رواية درر أحمد كاملة - الصفحة 2 - عيون العرب

سهم دروع المحبة · #6 07-04-2013, 05:40 PM

وصلنا البييت .. ودخلت

انا + زهره : السلام عليييكم

مشعل فرش السفره وحط الصحون والملاعق : أهلن أهلن بأولادي .. ويتكلم باللهجه المصريه ... أزااي المدرسه اليووم .. عامليين فيهاا آيه .. إن شاء الله حضدر ليكوا أحلى طعميه وفلافل

انا + زهره: هههههه ..

انا : ويين يالأخووي ترى مابعد أذن الظهر !؟؟

مشعل : أيوة دنا عاارف .. لازم تاكلوا أبل الأزان عشان بعد الصلاة تخشوا لنووم

زهره بضحكه : ههههه وش عنده اليوووم ذاا ... ونزلت شنتطها وقربت لمشعل : طيييب ياماما بدي طعميه كدا من يدييكي

مشعل بإستهبال وأخذ شوية من السلطه ودخلها بفم زهره : أدفدلي يااحبيبتي .. بسم الله ماشاء الله مآشاء الله ..

انا قرربت لمه : وانا ياماما بدي أتغزى أوووي

مشعل معصب < بإستهبال : أذذذلف ذلف رآآسك .. مممنووع أكل المهندسين فقط المراهقين

انا : أيا النحسس .. طييب بورريك الشغل ..

زهره ببتسامه + ضحكه : هههه والله إنكم تحححفه ... ورااحت فوق .. يالله ببدل ملابسي على بال مايذن

مشعل بعد مإلتفت لزهره .. إلتفت لمي وجلس ع الكنب : أييه صح أحمد .. وش صاار على الفلووس .. عقب ذاك اليووم نسيت أكلمك

انا : والله إلى الأن وماجمعت سواء 5 ألاف ريآآل .. ونزلت رآسي .. الله يعيين إن شااء الله .. بس إسمع من اليووم تروح

تدور لك على شغل .. إلامتى يالبزر جاالس .. كل هالأسبووع تدور على شغل ..

مشعل : طييب يالغبي .. شلوون نداوم أنا وإنت وزهره لوحدها بالبييت .

انا : أييه صحح .. بس عاادي لها حلل .. مهوب مشكله لاتدور لك عذذر .. أنا أتصل على عمي وأقوله ومأعتقد هالمره إنه موب رآضي .. كللها ساعات وجاايين ناخذها ..

مشعل هز أكاتفه دلاله على إنه مايدري : والله ماندري .. بس إن شااء الله بدوور .. وإنت بعدد دوور لي منا مناا .. يمكن أشتغل عنددكم

انا : تشتغل عنددنا .. أقوول منااك بس أذلف ..

مشعل يهدد : طيييب .. يمكن يجي يووم وانا مرتز قداام خشتك بالمكتب

انا بهستريه : هاهااي تحلم بسس .. زيين إن لقيتلك شغله تسكتك ..

مشعل مشى لحد موصل المطبخ : بوررييك بسس إذا أشتغلت عنددك

انا بسكات .. رقييت فووق ودخلت لغرفتي .. وبعد مدخلت الحمام ( أكركم الله) وبدلت ملابسي ..

إلا ويذن .. نززلت وطلعت من البييت ورحت للمسجد ..

..
^بعد الصلاة ^

وانا طالع شفت مشعل طااير مدري وش عندده .. وعلى طووول شفته دخل البييت

مشييت كالعاده ببطئ .. حسييت بأحد ورآي يناديني ألتفت

أبو عبدالله من بعييييد : أحممممد .. تسمعني ياولدي

انا قرربت بسسرعه لحد ماوصلت له : هلااا والله ..حبييت رآآسه وسلمت علييه .. هلا والله بك يااعم

أبو عبد الله : الله يسلمك ياولدي .. والله إني بسلم علييك بس مايمديني أطلع إلا وإنــت داخل بيتكم

انا بضحكه : هههههه .. والله توي أدري إني عججل .. بس إن شااء الله الأيام الجااييه بستناك .. والله بعد أنا بالحييل مشتااق لك يااعم ..

أبو عبدالله ببتسامه : الله يسلمك ويوفقك يااولدي .. هآآه مارزقك الله بحرمه

انا بضحكه : هههه لاويين ياعم توونا .. الزواج يبيله أشياء وأشياء ومسؤليه تونا

أبو عبدالله : والله ألف بنتك تتمناك .. ماشاء الله شااب مقتدر وخلوق ..

انا ببتسامه : تسلم والله .. أججل أستئذن يااعم تبي شئ

أبو عبدالله : أبي سلامتك ياولدي .. أنتبه لنفسك

انا بعد هالكلمه حسيت بطواعين على صدري .. كني تذكرت أمي .. ((قبل ماتموت بــ 5 ساعات ))

قالت لي هالكمله .. أه يايمه .. وينك الحيين تشوفيني نحفان .. وينك تشوفييني منتف .. ويينك تشوفيني مهموووووم

محتاج لضمتك حوولي .. محتاج كلماتك تسانديني .. وييينك !؟ وخرجت من دائرة تفكيري .. إلا على صوت أبو عبد الله

أبو عبد الله : تبي شئ ياوليدي

انا إنتبهت : هآآآه .. سلامتك يااعم
....

وبعد مااادخلت البييت ..

مشعل يصفق بيدينه : يالله يالله .. ميين بدوو محشيه عالأخر ميين بدوو..

انا ببتسامه : هييييه وين أنت فييه .. ترى مافيه أحد .. وقربت لمه إلا وأشووف ..

تبوله ـ رز ـ كوشري ـ مكرونه .. ماشااء الله وش هذوول .. حرآآم علييك تعبت الخدامه ... ولاعمري أشووفك تقولها صلحي زي كذا

الحيين حنا على قدنا ونجمع وحالتنا حااله .. وبعديين ميين بياكل كل هذوول .. بس إسرآآف .. الله يهدييك

مشعل بأتسف: والله أخرر مرره .. بس حبييت نغيير جوو .. والله أخرر مرره

انا ببتسامه : مممم .. طيييب خلااص .. أخرر مرره .. وأأشر بيدي له .. فاااهم .. وررحت فوق أبدل ملابسي ..

ونزلت ... أثاريهم مجتمعين زهره ومشعل ويضحكون كل واحد يوكل الثاني .. وأقوول بنفسي

{{ الله يخلييكم لي ولايحرمني منكم يأغلى نااس .. }}
"
"
"

أنتهى البــآآآرت التاني

سهم دروع المحبة · #7 07-04-2013, 05:41 PM

الجـــــــ(3)ـــزء
...

بعد ماتغيدنا ..الحمدلله ...

ككل واااحد نعسان دخل يناااام .. إلا انا .. مدري لييه مأناام الهم مقتحم على جسسمي ..

أبي أنااام .. أبي أرتاااااااااااااااااااااااااااااااح ,, لييش مأناام .. .. وانا أتقلب بسريير عل وعسى انام

لككن نفس الشئ .. ملييت وقممت ..

وانا أحووس بأورآقي..

انا أحك شعري : أييه صحححح رقم ثامر .. نسيت أحطه عنددي .. وسجلته لككن .. أحترت وش أسميه

من الفضااوة وأنتم تعرفون الأنسان إذا صار فاضي .. وحطيته بإسم (( الغريب )) مدري لييه حطيته كذا .. <<< محشش ^^ خخخ

المهم قممت من الكرسي .. ودخلت نفسي غصب لنووم .. لاازم اناام ...ودخلت كل وجهي بالبطانيه .. أبي يجيين النوم

يميــن يساار .. كللش مورآآضي يجي وشفت الساعه 2 إلاربع ..يووه تونااا ..

وجلست ربع سااعه .. ويالله يالله جااني النووم .. والحمدلله نمممت

...

زهرره : أحمد .. أحممد

انا إلتفت والانوم يغالبني : نعععععم .. خلاص الحيين أقووم

زهره : لاا الحييين .. قم قم بسسرعه ترى مأذن من زماان

انا قمت بسرعه وفركت عيوني : وشووووو .. ليش ماصحيتيني

زهره ببتسامه خبيثه : زيييك كنت ناايمه .

انا قمت من الفراش للحمام : طيييب يالله قوومي مشعل بسرعه

زهره : مشعل قااييم من زماان يمكن الحين بالمسجد

انا : يووه شكله مقييم.. ودخلت بالحمام ( الله يكرمكم) وبسرعه بدلت ملابسي

وطلعت وانا أركض .. يووم وصلت .. دخلت المسجد .. أثااري الأمام يسلم

وصلييت بلحالي ..
"
"
بعد ماطلعت من المسجد ... تذكررت

انا : ياااااااااه وش لوون نسييت .. صصدق غبي .. كيف نسيت أجيب أرواقي لبو عزام.. إن شاء الله بروح الحيين وأشووف

.... ونا داخل البييت

زهره من فوق تنادي: أحممد .. أحمممد ..

وانا أرقى : هآآآه وش تبيين ..

زهره : مممم بتطلع

انا: أيييه بمر المدير عشان الشركه بيصير دوامي ليلي

زهره : آهااااا

انا : خيير وش بغيتي

زهره تشبك يدينها : هآآه .. أبييك توديني للسوق بشتري مريول ولانسييت إني بالثانوي

انا بإستغراب : وليييش ماقلتيلي من قبل ويينك كل هالأسبووع

زهره : والله إني نسييت أنشغلت

انا عقدت حواجبي : واليووم .. وش لبستي !؟

زهره ببتسامه : يالغبي ماشفتني إنت اليووم .. لابسه تنوره

انا مسكت راسي : أيييه صحح .. طييييب يالله خلييك جااهزه بالبس وأركب السيارة بسسرعه

زهره وهي تركض لغرفتها : طييييب طييب .. بلبس عبايتي وأجيييك

انا .. رحت لغرفتي وبدلت ملابسي ولبست ملابس الشغل .. وطلعت

وانا أنزل ..

زهره وهي جالسه بكسل : صحح النوووم .. سسنه أنت

انا ببتسامه : معليييش كنت مرووق .. وتأخرت

وطلعنا للسوق .. طبعآ مقدر أخلي زهره لوحدها .. فتمشيت معها لحد ماخلصت

ورجعتها للبيت .. وطلعت للدوام

وانا بالطريق ..

انا : لازم أكلم المدير.. يمكن طاالع وانا جااي لمه

رفعت جوالي واتصلت بمديري ..

انا : السلام عليييكم أبو عزام

المدير بفرح : هلا والله بأحمد

انا : هلابك .. بس بقولك .. إنت بالشركه ولا طالع

المدير : لا والله بالشركه ..

انا : زيين أججل .. هذاني جاييك

{{ طبعآ قلييل من النااس .. يمنون كثير على ( المدير العام ) سواء للشركه أو آي شئ غيره .. لككن لطيبة أبو عزام

حسيته مثل أبوي .. طيبته وشهامته غطت على الكل .. ماشااء الله علييه }}
..
وصلت للشركه .. وعلى طووول لمكتب المدير

انا : أحم .. السلام علييكم

المدير رفع رآسه : يااهلا والله . وعلييكم السلام .. حياك تفضل

انا .. سلمت عليه وجلست ..

انا : والله اان اليووم جايك بخصوص الدوام اليلي .. وهذي الأورآق وجبتها

المدير وهو ياخذ الأروآق : إن شاء الله اليـــوم أبدأ بدوآمك الليلي ع خيــر

انا أنحرجت : تسلم والله والله يجزاك الف خير والله ماني عارف كيف أشكرك

المدير: وش دعووه .. والله إني أعدك حسبت ولدي .. وإن شاء الله وظيفتك اليوم جاهزه

انا ببتسامه عريضه : مشكووور وماتقصر .. لكن متى يبدأ ومتى ينتهي زي العاده ولا كيــف !

المدير شبك يدينه : تقريبآ يبدأ إن شاء الله الساعه 8 وينتهي 11 أو 11 ونص

انا : ماشااء الله .. زيييين زي العااده

المدير : الحمدلله

انا قمت وسلمت عليه : تسلم والله .. الله يجزاك خيير ياارب . ماتقصر

المدير : مع السلامه ، بحفظ الله

وطلعت منه وأنا أتشكره ..

{{ الله يعاافييه خفف عني شووي .. مع إن الشغل يبيله مو سهل .. والوقت طوييل شووي .. لككن ماعليه أهم شئ

أتوظف .. والحمدلله رزقني ربي بأبو عزام }} وخرجت من دائرة تفكيري .. يوم وصلت لسيارتي ..

ركبت .. وحركــت ..

انا : طيييب االحيين لامني أشتغلت .. ومشعل لقاله شغل .. زهره وين بترووح ... ياارب يواافق عممي .. انا لازم أشووفه

خصوصآ إني مامرييت علييه من زماان ..

رفعت جوالي عشان أدق على.. عمي أجي لمه أوأمره .. وبنفس الوقت أفتكك <<< أحب أزين الأمور كلها مع بعضها.. يعني أروح وأخلص شغلتي مع بو عزام وأروح لعمي عشان زهره وزي كذا ..

انا : السلام عليييكم

عمي بملل: وعلييكم السلام .. خيير وش تبي

انا مسكت نفسي شوي : عمي .. بغيتك بموضووع

عمي : أسسمع إن كاانه موضووعك الماالغ الدين ومالدين أسمحلي مو فاضي لك ..

انا: لالا مهووب عن الديين .. أنت ويينك الحيين

عمي بملل : بالبيت بس لاتجي

انا بقهر <<بس مازلت متماسك : ومتى إن شاء الله أجييك ياعم

عمي : مممم والله شف الحيين مهوب رآيق لك .. تعال بعد ربع ساعه

حسيت بهالوقت إني منهان : طيب . بعد ربع ساعه انا عند بيتك

عمي .. سككر السماعه على طوووول ...

نزلت جوالي وحطيته بجيبي .. وأخذت زفــر ..

يآلله ذاالني هو وفلووسه .... ذلني بكل شئ .. حتى دنيآي ذلني فيها .. ياليتني ماتكلمت أصلأ ..

وصلت البييت .. وعلى طوول رقييت فووق .. ودخلت غرفتي جلست أعدل بإشغالي .. الملفات اللي ماخلصت أبد ، كاانت كثيرررره ..ولازم أخلصها ع أساس أوديها الليله

جلست علييهم لحد مأذان المغرب ... كانوا كثاار ونسيت عمي ..

مشعل يطق الباب : ممكن أدخل ولا ممنووع

انا ببتسامه : لاممنووع .. وش تبي

مشعل : تكفى أفتح البااب

انا : مشعلووه والله رآآآسي مصتك مالي نفس ومشغووول

مشعل رفس الباب بقوه : أفتتتح يعني افتتتح

انا بتعصبيه : وجععععع كسسرت البااب

مشعل بضحكه : هههه أحسسن .. أفتح تككفى ..

انا قمت : طيييب

وانا أفتح الباب وكتفت يديني : نعععععععععععم وش تبي

مشعل ببتسامه عريضه : هلا والله هلااا بأخي الكرييم

انا بأتفف : أفف .. يااشين المصاالح ياشينهاا

مشعل نزل رآسه : يعني عااارف صحح

أنا بملل : كممم تبي

مشعل شبك يدينه : هآآه .. أبي 200 إذا ماعنددك ماانع يعني

انا أهدد : ششف بعطييك آياهم بس هذوول آخر مرره .. لأنك إن شااء الله بتشتغل صحح و لااا ..

مشعل : أيييه أكييد إن شاء الله

انا رحت أجييب بوكِ : خذ ..

مشعل جاء بيحب رآسي : وهاذي حبة رآس و..قاطعته وبعدت عنه شووي : لا مايحتاج يالدب .. أصير تقل شايب

مشعل بضحكه : هههه وش هالتفكيير .. يالله مع السلامه

انا :سبحاان الله ( رآعي الحاجه ملحاح ) يوم خلصت ع طووول رحت .. انا أورييك

مشعل وهو ماشي : لاتواخذني .. شوي وجااي

صكييت الباب .. وتذكرت إنه مأذن .. ورحت توضيت وطلعت للمسجد

سهم دروع المحبة · #8 07-04-2013, 05:41 PM

... وانا طالع من المسجد ..للبييت

// .,, يووه يالله يالله يمديني .. أرووح لعمي ..

وقبل مأركب سيارتي .. دقيت على مشعل .. بس ماايرد

انا : يوووة هذا وقته .. وأدقق علييه مرره مررتين ثلاث .. لحددد ماارد

انا : وجععع إن شااء الله ويينك.. عسسى مااشر

مشعل بضحكه : أسف والله أسف .. كنت بالحماام ^^

انا : والصلااة وينهاا

مشعل : مصلي الحمدلله,, مو شرط تشوفني

انا زفرت : طيييب أسسمع تتعدى البييت أقصص رااسك فااهم

مشعل: ولييه إن شاء الله

انا : .. بططلع عنددي مشوآر مهم

مشعل : إنا لله وإنا إليه راجعون .. ترااك هقيتني مشوآر ومشوآر و...و..

سكرررت السماعه بوجهه .. كنت ماالي نفس أببد ..

ركبت سيارتي .. وحتى مابدلت ملاابسي .. ماااالي مزااج أبدل

وصلت لبيت عمي .. بس قبل أتصلت علييه

انا وبدون مقدمات : عممم أنا عندد البااب

عمي : سككر السماعه كعاادته .

نزلت من السيارة ووقفت عند الباب .. ورنييت الجرس

وإنتظرت شووي .. وعلى طوول دخلتني الخدامه ..

انا : مممممم ... ويين بابا

الخدامه : هناااك .. ووصلتني للمجلس

..
انا : أحم .. ومشيت لحد ماوصلت عمي .. وحبيت رآسه .. هلابك ياعم كيفك وش أخبارك

عمي بطرف عين : بخييير .. وش تبي

انا جلست : والله يااعم بكلمك بموضووع ..

عمي بنظرآت : اللي هوو

انا : الحمدلله قدرت أشتغل بالييل لأني بالنهار تعرف دراسه .. وأنا أشتغل باليل .. معي أخووي مشعل رآآح يشتغل .. ولا نقدر بنفس الوقت نخلي زهره لوحدهاا

عمي يشبك يدينه: والمطلوب

انا نزلت رآسي : إذا تقدر تخلي زهره عنددكم كم سااعه يعني

عمي : والله تعرف البييت فيه خالد ويزيد .. ولايطلعون أبببد .. ويين نحطها <<<<مآشاء الله عيآله ماعمري شفتهم بالبييت أصللن الله يهديييه بسس

انا : ممم ... تقدر تخليها بغرفة هيفاء .. عاادي كلها ساعات وحنا جايين

عمي : انا الحيين يالله يالله أتحمل عيالي تجين أنت وأختك ..<<<قلهاا من أووول يااعممي ..لاتللف وتدوور

انا : بس يااعم ويين أحطهااا ,, قلي ووين .. بالشاارع

عمي: لااابالحديقه .. تستهبل أنت وخشتك .. تحطها في بيتكم يعني ويين

انا بتنهيده : بس يااعم لحالها كييف بخليها ..

عمي: الحمدلله والخدامه ويينهااا ..

انا بيأس : الخدامه بتروح بعد يوميين

عمي : أسسف .. تصررف ..

انا بسكات .. ظلييت سااكت لحدد ماقال

عمي : عنددك شئ ثااني

انا قمت وإلتلفت له : أببد ياعم مشكوور ماتقصصر

وططلعت .. وانا أقوول

{{ أخخخخ بسس ... الحيين تقل طاالب فلووس انا .. ترآآها وشي .. ماالت .. عااد من زيينه ومن زيين عيااله هالطبل ..

الله يخلف بس .. يالله يالله.. ويين أحطط أختي .. أه بسس .. وطلعت من تفكيري وفتحت باب سيارتي وحركت }}

ذاالكـ الووقت .. كنت مشحوون ( النفس وااصلله معي ) وتعصييب من حالتي .. وعممي ببرود يصك الأبوآب بوجهي .. يالله مددري وين أرووح ..رحممتك ياارب

* .. طبعآ نسيت أقوولكم موضووع الخدامه ..

أبووي الله يرحمه .. مقدم 3 سنوات لهاا

وحنا متعوديين آي خدامه .. أبووي يقدم 3 سنوات لهاا ..

وهي ماشاء الله عليها ماتبي ولا فلس .. يعني آي شئ أعطيه إياه ماتخالف أو تضجر

لأنها من مده طوييله عندنا .. يمكن قبل 6 سنوات تروح لأهلها وترجعع .. لكن تبلشني بمصروفاتها

فقلت أسفرها أحسسن ..وغيير كذا الدين اللي فاجر رآسي .. والحمدلله خلال هاليوميين مسااافره .. *
..
وانا بطريق .. رن جوالي ( رسآله )

كنــت متضايق ولا لي نفس أفتحها .. وصلت البيت

سهم دروع المحبة · #9 07-04-2013, 05:42 PM

وانا داخل ..

مشعل : ويييين يابن النااس .. هآآه وش صاار علييييك

أنا : الحمدلله قبلوني بالشركه ليلآ.. وعمي مارضى

مشعل بقهر : أوووووف.. حسبي الله علييه .. تقل بزر .. طييب حنا ماقلنا له شئ كاايد عشان يمنعنا ..

انا منزل راسي : خللها على ربك .

مشعل : طيييب وانا

انا : خلاااص أنت أجلس مو لاازم تتشتغل

مشعل : والديييين !؟

انا بملل وماسك رآسي : مشعل .. واللي يرحم والديك فكني من هالسيرة .. ماالي نفس ترآي .. ودفيته ورحت فوق

مشعل مسك طرف ثوبي : أحممد .. وش فيييك

انا : ماافيني شئ فككني .. ورححت فوووق .. ودخلت غرفتي

,, وعلى طوووول تمددت على سريري ..

أخذت نفس عميييق .. إلا ويأذن العشااء

تعوذت بالله من الشيطاان .. وقممت وتوضييت

ونزلت تحت .. الحمدلله خفت نفسيتي مو مثل المغرب ..

نزلت على طوول حتى مامرييت زهره .. على المسجد ..

دخلت وكنت أووول وااحد من المصليين .. جلست وأخذت لي مصحف من الصندوق

,,,
قريت يمكن 4 صفحات وأقام الأمام ..

,,,

بعــد الصلاة ..

وانا بالطريق للبيت .. جتني رنة ( رسآله )

وتذكرت إني مافتحت الرسآله اللي قبلها ..

طلعت جوالي وفتحت جوالي..

ولقييت رسآله مــن (( الغريب ))
..
انا : مممم الغريب من هذاااا ..

ولما فتحت الرساله

{{ السسلام علييكم .. بو خااالد .. مااحبيت أزعجك وانا أخووك

إذا كنت فااضي .. أتمنى ألقى إتصال منك }}

وضربت بخفييف على جبهتي : أيييييه .. ثاامر .. نسييته .. وااه فشيله منه

حتى ماردييت عليه .. وشفت الرسآله الثانيه ..

اثاريها حقت برنامج ... ألخ .

وصلت البييت ..

ودخلت ..

انا : السسلاام

زهره تناظر التلفزيون : وعليكم السلام

انا جلست على الكنب : هآآآه أخباارك .. أييه وش صاار على مريولك

زهره إلتفت : أييه الله يجزاك خيير يهببببل

انا أتنحنح : أحم .. أكيييد من ذوقي

زهره بأستهزاء وأبتسامه على جنب : أييه وااضح

ضحكت على شكلهاا .. ورفعت جوالي ..بتصل على ثامر

انا أعدل صوتي : أحم .. السلام علييكم

ثامر بفرح : وعلييكم السسلام والرحمه .. ياهلااا والله .. عسى مأزعجناك بس

انا ببتسامه : ووش دعووه .. لا والله .. ياخزياه منك . مارديت إلا توو .. كنت مشغول .. والحين فاضي

ثامر : لاعاادي وانا أخووك .. بس حبيييت أسلم عليييك .. وإذا كان ماعندك مانع .. ممكن نطلع لكووفي مثلآ أو آي مكان

انا بإستغراب : ممممم .. ( مدري شاااقوله ..والحيين عاااد بيعصب صدق مشعل .. يووه إحرآج الصرآحه ) وطلعت من تفكيري على صوت ثامرر ..

ثامر بصوت هادئ: أحممد إنت معي

انا : هآآه .. أيه أيه معك .. والله مدري شآآقولك .. الوقت الحين مو مره مناسب لي .. بس إن شااء الله بككرة

رآح أرسلك لأي مكان نروح لمه وأواعدك (( صصدق خبووول ..قببل شووي أقوله فااضي ..والحيييين مايناسبني الوقت ))

ثامر : لاا والله وش دعووه .. والله عااذرك .. خلاص بككرة أجل أشوفك .. وإن كان تبي أحجزلك بعد

ضحكت على خفة دمه: هههه.. إيه إذا كنت تجي مبكر .. الله يجزاك خيير أحجزلي

ثامر بضحكه : سسم .. يالله أجل مأطول علييك .. مالله

انا ببتسامه: أمنك الله
...
وصكيييت جوالي على صووت المززعج مشعل ..

انا إلتفت له : وييييين

مشعل وهو يركض متجه للباب : أدور على شغل

انا .. قمت ومسكته : وش حنا قاايليين

مشعل بتعجب : وش قاايليين

انا : قتلك .. خلااص .. لاتشتغل .. بالله علييك زهره وين نحطها

مشعل يفكر : مممم .. والله مدري

انا أقلد كلامه : ((ممم والله مدري)) .. أسسمع ماافيييه تدويره لشغل .. وإذا تعاند بكيفك

مشعل : أحمممد .. مااقلت شئ الحيين ؟. خلااص مو رآآيح أدور شغل .. بجلس أرتحت

انا : أييه أحسسن أركد

وجلس مشعل على الأريكه اللي عند الباب ..: وش السوااه الحيين

انا : السوااه إني انا اللي أشتغل وإنت أجلس .. وش نسوي ماافييه أحدد

مشعل : أوووف .. لاخوآل ولاعمآن .. وش هالعيشه وهالنكد

انا عصبت : ومن قاالك مو هاذي عيشه .. إلا عيشه ونص .. الحمدلله مو ناقصين أحد

مشعل بسخريه : أقوول أسكتت إنت .. أخر من يتكلم .. قال آيش .. قآل مو ناقصين

انا : والله إن كنت أنت اللي نااقص فهذا شئ ثآني

زهره : يآآلله وش جااكم الحيين .. أبي افهم وش دخلني بسالفتكم انا

مشعل بعصبيه : إنت الي معقدتنا مانروح ولانجي ... كل شووي زهره لوحده مانقدر نطلع ..وزهره لوحدها مافيه مكان وزهره وزهره مافيه تغيير جووو أببببد .. وش هالعيشه

زهره إلتفت لي بعلامة إستغرآب : أحممممد فككني آولاه .. وش السالفه .. وش قااعد يخربط ذا

مشعل : أناا أرخبططط .. بووجهك أخربطط يالبزر

انا بصوت عآلي : مشششششعل .. ترآآك وصلت لحدك .. خلاص أنطم وأسكت .. وإلتفت لزهره .. وزفرت شووي ..

انا : زهره .. كنا بنشتغل انا ومشعل .. وكنا متفقين إننا نوديك لببيت عمي .. وبعد الموافقه أجيك وأقولك . لكن عمي ماوافق بتآتآ على جيتك

زهره بعصبيه : ماشااء الله .. وتسون ككل هذا من دون شوري .. وأصلآ لو مايمانع ماني رآيحه .. وااع من زيينه هالدب

انا : زهرره .. هذاا عمي وماهما كان هذاا عمي .. لاعمري أشووفك تتكلمين عنه بهالأسلوب

مشعل بضحكه هستيريه : هآآهآي ومن قآلك إن هذا أصلآ عــم .. مايغير يراكض هالدبش ورآ ربعه هالمجنن .. مايدري وش السالفه

انا عجزت أمسك روحي مهما كان هذا عمي .. قمت ومسكت مشعل من فوق بلوزته : هيييه .. ترى تعديت حدوودك ..فااهم ويالله هنااك على غرفتك ..

مشعل بقهرر : وخرر عني .. أنت وش تبي هآآه .. قللي انا حرر أشتغل مأشتغل بكيفي .. أسسوي اللي برآسي .. أووففف .. حتى كرهتني بالعيشه كلها

انا أنصدمت من كلامه بس ثبت بمكاني ماتحركت وسااكت .. لحد ماقال

مشعل بطرف عينه : هآآه .. أشووفك سااكت .. لييش مااتتكلم

انا : دفييته عن طريقي ورقيت فوق

زهره .. لحقتني ..

زهره : أحمد .. أحمممد ..

سهجتها ولاكلمتهاا .. دخلت غرفتي وبصك الباب .. ألا دفته

زهره بحزن : أحممممد .. وش فييك ... ترآني إذا شفتكم كذا أبككي مأتحمل .. والله مايندرى عنكم إنتم تتهاوشون ولا تضحكون ولا تلعبوون

أنا بصوت حاد : ماافيييه شئ زهره .. أنا داايخ وتعبان

زهره تشوف ساعتها : بسس تونا يأحمد بااقي الوقت طوييل ..

انا بملل : خلااص .. إذا تبيني تعالي أدخلي .. وإبعدت عن الباب شووي ..

زهره بقههر : مو دااخله .. إنت اللي تعاال .. وش هالملاغه أحممد ..

انا : والله تحسبيني رآقي فوق عشاان هالتبن .

زهره : أججل من عشاانه .. عشان العلف

انا ضحكت على كلامها : هههه لا والله .. بسس كذا برتااح

زهره بنص عيــن : آي مو علينا .. وطلعــت

انا بصكر الباب إلى اللي دفه .. أحم .. ممم

انا ألتفت ..

مشعل منزل رآسه : مممم .. ممكن أدخل

انا بسكات وجلست على سريري .. وتمددت ( حااس نفسي داايخ وتعبان موفااضضي لأحد .. يكفي اللي فيني )

مشعل جلس بجنبي : أأأ .. مم .. والله مدري شاقولك .. بس أسسف إذا قلت لك شئ .. يعني . أوووو ..

انا حبيت أسوي له حركه : تغطيت بالبطانيه ( ككل وجهي )

مشعل : أنا أسف .. والله ماكنت قااصصد .. يعني إنت بصرآحه تقهرني بهدؤك .. داايم هاادئ حتى عند الهوش هادي ..حتى باللعب هادئ ، حتى لما أسسوي آي شئ هادئ ، هاديئ دآيم هادئ حتى بالأكل هادئ .. تقهرني بهدوءك هذا

أظن أني أكلم أحدد .. و إلتفت لــي .. أحمممممد إنت ناايم

وسحب عني البطانيه ..

مشعل : أحممد لاتستهبل والله إني جااد .. كسسل نجلس تحت من دوونك .. خلااص يالدب قمم

وكنت أبيه أعطيه دررس عشان المره الجاايه مايطول لساانه علي ..

مشعل : يووووه .. أحييمد ترآني مليييت

فتحت عيوني .. بس ظليت سااكت

مشعل بفرررح: والله إني أحسسبك ناايييم .. يالنتفه

انا مسكت ضحكتي .. بس عجزت .. أخر شئ أنفجررت أضحك على كلمته ( يالنتفه ) أحيآنآ تصير الكلمه عااااديه بس بلسان مشعل أحسسها غيير .. ^^

مشعل بضحكه : ههههه وش فييييك .. الحمدلله نفسيه الأخ

انا قمت من الفرآش وعدلت صوتي : ووش تبي .. خلاص ساامحتك يالله قمم

مشعل ضمني بقووة وقال بإستهبال ( يقلد صوت الطفل ) : شكككرن شككرن لأنك سامحتني

انا بضحكه : ههههه .. خلاص مشعل والله مو قاادر أتنفس وخر عني

مشعل أبعد عني وقاام .. : أسسمع الحيين تنزل .. الحيين تنزل .. فااهم .. أحترييك تحت

انا : والله إني تعبان .. على الأقل لو دقايق

مشعل : يوووه ... يالله قمم .. ترآني من زماان ماجلست معك جلسه أخويه

انا بإستهبال : لاا والله .. أججل اللي قبل وشي .. جلسة أختيه !

مشعل ضحك : ههه .. قم بس ولا يكثثر

انا : وانا أقوول أذلف وأطلع برآآ .. وصووت بصوت عاالي .. (والله والله دااااااااااااااااااااايخ .. ووتعباااااااااااااااااااااان )

مشعل مسك أذانيه : طييب لاتصاااارخ .. بس إذا ملييت تعاال اوك

انا : طيييب يالله أذلفففف

وططلع مشعل ..

سهم دروع المحبة · #10 07-04-2013, 05:43 PM

سدحت على السرير .... وبس أتقلب .. حااس إني دااييخ بس النووم مو جااييني

لميين حسيت أني منخنق .. طلعت برآآ غرفتي . ونزلت تحت .. إلا أشوف زهره مع مشعل يلعبون ورق .. وانا أنزل

مشعل يصفق وبنص عين : ياااااااااهلا والله .. تو ماانورت الصااله

انا مالي خلق أضحك وظليت ساكت لحد ماوصلت الصاله .. وجلست على الكنب

زهره وهي تاكل حب : ممممم .. تصدق مشعل .. والله مايعرف لك لا إنت ولا اللي فوقي

انا ضربتها بخفييف على ظهرها : لاتدخليينن معه

زهره بتوجع : آه .. عورتني بشويش طيييب

مشعل بحسد : أحسسسسسن

زهره : ككل تبن وش دخللك

وبدؤ يتهاوشون كالعاده ... جلست أتابع الواحد والثاني .. شفت االساعه

10 .. فككرت إني أكلم ثامر .. مدري ليه حااس إنه عنده شئ .. وحتى أطلع أغير جوو

طلعت جوآلي .. دقييت على ثامر

انا : أحم .. السلام علييكم

ثامر : وعليكم السلام .. حياا الله أحمد

انا منحرج : الله يحييك ..

ثامر : هآآه خلصت شغلك

انا إنصدمت من ميانته ( يعني دايم أغلب الأ شخاص مايمنوون على أحد ) : هآآه .. أيه

ثامر : مم .. نطلع لكووفي إذا عااجبك .. د. كيف اللي عند ....

انا : أيه عرفته طريق (...) خلاص إن شاء الله ثواني وانا جاايييك وصكييته . ورقييت فووق

وبدلت ملابسي .. ولبست بنطلون أسود وبلوزه سكريه مخططخ أحمر بأسود ^^

وبعد مالبست .. نززلت تحت وجلست شووي وانا أفككر . ((يآآلله .. حتى أستغربت على نفسي .. انا ماعمري طلعت مع أحد ..حتى يوم قبل 3 سنوات رغم وقت فرآغي .. والحمدلله عاايش من أحسن مايكون ..

لكن مأحب أبدي صداقات .. مدري لييه أرتحت لثامر كثثير .. أكثر من اللي أعرفهم .. )) وخرجت من دائرة تفكيري على صووت مشعل وزهره ( جميييع )

مشعل + زهره : ميييييييين هذاااا

انا بتعجب : ههههه وش دخلكم يالملاقيف

مشعل بصووت عااالي : وااااااااااااااااااااااااااااااااااااااااااه .. فززززززززت علييييك

زهره بحزن : يااددب غشااش .. والله إنك غشااااش .. غشااااش لا عييد اللعب عيييد اللعب

مشعل صفق يدينه : هآهآي بالأحلام .. خلااص الحيين انا 3 نقاط وأنتي نقطتين لاتصيرين طمااعه

زهره رمت الأوراق : لالالا .. غشاااش .. اللعب معك مضيعه للوقت .. وهي تقووم

مشعل سحب شعرهااا <<لأنه ماشاء الله طوييل ^^: تعااااااااااااالي ويين رآآيحه

زهره بتوجع : مشعلووووه فككه ... والله يجووعن يالعلف يالتبن وخرر عني

مشعل يسحبه بقووه : ولا وبعددد علف .. إن شااء الله خروووف ماني تاارك شعررك ^^

زهره : أه .. والله يوجعن طيب فكني .. خلاص يااسعدك فززت .. والله بألعب معك .. بس فككني

مشعل فك شعرها: مممم .. يالله وريني لعبك

ضحكت على شكلهم المهببل ..

انا قمت : يالله برووح

مشعل بإستهبال وهو يلعب : أكيييد للمشوآر صح

مسكت أذنه : ماالك دخل

زهره : صصدق أحمد وين رآآيح

انا ماشي بفتح الباب: رآآيح لم صديقي

مشعل + زهره : وشووووو ! .. صصديقي

انا بإستغرآب إلتفت ببتسامه عريضه : أييه صديقي .. وليش ياااحوول انا مقطوع من شجره محد يصادقني

مشعل + زهره يناظرون بعض مستغربيين من كلامي ..

زهره : بسس إنت قلتلي .. ماحب أصاادق ..وأحسن أجلس لحالي

مشعل : أييه صاادقه زهره

انا : والحيين طنت على رآسي أبي صديق أرتحتوا

ناظروا جمييع على بعض مستغربيييين كثييييير ..

انا : وش جااكم .. يالله مع السلامه أخرتوني ^^

..
وطلعت ورحت نفس الوصف اللي وصف لي ثامر ..

وصلت د . كيف .. وكاان ملياان شبااااااب

وانا أدخل ..أتصلت على ثامر

انا : أهلين ثامر ..ووينك انا بالكوفي

ثامر : شووفني بالطاوله الأخيره اللي على الجنب .. وبعديين قال بصوت عاالي ..

انااااااا هييناااااااااااا .. ضحكت على شكله وهو يقولهاا ..

مشييت .. لحد ماوصلت له ..

ثامر وهو يتعدل وببتسامه كعاادته مآشاء الله من يوم وانا شفته بالمحاضره وجه بشووش وداايم مبتسم وغمازاته اللي تطلع ^^ : أحم .. ياهلا والله .. تفضل حيااك .. عسى بس ماعطلتك

انا ببتسامه : لا والله وش دعووه .. وبعد ماسلمت علييه جلست

ثامر : هآآه وش أخباارك وش علوومك

انا ببتسامه : الحمدلله كوييس .. وإنت وش أخباارك

ثامر : والله الحمدلله تماام .. هآآآه وش تشررب

انا : تسسلم والله .. مأبي شئ

ثامر برطم : أفاا بسس عليينا الدلع .. يالله خلصنا وش تبي

انا : ههه .. لا والله مأشتهي شئ

ثامر بطرف عينه : ياللله عااد بلا مصااله ^^

انا بضحكه : ههههه .. مممم خلاص اللي تبيه انا أبيه

ثامر بإستهبال : حتى لو مابغيت

انا ببتسامه: هههه حتى لو مابغيت

ثامر فتح الورقه .. ونادى الجرسون : وعطاه الطلب .. إلتفت ثامر لمي

ثامر : ممم والله مدري شاااقوولك .. بس تصدق دخلت قلبي من يووم شفتك .. حسيتك نفس شخصيتي .. أو شي زي كذا

انا ببتسامه : تسلم والله .. ( مدري شآآقوله ) سسكت لحد ماقال

ثامر : ممم .. أحممد معاك أحد

انا أستغربت على سؤآله : مثل آيش معاي أحد

ثامر : قصدي أصدقاء معااك

انا بإستهبال : تبغى تاخذني لك .. هههه لا والله بصرآحك بشئ انا عن نفسي .. إنسان جدآ مأحب الصداقات .. لكن من شفتك .. حبيتها

ثامر : ههه ..لا جدد والله .. إنت ماتحب صداقه اي شخص

انا : أييه .. من بعد وفاة أمي وأوبي الله يرحهمهم وتوقفت وقلت بنفسي ( أنا شلون أطلع أسرآري مع شخص مأعرفه ولا أدري عنه يااربييه .. شآآقول )

ثامر متحمس : ممم كممل

انا انتبهت : هآآه .. أيه وو وين وصلنا

ثامر بضحكه : وآصلآ مابدينا عشان نوصل ..

انا ببتسامه : لاتواخذني .. أييه من بعدد وفاة أمي وأبوي .. قبل 3 سنوات .. يعني من أولى جامعه حسييت إني مهموم ومالي خلق أصادق أحدد

ثامر : يعني جلست مهموووم 3 سنوات .. ممم مأعتقد كل هذا عشان أمك وأبوك ماتوا .. يعني أسمحلي كل هالسنين عشان فرآق والدييك ..

انا أنحرجت مدري شابرد علييه : أيييه .. وعشان أشياء وأشياء .. كل شخص بهالدنيا ياثامر وزفررت .. ماسكته هموومه

ثامر نزل رآسه : وإنت الصاادق .. الله يعيين بسس .. ممم إلا بكرة بتجي للجامعه

انا بإستهبال : إذا حجزتلي بجي

ثامر : لو تبي الكرآسي كللها ياشيخ .. إن شاء الله برووح بكرة

انا : وانا بعدد ماعندي نيه

انا قمت (( حسييت إني تأخررت ع المهببل ^ مشعل وزهره ^ )) : أججل مأطوول علييك ..

ثامر : ويين النآس ..

انا ببتسامه : بتمل من خششتي .. بتشوفني بككرة وبعدده وبعد بعده

ثامر ضحك: ههه .. وقاام .. يالله أججل .. أشووفك بككرة مع السلامه
......

ركبت سيارتي ..

ووصلت للبييت ..

انا : السلام عليييكم

مشعل : وعلييكم السلام

انا : ووين زهره

مشعل : رااحت فووق .. ناامت

انا : تعشيتوا

مشعل ببتسامه بريئه : لا والله .. هي ماتبي عشاء وانا أحتريك ^^

انا : ممم حتى انا مأبي عشااء فيني نووم

مشعل :يووه .. بس انا جووعاان

انا : موو لازم تاكل .. سوو رجيييم .. وقربت وجهي له / الخف رحمه وانا اخوك ^^

مشعل بقهررر : أناااام أحسسن لي قال أيش ..قال الخف رحمه

ضحكت على شكله .. شعره متلفف ( مجعد ) وأزارير ثوبه كلها مفتووحه .. وشكله طاالع تووححفه ^^

..
رقييت فووق .

وبدلت ملابسي ...

وجلست سااعتيين .. أنظف غرفتي من مده مانظفتهاا

وأعدل أشغالي وأموري .. بالأخير غالبني النعااس

..
ونمممممممممممممممت .. الحمدلله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية ارادة رجل كاملة	rawane	أرشيف المواضيع الغير مكتمله او المكرره او المنقوله و المخالفه	39	03-02-2015 09:31 PM
رواية (شلة المراهقات)*\كاملة	كاكاشي كونان	روايات و قصص بالعاميه	8	04-13-2014 01:44 PM
رواية ملاك حبي ....(رومانسية،كاملة!!!)	Sugar Lips	أرشيف المواضيع الغير مكتمله او المكرره او المنقوله و المخالفه	305	06-22-2010 10:25 AM