وَلم أجد عبقَ لرمضان يُخفي أشتياقي له | الجزء 2.

[وَتـد]

؛؛ السَلام عليكم ورحمة الله وبركاتة ::. كيَفكم أعضاء عيونَ الجميلين ؟ أن شاء الله بَخير ؟. ورجعنا لَكم بنسَخه متجدده من موضَوع السنه الماضية :خري: طبععَا هذا الموضوع مرتبط بَقسم التصوير . كيفَ مرتبط ؟ خلوكمَ مع الفكره وتعرفو . الفَككره . شَنو الفَكره ؟ الفَكره بكل أختصَار ؛ أنو هذا الموضوع مخصص لِـ لقطاتكم الرمضَانيبة ؛ حبيت يكون في الخيمه عشان يَعطي أجواء وحماس بدال مَ يكون بَقسي ::. شنو الفكره بالضبط ؟ أبي ترفقو هنا لقطاتكم اوك مو شَرط تكون عن رمضان !! اي شي؛ لو من سنوات بجوالك حطه هنا نستمتع ونعلقَ ونشاركك اللحظه. لو لقطاتكم برمضان اللي فات مو مشَكله اي لقطه بجولكم مغبره او حديثه حطوها هنا وأحيو اللحظه معنا . وبسَ والله هذي كانت فَكرتي البسيطه ؛ ولو فيه شي مو واضح هاتوه هنا :خري:. ايَ صح مو شَرط تكتو انكم مشاركين لان الموضوع مو مسابقه مجرد مساحه لكم وتسلية زائد موضوع لأنتاج مواهبكم وحصولكم عَ اقتراحات وتعزيزات وما الى ذلك. القوانين ؟ ـ قوانين المنتدى العَامه . ـ قوانين قسَم التصوير . ـ ممنوع السب والشَتم في ما بينكم . ـ ممنوعَ أنتقادك للقطات بشَكل جارح ؛ قل خيراً أو أصمت . # وصَلنا معكم للنهاية . أتحفونا بَلقطاتكم واسعدونا وشاركونا لحظاتكم الجميلة حتى السيئه أعطوها نصيبها واذكروها هنا مَ فيه مشكله لو علقتو ع لقطات بعضكم بحيث تمنع الدردشه الجانبية . وكمان مَ فيش مشكله لو كتبتو قصة اللقطه او حطيتو تحتها عبارة وكذا اشَياء ::. اتمنى لَكم وقت ممتعً وفي أمان الخالق :خري:.

[Mihaf-]

مشاركة من بكرا بنزل

[Rαin]

دام له علاقة بالتصوير فانا هنا ان شاء الله .


رين ماتكون رين إلا إذا تحلطمت ،


في مطعم صارله شهر فاتح، اهو بالأصل كان يقدم بس كيك ومن هالسوالف، والكيك مالهم يهبل .
عاد قبل فترة فتحو لهم فرع متخصص بالاكلات يعني يسوون عيوش وشوربات وسلطات ومزات ومن هالسوالف،
وصار خاطري ازوره بس كنت حدي مشغولة .>تتذكر المعاناة وتصيح.

واليوم المفروض نطلع نتفسح انا واختي واخوي
بعد التراويح كنا متفقين نطلع مطعم يديد ونتعشى فيه، عاد اخوي من رجع من التراويح فتح البلاستيشن وماعاد يعرفنا . سحب علينا


فطلعنا أنا واختي، دخلنا وديكور المطعم يهبل، وكنا ناوين ناخذ للبيت كيكة معانا.
بعد ماطلبنا العشاء وبدنيا ناكل، وقضمنا قضمتين.
ياخي ماقدر اوصف كمية القهر اللي حسيت فيها، يعني كلش ماكان الطعم لذاك الزود والمشكلة طلبنا أكثر من طبق وهم ماعجبنا .

حتى الكيك عافيناه ماطلبناه ، هو الصراحة ديكور المطعم يفتح النفس بس الأكل ابدا مايفتح النفس الله يكرم النعمة.

وبس يعني هذي سالفتي

[Rαin]

مساء الخير

رمضان قبل سنتين اتوقع،

مرة من المرات استغربت مافي حلا، وبالعادة اختي تتفنن ولازم تسوي حلا.
طبعا رين ماتسكت، لازم نلتزم بعاداتنا وتقاليدنا البيتية ، واروح واحن عليها،

والمسكينة ماقالت شي



هذي بسبوسة بالشعيرية او شي جي




تقريبا قبل ثلاث سنين؟
اللحظة اللي سجلت لتدريب السياقة، كان قبل رمضان بشهرين ، وبديت التدريب بعد رمضان .

سالفتي سالفة مع السياقة، اذكر كنت راقدة بحال سبيلي وتقعدني امي، يلااا قوومي بنروح ادارة المرور.
ولاني تنحة سالتها بكل فهاوة ليش يمه، هي كانت معصبة اتوقع ماذكر المهم ردت "عشان افتك من حنتج"

انجرحت مشاعري وقلبي وكلشي فيني، مو جذي يانبع الحنان .

[مَنفىّ ❝]

فكرة جمميلة ..
هذي سفرتنآ أول رمضان