|
|
#26
09-04-2012, 10:42 PM
| ||
| | ||
 السلام عليكم رحمة الله وبركاته اعذروني على تأخير انشغلت كثير ولا قدرت انزل البارت واتمنى محد يزعل مني تفضلوا اقرأو البـــــــارت السادس في الغرفة .... ليال : (تلبس تي شيرت ...تاخذ غترة ابوها ....تلبس ثوب ابوها .. تفرش السجادة ... تكبر ... ) معلومة : ليال لبست ثوب ابوها وتحجبة بغترة ابوها لانها تبي تصلي ومالقت شيء تقدر تصلي فيه غير الشماغ والثوب ..) محمد : ( يناظر ليال بتعجب ) حديث نفس : ليش مسوي نفسه ولد وابوه يدري انه بنت ليش جابه هنا وليش سوى كل هذا ... لحظة ليكون هذيك البنت اللي طلعت بوجهنا هي هاذي !! اطلع واقول انت بنت ولا اسكت يالله لا لا لا لو فضحتها راح تكرهني وليش افضحها اكيد وراها سالفه بعدين لو تقربت منها راح اخليها تحبني احم احم وبتعترف انها بنت وتقول احبك وماقدر استغني عنك وانا عارف اني احسن واحد فيهم مارح اعلم احد مايصدقون على الله يلقون بنت جنبهم وتخاويهم بعد .... ليال : ( بعد الصلاة ... تفك الشماغ وثوب وترجعهم بمكانه ) (تمشي ... تطلع ..) حديث نفس : مرة عطشانه ...فهد قالي..... كرتون مويه هناك محمد : ( يطلع من دولاب وجهه محمر ) حديث نفس : يالله يوه حر (لازم اروح اتوضا واصلي بحاول ادخل الحمام من دون ماتشوفني (يمشي ... يشوف ليال من بعيد وهي تاخذ المويه معطيته ظهرها يمشي بهدوء ويدخل الحمام ويسكر الباب بهدوء ليال : (تلتفت ورى ) كأني حسيت في احد ؟ بعد مرور خمس دقايق .... صوت فتح باب الحمام بقوة (يكرمكم الله ) ليال : ( تتفاجئ وتناظر يمين يسار ... محمد : هي انت انا هنا ؟ ليال : حديث نفس : ليكون ماراح المسجد !!! محمد : وش فيك ؟ ليال : هــا لا ولا شيء بس متى كنت في حمام محمد : من زمان انا في حمام مابغيت اطلع اروح اصلي بالمسجد علشان المسجد شوي بعيد وانا مالي خلق امشي ليال : اهـــا ( حديث نفس : حمدلله لك يارب انه ماشافني ) محمد : بروح اصلي (يفرش السجادة ... يكبر ) ليال : ( تجلس ......تطلع جوالها من جيبها ... تناظر ) حديث نفس : يارب ماخرب (تحاول تشغل الجوال ) بعد مرور خمس دقائق محمد : ( يسلم ) بصوت عالي : السلام عليكم ورحمة الله السلام عليكم ورحمة الله ليال : هي هي لا ترفع صوتك وش تحس به امام مسجد مثلا قصر صوتك شوي محمد : ان شاء الله (يبتسم ) ليال : !!! صوت ضرب الباب ليال : (تتفاجئ ) وش فيهم ليكون صار شيء ؟ محمد : بروح افتح الباب اعذرني لحظة ليال : (تناظر بتعجب ) حديث نفس : وشذا الأحترام دايم يزعجني وش فيه مؤدب الحين ؟! خال عاصم : يالله ياعيال قربوا افطورو تعالوا عبد العزيز : (جالس ياكل ) يوه جيعان مرة ابو عبد العزيز : من عرفتك وانت صغير جيعان كل عليك بالعافيه ابلع ابلع عبد العزيز : يبه تحسدني تراه كم لقمه عاصم : ههههههههه ( يجلس .... ياكل ) فهد : ( يجلس ... ياكل ) واجتمعو كلهم من ابو نايف وابو ليال ونايف .... مابقى الا ليال ومحمد ليال : ( تركض ) بجي اكل انتظروني عاصم : ماكأنه الشورت حقي ؟ اللي توني شاريه جديد ! نايف : حديث نفس : تي شيرت حقي ؟! يمكن استحى ياخذ قدامي وخذاه من وراي معذور عادي ليال : (تجلس جنب ابوها .... تاكل ) عاصم : (يناظر بحقد ) حديث نفس : وبعد الفطور في غرفه كان مافيه غير ليال يدخل عاصم ... عاصم : هي ماكنه هذا شورتي ؟ ليال : هـــا ؟ عاصم : هي هي افصخ الشورت حقي توه جديد وسرقته ياسارق السراويل ليال : هي هذا شورتي توني شاريه امس شراه لي محمد وش تبي ؟ عاصم : متأكد انه هذا شورت حقي رجعه لي اليوم فاهم ليال : هي هي مارح ارجعه حقي عاصم : طيب (يقوم .... يقرب من ليال ... يمسك تي شيرت ليال بقوة ) سراق السراويل ليال : هــي انا ماسرقت شورت حقك فكني يدخل محمد ... محمد : هي هي ابتعد عنه (يحاول يفك عاصم من ليال ) عاصم : وش تبي انت وش دخلك ؟ محمد : انا سرقت الشورت حقك عطيته عبود وقلت انا شريته وخر عنه عاصم : ماشاء الله صار محمد سراق سراويل ليش ماقلت لي انك بتاخذه محمد : لأني عارف مافي امل اخذ منك بستئذان فخذيته بدون علمك وراح يرجعه لك عبود نظيف ومغسول وش تبي بعد ؟ عاصم : (يفك ليال ) (يناظر محمد وليال ) رجعه لي نظيف فاهم (يطلع من الغرفه ) ليال : (تضحك ) الحمدلله الشورت جديد من قدي ماخسرت فلوس ولا شيء هي محمد رجع فلوسي محمد : (يناظر ليال ) ليال : (بتوتر ) محمد محمد : هلا ليال : (تمد يدها ) ابي فلوسي محمد : (يطلع الفلوس اللي عطتها ليال ) خذ ليال : ( تاخذ فلوس ... وهي تاخذ الفلوس لمست يد محمد ) محمد : (يمسك يد ليال ) ليال : (تناظر متعجبه ) يدخل عبد العزيز عبد العزيز : عيال تلعبون بلوت معنا ؟ ليال : (تسحب يدها من يد محمد ) ايه بلعب معكم عبد العزيز : يالله بسرعة تعالوا ترى ان في الزرع هناك (يأشر ) ليال : طيب (تبتسم ) عبد العزيز : (يطلع ) ليال : محمد محمد محمد : هــا هلا ليال : ماعرف كيف اللعب بلوت تعلمني محمد : اكيد راح اعلمك طلبك رخيص اسمع وبعد خمس دقايق ليال : اهــا فهمتها طيب غششني وانا بغششك ها محمد : طيب ان شاء الله وهم في الزرع يلعبون بلوت محمد وفهد وعاصم وعبدالعزيز وليال ليال : هي انتم كلكم غشاشين فهد : هي هي انت الغشاش انت ومحمد ترى انا ساكت لك ليال : مسوي طالع منها انت تغش مع عاصم المريض عاصم : هي هي انا مريض محمد : هي وش عرفك انا وعبود غشينا شفت انك كذاب وغشاش عبد العزيز : هي هي تراه لعبه عيال عيال تراه لعبه ليال : (تحذف الورق على الأرض ) بايخه اللعبه فهد : بشر امك عبد العزيز : مليت من اللعبه بروح اكل شيء ( يقوم ... يروح ) عاصم : يالله انقلع ياسراق السراويل ليال : هي هي انا ماسرقت شيء (يرن جوال ليال ) (تطلع جوالها .. تشوف ..) عن اذنكم (تمشي) وفي الغرفه ... ليال : هلا جمانه جمانه : هلا فيك وش مسويه ليال : صار لي شوية مشاكل بس الحمدلله جمانه : اتوقع لأنك نسيتي الملابس اللي كنتي تبين تاخذينها معك صح ليال : على مااعتقد المهم اخبارك انتي واخبار امي ؟ جمانه : امي الحمد لله تمام وانا متوترة شوي بروح جمعت خوالي اليوم ومو عارفه وش اللبس ليال : اللبسي أي شيء جمانه : طيب حلو لو اللبس تنورة سكيني ولا بنطلون ؟؟ فهد : عبود عبود ليال : اختاري اللي يعجبك بكلمك بعدين فمان الله (تسكر الجوال ) فهد : عبود انت هنا وانا ادور عليك تعال اسبح معنا وراح اعطيك تي شيرت حقي تستعيره اليوم هاا ليال : لا لا لا انا ماحب السباحه ولا اعرف اسبح ولا ابي اسبح فهد : طيب براحتك طيب على الأقل تفرج علينا ليال : ايه كذا موافق ( تبتسم ) في البيت في غرفة جمانه ... جمانه : حديث نفس : اخ اشتقت لك ياغبيه وعلى ذوقك كنتي تعلميني وش يناسب لي وتساعديني واساعدك والحين انتي في جهة وانا في جهة ثانيه (تتنهد ) ام ليال : يالله جمانه حبيبتي تجهزي بسرعه جمانه : ان شاء الله يمه في الأستـــــــراحه في المسبح .... وهم يستهبلون ليال : ( وهي جالسه على كرسي ... تناظر فيهم ) حديث نفس: اخ ودي اسبح ولا اقدر بروح حمام (تقوم ... تمشي ... ) محمد : حديث نفس : بروح اعرف وين راح ) عيال انا طالع جعت بروح اكل شيء (يطلع ) عبد العزيز : وانا بعد بروح معك محمد : لالالا تجي معي ( يمشي ... ياخذ الفوطة .. ينشف شعره ..) حديث نفس : وين راحت ؟ في حمام (يكرمكم الله ) ليال : حديث نفس : كنت حاسه انها نزلت علي وش اسوي الحين .؟ محمد : (يدق باب الحمام ) في احد ^^^^^^ (يكرمكم الله ) ليال : ايه في احد وش تبي محمد : يالله اطلع ابي اتسبح انتظرك هنا ليال : حديث نفس : يارب ساعدني وش اسوي الحين ؟) محمد محمد محمد : هلا ليال : ممكن تجيب مناديل لي محمد : مناديل !؟ طيب بروح اجيب لك ليال : انتظرك بعد حوالي ثلاث دقايق محمد : (يدق باب الحمام (يكرمكم الله ) عبود خذ المناديل ليال : (تفتح الباب ... تاخذ المناديل .. تسكر الباب ) محمد : ( حديث نفس : ليش طلب مني مناديل ؟! ) ليال : (تفتح الباب ... تطلع .. مشكور ) محمد : ؟ ! العفو في مجلس مجتمعين .. ليال ترسل لأبوها بجوال مكتوب فيها يبه ابيك بموضوع مهم تعال اطلع ) ابو ليال ما سمع صوت رساله في جواله وجالس يسولف مع شياب ويضحك ليال : حديث نفس : اخ وش اسوي ؟ نايف : ( يحس في ليال شيء وجلس يناظر باليال ) عبود عبود تعال معي ليال : هلا طيب في خارج الأستراحه نايف : عبود انت كنت متوتر في المجلس وش فيك ؟ ليال : هــا أيــه مافيني شيء ابدا ( تبتسم ) نايف : متأكد ؟ ليال : ايه متاكد محمد : هي وين كنت (يقرب من ليال .. يمسك يدها ويسحبها ) وهم يمشون ليال : هي هي لاتضغط بيدي بقوة محمد : (بقهر ..ومنزل راسه ) ليش كنت معه ؟ ليال : عادي يسألني اذا كان فيني شيء وبعدين وش دخلك فيني (تفك يدها من يد محمد تعطيه ظهرها وتمشي ) محمد : غبي وفي الليل وقت العشاء .... وهم ياكلون .... محمد : (يناظر ليال ) وفي وقت الكل نايم كان صاحي محمد ويسوي نفسه نايم ويشوف ليال وش تسوي ليال جالسة بعيد عنهم وتناظربجوال وبعد دقايق يشوف ليال تطلع من غرفه محمد : عبود عبود ليال : نعم وش قومك ؟ محمد : ابي اكلمك بموضوع ليال : يالله قول محمد : مو هنا تعال معي هناك ليال : ؟! طيب وفي الزرع .... محمد : (يناظر عيون ليال ) ليال : وش الموضوع محمد ؟ محمد : ابيك تقول الصراحه ومارح اعلم احد اوعدك ليال : طيب طيب قول اسأل محمد : انت بنت صح ؟ ليال : (بتفاجئ ) هــا محمد : (يناظر ليال ) ليال : كككيف عررفت ؟ محمد : (يبتسم ابتسامة هاديه ) مارح اعلم احد بس ابي اعرف ليش تسوين نفسك ولد ؟ ليال : (تنزل راسها ) لأني راح اغير جنسي من اثنى إلى ذكر محمد : هـــا ليش .؟ ليال : ابوي فرح كثير اني بصير ولد لأنه بغى يكون له ولد في حياته كنت وانا صغيرة حوالي كان عمري 7 سنوات كان مايجي الا احيانا ويوم من الأيام كانت امي معصبه تقول لابوي راح تاخذني وتسافر وهو مسرع بسيارة صدم وصار له حادث وجلس اسبوع في مستشفى وطبعا في هذا الأسبوع كنت انا كل يوم ازور ابوي وخبرو ابوي انه صار عقيم مايقدر يجيب عيال انصدم ابوي وجلس متضايق وماوده يشوف أي احد اللي كان يعتني بأبوي زوجته الثانيه (تبكي ) ابوي من القهر طلق امي جلست نادمة ومتحسفة على اللي صار ومابيدها حيله تسوي شيء محمد : (يناظر ليال بحزن ) ليال : لأنه كان وده يجيب ولد وكان له أمل بس عقب الحادث راح الأمل منه (عيون ليال مليانه دموع ) وبعدها امي جلست تسوي علاج اللي يفتح البويضات علشان تقدر تحمل بولد وفي يوم من الأيام وانا جالسة بحضن جدتي قالت جدتي امك ماقامت من النوم تروح للمستشفى قرب موعد بروح اصحيها وقامت جدتي تروح تصحي امي الا اصلا امي ماكانت نايمه كانت (تبكي وعيون ليال احمرت ) ميته محمد : يقرب من ليال (يضم ليال بقوة ) ليال : (تبكي ) وجدتي بعدها اغمى عليها من الروعه لأنها كانت كبيرة وماتتحمل ودخلت بغيبوبة لمدة ثلاث شهور ثم ماتت كان بيكون قبل وفاة امي كان اول يوم دارسه لي بمدرسة وكنت بصف اول ابتدائي (تبكي ) محمد : اعذريني لأني ذكرتك بشيء ماودك تذكرينه واوعدك من الحين اني راح اكون دايم جنبك ليال : (عيونه مليانه دموع وساكته ) وفي صباح ....... الساعه عشر وبعد الفطور ماتكلمت ليال مع أي احد محمد : (يناظر ليال ) حديث نفس: ياليت اني ماقلت شيء له كان الحين يضحك (يتنهد ) ياليل صدقوا يوم قالوا لي انت ملقوف (يضحك ...يقوم ... يمشي رايح لليال ...يجلس جنب ليال يحط يده على كتف ليال ) ليال : (ساكته ومااهتمت بمحمد ) محمد : (يضرب جبهت ليال بقوة ) ليال : (تنزل راسه ) أح وش تبي مني محمد : (يقوم ... يضحك ) يالفاهي يالله تعال نلعب بلاستيشن واذا فزت علي اعطيك اللي تبي ليال : موافقه ابي فلوس محمد : ههههههه ياحبك للفلوس كم تبي لو فزت علي ليال : ابي 100 ريال محمد : ههههاي احلم تفوز علي يالله قوم نلعب وهم يلعبون ببلاستيشن ...... كورة ليال : هي هي انت غشاش محمد : كذاب انا ماغشيت وكيف اغش اصلا ليال : طيب (تقوم .... تحط يدها بعيون محمد وتسكرها ) فهد فهد العب بدالي فوزني وراح اعطيك خمسين محمد : فكني ياغشاش فهد : هــا خمسين ريال موافق (يجي بسرعه وياخذ يد البلاستيشن ويلعب ) محمد : ( يحاول يبعد يد ليال عن عيونه ) ليال : ( تبعد يدها عن محمد ) ها وخرت فهد : قوووول يابوي ليال : هههههاي صار تعادل محمد : ياغشاش تخلي فهد يساعدك وتسكر عيوني غشاش مايعتبر القول ليال : انت ماقلت ممنوع الغش او احد يساعدك مو صح اجل اسكت مالك وجهه تتكلم محمد : خلاص بعتبر هذا قول بس الحين مافي احد يساعدك اويغششك او تحط يدك بعيوني ليال : طيب طيب (تبتسم ) محمد : (استحى )حديث نفس : رجعت ضحكتها بس القهر انها مصممه تكون ولد وبعد اللعب فازت ليال ليال : شفت اعرف العب ههههاي محمد : هههههههه طيب متى تبي الفلوس ليال : من جدك كنت امزح مابي شيء منك (تبتسم ) ^^^^وبعد صلاة العصر يجهزون ارغاضهم بيرجعون لبيوتهم وكل واحد ودع الثاني مابقى الا نايف وأبو ليال وليال ....^^^ ليال : الله معك نايف (تبتسم ) نايف : (يناظر ليال ببرود ويعطيها ظهره ويركب سيارته للمعلومة سيارة فهد دوج 2012 ليال : حديث نفس : وش فيه ؟ مارد ويناظرني ببرود شكل مزاجه متعكر ابو ليال : يالله عبدالله ليال : طيب يبه (تركب السيارة ) وبعد وصول في البيت وراحت ليال علطول غرفتها تنام وماكانت جمانه وام ليال موجودين وبعد صلاة العشاء تقوم ليال ليال : (تفتح عيونها ... تناظر جوال تبي تشوف الساعه الا تشوف 20 مكالمة لم يرد عليها وتستغرب تفتح تشوف 8 مكالمات لم يرد عليها من محمد  مكلمات من عزوز 5 مكلمات من فهد وعاصم ثلاث مكالمات لم يرد عليها حديث نفس : غريبه ليش متصلين علي اخاف في شيء مهم ياليت ماحطيت جوالي على الصامت ) (تتصل بمحمد ) محمد : ياغبي ليش ماكنت ترد تعرف وش صار ليال : هي لا تسب وش فيكم ؟ صار شيء ؟ محمد : نايف صار له حادث .... ليال : حادث !!! البــــــــــــارت السابع يوم الثلاثاء القادم تاريخ 24 \10\1433هـــ من تـــــــــأليــف : وداد لتواصل معي بالفيس بوك هذا اسمي ( جونجو جايسون ) |
|
#28
09-04-2012, 11:55 PM
| ||
| | ||
| بارت رائع او رواية اروع عجبتني الرواية كثييييييررر منتظرة البارت الجاي حماااااس
__________________  تحبا بلادي و قادمين لاحتلالكم ايها البرازيليون  ~مُدَونَتي~ أدْخُل~هنآآآ~وَلَن تَندم بَل....... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ل يوم حتلاقى نكت تموت من الضحك أو تموت من الفقع فى كل الحالات حنخف شوية من عدد السكان و نساعد بلدنا فى أزمة البطالة | malk*alhob | نكت و ضحك و خنبقة | 12 | 06-25-2016 05:26 PM |
| متى تصبح صديقاً... ومتى تصبح حبيباً | BOSS of BAGHDAD | مواضيع عامة | 6 | 08-09-2015 07:09 PM |
| متي تصبح طبيبا ومتي تصبح حبيبا | osha | أرشيف المواضيع الغير مكتمله او المكرره او المنقوله و المخالفه | 4 | 02-21-2007 11:08 AM |
60Likes
العرض العادي
