شرح برنامج باندو Pando مع التحميل

[عمر ابو راس]

يالله انك تحيي هالوجيه السفره .. عندي لكم اليووم برنامج خبل

برنامجن على كيفك ... يعمل بطريقة p2p لكن هذا يختلف عن البرامج المعروفه مثل Ares وLimeWire وغيرها طريقته الله يسلم عماركم مثلا انا رجالن عندي صور او مقطع او برنامج او اي امتداد وابي ارسله لشخص معين ولا احد يقدر يحمله غيره .. هذي وبكل سهوله عمل البرنامج

تقدر ترفع لحد 1 قيقا وعندك ثلاث طرق عشان يحمل منها الطرف الثاني الملف
1- عن طريق الايميل Email
2 - عن طريق الماسنجر IM
3- عن طريق موقع Web (مابعد جربتها)

وبشرح الحين طريقة استخدام البرنامج

اول مايتحمل البرنامج وتضغط على open تسوي لي تنصيب مثل ماهو موضح بالصوره

يبدا عملية الست اب او التنصيب

او مايخلص تطلع لك الواجهه الرئيسيه للبرنامج

1 مثل ماهو موضح عن طريقه تروح لم الملف الي تبي ترفعه
2 يبين لك الملفات الي حملتها والي قاعده تحمل
3 الملفات الي قاعد ترسلها للشخص المطلب
4 تبطح في ملحقكم وطالع التلفزيون اخير لك

نروح لم options

لا تنسى الايميل الحقيقي لأنه توصل عليه الملفات

بعدها كانك تبي مكان معين عشان ينزل الملف فيه غير المستندات تضغط علىstorage

ثمن عقبها نروح للوجهة البرنامج ونضغط على share new وتطلع لك ثلاث خيارات مثل ماهو بالصوره

1 عن طريق الايميل وهالطريقه فهمها بعض الثيران ان الملف ينرفع على ايميلك وتروح فيها مساحة الايميل والحقيقه ان الملف يرتفع على سيرفرات البرنامج ويجيك في الايميل رابط كل ماعليك انك تضغط عليه وتحمل الملف وهو اسرع الطرق وممتاز جدا وميزته ان الي عطاك الملف ممكن انه يطفي جهازه لأن الملف خلاص انرفع على سيرفرات البرنامج وعيبه الوحيد ان مدة صلاحية الملف 7 ايام يعني تلاحق عمرك ونزله قبل كما تنتهي صلاحيته (لبن )
وهذي الصوره مع الشرح

وموضح لك الحجم الى 1 قيقا وتقدر تحدد اكثر من ملف المهم مجموعهم مايجي اكثر من قيقا

لما يوصل للايميل يكون بهالصوره

طبعا لازم يكون الشخص الي ترسل له الملف يكون عنده نفس البرنامج وهو الباندو واذا هو ماهو عنده معطيك رابط لتحميله .. وبرضوه مبين لك من الايميل ان الملف انرفع على سيرفر البرنامج.. عقبها تضغط على الاتتاشمنت وتنزل ملف الباندو

تسوي له سيف بالمكان الي تبي ينزل فيه الملف

اول ماتضغط open يشتغل برنامج الباندو .. وهالطريقة بالذات تشبه لتورنت لكن تكون ملفات خاصه ولا تبي احد يشوفها الا الشخص الي ارسلت له الايميل

هنا بدا يحمل شوي وكلش زابط ونازل

2 الطريقه الثانيه وهي عن طريق الماسنجر وهي تختار الاختيار الثاني في share new تختار IM وفيه اختلاف بسيط وهو ان الرابط مايوصلك على الايميل لا يعطيك البرنامج رابط جاهز تعطيه الي معك بالماسنجر واول مايضغط عليه يبدا يتحمل الملف وبرضوه لازم الشخص الثاني يكون عنده البرنامج ومشكلة هالطريقه انها بطيئه شوي وتعتمد اعتماد تام على سرعتة النت عندك وعنده

رقم واحد هو استعراض الملفات الي تبي ترسلها ومثل ما قلنا ما يتعدا 1 قيقا
رقم اثنين يطلع عندك الملفات الي رفعتها
رقم ثلاثه اذا خلصت وحطيت كل الملفات تضغط عليه عشان يعطيك اللنك الي تعطيه خويك الي بالماسنجر

تنسخ اللنك وتعطيه خويك وانتهى الموضوع ... فيه ملاحظه ان طريقة الماسنجر لازم يكون جهازك انت يالي قاعد تعطي الملف وبرنامج الباندو شغاله ولا تسكرها الين ينتهي الشخص الثاني من تحميل الملف بعكس طريقة الايميل انطل اللنك في ايميله وطف جهازك ورح ارقد وهو متى ما شافته ينزله
لعل ان شاء الله الشرح كان سهل ولا طولت عليكم واستخدموه في مايرضي الله لا تصيرون مثلي اغاني وقلت حيا <<بجيح

رابط التحميل




ارعص على الصوره عشان تطلع بحجمها الطبيعي مهوب كنها شامره




هدية العدد
بعض اللنكات تجيك طويله تحوم التسبد مثل لنكات البرامج والمواضيع وغيرها .. فيجيك وقت تبي ترسل لنك من الجوال ولا تقدر تكتبه لأن اللنك طويل وتنعل فيه .. فأعطاني احد الشباب الله يجزاه بالجنه لنك لموقع يخلي لك الرابط مهما كان طوله مايتعدى 25 حرف ويودك للصفحه الاصليه



ويوصلك للموضوع ولصفحه نفسها وهذا رابط الموقع ماعليك الا تاخذ الرابط الطويل وتحطه في الفراغ وتضغط على make tinyURL

http://tinyurl.com

[RooT]

ماشاء الله عليك اخي عمر ابو راس

ويسلم راسك والله

برنامج رائع وشرح ولا اروع فعلا

جهد تشكر عليه والموضوع فعلا يستحق التثبيب والتميز

بعد اذن المشرفين سأقوم بمنح الموضوع ختم التميز


وماقصرت اخوي عمر

عمل احتراااافي

[عبدالرحمن الحربي]

الله يحييك اخوي وياهلابك ومنور المنتدى

والصراحه جهد تشكر عليه وفعلاً اخوي ابوهايل يستحق التمييز

الله يعطيك العافية ومشكوور على الهديه لكن من سياسة منتدانا يمنع وضع روابط تقود

لمنتديات آخرى ارجوا ان تكون تفهمت الوضع

احترامي

مثبت

[script]

مشكور اخي عمر على الابداع وشرح ولا اروع

[abdelwadoude]

مشكور أخي على البرنامج ومثل ما قال أخي عبد الرحمان مع احترامي لرد الأخ أبو هايل ورد الأخ أبو خالد
هدا البرنامج به رابط يشير لمنتدى آخر وهدا مخالف للشروط التي وضعت بعيون العرب وأترك التصرف للإدارة في مثل هدا الأمر ما داموا مروا عليه ولم يقولوا اي شيء فمرحب بالموضوع ومتبث بإذن الله مثل ما قال أخي عبد الرحمان