين تعرفونها عربجيه بمعنى الكلمة سمرا شوي تستقوي على المعلمات تحب ينادونها ابوعناد وصلنا لرغد/ رغد الوحيدة اللي تقدر على العنود مثل ماقلت من شوي هذي ام الاستهتار يعني ولد ولد اللعن من العنود مئة مره يعني لا عصبت تقوم المدرسة بكبرها اللي قدامها تهاوشها يعني تقوم الساعة وهي مابعد طلعت عوبه مرررره يعني لاحد يقرب لها عيونها ناعسه ورموشه شوي كثيفة شعرها طويل لأخر ركبتها ولونه اسود سواد الليل وبيضاء واللي يشوفها يقول مقطعتها النعومة تنحب بسهوله من مظهرها ينادونها سعد هذي الرأس المدبر لأنها الرئيسة مها/طيب عطينا فكره ياعنود عنود/ ماعندي وانتي مها/لو عندي ماقلت لك ياعبقريه رغد عطينا اقتراح بليز لاتخربين رواقتي عنود /بليز منى/ بليز غادة /بليز خلاص خلاص عندي فكره بس مو استهبال الشلة يناظرون بعض بأستفهام وقالت غاده/كيف؟ رغد / ننحاش العنود / أي والله ماجربنا النحشه بس نبي خطه متقنه وتنحنحت رغد/ احم احم نحن هنا العنود /يله ياسعد نورنا رغد / تعالوا لخطه هي ..... عنود / ذكيه طالعه علي ماشاء الله مها / لا والله طالعه علي وبدا الهواش وصارخت رغد وقالت / بـــــس ماني طالعه على احد من زمان انا ذكيه غاده/ لاتثقين بنفسك مره عاد يله مافي وقت خلونا نبدأ بسرعة رغد / يله بس ترى ثقتي بنفسي بمحلها وبدت الخطة :. منى مهي معاهم طبعا بس تساعد راحت تجيب طاولات من اقرب فصل وكان الفصل اللي الهندي داعي عليه كان أول ثانوي حطوها فوق بعض منى كانت 2مهمة لها المراقبة وتسلقو البنات الأولى غادة والثانية مها والثالثة عنود والأخيرة رغد خلصت المهمة ورجعت منى الأغراض عشان مايثير الشكوك احتارو وين يروحون وقالت العنود /بنات فيه مدرسه ثانوية قريبه من هنا حيل قالت رغد / يله تدلين الطريق العنود /افاا عليكم أعجبكم وبالطريق لقو باب بيت مفتوح على كبره تجرئت رغد والعنود ودخلو لق وحوش كبير وفيه عجوز فارشه فرشتها وتقهوا وماعندها احد يوم شافت البنات قالت / ياهلا والله ومسهلا ببنات ام خالد تعالن تتسهون شوي وانا امتسن دخلن ورغد قالت/هلا والله ياعمه كيف محمد وسليمان <<<تستهبل عشان العجوزمخرفه العجوز / والله طيبين انتن كيفكم وش اخبار امتس والله كلهم يسلمون عليتس <<<قاضيه البنت وجت عنود الا ياعمه متى حددتو خطوبتي من فهد ولدتس <<تقلد كلامها قالت العجوز/من انتن ومن بناته ؟ العنود حنا بنات آم خالد مثل ماخترتيها لنا تكون ام العجوز /هاو من ام خالد عنود /حنا بناتتس يايمه أمس جبتينا العجوز / هلا والله بعفراء وصيته تقول لرغد/ياصيته وين ولدك رغد عصبت/انتي ياعجوز القايله الحين انا صيته العجوز /هاو منهي عجوز القايله ومن بنته ماتت عنود ضحك عاد رغد فاااااااار دمها وقالت يايمه رغد اقصد صيته فار دمها العجوز/وين الفار ماشوفه رغد بغت تقوم عليها بس لحقت عنود عليها وهدتها بالغصب وقالت العجوز للعنود/وضحى جيبي القهوة فطست رغد ضحك وعنود عصبت شوي ولا التفتو شاب وراهم شكله عذاااب بالثوب والغتره وهو يناظر رغد ويبتسم على هبالها هي وعنود بس عيونه مركزه على رغد لأنها كانت كاشفه وخق على شكلها ورغد بسرعة تغطت حتى غطوتها احتاست وجا وقف عندهم وقال/شعندكم عند جدتي قالت رغد بصوت واضح عليه الخوف /انا اسفه بس شفت باب مفتوح وقربت ولاجدتك الله يعطيها العافية نادتنا وتحسبنا بنات ام خالد قال الشاب / عادي اهم شي ونستوها ماكان عندها احد انتي بنت ام خالد رغد / الله يهداك يا وما مداها تكمل كلامها ولا قال /سعود اسمي سعود رغد/ عاشت الأسامي بس جدتك يعني عذرا مخرفه انا ماني بنت ام خالد سعود / اجل من بنته ؟ رغد قالت / يااخ سعود انا ماامداها تكمل ولاتقول عنود / آسفين بس مانقدر نطول اكثر مع السلامة وآسفين مره ثانيه وراحوا لغادة ومها اللي كانو واقفين عند الباب وميتين ضحك على استهبال خوياتهم وشكلهم يوم جا سعود وقالت مها كم الساعة عنود / امم الساعة 11 باقي ساعة وتطلع مدرستنا وقالت غاده /بنات إذا شافنا السواقين جايين من مكان غير المدرسة بيعلمون أهالينا ونروح فيها قالت رغد أنا عندي فكره وسمعوا سعود يقول يله ياام الأفكار طلعيهم من ورطه نحشتكم وقالت رغد/ انت ليش هنا سعود /لاوالله تبون تطلعوني من بيتي وقالت العنود رغيد وجع تطردينه وهو بيته خلينا نطلع قال سعود/ اقدر اساعدكم مها /لاشكرا سعود/طيب كيف تطلعون من الورطة غادة/ صح رغد وشي فكرتك رغد/ نروح مشي عنود باستخفاف / بسم الله عليك ذكيه كم المسافة من هنا لهناك مالنا إلا سعود سعود وش حلك سعود اوصلكم بس بعيد عن الباب وتتصلون على اهاليكم وكل وحده تقول بروح مع صديقتي رغد ويجي دور رغد وتقول بروح مع وحده منكم رغد فتحت عيونها بكبرها / وش معرفك بإسمي سعود / الحين كم مره نادوك صديقاتك وتبيني ماعرف اسمك عنود / رغد وش فيك الحين صرتي غبية بالعادة محد يحل مشاكلنا غيرك وشفيك رغد/ بله الحين معانا رجال وما تبين يقفل مخي من الخوف سعود/ الله الحين أنا صرت أخوف الله يسامحك رغد رق قلبها عليه وقالت /اسفه ماكان قصدي سامحني قاطعتها العنود / خلصونا من الأسف ويله نروح لبيوتنا يله ياسعود ممكن تودينا سعود / الظاهر انا سواقكم تمشوني متى ماتبون استنو شوي خلوني اشبع من اللي قدامي يقصد رغد رغد ذابت من الحيا لدرجة انها تحس بالحر وقالت بصوت ناعم / احترم نفسك لو سمحت خق سعود على صوتها وقال مشينا ياقلبي قالت عنود / ممكن تحترمنا ياسعود خذ رقمها وتكلموا متى ماتبون بس بسرعة خلونا نمشي قبل لا يشوفنا احد يله رغد انقهرت من العنود قال سعود للعنود/ ماراح امشي لما تعطيني رقمها عنود ابتسمت وبسرعة قالت بالسيارة رغد قالت بصوت عاااالي ويخوف لدرجه خاف سعود منها / عــــــنــــــــود ابلعي لسانك أحسن لك ومسكت عنود مع يدها بقوه عنود صرخت من كثر ماعورتها وجت رغد تهجم على العنود ضرب العصبية نستها اعز إنسان عندها بس لحق سعود عليها ومسك رغد وسحبها وعنود حالة إغماء وانتبهت رغد باللي سوته وبعدت سعود لحق على عنود واسعفها لأنه ماخذ دورة إسعاف ركضت رغد بعد ماصحت عنود وماحست حالها إلا طايحه بالأرض وتسمع صراخ سعود والبنات وغمضت عيونها لاإراديا ..................................................... انتظروني بموعدنا مع البارت الجاي بعد بكره انشا الله لاتنسوا ردودكم باي   |
|
#5
06-13-2011, 11:38 PM
| ||
| | ||
| ركضت بعد ماصحت عنود وماحست إلا هي على الأرض وتسمع صراخ سعود والبنات وبعدها طنين بأذانيها وغمضت عيونها لا إراديا .................................................... فتحت عيونها بكسل شديد ولا تشوف سعود والبنات موجودين حولها سعود لاحظها وطار من الوناسه استغربت إن العنود واضح عليها البكي وكل البنات بس العنود مرره وضمتها بقوه وقالت/ انا اسفه ماكنت واعية العصبية سيطرت علي آسفة ياقلبي العنود / مسامحتك يالغلا وبعد عناء قدرو يفكونهم وضمت باقي البنات وقال سعود/ انا مالي دور يعني متعني من البيت للمستشفى والأخت مقعدتك على حضني ورجولي تكسرت فتحت رغد عيونها على كبرها وقالت/مقعدني على حضنك سعود بإستخفاف/اهاه من قال؟ رغد / عنود وش السالفة عنود ناظرت ساعتها وصرخت /الساعه54  2رغد / بسرعة سعود واللي يرحم أمك وصلنا بسرعة سعود لقاها فرصه وقال / ماتحرك من مكاني إلا لما تعطيني رقمك الحين سحبت رغد منديل وطلعت قلمها الخطاط وكتبت الرقم بسرعة وعطته/ وقالت بسرعة وصلنا سعود/لهدرجه معجبة فيني ماصدقتي اطلب الرقم رغد تناظره بنظره تخوف وقال /احم احم يله امشو رغد بمرح / شباب مايمشون إلا بالعين الحمرا ضحكو ومشو تقدر تطلع رغد لأن حالتها عاديه وسليمة ركبوا السيارة طبعا البنات ورى متحاشرات التفت سعود وشافهم وضحك وقال/رغوده انتي مريضه لازم تكونين قدام رغد/كنت فعل ماضي مبني على السكون قالت العنود/ رغد مو مبني على السكون لا مبني على البكاء وعلامة كسره سعود الظاهر على آخره قالت غادة/فكونا من القواعد حدي كارهته وكارهه اللي تشرحه سعود/مبين عليكم انكم عجربات عنود / مو عجربات عربجياات رغد /ليش شايفنا عقارب يوم تقول عجربات سعود بصوت عذااب / السموحه يارودي البنات ناظرو وجه رغد الخجول لأنه قالها بصوت هادي وتحسين حنون وضحكو عليها وصلهم وحده ورى الثانية طبعا بعيد شوي عن الباب وصار الموقف نفس مواقف بعض يوم جو وهو: أول مادخلت البنت إلا الأم واقفة تقول:وينك تأخرتي يايمه مو من عادتك البنت يمه رحت مشوار صغير عند صديقتي رغد الكل قال رغد بس رغد قالت:كنت عند العنود اخذ منها دفتري لأن عندي بكرا اختبار وماحددت رحت لبيتهم حددت وجيت طبعا صدقن الأمهات رغد طلعت لغرفتها ماامداها ولا جوالها يدق المتصل غريب بس عرفت انه سعود ردت وقالت / الو سعود العلاج بالشنطه حطيته بدون ماتدرين لأنك فاقده الوعي اللي لونه اصفر بعد الغدى والأخضر قبل النوم رغد / مشكور ياسعود اللي سويته مو شوي بس بردها لك يوم سعود /ماسويت الا الواجب حنا حاضرين للحلوين سكتت وعرف انها استحت وقالت فديت الخجول يانااس رغد /سعود سعود / عيونه رغد تبي تصرف /امي تناديني باي سعود / رودي حلوه التصريفه بس تراها قديمه المرة الجايه خليها جديدة اوك رغد/سعود انا مااكذب امي تناديني للغدى باي سعود لاتنسين العلاج طيب رغد /طيب سعود /باي رغد/ باي تنهدت وحفظت رقمه بالجوال وسمته ""أحلى ناس "" وبدلت ولبست بلوزه حمرا نص كم وبنطلون اسود للركبة وراحت تتغدى ..................................................... أعرفكم على بيت رغد أبوهم أبو فيصل رجل من كباريه السوق أمهم أم فيصل ربة بيت الأخ الأكبر فيصل يشتغل مع أبوه في السوق شاب جميل وعريض مواصفاته حلوه يعني كله على بعضه حلو ينهبلون عليه البنات بعدين رغد ثالث ثانوي تعرفونها ريم بثالث متوسط بنت سمرا شوي وعيونها كبيره رموشها شوي كثيفة جسمها حلو رائد خلص الدراسة ومعاند مايبي يشتغل مع أبوه جميل ابيض شعره اسود يشبه رغد بس جسمه عريض مثل فيصل عائلتهم ثريه من الناس الهاي هاي جلست على طاولة الطعام وقالت ريم/رغد انتي ماخذه سواري السودا الجديدة رغد/يب ريم/ابيها بروح لرهف اليوم رغد/وش تلبسين ريم/بنطلون وبلوزه رائد/انتي كل يوم لازقه رهف عطيها إجازة منك لو يوم واحد بس ريم/مالك دخل وخلك باباشميل حقتك رائد /منقهره إن أمي سوت لي لحالي ريم /انا عندي عادي ماحبها كثير فيصل /رغد منو حابك اليوم من المدرسة رغد خافت انه شافها ,,................................................... انتظروني بالبارت الجاي |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هل معقول هذه الصور صدفه !!! | رهومة بابا | موسوعة الصور | 10 | 08-07-2011 03:17 AM |
| رواية صدفه | رغوده كول تكره سكول | أرشيف المواضيع الغير مكتمله او المكرره او المنقوله و المخالفه | 3 | 06-13-2011 09:42 AM |
| رواية احلى صدفه في حياتي | بنوته كووووول | أرشيف المواضيع الغير مكتمله او المكرره او المنقوله و المخالفه | 4 | 04-23-2010 03:35 PM |
| نبوءة أم صدفه رقميه | حمزه عمر | نور الإسلام - | 5 | 08-24-2007 04:05 PM |
| نبوءة أم صدفه رقميه | حمزه عمر | نور الإسلام - | 2 | 04-28-2007 07:06 AM |
بس كان عندي امل انه راح يكون فيه تفاعل .gif "Icons(7)")
على العموم اذا بغيتو البارت الثاني قولو
العرض العادي
