المشاركة الأصلية كتبت بواسطة <sweet girl> شكرا عالردود الحلوة زيكم إن شاء الله رح أنزله عما قريب ^^

أخيييييييييييرا وصل البارت ^^
معلش تأخرت فيه بس النت كان مقطوع ><"

البارت الأول..



كان يوما عاديا كأي يوم مدرسي في الصف 12 يعني توجيهي يعني ثالث ثانوي يعني ما قبل الجامعة بدكم اكتر من هيك ترجمة؟؟ >>طيب طيب أعصابك!!
طبعا بمدرستنا القوانين كتيييييييييييير صارمة مع انو مديرها السيد ساروتوبي المعروف بطيبته بس لإنه مسلّم كل امور المدرسة للناظرة الشريرة تسونادي ....الكل كان تحت القوانين اللي حاطتها وما حدا بخالفها
كنا كتييير منعاني من المدرسين اليهود لإنهم كانو متعصبين بزيادة للطلاب اليهود ودايما بظلمونا بس بالمقابل كان فيه مدرسين فلسطينيين بستردو بعض حقوقنا
بدي احكيلكم سر... بس يظل بيننا اوكي؟؟ انا معجبة بواحد من طلاب فصلنا ..... اسمه ساسكي ، وسيم...ذكي...هادئ .... المسكين أمه ماتت وهو حاليا عايش مع أبوه دانزو وأخوه الوسيم
إيتاشي انه شاب لطيف فعلا و قابلته اكثر من مرة..


بشبه ساسكي في شكله وتصرفاته..
وبنفس العمارة بسكن عمه اوروتشيمارو وابنه كابوتو (الكل بخاف من عائلة الاوتشيها لان كل اللي فيها بشتغلو بالجيش الاسرائيلي وابو ساسكي (دانزو) هو رئيس وزراء اسرائيل عشان هيك ماحدا بزعج ساسكي...باستثناء ناروتو اللي مو فارقة معه)
لو انو مش يهودي كان اخذته لي لحالي!! بس بحسه مختلف عن باقي اليهود... يعني فيه شي غير ،ما بعرف إيش هو
المهم...نرجع للقصة:
مو بس انا ....كل بنات الصف معجبات به وأولهم اينو الخنزيرة ..بكرهها !! انا واياها مع بعض من ايام التمهيدي ومن ايامها واحنا مشاكل ...هي غيورة ..بتغار مني لإني أشطر منها في الدراسة والحيوانة بدها تاخد ساسكي مني >< ياحظها هي يهودية متلو بس اكيد ما رح يصير اللي بتفكر فيه ....شو بدو فيها
المهم الحصة الاولى كانت تاريخ مع المدرس كاكاشي وبدأت حصته..
الكل بكره هاي الحصة لانو استاذ كاكاشي دايما بعمللنا اختبارات مفاجئة والكل بخبص فيها وبعدين طريقته بالشرح مملة لانه بكون نص نايم وهو بحكي!!
المهم ..

كاكاشي سينسيه:مين يحكيلي شو اخذنا الحصة الماضية؟؟؟ها مين ؟؟؟ مين ؟؟؟





وينظر للطلاب ويلاقي الكل مفهيين وصافنين فيه كإنها أول مرة بشوفوه..





طبعا كاكاشي سنسيه كالعادة طلّع ساسكي يجاوب،وبعديها سؤال:مين يحكيلي عن الحرب العالمية الاولى؟؟؟ ايوة تفضل يا ساسكي...ساسكي..ساسكي..كله ساسكي

بعد الحصة قام ناروتو وكان معصب وراح لساسكي ومسكه من قميصه وقال له:




انت يابن الـ&5#!$@ مغرور وشايف حالك ومستحوذ على اهتمام كاكاشي أحسنلك تعطي غيرك فرصة للإجابة!

ساسكي (وبكل برود):انا مالي ذنب اذا كنت غبي وما بتعرف تجاوب بالحصة ولا بالاختبارات...الكل عارف الفرق بين معدلي ومعدلك حتى انت صح؟؟...فإذا بتسمحلي بعض الناس عندهم واجبات بدهم يحلوها

ناروتو: انت يا &#$%@ استنى عندك!!وفجأة بيجي من وراه الاستاذأسوما : ناروتو!! ايش هذي الالفاظ؟؟!!! عند الناظرة تسونادي بسرعة ! ناروتو: بس.. أسوما: بدون بسبسة يلا بسرعة،ناروتو:اوففففففف طيب

ودخل الاستاذ اسوما واعطانا درس أحياء ،
ناروتو وساسكي أعداء من الصغر.... من أيام الابتدائي وهم بتنافسوا على كل شي



　





ومو بس بالمدرسة حتى برة المدرسة بتنافسوا





ماحدا بعرف شو سبب العداوة اللي بينهم لكن شكلها ما رح تتغير..

المهم كانت الايام دايما هيك ...ناروتو بتمشكل مع حدا وبتطلع بالأخير على راسه،هه ناروتو الأحمق مافي منه فايدة !! هو في الحقيقة مسكين ويتيم متله متل ساسكي...لما كان لسه طفل رضيع صار حادث فظيع بأهله وإمه وأبوه ماتوا بهاد الحادث وهو الوحيد اللي نجا وبأعجوبة ، حاليا هو عايش مع جده المنحرف جيرايا (عجوز ومنحرف!!) بشفق على ناروتو كتير من هاي الناحية بس تصرفاته الغبية بتستفزني لكن انا عارفة انه من جوا فيه بذرة خير..

وفي احد الايام ومع بداية الحصة الاولى كانت عنا المعلمة كوريناي ،دخل الفصل طالبين جدد وحدة اسمها كارين والتاني اسمه سويجتسو ... انا عن نفسي ما ارتحتلها هالكارين من يوم ما شفتها واتضح انو معاي حق انتو تابعو القصة معي

...

فورا بعد ما خلصت الحصة نطّت كارين وراحت عند ساسكي وصارت تدلع عليه وتتميلح بالحكي بحجّة انها طالبة جديدة ... وطلبت منو يعطيها الجدول والواجبات اللي راحت عليها ....كان لازم اعمل شي والا بتستولي على ساسكي >< ...


قلتلها وبكل طيبة : كارين اهي اهي ^^ اذا بدك معاي الجدول ورح اعطيكي الواجبات اللي بدكياها (بس عشان ما تظل عند ساسكي)...>كرم من غير نفس

كارين:خليكي برا يا أم جبهة!!

ساكورا :انا ام جبهة يا ام اربع عيون!!

كارين :اربع عيون ها؟ طيب طيب روحي عجنب رح اصفي حسابي معك بعدين .... شو حكيت ساسكي؟؟؟ ممكن برضو كمان شوي بالفسحة (الفرصة) منقعد مع بعض ومنتعرف عبعض اكتر صح؟





ساسكي:انا مو فاضي..وخذي الواجبات من غيري انا ما حعطيكي اغراضي..





سويجتسو :ياااااااه تحطيمة قوية من ساسكي!





كارين:اخرس وما تتدخل!!

ثم دخل المعلم إيروكا بدو يعطينا حصة رياضيات


بعدها بالفسحة (الفرصة) طلعت أتمشى انا وتيماري....(تيماري مش كتير اجتماعية وقليلة كلام بس مافي غيرها وحدة فلسطينية بالفصل مشان اتمشى معها واحسن اشي فيها انها مش معجبة بساسكي^^ أهلها متدينين كتير ومتشددين وأخوها قارا لو شافها بتحكي مع اي شاب بمسح فيها الارض)....في وحدة فلسطينية غيرها ....(كارين) بس مستحيل امشي معها

!!

اصلا احنا بالمدرسة اذا مرينا جنب بعض منعمل حالنا مش شايفين بعض وولاوحدة منا بتطلع بوجه التانية





>كل هاد فداء ساسكي كن^^

أصلا هي شو بدها بساسكي ؟؟ الكل بعرف انو سويجتسو معجب فيها وبحاول يتقرب منها بشتى الطرق والوسائل





المهم لما كنت اتمشى مع تيماري شفنا نص المدرسة بالساحة متجمعين ..رحنا نشوف شو اللي صاير وطلع ناروتو عم بتضارب مع كيبا!!





كانت مصارعة ثيران والله !!

هيناتا كانت قلقة على ناروتو ، هيناتا (في نفسها): ناروتو كن




وعاد باقي الطلاب متحمسين واللي يهتف لناروتو واللي يهتف لكيبا واللي يصيح اضربه على عينه واللي بصيح اضربه ببطنه وسويجتسو المنحرف بصيح اضربه في المنطقة الحساسة!!وهنا سكت كل الجمهور وكلهم صارو يطّلعو على سويجتسو ،


سويجتسو: ايش فيكم؟ مش هي نقطة ضعف ؟؟

ولكن كان النزال محتدما بين الطرفين



　

انتهت المعركة بوصول الناظرة تسونادي للساحة وتم معاقبة ناروتو




انا على حد علمي كيبا اللي بدأ وصار يسب الاسلام ويتمسخر عالمسلمين بس ناروتو طحّن عظام كيبا وحكاله حكي ***

>>لمن يهمه الامر...ناروتو اللي انتصر على كيبا
شوي والا روك لي الاهبل ابو حواجب اللي بفصلنا جاي عندي

روك لي : هلووو ساكرا تشان ... ايش رايك بعد المدرسة نطلع انا واياكي ونستمتع بشبابنا مع بعض؟؟
ساكورا :نستمتع بإيش؟؟!!! آآآآآآآآه ابعدو هالاشياء عني

اعععععععععععع


رحت طيراااااااااان عالحمام عشان اغسل وجهي .. روك لي قريفني

وفي الحمام عاد شوفو مين يطلعلي؟؟ اينو وهيناتا!
اينو : واو هيناتا شوفي مين إجا؟؟ساكورا...ساكورا حبيبتي شو جابك هون؟ جاية تبكي لانو حبيبك ساسكي تركك وبدو ياخدني بدالك؟؟





ساكورا:آآآآآآه يا راسي هادا اللي كان ناقصني....اينو حبيبتي انا
جاية اغسل وجهي مش اكتر وساسكي كن لسه بحبني ، لا تحلمي يخونني مشان اشكالك ....ساسكي ما بحتاج خنازير


اينو:هيناتا خليها تخرس والا انا بخرسها بنفسي!!!!



هيناتا:بس يا اينو هلأ منتورط بمشاكل!!

الحمد لله عدّت عخير وطلعت سليمة بدون كدمات من اينو المتوحشة،وانا بالطريق كنت مشغولة وبفكر بامتحاناتنا الاسبوع الجاي واصطدمت بواحد قدامي


...





ساكورا:هيه !! ليش ما بتطلع قدامك وانت بتمشي؟؟!!





ولف الشخص وجهه لي وطلع ساسكي!!!!


وقال لي مبتسما :مو المفروض انا اللي احكيلك هيك؟؟

ساكورا(في نفسها): يا ويلي! ساسكي كن!!
أأ..أنا آسفة كتير .. عنجد آسفة سامحني ما كنت قاصدة





ساسكي:مو لازم تعتذري هيك ، كان حادث بسيط بس انتبهي مرة ثانية

ساكورا:آآآه شو هالإحراج!!





......................

في الصف:
جاءت المعلمة شيزوني..

شيزوني:مرحبا يا طلاب عندي كلام مهم ولازم تسمعوني كويس
ناروتو:تفضلي يا مدرستنا كلنا آذان صاغية

شيزوني:إإحم..طلاب! بدياكم تختارو طالب واحد من فصلكم بالتصويت عشان يكون المتحدث الرسمي باسم الفصل

ناروتو:إذن انا برشح نفسي للانتخاب ...أيها الطلاب!! صوتولي ولن تندمو





ساسكي:هه!مهرج!! النتيجة من هلأ محسومة





ناروتو:يعني بدك تتضارب معاي يا وسيم؟





ساكورا:إإإ..بكفي يا شباب خلي نتائج التصويت هي اللي تقرر





ناروتو:رح اكون انا الفائز

ساسكي :على جثتي





شيكامارو:ما حيخلصو مشاكل يا وجع الرأس

المهم طلعت نتائج التصويت وكانت كالتالي:

ساسكي:11 صوت
ناروتو: 3 أصوات
ساكورا:صوتين
نيجي:صوت واحد
شيكامارو:صوت واحد
......................

ساسكي يبتسم:هه....كما توقعت!




ناروتو: 3 أصوات؟؟!!!!!بس؟؟!!!! ليييييييييييييييش؟؟!!!





سويجتسو:والا كنت بتتوقع اكثر؟

ناروتو:ومين حشرك بالموضوع انت؟ أصلا انت لمين صوتت؟؟

سويجتسو:لساسكي طبعا ، لإنو لمصلحة صفنا انو ساسكي يكون المتحدث عنا

طبعا كل البنات طايرات من الفرحة وكلهم بباركوا لساسكي


اينو:بالله مين الاهبل اللي صوّت لشيكامارو؟
تيماري كانت متوترة وساكتة ووجهها احمر وعلى مايبدو انها هي اللي صوتت له


ساكورا: مين الحلوين اللي صوتولي؟؟
ناروتو وروك لي بصوت واحد: انا! ^^


ساكورا:ياريتني ما سألت

ناروتو:مين اللي صوتولي؟؟ عشان أشكرهم^^

قارا:صوتت لك عشان ما تاكلني بس

ساي:انا صوتت لك كمان ^^يا صديقي العزيز





ناروتو : ايوة اسكت بس انت وابتسامتك الصفراوية المهم ...مين الثالث؟؟

ماحدا جاوب بس نيجي كان يطّلع على هيناتا وهو عارف انها هي اللي صوتت لناروتو (وطبعا مو عاجبه) (نيجي هو اخو هيناتا التوأم ومع انهم توأم بس هم مابشبهو بعض بإشي لا بالشكل ولا بالتصرفات ومع انه طالب مجتهد بس هو شايف حالو ومتكبر وبكره كل الفلسطينيين وخصوصا ناروتو ...ماحدا بعرف ليش بينما اخته هادية وخجولة ومابتحتك بحدا حتى انو اخوها بشوفها هبلة!!)


>>ماصار هاد تصويت...كل واحد بسأل مين صوتله


(صورة نهاية البارت)





أرجو إنو البارت الأول يكون عجبكم وإن شالله تكونوا تحمستوا للباقي

بتمنى نلاقي تفاعل منكم

^^

Hey there !