رواية تتعب لو معي تلعب - الصفحة 21 - عيون العرب

**الكاتبة ساندرا** · #**101** 04-30-2012, 07:05 PM

ليه ياراكان تحاول تحببني فيكـ زود..ما أبا أحبكـ أنا..ولا حتى شوي..ما أبي أتعذب مع واحد زيكـ صايع..

بس الموقف ألي صار اليوم اثبت لي أن به رجال بهالزمن..أمثال غير عن أبو يوسف وفهد وأبوي..أمثال عمي سعود..الله يكثر أمثاله..

دخلتـ لصاله وشفت أمي نفس وضعيتها جالسهـ على الكرسي ودموعها تنزل..

اقتربت منها:يمه خلاص لاتعورين قليبي..

أم فهد تمسح دموعها وبحزن:حسافهـ على وقتي ألي ضيعته بتربايتي لأخوكـ العاق..لو أدري أن مره راح تغيره بين يوم وبليلة كان تبريتـ منه..

ضميتها وسطـ صدري:خلاص يايمه لاتبكيني..

أم فهد بنوحه:حسافهـ والله حسافهـ..مقول إلا حسبي الله ونعم الوكيل عليها..حسبي الله ونعمه الوكيل عليها..

وقامت بشويش وهي تعرج بسبب ركبتها ودموعها على خدها..وراحت صلت صلاة العصر..

.

رجع من دوامهـ بعد تحسنهـ من تعبه ألي دام أكثر من 4 أيامـ..

وبصوت عالي:وين الغداء حسبي الله عليكم من بنات..

وفي المطبخ..

سمعوا صوتهـ..

مرام هزت راسها بـ لا:عمره مراح يتغير لو تنطبق السماء والأرض..

حنان تقطع السلطة:الله يستر بس..

مرام التفتت لها:وربي كنت عارفهـ..وعلى قولتهمـ مايعرف العبد ربهـ إلا بوقت الشده والمرض والآلم..

رنيم تشيل الصحن:صدقتي مهوب متغير..

مرام:وأنتوا متعاطفين معه..وظنيتوا أنكم لوقفتوا بجانبه وقت الشدة بيتعاطف معكم ويعطيكم الحريهـ..

رنيم:اعذريني على هالكلمهـ..لكنها تنطبق عليهـ..أن ملكت الكريم ملكته وإن أكرمت اللئيم تمردا..

حنان بضحكه:أقول انتي وياها..صايرين حكماء هاليوم مدري أيش عندكم..يلا عجلوا جيبوا الباقي..ترى أبوكم ميت من الجوع..

وطلعت من المطبخ..

رنيم:ملاحظتي على حنان شيء..

مرام تنهدت:ملاحظهـ يارنيم..وعساها دوم كذا مروقهـ وباعده الأحزان من طريقها..

رنيم:اللهم آمين..

.

انسدح على السرير وهو يفكر بيها..

نزل عيونه لشفاتهـ اللامعهـ ألي كانت بلون الوردي الامع..اغرته لمعانها بقوة..

بلا شعور نزل مستواه لمستواها وطبع شفاته بشفاتها الوردية..

وجيهان بقت عيونها مو مصدقهـ ألي صار!!!

حاولت تبعدهـ بس كلما هو يشدها لحضنهـ..ويتعمق زود بشفاتها..

حست بحاجه غريبهـ تتملكها..واستسلمت له من دون أي مقاومهـ..

وعض على شفته وهو يتذكرها..

راكان(آآآآه بس..وش سويتي فيني ياجيهان..ليتني أعرف بس..)

وعى على فتحه الباب..

روان بصدمه:أنت هنا!!

راكان عدل جلسته:أجل هناكـ..

روان بضحكه:سخيف..

راكان:ههههههه..ادرى عنكـ..

روان شلحت غطاها:ليه مجيت عندنا بعد ماوديت أم فهد..

راكان ضرب على راسه:تصدقين أني نسيت..

روان باابتسامه:جيهان مهيب هينه..نستكـ..

راكان(انا اشهد..مدري وش بتسوين بعد ياجيهان!!)..

روان:رجعنا من البحر تونا..

راكان:الحمدلله على السلامهـ..

روان:ههههه..أنا مقلت لكـ عشان تتحمد لنا بسلامهـ بس امي زعلانه عليكـ..

راكان:وش مسوي أنا!!

روان:لأنك مجيت تغديت ولا تعشيت بالبحر..روح لها مدري عنها أنا..بنوم غازي أنا..

راكان قام:طيب..

.

توها خلصتـ من غسيل التوليت نزلت تحت لهم وجلست بالصاله وشافتها جالسه على الواتس أب كالعادة وهي تسمع للأذان ولا قامتـ تصلي..

عبير التفتت لها:روحي صلي يا أروى..

أروى وعيونها على الواتس:بعدين بصلي..

عبير:بس يا أروى مايجوز يومكـ كلا على الواتس أب ولا تطلعين بيت صاحبتكـ..

أروى معجبها كلام مرت أخوها وناظرتها من فوق لتحت:ومن أنتي عشان تكلميني كذا هااه..

عبير:أنا قلت أنصحك لا أكثر..

أروى قامت:لا متشكرين..مابه لزوم لها النصايح التافهه..

عبير:احين لجيتا خاف عليكـ..وأنصحك بصلاتكـ تقولين لي نصايحي تافهه "وقامت"الله يعطيك العافية ياأروى,..بس قبل مصعد فوق أحب أذكركـ أن مابه حد ينفعكـ غير صلاتكـ..

أروى ناظرتها بحقد:خلكـ بنفسكـ يابنت أحسنـ..

وراحت وتركتها..

فعلاً كذا هم أغلب الناس..لجيتي نتصحينهم أنتي عدوتهمـ..فالواحد يسكت ابرك لهـ..

انتهــــــى البارت..

الحب ندمني · #**102** 04-30-2012, 09:54 PM

البارت يخقق:eesh:

miss 7anoo · #**103** 05-02-2012, 04:33 PM

اممممممممم روعةة البارت

بس حبيت اعرف اسم روايتك الاولى

تحياتي :miss 7anoo

**الكاتبة ساندرا** · #**104** 05-03-2012, 01:10 PM

رواية تتعبـ لو معي تلعب

..البارتـ الســابع عشـــر..

نزل لعند أمه الي كانت بالصالهـ..

راكان جلس على الكنب:السلامـ عليكمـ..

أم راكان ناظرته بقهر:وعليكم السلامـ والرحمهـ..

أبو راكان يشوف التلفزيون:وعليكمـ السلام والرحمهـ..

أم راكان بنفس قهرها:وأنت مهقيت على اللهـ..تقول لكـ الأم وبنتها ودني للبيت..وأنت على طول بعد ماوديتهم سيدا للبيت مقلت وراي احد وراي ناس أشاورهم..

راكان استغرب من امه:أشاورهم!! ومن متى أشاور أنا أساساً..وبعدين وش أشاوركم فيهـ عشان أني وديت حرمتي وعمتي..

أم راكان قاطعته:والله وصرت تعطيهم الأولولية والأحترامـ..

راكان:أمي أنتي وش تبين توصلين له بالضبط..

أم راكان:..........

راكان كمل:أنا ماأحب أتكلم أو يتكلم لي أحد بالرموز..أرجوا أنك توضحين كلامك ومغزاكـ زين..

أم راكان قامت:أنا لاحظتـ عليكـ هالأيامـ متخمر مع الست جيهان وأمها..مدري وش عندك راز لهم الفيس..

راكان:يايمهـ أنا ماأجي لجيهان إلا كل خميس..لكن صادف الروحه روحه بحر وشفتها..وبنسبة لليوم فهي طلبت مني أني...

أم راكان بعصبيه قاطعه:أنا ألي أمكـ مسويتها معي..تجي تسويها مع بنت هالأرمله..

راكان انصدم من كلام أمه:أرمله!!! "وقام" هالأرمله ذي ياأمي بتكون زوجي بنهاية هالشهر..

أم راكان بصدمه:بنهاية هالشهر!! "والتفتت لحمود" سامع ياحمود وش يقول ولدكـ..

أبو راكان وعيونه على التلفزيون:أي سامع..

أم راكان:وعادي عندك!!

أبو راكان ببرود:أي عادي..هم سوا الشهر ذا ولا الي قبله بيعرسون..وراكان ادرى بمصلحته مهوب صغير..

أم راكان بقهر من بروده:أنت سبب الدمار الشامل لعيالكـ..وهذا ألي خلهم ميصيرون رياجيل عدل..

راكان أنصدم من كلمه أمه وبعصبيه مكتومه:أنا رجال يايمه..وأبوي وأنتي ربانا عدل..

أم راكان التفت له:عجيــــب والله!!! تعال اضربني بعد..والله وصرت وتعلي صوتكـ على أمكـ ياراكان..وعشان من..عشان ارملة لاراحت ولا جات..

راكان اقترب من امه وباس راسه وبتأنيب ضمير:أسف يمه لاني عصبت عليكـ..بس أنتي اجبرتني..واحب اذكرك أن كنتي ناسيه..ولاتتنابزوا بالألقاب..

أم راكان خنقتها العبرة:والله خوش..والله وصرت تعرف تتكلم ياراكان..

راكان مرد عليها وفضل أنه يطلعـ من المكان عشان مايغضب ربه بأي رد سريع منه..

ولأن راكان سريع الغضب..ولعصب محد يعرفهـ..

ابو راكان التفت لها:حرام عليكـ يامره..كل ذا النقاش عشان أنه ودا جيهان وأمها..وبعدين راكان مو مقصر لامعي ولا معكـ..

أم راكان بين دموعها:ذاكـ أول..شوف كيف يعاملني..راكان ألي أعرفه عمره معلى صوتهـ علي حتى لو شكان السبب..

أبو راكان تنهد بصمت:يمكن هو فعلا أخطأ..لكن شوفيهـ أنه باس راسكـ بعد الكلامـ الغثيث ألي قلتيهـ لهـ..واعتذر منكـ بعد..

أم راكان:أنا كلامي غثيث ياحمود!!!

ابو راكان:الكلام ألي قلتيه أنه مهوب رجال..ذي الكلمهـ مايرضاها أي رجال على نفسهـ..ويمكن تصير هوشه بعد أن قالها واحد لخويهـ..

أم راكان بنوحه:ومن متى راكان لما اكلمه يعطيني ظهرهـ هااه..قول بعد أني غثيته بالكلام..المفروض من باب الأحترام أنه يسمعني للأخير مو بنصف كلامي يدير ظهرهـ لي..

أبو راكان تنهد بصوت مسموع:استغفر الله العظيم بس..أنا متأكد ان راكان ماسوا كذا إلا لحاجهـ..

أم راكان قاطعته:ووش ذي الحاجهـ الي تخليه يغضب ربهـ ويعصي أمهـ..

أبو راكان:ولدي راكان وأنا أعرفهـ زين..مستحيل يسوي ذي الحركهـ إلا لشيء..والموضوع حدهـ حامي..لهدأ بيجي بينفسه بيراضيكـ..وراح تشوفين..وأن مراضاكـ هذا وجهي "وهو يمسح بذقنه"مكون انا حمود أن مجاكـ وباس يدكـ عشان يراضيكـ..

وطلع وخلاها بحزنها..

.

في البحر..

طلال:أنت هدي اعصابكـ..

راكان تنهد:لا إله إلا اللهـ محمد رسول الله..

طلال:لزوم تحدث غيرة بالبداية..ولا تنسى أنك أنت القريب منها..والمفروض مهما وش صار متعلي صوتك عليها مهما وش كان ذي أمكـ..

"إلا برنه جواله ورد"

طلال:هلا يمهـ..أأأوووه انا مش فاضي قولي لمعاذ وبيجيب لك..انا لله بس ياصبر ايوب على بلوااه..طيب طيب خلاص لاتحنين..

راكان بصدمه من كلام طلال وصار يضحك بهسترياا..

طلال سكر جواله:علامك تضحك..

راكان بضحكه:انا اشهد أنك منسم..توك تنصحني وتقول أن ألي سويته غلط اني اعلي صوتي عليها وأنت معلي صوتك شبرين ومبغى أحد بالبحر مسمعكـ..

طلال:هههههههههه..ذي اختي وأنا أخوكـ..

راكان:توك تقول هلا يمه..

طلال ضرب كتفه:ابي اضحكك وبس..

راكان بابتسامه:ونعم الصديق والله..

طلال:احم احم..

راكان:أقول لاتصدق بس..ههههههههه..

يتبع..

**الكاتبة ساندرا** · #**105** 05-03-2012, 01:12 PM

طلال ضرب كتفه:ابي اضحكك وبس..

راكان بابتسامه:ونعم الصديق والله..

طلال:احم احم..

راكان:أقول لاتصدق بس..ههههههههه..

طلال بابتسامه:المهم أنا مقدر اقعد معك اكثر..ندأ الأخوه يناديني.."تنهد"مكنا احد بالبيت إلا انا..

راكان:الحال من بعضه وانا اخوكـ..بحفظه..

طلال:سلام...

ناظر للبحر بعيون حيرانهـ..

وتنهد بصمت(الله يستر منك يايمه..هذا من أولها وأنتي كذا..كيف لخذت جيهان..الله يعين بس..مدري وش اسوي احين..اكيد ماخذه بخاطري مني)

بلا شعور دق عليها..وعلى الرنه الرابعه ردت..

جيهان بصوت ناعم يسر له القلب:هلا..

راكان بشوق:هلابش يابعد قلبي..

جيهان بحيا:هلابكـ..أخباركـ؟؟

راكان كتم تنهيدته بصدره:الحمدلله..

طبعا هالشيء ماخفى على جيهان:علامكـ ياراكان..من صوتكـ حسيت أنك متضايق ومكتوم..

راكان أطلق تنهيد قوية من صدره:صدقتي..

جيهان انسدحت على السرير:قول لي وش ألي مضايقكـ ومكدر صدركـ..

راكان بخبث:متاكده أنك بتساعديني..

جيهان:بإذن الله..

راكان بحب:بشوفتكـ تزيح عني الكدر والهموم..

جيهان قلب وجها أشارة مرور من كلامه..

راكان بابتسامه:وين رحتي..

جيهان بصوت قريب للهمس:معكـ..

راكان:فديتـ الخجلان يا ناس..

جيهان بضحكه عذبهـ أسرت قلبهـ:هههههههه..

راكان من قلب:آآآه يايمهـ..

جيهان بحيا ممزوج بدلع عفوي:رااكـــان..

راكان مسكـ جيبه:لا أنا بموت..بموت..

جيهان بضحكه:بسم الله عليكـ..

راكان بحب:جيهان..

جيهان باندفاع:قلبها..

راكان بلا شعور:أنتي تحبيني؟؟

جيهان:...........

راكان بابتسامه:افهم من سكوتكـ أنك تحبيني..

جيهان نزلت راسها وعضت شفايفها وبحيا:كنا أنحرفنا عن مسار موضوع الأساسي..

راكان:ههههههههههههه..تستحين تقولينها يعني..

جيهان بدلع:ترى بسكر..

راكان باندفاع:لاااا..

جيهان:تيب قول لي وش الي مضايقكـ..

راكان تنهد بهم:أمي ياجيهان..

.

..في مطعم هادئ وراقي..

مسكـ يدها وباسها:ياقلبي أنتي..أنا رحت لأبوك بشغلهـ أمس وهم رفضني..

أروى:.........

عبدالعزيز:وطردني قدام الي يسوا والي مايسوا..وكل ذا عشانكـ أنتي..وتقولين لي أني محبكـ..

أروى باندفاع:وربي آسفة ياعزوز بس وش السواه..من حبي لكـ أبي نتزوج بسرعهـ..أباكـ تكون بجنبي على الدوام..

عبدالعزيز بهم:وأنا بعد أبا اتزوجكـ بسرعهـ..بس أبوكـ مو راضي ابد..مغير يطرد فيني..ورحتـ له مع أنه شغله يبعد عن الرياض بكثير..وروحتي له هبأ منثورا..

أروى شدت على يده:تصدق عزوز..

عبدالعزيز:عيون عزوز انتي..

أروى:أنا لو بشكر هياء..بشكرها على حاجه وحده بس..على أنها عرفتني فيك<<يعني اني رومانسية مالت عليك وعلى رومانسيتكـ ألي توطي الرأس..

عبدالعزيز باس يدها:فديتك..

.

جيهان باهتمام:وبعدين..

راكان:صايرة كلا تصنع المشاكل لأتفه الأمور..

جيهان:تريد الصدق..

راكان:أي..

جيهان:خالتي أسلوبها معي ومع أمي مو ذاكـ الزود..مو أقصد حاجه مهيب زينه..بس حتى أمي قالت كذا..

راكان:..........

جيهان:قلت يمكن أحساسنا خاطئ..

راكان قاطعها:هي تعاملها معكم كذا لأنها متعود عليكمـ..

جيهان بااندفاع:أي يمكن..كل شيء جايز..بس أنت أول ماترجع من البيت بوس يدها وراسها وأعتذر لها عما بدر منك بغير قصد..

راكان:............

جيهان كملت:وأعمل لها أي حاجهـ هي تبيها وأبتعدت عن أي حاجه تعصبها..

راكان بابتسامه:وبعد..

جيهان:والأهم أنك تبين لها أنك ماتبي إلا رضاها..

راكان( أنا عارف وش تبي..بس مقدر أنقذهـ):طيب..

جيهان باأبتسامه:وأن شاء الله مالكـ إلا رضاها..أنا بسكر دحين لأن أمي تبيني..وطمني عاد..

راكان:توا الناس ما شبعت منكـ..

جيهان بحيا:أقول بس..يلا سكر..

راكان:ههههه..طيب..يلا سلامـ..

جيهان:بحفظهـ يارب..

وسكرت منهـ..

ضمت جوالها بصدرها بلا شعور ونزلت تحت عند أمها..

شافتها جالسهـ على الكنب اقتربت منها:يمهـ..

رفعت عيونها المليئهـ بالدموع لبنتها:نعمـ يمهـ..

يتبع..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ	نكبهـ	أرشيف المواضيع الغير مكتمله او المكرره او المنقوله و المخالفه	51	03-02-2015 04:19 AM
رواية ؛مشهـور..؟ ويعني مشهور تلعب بـمشـآعري..؟ لآيََ حبيبي منت معذور؛×	єяιкα	أرشيف المواضيع الغير مكتمله او المكرره او المنقوله و المخالفه	13	11-21-2011 03:33 PM
رواية نور الكون رواية جديدة من روايات سعوديه رواية نور الكون	الحب الساكن	أرشيف المواضيع الغير مكتمله او المكرره او المنقوله و المخالفه	13	07-03-2011 03:30 PM
رواية الزمن قاسي ولايمكن يلين ..اول رواية لي في الذمة تقرونها ......بليز	بنت عز ومن شافني فز	أرشيف المواضيع الغير مكتمله او المكرره او المنقوله و المخالفه	10	07-01-2011 07:45 AM
رواية حب في السعوديه اقوى روايه ( رواية الحب بعد فوات الاوان )	ЯǒǑǒйĝ3ħ	أرشيف المواضيع الغير مكتمله او المكرره او المنقوله و المخالفه	9	05-19-2010 09:19 AM