|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
05-05-2006, 09:15 PM
| ||
| | ||
| أنا.. وروتانا سينما.. وmbc2 ... البارح!!! السلام عليكم كيفكن ان شاء الله منيحين << لاحول ذبحوه هالعالم من كثر مايقولون له يالبناني صار يتكلم زيهم  <<< اقول والله من النصب  <<< رجاء خاص انت مالك دخل <<< اقول رح شف لك بقرة تلحسك  << .. الخ  موضوعنا اليوم يدور حول عمود كهرب في الدائري الشرقي متجه بأتجاه طريق الدمام المتقاطع مع طريق مكه مروراً بطريق الملك عبدالله <<< دليلك السياحي داخل الرياض ... هذا السطر برعايه خميس وجمعه ...  نعود لموضوعنا ... تصدقون عاد .. انا ابي اكتب موضوع .. لكن مدري وش اعنونه به ... فكروا معي لو تكرمتوا ... وافضل عنوان وفكرة سوف يحصل على جائزة نقديه عباره عن ميلك شيك بارد جاهز للاستخذام ( يسمع بالجوائز النقدية  )^^^^ ياشينه اذا بغى يستخف دمه << اقول خل عنك والله اني عسل <<<  طيب انتهينا من التميلح والاستظراف وخفه الدم  البارح على غير العاده جلست اتابع التلفزيون .... >>> مداخله رياضيه .. الف مبروك فوز الشباب والهلال << بيضوا وجيهنا .. قسم بالله البارح من زود الفرحه بغيت اروح اكفخ الي جاب لوحه كاتب عليها ... الزعيم واحد يا أشباه الزعماء << قهر جمهور العنابي الله يصلحه  عدنا <<< اقول لاعاد تشطح لاوالله مو بزين لك  المهم خلال تجولي على القنوات مررت سريعاً بقناة روتانا سينما ( مش هتئدر تغمض عينيك ) واطالع الا فلم مصري شد انتباهي فتابعته ..كان موضوعه يحكي قصة رفيقة السوء .. كانت شفيقه بنت مثابرة ملتزمه ( صحيح انها ماتلبس عباه ولكن كانت ماتدقها على حبه ونص وهيه هي يامعلم .. ولاهي راعيه شيشه ... ومن البيت للغيط عدل .. ) الين راح اخوها للتجنيد ( طبعاً شكل الي اخذوه للتجنيد اتراك مدري فرنسيين المهم ماهم بمصريين ) << ياعيني على المتابعه راح المسكين وهو مربوط برقبته وجنبه واحد ثاني شكله فتيت بلايستيشن  ويوم جو ياخذونه التفت لاخته وقالها ( انتبهي لنفسك يابت ياشفيقه ) قالت ياخوفي افقدك ياخوي  قال لها .. مصير الحي يتلاقى .. وذهب مع من اخذوه وقلبه يعتصر الماً من فراق البلد واهل البلد واخته التي سيتركها تصارع الحياة بالحالها بقيت شفيقه تعاني فراق اخوها وتكبدت عناء الحياة لحالها دون ان يمد لها احداً يد العون << مالهم داعي الصعايده ماحد لمها عنده << يلعن ام الاخوه ياشيخ  استمرت على ماهي عليه حتى اتتها عجوز شبهه وجهها كنه علامه استفهام << اقول لاعاد تذب الله يصلحك وقامت تحاول في البنت انها تتزوج واحد صايع وتقول الحياة بتمشي وانتي بتستني اخوك وممكن مايجي .. ( طبعاً سوت حركات بايخه وذا الخبله شفيقة سكتت عنها .. مدري كن ودها تنحرف بس مستحيه )المهم مع كثر الاصرار عليها وافقت شفيقه انها تخاويها << على قوله البكر .. كثر الدق يفك اللحام  انخرطت شفيقة مع ذا الشله الصايعه وصارت تنام معاهم وحصل حركه في يوم من الايام في لحظة ضعف من شفيقه وقام ابو بيضه و ... ( ضاع الشرف يارقاله )خربتها شفيقه ... ياااااااااااه ياانا تقطع قلبي يوم رمى عليها ذا الوصخ الفلوس وجت العجوز الشينه تقول .. ايوه كدا هتعيشي وتنبسطي ... ودموع شفيقه تنهمر على وجنتيها واستمرت شفيقه في غيها ودشرتها برعايه واحد ثري يعرف يتكلم انقليزي وسفرها معاه ابو الشباب راحوا لندن وباريس وفيه اشاعه تقول انهم مر على جده  مخرج جانبي / كان اخو شفيقه في التجنيد وصار مهم لانه يعرف ينشن ( يقنص ) وفي يوم من الايام كان احمد بدير يشيل حجران ( مدري وش يبي فيها ) وهو يجي كذا جهت التلفزيزن والشمس وراه توحي بان الجو حار .. وهو يطالع فيني ويقول .. عاوز ميه ... بصراحة انا رحمته ودخلت يدي في جيبي وطلعت ميتين .. وهو يصيح فيني ويقول .. ايه ياقدع انت مش شايف الشمس .. انا اقول عاوز ماء << هو ماقال ماء لكن انا فهمتها على الطاير المهم اني قمت ركض للثلاجه ابي اجيب ماء بارد واخذ لي بالمره تفاحه اتلسى بها مع المتابعه رجعت الا والرئيس حق الجند ( تركي مدري فرنسي ) يقول ادرب .. واخو شفيقة يقول .. لا لا << طلع كفو والله ياحسافه يكون اخو ذيك الصايعه وهو يكررها عليه ويقول ادرب ياوله ... ويرد اخو شفيقه ... لا لا  المهم ان ذا النذل سحب مسدسه ورمى احمد بدير  .. وسقط ميتاً وعيونه تطالع فيني زي اللي يقول ( بدري )  انا بصراحه زعلت وقمت اصايح على ذا النذل اللي ذبحه ويوم شافني كذا ويقوم اخو شفيقه ويكفخة ويتصافقون الاثنين .. وانا اشجع اخو شفيقه لاني ارتحت له << قول والله والله انتهت المطاقه بتدخل اخويا النذل ومسكوا اخو شفيقه وكفخوه وجابوا لهم واحد اسود وجلده جلد طلع ظهره تقل ظهر حبه على الجمر  المهم صارت اشياء كثيرة ومتتابعه ودرامتيكيه وانتهت بأن عاد اخو شفيقه ولقى اخته راعيه خنبقه .. وهو يطلع عن طوره ويسحب السيف ويرنها في راسها بوحده اودت بشفيقة ميته شالها بين ذراعيها واتجه نحوي وانا اطالع .. وش يبي ذا  وانا اغير على قناه mbc 2 على طول وشوي يطلع لي واحد كنه رجل الي ويطلع سكينه ومسدس وبازوكه وقلم رصاص وورقه بلوت ودفتر ذكريات ومدري وشوا ... وبصراحه نظراته تخوف  قلت نعم وش تبي ..؟؟ قال ... اقول طلع اللي في جيبك لا والله افقع وجهك بلوت  قلت .. اقول طس والله وهو يتلني للتلفزيون ويرفع رجولي فوق وراسي تحت وقام يخضني لين طاحت كل الاغراض اللي في جيبي  ويرجع يجدعني على الكنبه ويقول مره ثانيه ترى باذبحك والله وانا اقفز للرموت واقفل التلفزيون واطالع الي جيبوي فاضيه ... حتى الفصفص خذاه الجبان المراد من موضوع شفيقه واخوها اللي على روتانا سينما / ان الصاحب ساحب .. فانتقي من تصاحب ويحبذ لو سويت فحص قبل الصداقه << على وزن فحص قبل الزواج  لان الصديق الداشر بيخلي نهايتك محزنه المراد من موضوع الرجل الالي اللي على الـ mbc 2 / انا الواحد لايقعد يطالع في فيلم ويخش جو تقل حقيقه ويترك البرامج المفيده الي تزيد من ثقافه ومعرفه متابعها موضوع خفيف .. ظريف ... كتبته بعد ان دبست في ذا الغداء وصكيت لي بكاسه لبن وطلع الناتج ماقرأتم اتمنى ان يحوز على رضاكم واستحسانكم تحياتي لكم |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصة جميلة جدا (موسى عليه السلام مع الباري) | بــو راكـــــان | نور الإسلام - | 3 | 06-02-2009 02:20 PM |
| سينما 11 سبتمبر | azertyuiop | قصص قصيرة | 5 | 10-15-2007 07:11 PM |
| اتمني منكم الافادة للبرنامج 4دي سينما | alzaabi | أرشيف المواضيع الغير مكتمله او المكرره او المنقوله و المخالفه | 3 | 10-10-2007 06:26 PM |
| موسوعة الحديث الشريف (صحيح البخارى وشرح فتح البارى) على اسطوانتين بروابط مباشرة | نبيل المجهول | أرشيف المواضيع الغير مكتمله او المكرره او المنقوله و المخالفه | 1 | 12-30-2006 12:51 AM |
.gif "thanks")
العرض العادي
