|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
02-10-2011, 03:10 AM
| ||
| | ||
 رواية : بشويش ضمّينـي علـىَ الصـدر تكفيـن ..وإذاا طلبـتـك شــيّ .. لااا تمنعيـنـي مساء\صباح النور والسرور الورد المنثور للأمانه الكاتبة:Broken Dream R3 بشويش ضمّينـي علـىَ الصـدر تكفيـن وإذاا طلبـتـك شــيّ .. لااا تمنعيـنـي ودي أشـمّ أنفـاس عـطـر الرياحـيـن زيـدي مِـن انفاسـك علـي .. ولّعينـي خـلاص طـشّ العقـل صرنَـاا مجَانـيـن أنَـاا سكرتـك بالهـوىَ .. واسكريـنـي إيـه اثملينـي بالـهـوىَ .. لااا تخافـيـن طفّـي لهيبـي .. وارجـعـي واشعليـنـي تدرين لااا جاك التعـب .. وش تسويـن؟ إنـتِ اشهقينـي داخلـك ،، و اتركيـنـي انتظروني بالبارت الأول .gif) الــبـــارت الأول ksa كانت متمددة على سريرها وفي حضنها دبدوبها الأبيض الكبير وسرحانة في خيالها قطع عليها افكارها صوت رنين جوالها خذت جوالها تشوف مين المتصل لقت " تؤم روحي " يتصل بك ابتسمت لا اراديا وردت : هلا وغلا بأحلى غلا غلا بصوت متقطع : جــ جــو جووري نطت جوري من السرير وبخوف:غلا حبيبتي وش فيكي ؟؟ غلا وهي تشهق وتبكي : جوري تكفين تعالي عندي محتاجتك جوري وهي خايفة على تؤم روحها كل شي ولا غلا يصيبها شي : غلا قلبي مسافة الطريق وأكون عندكِ بس أنتِ لا تبكين وأهدي غلا : أوكي بس لا تتأخرين تكفين جوري بقلق : اوكي ما راح اتأخر سكرت جوري من غلا وهي مستغربة ليش تبكي هم دائما شعارهم بالحياة " لا للدموع ونعم للمستحيل " قطعت جوري افكارها وراحت خذت عبايتها وشيلتها ونزلت من غرفتها ولقت امها بالصالة قاعدة تشوف التلفزيون جوري : هاي مامي أم الجوري : اهلين , شو ع وين رايحة ؟؟ >>>>> أم الجوري سورية جوري : بروح عند غلا أم الجوري : هلأ ؟؟ جوري بعجلة : ايه ماما الحين ضروري يلا باي أم الجوري : باي وديري بالك ع حالك طلعت جوري من الفيلا مستعجلة دخلت السيارة وقالت للسايق يروح بيت غلا .... ********** نروح لأفخم القصور الموجودة بالسعوديه " عائلة ال...." من أفخم وأكبر العوائل المعروفة بشركاتهم الضخمة وأسهمهم وتجارتهم ما في شخص ما سمع عن هالعائلة......... بداخل هذا القصر وبأحد الأجنحة كان جالس بغرفته الكبيرة الواسعة وبيده فنجان النسكافيه ويتابع فيلم من أفلام "جاكي شان " قطع عليه متابعته رنين جواله رد : هذا وقتك تدق !! ريان بدون سلام : خالد تعال النادي ابيك خالد وهو مستغرب من ولد عمه : ريان ايش فيك ؟؟ ريان وهو يتنهد : قلت لك تعال بعدين اقولك كل شي خالد : اوكي ربع ساعة بالكثير وأكون عندك ريان : انتظرك . سكر منه واخذ رشفه من فنجانه وقام لبس بنطلون جنز اسود وتيشرت اسود ضيق يبرز عضلاته وتقاسيم جسمه الرياضي أخذ جواله والبوك ومفاتيح السيارة وخرج من جناحه قابل أخته ندى وهي طالعة ع جناحها بس وقفت لما شافت خالد نازل لكن طنشها وكمل نزوله ندى : خالد وين رايح ؟؟ خالد : مالكِ شغل وطلع ركب سيارته الجيمس وانطلق فيها بأقسى سرعة ... ********** دخلت جناحها بعصبية وخبطت الباب وراها بكل قوتها فكت شعرها وانسدحت على سريرها : أوووووف وبعدين مع الملل ؟ أختها نوف بشهر العسل مع حبيبها وأختها شهد بزر ما تجاوز عمرها الأربع سنين وأخوها خالد دائما مب فاضي لها وهذي السنة ما في سفر بسبب كثرة الشغل .... طاحت عينها ع لاب توب صار لها مدة ما فتحت ايميلها تربعت ع سريرها ولمت شعرها بشكل عشوائي وفتحت اللاب توب وسجلت دخول ع ايميلها بس خاب كل املها لما لقت كل اللي عندها أوف لا ين !! ندى بطفش : يالله وش هالحظ ؟ وجاء ع بالها تدخل شات كثير سمعت عنه بس ولا عمرها دخلته والحين قررت تدخله عشان تقتل الملل اللي فيها ودخلت عالم الشات باسم " قطرة ندى " ارتسمت ابتسامة ع شفايفها بعد ما شافت الترحيب من الناس الموجودة بالشات ( هلا قطرة ندى.. نورتي الشات .. مرحبا قطرة ... هااي ...الخ ) طقطقت بسعادة ع ازرار اللاب توب وصارت ترد ع الموجودين بالشات .. ********** صوت جوالها ازعجها وقطع عليها أحلى نومة وبصوت نايم ردت : هلااا وجدان بصريخ : كلللللووووويش أخيرا رديتي !! كشرت شوق : وجع أن شاء الله ترى أذني أبيها وجدان : ليش حضرتكِ ساعتين عشان تردي ؟؟ شوق : والله كنت نايمة وحضرتكِ ازعجتيني وصحيتيني من احلى نومة وجدان : انتي ما تشبعين نوم ؟ شوق بإبتسامة : لأ وجدان : المهم شوشو ابيكي تجين عندي بوكرا !! شوق : أولا اسمي شوق مو شوشو خربتي اسمي !! ثانيا ليش تبيني اجي وش عندك ؟؟ وجدان : بنات عمي بيجون ابي اعرفك عليهن شوق بتفكير : ممممم اوكي بس عادي اجيب ندى بنت عمي ؟؟ وجدان بسعادة : والله يا ليت عشان تكمل وتصير جمعة بنات ! شوق : خلاص اجل بوكرا نكون عندك ان شاء الله وجدان : انتظركم شوق : بأمان الله وجدان : بحفظ الرحمن ********** ksa بقصر وزير ال ..... كان جالس ع وحده من الكنب الموجوده بالصاله والدخان بيده وموبايله باليد الثانيه ويكلم بنت من البنات اللي يعرفهاا: الليله اللي تنامين فيها معي بعطيك 10 الاف ريـــال !! هي بصدمه : عشره ؟؟ راشد بخبث : ايوا كل ليله بعشره موافقه ؟ هي بدون تفكير : موافقه بس ترسل الفلوس اليوم وبعدين اقولك متى تجي راشد بذكاء : لا يا حلوه الفلوس ما تاخذيهم غير لما اضمن وجودك معي وثانيا انتي اللي بتجيني مو انا بجي عندك هي وتبغى فلوس باي طريقه : موافقه متى اجي عندك ؟ راشد بخبث : الليله هي : اوكي الليله اكون عندك راشد : انتظركِ ********** مـــــــالــيـــزيا بأحــــد الفناادق الــراقـــيــه نوف وهي تقاوم قبلات سعود وبهمس : سعود خلاص سعود وهو يناظرها بحب : تدرين اني ما اشبع منك ؟ نوف بخجل : سعووووود قـــــرب منهاا سعود وهو مو قادر يقاوم خجلهاااا ^-^ ********** ksa كانت بداخل السيارة مع السواق وبالها مشغول بغلا , يا ترى ايش فيها ؟ وليش كانت تبكي ؟؟ فجأة لقت السواق وقف السيارة !! جوري بعصبية : ليش وقفت بسرعة امشي تراني مستعجلة ! السواق : ماما هاد في سيارة وقف قدام مال أنا كيف هادا يمشي ؟ جوري بعصبية أكثر : ماما بعينك فتحت الباب ونزلت من السيارة واخلاقها مقفلة واتجهت للسيارة اللي مو راضية تمشي وسادة عليهم الطريق . ********** خالد وهو يضرب السيارة برجله : هذا وقتك تتعطلي , مسك جواله بيده يبي يتصل بس قطع عليه صوت انوثي ناعم : هييييه أنت !! لف خالد ع الصوت : نعمممم خير ؟؟ تصنمت جوري مكانها وخالد ما كان احسن منها كمان تصنم بمكانه وعيونه مركزة عليها ..... ********** بعد ما انتهت من مكالمتها مع وجدان اتصلت ع بنت عمها ندى : هلا شوق : هلا بك زود كيفك ؟ ندى ببرود : عايشة شوق باستغراب : ندى وشفيكِ ؟؟ ندى باندفاع : يا اختي الملل راح يموتني !! شوق بضحكة : ههههه خلص حبيبتي انا راح اصير عشانك مجرمة واقتل لك الملل !! ندى بطفش : وكيف يا انسة شوق ؟؟ شوق بابتسامة : بنت خالتي وجدان مسوية جمعة بنات بوكرا وشرايك تجين ؟؟ ندى : .............. شوق باستغراب : ندى ؟؟ ندى : .............. شوق خافت : ندى ؟.. ندى ليش ما تردين ؟؟ ندى : .............. شوق بصريخ وشوي وتبكي : ندىىىىىى ********** اذا تبغون اكملها ابغى اشوف الردود تشاااااو |
|
#3
02-10-2011, 11:28 AM
| ||
| | ||
| البارت الثاني عــــند غـــــــلا صحت من نومها وراسهاا مصدع قامت من السرير بكسل خذت حبه بندول ودخلت الحمام عشان تتوضا وتصلي المغرب قبل لا يأذن العشاء.. دخلت ع الغرفه عشان تتطمن على غلا لقتها قاعد تصلي جلست ع الكنبه تستناها تخلص ... خلصت صلاه وشالت السجاده وجلال الصلاه جوري بابتسامه : تقبل الله جلست غلا جنب جوري وبهدوء : منا ومنك ، وين كنتي ؟ جوري : نزلت اسلم ع خالتي وجلست معها غلا : اهاا انتبهت جوري لسرحان غلا وعرفت أنها قاعده تفكر بفيصل جوري : غلا غلااااا سرحاانه : ........... جوري بصوت عاالي : غــــــــــلالالالاااااااااااااااااا نقزت غلا بمكانها : وجع ان شاء الله راحت اذني وش تبين ؟ جوري : وين سرحتي ؟ غلا بهدووء : وش قاعد الحين يسوي ؟ أكيد جالس معها جوري بضيق : خلاص حبيبتي انسيه هزت غلا راسها وظلت سالكته جوري بابتسامه : حزري فزري من شفت اليوم ؟ غلا ببرود : من ؟ جوري ومازالت مبتسمه : خالد ابن عائله ال ....... طالعتها غلا بصدمه : كذاااابه احلفي ؟ جوري وهي تضحك : والله شفته اليوم غلا وهي مازالت مصدومه : خالد ابن عائله ال ... ما غيره ؟ اللي البنات تتكلم عنه وعن جماله ؟ هزت جوري راسها بالايجاب وهي مازلت مبتسمه غلا ونست سالفة فيصل : وكيف كان شكله حلو ؟ جوري بابتسامه وهي تتذكر ملامحه : ملاك غلا بحماس : وكيف شفتي ؟ وشلون قابلتيه ؟ تكلمت معه ؟ كان معه ولد عمه لأنه كمان يقولو عنه حلوو ويخقق ؟ جوري بضحكه : شويه شويه كل هذا بجاوبك ؟ وشو هو تحقيق ؟ غلا بابتسامه : لا بس متحمسه ابتسمت جوري لأنها قدرت تطلع غلا من حالتها وبدات تحكي لها عن خالد ...... ********** في مكان ثاني الأصوات العاليه عامة المكااان والفرحه ما تركت مكاان للأحزان والشارع منتشره فيه الزينه والأضاءة بأشكال مختلفه والفيلا من داخلهاا مملوءة بالورد وانواع الطعام المختلفه ..... الخ أبو دانه : نادي دانه المعرس يبي يشوفهاا أم دانه بفرحه : الحين أناديهاا كاانت جالسه مع صاحبتهاا والضحكه ما فارقت وجهها ساره بهمس : وش صار بريان ؟ دانه بضحكه : سحبت عليه ساره :والله أنك هبله كان القمر بين ايديكي وضيعتي ! دانه بدلع : أنتِ تعرفين أني أحب فيصل ولو يجيبو لي ملك جمال العالم ما ارضى بغير فيصل ساره بتفكير : بس ما اظن ريان يسكت لكِ دانه : ما راح يقدر يسوي شي لأنه باختصار هو يمووت فيني قطع عليهم صوت أم دانه : دانه يلا حبيبتي زوجك يبي يشوفك وقفت دانه بخجل : الحين ؟ ابتسمت ام دانه : اجل بوكرا ؟ دانه : بس .... قاطعتها أم دانه وبنظرة حنان : يلا يا دانه زوجك يبي يشوفك وهذا من حقه الله يوفقك ويسعدك دانه بابتسامه : الله يخليكِ لي لفت دانه على صاحبتها ساره وهمست باذنها : ادعيلي ما اطيح لما اشوفه ساره بضحكه : روحي حبيبتي ان شاء الله تطيحي بحضنه حمرت خدود دانه : وجع أم دانه : يلااا يا دانه داانه : يلا جايه ********** كان جالس بالمجلس وباله بعيد قاعد يفكر فيهاا وبحالتهاا :ياترى وشلون حالتها الحين ؟ تنهد بضيق كان لازم يتركهاا عشان ابوه .. ابوه قال له انت لبنت عمك وهو ما يقدر يرفض له طلب وما يرضى بغضب ابوه .. كان لازم يجرحها بكلامه عشان تنساه ..... قطع عليه تفكيره دخول عمه وبنت عمه المجلس دانه وهي منزله راسها : ســ ســلام عليكم<<< جلست جنب ابوها وقف فيصل : وعليكم السلام فيصل : كيفك دانه ؟ دانه بخجل : الحمد لله وقف ابو دانه : انا طالع اشوف الضيوف <<< طلع وتركهم ناظر فيصل بداانه كانت لابسه فستان ليموني مطرز بشكل ناعم وشعرها مزينته بوردات ليمونيه صغيره ومنزله كم خصله على وجهها ومكياجهاا مبرز ملامحهاا.... استغربت دانه من سكوته ورفعت عيونهاا وطالعته شافته قاعد يناظرها وتعلقت عيونه بعيونهاا فيصل وهو يكلم نفسه : حلوه بس مو احلى من غلا ...آه يا غلا .. اطلعي من قلبي وعقلي .. أنا لازم أفكر بزوجتي .. هي بنت عمي ومالها ذنب.. قام فيصل وجلس جنب دانه ومسك يدها وحط فيها ورقه صغيره وقال بهدوء : هذا رقمي وانا أخذت رقمك من عمي وأن شاء الله بينا كلام دانه شويه وتذوب من قربه لها وريحه عطره : أ..أأن شاء الله سحبت يدها منه وما شاف الا غبارهاا ^-^ طلعت وحطت يدها ع قلبها تهدي نبضها اللي زاد ..... كانت طالعه من المطبخ وشافتها : هههههه وشفيه وجهك صاير طماطم ؟ مشت داانه ناحيتها وضربت كتفها بخفه : أنتِ مو شاطره غير بالضحك علي غمزت لها ساره : هاه ؟ وش صار ؟ حطت دانه يدها ع قلبها : آه يا ساره يجنن..وقالت لها اللي صار ساره بابتسامه : الله يهنيكِ بادلتها دانه الابتسامه : عقبالك حبيبتي ( دانه ... 19 سنه .. شعرها اسود قصير لحد اكتافها .. عيونها ناعسه ولونها بني غامق ..سمراء بس سمارها حلوو .. جريئه وتحب التحدي .. وتحدت صديقاتها عشان توقع ريان بحبها ونجح تحديهاا .. تعشق ولد عمها فيصل ..) ( فيصل ... 24 سنه قريب بيدخل بال 25 سنه ^-^ .. حنطي البشره .. عيونه العسليه تجنن .. شعره اسود .. جريء وحنون .. يعشق غلا.. وتزوج دانه عشان ابوه والعائله .. ) ********** عــنــد راشـــــــــد رمى بوجهها 10 الاف ريال : خذي أخذت الفلوس وناظرته بخووف : ....... ناظرها بخبث وابتسم.. راشد : تدرين انتِ اول بنت اعطيهاا فلووس قبل لا اخذ منهاا اللي ابـــيه !!!! قرب منهاا خطوه وهي ترجع خطواات وتناظره بخووف وصرخت بصووت عاالي : وقــــــــــــــــــــــــــــف طراااااااااااااااااااااااااااااااخ حطت يدهاا ع خدهاا ودموعهااا نزلت : تضربني ؟ راشد وهو يمسك يدهااا ويضغط عليهاااا : ليش تصاارخي ؟ ترى انتِ اللي جيتي عندي..أنا ما قلت لكِ تعاالي غصب شذى وهي ترجع له فلووسه وبخووف : خذ فلووسك .. بس تكفى خليني اطلع .. انا مااا ابـــيه راشد وهو يتركهااا وبعصبيه : اطلعي .. مو ميت عليكِ عندي غيرك كثير كـــــــلامه يجـــــــرحها طلعت من عنــــده ودموعهااا ع خدهاا ... بعد ما خرجت ابتسم بسخريه عليها وانسدح ع السرير .. بعد خمس دقائق تذكر شي وقام يدور جواله .. أخذ جواله واتصل واحد من رجاله : آمر طال عمرك ؟ راشد : وش صار ؟ : جالسين نراقبها طال عمرك راشد : لا تغمضوا عيونكم عنها..وقت تصير لحالها تتصل بي وتخبرني ! : تآمر راشد : يلا روح كمل مراقبتك سكر جواله وغمض عيونه وهو يتذكر ملامحها وجمالها اللي ما يقدر يقاومه ... راشد وهو يكلم نفسه : أنا اوريك يا قلبي أنتِ لي غصب عنكِ !! ( راشد ابن وزير معروف بالسعوديه .. 25 سنه .. ملامحه حلوه ويهتم بشكله كثير .. امه ماتت وابوه كل يوم سفر ولا يسأل عنه ويهتم براشد بالفلوس فقط ! .. كل يوم مع بنت وشرب وسهر .. بباله وحده يبي يوصل لها مع الأحداث نعرفها ^-^ ) ********** نهااايه البااااارت الثااني |
|
#4
02-10-2011, 11:38 AM
| ||
| | ||
| بسم الله الرحمن الرحيم البارت الثالث الـــبــارت الـــثـــالـــث صباح يوم جديد على ابطااالـــنــا .......... سوريا " الللاذقيه " كانت واقفه على شاطىء البحر ونسمات الهواء تلعب بخصلات شعرها الأشقر ومركزه عيونها ع البحر وامواجه .. قطع عليها الجو بوسه انطبعت ع خدها : صباح الخير حبيبتي لفت عليه ورسمت ع وجهها ابتسامه بالغصب : صباح النور رامي وهو يناظر عيونها : كيفك اليوم ؟ جينا : منيحه فاااااارس من بعيد وبصوت عاااالي : ياهوووووو الحبيبين عايشين الرومانسيه مع البحر ضحكت الشله كلها على تعليق فارس وتقربو من جينا ورامي .. الشله بصوت واحد : صباحوو ع الحلوين جينا ورامي بابتسامه : صباح النور جلست الشله بشكل دائري قريب من البحر وانضمو لهم جينا ورامي طالعت جينا بالشله : شو وينها لانا ؟ رنا : يمكن لسا نايمه جينا : بس مو بالعاده تتأخر ؟ رامي وهو يلتف ع جينا : جينا أنتي المسؤوله عن البنات يا ريت اليوم تسألي عنها إذا ما بينت جينا : أكيد راح اسأل وشوف شو صاير معها مازن وهو يأشر بيده : ما في داعي تسألي .. شوفيها جايه عم تركض التفت الشله كلها مكان ما قال مازن وشافو لانا ..... وصلت لانا لهم وهي تلهث : قبل الصباح والسلام سمعتو آخر خبر ؟ جينا ببرود : لا ما سمعنا .. لسا هلأ صحينا من نومنا شو شايفه أخبار بمنامك ؟ لانا بجديه : أنا عم احكي عنجد اليوم سمعت الخبر من بابا والجيران رنا بحماس : طيب خبرينا شو هالخبر من الصبح ؟ لانا بحذر وهي تراقب رامي : سيف بوكرا راح يطلع من السجن وقف رامي بعصبيه : شووووووووووووووووووووووووو ؟ ركزت جينا عيونها بالفراغ وزادت دقات قلبها وهي تسمع الخبر .. قرب رامي من لانا ومسك يدها وضغط عليها : شو هالخبر يلي جايبتي من الصبح أنتي متأكدة من الخبر ؟ لانا بخوف من رامي وهي تحاول تسحب يدها منه : لك والله كل يلي هون عم يئولو انو بوكرا طالع .. مو أنا يلي اخترعت الخبر وقفت جينا وبعدت لانا عن رامي وبعصبية : لا تحط عصبيتك بالبنت رامي وزادت عصبيته والتفت ع الشله : اسمعوني كلكم سيف إذا طلع من السجن ممنوع حدا يتعامل معو او يحكي معو فهمتو ؟ جينا وهي تحاول تهدي نفسها : رامي بس هيك ما بيسير .. كيف بدك يانا نقاطعوا وهو كان واحد منا ومن شلتنا ؟ رامي بصريخ : أنت حكيتيها كان واحد منا وهلأ لأ هو مو واحد منا .. ولا نسيتي أنه هو السبب بموت أخي الكبير ؟؟؟؟؟؟؟ سكتت جينا والشله واقفه بدون اي رد فعل وعم الهدوء بالمكان الا من اصوات الامواج رامي بهدوء : اظن الحكي تبعي مفهوم واي واحد بيحكي معه بيعتبر نفسه مطرود من الشله ومن الشغل .. وتركهم ومشي !!!!!! نتكلم شوي عن هالشلة ....... رامي : ( 25 سنه ..هو رئيس الشله وهو منظمها وعنده منتجع وشاليه ع البحر والشله تشتغل بهذا الشاليه والمنتجع .. ابيض البشره وشعره اشقر .. عيونه ازرق فاتح ..يحب جينا وهو اللي عينها رئيسه معه عشان تهتم بأمور البنات .. عنده أخ أكبر منه بس مات بعدين نعرف كيف مع الأحداث .. ) جينا : ( 20 سنه ..بنوته بيضا شعرها اشقر ذهبي .. عيونها خضرا .. وحيده اهلهاا وتحب الشله .. طيوبه وما تسكت عن الحق .. ) رنا  21 سنه ..شعرها اشقر فاتح .. بشرتها تميل للبياض .. عيونها ازرق فاتح .. تحب رامي وتغار من جينا ومضايقه لأنه رامي يحب جينا وخلاها رئيسه معه بالشغل .. )لانا 20 سنه .. ملامحها طفوليه .. شعرها شوكولاته.. وعيونها عسلي .. خدودها دوم حمرا مثل الطماطم ^-^ تحب جينا وتعتبرها مثل اختها .. )فارس : ( 24 سنه .. شعره اسود طويل لرقبته .. عيونه اخضر فاتح .. جسمه يجنن.. رومانسي ويحب لانا بس هي ما تعرف أنه يحبها .. ) مازن : ( 25 سنه .. حنطي البشره .. عيونه بنيه .. شعره اسود سبايكي .. خاطب بنت بالشله اسمهاا رانيه .. ) رانيه : ( 22 سنه .. بنوته جذابه بسمارها ..عيونها بني .. شعرها اسود لكتوفهاا .. غمازت خدودهاا تجنن .. تمووت بماازن ^-^ .. ) ********** ksa لابسه المريول وجالسه تجهز الدونات والعصائر والحلويات والمطبخ حايسته بالطحين والصحون وكاسه انكسرت وزجاجها مرمي بالارض وملعقه هنا وشوكه هناك ...... الخ ^-^ طلت براسها ع المطبخ وغرقت بالضحك : ههههههههههههه وجدان ايش هذا ؟ التفت وجدان لها وبيدها برتقاله وابتسمت بطريقه طفوليه : ايش ؟ عنود ومازلت تضحك : هههههههههههههه بالله ايش هالحوسه شوفي وجهك كله طحين كشرت وجدان : ايش اسوي لوحدي قاعده اجهز ... وحضرتكِ قلت لكِ تعالي بدري وتأخرتي عنود بابتسامه : سوووري قلبوو .. هذا أنا جيت عشان اساعدك وجدان وهي تأشر بيدها : هذي مريوله البسيها وتعالي ساعديني .. وربي كل هذي الحوسه وما خلصت شي .. افكر اطلب جاهز وشرايكِ ؟ عنود وهي تدخل المطبخ وتاخذ المريوله : لا قلبوو .. الحين اساعدك ونخلص كل شي..لازم البنات يذوقو طبخك وجدان بابتسامه وهي تاخذ صحن البسكويت : امحق طباخه .. الحين قولي لي ليش تأخرتي وهذا بيتك ما يبعد عن بيتي غير خطوتين ؟ عنود وهي تضحك وتراقب رد فعل وجدان : هههههه ليش ما قلت لكِ كان اخوي يكلمني أنا وامي ع النت وقال لنا بوكرا راجع طراااااااااااااخ انكسر الصحن اللي بيدها وبهمس : اخوكي عمر ؟ عنود وهي تقرب من وجدان : وجدان ابعدي عن الزجاج غورقت عيونها وقالت وهي مو مصدقه للحين : عنود صدق بيرجع ؟ عنود وهي تناظر وجدان : وربي بيرجع ... خلاص خلص دراسته جلست وجدان ع الكرسي القريب من طاولة المطبخ وتنهدت : أخيرا عنود وهي تراقبها وبعطف : لهدرجه مشتاقه له ؟ وجدان وهي تناظرها ودمعه حرقت خدها الدافي : اربع سنين يا عنود بدون ما اشوفه او اسمع صوته .. كل هذا وما تبيني اشتااق ؟ عنود وهي تضمها وبضحكه عشان تخفف عنها : خلاص قلبووو هذا هو راجع .. يلا نجهز الحين يجوو البنات واحنا مو مسوين شي وجدان وهي تمسح دموعها : طيب ( وجدان .. 18 سنه .. بشرتها بلون العسل .. شعرها بني غامق طويل لنهايه ظهرها .. عيونهاا بني فاتح .. حساسه وعنيده وتحب الافلام الهنديه .. تحب عمر ولد جيرانهاا من طفولتهاا .. مع الأحداث توضح شخصيتها أكثر ^-^) ( عنود .. 18 سنه .. صديقه وجدان وبنت جيرانهاا .. شعرها فراوله .. عيونها صغار بس حلوين .. حنطيه البشره .. حنوووونه مره وتحب الاطفال .. توفى ابوهاا وعايشه مع امهاا وتنتظر رجوع اخووها الوحيد ) ********** عـــند جوووووري غلا : جوري وربي مالي خلق شي جووري بعنااد : مو بكيفكِ بمر أخذكِ بعد شوي غلا وهي تتنهد : طيب وين بنروح ؟ جوري : عازمتكِ ع اكل صيني وبعدين نتمشى شوي ونرجع غلا : طيب خلاص يالعنيده جوري بضحكه : متعلمه العنااد منك ِ غلا : هههههه ما تعلمتي غير العناد جوري : ههه ايش اسوي .. المهم قلبوو بسكر الحين بروح اتجهز غلا : طيب بايوو جورري : بايوو سكرت من غلا ونزلت تخبر امها بالطلعه .. لقت امها وابوها قاعدين يتقهوو ويتكلموو جوري بابتسامه : السلام عليكم ابوسامي وام سامي : وعليكم السلام تقدمت جوري وسلمت عليهم وجلست وبضحكه : ههه ايش فيكم سكتوو وقت جيت ؟ ابو سامي وهو يضحك عليهاا : كنا نحشي فيك ِ جووري وهي تتصنع الصدمه : افاا .. أنا بنتكم تتكلموو عني ؟ ابو سامي : ههههههههه أم سامي : هههه معئول نحكي عنكِ تؤبريني كان ابوكي عم يحكيلي انو بدنا ننقل هادا الاسبوع جوري باستغراب : ننقل ؟؟؟؟؟؟؟؟؟؟ ابو سامي : ايه حبيبتي شركتنا اندمجت مع شركه ابو خالد .. والشغل صار كثير وابو خالد شاف لي فيلا قريبه من الفيلا حقته وقريبه من الشركه .. وأنا اشتريتها وراح ننتقل لها . جوري بصدمه : بس بابا احنا متعودين هناا وقريبين من بيت عمي ابو غلا ؟؟؟؟ ام سامي : ههههههه حبيبتي لا تخافي ما راح نمنعك تشوفي غلا جوري بضيق : ومن هذا ابو خالد اللي اقترح النقل ؟ ابو سامي :افاا ما سمعتي عنه ؟عائله ال ...... كل السعوديه تعرف هذي العائله جوري بصدمه : عائله ال .... وتذكرت خالد اللي شافته امس واتذكرت كلامه (ضحك خالد وهو مستانس على عصبيتها وبغرور : مو خالد ابن عائلة ال ... يصلح سيارات وبعدين حضرت جنابك اللي متنحة وكأنك معجبة وغمزلها : تبين اعطيك الرقم ؟؟) قام ابو سامي : يلا توصون شي .. عندي شغل بروح اخلصه .. وتجهزوو من الحين عشان النقل ام سامي وهي توقف معه : سلامتك حبيبي .. لا تخاف راح نكون جاهزين بهادا الاسبوع خرج ابو سامي وقربت ام سامي من بنتها : جوري شبكِ حبيبتي .. وين سارحه ؟ طلع ابوكي وما ودعتيه!!!! جوري بسرحان ومو منتبه لكلامهاا : ماما ابوخالد ؟ يعني ابوه لخالد ؟؟؟ ام سامي باستغراب : ايه حبيبتي اسمه ابو خالد يعني اكيد بيكون ابنه خالد !!!!! جوري وتوها تستوعب انه اللي قدامها امهاا : هاه ؟ اايه اايه ... وعشان تضيع السالفه : ماما انا بطلع الحين مع غلا ام سامي : لا حبيبتي اجلي طلعتك .. اليوم لازم نجهز اغراضناا مشان ننتقل جوري برجاء : ماما يوم واحد ما راح ياثر ع النقل وبعدين أنا وعدت غلا ام سامي : طيب اللي بدك ياه ساوي .. بس اذا ابوكي عصب انا ما دخلني جوري بضحكه : ههههه ما عليكي انا اقدر على ابو سامي ... الا صح ماما انت ِ امس اخذتي السواق عشان اسامه ايش صار عليه ؟ ام سامي بحنان : مبارح ارتفعت حرارته .. وما عرفت شو ساوي اخدت السواق ورحت فيه على المستشفى .. يؤبرني ان شاء الله خوفني عليه جوري بقلق : والحين كيف صار ؟؟؟؟ ام سامي بابتسامه : لا هلأ صار منيح .. وهو هلأ فوق بغرفته عم يلعب ويضحك جوري وهي تتنهد بارتياح : الحمد لله .. يلا ماما بروح اتجهز اتاخرت على غلا ام سامي : ديري بالك ع حالك ********** بـــالــشــركـــه خـــالد: طيب يبه .. هو متى بيجي ؟ ابو خــالد : بعد ساعه تقريباا .. ما اوصيك يا خالد ! خالد : ابشر يبه .. كل شي قلته بيصير ابو خــالد وهو يقوم من وراء المكتب : الله يرضى عليك .. يلا انا خارج وقف خــالد : بحفظ الله يبه خرج خالد وراء ابوه متوجه لمكتب رياان ... دق الباااب وصله صوت رياان : تــــفــضل دخل خــالد : السلام عليكم وقف رياان وهو يتقدم له ويصافحه : وعليكم السلام ... وينك من الصبااح ؟؟ خــالد: كنت مع الواالــد جلسوو ع الكنب الجــلد الأسوود ريــان : عسى ما شر ؟ وش يبي عمي ؟؟ خــالد : تذكر ابو سامي اللي آخر صفقة كانت معاه ؟ ريـــان وهو يتذكره : ايوا ايش فيه ابو سامي ؟ خــالد : ابو خالد وابو ريان اتخذوو قرار بدمج شركتنا مع ابو سامي واليوم بيجي عشان أنا وانت نتفق معه ع طريقه الشغل .. وهو يناظر ساعته : بعد ساعه بيجي ريــان وهو يستند ع الكنب وياخذ سماعة التلفون : حلوو ..ابوي وابوك متفقين.. بس الصراحه ابو سامي كفوو بالشغل .. وشركته ناجحه ... حط السماعه باذنه : الوو .. ارسل لي اثنين قهوه ساده ... سكر السماعه والتفت لخــالد : خــالد أنت مو موافق ع دمج الشركتين ؟ خـــالد بتعب : بالعكس ابو سامي من اول ما قابلته وعاجبني شغله وتفكيره .. بس ابوي يقول انه لازم اليوم نتفق ع كل شي ونخلص الاوراق وهذا غير نقل ابو سامي للفيلا القريبه مناا ريــان : هههههه من متى وأنت كسلان كذاا ؟؟ خالد بنظره لرياان : من وقت ما عرفتك ريــان : ههههه اشكر ربك تعرفني .. وبغرور : غيرك يتمنى نظره مني دق البااب ووصلت القهوه .. ريـــان : تفضل دخل المسؤول عن الكافيه وقدم القهوه لهم وخرج ..... ريــان وهو يرتشف القهوه : تــعال توني استوعب .. ابو سامي بينقل ؟ خــالد : ايوا .. المهم خليناا نجهز الاوراق قبل لا يجي ريــان وهو يرجع وراء مكتبه : تآمر استااذ خــالد ********** عــــند شوووق نــدى : وربي خلصت .. جااايه شووق بصريخ : ندى ارحميني من ساعه وانتِ تقولي خالصه .. وربي بمووت من الحر .. خمس دقائق اذا ما جيتي بمشي وخلي السواق حقكم يوصلكِ ندى بشهقه : لالا وربي جيت .. السواق حقنا ما يعرف بيت خالتك حتى أنا ما اعرف !!!! شوق بتهديد : مالي شغل خمس دقائق وبس ... وسكرت بوجههاا ثلاث دقائق وانفتح باب السياره وقالت وهي تلهث : السلام عليكم شوق : وعليكم السلام .. بدري ؟ ندى بضحكه : ههههه بدري من عمركِ شوق وهي تناظرهاا باستخفاف : ناس ما تجي غير بالتهديد ندى وهي تضرب كتفها بخفه : انطمي كنت خالصه وجاايه بدون تهديد طنشتها شوق وهي تكلم السواق : يلا راجو امشي ********** وجـــــدان خلصت اللمسات الأخيره واختتمت شفايفهاا بروج وردي والتفت ع العنود : هاه ؟ وشراايك حلوو شكلي ؟ عنود وهي تناظرها : واااااااوووووو شكلك يجنن وجدان وهي تناظر تنورتهاا القصيره لفوق ركبتها وبلوزتهاا الكات ومكياجهاا الهاادي وبخجل : عنوود مو لهدرجه عنوود : وربي جنااان شكلك ... ناظريني حلوو لبسي ؟ وجدان وهي تشوف العنود بفستانها لحد الركبه : روووعه .. يلا ننزل قربوو يوصلوو عنوود وهي تمسك يدهاا : يلااااا ********** نهااايه البااااارت الثاالث |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يوتيوبات و لااا احلى | fofo wow | نكت و ضحك و خنبقة | 5 | 11-03-2010 09:18 PM |
| رواية بنات السفير | حجابي عزتي | أرشيف المواضيع الغير مكتمله او المكرره او المنقوله و المخالفه | 38 | 06-11-2009 11:43 PM |
| ارفق علي وضمني بس بشويش | محبة الكرتون | أرشيف المواضيع الغير مكتمله او المكرره او المنقوله و المخالفه | 9 | 05-28-2009 03:16 PM |
| بَوحُ الأسُود | W...LION | أرشيف المواضيع الغير مكتمله او المكرره او المنقوله و المخالفه | 19 | 03-06-2008 03:09 AM |
| جاوب بنعم او لااا | لاميتا1 | أرشيف المواضيع الغير مكتمله او المكرره او المنقوله و المخالفه | 1 | 12-18-2007 01:20 PM |
.gif "flowr")
العرض العادي
