|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#73
10-12-2009, 07:29 AM
| ||
| | ||
| رد: معذبة قلوب الرجال رواية رومنسية مره ام فيصل:اقول فيصل..ماقامت مرتك؟ فيصل يستهبل:لا تعباانه بعد حييّ ام فيصل:كم صار لها نايمه؟؟. فيصل يناظر ساعته:امممممممممم....بتكمل الـ 4 ساعات ام فيصل:قومها وانا امك..مهوب زين كثرة النوم..بيتلخبط نومها فيصل :بس هي تعبانه؟ ام فيصل:ماعليه وانا امك..رح قومها..خل تتنشط شوي فيصل:ان شالله وقـــــــام قام فيصل وراح للـ غرقته ومر من غرفة نوف.. كانت جالسه على كرسي هزاز..وتناظر في الفراااغ...وسرحااااانه فيصل:احم نوف انتبهت له:هلا فصوول فيصل:اشبوو الحلوو؟ نوف تبتسم:مافيني شي بس افكر فيصل:بـ ايش؟...فيني صح؟ نوف:لا...فيني فيصل يحك راسه ويناظر تحت:احس اني تحطمت..! نوف:خخخخخ,, بس كان واضح انها تجامل فيصل:لالا...انا ماينفع معي كذا..ياانك حرمتن اضحكي ولا لاتضحكين نوف ماضحكت فيصل:لالا..النفسيه اوف اليوم.. نوف ابتسمت نص ابتسامه:شدعوه..بس انت سخيف فيصل:احم..هاه؟..لا..كني اسمع امي تناديني..مع السلااامه نوف:ههههههه تعااال امزح فيصل:أنا انسان احب احافظ على الباقي من ماء وجهي..مع السلامه.. وطلــع..! راح لـ غرفة عبير.. دخل عليها لقاها متكوره على نفسها وومتلحفه والمكيف بارد.. وخصلااات من شعرها البني طايحه على وجهها..كان شكلها برئ والتعب وااضح عليها ابتسم..شكلها حلوو..لو اجلس طوول عمري اتأمله ماأمل..بس الله ياخذ هـ الشغالاات..انا قايل لهم لايولعون المكيف.. اتجه لها..وجلس على طرف السرير وشال عن وجهها الخصلااات..اللي نازله من راسها خلسه بـ شكل حلوو.. عقدت حواجبها فيصل بـ حنيه:عبير!...عبور عبير نايمه:همممم! فيصل:عبيـــر! عبير انقلبت على الجهه الثانيه.. فيصل:شكل نومك ثقيل عبير:............... فيصل:خلااااص..يكفي نوم..ترا انا مانمت الا ساعه وحده..وانتي ماشالله شكلك بتدقينها نومه لين الفجر عبير ماردت:........ فيصل رفع راسها بيدينه بـ خفيف.. وحطه على رجوله.. فيصل:قومي قومي قومي قومي عبير بـ تذمر:يالله..خلاااص بقوووووووم رفعها وجلسها..بس كان شكلها لين الحين نايمه فيصل يناظرها..يالله شكلها ماتقوم بالرآحه كانت جالسه ومسكره عيونها... فيصل:عبيـــــــــــــــــر عبير رجعت انسدحت على رجووله بس هو كان اسرع منها ورفعها.. فيصل:ههههههههههه على مين تلعبها عبير:فيصل والله تعباانه وخر ابغا انوم فيصل:لا...خلاااص يكفي عبير ماأهتمت له هو رفعها..وحط راسها على كتفه مسكين راسها صاير كأنه كوره..كل واحد يبي ياخذه خخخخ عبير:فيصل ياربثرك...بنووم فيصل:ماااااافي..وانا اجلس بلحالي.. خخخ مع الخقه تعرفون>>عبير طاار النوم..بس مافتحت عيونها فيصل:لاجد..هذي اللي بتخليني اجلس طفشااان عبير:بس شووي..خمس دقايق فيصل:يعني هـ الخمس دقايق..بتشبعك نوم؟ عبير:ايه فيصل:قومي يالله ..الحرمه السنعه تسمع كلااام زوجها عبير:طيب يازوجي.. ماتدري الا بيد فيصل تلفها..وشالها.. عبير:لالالالا...امزح...بقووم..والله فيصل:لالا ماينفع كذا...اانا قلت لك..بس انتي العنيده عبير:اصلا كنت امزح..يالله فيصل..خذاها للـ حمام...وحطها.. وفتح المغسله عبير فهمت هو وش بيسوي..وغطت وجهها بـ يدينها.. فيصل:شيلي يدك عبير:لالا.. فيصل:عبيــــــــــــــر!! مسوي لي فيها قوي عبير.لاااااااااااااااااااااااع فيصل:طيب.. مرت ثانيه..ثانيتين...ثلاث...ماصار شي...مافي صوت شالت يدها عن وجهها..ومادرت الا بـ المويه اللي جايه على وجهها..وملته وملت بيجامتها الحرير... فيصل:هههههههههههههههههههههههههههههه عبير:انت اسخف وااحد في العاااااااااااااااااااااااااااالم.. فيصل:عسسسسسسسسسل.. عبير:اكرهك فيصل:هههههههههههههههههههههههه...بس شكلك..اهنيك صرآآآحه.. عبير حمر وجهها... لف فيصل على البانيو وولع المويه..شوي وامتلا البانيو.. وحط صاابووون وأمتلااا كله رغوه عبير:وش تسوي فيصل يستهبل:ارقص.. عبير:ههههههههههههههههههههههههههههههههههههه...يعني ليش؟ فيصل:بترووش.. عبير:اييييييه..طيب وبتفحط توها بتنحااااااش بس لحقها.ومسكها وشالها وحطها بـ البانيو عبير تصرررخ:لاااااااااااااااااااااااااع..فيصل حراام عليك انا بردانه بلا شي.. فيصل:لازم..عشان تنخفض حرارتك.. عبير:لالالالا فصووووول لااااااااااااااااااع تكفىىىى.. كانت تقاااوم وفي نفس الوقت تضحك مادرت الا وهو طااب معها في البانيوو..وامتلت ملااابسهم ^^خخخخ منى:اقوول يمه اسمع صوت ولدك مع مرته ام فيصل:الا زااد انتي وش عليتس منهم..كل ماصار شي قلتي ولدتتس سلطان:ههههههههههههههه احسن.. منى:يومآآآآآآآآآآآآه عزوز:وصمـّه ام فيصل:عزيّـز عيب عليك..اختك التسبيره عزوز:انا قايل ام فيصل ماتحبني.. منى:هاهاااي احسسن.. سلطان:اقول انا انسان بروح الشركه.. عزوز:ايه ماشالله عليك انت من النوع اللي يحب الشغل سلطان:بسم الله علي..تف تف منى:هههههههههههههههههههه ام فيصل:رح الله يخليك...قل آآمين سلطان:آآآآميين وطلــع عبير كانت مهدوده..البنزين مخللص.. فيصل:لاحوول..انا الحين مخليك تتروشين عشان تتنشطين عبير:انا برددددداااانه فيصل:خلاااص قومي قام وكان الجينز اللي لابسه فيصل ثقيييل عبير:هههههههههههههههههههههههههههههه لايطيح فيصل يرفعه:ايه والله صادقه ابتسمت فيصل:اوكي قومي عبير قامت غسلت شعرها وهو نفس الشي عشان يروح الصابون اللي فيهم رااح فيصل ولبس برمودا بيج مع تبي شيرت بني..وخلا شعره مهمل وراح للـ عبير اللي كانت جالسه ع الارض ومنكسه راسها.. اتجه لها..وسألها بـ اهتمام فيصل:عبير.. عبير:نـ نعم فيصل:وش فيك. عبير:مدري...بردااانه فيصل:وش تحسين فيه؟؟..وش يعورك؟ عبير:رآآسي..وو.. وسكتت فيصل:وشو؟؟ عبير:مدري..كل شي... فيصل سكت..حط يده عليها..حرارتها مرتفعه.. عبير:فيصل! فيصل:عبير قومي معي لازم تروحين للـ مستشفى.. عبير:لالا انا الحين بلبس وبصير زينه توني رايحه ماله داعي فيصل:لالا لازم تروحين عبير:فيصل تكفى عشاااني مابي ارووح.. فيصل:بس...... عبير:اذا حسيت بـ اي شي بقولك فيصل:طيب قومي...غيري ملابسك غرفتك هنا باارده عبير:طيب.. طلع عنها..وتركها عشان تغير.. شوي دخل لقاها جالسه عالسرير فيصل:عبير تعاالي لـ غرفتي.. عبير:لالا مابي..انا بجلس هنا فيصل:وش تسوين هنا؟ عبير:آآمم...مـ مدري..مابي اتحرك مسك يدها.. عبير شوي وتصييح..:والله فيصل ماابي فيصل:لا مافي شي اسمه مابي..لازم تجين معي مسكها وخذاها معه.. من اول مادخلت على طوول انسدحت ع السرير فيصل:خلاااص نومي هناا عبير:اوكي ولحفها وجلس عندها ومعااه الاب توب.. عنـــد العنود.. كانت جالسه مع امها.. ورن جوالها كانت شذى العنود:دقيقه يمه وراحــت وطلعت برا العنود:الوو شذى:آلوو..هلااااااااا...هلاوالله وغلا.. العنود:هلا بك شذى:كيفك؟ العنود:انا تمام..انتي؟ شذى:بخير وصحه وسلااامه وعافيه وكل شي...المهم..انا انسااانه ابغا اطلع. العنود:هههههههههههه طيب وش اسوي لك شذى:تعالي معي انتي ومنال؟ العنود:اوكي شذى:ونعزم عبووره العنود:ههههههههه ياحليلها..من زمااان عنها شذى:الخاينه من زمااان عنها... العنود:دقي عليها شذى:ادق بس ماترد..وفـ الاخير صاار مقفل.. العنود:مو هي في الشرقيه؟ شذى:الا.. العنود:طيب دقي ع البيت..خليهم اذا كانت دقت عليهم ولا..او تدق عليك من جوال فيصل شذى:الخاااينه...مشتااااااقه لها موووت العنود:انا اقولك دقي على اهلها..يمكن تدق من جوال فيصل لان ماعندها رصيد او اي سبب كان شذى:اممممممممممممممم مدري بشوف.. العنود:اوكي دقي الحين..وطمنيني.. شذى:لازم؟ العنود:وشو؟ شذى:ماودي ادق... العنود:لييش؟ شذى:أ.أأ..استحي العنود:هههههههههه لايكثر بس..دقي شذى:يوووووو..ماودي العنود:دقي بس.. شذى:طيب ان صار لي اي موقف سخيف لاتلومين الا نفسك.. العنود:موقف سخيف؟؟ شذى:سمعتي؟؟.. العنود مافهمت:ايه..طيب...دقي شذى:اووكي..بااااي العنود:بايااات سكرت شذى ودقت ع الثابت.. رن رن رن..ورد.............................. منى.:آللووو شذى ارتاحت يوم سمعت صوت بنت:آللوو..السلااام عليكم منى:وعليكم السلام شذى:منى؟ منى:ايه من معي؟ شذى:انا شذى منى:هلاااا والله شوشو.. شذى:هلا بك...كيفك؟ منى:بخير الله يسلمك..انتي اخباارك؟ شذى:تماام منى:دووم شذى:الله يسلمك...الا عبير مادقت عليكم؟ منى:الا..تبين احوله ؟ شذى:تحولينه؟؟...هي بـ الرياض؟ منى:ايه ماقالت لك...توها اليوم راجعه شذى:لاماقالت لي...هي قالت بتجلس اسبووع منى:ايه بس هي الحين تعباانه.. شذى خافت:وش فيهاا؟ منى:هههههه لاتخافين...معها حراره شذى:لالالا...انا اعرف عبير لين مرضت تصير ثقيلة دم منى:ههههههههههه والله ماندري عنها..طوول وقتها مع فيصل شذى فرحت:والله؟؟..وكيف؟ منى فهمت اهتمام شذى بـ عبير..اكيد عبير قالت لها عن علااقتها بـ فيصل.. بس يمكن لا... منى:ماشالله عليه اخوي...حنوون شذى:هههههههه ايه تقوله عبير طبعا تكذب عبير ما قالت شي خخخ شذى:اجل ماأطوول عليك لين شفتيها قولي لها شذى دقت عليك منى:ان شالله شذى:اوكي باي منى:بايات وسكرت منها.. ودقت على العنود العنود:اللوو. شذى:هلاااا ..اشوى ماصار شي العنود:هههههههههه..طيب وش صاار..كيفها عبووره الاموره شذى:هي الحين في الرياض لأنهاتعباانه العنود:والله؟؟...سلاآآمات..وش فيها؟؟ شذى:حراره. العنود:ياعمري ياعبووووره شذى:شرايك نسوي لها مفاجأه ونزوها انا وانتي ومنووله؟ العنود:والله فكره شذى:حلوو...الوعد بكره..اوكي العنو:اوكي هيا:يالله يادحووم كل..ياشاااطر دحووم:مابي..ابي امي.. هيا:يالله ..طيب انا وش اسوي لك يعني؟ دحووم يصيح:ابغآآآآآآآآآآآآآآ اووووووووووووووومي.. هيا:لالا..انا رااسي بينفجر مشعل:وانا وش اقول؟ هيا:خلاآآآآآآآآآآآآآص...اسكت..انا الغبيه اللي اخذتك معي.. دحووم:مابي مابي..ابغآآآآآ اميي...وخري انتي..وعععه مشعل:هييونه خل نوديه للـ امك..تكفيييييين هيا:هذا الليي لازم نسويه...معيي ياكل... مشعل:اوكي روحي البسي وجييبي عبايتك وانا بجلس عنده هيا:اوكي.. وراحت عنهم..عشان تجيب عبايتها.. منال:اوكي..خلاااص.. العنود:تقول شوشو ع الساعه 7 نكون جاهزات..اوكي؟ منال:اوكي.. العنود:بس مدري وش البس؟؟ منال:البسي ذااك اللي لبستيه في العزيمه حقت صديقتك..وش اسمها؟ العنود:لايكوون نوره؟ منال:أظن...البرمودا بينك وبلوزه موف اتوقع العنود:الله لايعمينا مهوب بينك ابيض منال:هههههههههههههه حسبته وردي فااتح العنود:هههه مره ثانيه احسبي صح منال:ان شالله عمتي....المهم..بتلبسينه؟؟ العنود:امممم..مدري احس خفست عيون الناس فيه منال:لالا من عماني محد شافه الا انا بس العنود:خلاااص...ان كان يناسب..لبسته..وانتي وش بتلبسين؟ منال:امممممم...الجينز حق زارا تذكرينه؟؟ العنود:ياشااطره مع ايش؟ منال:مع تي شيرتي ذااك اللي من gab العنود:بس سبور؟؟ منال:علي عبايتي؟؟ العنود:لا يختي...البسي ذاك الجينز والجاكيت..تذكرينه..مع البدي عنابي منال:لااااااااااااااع ..ماحبه...رسمي بقووه العنود:هههههههههههه احلى عليك من السبور والله منال:يععع..مابيه..البسيه انتي العنود:ههه وش قالوا لك.. منال:خلاااص مسكت معي بلبسه يعني بلبسه العنود:طيب تنازلي والبسي الرسمي على قولتك..بس هـ المره منال:تراك مادفعتي عليه شي العنود:ههههههههههههههههه انسانه ماديه انتي منال:من جد..موب لازم احلل فلوسه العنود:تكفيين بس هـ المره البسيه.. منال:اووف مابي العنود:منوووووووله منال:ياربيه بس هـ المره.. العنود:احبسسس منال:ترا استحي.. العنود:لا الله يرحم امك امزحح منال:خخخخخخ ][عاد انا اللي احبكـ..حسيت اني مدري وش ابي من الحياة *_*][ عنــد هيا...نزلت .. وكان مشعل يكلم.. مشعل:ههههههه...تراك من جد ابثرتني...كل ماصرت في البيت تدق؟؟....ايه ماتشتاق لي الا لين صرت مع الاهل....ايه انا من النوع اللي مايقول مرتي....ياكرهي لك بس...المهم انا بطلع تبي شي؟....الله يخس العدوو...وهـ فديتهم كلهم.. ...يالله عاد تراك ماتنعطى وجه..مع السلااامه وسكر منهم ذولا اللي يتفداهم؟؟... التفت مشعل لها:انتي هنا.. هيا ببرود:ايه...نروح؟ مشعل استغرب منها بس ماعلق:يالله ومشوا.. في السياره جلست هيا تفكر الزواره مابقى عليها الا تقريبا 5ايام..وعلاقتي مع مشعل ماتصلحت..والله لو اضمن ان طلال ماراح يزعل علي كان رجعت بس..لجل عين تكرم مدينه.. من بكره الكل اجتمع عند شذى.. كل وحده ياللي جابها السواق ولا اخوها..عشان بيت شذىبتكون نقطة الانطلاق.. من عندها بيروحون للـ عبير منال:شذى..من بيودينا شذى:نيووف..بس احتريه جالس يتروش الشين منال:اييه.. شذى:الا وين ندووش وعنوده منال:في المطبخ.. شذى:الا من داق على ندووش..امس في الليل تذكرت اني ماقلت لها منال:لالا افاا عليك من قالت لي عنوده على طوول دقيت عليها شذى:زين والله ...انا نسييت منال:هههههههههههههه..انا بروح للـ المطبخ بشووف وينهم وراحت لهم بـ المطبخ. منال:هلوووو العنود:هلا منال:وش تسووون؟؟ العنود:انا دخلت بشرب مويه جت ذي قالت انها تبي حلاو..وجلست تفتش ناديه:أستأذنت لو سمحتي منال:ههههههههههههههههه اهم شي العنود:وين شوشو؟؟ منال:هنااك طلعت العنود من المبطخ.. وراحت لها في الصاله... العنود:شوشو مت ىبنروح؟ شذى:مدري...لان نـ....... وسكتت...كانت تناظر فوق... التفتت عنود كان نايف واقف فوق في الدرج.. العنوود على طوووووول انحاشت للـ مطبخ.. يالله ثاني مره يشوفني... ><"
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد!  |
|
#74
10-12-2009, 07:30 AM
| ||
| | ||
| رد: معذبة قلوب الرجال رواية رومنسية مره الجـــزء الســــــــــــــــابع عــــــشـــــــــ17ــــر دخلت العنود بسررعه للـ مطبخ.. يالله انا ليش حظي نحس...ثاني مره يشوفني..اكيد الحين يقول ان ماعندي دم..بس اتزز...من جد قهر.. منال:وش فيك وجهك صاير احمر؟؟ العنود:ابد..سلامتك منال:ههههههههههههههههههه عرفت...مافيش حد له تأثير عليك كثر نـ.. العنود:كح كح...احم منال:نـ...نـ...النووم...صح صح العنود:عليك تصريف..مثل وجهك منال بـ غرور:الله يسلمك يعني حلوو...ثانكس بيبي نايف:من هذي اللي تو شذى بـ بـثاره وثقالة دم:اييه..ماعرفتها..مسوي نفسك ماتدري.. نايف:لالا من جد وجهك سقيم...يالله بس انا في السياره شذى:هههههههههههههههههه طيب.. ركب نايف السياره وراحت شذى تنادي البنات..وركبوا عشان يوصلهم لـ عبير.. في البيت عبير الى الان نايمه..وفيصل نزل عشان تقدر تاخذ راحتها لانهم الى الان مو متعودين على بعض.. نزل لقى امه جالسه بلحالها.. خذتهم السوالف لين قالت له عن سالفة خطوبة غاليه فيصل:طيب ليش؟؟ ام فيصل:والله اني مدري شقولك ياولدي... فيصل:طيب ودلال؟؟..موب هي الكبيره..المفروض تتزوج قبل ام فيصل:مدري شقولك...كل شي صاار فجأه...وبيتم فجاه فيصل:لالا السالفه فيها انّ...اكيد خالتي ايمان وراها شي ام فيصل:طيب وش رايك..نقول لـ عبد العزيز ولالا؟ فيصل:لازم بيدري...بس انا اقول نقوله اليوم... ام فيصل:هو وينه فيصل:طالع اكيد..لين جا الليله نقوله ام فيصل:والله اني خايفه فيصل مسك يد امه يطمنها:يمه موب الصاير الا اللي ربك كاتبه..وانتي لاتووسين ترا عزوز رجال..مهوب صغير..وانا اللي بقوله انتي ماعليك من شي ام فيصل:بس قلبي ناغزني فيصل:افاا ياأم فيصل... ام فيصل:الله يخليك لي قل امين ولا يحرمني منك فيصل يحب راسها:آآمين.. وجلس:قولي للـ منى لاتجي لاني اعرفها تقلبها مناحه ام فيصل:منى يتجي اليوم بـ الليل...رجلها بيسافر فيصل:أيـه...اجل بسكر عليها في الغرفه ام فيصل:هههههههههههههههههه.. رن الجــرس ام فيصل:من هو اللي بيجينا الحين فيصل مدري.. طلعت رد فيصل وقال لهم يفتحون الباب ام فيصل:من جااي؟ فيصل يقوم:شكلها وحده من صديقات عبير..بروح اشوف وطلـــع.. دخلوا4بنات.. عرفهم فيصل من اول نظره فيصل:هلااا بـ بنااات عماني منال تهمس للـ شذى:احس اننا سخيفاات.. شذى:ايه والله خل ننحاش بس.. العنود:اقول الرجال يتكلم ردوا ناديه بـ طفاقه:هلااا بك...شلونك فصوول فيصل عرف انها ناديه:هلا والله ندووش منال:ورما تروحين تصافحينه وتشربين قهوه معه؟؟ ناديه:تفكيرك ...مدري كيف اوصفه...بشعععع شذى:اصص..مطيووره فيصل:وش فيكم واقفين تفضلوا دخلــوا.. ام فيصل:هلا والله ناديه:هلابك خالتي.. وسلموا عليها موضي:هذي الساعه المباركه...ماتزورنا ولاشي؟..ياكافي العنود:ساعتك ابرك..بس تعرفين الدنيا مشاغل شذى بـ همس:امووت انا ع المشاغل نغزتها العنود ام فيصل:الا انتي يا شذى..من ذاك اليوم اللي جيتينا فيه معد شفناتس شذى انحرج:هاه؟..هههههه..مشاغل العنود كتمت ضحكتها ام فيصل:ايه والله يابنيتي الدينا مشاغل ناديه:الا خالتي وين عبير...يقولون انها تعباانه فيصل:لالا حكي جرايد..لايهمونك ناديه:ياخي هذا عندك اشاعه الفلونزا الطيور..صارت صدق فيصل:لالا كذب ..لاتصدقين منال نغزت ناديه..هـ الانسانه خطر تجلس تتصارع مع الرجال فيصل:اجل تبون عبير؟ ناديه:اجل وشو له جايين؟ فيصل:ههههههههههه..تعالوا شذى تقول للـ ناديه:اقول ماتلاحظين انك مطيحه المياانه مع الرجال؟؟ ناديه:عاادي ولد عمي.. منال:عادي في بيتكم..موب هنا العنود:من جد حتى في السياره سوالف مع نايف ناظرتها منال بس ماأهتمت لها...يمكن تغار يمكن لا..بس هذا شي راجع لها هي.. وصل فيصل عند باب الجناح.. فيصل:هذي الغرفه اللي قدام..انا بروح ناديه:خلاااص جزاك الله خير... فيصل:هههههههههه ..ووولوو..مع السلااامه ورااح دخلوا طبعا ناديه خذت حقها من التهزئ عنـد طلال.. قام من النوم.. الله الساعه 7 ونص...انا كم نمت؟؟.. قام وراح الحمام(اكركم الله)وبعدها صلى الفروض اللي فاتته.. فتح الاب..اممم من زمان عن النت..مالقا احد اون لاين..حتى هي.. سكر الاب توب...ولبس ملابس عشانه بيطلع.. شهد:هيوووونه نومي عندنا كل يوم هيا:اخااف تملون مني بس شهد:لاااااااااع مانمل نزل طلال طلال:هلا هيا:هلابك شهد:وانت ماعندك الا هلا... طلال ابتسم لها مو اول مره يجيه تعليق زي كذا هيا:بتطلع؟ طلال:ايه.."ولبس كابه السماوي"..تامريني على شي؟ هيا:سلااامتك..بتروح لـ...... وسكتت ماتقدر تقول امي لان شهد لو بتسمع بتسوي سالفه عشان تروح طلال فهم عليها:ايه...ابوي من الصبح عندهم ودي اروح لهم شوي.. هيا:اوكي.. سلم عليهم طلال:يبلغ..يالله سلاااااام وطلـــع..رايـح للـ مستشفى شذى:والله عيب ندخل غرفتهم ناديه:اقوول يالحبيبه ادخلي الرجال قايله.. العنود:ندووش عيب هذي غرفتهم.. منال:ماتقدر الخصوصيات ناديه:والله حاله...انا بدخل وانتوا اجلسوا هنا..سي يااااا وتقدمت للـ باب منال:لاااااااااااااااااااااااع العنود:ناديه يالشيينه..وخري.. وقفت ناديه لان الباب انفتح وطلعت لهم عبير عبير وفيها النوم والتعب واضح عليها:وش هـ الصجه؟ شذى على طول ضمتها:عبووووووووره..سلاااااااااامتك...كذا تمرضين ولا تقولين لي؟؟؟ العنود:ههههههههههههههه منال:والله لو انها بشاره تقولك عبير:وش هـ المفاجأه الحلوووووه...ياليتني مرضت من زمااااان العنود:وش هـ الكلام..متى مابغيتينا بس ارفعي السماعه منال:صح..وماله داعي تجلسين تمرضين علينا عبير:هههههههههههههه الله لايحرمني منكم فيصل بعد ماوصل بنات عمه للـ الغرفه مر على نوف.. نوف:بنات عمي؟ فيصل:ايه..روحي سلمي نوف كشرت:وعع..مانيب رايحه..اصلا محد داري اني بنت عمهم الا شذى فيصل:وش فيك انتي؟؟...انتي ليش كارهتهم؟؟ نوف:انت تدري اني ماأكرهم هم...اكره اهلهم فيصل:انتي مشكلتك مع ابوي...عماني وش دخلهم؟ نوف:طيب ليش ماتروح تزور عمك..ابو زوجتك؟ فيصل:شي راجع لي انا.. نوف:اجل خلاااص مسألة اني اسلم على هـ الاشيـاء اللي جايه شي راجع لي.. فيصل:خلااااص انا ماراح اجبرك على شي..بس ان زعلت منك عبير انا مالي دخل نوف:تزعل؟؟...ليش؟ فيصل:اصلااا هي من مرضت حتى حمدالله ع السلااامه ماقلتي لها نوف:الا قلت فيصل:طيب حسستيها انك مهتمه؟؟..ترا هي مالها خوات وانتي مفروض تكونين لها مثل الاخت نوف بـ عناد:لاوالله جاي تقولي هـ الكلام..ومنى؟؟..فوق راسها ريشه لاسمح الله؟ فيصل:لاتقارنين نفسك بـ منى نوف:انت الحين وش شايف نفسك علي؟؟..لايكوون ابوي وانا مدري فيصل ماتغيرت ملامح وجهه:................ نوف:انا خلاااص كبرت..ومعد صرت صغيره..واعرف وش الفروض اسوي.. فيصل:خلاااص...اجل انا مالي دخل فيك... واللي بـ راسك سويه..بساعتربي ان مالك اخو اسمه فيصل..اوكي؟..مع السلااامه وطلــــع نوف حست انها غلطت... يالله انا شسويت؟...احسن هو بعد مسوي ولي امري...يستاهل يزعل شوي ومصيره بيرضى.. نزل فيصل.. وهو يفكر..حال نوف متغير هـ الايـاام رن جواله.. هذا حمد فيصل:هلاااااا حمد:هلابك...وينك انا عند الباب.. فيصل يناظر ساعته:اووو..معليش والله...بس ماأنتبهت. حمد:الله يهديك انا قايل لك..8انا عند الباب فيصل:خلاااص هذاني طالع حمد:اوكي..انتظرك وسكر لما وصل للـ صاله كانت امه جالسه.. فيصل:يمه انا طالع تبين شي؟ ام فيصل:سلااامتك عمرك.. فيصل:الله يسلمك...فمان الله ام فيصل:فمان الله وطلع لما ركب مع حمد فيصل:هلاااا حمد:هلااا بك فيصل:هههههههههههههههههه والله اني آآسف. حمد:انا قلت شي؟ فيصل:عيونك الحلووه تقول حمد يناظره فيصل:هههههههههههههههههههههههههههههه حمد:انا بس بـ اعرف الزواج للـ هدرجه يسبه الواحد؟ فيصل:لالا هـ المره موب عبير..نويف الله ياخذ عدوها حمد:ههههههههههههه..ماكبرت لي الحين فيصل:ولا راح تكبر ابد حمد:وش سوت بعد؟ فيصل:تهاوشت معها شوي وطلعت..ماعليك هي اصلا عنيده.. حمد:عااد نوف تحبك وااجد فيصل:ايه مرره...من زود حبها لي تقول وش دخلك فيني حمد:ترا الوحده بهـ العمر تجيك حساسه ماتحب احد يكثر عليها حكي...تبي تحس انها محط اهتمام بس تبي تحس انها كبيره.. فيصل:مدري وش فيها..هس ذا الايام متغيره..حساسه وعصبيه حمد:يمكن متهاوشه مع صديقتها شي..ماتدري..مثل واقلت لك الوحده بهـ العمر تكون حساسه فيصل:يالله ان شالله تعقل.. حمد:هههههههههه حاد يقول عن اخته كذا؟..والله انها تعتبر عاقله مقارنتا بـ بعض البنات المهبل فيصل:ههههههههه..مهبل؟؟..وين شايفهم؟؟ حمد:مالك دخل.للـ عزوبيه بس فيصل:الا على طاري العزوبيه...متى ناوي تودعها حمد:والله امي تزن فوق راسي..من تزوج اخوي وهي ماتشوف وجهي الا وتقول متى بتعرس فيصل:طيب ليش ماتعرس؟ حمد:مدري...تذكر يوم يخطبون لي؟ فيصل:ههههههههههههههههههههههههههه والله انك مفهييي حمد:ياخي وش اسوي شينه...ياربي لاتعاقبني بس فيصل:طيب خذ اختي نوف حمد:اخاااف تصير اشين من ذيك فيصل:ان طلعت شينه ماتقدر تقولي..لانك بتاخذها مجامله حمد:هـ هـ..والله لقولك في وجهك... فيصل:والله ماراح القى لـ اختي احسن منك حمد:الله يسلمك فصوول.. فيصل:خلاااص بقول للـ امي انك اليوم خطبتها مني حمد:ماتلاحظ انك باحلن بختك..لايكون عدت الـ 30 ووانا مدري؟؟ فيصل:لالا لاتخاف..عدت الاربعين من زماان.. حمد:ههههههههههه فيصل بيشوف وش بيقول:بس تراني خلااااص بقول للـ امي اليوم انك تبي نوف..مافي نقاااش حمد:ههههه والله هذي الساعه المباركه فيصل بقق عيونه:هاااه؟؟....تراني امزح حمد:عااد تبي الصدق انا من زمااان ابغاهاا فيصل يحس انه معلوب عليه:... حمد:ههههههههه والله اني جاااد...قل للـ أمك اليوم...وانا مستعد اخطبها رسمي فيصل:من جدك حموود...تراني كنت امزح معك حمد:انا جااد...لو اني مابيها قلت لك في وجهك..تعرفين صريح بس انا جااد..ابي الاخلاااق وهي انا اهم شي..وماظن بلقى وحده مثل اخلاااق نوف فيصل:والله انك فرحتني..مدري شقولك...شكلي بزغرط حمد:ههههههههههههههههههههههههههههه...الاخو حرمه؟؟ ^^ شذى:عبوره شلونك الحين؟؟.. عبير:دامني شفتكم انا تمااااااااااااااام منال:الله يسلمتس العنود:عبووره غرفتك مره شي..ذووق شذى:ايه من جد...حلوه عبير:هذا ذوق فيصل منال:ووووووو...ابتزوج انا..ابغا غرفه شذى:انا بتزوج عشان اركب قدااام العنود:ههههههههههههههههههههههه..طمووح الله يكافينا شره عبير:من جد... طــــــق..طــــــق عبير:ادخل دخلت نوف.. نوف:السلااام عليكم الكل:وعليكم السلااام.. سلمت عليهم وحده وحده عبير:هلااا والله نوفه..كنت بقولك تجين بس خفت احرجك نوف تبتسم:لاعادي...شدعوه..مافي احد غريب شذى:شلووونك نوفه نوف:تمااام..انتي كيف حالك؟ شذى:الحمدالله ..كويسه عبير:نوف هذول العنود ومنال وناديه... نوف:هلاا والله.. منال:الله انتي نوف..اخيرا شفتك ناديه:احسبك صغيره..يعني بـ الابتدائي او المتوسط..شيء من هذا القبيل منال:اسكتي ياقبيل...نوف انتي قد عبير وشوشو صح؟ نوف:ايه...ومعاهم بـ الجامعه ناديه:احم..اجل انتي معانا عبير+منال+العنو+شذى:ههههههههههههههههههههههههه منال:يارببيه صجتنا جامعه وجامعه ناديه:ايه ياعيووووني اجلس اكرف نص او ثلاثة اربااع عمري..ولاتبيني ابز؟ منال:لا بزي ماقلنا شي بس صجيتينا شذى:ههههههههه اوما يوم كنتوا بـ حيااة صااحه ابدااع عبير: وش السالفه؟؟ منال:الاخت الكريمه..كنا طالعين مع طلال وشهد..رحنا للـ توتي كافيه..وبعدين رحنا لـ حياة..نشبت في طلال الا بتروح للـ ستار بوكس..ورحنا..رحات قالت للـبيااع..وكان سعودي..قالت له..عند شي يصلح للـ بنااات الجامعه..البيااع فطس ضحك منهااا عبير ونوف:ههههههههههههههههههههههههههههههههههه.. عبير:خبله..وربي خبله العنود:ماعندها فرااااامل ابدااا ناديه:احس اني انسب...بس بسكت منال:هههههههههههههههههههههههههه... رن جوال.. وناظرت منهو المتصل.. اتفضت لما شافته...معقوول دااق؟..صار فتره مادق...حست بـ شعوور غريب.. ماردت لانها كانت معاهم..بعدين لما يدق ثانيه ارد..مو الحني جلـسوا سوالف وضحك طوول والوقت..بس نوف في عااااالم ثااني عنـــد طلال كان جالس مع امه ام طلال:شلونكم ياأبوي..كل شي زين عندكم في البيت طلال:الحمدالله يمه..ان شالله تطلعين بالسلااامه..وتنورين بيتك ام طلال:الله يخليك ويبقيك لي..ان شالله مليت طلال:تصبري مابقى الا القليل سمعوا صوت الباب.. بعدها دخلت الدكتوره امل.. امل:السلاااام ع الحلووين هـ الدكتوره طالعه من خشمي..احسها تتميلح..><" ام طلال:هلا يامي.. امل:اخباار ام طلال اليوم؟ ام طلال:والله اني بـ خير وعافيه..بس انتوا افرجوا عني طلال:ههههههههههههه يمه!.....وش تقولين انتي؟؟ امل:هههههههههه لاعادي ياطلال...اصلا الوالده تمزح..صح خالتي؟؟ تو تقول ام طلال ..والحين تقول خالتي..؟؟؟.. تطمت عليها..ثوااني وطلعت ام طلال:انا هـ الدكتوره معجبنتي...ماسالله بنيه وحليوه...بس لوتغطي وجهها طلال:حلووووه ام طلال تضربه مع كتفه:هذاا اللي جيدن فيه...حلوه.. طلال:هههههههههههههههههههههههههههههههه قام وحب راسها:انا اسف بس ابدي رايي ام طلال:لالا تبديه.. طلال:بس ماتعجبني نوعيتها.. ام طلال تتنهد:انا اصلا مدري وش يعجبك..الله العالم ياولدي انك بتعنس.. طلال:هههههههههههههه عزوبي الله يحييك ام طلال:لاوالله عانس...مدري وش تبي مره انت...كل ماقلت لك عن وحده قلت ماتعجبني... طلال يحايلها:حملتيني وتعبتي ..وربيتيني وتعبتي..وتحملتي بثارتي..والحين ماتتحمليني...افاا يام طلال ام طلال:بلاااك والله متعبني في كل...من رحت لـ ديرة اللي مايتسمون وانت مايملا عينك شي...بس ماتنلام شفت ذا الشقر.. طلال:عااد تصدقين ذا الشقر على قولتم موب زيووون ما طلال:هو!...لالا...منتب صاحي..ذا الشقر..الزيوون اجسااام وشعر موب زيوون..لا بالله في بلا طلال:ههههههههههههههههههههههه..كلهم نمش وحبوب..لايغرك لااللي في التلفزيون شوفيهم بدون مكياج...تخافين تحلمين فـ الليل ام طلال:والله انت ادرى..اللهم زدني فيهم جهل.. طلال:ههههههههه احسسن لك بعد.. مـــــــــــر هـ اليـــوم على خيــــر صارت الساعه 12 بـ الليل.. راحوا شذى والعنود ومنال وناديه.. وجلسوا نوف وعبير يسولفون عبير:اقول نوف..خل ننزل؟؟ نوف:اوكي الله ونزلوا كان في فيصل ومنى وسلطان وام فيصل عيون فيصل ونوف ماألتقت في بعض ابد..نوف طوول الوقت تتجنب النطر له.. عبير:منى..وش جابك الحين..الساعه 12؟؟ منى:ههههههههه اطلع يعني؟؟ عبير:شدعوه بس روعتيني؟؟ منى:لا بس الصبح عند دحمان رحله قلت بجي الحين احسن ..عقب ماحهزت شنطته عبير:اهاا شوى ودخل عزوز عزوز:هلااااااااااااااااااااااااااا باللي هناا..وهناااااااااك سلطان:هههههههههه لا بس هناا ام فيصل:وراك متاخر؟..ماقلت لك اليوم لاتتاخر؟ عزوز:سووووري ماااااام...كنت بززي ام فيصل:والله مدري وش انك تقول..امش بس..اجلس بحاكيك.. عزوز:اووووكي فيصل ناظر منى..وهي بدورها فهمت التلميح منى:عبور ونوف وسلطان..خل نطلع سلطان:اوووم التصريفه..بس ماعليه بطلع طلعوا من الصاله ع الغرفه الثانيه وطلعوا...لان فيصل بيكلم عزوز عن زواج غاليه........ ** تكمــــــــــــــله البارت السابـــع عشــ17ـــر فيصل:عزوز اجلس.. عزوز:والله خوفتوني..وش السالفه وش صاير فيصل يستهبل:هههههه...وش صاير يعني..اجلس بكلمك عن الشركه عزوز جلس بـ ملل:لاحووول...ذا الشركه ذابحتكم فيصل:ههههه..اسمعني طيب ام فيصل كانت جالسه على اعصابها الله لايلومها هي قلقانه وهم يضحكون...صدق بارد فصوول عزوز:نـعـم...قل وش عندك فيصل:اسمع عزوز...كل شخص في هـ الدنيا..ممكن يفقد شي عزيز عليه عزوز يستهبل:نعم نعم.. فيصل بـ جديه بس مايدري شيقول: عزوز...انا بقولك وتراك رجال..يعني حركات المناحه خلها للـ حريم عزوز:اكيد..! وين مناحه معه الله يهديك يافيصل فيصل:عزوز! عزوز:هااااه..تكلم بروح انوم ام فيصل:ماعليه ياولدي اسمع منه عزوز:والله خوفتوني...وش السالفه؟ فيصل:غالـيـــــه! عزوز فــــز:غاليــــه؟؟...وش فيهاا...صار لها شي؟ فيصل:اهدى يابن الحلال..مافيها الا العافيه عزوز:فصيييل...من الاول وانا قايل في شي...وش سالفتك..غاليه وش فيها؟ فيصل:بـ تتزوج.. عزوز:لا فيصل:عزوز هـ المواضيع مافيها مزح ولا كذب..غاليه انخطبت وقــــــــف عزوز..مكاانه.. شـــــــــــــــــــــوي طـاح ع الارضو جسمـــه يتهزهز... صررررررخت ام فيصل:عزووووووز! نوف:يووه وش السالفه منى تسكر الباب..عشان مايسمعون:بلا لقاافه سلطان:لاحووول...ابغاا اروح اشرب مويه.. منى:هـ هـ هـ...ماااافي بعدين عبير:امممم...بروح للـ غرفتي منى:لااااااااااااااع.. سمـــعوا صرااااخ ام فيصل - عزووووووز كلهمـ طلعوا برااا الغوفه لقوا عزوز طايـح ع الارض وهو يتهزهز.. منى جلست ع الارض..وهي تصيـــح شي متوقع نوف لفت مع الجهه الثانيه.. امـا عبيــــــر..الله العالم بـ حالتها... مدشهووشه.....خايفه.... مقدر اوصف حالتها الوحـيـــــد اللي يقدر يتصرف في هـ الموقف سلـــــــطـــــــان! سلطان:وخروا..لاحد يلمسه...فيصل كان حاط راس عزوز على حضنه وهو مدد منى منهااااااااره:وش فيييييه عزوووز؟؟؟ ام فيصل جلست عنده..وهي تصيــــــح..نوف واقفه ماتدري شستوي..منى ماتتحمل هـ الاشياء وجلست ع الكرسي.. امـــا بطلتنا... عبيـــــــــــــر مثل الاطرش بـ الزفه....ماتدري وش فيــــه..مجرد اغمـاء؟؟..لالا ماأظن عزوز الفرفوش اللي من تشوف وجهه تجيها الضحكه..مدد ع الارض.. صــدق الانســـان مخلوق ضعيف.. في لحظــــه...ينقلب حاله دقــــايق..وهدى...بس مافتح عيونه..مثل المغمي عليه منى تصيـــح:سلطاااااااااااااااااان خل نوديه للـ مستشفى سلطان يصرخ عليها:اســـكتي...خلاااااااص...ماماات منى خاافت من سلطان... مسكتها نوف.. نوف:منى..خلاااص..مو اول مره تصير..هدي نفسك مو اول مره؟؟...يعني قد صار لـ عزوز كذا؟؟.. منى:شلوون اهدي نفسي..هذا عزوز..حسبي الله ع الظـــــالم ظــــــــــالم؟..شسالفه...احد يفهّمني؟؟ سلطان:احد يروح يجب وساده لينه بسرررعه راااحت نوف ركض.. سلطان:فيصل خله يميل على جنب لايشرق... فيصل:خل نمسحه..(يقصد اللعاب الخارج من فمه) سلطان:لالا...خطر يبلع لسانه..انت بس ميله ام فيصل:سلطان جوبوا له مويه سلطان:يمه موب زين له... نوف:جيب الوساده حطها سلطان تحت راس عزوز.. منى:سلطااان متى يقوم سلطان دمه يفور بلا شي..تجي ذي ..هـ الانساانه بتجيب العيد اليوم مارد منى:سلطاااااان رد علي...متى يقووم..يمكن غيبوبه..خل نوديه للـ مستشفى سلطان عصب؛تعرفين تنطميــــن...اسكي خلاااااااص.. منى:بس..... سلطان قاطعها بغيض:احد شكالك الحاال..؟ منى سكتت...ساعات يصير سلطان يخووف مـــــــرت ساعـه والجــو متوتر... الكل ســـاكت يبغون يسألون سلطان وش بيصير الكل في حيره بس يخافون يجيهم مثل ماجا منى حتى فيصل...كان ساكت.. عزوز..كان مد ع الكنبه...شالوه فيصل وسلطان.. والحيـن ام فيصل تقرا عليه... منى الى الان تصيح ومعها نوف..بس نوف بينت قويه هـ المره..عكس اختها عبير..تصيح بس كاتمه هـ الشي..صحيح واضح من وجهها..بس مو مثل منى اللي كان صوتها ينسمع فيصل:منى..تعوذي من ابليـس.. سلطان بـ هدوء:انتي ليش تصيحين منى:لاوالله؟...يعني تبيني افرح وارقص واخوي منصرع؟؟؟؟ منصــــــرع؟؟ عبير لاشعوريا:عزوز..فيه صــــرع؟؟؟؟؟؟؟؟؟؟؟؟؟؟ فيصل مقدر حالتها..صحيح سؤالها جاي غلط بس غلطته هو ماقال لها فيصل:ايه عبير:وليش ماقلتوا لي؟ نوف:احنا ظنينا انه خلاااص تعالج وطاب..هذي اول مره من سنتين.. سلطان:خلاااص اللي صار صار... عبير:طيب ليش صار له كذا...اكيد صاير له شي منى:غاليه بتتزوج... عبير مافهمت :غاليه؟.. نوف:عزوز يحب غاليه عبير سكتت..الله يكون بـ عونك ياعزوز..والله ماتستاهل.. %% كانت شذى تكلم العنـود العنـود:بس مره اليوم فلـه ..الله يوسع صدرك بـ العافيه شذى:هو!..ماسويت شي العنود:مجمعتنا ومشغله اخوك عشان يودينا وتقولين ماسويتي شي..بس اعرفك التواضع ذابحك شذى بـ غرور:ايه..وش اسوي ياوخيتي..متواضعه انا مرره العنود:ايه ماشالله عليك باين عليك.. شذى:ههههههههههههه المهم ماعليناا..بسألك سؤال العنود:ايوهـ شذى:اممممممممم..انتي تحبين؟ العنود:ههههههههههه وش الطاري؟ شذى:ابد جا على بااالي.. العنود:امممممممممممم...تقدرين تقولين شذى:من هوو؟؟.اعرفه؟ العنـود:لا...يقرب لنا من امي خخخ شذى جااهااا احباااااط:لاااااااع قهر... العنـود:ليش؟ شذى:كان ودي اخطبك للـ نيوووف... العنـود:....... شذى:اقوول عنـوده امي تأذن..باي وسكرت بسرعه العنـود في حيره...نايف؟... يمكن طلعت عفويه..بس..اممممم..مدري بس غبيه شسويت؟؟..الحين بتقول البنت تحب...وماراح اكوون لـ نايف...ابتسمت بـ خجل على تفكيرها.. عنــــد عبير.. اذكرت يوم يقوم عزوز قام عزوز..اللي وزع نظرااته بتعب وحيره وكره وبؤس وكل تعبير يدل على انه انسـان يمكن عمره ماشاف السعاده تركهم وراح للـ غرفته بدون أي كلمــــه رجعت للواقع..وهي تناظر دفتر خواطرها... مافي أي افكار..اي هذيـان..اي خاطره ممكن تمر ..ولو بسرعه.. جلست تقرا بعض خواطرها اللي احتل فيصل جزء كبيــــــر منها الحب لا يعرف الغرف المظلمة ولا القلوب الجرداء وانما ينبت في حدائق الخير والسماحة فافتح قلبك للحب وأنثر حولك بذوره حتى يصبح للحياة معنى فلا قيمة لـ حياتنا بدون حب هذي مو عبير...اكيــد وحده ثانيه.... عبير اللي ماتعترف بوجود الحب..وانه شعور..او مرض وقتي مع الوقت يروح تكتب مثل هـ الخاطره قلبت صفحه ثانيه قليلون هم الذين يستحقون ألحب الى الابد.... وقليلون اقل الذين يملكون قدرة الحب الى الابد..... فـ هل انا منهم؟؟ خاطره ثانيه ماتتماشا مع شخصية عبير واعتقاداتها... عبير تغيرت 180 درجه؟؟ وهو تغير ماصار الا مع فيصل قلبت الصفحه حبــيبـتـي ها أنا افرش لك قلبي ويداي وسادة لتتكأي عليها لتغفي باحضاني لانعم بهمسات عطر سحرك وفتونك لكنـــــها مجرد احلااام ><" دمعتها على وشك تنزل.. تبي شي واضح.. وش مشاعر فيصل.. حب؟..طيب ليش مايعترف لي؟؟ انا احبه؟؟ قلبت صفحه ثانيه هل حـبـك هو ذلك " الـعـمـر " الذي لايقبل القسمه على إثنين .. أم أنه تلك " الـقـبـلـه " اللتي لاتقبل القسمه الا على اثنيـن صفـــــــــــــحه ثانيـــــــه أحتـــــــــــــــاجك ....... و لا أريـــــــــــــــــد قــــــــــــــــــــربك !!! لا شـــــيء ينقصنـــــي و عندمــــا تغيــــــــــب كــــــــل الدنيــــــــــــا تنقصـــــــــــــــني.... أعيـــــــش معـــــك فــــــي جــــــــدل...... و لكنــــــي لا أرضى لك بـــــــــــــــدل....... ليـــــــس لثقـــة بينــــــي وبينك وجـــــود..... و لكن حبـــــــك في قلبي مــــــــــوجود..... أريــــــــــد منك الأمـــــــــــــــــان..... وأنا أعلــــــــــــــــم أن حيــــــــــاتي معك ليست فــــي أمــــــــان !!!! فعلا مشاعري غريبه سكرت الدفتر... ناظرت الساعه..كانت 5الفجر اوووف مر الوقت..اليوم كان طويل بالمره.. اول مره تجلس تحت الين الساعه 4 الفجر.. ولا ان ام فيصل الحت عليها انها ترقى فوق كان مارقت.. راسها يعورها وتحس بدوخه.. من قامت ماكلت شي... بس مالها نفس.. طلعت برا الغرفه... كانت فاضيه..فتحت الثلاجه...لقت مويه وببسي وسفن... نفسها مسدوده... سمعت صوت باب الجنـاح التفتت..هذا فيصل.. دخل عطاها نظره مالها معنى.. اصلا التعب واضح عليها.. تم على حاله يناظرها... هي مافهمت شي.. عبير:فيصل؟..وش فيك؟؟ تقدم منها شوي..بس.. هون.. راح لـ غرفته مافهمت تصرفه.. بس المهم انه يدخل حتى ابتسامه مايعطيها.. بس ماتلومه.. من كان يتوقع ان عزوز فيه صرع؟؟ الله يشفيه ان شالله نزلت دمعتها.. لو الدمع يشكي كان شكا منها.. اليوم استهلكت الكثير منها... كل شي تحسه ضدها.. ابـوها اللي من رجعت ماشافته...فيصل اللي حتى ماكلمته..مرض عزوز... دخلت غرفتها والدنيا ضايقه فيها فتحت الاب توب لعلها تنسى الي صار اليوم مـــــــر الوقت.. ومــــــــــــــــر اذن الفجر.. صلت ورجعت مره ثانيه.. طلعت النور والنوم بدا يغلبها.. سكرت الاب توب توها بتحط راسها ع المخده..طاحت عينها على دفتر الخواطر مره ثانيه ماتحب تنام الا وهي كاتبه شي فتحته... بس مافي افـكـااار... طالعت الشباك.. النـور طلع.. كل هـ الاحداث صارت امـس... مـن بكره... دخلت منال المسـن على امل انها تلقااه صار له حول الاسبوع مابيـّن.. لقته اون لاين.. فكرت تحاكيه ولالا؟؟.. بس مامداهاا تفكر الا هو مكلمها.. Girl I'm asken could my queen: Heey منال: هلا يالقاطع Girl I'm asken could my queen: لوووول...اسف والله بس كان عندي ظرووف منال: بس صار فتره ماتدخل..مره طولت Girl I'm asken could my queen: والله اني كان عندي ظروف..بس ان شالله بصير ادخل منال: ان شالله المانع خير ^^ قامت عبير من النـوم.. وتذكرت امس..كان يوم شيـن..بالنسبه للـ الكل.. فتحت دولابها.. مالها نفس تلبس أي شي خذت جيز وبلوزه صفرا مخططه ولبست نزلت تحت... كان سلطان جالس..هو ونوف عبير:السلااام عليكم نوف وسلطان:وعليكم السلااام عبير:اخبااركم؟ سلطان يبتسم:بـ خير دامك بـ خير نوف:اخباارك اليوم؟ عبير:الحمدالله احسن سلطان:بس لي الحين شكلك تعباانه عبير:شوية ارهااق ويروح..الا وين عزوز؟؟ سلطان تغيرت ملامحه..باين ان ضاق صدره:فوق مانزل من امس عبير:الله يكوون بـعونه...بس موب زيـن يجلس لحاله نوف:امي كل شوي تطل عليه عبير:ولو مايكفي...بيجلس يفكر سلطان:ماشفتي شي..نوباات الصرع موب شي سهل... عبير:يعني؟؟ نوف:الحين خلاااص فقد الثقه في نفسه..وانسي انه بيضحك ولا يسولف..يعني مصااب بـ كتأب عبير ماتدري شتسوي...معقوله عزوز يصير فيه كل هذا..يصير فيه صرع والحين اكتأب؟؟.. Girl I'm asken could my queen: دخلت كذا مره ماشفتك منال: انا بعد بس ماأشوفك Girl I'm asken could my queen: اهاا...خلاااص انا اساسا داخل ان شالله بالليل...ابيك تكونين موجوده منال: اوكي^^ Girl I'm asken could my queen: ليش التوبك حقك ملون وانا لا؟؟ منال: عندك بلس؟<<سؤال غبي Girl I'm asken could my queen: ههههههههه ماعرف اختي هي اللي تسوي كل شي منال: لالا عندك لانك تقدر تشوف اذا النك حقي ملون ولالا...شف بعلمك..كيف وجلست تعمله بس شكله مفهي مايفهم Girl I'm asken could my queen: اقوول شاريك تاخذين الباسوورد وتلونينه وتعطيني ايااه منال: يعني ادخل؟؟..عاادي؟؟ Girl I'm asken could my queen: ايه اكيـد..بس لاتعطينه احد...تراني واثق منك... منال: افاا...عليك...هاته Girl I'm asken could my queen: اوكي..الباسوورد هو (......) منال: اوكي..ثواني ناظرت الايملات اللي عنده.. مافي الا بس 13 ايميل..هي والعنود حتى العنود كانت محظوور..والباقي يا يصير محمد وناصر وخالد..ولا لااد بوي..وهـ الاشيـاء..ارتاحت كثير.. حتى الرسايل كلها من الهوت ميل... عدلت الوبك خلته سماوي ورماادي.. وطلعت وبعدها هو سوا تسجيل الدخوول منال: هاه؟...كيف؟ Girl I'm asken could my queen: خطيــــــــر... منال: حلوو..يعني عجبك؟؟ Girl I'm asken could my queen: اكيد..بصير مسنتر 24 ساعه داخل عشان كلن يشوف التوبك حقي منال: ههههههههههههههههههههههههههههههههه ^^
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور أنمي رومنسية ومميزة | ميراااالأميرة | أرشيف المواضيع الغير مكتمله او المكرره او المنقوله و المخالفه | 94 | 03-06-2014 06:39 PM |
| أكثر وأجمل وأحلى صور الأنيمي الرومنسية | ميراااالأميرة | أرشيف المواضيع الغير مكتمله او المكرره او المنقوله و المخالفه | 77 | 06-15-2012 06:56 PM |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| الرجال معادن ؟؟يذوبون في درجات مختلفة؟؟كيف؟ | samir albattawi | آدم ~ | 5 | 04-27-2007 02:41 PM |
| الرجال والرمانسية | سنيورة أمواج | الحياة الأسرية | 1 | 03-16-2007 11:18 PM |
العرض العادي
