|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#6
07-22-2016, 12:05 PM
| ||
| | ||
| ...بسم الله ,,,, >>>>الجزء الرابع<<<< وصلت شوق المدرسه نزلت من السياره وهي كاشفه بس لبست النظاره لقت الباب مسكر كالعاده لانها دايم متاخر .... شوق:راج راج وجع راج(جاها وهو يركض من الخوف):نعم طال عمرك؟ شوق:قول للحارس يفتح الباب بسرعه راج راح عند دريشة الحارس ودق الدريشه وينادي عليه لحد ما جاء.... الحارس(بنفس خايسه):خير شعندك؟ راج:افتح باب مدرسه الحارس:وليه الحين الساعه 7ونص خلاص نسكر الباب راج:لا مدام شوق الحين اجي افتح باب الحارس:وليه متعبه نفسها وجايه ترجع البيت احسن ممنوع ندخل احد الحين شوق:وانا مو اي احد,اخلص وافتح الباب الحارس:ممنوع هذا كلام الاداره شوق:كلام الاداره يمشي عليك وعلى اشكالك على انا ما يمشي هالكلام الحارس(عصب من اسلوبها وعاندها):وانا قلت ما راح افتح والي تبينه سويه شوق:لا واثق الاخ اقول انت يالشايب ترا انت عندك اطفال ومحتاج توكلهم لاتقطع رزقك بيدك الحارس قعد يطالع فيها ونظراته كلها شرار ومعصب من غرورها وده يذبحها.... شوق:لا تقعد تطالع فيني كذا روح افتح احسن لك لا البسك مصيبه وانت قاعد بمكانك الحارس خاف انها تسوي شي لانه سمع من زوجته(الفراشه)عن مشاكل شوق بالمدرسه مع الاداره فقرر انه يبتعد عن المشاكل,طلع من الغرفه وفتح لها الباب مشت بجمبه طنشته ولا طالعت فيه.... دخلت المدرسه وراحت على طوول عند الحمام عشان تعدل شكلها.... المراقبه(ابله غزال):شوق انتي توك جايه؟ شوق لمت اغراضها من غير ما تكلمها وسفطت العبايه وطلعت من الحمام.... المراقبه(ابله غزال):اظن اني اكلمك يا طالبه؟ شوق:نعم ابله بغيتي شي(بكل بروود) المراقبه(غزال):ايه في احد غيرك هنا؟ شوق:طيب شنو تبغين؟ المراقبه(ابله غزال):ليش متاخره؟ شوق:كنت نايمه المراقبه(غزال):هذا مو عذر تعرفين انه عندك مدرسه المفروض تقومين بدري حالك حال البنات شوق:نعم انا حالي حال البنات طبعا لا انا وين والبنات هنا وين المراقبه(ابله غزال):انا ماقصدت كذا قصدي انه انتي متاخره واحنا هنا مدرسه يعني نظام مو في بيتكم تلعبين على كيفك؟ شوق(تطالعها بنص عين):اكيد في نظام يا ابله غزال؟ المراقبه(غزال):شقصدك يعني؟ شوق:اعتقد يعني انه المدرسه تمنع التدخين صح؟ المراقبه(غزال)كانت تدخن في المدرسه وبره المدرسه واستغربت شلون شوق درت عنها بس حاولت تخبي وما تبين لها هالشي.... المراقبه(غزال):وش جاب طاري التدخين الحين(وكان باين عليها الارتباك) شوق لا حظت ارتباكها بس بغت تهبل فيها.... شوق:ابد سلامتك بس اذا عرفت او شفت (وتشدد على كلامتها)احد يدخن بكون اول وحده اقول للاداره وهي اكيد راح تاخذ موقف من هالموضوع المراقبه(غزال):اكيد طبعا شوق:طيب ممكن اروح الصف الحين؟ المراقبه(غزال):تفضلي وانا بنفسي بوصلك للصف ******************* مشت شوق والمراقبه قدامها لحد ما وصلت عند فصل(3/4/ادبي)وكان هالفصل معروف بمشاكله مع المدرسات وكلهم يكرهون نفسهم اذا كانت عندهم حصه بالفصل هذا بس مجبورين يشرحون لهم... في الفصل كانت حصة(ابله وداد_بلاغه) انطق الباب يوسط الحصه.... ابلة وداد:تفضل المراقبه(غزال)وهي الي فتحت الباب:ادخلي يا طالبه,معليش ابله وداد قاطعنا عليك الشرح ابله وداد:لا مو مشكله بعد ما سكرت المراقبه الباب التفتت ابله وداد على شوق وهي معصبه.... ابله وداد:اهلك ما علموك لما تدخلين على ناس تسلمين؟ شوق(طلعتها بنظرات تقهر و قالت بكل دلع):هاي البنات قاموا يضحكون ومشاعل الي قاعده جمبها تحاول تكتم ضحكتها لان ابله وداد دايم تهزئها لما تضحك لان صوت ضحكتها عالي... ابله وداد:شنو هاي الناس تقول السلام عليكم شوق(رفعت يدها وطالعت ساعتها الفخمه من ديور):ابله ترا نص الحصه راحت لا تضيعينها بالسوالف ابله وداد(انقهرت من برودها ونظرات البنات عليها وضحكهم):الحين انا اسولف (وقالت من بين ضروسها بصوت يله ينسمع)وقاحه شوق(ماسمعتها عدل ):ها ابله شنو ماسمعت شقلتي؟ ابله وداد:قلت نكمل الدرس احسن شوق:ايه على بالي البنات ماتوا ضحك على اسلوب شوق والابله كل شوي تسكت فيهم وتحاول تكمل الشرح مع انها معصبه بس تمشي الحصه عشان تطلع من الصف... ***************** بعد ما طلعت الابله من الصف البنات على طوول وراها عشان يتمشون ويهربون من حصة الادب الي بعدها ... مشاعل:شوق خطيييره سكتيها على طوول شوق(نفخة ريشها):اجل انا شوق بنت عبد الرحمن مو اي وحده هديل:بس مو حرام احسها شوي بتصيح شوق:عساها عشان اتشمت فيها مشاعل:تعجبيني ولله شوق:تسلمين ياعمري هديل:بنات انتوا جبتوا جوالتكم مشاعل:اكيد شوق:جبته بس ليه هديل:عشان..... وماكملت لان خديجه قاطعتها... خديجه:صباخ النور شوق شوق(بكل غرور):صباح الخير خديجه:شوق ممكن تعالي شوي شوق:ليه؟ خديجه:بغيتك بموضوع ضروري شوق:طيب,عن اذنكم بنات طلعت شوق مع خديجه بس راحوا اخر الفصل كان فيه مكان فاضي ورى يجلسون فيه البنات... شوق:شنو الموضوع؟ خديجه:بصراحه هو طلب شوق:خير شتبين؟ خديجه:انا ابيك تجين معاي شوق(استغربت):اجي معاك وين؟ خديجه(بتردد):حفله شوق:حفله وين؟ خديجه:في استراحه شوق:في استراحه طيب حقة مين؟ خديجه:وحده صديقتي مسويه حفلة عيد ميلاد ؟ شوق:شمعنى عزمتيني انا بالذات؟ خديجه:لانك كشخه ورزه وابي ارز عمري قدامهم ان انتي صديقتي شوق(مبسوطه على هالكلام):ادرى هالكلام قديم,بس الاستراحه وين مكانها؟ خديجه:في استرحات الدمام شوق:وعععع,الدمام قلت الاستراحات خديجه:يعني البنت مو بطرانه مره بس والله متكلفه بالحفله شوق(بنظرات شك):خديجه ترى انا مو غبيه,خلك صريحه معاي شمعنى انا اخترتيني؟ خديجه(بارتباك):شدعوه ادرى انك مو غبيه بس الصراحه الحفله هذا ما ينفع احد يروح لها لا انتي شوق:اها شفتي يعني في شي انطقي شسالفه؟ خديجه(بخوف وتردد):بصراحه الحفله فيها شباب بس شويه مو كثير شوق:نعم شنو شايفتني اروح حفله فيها شباب خديجه:بس ولله شباب شايفين خير يعني ما راح يصير شي شوق:ولو خديجه:شوفي الحفله يوم الخميس عندك فتره طوويله اقعدي وفكري على راحتك شوق:طيب ,ممم انتي تعرفين البنت كويس خديجه:ايه هي مرره صديقتي شوق:يعني ثقه خديجه:مليون بالميه اضمنها لك شوق تفكر.... خديجه:ها شقلتي؟ شوق:بفكر,بس مو اكيد انا ما اعرف البنت وانتي(طالعتها من فوق لتحت)ما اضمنك وقامت من عندها ورجعت لصديقاتها,خديجه انقهرت من غرورها ولله ياشوق محد بيكسر خشمك غيري وبتشوفين.... ***************** جات (ابله نوره_الادب)متاخره على الحصه والبنات استغربوا لانها بالعاده تكون عند الباب وتدخل على طوول اول ما تخلص الحصه الي قبلها.... ابله نوره(وهي مستعجله):يلا طالبات بسرعه كفايه متاخرين في الحصه كل وحده تفتح الكتاب حقها بدت حصة الادب والي الكل يكرها من اسلوب الابله وهي تلقي الشعر لان صوتها عالي ودايم تصارخ وقبل نهاية الحصه بعشر دقايق رن الميكرفون الي عندهم بالصف(مثل المسجل معلق بالجدار يستخدمونه اذا كان يبغون ينادون احد وهو موجود بكل فصل بالمدرسه يعني اذا احد نادوه الادراه كل المدرسه تعرف).... المراقبه(غزال):الرجاء من الطالبه شوق عبد الرحمن الهيماني التوجه للاداره فورا شوق استغربت ليش ينادونها والبنات بعد مثلها.... ابله نوره:شوق روحي شوفي الاداره شنو تبيك فيه شوق قامت من مكانها وطلعت من الفصل رايحه للاداره,نزلت من الدرج وصلت عندمكتب مساعدة المديره... شوق:ابله رحاب انتوا طلبتوني؟ المساعده(ابله رحاب):ايوه تفضلي ادخلي عند المديره مشت شوق لمكتب المديره وطقت الباب وسمعت المديره تقول لها تفضل وافتحت الباب وتفاجات لما لقت (ابله وداد)موجوده ..... شوق:نعم ابله في شي؟ المديره(ابله فاطمه):شوق اليوم ابله وداد جت واشتكت لي منك شوق(طالعت ابله وداد بكل احتقار):طيب؟ المديره:وقالت لي انك كلمتيها باسلوب فيه قلت احترام لها وخليتي البنات يضحكون وعطلت الحصه عليها شوق:الله كل انا سويته؟وانتي مصدقه يابله فاطمه؟ ابله وداد:يعني انا كذابه؟ شوق:انا ما قلت شي انتي قلتيها بنفسك ابله وداد:شفتي شفتي بعينك يابله فاطمه شلون تتكلم معاي المديره:شوق ابله وداد احنا جاين نتفاهم مو نكبر المشكله اكثر ابله وداد:وانا بعد ابغى احل المشكله لان هالبنت تخطت الحدود شوق خزتها ولفت وجها عنها بكل غرور وهي تتافف... المديره:انا عندي يرضي الطرفين,ابله وداد ما تحتك فيك ياشوق وانتي ياشوق اعتذري لابله وداد شوق(بكل عصبيه):نعم,انا شوق بنت عبد الرحمن الهيماني اعتذر لهاذي(وهي تاشر لها باصبعها بكل احتقار) ابله وداد:لو سمحتي لا تغلطين اظن ان لي اسم شوق:لا ولله تصدقين توني ادرى انه لك اسم ابله وداد(بعصبيه):لا هاذي ما ينسكت عليها ابله فاطمه شوفيلك صرفه معها شوق:لا تتكلمين بالنيابه عني اظن اني موجوده المديره:خلاص بسكم صراخ شوق تفضلي شوي بره خليني انا وابله وداد لحلنا شوق(وهي تهز رجلها بعصبيه):بطلع وبشوف اخرتها وياكم طلعت شوق وصفقت الباب وراها بكل ما تملك من قوه كانت واثقه ان المديره ما راح تسوي لهاشي لانها تصير بنت عم ابوها وابوها كبير العايله وينعمل له الف حساب وهو الي توسط لها عشان تصير مديره وخايفه اذا سوت شي لبنته انه يشيلها من الكرسي مثل ما حطها بكل سهوله طلعت شوق لفوق ولقت انه حصة الادب خلصت وجت ابله علم الاجتماع ,دخلت شوق الصف ولقتها كاعاده تدور على البنات عشان الي حاطه كحل بعينها تمسحه ما تدرى شوق ليش عندها عقده من الكحل كل مره تدخل الفصل لازم تسوي تفتيش على البنات والي ما عندها منديل توديها الحمام وتخليها تغسل عينها وتفركها عدل لين يروح ابله رنا:شوق وين كنتي؟ شوق:كنت عند الاداره ابله رنا(تعرف مشاكل شوق الكثيره مع الاداره عشان كذا ما استغربت):طيب روحي اجلسي شوق راحت وجلست جمب مشاعل وهديل لانه الفصل تقسيمته ثلاث فرق وكل فرقه فيها اربع صفوف وكل صف فيه ثلاث بنات يجلسون جمب بعض عشان كذا هديل جالسه على الطرف ومشاعل بالنص وشوق جمب الجدار .... مشاعل:ها شبغت فيك الاداره؟ شوق:مالت اثاري السالفه عن الخايسه وداوده هديل:ههههه حلوه ودادوه,بس ليش شفيها؟ شوق:مشتكيه على عشان لما تهاوشت معها اول حصه مشاعل:ييييو مالت ابله رنا:بس ياطالبات هدوء بنبدا الدرس مرت حصة ابله رنا ممله واول ما رن الجرس عشان الفسحه البنات طاروا بره الفصل وابله رنا تصرخ عليهم عشان يرجعون وهم سافطينها ومشايين هديل:بنات تعالوا نروح الحمام ابي اعدل شكلي مشاعل:اوكي طلعت شوق المقلمه الي فيها اغراض المكياج ... في الحمام حطت شوق كحل لونه ازرق بحري طلعت عيونها جنان مع لونها الاخضر وحطت قلوس لونه مثل الخوخ افتحت شعرها ولمته ببكله صغيره من فوق ونزلت خصل على وجها طلعت جنان... مشاعل حطت كحل لونه اسود عادي وقلوس لونه فوشي طلع عليها حلو حركت شعرها باصبعها عشان تخليه كيري اكثر... شوق كحلت عيونها بكحل اسود وغمقته بزياده ومع عيونها السود والوساع طلع...شي ما ينوصف وحطت قلوس لونه وردي رايق ... طلعوا البنات من الحمام وهم يمشون مع بعض اكيد اشكالهم بتكون ملفته البنات كانوا يطالعون فيهم باعجاب و يتمنون يكونون بنص جمالهم ... اما بره في الحديقه حقت المدرسه ... عهود:نجلاء سمعتي عن خوي الهنوف نجلاء:ليه؟ عهود:يقولون البنات انه يجنن نجلاء(بحقد):وهم وين شافوه؟ عهود:بره المدرسه اخر الدوام هي قالتله يجي عشان البنات يشوفونه نجلاء:متعمده بنت الكلب عهود:بس انا ما ادرى احس ذوقها خايس نجلاء:لحجيه والبنات الي قالوا هالكلام عميان ما يشوفون عهود:ولله مدرى انا هذا الي سمعته نجلاء:ما علينا منها وظلوا عهود ونجلاء يتكلمون عن البنات ويحشون ويضحكون.... مشاعل:اقول بنات ترا رشودي اليوم بيجي عنود(بدلعها المعتاد):ولله عاد انا ودي اشوفه لانك دايم تتكلمين عنه مشاعل:ها انتي مو تحطين عينك عليه عنود:ليه خايفه اخذه منك؟ مشاعل(بنظرات كلها احتقار):انا اخاف منك انتي انا اخوف بلد مو اخاف عنود:طيب اعصابك هنوف:يالله انتوا دايم كذا هواش؟ مشاعل:انا ما قلت شي يزعل هنوف:طيب بنات خلونا من هالكلام الفاضي ,شرايكم نطلع من زمان ما طلعنا من المدرسه مع بعض مشاعل:اي والله وناسه اخر مره طلعنا فيها شوق:هههه ييو راحت ايام الاكشن هنوف:لا راحت ولاشي بعد بكره نروح الراشد شرايكم مشاعل:وشمعنا بعد بكره خليها بكره هنوف:لان بكره وحده من البنات تبيني اطلع معاها شوق:ييييو بالطقاق تفوتين طلعتنا وتروحين معاها هنوف:مممم اي ولله الطلعه معاكم ما تتفوت مشاعل:خلاص بكره نروح الراشد عنود:طيب مين بيروح معنا؟ شوق:انا ومشاعل وانتي وهنوف وهديل ووو مين بعد مشاعل:انا بسال خديجه اذا بتجي؟ عنود:لا لا تسالينها هذى اذا طلعت معنا بتوهقنا هنوف:اي صح لا تروح معنا مشاعل:اوكي بكيفكم خلاص اجل بس خمستنا عنود:اي خمسه كفايه.. شوق:ميشو هديل وينها؟ مشاعل:هههههههههه هديل مسكينه شافتها تغريد وسحبتها معاها شوق:لله يعينها على هالعربجيه هنوف:الحين هديل تحبها ولا؟ شوق:هههههههه هديل مستحييييل عنود:ليه ؟ مشاعل:لانها ما تحب هالحركات بس تقول ان على ايدها بتصلح حال تغريد مت ضحك يوم قالتلي كذا هنوف:هههههههههه نكتة الموسم عنود:عاد هديل هاديه وتغريد ام الازعاج ما يجتمعون مع بعض وظلوا البنات يضحكون وهم يتخيلون شكل هديل وهي عربجيه زي تغريد ***************** هديل:ولله وانتي شنو قلتي؟ تغريد:امي تحن على كل يوم بس انا ابد موراضيه ولا افكر اروح معها هديل:ليه حلو تروحين عرس مع امك؟ تغريد:نعم تبيني البس فستان واحط مكياج كني بنت<<البنت مصدقه عمرها ولد هديل:هههههه ليه انتي ولد؟ تغريد:اجل وش شايفه تبيني انتحر عشان اروح عرس هديل:ههههههههههه الحين تروحين عرس يعني تنتحرين تغريد:فديييت هالضحكه وصحبتها انا هديل:تغريد تكلمي عدل مثل الناس تغريد:افا يذا العلم يعني انا مو من الناس هديل:الا بس تكلمي مثل ما يتكلمون البنات تغريد:ييييو بدينا بالنصائح هديل:بظل انصح فيك لين تصيرين مثلي تغريد:انا اصير مثل هالجمال اموووووت انا هديل:رغوده شقلنا تغريد:ياحلوك ولله وادلعيني بعد تبيني اشق هدومي هديل:ها شقول من الصبح انا؟ تغريد:خلاص خلاص سكت(وحطت يدها على فمها).. هديل:شاطره هههههههه **************** مر اليوم بسرعه ورن الجرس يعلن عن انتهاء اليوم وطلعوا كل البنات من الفصول على جهة الباب كلن بيروح بيته... خذوا البنات شنطهم وعباياتهم ونزلوا لبره الحديقه وراحوا لمكانهم الي دايم يقعدون فيه عشان يلبسون العبايه ويطلعون بره...... شوق لبست النظاره وقطت غطاها الخفيف على وجها والي ماكان له داعي,وهديل سوت مثلها.... مشاعل لبست نظارتها وحطت الغطا على راسها وما ودها تغطى بس عشان الحارس لا يروح للاداره تقطه على وجها واول ما تطلع بره تشيله على طوول.. البنات الباقين تلثموا وقطوا الغطا الخفيف على وجيهم وطبعا العبايات كلهم على كتوفهم وطلعوا بره عشان يشوفون راشد خوي مشاعل...... طبعا بره في الشارع عند السيارات والباصات الخاصه والحكوميه وباصات شركة ارامكوا ,اشكال البنات بره حدث ولا حرج الي فاتحه العباه والي كل شوي فاتحه الغطا ولي ماسكه جوالها وتسولف فيه كانها في بيتهم والشباب يدورون بسيارتهم تقولون مجمع الظهران مو مدرسه ثانويه وكل ابله ما لها خلق عوار راس وما عليهم من الطالبات ...... البنات كانوا واقفين عند شجره ضغيره واشكالهم مرره تدعوا للشبهه مشاعل طلعت جوالها ودقت على راشد عشان توريه للبنات راشد:هلا قلبي وينك فيه؟ مشاعل:هلا رشودي انا عند الشجره تشوفني؟ راشد:انتي الي لابسه نظاره وكاشفه؟ مشاعل:ايوه راشد:ليه كاشفه ياعمري انا مابغى احد يشوف وجهك الا انا مشاعل:ههههه ليه تغار؟ راشد:طبعا احد يشوف جمالك وما يغار عليه ومنه بعد مشاعل:هههههههه فديتك طيب قرب سيارتك شوي ليه بعيد؟ راشد:اوكي الحين الف واجي عندكم مشاعل:انتظرك هنوف:بنات تعالوا شوفوا هذا شرايكم فيه؟ شوق:اي واحد؟ هنوف:هذاك الي لابس كبوس بيج وسيارته الي لونها اسود شوق:اي شفته هنوف:شرايك؟ شوق:عليه عيون تذبح هنوف:هههههههه هذا خوي شوق:يلا مناك هنوف:ولله حتى اسالي عنود عنود:الا خويها الخايسه شوق:لا صديقتها اكيد بتصفين معها هنوف:خلاص عشان تتاكدين بدق عليه الحين وبالفعل دقت هنوف على خويها وتاكدت شوق انه خويها وانقهرت منها بس ما بينت هالشي.. ************* عهود:نجلاء شوفي هذاك الي لابس كبوس بيج نجلاء:ول عليه عليه عيون ولا ابتسامته عهود:سم الله على الولد الحين بيموت بسبتك وشوي وتجيهم مريم مستعجله... مريم:بنات شفتوا خوي هنوف؟ عهود:وينه انا ابغى اشوفه؟ مريم:هذاك الي لابس كبوس بيج نجلاء:ول عليها طاحت وهي واقفه مريم:اي ولله عليها حظ مدرى من وين طاحت عليه نجلاء لما شافت خوي هنوف احترت منها ليش يعجب فيها هي وانا لا انا احلى منها بكثير,هنا نجلاء حطت ماجد خوي هنوف براسها وحلفت تاخذه منها... وصل راشد عند البنات وكلهم ماتوا عليه طلع احلى من خوي هنوف بكثير عهود ونجلاء لما شافوا سياره همر وقفت عند البنات راحوا عشان يشوفون شنو السالفه راشد:هلا والله بالبنات شخباركم؟ البنات ماتوا على صوته الي كله رجوله... مشاعل(وهي تمثل الغيره):بخير ما يحتاج تسالهم راشد:ههههه وشدعوه ميشو تغارين من صديقاتك<<ما يدري انهم اعداء مو اصدقاء البنات ماتوا على ضحكته واحسدوا مشاعل انه يدلعها... نجلاء:هاي بنات ...ييو سوري ما دريت ان عندكم احد مشاعل(ودها تذبحها على استهبالها):لا شدعوه عميه ماتشوفين؟ راشد كتم ضحكته وهو يشوف البنات بيتهوشون عليه واثناء مالبنات يسولفون مع راشد وهو يضحك على سوالفهم,عهود كانت سرحانه وهي تطالع راشد وعجبها مرره والبنات لاحظوا هالشي وطبعا اكثرهم مشاعل الي ودها تذبحها لان عيون عهود طالعه حلوه بالثمه وعيونها شوي وتطلع من مكانها وهي تطالع راشد وهي تشوف راشد يبادلها نفس النظرات.... مشاعل توعدت عهود بداخلها على الحركات الي تسويها, وراحوا البنات بيوتهم ...توقعون وش بيصير بالطلعه بكره ؟؟ ومشاعل وش بتسوي مع عهود؟؟ انتظر ردووووووووووووودكم |
|
#7
07-22-2016, 12:21 PM
| ||
| | ||
| وهذا بارت لعيونك >>>>الجزء الخامس<<<<< رجعت مشاعل البيت وتفاجات لما لقت ابوها قاعد بالصاله لانه ما يكون مو بالبيت كثير وخصوصا هالوقت كان قاعد يكلم امه بالتلفون واول ما سمع صوت الباب ولقى مشاعل داخله سكر على طوول... ابومشاعل(خالد):طيب يمه انا اكلمك بعدين ام خالد:ليه وصلت؟ ابو مشاعل:ايه اكلمك بعدين ام خالد:انا ما ادرى ليش انت مخليها للحين عندك انا لو... وقبل لا تكمل كلامها قاطعها ابو مشاعل:يمه مهما كان هذي بنتي ,خلاص نكمل كلامنا بعدين,مع السلامه سكر ابو مشاعل التلفون والتفتت لمشاعل الي كانت قاعده تطالعه... ابو مشاعل:ها حبيبتي شخبارك اليوم؟ مشاعل:شخباريdadانت صارلك كم يوم ما تدرى عني ابو مشاعل:اسف بس كنت مشغول واوعدك ما تتكرر مشاعل: اوكي ..طيب ممكن اكلمك الحين؟ ابو مشاعل:تكلميني عن شنو؟ مشاعل:انت فيك شي؟ تعبان؟الشغل كويس؟ ابو مشاعل:هههههه,كل هذا عموما انا بخير والشغل كويس,بس ليش تسالين؟ مشاعل:مدرى احسك تعبان,متاكد momواخواني بخير؟ ابو مشاعل من سمع طاري امها تغير وجه وصار الوان وعصب وقام من الكرسي... مشاعل:dadوين رايح؟ ابو مشاعل:عندي شغل مشاعل:بس انت ما قلتلي... ابومشاعل(بصراخ):خلاص قلت لك ما فيهم شي مشاعل خافت من صراخ ابوها وتجمعت الدموع بعيونها استعداد للنزول... ابومشاعل لاحظ ان مشاعل خافت من صراخه الي مو متعوده عليه ... ابو مشاعل(بصوت كله حزن ويأس):سامحني مو قصدي.. وطلع من البيت وتركها بحزنها وحيرتها واسئله كثيره ما لها جواب,بس لو اعرف شنو فيك لله يعين.. **************** هديل اول ما رجعت البيت خذت شور سريع وخذت جوالها تدق على فيصل.... هديل:هلا عمري فيصل:هلا ولله بهدوله تدرين بقولك شي هديل:شنو؟ فيصل:احبك هديل:يييو قديمه ما عندك غيرها فيصل(يمثل العصبيه):لا ولله الحين صارت قديمه طيب دواك عندي لما اشوفك هديل:ومن قال انك بتشوفني؟ فيصل:يلا عاد هدول ولله مشتاقلك ,خلينا نطلع مع بعض هديل:هههههه طيب تامر امر متى؟ فيصل:ما يامر عليك عدو حبيبتي,شرايك بكره هديل:لا نص الاسبوع ما اقدر تعرف امي بتسوي لي سالفه فيصل:خلاص ولا تزعل عمتي هديل:وصارت عمتك الحين فيصل:اكييييد,مو ام زوجتي تصير عمتي ولا انا غلطان هديل(استحت منه ولا ردت):...... فيصل:هههههه امووت انا على يستحون هديل:فيصل لا تصير بايخ ترى ما اطلع معاك فيصل:ايا النذله تهددني بالطلعه تدرين ما اقوى على فراقك هديل:دامك تعرف تتفلسف ليه؟ فيصل:اجل خلاص اشوفك بالويك اند اوكي هديل:اوكي لما تجي الويك اند اشوف فيصل:لجل عين تكرم مدينه استنى تو بتتكلم هديل الا انطق الباب... هديل:دقيقه فيصل,مين؟ الخدامه:مس هديل مدام منيره يقول تعال اتغدى هديل:اوكي قوليلها الحين جايه سكرت الخدامه الباب.... هديل:فيصل... فيصل:سمعت روحي تغدي حياتي هديل:اوكي,باي فيصل:باي سكرت هديل من فيصل ونزلت عند امها تتغدى..... ******************** اول ما دخلت شوق القصر لقت اهلها متجمعين حول طاولة الطعام الفخمه عشان الغدى.... شوق:هاي ام ناصر(هيا):هلا شوق جيتي ماما ,يلا بدلي ملابسك وتعالي تغدى شوق:لا ماما مو مشتهيه ام ناصر(هيا):ليه حبيتي كلتي شي ثقيل بالمدرسه؟ شوق(بقرف):وعععع, انا اكل من هذي المدرسه طبعا لا ام ناصر:دامك منقرفه منها ليش داخلتها شوق:مزاج ناصر:بعدين تعالي الناس تقول السلام عليكم مو هاي شوق التفتت له وطالعت فيه باستغراب لانها ما لاحظت انه موجود من قبل.. شوق:وانت بعد بتسوي زي ودادوه اليوم عورت راسي ام ناصر:مين هاذي ودادوه؟ شوق:وحده مدرسه تدرسني ناصر:وتقولين لها ودادوه شقلت الادب هاذي شوق:مالك دخل بكيفي بمزاجي اناديها بلاسم الي ابيه ام ناصر:ناصر اترك اختك بحالها,ليه هي وش قالت لك؟ شوق:دخلت الفصل وقلت هاي قامت عصبت وقالت لي قولي السلام عليكم ويوم سكتها راحت اشتكت عند المديره امن ناصر:وش سوت فاطمه؟ شوق:ما سوت لي شي ويوم قالت لي اعتذري لها صارخت عليها وقلت انا شوق عبد الرحمن الهيماني اعتذر لهاذي الي ما ادرى من وين جايه قامت الابله عصبت والمديره قالت لي روحي الفصل بس ام ناصر:شاطره حبيبتي اصلا فاطمه ما تقدر تسوي لك شي مو كفايه ابوك موظفها ناصر:يمه لا تكبرين راسها وتدلعينها زياده شوق طالعت فيه باحتقار ومشت عنه للاصنصير... ام ناصر:ياولدي خلها هي مسكينه ناصر:اي مسكينه يمه ام ناصر:موكفايه منحرمه من اختها ما عندها تسولف احد معه واختك انت تعرفها اكثر مني من يوم الحادث وهي ما تطلع من الغرفه ناصر تذكر اخته الي من يوم الحادث وهي متغيره وما تخلي احد يشوفها ورافضه تشوف احد بس عذرها الي فيها مو شويه... ***************** طلعت شوق للدور الثاني وقبل لا تدخل الغرفه التفتت على الغرفه الي باخر الممر طالعت فيها بكل حزن وندم على الي صار وتسالت اذا ممكن بيوم الي انكسر يتصلح.... ***************** الساعه 5 الصباح قامت من النوم اول مرره تصحى بدري بحياتها الا اذا عندها شي مهم وضروري واكيد عندها لان اليوم بيطلعون الراشد وهي من زمان عن طلعات المدرسه ,اليوم ثالت ثنوي يطلعون الساعه 12 وباقي المدرسه تطلع الساعه 2 عشان حصص النشاط الزياده وبما انهم اخر سنه فما يحطون لهم حصص نشاط عشان يريحونهم بما انهم ثالث,مسكت جوالها ودقت على مشاعل... مشاعل(بصوت كله نوووم):الووو شوق:صباح الخيير مشاعل مو غريب على الصوت بس معقوله صاحيه الحين لا لا مستحييل... شوق:الو الوو ميشو وين رحتي؟ مشاعل(بشك):مين شوق؟ شوق(عرفت انها مستغربه انها قايمه بدري):ههههه ايوه شفيك متخرعه؟ مشاعل:لا احلفي هالوقت الساعه خمس؟ شوق:اي شفيك عادي تصير مشاعل:الشمس من وين طالعه اليوم اكيد مو صاير شي؟ شوق:ميشو ووجع عطيتك وجه واجد تكلمي عدل مشاعل:اي هذي شوق الي اعرفها ,الحين اعرف اتكلم شوق:هههههههههه لله يقطع ابليسك مشاعل:بس تعالي شنو الي مصحيك هالوقت؟ شوق:متحمسه على الطلعه اليوم مشاعل:عادي يعني اول مره نطلع؟ شوق:لا بس انا ناويه استهبل اليوم مشاعل:اها عشان كذا شوق:يلا روحي دقي على هديل خليها تصحى وانا بطلع ملابسي ترا بمر عليكم اليوم مشاعل:ولله لك خلق شوق:ترفضين دعوتي كيفك اجل بمر على هديل بس مشاعل:لا ولله تمرون على شوق:هههههه خلاص اعصابك انا بلبس وبمر عليك لاتطولين مشاعل:تجين تلقيني عند الباب شوق:نشوف سكرت مشاعل الخط... شوق:كالعاده تسكر قبل ما تقول باي ما ادرى متى بتتسنع هالبنت اروح اطلع ملابسي بس... طلعت شوق الملابس الي راح تلبسها اليوم بالطلعه ولبست البنطلون ولبست فوقه (المريول)وطلعت جكيت لونه برتقالي فاتح وعليه كتابه من ورى بالبرتقالي الغمق (بالترتر) خذت العبايه وجوالها(N76)قفلته وحطته بجيب الشنطه من داخل خذت المقلمه حقت المكياج زادت عليها شوية اغراض وحطتها بالشنطه وطلعت الجزمه الي بتروح فيها والاكسسورات خذت عباتها ونزلت على تحت لقت امها قاعده تكلم الشغاله عشان الفطور... شوق(حبت امها على خدها):صباح النور على احلى ماما بالدنيا ام ناصر(بدهشه):صباح الخير,غريبه صاحيه بدرى اليوم؟ شوق:ابد حاسه بنشاط ام ناصر:جعله دووم مو يووم شوق:تسلمين ,يلا انا بطلع باي ام ناصر:طيب افطري دامك صاحيه بدري شوق:لا ماما باخذ فطور وانا بالطريق ام ناصر:براحتك,انتبهي على نفسك طيب شوق:تامرين امر ,باي طلعت شوق من القصر وركبت السياره الي تنتظرها عند الباب... شوق:راج روح عند بيت مشاعل وشغل الراديوا شغل راج الراديوا وطلعت اغنية صابر الرباعي (اتحدى العلم) ************** مشاعل سكرت من شوق وطارت خذت شور سريع وطلعت اول مره تستشور شعرها طالعت شكلها بالمريا شكلها غريب بس طالعه حلوه وملامحها كلها برائه وخصوصا مع عيونها العسليه ابتسمت على شكلها الطفولي طلعت ملابسها وكل الاغراض الي تحتجها ,لبست (المريول)وحست انه في شي ناقص طالعت شعرها وكانت بتحط فيه جل بس قالت خلني اغير اليوم وطلعت من الغرفه... لقت ابوها قاعد في الصاله يفطر ويقرا الجريده انقهرت من برووده بعد الي سواه امس ما كلف نفسه يسالها تفطر معه ولا حتى طل عليها بالليل مشت لجهة الباب بدون ما تلتفت له ولا تسلم عليه ,ابوها لاحظ انها مطنشته وباين عليها انها معصبه فضل يسكت ولا يزيد المشاكل بينهم.. طلعت مشاعل للحديقه تستني شوق توصل وهي شوي وبتصيح من برود ابوها وتغيره المفاجئ لمعملتها انتبهت لجولها يدق شافت رقم شوق... مشاعل:هاي شوق شوق:يلا اطلعي انا بره مشاعل:اوكيه جايه الحين سكرت مشاعل وطلعت بره البيت دخلت السياره عند شوق وباين عليها الحزن... مشاعل:هاي شوق:اهلين (لا حظت شوق ان مشاعل متغيره) شوق:ميشو فيك شي؟ مشاعل(تكبر وتحاول تخفي حزنها):No ليش تسالين؟ شوق:لان شكلك يقول العكس صاير شي؟ مشاعل:ابد بس كعاده dad شوق:ليش شصاير بعد؟ مشاعل:مدرى لو اعرف شفيه كان ما صار هذا حالي شوق:عادي كلنا بالهوا سوا مشاعل:لا انتي على الاقل عندك ام تسال عنك بغياب ابوك بس انا ياحسره لام ولا اب شوق:خلاص ميشو احنا طالعين ننبسط لا تنكدين على نفسك مشاعل:على قولتك قلت للسواق يمر هديل؟ شوق:ايوه وصلوا بيت هديل الا كانت مستعده من قبل لانها تقوم بدرى بعكسهم كانت توها بتطلع تروح للسياره الا يدق جوالها... هديل:هلا شوق شعندك صاحيه بدري؟ شوق:طفشت كل ما كلمت احد سالني هالسوال,يلا اطلعي انا بره انتظرك هديل:ليش غريبه ماره على ؟ شوق:ابد مشتهيه اعزمكم انتي جاهزه ولا؟ هديل:لا جاهزه من بدري يلا الحين جايه باي شوق:باي ***************** شوق لاحظت سرحان مشاعل للمره الثانيه ووجها الي باين عليه الحزن والهم.... شوق:مشاعل انتي للحين زعلانه؟ مشاعل:لا خلاص اصلا كأنه بيحس اذا زعلت ولا رضيت شوق:يعني احنا مانكفيك يالطماعه؟ مشاعل:الا ولله اصلا انا مالي غيركم بالدنيا شوق:واحنا مالنا غيرك ,لله لايحرمنا منك مشاعل:ولا منكم شوق:ههههههه كنا قلبنا فلم مصري مشاعل:الا هندي وانتي الصادقه شوق:انا هنديه يالخايسه مشاعل:اجل انا خايسه شوق:ههههههههه لا ولله حلوه بس اهم شي ما تزعلين مشاعل:ولله تدرين ساعات احس اني مو بنته شوق:اقووول عاد خلي عنك هالكلام الفاضي وتو مشاعل بتتكلم الا تدخل هديل عليهم ..... مشاعل:صباح النور على الحلووين هديل:ههههه هلا ولله صباح الخير مشاعل:ساعه لين تجين؟ هديل:لا ولله حمد ربكم اني اقوم بدري مو مثلكم فاشله مشاعل:انتي فاشله هديل:لا انتي شوق قعدت تطالعهم وهم يتهاوشون وتفاجات من تغير مزاج مشاعل المفاجأ توها زعلانه وبتصيح والحين تضحك وتسولف ولا كان فيه شي بس هي تدري ورى هالابتسامه تتقطع بداخلها مثل ما انا اتقطع من الندم بداخلي ... مشاعل:ها وين وصلتي؟(وهي تاشر بيدها قدام وجه شوق).... شوق:ههههه اطالعكم يالمهابيل وانتم تتهاوشون هديل:ههههه افا صرنا مهابيل؟ شوق:ما علينا اقول بنات انا عزمتكم على ستار بكس هديل:الحين بنتاخر شوق:تو الناس الساعه 6ونص مشاعل:اكيييد تو الناس انتي ماتجين ا  ون مو الحين بدري عليكشوق:طيب خلاص ناخذه تيك اوي شرايكم؟ مشاعل:اوكي هديل:انا بعد اوكي مشاعل:لا ولله حلفي بس هديل:هههههههه سخيفه شوق:راج روح ستار بكس راح راج عند ستار بكس واخذوا البنات كلهم(كابتشينوا)تيك اوي وراحوا على المدرسه على طوول..... *************** وصلوا المدرسه وكان وقت طابور على نهايته راحوا عند طابور الصف حقهم مشاعل وهديل كانوا مخلصين الشراب حقهم بس شوق توها ماسكته بيدها وتشرب بكل وثوق ولا همها نظرات البنات والمدرسات المشككه فيها .... هنوف:هاي بنات يعني جاين بدري اليوم؟ مشاعل:ابد بس شوق متحمسه عشان اليوم هنوف:ايوه,شوق انتي وين رايحه قبل المدرسه؟ شوق:مرينا ستار بكس هنوف:يالخونه مشاعل:ليش خونه اليوم بنطلع قاطعتها هنوف:اسكتي تبين تفضحينا مشاعل:ليه؟ هنوف:هاذي الي ما تفهم اذا احد سمعنا بنتورط مشاعل:اها هنوف:الحمد لله على السلامه خلص الطابور وراح كل واحد على صفه مر اليوم بسرعه البنات نفسهم ما حسوا فيها وصارت الساعه 12 وقت الطلعه... في الحديقه كانوا البنات الخمسه مجتمعين قرروا يروحون مع سواق وسياره هم اجروها متفقين مع شركه كانت سيارتين ينقسمون فيها وهم يتكلمون جت عندهم خديجه... خديجه:ها تحشون بمين؟ هنوف(ابتلشنا هذاي شجبها):هلا خديجه سلامتك ما نحش باحد خديجه:ايوه قلتيلي عموما ترى انا دريت عن طلعتكم البنات تفاجوا مين الي علمها... هديل:من قالك اننا بنطلع اليوم؟ خديجه:العصفوره علمتني مشاعل:ياشين الاستهبال شوق:الزبده شتبغين الحين؟ خديجه:بطلع معكم هنوف(افففف ياشين التلزق):طيب انتي مستعده جايبه كل اغراضك خديجه:افا عليك وهذا هم معاي بالشنطه,بس جايبه معاي شوية ضيوف مشاعل:نعم لا حبيبتي السياره ما تكفي خديجه:لا تخافين عندي الي يوصلنا ويرجعنا مشاعل:طيب مين بيجي معنا؟ خديجه:عهود ونجلاء ومريم وساره هديل:كل هذولا يعني معاك ومعنا نصير عشره شوق:شدعوه كلنا نمشي مع بعض فشله هنوف:لا نتفرق مو مشكله عنود:خلاص بنات لا نطول يلا نروح لبسوا البنات عبياتهم وخذت كل وحده شنطتها ورحوا جهة الباب عنود راحت تشوف الحارس اذا موجود ولا لا لقته يتكلم بالجوال وقاعد عند التلفزيون الي بالغرفه سحبت المفتاح الي معلق بالباب عطته للهنوف الي افتحت باب المدرسه بكل هدوء وطلعوا البنات وحده ورى الثانيه ويوم طلعت الهنوف اشرت لعنود انهم خلصوا خذت عنود المفتاح وعلقته بالباب وطلعت وسكرت باب المدرسه اول ما طلعوا البنات ماتوا ضحك كله من الخوف الي فيهم لو الحارس حس عليهم راحوا البنات عند سيارتهم ركبت شوق ومشاعل وهديل بسياره,وهنوف وعنود بسياره,وشافوا البنات الباقين يركبون جمس فيها واحد بس ما اهتموا لانهم اصلا مو معهم من البدايه... ********************* اول ما وصلوا البنات الراشد راحوا على طوول للحمامات عشان يعدلون اشكالهم,كل وحده دخلت حمام عشان تبدل ويحطون مكياج ويطلعون يتمشون.... هديل:لبست بنطلون جينز غامق وبلوزه لونها ازرق فاتح مع رمادي لبست عدسات رماديه طلعت عيونها الوساع تجنن حطت مكياج خفيف وقلوس فوشي لبست جزمه فضيه فيها كعب صغير وخذت شنطه ازرق (سماوي)ومساكتها كانت مثل السلسه الحديد من(شانيل)لبست خاتم عليه فراشه سماويه وفيها قطعة الماس لبست عبايتها المخصره وحطت الغطا على راسها تعطرت من عطر(Jadore)من ديور.... مشاعل:لبست بنطلون جينز وبلوزه لونها ازرق بحري طلعت مناسبه مرره للعدسات الزرقاء الي طلعت شكلها اجنبي مرره مع شعرها الاشقر حطت كحل لونه وردي وقلوس وردي فاتح لبست جزمه كعبها عالي ورديه وخذت شنطه ورديه من(كريستيان ديور)كبيره شوي وحطت مناكير وردي فاتح حطت بلشر وردي فاتح على خدودها واي شدو سماوي خلا شكلها يطلع مرره طفولي مع مكيجها الوردي... شوق:لبست بنطلون جينز وبلوزه حمرا ضيقه مرره على جسمها المخصر ماكانت تحتاج تلبس عدسات بسبب لون عيونها الحلو حطت بلشر احمر بخفيف على خدودها وروج احمرر وكحل اسود غمق لون عيونها طلع شكلها رهييب حطت مناكير حمرا الي صارت حلوه على اصابعها ولبست جزمه حمرا تنربط على الساق وخذت شنطه من (شانيل)لونها احمر متوسطة الحجم وساعه من(فرساتشي)جلد حمرا مرصعه بالالماس... وباقي البنات كان لبسهم عادي والمكياج (فول ميك اب)كالعاده.... طلعوا وقرروا ينفصلون شوق ومشاعل وهديل وخديجه مجموعه وهنوف وعنود و ساره مجموعه عهود نجلاء ومريم مجموعه..... سمعت ام ناصر صراخ وصوت شي يتكسر طلعت من الغرفه وهي خايفه شافت غرفة بنتها مفتوحه والخدامه(سوزي)تطلع منها وهي خايفه عرفت ان بنتها صرخت عليها وطردتها,لله يهديك بس.... دخلت الغرفه ولقت الصينيه حقت الفطور على الارض والاكل الي فيها كله طايح على الارض والصحون كلها متكسره دورت عليها لقتها قاعده في البلكونه الكبيره الي تطل على حديقة القصر هذا مكانها الوحيد الي ترضى تطلع له والي يخليها تشوف الدنيا من حوالها .... ام ناصر:حبيبتي شفيك ليه كسرت الصحون؟ رغد(بصراخ):ماما انا كم مره قلت ما ابي اكل ولا ابي احد يدخل على هذي الخدامه الغبيه ما تفهم ام ناصر(تحاول تهديها):خلاص حبيبتي هدي اعصابك بس ما يصير ما تاكلين شي رغد:ما ابي ام ناصر:ليه حبيبتي الاكل مو عاجبك؟ رغد(وهي تطالع امها بنظرات كلها حزن):لا ماما الاكل حلو بس انا ما ابغى اعيش ابغى امووت وافتك ام ناصر(والخوف واضح من نبرة صوتها):سم الله عليك من المووت,ليش تقولين هالكلام تبين تحرميني منك رغد(وتحاول تمسك دموعها):بس ماما انا تعبت ام ناصر:شلي متعبك؟ رغد:يعني ما تعرفين انا كرهت نفسي يعني بظل محبوسه بهالكرسي طوول عمري ام ناصر(بكل حزن ويأس):اه احمدي ربك انها جت على كذا كنت بتروحين فيها رغد:ليتني مت ولا عشت كذا ام ناصر(عصبت):رغد وبعدين معك كم مره اقولك لا تقولين هالكلام مو كفايه ابوك الي من يوم الحادث وهو متغير كله من حزنه عليك رغد تذكرت ابوها وشلون كان قبل كله يسولف ويضحك ويسال عنهم دايم والحين تغير صار يلهي نفسه بالشغل وسفراته عشان ما يشوفها ويحزن عليها زياده ما يعرف انه بهالطريقه يزيد همها وحزنها... رغد:ماما ,شخبار بابا انشاء لله زين؟ ام ناصر:امس كلمني هو الحين مسافر اليابان يقول عنده شغل هناك سالني عنكم وقال نهاية الاسبوع هذا بيرجع رغد:ممم الله يرجعه بالسلامه ام ناصر:طيب حبيبتي انا الحين بروح تبين شي مني؟ رغد كانت بتطلب من امها انها تجلس معها اكثر ما تحب تجلس لوحدها بس ما حبت تضايق امها... رغد:سلامتك ماما مشكوره ما ابغى شي ام ناصر:طيب انا بجيك وقت الغدا وباكل معاك اوكي رغد(فرحت ان امها بتاكل معها):اكييييد اهم شي تجين ام ناصر(ابتسمت لفرحتها):ههههه جعله دووم مو يووم هالفرحه طلعت ام ناصر من الغرفه وهي تتمنى من كل قلبها ان لله يدوم الفرحه على بنتها ويشفيها.... ******************** في الراشد..... كانوا البنات يتمشون ويتسوقون وكل وحده فاتحه البلوتوث حقها وما بقى احد ما رقمهم وهم طبعا يستقبلون ما في اي مانع ويبتسمون لاي احد يطالع فيهم او يغازلهم وضحكهم الي واصل لاخر المجمع ... قرروا يتقهون فراحوا عند الدور الي فيه كل القهاوي والمقهاي وعاد هذيك الجهه مليانه شباب يتفرجون على الرايح والجاي البنات كانوا بيروحون (جوفريز)يوم مروا على ستار بكس كان فيه اثنين قاعدين هناك... سلطان:مشعل شوف مجموعة البنات الي هناك مشعل يلتفتت لين ما ياشر صديقه وطاحت عينه على شوق الي كانت تمشي لعند (جوفريز)وهي تمشي بكل غرور وثقه وكانها تقول يا ارض اهتزي محد قدي):سلطان شوف هذيك الي حاطه روج احمر مو تشبه روبي الي تطلع على ام بي سي سلطان:اي ولله نسخه منها يا زينها بس مشعل:اجل خلاص اليوم مرقمينها هاذي ما تشوف مثلها كل يوم سلطان:عليها مشعل(يغمز له):عليها قام سلطان ومشعل عند جهة البنات شوق ما كانت منتبه كانت تستقبل بجوالها بلوتوث جاها... مشاعل:شوق شوفي هذول الاثنين الي جاين عندنا شوق(من غير ما تلتفت):حلوين ولا خايسين مشاعل:واحد شكله عادي (تقصد سلطان)والثاني مملوح(طبعا تقصد مشعل) شوق:اجل خليك منهم ما راح اطالعهم مشاعل:ترى هذاهم جوا ما عندك فرصه ما تطالعين فيهم مشعل:هلا ولله بالصبايا الحلوين مشاعل(تدلع صوتها):هلا فيك خير اخوي بغيت شي؟ سلطان انهبل على شكل مشاعل الي فكرها اجنبيه من عدساتها الزرقا... سلطان:مع انه عندي خوات بس اذا بتجيني اخت حلوه مثلك ما نقول لا مشاعل:هههههه(تضحك بكل دلع)... سلطان :امووت انا فديت هالضحكه وصاحبة الضحكه مشاعل:تسلم مشعل انقهر من شوق الي ما تعبت نفسها ورفعت راسها عشان تطالعهم وكانهم مو موجدين اصلا... مشعل(يوجه كلامه لشوق):ما تعرفنا على الحلوه الثانيه؟ شوق عرفت انه يوجه كلامه لها ورفعت واخير تنزلت ورفعت راسها عشان تشوفه,اول ما رفعت راسها مشعل وسلطان افتحوا فمهم يوم شافوا شكلها من قريب احلا بمليوون مرره وبين ان عيونها او الي فكروها عدسات طالعه جنان عليها مع لون الروج الاحمر الصارخ... شوق(اكتمت ضحكتها وهي تشوف اشكالهم ونظراتهم لها):هههه قول لا اله الا لله شفيك تطالعني كذا؟ مشعل(انتبه انه فاتح فمه ):مشاء لله عليك بس المفروض تخافين على نفسك من الحسد وتغطين وجهك شوق(بكل دلع وغرور):واحرم الناس من جمالي(وابتسمت له ابتسامه هبلت فيه)... مشعل:اه ممكن تلبين لي طلب؟ شوق:اذا اقدر عليه ليش لا؟ مشعل:ممكن تقبلين دعوتي اعزمك على اي مكان تبينه؟ شوق:ولله كان ودي بس صديقاتي ينتظروني بجوفريز مشعل:مو مشكله اعزمك انتي وصديقاتك شوق تطالع بمشاعل اذا عادي تجي معاهم... مشاعل:ايه عادي مو مشكله بس اروح اقول لصديقاتي انكم بتجون مشعل:دقي عليهم الحين؟ شوق:هههههه لهدرجه مستعجل؟ مشعل:وشلون تبيني افوت لحظه بدونك من اليوم ورايح؟ مشاعل:خلاص لمى ارحميه خليني ادق عليهم واسالهم مشعل:اسمك لمى؟ شوق:ايوه وانت شسمك؟ مشعل:اسمي تركي شوق كانت حاسه انه يكذب لانه تعرف حركات العيال مسكت مشاعل جوالها الفوشي ودقت على هديل.... هديل:هلا ميشو وينكم طولتوا؟ مشاعل:هديل في ناس عزمينا وبنجي عندكم اوكي؟ هديل:مين؟ مشاعل:ناس عزمينا تبين ولا؟ هديل:ممم ,لا بس... وتوكانت بتتكلم الاسحبت خديجه منها الجوال.... خديجه:ميشو ماعليك منها خلهم يجون مشاعل:انتي من وين طلعتي؟ خديجه:اقول بلا كثرت كلام خلهم يجون هديل:خديجه خديجه:انتي لا تتكلمين معاهم خلك بحالك اوكي هديل:افففف مشاعل:ها شقولهم؟ خديجه:خلاص رضت خلهم يجون مشاعل:طيب,يلا باي خديجه:باي مشاعل راحت عند مشعل وشوق وسلطان.... مشاعل:خلاص موافقين سلطان:اجل يلا بس هم وينهم؟ مشاعل:جوفريز دخلوا جوفريز ولقوا هديل وخديجه قاعدين بطاوله كبيره تكفيهم وطبعا خديجه شاقه البسمه لين طلع ضرس العقل وهديل تبتسم لهم مجامله,هديل مو من النوع الملتزم او المحافظ بس من يوم ما تعرفت على فيصل وحبته ما صارت تحب تعرف غيره بس ما تعتبر طالعاتها مع صديقاتها او استهبالها خيانه بس بعد مستحييل تقوله ... شوق:اعرفكم هذا تركي وهذا سلطان سلطان:اهلين خديجه:وانا اعرفكم على نفسي اسمي سحروهذي(تأشر على هديل)ريم هديل(بدون نفس):اهلين جلسوا وراح سلطان ومشعل يطلبون لهم... خديجه:هههههه شوق وجع من وين طحتي عليهم ما امدانا تركناك الا وسحبتي لي اثنين معاك شوق:افا عليك انا شوق الهيماني مو اي وحده خديجه(مالت عليك انتي واهلك):اي ولله مشاعل:بس بنات اشكالهم عيال فقر لا وبعد مو حلوين مره شوق:ادرى هديل:اجل ليه جالسين معنا شوق:ابي افلسهم عشان يتعلمون ما يقعدون مع عيال العز خديجه:وانا اقول شعندها شوق صايره حليوه ومعطتهم وجه شوق:اجل انا شوق.... مشاعل:درينا (تقلد طريقتها)انا شوق الهيماني اطالع ذولا البنات:ههههههههههههه وعلى ضحكهم جوا الشباب.... مشعل:ضحكونا معكم خديجه:هههه ابد بس ريم كانت تقول نكته بس شنو تجنن(قصدها تتطنز على شوق) شوق(فهمت قصدها وعطتها نظره تخوف ):لا مو ذاك الزود النكته بس سحر الحمد لله والشكر على اي شي تضحك خديجه سكتت اوريك يا شوق انا الي بكسر خشمك بس اصبري على ... مر الوقت معاهم بدون ما يحسون وهم يضحكون ويسلفون وبعد ما راحوا سلطان ومشعل... مشاعل:يلا بنات خلينا نرجع باقي نص ساعه على نهاية الدوام شوق:خديجه دقي على عهود والي معها عشان يجون طلعت خديجه جوالها ودقت على عهود... عهود:الو نعم خديجه خديجه:عهود يلا بنروح الحين عهود:تو الناس بدري خديجه:اقولك باقي نص ساعه وينتهي الدوام امشي بس عهود:طيب كثير نص ساعه خديجه:لا مو كثير حق الطريق ترا البنات بيرحون بسرعه تعالوا عند البوابه عهود(بدون نفس):طيب طيب بنجي الحين خديجه:باي شوق:ها قالت بتجي؟ خديجه:تقول طيب تلقين طايحه لها على واحد ومدرى وين خايسه معه شوق(تكره اسلوب خديجه في الكلام وكانه الناس كلهم مثلها ومثل اخلاقها ):ايوه طلعوا البنات من الكافيه وبعد ما دقوا على البنات(هنوف وعنود وساره)راحوا عند البوابه وطلعوا,خديجه انتظرت 5 دقائق ويم شافت البنات ما جو ركبت السياره وراحت عنهم ..... عهود نجلاء ومريم كانوا يمشون مستعجلين عشان يلحقون على خديجه يوم وصلوا عند البوابه ما لقوا احد.. مريم:بنات وينها خديجه؟ عهود:مدرى هي قالت انا عند البوابه؟ نجلاء :انا بدق عليها دقت نجلاء على خديجه الي عطتها مشغول وما ردت... نجلاء:شوفي الخايسه تعطيني مشغول عهود:لا ولله والحين شلون نرجع ما عندنا سياره مريم(الي شوي وتصيح من الخوف):بنات شنو سوي الدوام بيخلص لازم نرجع الحين؟ نجلاء:خلاص اسكتي يعني شنو شايفتني اسوي عهود:لا تتهاوشون نجلاء:مافي الا نوقف سياره مريم:نعم نوقف سياره في الظهر من الي بيوقف لنا؟ نجلاء:كيفكم انا صراحه ابي ارجع المدرسه تبون تسون فيها شريفات اقعدوا خيسوا هنا طلعت نجلاء عند الباب وشافت سياره جايه من بعيد اشرت لها عشان توقف عهود تفاجات منها ما توقعتها تركب مع اي احد ... راعي السياره:نعم اختي بغيتي شي؟ نجلاء:ممكن توصلنا للدوحه راعي السياره:انتي اي مدرسه؟ نجلاء:الثانويه الاولى راعي السياره:ايوه اعرفها تفضلي نجلاء اشرت على صديقتها عشان يجون اخر شي عهود ومريم استسلموا ورحوا معها... نجلاء بكل وثوق ركبت قدام وعهود ومريم ركبوا ورى وهم خايفين منه انه مايوصلهم... راعي السياره:هذول صديقاتك؟ نجلاء:ايوه راعي السياره:اعرفكم انا عبدالله نجلاء:انا ساره وهذول ندى وعنود عبدالله:تشرفنا قعد يسولف معاهم لين وصلهم المدرسه وكانوا البنات طالعين نزلوا من السياره وكل وحده راحت لبيتها وهم حاقدين على خديجه.... ****************** رجعت شوق البيت ولقت ناصر قاعد يتغدى لحاله استغربت لان بالعاده امه تكون موجوده معاه... شوق:هاي ناصر:وعليكم السلام شوق:ما علينا ,وين ماما ؟ ناصر:امي قاعده فوق شوق(استغربت):فوق وين؟ ناصر:عند رغد شوق طاحت الشنطه من يدها يوم سمعت اسم رغد ... ناصر:شفيك؟ شوق(انتبهت لنفسها شالت الشنطه من الارض):لا ولاشي طلعت فوق بالاصنصير بسرعه طلعت للدور الثاني وراحت عند غرفة رغد سمعت صوت امها ورغد يسولفون ويضحكون كانت بتدخل بس خافت من ردة فعل رغد وفضلت انها تروح الغرفه... ******************** مشاعل رجعت البيت وهي تعبانه وتبغى السرير وبس شافت ابوها تو نازل من الدرج وكان لابس شكله بيطلع مرت من جمبه بدون حتى ما تسلم ... ابو مشاعل:مشاعل ما تسلمين على بابا؟ مشاعل:لما احس انك بابا اسلم عليك ابو مشاعل:عموما انا بروح عند جدتك الحين واذا رجعت بتكلم معاك؟ مشاعل:ياليتك تهتم فيني وتشوفني كثر ما تشوف امك ابو مشاعل:عيب يا بابا هذي جدتك مشاعل:جدتي الي عمري ما شفتها انا حتى ما اعرف اسمها لا واذا شفتها تعاملني كاني خدامه مو بنت ولدها ابو مشاعل تذكر معاملة امه لمشاعل بس عذرها الا صار لها مو شويه ومشاعل بالنسبه لها الشي الي يذكرها بالي صار فطبيعي ما تعاملها زين... ابو مشاعل:مو مشكله اتحمليها هي كبيره وتعبانه مشاعل:ولله محد تعبان غيري انا ابو مشاعل:طيب تجين معاي تشوفينها؟ مشاعل:لا تبيني انتحر انا تعبانه بروح انام ابو مشاعل(بقله حيله):براحتك طلع من البيت وهي راحت على غرفتها تذكرت امها واخوانها وفكرت تدق عليهم... مشاعل:الو هاي mom (طبعا هالمحادثه صارت بالانجليزي بس انا بكتبها على طول بالعربى) ام مشاعل(ميشال):هاي حبيبتي,شخبارك؟ مشاعل:تمام,انت شخبارك وشخبار وليد ووائل؟ ام مشاعل:بخير ومشتاقين لك مشاعل(والدموع في عيونها من كثر ما هي مشتاقه لهم):وانا اكثر اموت واشوفهم ام مشاعل:قولي لابابا يجيبك؟ مشاعل:هو كله مشغول وما عندي وقت اكلمه ام مشاعل:مومشكله اقرب فرصه انا بكون عندك مشاعل(مومصدقه):ولله ياليت تجون (تذكرت مشاعل تغير ابوها وقالت بتسال امها اكيد تعرف ليه) مشاعل:ماما بسالك عن شي؟ ام مشاعل:قول يحبيبتي؟ مشاعل:بابا تكلمينه؟ ام مشاعل(بارتباك):ايوه اكيد اكلمه مشاعل:طيب ما لاحظتي عليه تغير؟ ام مشاعل(تحاول تخفي خوفها وارتباكها):لا هو قا...قالك شي؟ مشاعل(استغربت تردد امها):لا بس انا اسالك ام مشاعل:اجل ما فيه حبيتي بس يمكن تعب الشغل مشاعل(مومقتنعه):ايوه يمكن,طيب انتي ماما فيك شي؟ ام مشاعل(خافت ان بنتها تكشفها):لا ما فيني شي,ميشو انا مطره اروح الحين عندي شغل مشاعل(استغربت من اسلوب امها):طيب براحتك ام مشاعل:باي,وانتبهي على نفسك مشاعل:اوكي وانتي بعد باي سكرت مشاعل من امها وهي لحد الحين مستغربه من طريقة امها ولله فيهم شي انا متاكده ولازم اعرفه |
|
#8
07-22-2016, 02:09 PM
| ||
| | ||
| رواية طلبتك لاتحاكيني قصه ورومنسيه ..كامله وهذا بارت للحلوين الزعلانين ... >>>>>>الجزء السادس<<<<<<< اليوم الثاني في المدرسه كان هادئ ماكان فيه اي شي مميز... بره الصف عند الدرج كان المكان الي يقعدون فيه بنات المدرسه مليان ومشاعل وشوق كانوا قاعدين هناك.. مشاعل:تصدقين شوق احس راشد متغير شوق:شلون متغير؟ مشاعل:شكله يكلم وحده غيري شوق(باستغراب):وانتي تدرين وساكته عنه؟ مشاعل:لا مو ساكته(وهي تطالعها بنظره افهمتها شوق).. شوق(ببتسامه خبيثه):قولي كذا شناويه عليه؟ مشاعل:اول شي تدرين مين يكلم شوق:مين يعني؟ مشاعل:وحده من بنات المدرسه شوق:احلفي(وعيونها شوي وتطلع من مكانها) مشاعل:ولله شوق:طيب مين؟(وهي متحمسه تعرف) مشاعل(باستغراب):ههه وانتي ليه متحمسه تعرفين؟ شوق:ابي اعرف مين هاذي الي يتركك رشود الخايس عشانها مشاعل(بحقد):وهذا الي قاهرني انا قدامه ويطالع غيري شوق:عمي ما يشوف بس مين هي؟ مشاعل:الحقيره عهود شوق(بدون تصديق):كذابه عهود ما غيرها مالت عليه شدعوه انتي احلى منها بمليوون مرره مشاعل:مدرى عنه هالثور اصلا انا ماهمني هو الي قاهرني انهم ماخذيني مضحكه ويلعبون من ورى ظهري شوق:طيب وشنو بتسوين؟ مشاعل:افا عليك نوايه عليها وعليه شوق(بقلة صبر):طيب قوليلي شنو بتسوين؟ مشاعل:بعدين مو الحين شوق:ميشو يلا عاد انطقي مشاعل:ههههه طيب وقالت مشاعل لشوق شنو ناويه عليه.... **************** في القصر كانت رغد قاعده في البلكونه تطالع الحديقه الكبيره الحلوه الي فيها انواع واشكال من الشجر ,دخلت داخل غرفتها وراحت عند الدرج الي جمب السرير افتحت الدرج الاخير وطلعت دفتر قديم كان عندها من 3 سنوات افتحت الدفتر من النص كان فيه ورده تحول لونها من الاحمر للاسود بسبب الوقت الطويل الي مر عليها سحبت الصوره الي ورى الورده وقعدت تطالعها بكل حنان وحب لحد الحين احبك ومسامحتك على كل الي سويته بس انا ادرى مو انت السبب هي الي ضحكت عليك و اخدعتك وخلتك تتركني ولا انت كنت تحبني ومدرى اذا للحين تحبني ولا لا بس انا للحين احبك وعمري ما نسيتك ... رجعت رغد بذاكرتها لورى 3 سنوات ورى كل لحظه وكل مره شافت فيها حبيبها فهد عمرها ما نستها تخطر ببالها وتبتسم وبنفس الوقت تنزل دمعه حاره من عينها تذكرها بواقعها المر الي تعيشه كل يوم ,طرت ببالها ذكرى المستشفى واشكال اهلها والدكتور والممرضات وهم يحاولون يسعفونها قبل لاتموت تمنت الموت على انها تعيش بدنيا حبيبها مو لها تذكرت يوم جتها شوق وبكل برود يقتل وهي تقول لها ان فهد ما عاد لها ولا يحبها ما صدقتها بس لما شافته وشافت نظراته البارده لها مو مثل ما تعودت ما لقت فيها الحب والحنان الي كانت تشوفه دايم ونظرات اختها البارده والي تطالعها بكل انتصار وفرحه على حزنها وعلى قلبها الي انكسر... تكره اختها وتكره البيت والدينا الي تعيشها لمجرد التفكير ان اختها تتنفس نفس الهوا الي هي تتنفسه او حتى عايشه تحت نفس السقف عمرها ما حست باليأس بحياتها مثل الحين تطالع الكرسي الي صارت مربوطه له ومن دونه ما تقدر تتحرك تتحسس رجولها الي ما صارت تحس فيها من يوم الحادث, كانت صدمة حياتها يوم قالها الدكتور ان رجولك صار لها شلل والاعصاب الي برجولك تلفت والامل ضعيف انها تتشافى رغد كان عندها امل تتحرك ولمدة سنتين كانت تحاول تتعالج بكل انواع العلاج سافرت برى وراحت لاكبر المستشفيات لكن ما حصل اي شي جديد فقدت الامل وصار لها 3 سنوات محبوسه بغرفتها تقلب بصفحات الماضي و تتحسر على وقت مضى ضيعت فيها لحظه بدون فهد كل يوم يزيد شوقها له مع انه تركها وراح لاختها تذكرت يوم جاء وخطب شوق بغت تموت تتذكر كل كلمه قالتها اختها ترن باذنها عمرها ما نستها... رغد(بصراخ والدموع متجمعه بعيونها):انت شنو قاعده تقولين فهد خطبك؟ شوق(بكل بروود):ايوه شفيك تصارخين؟ رغد(وهي مو مصدقه):شنو ليش اصارخ شوق انتي تعرفين انه فهد يحبني وانا احبه شوق(وهي تجلس على الكرسي وتحط رجل على رجل):ممم خليني افكر انتي تحبينه اي بس هو يحبك ما اظن رغد:لا هو يحبني مثل ما انا احبه والدليل... تقاطعها شوق:الدليل انه خطبني انا(وتاشر على نفسها بكل غرور)صح رغد:هذا الي انا مو قادره افهمه شلون يخطبك وهو يحبني شوق:لانه كان عمي وفتح يوم شافني واكتشف انك ما تصلحين تصرين زوجة المستقبل رغد:لا انا مو فاهمه في شي غلط بالموضوع وانتي شلون توافقين عليه وانتي تدرين انه.. تقاطعها شوق:كان يحبك كان خلاص انسي يا ماما بعدين انتي تحبينه حب اطفال صدقيني بتكبرين وتنسين رغد:انسى شلون انسى حياتي شوق(بضحكه تنرفز):ههههههه حياتك وشدعوه رغووده لا تكبرين الموضوع رغد(تطالعها بكل احتقار):انتي شنو ما تحسين ما عندك قلب ولا قلبك خلاص صار مكانه حجر شوق:اقوول انا ما اسمحلك تغلطين على رغد(برجاء):شوق بلييز افهميني انت تعرفين شنو فهد بالنسبه لي انا ما اقدر اعيش بدونه شوق:اقول لا تقعدين تقولين كلام اكبر من سنك ما ني فاضيه للعب البزارين وتوها بتطلع شوق من الغرفه الا تناديها رغد بكل حزن ويأس... رغد:شووووق (وهي تمسكها من ايدها)الله يخليك تكفييين انا ما اقدر اعيش بونه ارفضيه شوق(وكان قسوة العالم كلها اجتمعت فيها وبنظرات كلها برود وكانها ما تحس بشي):فهد ولد عمي واولى من الغريب وما يعيبه شي واذا على سالفة ما تقدرين تعيشين بدونه موتي سهله هههههههه طلعت شوق من الغرفه ورغد انهارت على الارض من البكي ما قدرت تتخيل فهد يروح منها ولمين لاقرب الناس لها اختها ,قامت من مكانها وهي تحس انها منهاره وضايعه حست ان الدنيا مالها معنى بدون الشخص الي تحبه تذكرت الحبوب الي بحمام ابوها وراحت على طوول لجناح ابوها وامها طقت الباب3 مرات ومحد رد دخلت ولقت باب الحمام مفتوح دخلت الحمام وافتحت الدولاب الصغير وطلعت كل الحبوب وخذت من كل نوع حبه وبلعتهم كلهم حتى من دون ماي من غير لا تحس لانها تبي تفتك من الدنيا اغمى وما حست على نفسها الي في الستشفى وحولها اهلها طالعت امها وشافت بعيونها اللهفه والخوف وكانها كانت بتفقد شي وحست بايد تمسكها لقت ابوها ... ابو ناصر:شلونك الحين حبيبتي؟ رغد كانت تعبانه اكتفت بانها تهز راسها بمعنى انها بخير ام ناصر(بخوف وحيره):رغد يا ماما ليه سويتي كذا تبين تحرميني منك؟ رغد لفت الجهه الثانيه ونزلت دمعه من عينها حرقت خدها وتوها بتمسحها الا يجي اخوها ناصر ويمسح دمعتها بكل حنان وحب وهو يطالعها بنفس النظره الي تعودت تشوفها بعيون اخوها الكبير ... ناصر:ها شلونها رغووده اليوم؟ رغد ابتسمت له يعني انها بخير.. ناصر:دوووم يارب مو يوووم ام ناصر:شوق ليه تسلمين على اختك؟ هنا رغد توها تنتبه لشوق الي واقفه عند الدريشه وما كانت مبينه بسبب اهلها الي كانوا حولها... شوق هنا بغت تموت وخايفه من اختها تتكلم وتقول لاهلها على الي صار وبعد خافت على اختها الي صدقت كلمتها وبغت تموت نفسها من جد وهي الي كانت تمزح<<<اما تمزح؟؟ مشت شوق بكل بطئ وهي تتمنى الوقت يوقف عشان ما تكلم اختها لكن لما وصلت عندها وطاحت عينها بعين اختها شافت بنظراتها شي اول مره تشوفه ما قدرت تحدد هو كره ولا حقد لا كان شي اكبر من كذا خافت انها تكتشفه... شوق(بكل هدوء غير عادتها):شخبارك رغد؟ رغد تجمعت الدموع بعيونها وهي تشوف الانسانه الي دمرت حياتي شالت جهاز التنفس من فمها... رغد(وبأعلى صووت عندها):اطلعي بره ما ابي اشوف وجهك اهلها استغربوا حالتها فجاءه قامت تصارخ بس شوق ما استغربت بالعكس توقعت اكثر من كذا عشان سحبت نفسها بره الغرفه على طوول وما عطت لرغد فرصه انها تقول اكثر من كذا... ام ناصر:سم لله عليك رغد شفيك ماما تصارخين كذا؟ رغد حست انها مخنوقه و تبي تبكي من شافت شوق رجع لها كل الي صار... رغد(من بين دموعها):ماما تكفين ما ابي اشوف احد اطلعوا كلكم ام ناصر:ليه رغد احنا ما صدقنا تتكلمين رغد(استغربت):ليه انا كم يوم صار لي هنا؟ ام ناصر ارتبكت ما تبغى تصدمها طالعت بابو ناصر تطلب منه يقولها الحقيقه... رغد(تطالع ابوها وامها الي كل واحد ما يبي يتكلم):ماما بابا شفيكم قولي شصاير؟ ناصر:حبيبتي رغوده ارتاحي الحين بعدين بنقولك اوكي رغد:لا مو اوكي في شي وانتوا ما تبون تقولولي عليه صح؟ ابو ناصر(بتردد وخوف من ردة فعلها نزل لمستواها ومسك يدها وطالعها بعيونها بالضبط).. رغد خافت ابوها ما يسوي ذي الحركه الا اذا في مصيبه... رغد:بابا قولي الصراحه انا شنو فيني؟ ابو ناصر(تنهد):رغد انتي لما بلعت الحبوب اغمى عليك ودخلت بغيبوبه لمدة 4 شهور والدكتور قالنا ما في امل تصحين منها لاكن احنا ما فقدنا الامل وحاولنا لين صحيتي بس... رغد(وقلبها طاح بطنها 4شهور غيبوبه شلون):كمل بس شنو؟ ابو ناصر:بس الحبوب كانت قويه عليك خصوصا انك صغييره فكان لها اثر ثاني بعد الغيبوبه... رغد(بخوف والدموع بعيونها):بابا تكفى لا تسكت ابي اعرف شنو فيني؟ ابو ناصر(وهو خايف على بنته ومرتبك):الدكتور قال انه الاعصاب الي برجولك اتلفتت وصار فيك ش..شلل وما تقدرين تحسين فيها ابد رغد طالعت ابوها مو مستوعبه الي سمعته وحطت ايدها على اذنها عشان ما تسمع كلمه ثانيه وهي تحرك راسها بمعنى لا لانها رافضه الي صار ومستحييل تتقبله... ابو ناصر:بس ررغد احنا بنوديك بره وفي اكبر المستشفيات وبنعالجك وبترجعين تتحركين مثل اول واحسن رغد(حست ان راسها يعورها من الصدمه وطرت على بالها صورة اختها وفهد):خلاص انا ما ابي اسمع شي ثاني ابي ارتاح خلوني لوحدي الحين ام ناصر:بس يا حبيبتي ما يصير... رغد(تقاطعها بصراخ يمكن كل المستشفى اسمعتها):اطلعوا برررره ما ابي اشوف احد ابو ناصر:خلاص يام ناصر خلينا نطلع البنت تبي ترتاح ام ناصر:بس ... رغد(من بين دموعها):ماما طلبتك ما ابي اشوف احد خلوني بلحالي ام ناصر(رحمت دموع بنتها وبقلة حيله):على راحتك طلعوا كلهم من الغرفه وهم خايفين على رغد الي صار لها مو شويه وهي صغيره عمرها كان 15 سنه بثالث متوسط... رغد اول ما طلعوا اهلها انهارت من البكي حست انها بتموت من كثر ما تشهق وهي تبكي بس للحين مو مصدقه انها انشلت رفعت الفراش عن رجولها طالعت فيهم كان شكلهم طبيعي ما يحوي للي يشوفهم انها مشلوله حطت ايدها على رجلها تلمسها بس حست انها تلمس الهوا ما تحس فيها جمعت شجاعتها الي تتملكها كلها وقرصت نفسها لكن للاسف ما حست بشي قرصت نفسها 5 مرات باقوى ما عندها ما حست بشي لحظتها طرى على بالها كلام ابوها ان اعصاب ارجولها اتلفتت بس مع ذالك كانت رافضه انها تصدق قررت تقوم من السرير وتجرب تمشي حركت جسمها لكن رجولها ثابته وتحس انها ثقيله ما تقدر تحركها نزلت الدموع من عيونها حست انها بتنجن معقوله انا انشل ما اقدر اتحرك حركت نفسها من السرير لحد ماطاحت على الارض بقوه ... امها الي كانت قاعده بره ما رضت تروح البيت سمعت صوت طيحه قويه افتحت الباب بقوه وهي خايفه على بنتها ولقتها على الارض تحاول تجر رجولها شكلها يكسر الخاطر امها ما قدرت تتحمل المنظر راحت عندها ودموعها اسبقتها على خدودها... ام ناصر(وهي تسند بنتها على صدرها):ماما رغد ليش نزلتي من السرير؟ رغد(طالعت امها وكانها تستنجد فيها):ماما شوفي ما اقدر احرك رجولي ما احس فيهم مساع قرصت نفسي بس ما حسيت فيهم ليش ليش ام ناصر(وهي تحضن بنتها وتصيح):خلاص رغد احنا بنعالجك بره هذا المستشفى ما بفهم شي ابوك راح يحجز لك الحين على المانيا هناك بلد الطب بيعالجونك اكيد رغد(حست ان امها ماراح تفهم هي شنو تبي تقول حست بالاستسلام):ماما حطيني على السرير رفعت ام ناصر بنتها ورفعتها على السرير وغطتها امسحت دموعها ومسحت على شعرها وقرت عليها انطق الباب ... ام ناصر(بهدوء عكس انفعالها مساع):تفضل الممرضه دخلت:مدام انسه رغد لازم ترتاح شوي ممكن تفضلين معاي بره ام ناصر:بس شوفيها الحين هي تعبانه وتبي احد من اهلها عندها الممرضه:انا راح اعطيها مهدئ لانها شدت اعصابها ومو زين لها التعصيب لازم ترتاح ام ناصر(باستسلام):طيب بخليها تنام راحت الممرضه عند رغد وعطتها ابره في المغذي وعلى طوول رغد غمضت عيونها ونامت امها قلبها عورها على بنتها بتعيش كذا طوول عمرها... ****************** رغد صحت من ذكرياتها الي تحسسها بالالم والضعف مسحت دموع عيونها وحقدت على اختها اكثر وكرهتا اكثر على الي سوته هي تعرف ان اختها انانيه وما تحب الا نفسها بس مو لدرجة انها تاذى اختها الوحيده وتدمرها كذا راحت عند البلكونه وقعدت تتامل منظر الحديقه الشي الوحيد الي يخليها ترتاح.... ******************* في المدرسه... هديل تركض بجهة شوق ومشاعل الي قاعدين على الارض عند الدرج.... هديل:ميشو شوق تعالي فوق البنات قاعدين يطقون ويغنون ورقص وناسه شوق:ولله يلا تعالي قاموا البنات يمشون لجهة الصف ,وهم بالطريق مشاعل شافت عهود ... مشاعل(وقفت):بنات انتوا رحوا الصف وانا شوي وجيتكم هديل:وين رايحه؟ مشاعل:بروح اكلم عهود شوي وجايه شوق(طالعت مشاعل وابتسمت):روحي احنا بنسبقك مشاعل:اوكي مشت مشاعل لجهة عهود ونجلاء وقبل لاتوصل عندهم ,نادتها شوق.... شوق:مشاعل التفتت مشاعل لها مستغربه ليش تناديها... شوق:Good luck مشاعل:you to buy شوق:باي هديل:شنو السالفه؟ شوق:اصبري شوي وبتعرفين راحوا هديل وشوق للصف ومشاعل راحت لعند عهود ونجلاء.... مشاعل:عهود ونجلاء هاي عهود ونجلاء:هاي مشاعل:عهود بكلمك بموضوع عهود:شنو؟ مشاعل(تطالع بنجلاء):لا موضوع خاص شوي عهود:اها طيب نجلاء انتي روحي الفصل وانا شوي واجيك نجلاء(تعرف ان عهود بتقولها بعدين ):اوكي راحت نجلاء لجهة الفصل وعهود ومشاعل راحوا يتمشون بعيد عن البنات... عهود:شنو الموضوع ؟ مشاعل(تمثل انها متردده):بصراحه عهود انا بكره بطلع وكان ودي تجين معاي عهود(مو مصدقه ان مشاعل تطلب منها هالطلب):انا اجي معاك؟ مشاعل(لحجيه مو مصدقه اني اطلع معاها يحقلك):اي انتي في احد غيرك هنا عهود:طيب وين بتروحين؟ مشاعل:بروح موعد مع راشد عهود(ارتبكت لما جابت طاريه وخافت انها اكشفتها):راشد م..مين راشد؟ مشاعل(لاحظت ارتباكها وتاكدت انها تعرفه):راشد خوي بقابله بكره بمجمع الراشد وابيك تجين معاي عهود(ارتاحت ):اها اوكي مومشكله مشاعل(وقفت قدامها):خلاص بكره بروح تجهزي اليوم لاتنسين عهود:لا شدعوه بس متى بنطلع؟ مشاعل:بعد الفسحه عشان نتمشى على راحتنا شرايك؟ عهود:ايوه احسن خلاص بكره مشاعل ابتسمت ابتسامه ما فهمتها عهود وحسبتها مبسوطه عشان بتروح معها ما تدرين يا عهود شنو راح يصيرلك كان ما فكرتي تطلعين من المدرسه ابد... مشاعل:اوكي يلا نروح عند البنات دخلوا مشاعل وهديل الفصل ولقوا البنات مسوين عرس بنات يرقصون وبنات يغنون وبنات يطقون مشاعل قعدت تدور وين صديقاتها لقت شوق وهديل يرقصون نفس الرقصه انقهرت ارقصوا بدونها دخلت بوسط الفصل وراحت ترقص جمبهم نفس الرقصه الي هم متعلمينها مع بعض والبنات يطالعونهم باعجاب على حركاتهم الي مدربين عليها وضابطينها واشكالهم طالعه حلوه... كانوا البنات يغنون(راشد_هلي لاتحرموني منه)وكان داخل الفصل ازعاج وناسه وكانهم بعرس مو مدرسه.. ******************* مر الوقت على الاغاني والرقص والفرفشه وبعدين جت الحصه الي بعدها والي بعدها لحد ما خلص اليوم ... ****************** اخر الدوام في الشارع.... نجلاء وعهود واقفين مع بعض... عهود:تصدقين نجوول اليوم مشاعل ... نجلاء(تقاطعها):اي صح هي شنو قالت لك اليوم؟ عهود:قالت انها تبيني اطلع معاها بكره نجلاء:وين تروحين؟ عهود:الراشد عندها موعد مع خويها راشد نجلاء:ههههههه وهذي ما تعرف انك تكلمينه لا وتتقابلون بعد عهود:ههههههه يعني لو كانت تعرف كانت بتقولي اطلع معاها؟ نجلاء:اي صح طيب وانتي بتروحين معاها؟ عهود:طبعا بروح ابي اشوف راشد نجلاء:بس مو غريبه طلبت منك انتي بذات يعني ليش ما قالت لصديقاتها عهود:يمكن معجبه فيني نجلاء:الحمد لله والشكر غبيه انتي شنو معجبه فيني؟ عهود:مدرى شكلها كذا نجلاء:لا ما اظن بس انا مو داخله راسي السالفه عهود:نجلاء انتي دايم شكاكه نجلاء:ولله الي يقعد بمدرسه مثل هاذي لازم يشك بكل احد حتى بنفسه عهود:عاد نجلاء لاتبالغين نجلاء:عموما انتبهي منها عهود:اوكي راحوا نجلاء وعهود البيت .... ***************** رجعت شوق البيت ولقت امها تدور في البيت تشيك على الشغلات وتطالع الصاله اذا كانت مرتبه وكانها تجهز لعزيمه... شوق:هاي ماما ام ناصر:هلا شوق شوق:ماما في احد بيجينا اليوم؟ ام ناصر:ايوه عمك من الرياض بيجي شوق:غريبه ليش؟ ام ناصر:مدرى يقولون يتحمدون لابوك بالسلامه شوق(مو مصدقه):ماما بابا طول عمره يسافر ويرجع وهم عمرهم ما جونا ,شمعنى الحين جاين؟ ام ناصر:ولله مدرى انا بعد ما اقتنعت شوق:طيب متى بيجون؟ ام ناصر:الساعه 4 العصر شوق(تطالع ساعتها):الحين ال  ونص وهم بيجون 4ليه ما قلتيلي من بدري عشان اتجهزام ناصر:حبيبتي انتي حلوه من غير شي شوق(نفخت ريشها):ادرى ماما بس لازم اتكشخ هم اول مره يجون لنا من فتره ام ناصر:خلاص روحي الحين واتجهزي شوق:لا انا بروح المشغل اسوي شعري ووجهي واظافري وبعدين بجي ام ناصر:طيب حبيبتي روحي شوق(حبت امها على خدها):ثانكس ماما سي يو ام ناصر:انتبهي على نفسك ولا تطولين عشان تستقبلينهم معاي شوق:بحاول باي طلعت شوق لغرفتها وتروشت وبدلت ملابسها وراحت على المشغل على طول عشان تلحق على بنات عمها... ***************** دخلت هديل البيت وسمعت اصوات في المجلس حقهم ,طلت من طرف الباب لقت جدتها وامها يسولفون دخلت المجلس الفخم والكبير ... هديل:هاي جدتها:وعليكم السلام هديل:هههههه سوري السلام عليكم ام هديل:ايوه كذا قولي السلام عليكم مو هاي هديل:حاضر ماما جدتها:ها هديل شخبارك يا بنيتي؟ هديل(راحت عند جدتها وحبتها على راسها):بخير انتي شخبارك جدتي؟ جدتها:الحمد لله,شلون المدرسه معاك هديل:كويسه السنه هاذي بتخرج جدتها:الايام تمر بسرعه امس توك بالروضه والحين بتتخرجين ام هديل:ههههههه اي ولله تمر بسرعه هديل:عن اذنك جدتي انا بروح فوق جدتها:ليه قعدي معاي شوي من زمان عنك يا بنيتي هديل:ههههه تامرين امر بس بروح ابدل ملابسي وانزلك على طوول جدتها:ايه اذا كذا روحي بدلي هديل:انشاء لله عن اذنكم طلعت هديل من الغرفه وراحت لغرفتها عشان تبدل جدتها قعدت تطالعها بكل حنان وعطف على وحدتها بدون اخوان ولا خوات يسلونها ,ام هديل لاحظت سرحان امها وعرفت شنو تفكر فيه... ام هديل:يمه شنو تفكرين فيه؟ ام منصور(تنهدت):تعرفين يا بنتي شنو افكر فيه ام هديل:ادرى بس شنو تبيني اسوي؟ ام منصور:لله يعينك ويعينها ابوها مات وخلاكم ام هديل:الله يرحمه,تعذب واجد قبل لايموت ام منصور:ايه الي كان فيه مو شويه ام هديل سرحت بفكرها لورى لسنوات قظتها مع زوجها وحبيبها (حمد)عاشت معاه احلى سنين عمرها لحد ما جاء الخبر الي كسرها وحطم زوجها وخلاهم يعيشون باقي حياتهم بهم وحزن صحيح حاولوا يخفون الحزن من بعض بس اثنينهم كانوا يعرفون بالي بقلوب بعض بس الحب الي بينهم خلاهم يخلصون لبعض على كل الي صار .... هديل:ماما وين رحتي؟ ام هديل:ها معاك هديل:ههههه اي معاي اناديك من ساعه وانتي سرحانه ام هديل:لا بس كنت افكر هديل:ليكون تحبين ام هديل:نعم ام منصور:هههههه لله يقطع بليسك يا هديل ام هديل عطت هديل نظره خوفتها وطلعت من المجلس... هديل:ههههه يو بغيت اموت ام منصور:ايه امك من يومها عليها هالنظرات هديل(تحمست تسمع عن امها ):ولله شلون؟ وقعدت ام منصور تحكي لهديل عن امها يوم كانت صغيره وكل المواقف الي سوتها .... ***************** طلعت شوق من المشغل بكامل اناقتها الي يشوفها يقول هاذي بتروح عرس او حفله فخمه مو زياره عائليه.. دق جوالها وكانت امها.... شوق:هلا ماما ام ناصر:شوق انتي وينك؟ شوق:بالسياره توني طالعه من المشغل ام ناصر:زين اذا وصلتي البيت ادخلى من الباب الثاني عشان عمك وصل شوق(فرحانه لانها مشتاقه لبنت عمها):ولله وصلوا طيب بسوي نفسي نازله من فوق ام ناصر:شاطره حبيبتي يلا انتبهي على نفسك شوق:اوكي باي سكرت شوق من امها ولما وصلت القصر شافت سيارات عمها وعيال عمها في الكراجات الكبيره للقصر ابتسمت فرحانه على وصولهم وراحت للباب حق المطبخ عشان تدخل منه قبل لاتدخل نادت على الخادمه عشان تشيل العبايه ... وهي قاعده بره طلع واحد من المجلس الكبير حق الرجال وشاف وحده واقفه عند باب المطبخ تعدل شكلها وقف يطالعها وسرح فيها وفي جمالها كانت طالعه خيال شعرها كان كيرلي حيوي كانت لابسه فستان ابيض لتحت الركبه وفيه شريطه ورديه مربوطه على خصرها النحيف عشان يبرز جماله كانت لابسه كعب وردي عالي خلاها طويله والمكياج كان صارخ الروج الوردي الامع وخدودها الورديه الطبيعيه زادت مع البلشر وعيونها الخضرا ابرزت مع الكحل العربى الي كانت حاطته كانت من جد رهيييبه والي يشوفها ما ينلام اذا حبها من اول نظره... كان الي واقف يعرفها وشافها من قبل بس الحين صارت احلى مليووون مرره كبرت اخر مره شافها كانت عمرها 16 والحين مرت 3سنوات على اخرمره ومو عارف شلون يوصفها وشلون احلوت اكثر ما قدر يوقف مكانه مشى لحد عندها وهي حست انه في احد واقف جمبها التفتت وصدمها الي شافته... ***************** *تتوقعون من الشخص الي شافته شوق؟؟ ووش بيصير مع مشاعل وعهود؟؟ هذا كله نعرفه بالبارت الجاي ... التعديل الأخير تم بواسطة ŁOUIS ; 07-22-2016 الساعة 03:38 PM |
|
#9
07-22-2016, 03:45 PM
| ||
| | ||
|
[ اهليييين بنات هذا بارت لعيونكم وسوري على التاخير >>>الجزء السابع<<< في القصر(بيت شوق)..... ام ناصر:ياحيا لله من جانا ام فارس:الله يحيك ام ناصر:شخباركم شعلومكم من زمان ما جيتونا؟ ام فارس:الحمد لله كلهم طيبين,والله مشاغل تعرفين الحين قربت الاختبارات ولازم العيال يذاكرون,انتم شخباركم؟ ام ناصر:يسرك الحال,اقول شخبارك رحاب؟ رحاب:بخير خالتي,انتي شخبارك انشاء لله شوق ونويصر مو مهبلين فيك ؟ ام فارس:رحاب عيب شهالكلام؟ رحاب:وانا صادقه ماما على خبري للحين يتهاوشون مدرى اعقلوا ولا للحين بزارين ام ناصر تعرف ان رحاب حبوبه وراعية سوالف وضحك عشان كذا ماحد كان يزعل من كلامها بس احيانا تزودها حبتين ... ام ناصر:هههههه وانتي للحين على سوالفك يارحاب ما تغيرتي؟ ام فارس:لله وكيلك ولا هي متغيره مجننتني بالبيت مطلعه فيني قرون رحاب(تطالع امها بنص عين):افا الوالده تقولين عني هالكلام قدام خالتي ام ناصر وتقولين عني لساني طويل مدرى من طالعه عليه ام فارس:رحابو وجع الحين انا لساني طويل رحاب:انا ما قلت شي ام فارس:الحين كل الي قلتي ولا قلتي شي؟ رحاب:خالتي انتي شاهده انا قلت امي لسانها طويل ام ناصر:ايه قلتي لسانها طويل(وهي تحاول تكتم الضحكه) رحاب(سوت نفسها زعلانه):ايه تجمعوا على عجايز وبتصفون مع بعض ام فارس:الحين احنا عجايز ام ناصر:لاولله قولي لامك انا توني شباب رحاب(تطق اصبع):اووه خالتي قلبت على ماما وناسه فرقت بين الحزب حقهم ام فارس:ما اقول الا لله يهديك رحاب:هههههههه شدعوه ماما شايفتني مجنونه تقولين الله يهديك ام ناصر:الهدايه نطلبها للكل مو حق المجانين بس رحاب(وهي توقف):ايه خير انشاء الله الحين بدينا بالنصائح,اقول خالتي انا بطلع فوق عند شوق الاميره ما تبغى تنزل لي انا اطلعلها واشوف لها صرفه ام ناصر:روحي حبيبتي شوفيها(ام ناصر تدري انها مو موجوده بس تعرف رحاب كسلانه وما تتحرك الا بالموت فحبت تعبها شوي).... ********************* شوق حست انه في احد جمبها لفت وصدمها الي شافته كان فهد ولد عمها الي خطبها من 3 سنوات بس الي صار لرغد خلى السالفه تتاجل,شوق تمنت الارض تنشق وتبلعها ولا تشوف هالانسان مره ثانيه هي نسته فرحتها بشوفة بنت عمها نستها اخوها ,فهد قعد يطالع بشوق وتذكر الموقف الي صار له معاها وخلاه يخطبها بعد كذا ,كان طالع من مجلس الرجال كانت في القصر عزيمه لان ابو ناصر جتله جلطه بالقلب بسبب مشاكل الشغل لما طلع من المستشفى صارت عزيمه عشان طلعته,شوق بهذيك الفتره عرفت حب رغد لفهد كانت رغد تقول لشوق كل شي يصير معاها ومع فهد وكانت تعرف ان فهد يحب اختها في البدايه كان الموضوع عندها عادي بس لما قالت لها اختها ان فهد بيخطبها لما تتخرج من الثانويه انقهرت ليش فهد يطالع اختها وهي لا رغد كانت عكس شوق كانت بيضاء وملامحها طفوليه مرره حتى شعرها كان اسود مثل الليل عكس شوق بكل شي بس اختها بحسن نيه كانت تقولها عن حبها الطفولي مع فهد والي كبر مع الايام صحيح فهد كان اكبر منها ب4 سنوات بس عمرها ما لاحظت هالفرق وحبته وكان هوبعد يبادلها نفس الحب ,شوق عرفت ان فهد حاضر العزيمه عندهم وقررت تسوي الي في بالها عشان يشوفها وكانت متاكده انه بيخطبها وبينسى اختها .... طلعت شوق بوقت العشى كانت بتروح لعند جهة الرجال عشان يمكن يطلع ولد عمها ويشوفها راحت عند الحمام تعدل شكلها قبل كانت صحيح صغيره بس محد ينكر جمالها وجاذبيتها كانت فاتحه شعرها كان وقتها نازل لتحت كتوفها وكانت مسشورته على فوق كانت لابسه فستان كوكتيل لونه احمر وضيق مره على جسمها كان حلو بس جسمها حلو اكثر الحين عدلت الروج والمكياج وتعطرت وطلعت... كان فهد مخلص اكل طلع يغسل ايده بالحمام ,شوق شافته وكانت اختها حاطه صورته وهي شافت الصوره خافت تكون غلطانه وما يطلع هو بس قالت بتغامر كعادتها وبتجرب حظها ومن حسن حظها طلع فهد ... فهد كان يغسل يده ولما خلص توه بيروح الا يسمع صوت احد يبكي يدور مكان الصوت وشاف احد قاعد في الحديقه عند الكراسي الموجوده بكل مكان عشان العزيمه راح عند الحديقه ولقى وحده قاعده على الكرسي وحاطه ايدها على وجها وتصيح او تمثل الصياح ,فهد قرب عندها وما عرف شنو يقول او يسوي... فهد:احم لو سمحتي اختي فيك شي؟ شوق سمعت صوته وبغت تضحك بس اكتمت ضحكتها ونزلت دموعها غصب من عيونها ظلت شوق تصيح وفهد مو عارف شنو يسوي او يقول,قرب فهد من عندها ... فهد:انتي بنت عمي؟ شوق شالت ايدها من وجها بس نزلت راسها فما قدر فهد يشوف ملامحها هزت راسها بمعنى ايه.. فهد:طيب عمي مين؟ شوق(بصوت بهمس):عمك عبد الرحمن فهد(ما سمع شنو قالت قرب منها اكثر ونزل راسه لمستوها):ما سمعت شنو قلتي؟ شوق(شافته قرب عندها رفعت راسها ومسحت دموعها<<دموع التماسيح وبصوت اعلى شوي:عمك عبد الرحمن فهد انصدم لما شاف وجها كانت مو بس حلوه الا تهبل قعد يطالعها وهي تمسح دموعها حرام هالعيون الخضر والحلوه ينزل منها دموع,شوق شافت ملامح وجه وعرفت انهاضحكت عليه ,فهد حس انه طول وهو يطالعها بس ما قدر انه ما يطالعها وهو يشوف فستانها الاحمر المخصر على جسمها ولا شعرها الي لمعته تبين بوسط الليل... شوق حست انها طفشت من كثر ما قعد يطالع فيها قررت تتحرك وتدخل البيت خلاص سوت الي ببالها.. فهد انبته انها تحركت... فهد:لحظه شوي؟ شوق وقفت بس كانت معطته ظهرها:نعم,في شي؟ فهد:انتي بنت عمي عبد الرحمن؟ شوق(يستهبل هذا توني مساع قلت شكله يسولف وبس):ايه انا بنته فهد:طيب انتي عندك اخت اسمها رغد؟ شوق(وش جاب طاريها الحين اففف,لفت عليه متعمده عشان يشوفها):ايوه فهد(تخبل من عيونها الخضر وشعرها الي لف معها ):...... شوق:في شي تبي تسال عنه؟ فهد:ها لا ابد سلامتك شوق:اوكي,بس ممكن طلب؟ فهد:انتي تامرين امر شوق(بكل دلع وهي تلعب بطرف شعرها):ممكن ما تقول لاحد انك شفتني اصيح فهد(تذكر انها كانت تصيح):صح انتي ليش كنتي تصيحين؟ شوق(ابتلشت هذا الي ما فكرت فيه):لا ولاشي فهد:شلون ولاشي ودموعك كانت على خدك؟ شوق:انا لازم اروح الحين,باي فهد:لحظه..(بس كانت شوق رايحه قبل لايكمل)..باي راح فهد للمجلس وهو يبتسم على حظه الحلو الي خلاه يشوف بنت عمه ما توقع ان وحده من بنات عمه حلوه كذا على باله بس رغد الحلوه بس تذكر انها اختها بس ما تقارن فيها شوق احلى بكثير من رغد حط شوق بباله وحلف من ذاك اليوم انها بتكون له ... ******************* رحاب طلعت لفوق عند غرفة شوق طقت الباب3مرات بس محد رد عليها افتحت الباب وما لقت احد بالغرفه ولا بالحمام استغربت وين بتكون,مسكت جوالها ودقت عليها... ******************* فهد:ها بنت العم شخبارك؟(وهو يبسم لها ابتسامه خبيثه) شوق(خافت من ابتسامته ونظاراته لها):تمام فهد:ولو اساليني شخباري ولا ما تهمك اخباري؟ شوق(افففف هذا الي بينكد على بسخافته):سوري ,شخبارك فهد؟ فهد(ياحلو اسمي من فمك):بخير,ولله تغيرتي يا شوق شوق(ما فمهت قصده):لا تغيرت ولاشي مثل ما انا فهد(قرب عندها اكثر ):لا بالعكس تغيرتي كثييير صرتي احلى بكثيير من اول شوق(خافت وارتبكت لما قرب عندها وبعدت شوي):شكرا وتوها بتروح داخل الا مسك فهد ايدها وجرها لجهته... شوق خافت من حركته بس حاولت تكتم خوفها وما تبين ارتباكها... فهد:ما بعد خلصت كلامي شوق(تحاول تبين صوتها الطبيعي):قول شعندك؟ فهد(قربها منه وهمس باذنها):انتي لي وعمرك ما تصيرين لغيري شوق(زاد ارتباكها قريب منها مرره تحس بانفاسه عند رقبتها):....... فهد:ضعت مني قبل وما راح اضيعيك الحين فاهمه شوق(خايفه ومو قادره تطلع الحروف من فمها)..... فهد(شد على ايدها اكثر وعلى صوته شوي):ما سمعت فاهمه شوق(بصوت مخنوق وواضح فيه الخوف):فا..ه..م..ه ترك فهد ايدها وبعد عنها شوق على طوول ادخلت داخل البيت وكانها ما صدقت فهد ما نزل عينه من عليها الا لما راحت داخل.... **************** دخلت شوق للصاله وما لقت احد حمدت ربها لان بعد الي صار ما لها خلق تشوف احد قعدت على الكرسي رجولها ما تشيلها وهي تتنفس بسرعه وبخوف كل ما تتذكر فهد وقربه منها تحس بالقرف ودها تروح تاخذ شاور تحس انها بتغسله وبتغسل القرف الي تحس فيه ,سمعت صوت بالمجلس حق الحريم عرفت انها عمتها وامها صحيح مالها نفس بس لازم تسلم عليها,خذت نفس يوم قربت عند الباب ودخلت... شوق:السلام عليكم ام فارس وام ناصر:وعليكم السلام ام فارس:هلا ولله شوق,شخبارك حبيبتي؟ شوق:الحمد لله,شخبارك خالتي؟ ام فارس:بخير,تسلمين شوق:لله يسلمك,ماما وين رحاب؟ ام ناصر:رحاب فوق تدور عليك شوق:طيب انا بروح لها,باي طلعت شوق من المجلس وراحت عند الاصنصير عشان تطلع فوق.... ******************** دخلت الغرفه ولقت رحاب قاعده على الكرسي الهزاز الي عندها وماسكه الريموت وتفر بالقنوات... شوق:هاي رحاب(كانت مندمجه مع التلفزيون وفزت مع صراخ شوق):يمه خرعتيني ما تعرفين تنحنحين تطقين الباب كذا الناس يدخلون الغرف شوق:لا ولله احلفي داخله غرفتك ولاغرفتي..بكيفي ادخل بالطريقه الي تعجبني رحاب:مالت عليك انتي وغرفتك,كذا الناس يستقبلون الضيوف شوق(راحت عندها وحضنتها كانت من جد مشتاقه لها):لقول انطمي بس وحشتيني يالدبه رحاب:وانتي اكثر,بس خلاص ما صار فيه دبه(وهي تحط ايدها على خصرها).. شوق(والابتسامه الحلوه ما فارقت وجها):اي ولله ضعفانه يالخايسه شنو مسويه بنفسك؟ رحاب(وهي تدور على نفسها كانت لابسه فستان فوشي ينربط على الرقبه بشريطه ويصير الظهر كله طالع وقصير تحت الركبه وفيه زينه خفيفه على طرف الفستان بالفيروزي كان قماش الفستان حرير ناعم ومن جد كانت طالعه حلوه ومتغيره كثير عن قبل كانت رافعه شعرها ومنزله خصل على وجها ... رحاب:سر الطبخه شوق:ههههههه حلوه سر الطبخه رحاب:تدرين شنو اكثر شي مشتاقه له بالشرقيه شوق:اكيد انا رحاب:هههههه لا مشتاقه للبحر شوق:البحر,ييييييو نسيت انتوا ما عنكم بحر بالرياض هههه رحاب:لا ولله تتطنزين,على الاقل عندنا اسواق سنعه مو انتوا محلات عمري ما سمعت فيها شوق:ومن قالك ان ملابسي من هنا رحاب:لا اجل من وين تخيطينهم؟ شوق:هههه لا,انا ما اشتري من هنا كثير اكثر شي من عندكم او من بره طلبيه رحاب:اها,اقول شخبار رغد هي للحين... شوق(قاطعتها وبحزن):ايه للحين مثل ما هي ما تغيرت رحاب:يعني ما تطلع من الغرفه ابد؟ شوق(جلست على الكرسي):ما تشوف احد ولاتبي احد يشوفها رحاب(تجلس جمبها):لله يهديها وانتي لا تزعلين نفسك شوق(تصطنع الابتسامه):لا ما عليك,شرايك نروح نتمشي اوريك الشرقيه رحاب:اوكي بس تودني البحر شوق:طفشتيني مع البحر في مجمع حلو بوريك اياه رحاب:شنو اسمه؟ شوق:مجمع الظهران رحاب:بعدين مو مشكله اهم شي الحين اروح البحر شوق:افففف طيب بوديك يلا خوذي عبايتك قومي رحاب:تعالي مو الحين خلينا نجلس شوي مع ماما وخالتي وبعد الغدا نطلع شوق:اوكي رحاب:تعالي شخبار صديقاتك من زمان عنهم؟ شوق:ولله بخير يسلمون عليك,انتوا كم يوم بتقعدون هنا؟ رحاب:اسبوع كامل شوق:ولله وناسه خلاص يوم نطلع مع بعض واعزمهم رحاب:اوكي,يلا ننزل تحت شوق:يلا طلعوا من الغرفه وكان ناصر طالع بعد من غرفته الي مقابله غرفة شوق.... رحاب:شوق خلي اخوك ناصر يطلع قبل بعدين احنا شوق:اقوول بلا سخافه هو دايم يشوفك رحاب:ادرى بس مو بلبس مثل كذا شوق(فكرت ان اذا ناصر شافها يخطبها بدال بنت عمها موضي الي ما تطيقها اسحبتها وطلعتها برره ورحاب تبي تجر ايدها منها... شوق:رحوووب بلا سخافه يلا امشي رحاب(بصوت واطي عشان ناصر ما يسمعها):لا هدي يدي ناصر انتبه لصراخ اخته والتفتت ولقاها تجر ايد وحده انتبه لوجها كان مشبه عليها بس متغيره قرب ناصر عندهم وشاف رحاب ما عرفها بس قعد يطالع فيها كان جسمها حلو مليان شوي بس حلو ومع الفستان الفوشي طالعه حلوه... ناصر:شوق شفيك على البنت اتركي ايدها؟ رحاب انبهت له ونزلت راسها بسرعه عشان ما يعرفها لانه دايم يتحرش فيها اذا جت عندهم وهي ما تحبه عشان كذا... شوق:شنو بنت هذي بنت عمي رحاب ناصر انصدم لما درى انها رحاب متغيره كثييير وصايره حلوه... ناصر:معقوله رحاب الدبه صارت كذا؟ رحاب(عصبت منه):نعم الدبه زوجتك لا تقول عني دبه ناصر:ايه هذي رحاب الي اعرفها مو الي مساع مستحيه ومنزله راسها رحاب(تفشلت منه ولعنت نفسها ليش تصارخ على وجه):..... شوق:رحووب شفيك سكتي ردي عليه ناصر:وين ترد شوفي وجها صار طماطه رحاب(انحرجت اكثر ياربي ليش يحب يحرجني دايم):لا انا سكت لان اخلاقي ما تسمح ارد عليك ناصر(سوى نفسه معصب قرب منها ونزل لمستواها لان هو طويل):يعني انا اخلاقي خايسه رحاب(انحرجت يقرب منها كذا وقدام شوق اجل لو لحالهم شنو بيسوي):لا مو كذا قصدي شوق حست باحراج بنت عمها فقررت ترحم حالها امسكت ايدها واسحبتها... شوق:اقول ناصر روح المشوار الي كنت بتروح له احنا بنزل تحت,يلا رحاب ناصر:ايه ودوني معكم بروح اسلم على خالتي رحاب يعني لازم يلحقنا انا ما صدقت بيطلع وافتك منه صدق لزقه,نزلوا تحت في المجلس وسلم ناصر على زوجة عمه قعد عندهم شوي وطلع يروح مجلس الرجال وطول القعده يطالع رحاب يحب ينرفزها ويخليها تعصب وهي منحرجه منه ودها تذبحه... ******************* طلع ناصر من المجلس وهو ميت ضحك على شكل رحاب ونظراتها له كانها ناويه تذبحه وهوكان يتعمد يحرجها بس ما يدرى ليه ينبسط اذا شافها راح مجلس الرجال وسلم على عمه وولد عمه بعدين طلع هو وفهد عشان يوريه الشرقيه الي صار له فتره ما شافها.... فهد:اقول ناصر شخبار رغد؟ ناصر(استغرب سؤاله بس بعدين قال ولد عمها ومن حقه يسال عنها):هاذي هي عايشه فهد:ادرى عايشه كلنا عايشين ,اقصد شلون نفسيتها احسن من اول؟ ناصر(تنهد وهو يذكر رغد شلون كانت قبل الحادث والحين):ولله شقولك للحين حابسه نفسها بالغرفه ولا تبي احد يشوفها الا امي وساعات بعد فهد(عوره قلبه مهما كان يطفي تنه فيوم حس بالاعجاب نحيتها):لله يعين,واختك شوق شخبارها(وهو يبتسم ويذكر الموقف الي صار).. ناصر:هذي عاد الي عايشه حياتها وما همها احد اهم شي شكلها ولبسها فهد تذكر شكلها وشلون كانت حلوه ولله يحق لها ما تطالع احد ولا تهتم لاحد بس انتي لي يا شوق وما راح تكونين لغيري.... ناصر:فهد وووووين وصلت؟ فهد:ها في شي؟ ناصر:ههههه الي شاغل عقلك فهد:ههههههه لابس كنت اشوف الشرقيه متغيره كثيير من اخر مره ناصر:ايه عاد انت طولت لين جيت,مو تقطعنا مره ثانيه فهد(وصورة شوق ما فارقت عقله):لا افا عليك كل ويك اند بتشوفني عندكم ناصر:حياك لله باي وقت فهد:لله يحيك مر الوقت عليهم وهم سوالف وضحك ويتذكرون ايامهم مع بعض..... ******************** في القصر عند شوق ورحاب اليوم مر بسرعه رهيبه سوالف وضحك وحش مارضت ام رحاب يطلعون اليوم وقالت قدامكم اسبوع اطلعوا على كيفكم زعلوا شوي بس بعدين جلسوا يتسلون بالنت والتلفزيون.... ******************** اليوم الثاني شوق ما راحت المدرسه عشان بنت عمها اتفقوا يتمشون اليوم.... في المدرسه(وقت الفسحه).... مشاعل:عنود شفتي عهود؟ عنود:بالحمام ليش؟ مشاعل(خزتها):ياشين اللقافه مشت عنها للحمام ... عنود:مالت عليك الشرهه على الي يكلمها في الحمام... مشاعل:عهود عهود(ابتسمت لها):هلا ميشو مشاعل:يلا بنروح الحين عهود:اوكي يلا راحوا مشاعل وعهود ومعاهم اغراضهم لعند باب المدرسه سحبت عهود المفتاح وافتحت الباب طلعت مشاعل وجت عهود بتطلع الا الحارس يسمع صوت الباب... الحارس:ها يابنت وين رايحه؟(بصوت عالي ويخوف) عهود من الخوف والربكه قطت المفتاح على الارض وطلعت بسرعه شافت السياره من بعيد ومشاعل تاشر لها عشان تركض بسرعه الحارس كان ورى عهود ويصارخ عليها عشان توقف وعهود تركض باسرع ما عندها واول ما وصلت السياره صارخت على السواق عشان يمشي بسرعه قبل لا يوصل الحارس... مشاعل:هههههههههه شكلك وانتي تركضين ههههههه يبيلك صوره عهود(وهي تتنفس بسرعه وفاتحه الغطا عشان تاخذ هوا):لا ولله ..احر ما عندي ابرد ما عندك مشاعل:ههههههه بصراحه اذا بدايتها كذا الطلعه ما تبشر بخير عهود:لا دام معاك احط رجولي وايداني بمويه بارده مشاعل:تسلمين حبيبتي(وهي تبتسم لها لكن ورى هالابتسامه مصيبه) وصلوا الراشد وراحوا عند كافي في الدور الثاني اختاروا طاوله في الزاويه عهود اطلبت كذا عشان تاخذ راحتها مشاعل ما همها الموضوع لانها تكشف باي مكان... راشد كان قاعد مع صديقه بستار بكس ينتظر اتصال مشاعل وكان كاشخ على الاخر لان عهود قالت له انها بتكون هناك ... راشد:هلا ميشو مشاعل(بكل حقد وتمثل الحب):هلا حبيبي(وهي تشوف نظرات الغيره بعيون عهود)انت وينك؟ راشد:وصلتي قلبي مشاعل(بكل دلع):ايوه رشودي انا بالكافيه راشد:ياحلو اسمي من فمك دقائق وانا عندك مشاعل(اضحكت بكل دلع):ههههه اوكي انتظرك سكرت مشاعل من عنده من غير ما تقول باي وهو تعود على كذا... مشاعل:الحين بيجي عدلت عهودالغطا الي لفته بخفه على راسها وطلعت المرايا تعدل شكلها ومشاعل تطالعها وتبتسم ولله ياعهود لوريك اجل انتي يطالعك راشد وانا معه ولله لتكون هذي اخر طلعه لك اذا مو اخر نفس,عهود حست ان مشاعل تطالعها... عهود:ميشو شفيك تطالعيني كذا في شي بشكلي غلط؟ مشاعل(بخبث):ايوه مكياجك مرره خفيف غمقي الروج شوي والكحل زيدي وتعطري العطر حقك مره ريحته حلوه عهود(استغربت اهتمام مشاعل الزايد بس ما حطت ببالها):اوكي شوي الا يدق جوال مشاعل وكان راشد اشرت له على الطاوله الي قاعدين فيها اول ما جاء انصدم يوم شاف شكل مشاعل كانت متكشخه بزياده عن العاده وريحت عطرها منتشره بكل الكافيه ولون عيونها العسلي وابتسامتها الطفوليه كل شي فيها يسحره بس هو طماع ويبي كل البنات له,عهود انقهرت منه طنشها وقعد يتامل بمشاعل .... عهود:شوي شوي بتاكلها بعيونك راشد(توه ينتبه لوجود عهود ):ها هههه كل هالحلا قدامي وما اطالع فيه صعبه شوي مشاعل(بكل دلع عشان تقهر عهود):ههههههه عيونك الحلوه حبيبي ,شرايكم نطلب احسن؟ عهود(بكل غيره):ايه احسن مشاعل انبسطت انها اقهرتها ولله للحين ما شفتي شي,طلبوا شي يشربونه وطول القعده راشد يطالع مشاعل وعهود منقهره منه جايبتها هنا عشان تقهرها بس لا حظت مشاعل ان راشد يطالع عهود وكان يهددها عشان ما تفضحها عند مشاعل على باله مشاعل غبيه وماراح تلاحظ..... بعدساعتين طلع راشد من عندهم وبقت مشاعل وعهود... مشاعل:عهود انابروح شوي الحمام اغسل ايدي وجايه اوكي عهود(بحسن نيه):خذي راحتك مشاعل(لا تخافين باخذ راحتي وبرتاح منك):اوكي راحت مشاعل الحمام بس وقفت عند الباب شافت عهود تطالع بجوالها وتكلم احد قالت يمكن تكلم راشد ما اهتمت طلعت جوالها حق المدرسه ودقت على (الهيئه)..... قالت لهم عن عهود وانها تقابل شباب بالكافيه وكان شكل عهود والمكياج حقها يشكك الواحد فيها انتظرت مشاعل 10 دقائق لين جت الهيئه عهود كانت مشغوله تكلم راشد وما انتبهت لتاخير مشاعل ما حست الي واحد يسحبها من ايدها ويجرها بقوه طاح الجوال من يدها وراشد يناديها وما يسمع الا صراخ .. مشاعل طلت من باب الحمام وشافت الهيئه يجرون عهود لبره وهي تصيح وتصارخ عشان يهدونها وابتسمت بكل خبث وانتصار على الي سوته كان ودها تضحك بس بعدين الناس راح ينتبهون لها اكتمت الضحكه ودخلت الحمام تلثمت خافت تمر الهيئه وتكون عهود معاهم وتفضحها وتقول هذي معاي عدلت اللثمه وشالت شنطتها وطلعت مسكت الجوال عشان تكمل باقي الخطه ودقت على راشد... راشد كان خايف مايدرى شنو صار مع عهود فكر يروح الكافيه بس تراجع شوي الا يشوف رقم مشاعل رد عليها بسرعه يسال عن عهود... راشد:مشاعل وينك انتي؟ مشاعل:ههههههههههه ليكون مفكرني بالهيئه مع حبيبتك عهود راشد:عهود مسكوها الهيئه بس.. مشاعل(تقاطعه):حسافه ما صادوك معاها مو مشكله خيرها بغيرها راشد:وانتي ليش مو معاها؟ مشاعل:ههههه مو انا الي اروح الهيئه راشد:بس شلون جو الهيئه كذا فجاه؟ مشاعل:هههه فكر راشد(بتفكير ):ليكون انتي... مشاعل:بالضبط انا الي دقيت على الهيئه ,عموما انا دقيت عشان اقولك شي واحد تفو عليك وعلى اشكالك وعلى ام جابتك وسكرت السماعه قبل لاتسمع رده قفلت الجوال وطلعت الشريحه ورمتها خلاص ما عادت تحتاجها... راشد قام من كرسيه معصب ... سيف:راشد شفيك قمت فشلتنا قدام الناس راشد(وكل عصبية الدنيا تجمعت براسه):تخيل الخايسه هذي تفلت على انا لا وتسب امي بعد سيف:قلتها خايسه ليش تعصب نفسك عليها خلها تولى راشد:اقولك تفلت على وعلى امي تقول خلها تولي سيف(منحرج من نظرات الناس):طيب ماله داعي الصراخ فضحتنا يارجال اقعد خلاص راشد (قعد بكل عصبيه وهو يهز رجله):انا اوريها ان ما ادبتك يا مشاعل ما اكون ولد ابوي ******************* مشاعل كانت مستانسه انها سوت الي ببالها ومشت تتسوق ولا كن صار شي وامتلت ايدها من الاكياس وتمنت تجيب الخدامه معها عشان تشيل عنها الاكياس بس ما اهتمت اهم شي بردت خاطرها بعهود وراشد.... وهي تتمشى شافها اثنين كانوا قاعدين على الكراسي واول ما مرت مشاعل من عندهم ... سلمان(ياشر للهندي الي ياخذ الطلبات):لو سمحت الحساب(وقط خمسين ريال على الطوله وقام من مكانه) صالح:وين رايح؟ سلمان(ياشر بعيونه على مشاعل):قوم اورها ولله لارقمها صالح:ههههه ولله العقل زينه **************** قامت شوق من النوم وما لقت رحاب بالسرير شكلها قامت قبلي ,التفتت تشوف الساعه لقت  2ونص اففف نمت واجد ...رحاب(وهي تنشف شعرها ):صباح الخير يام النوم شوق(ابسمت ابتسامه نورت وجها على الصبح):ههه صباح النور ولله امس سهرانين وما تبيني انام رحاب:لا انتي مو طبيعيه كبرتي المخده على هالنوم شوق:اقول رحاب اسكتي انا لما اقوم من النوم ما لي خلق اتكلم مع احد رحاب:يمه لله يعين صديقاتك عليك شوق:بمزاجهم غصب عنهم يتحملوني رحاب(وهي تقعد على السرير):تدرين امس لما سويتي شعرك كيرلي طلعتي نسخه من روبي ترا انا بالبدايه فكرت روبي الي داخله على قلت يمه طلعت من المسلسل شوق:ههههه ولله خبله اصلا انا احلى منها رحاب(وهي تعوج بوزها):ايه واضح شوق:اقول بلا هذره زايده خلينا ننزل تحت نفطر رحاب:وعععع شاهالقرف قومي غسلي وجهك اول شوق(وهي تقط نفسها على السرير):ييييييو مشوار ادخل الحمام واغسل وجهي رحاب:طوول عمرك كسلانه وسودانيه شوق:انا سودانيه يا الخايسه طيب انا اوريك وتقوم شوق وتاخذ المخده معاها وتركض ورى رحاب الي طلعت بره الغرفه ودخلت الغرفه الي قدامها وهي ما انتبهت انها غرفة ناصر... رحاب(وهي تقفل الباب):هههههههه مسكينه ماراح تقدرين تمسكيني الحين شوق(من ورى الباب):رحاب وجعع افتحي الباب بسرعه رحاب:ههههه غبيه اسمع كلامك ما راح افتح شوق:كيفك اقعدي هنا طوول اليوم رحاب:ما عندي مانع ههههههههه شوق:طيب انا اعلمك والتفتت ورى بتروح الا يطلع فهد بوجها شوق انحرجت منه فشله يشوفها بالبيجامه ,فهد فتح فمه وهو يطالعها بالبيجامه الحمرا الي لابستها وكان قماشها حرير وناعم وشعرها الكستاني الي خصل منه مغطيه وجها ولمعته الي تعكسها اللمبه فوقها شوق ارتبكت من نظرته صحيح كثير طالعوها وهالنظرات مو غربيه عليها بس من فهد هي جربت معه الموقف الي قبل وبغت تموت شلون الحين ... مشت شوق بسرعه عشان تروح غرفتها ... فهد:شدعوه شوق ترى السلام لله شوق(اففف ياربي سخيييف):صباح الخير فهد:بدون نفس كذا,عموما صباح النور شوق:انت شنو جايبك فوق هنا؟ فهد:جابني الاصنصير شوق:ما يضحك فهد:وليش تبتسمين دامه ما يضحك؟ شوق:ومن قالك اني ضحكت تصدق انت سخييف وتافه ولله يعين رحاب عليك قرب فهد منها وهي من الخوف رجولها ما قدرت تحركهم وقفت مكانها... فهد(وهو قريب مره من وجها):ما اسمحلك تكلميني باهالطريقه شوق(خايفه مره ومرتبكه بس بينت العكس):ومنو انت عشان تسمحلي ولا لا؟ فهد:ولد عمك... وقريب بكون زوجك شوق(حست بالقرف مجرد تتخيل ان فهد زوجها بعدت عنه وصرخت):تخسي انت تصير زوجي عشم ابليس بالجنه فهد(عصب منها):انا اخسي طيب انا الي بربيك من جديد نزل فهد لتحت وشوق دخلت الغرفه وارتمت على السرير كانت بتنزل دموعها بس مسكتهم تخسي يافهد انزل دمعه عشانك دموعي غاليه وما تنزل بالساهل... ******************* رحاب سمعت اصوات بس بعدين اختفت الاصوات ما قدرت تعرف مين كان يتكلم ,طول ماهي داخل الغرفه كان في واحد قاعد يطالعها على راحته وهي مو حاسه فيه ولا بوجوده كان ناصر يطالعها وهو كاتم ضحكته يتخيلها تلف وتشوفه شنو بتكون ردة فعلها... ************** تتوقعون وش بتسوي رحاب لما تدري انها بغرفة ناصر؟ وشنو بيسوي فهد مع شوق؟؟ ************** اتمنى يعجبكم الجزء القاكم بالجزء اللي بعده الليله ان شاءالله ، في مجمع الراشد... مشاعل تعبت وهي شايله الاكياس الكثير طلعت جوالها عشان تدق على شاهين يجيها... شاهين:هلا انسه مشاعل مشاعل:شاهين تعال مجمع الراشد جيب معاك سوزي شاهين:انشاء لله مشاعل:بسرعه اوكي سكرت مشاعل من شاهين والتفتت على سلمان الي كان يكلمها اول ما سكرت... سلمان:ماله داعي الخدامه انا اشيلهم عنك مشاعل(يا شين التلزق حتى ما في ذوق):ههههه لا ما ابي اتعبك معاي سلمان(ببتسامه عريضه لما سمع ضحكتها الحلوه):تعبك راحه ولو مشاعل:بس تراهم ثقال؟ سلمان:افا عليك الي قدامك رجال مشاعل(لا رجال حسبالي حرمه مالت عليك):اوكي براحتك,تفضل شال سلمان الاكياس وكانت من جد ثقيله استغرب شلون قدرة تشيلهم الا شلون قدرة تشتري كل هذا.. سلمان:ما تشرفنا من القمر الي معاي؟ مشاعل:قلتها قمرهههههههه سلمان:هههههه حلوه مشاعل:تسلم,اسمي مها سلمان:تشرفنا,معاك سلمان وهذا صديقي صالح مشاعل:اهلين سلمان:شرايك نعزمك على اي كافيه مشاعل(مع اني شبعت من الشرب بس يله بدال المشي):اوكي دخلوا اقرب كافيه كان بطريقهم ,اول ما جلسوا افتحت مشاعل اللثمه والغطا سلمان وصالح طالعوا بعضهم مستغربين من حركتها وافتحوا فمهم لما افتحت شعرها وحركته باصبعها ,مشاعل شافت اشكالهم وهم يطالعونها مستغربين واكتمت الضحكه لان اشكالهم كانت تضحك... مشاعل(وهي تكتم الضحكه):ليش تطالعوني كذا؟,عادي اصلا انا مو متعوده اتغطا سلمان:ممكن اسالك سؤال؟ مشاعل:تفضل سلمان:انت سعوديه اصل؟ مشاعل(تعودت على هالسؤال لان شكلها مرره اجنبي ولا يدل انها سعوديه):ههههه ايوه dadسعودي بسmomامريكيه سلمان:عشان كذا شكلك اجنبي مره مشاعل توها بتتكلم الا يدق جوالها وكان شاهين... مشاعل:الو شاهين:انسه مشاعل انا موجود بره مشاعل:وسوزي وينها؟ شاهين:معاي وين ارسلها لك؟ مشاعل(بكل دلع):سلمان,شنو اسم هذا الكافيه؟ سلمان(انهبل يوم قالت اسمه بصوتها الهادئ والي كله دلع مثل الاطفال):ها..شقلتي؟ مشاعل:هههه سالتك شنو اسم الكافيه؟ سلمان:ايوه كافيه صحارى مشاعل:شاهين خليها تجي الدور الثاني كافيه صحارى سكرت مشاعل الخط وجلست تسولف مع سلمان وصالح لين جت سوزي خذت الاغراض وطلعت من الكافيه طبعا بعد ما تبادلوا الارقام... ***************** رحاب كانت بتطلع من الغرفه لما لاحظت ان الغرفه الي دخلتها ما شافت شكلها ولا تعرف غرفة مين التفتت ورها ولما شافت ناصر قاعد على الكرسي تجمد الدم بعروقها وحست قلبها يدق بسرعه رهيبه وكان بيطلع بره جسمها... رحاب(بارتباك واضح):انت شنو تسوي هنا؟ ناصر(بكل هدوء وبروود):ولله غرفتي ولا الواحد ما يقعد بغرفته انتي الي داخله بدون لا احم ولا دستور رحاب(قعدت تطالع الغرفه وانتبهت بعد 5 دقائق انها غرفة ولد من الاثاث والالوان,بصوت عالي وهي تتكلم بسرعه):وليه ما تقول ياحظي شايفني داخله وانت قاعد تطالع فيني ناصر(مات ضحك على طريقة كلامها):هههههههههههههههه ولله ما فهمت ولا كلمه انتي شنو قاعده تقولين؟ رحاب(معصبه):ليه الضحك انكت انا ولا انكت؟ ناصر:ههههههه راح اختار الاجابه الاولى تنكتين هههههههههههههه رحاب(هنا عصبت من جد مشت لعنده ووقفت على راسه وهي حاطه يدها على خصرها وتهز رجولها بعصبيه):لما اتكلم معاك لا تضحك ناصر(استغرب جرئتها بالعاده تستحي وما ترد بس الوضع كان عاجبه):ايوه شنو بتسوين؟ رحاب:نويصر لا تتحداني ناصر(يا حلو اسمي منك وتدلعيني بعد):شنو نويصر اصغر عيالك انا؟ رحاب:اصغر عيالي انا اجيبك انت يالبغل ناصر(كل شي منك حلو حتى السب):انا بغل يا الدوبه رحاب:انا مو دبه زوجتك الدبه انا الحين نحفت وصار جسمي حلو ناصر قعد يتامل شكلها كانت قاصه شعرها الفروله ومغيرتها القصه كثيير وعيونها الي كان لونها اسود مثل شعرها وفمها المليان المتناسق مع خشمها الطويل وخدودها الحمرا من الصراخ والتعصيب... رحاب حست ان ناصر وحست بالاحراج من نظراته وكانه يتاملها وخصوصا وهي لابسه البيجامه الي لين نص الساق البيضاء وعليها ميكي ماوس من النص كبير... رحاب:ابي اعرف انت سمعت كلمه وحده من الي الكلام الي قلته مساع ناصر(ابتسم ابتسامه خلت قلب رحاب يدق بقوه):هههه بصراحه لا رحاب:الشرهه على انا الي قاعده اكلمك وتوها بتفتح الباب وتطلع بره الا ناصر يناديها... ناصر(مشى عندها قبل لاتطلع ومسك ايدها):رحاب انا... رحاب:انت شنو؟ ناصر كان بيتكلم بس لما طالع بعيونها حس انه راح عالم ثاني سرح فيها وسكت... رحاب حست اول مره تطالع بعيون ناصر بدقه حست انه يبي يقول لها شي بس متردد ومتخربط مثلها حست الجو متوتر فحبت تكسر الصمت... رحاب(وهي تسحب يدها من ناصر):عن اذنك طلعت من الغرفه باسرع ما عندها ودخلت غرفة شوق ناصر وقف مكانه يستوعب الي صار له مساع اول مره يحس بهالشعور لما يكون معاها خطر كل شي على باله الا الحب تذكر المشوار الي كان بيروح له سحب الجوال ومفتاح السياره وطلع... ****************** مشاعل شافت ال ونص ما يمديها توصل المدرسه قبل نهاية الدوام قررت تروح البيت ,دخلت البيت ولقت ابوها مع جدتها قاعدين بالصاله استغربت جدتها ليه جايه لانها ما تجيهم الا قليل مره...مشاعل:هاي ابومشاعل:هلا حبيبتي جدتها:الناس تقول السلام عليكم مو هاي كننا كفار مشاعل طالعتها من فوق لتحت وجلست على الكرسي ساكته... جدتها:ليه تطالعيني كذا ليكون مو عاجبتك؟ مشاعل:بليز توني راجعه من المدرسه وراسي يعورني جدتها:ليه شوفتي تعور راسك؟ مشاعل:انتي الي قلتيها بنفسك جدتها(وهي تطالع ابوها معصبه):خالد شفت بنتك شنو تقول؟ ابومشاعل:مشاعل حبيبتي عيب احترمي جدتك مشاعل:dadخليها تحترمني قبل بعدين انا احترمها جدنها:لا هذي ما ينفع معها الكلام مشاعل:يعني شنو بتسوين بتضربيني مثلا؟ جدتها:اي عشان اربيك مشاعل:انا متربيه من قبل لا اشوفك جدتها(معصبه):خالد سكت بنتك ولا انا الي بقوم اسكتها الحين ابومشاعل(بكل صرامه وجديه):مشاعل اعتذري من جدتك مشاعل:what sory dadانا ما غلطت بشي عشان اعتذر مو كفايه قاعده معاها جدتها:ومن غاصبك روحي لغرفتك مشاعل:وهذا الي بسويه قامت من مكانها وطلعت على فوق بسرعه وبكل عصبيه... جدتها:انا ما ادرى شلي مصبرك عليها؟ ابومشاعل:يمه هذي بنتي مهما كان جدتها:بنتك وش دراك انها بنتك؟ ابومشاعل:يمه وش هالكلام انا متاكد ان مشاعل بنتي,مستحيل اتصور... جدتها:شنو مستحيل تتصور هو زوجتك خلت فيها مستحيل كل شي سوته هالكافره الفاجره ابومشاعل:ميشال ما لها علاقه بالموضوع مشاعل بنتي وانا المسؤول عنها جدتها:الله يخلف عليكم من عيال واحد تزوج وحده اجنبيه كافره حتى ما رضت تسلم يوم خذتها والثاني ما يدري عن امه ولا له علاقه باهله والثالث هو الي فاقع مرارتي وسوى لنا مصيبه ما لها اول من اخر ابومشاعل تذكر اخوه الصغير طول عمره كان متهور وما يهمه احد سافر معه امريكا لما تزوج ميشال وعاش بنفس الحي هناك وهنا كانت المصيبه.... جدتها:خالد..خالد..انت معي؟ ابومشاعل:خير يمه بغيتي شي؟ جدتها:ودني البيت تعبت بروح انام ابومشاعل:انشاء لله يلا تعالي طلعوا من البيت وتركوا وراهم مشاعل الي ببالها اساله كثيره ما لها جواب شدخل عمها بالسالفه عمها الي ما كانت تشوفه كثير مع انه ساكن بنفس الحي بس كان له حياته الخاصه وجدتها ليش تكره امها كذا معقوله لانها كافره بس لا اكيد في شي ثاني وشي كبير بعد... ****************** رجعت هديل البيت وهي تحس بتعب الدنيا كله فوق راسها طلعت بالاصنصير لغرفتها واول ما دخلت رمت الاغراض على الارض ورمت نفسها على السرير من دون ما تبدل ملابسها غمضت عيونها ونامت على طوول... ****************** نجلاء واقفه تدور بالغرفه ال  ونص وللحين عهود ما جت تدق على جوالها مقفل والبيت ماحد يرد عليه مافيه الا مشاعل هي كانت معها مسكت الجوال ودقت على مشاعل ويدها ترجف وقلبها يدق بقوه من الخوف والارتباك....مشاعل( استغربت نجلاء داقه بس بعدين قالت يمكن درت عن السالفه خليني اتشمت): الو نجلاء(بخوف وارتباك):مشاعل عهود معاك؟ مشاعل:ليه انتي ما تدريتي شنو صار؟ نجلاء:ليش شصاير؟ مشاعل:عهود مسكتها الهيئه نجلاء(مومصدقه الي تسمعه):نعم انتي كنتي معها شلون مسكتها الهيئه؟ مشاعل:ليه انا مشبوه مثلها نجلاء(بعصبيه وصراخ):مشاعل احترمي نفسك شلون الهيئه تجي كذا فجاءه اكيد احد معلم عليها؟ مشاعل:ليش مو يمكن مراقبينها وصادوها متلبسه موو عهود كانت....ولا اسكت احسن ما ابي احط شي بذمتي نجلاء(تهزراسها من الكلام الي تسمعه):انتي مجنونه انا سمعتك وانتي تكلمينها وتقولين... مشاعل(تقاطعها):لا تخافين بكره بالمدرسه بتسمعين كلام واجد عنها وانتي اختاري الي تبين نجلاء:والله يا مشاعل... مشاعل(تقاطعها):لا تهددين الهيئه مسكت عهود وانتي وراها انشاء الله بنات وقحات سكرت مشاعل الخط وحطت جوالها على الطاوله ودخلت تاخذ شاور تروق اعصابها.... ******************** شوق حست انها مخنوقه من حركات فهد ما تتخيل تكون زوجته تخسي يافهد وعمري ما اكون لك نقزت من مكانها على دخلت رحاب المفاجأه... شوق:بسم لله الرحمن الرحيم رحاب:شايفيه جني قدامك؟ شوق:شفيك داخله كذا مستعجله خوفتيني؟ رحاب(وهي تقط نفسها على الكنبه):طفشانه ابي اطلع شوق(وهي تطالع الساعه الي على الطاوله):الحين ال ونص يعني البنات رجعوا من المدرسه ادق عليهم نطلع مع بعض,شرايك؟رحاب(وهي تعدل جلستها بحماس):ايوه دقي سحبت شوق جوالها الي كان على الطواله ودقت على مشاعل الي ماردت عليها لانها بالحمام,دقت على هديل وما ردت بعد لانها كانت نايمه ومو حاسه بشي حولها... شوق:غريبه ما يردون؟ رحاب:ليه؟ شوق:لانك نحس رحاب(وهي معقده حواجبها):انا نحس اصلا انا.... وما كملت لان جوال شوق دق وكانت مشاعل... شوق:هلا ميشو ليه ماتردين؟ مشاعل:كنت اخذ شاور شوق:طيب شرايك نطلع رحاب بنت عمي عندي وطفشانه؟ مشاعل:عشان كذا انتي غبتي اليوم؟ شوق:ايوه مشاعل:اوكي,بس وين نروح؟ شوق:انتي مري علينا ولما تجين نتفاهم وين نروح مشاعل:اوكي انا بلبس وانتوا استعدوا شوق:ههههه حلوه ذي استعدوا حشى سباق مشاعل:ههه بايخه شوق:ودامها بايخه ليه تضحكين؟ مشاعل:على هبالك شوق:بس بذمتك مو حلوه؟ مشاعل:شنو هذي الي حلوه؟ شوق:النكته الي قلتها؟ مشاعل(تستهبل عليها):انتي اصلا قلتي شي؟ شوق:مشاعل لا تستهبلين مشاعل:وانا والله صادقه ما قلتي شي شوق:وتحلفين كذب بعد ,انا غاسله ايدي منك مشاعل:بتايد ولا صابون؟ شوق:لا ديتول مشاعل:ليه انا حمام؟ شوق:انتي قلتيها مشاعل:اقوول لاتغلطين شوق:ههههههه عصبتي مشاعل:انتي شنو شاربه اليوم شوق:شاربه سم مشاعل:ليه شصاير؟ شوق:لما اشوفك اقولك مشاعل:اوكي شوق:باي ******************** نجلاء منهاره من الصياح مو عارفه شنو تسوي مستحيل تقول لاهل عهود اكيد ابوها بيذبحها فكرت وتحس عقلها بيطير هذي عهود بنت خالتها ومثل اختها فكرت مافي الا نواف اخوي هو دارس بره واكيد بيتفهم اكثر من غيره ... نواف:هاي نجوول نجلاء(بصوتها المبحوح من كثر الصياح):هلا نواف نواف(استغرب من صوت اخته):نجلاء ليه صوتك كذا؟ نجلاء(وهي ماسكه دموعها):نواف الحق على عهود مسكتها الهيئه نواف:شلون مسكتها؟ نجلاء(وهي تصيح):شلون يعني بمجمع نواف:طيب شلون اطلعها لازم ولي لامر؟ نجلاء(وهي تشهق من الصياح):مالي شغل..نواف(تشهق من الصياح)..تكفى..تدبر نفسك نواف:طيب طيب انتي بس اهدي وانا بدبر نفسي يلا باي سكر نواف من نجلاء وهو يفكر شلون يطلعها دق على بندر اخو عهود... بندر:هلا والله نواف وينك ما تجي؟ نواف:هلا بندر ممكن خدمه؟ بندر:اكيد نواف:ابغى الهويه حقتك بندر:ليه؟ نواف:شغله ضروريه وبرجعها لك بندر:اوكى انا بالبيت تعال واعطيك نواف:دقايق وانا عندك سكر نواف منه وبعد ربع ساعه كان عند بيتهم اخذ الهويه من غير ما يعطي فرصه حق بندر يسال .... راح عند الهيئه وسال عن المسؤول هناك دخلوه مكتب شكله قديم ويجيب الكابه جلس قدام الرجال الي شكله يخوف ما يبتسم ابد وحواجبه معقوده ومعصب كان احد طاقه... نواف:السلام عليكم المسؤول:وعليكم السلام والرحمه نواف:لو سمحت انا جاي اسال عن وحده جت عندكم اليوم المسؤول:قصدك احنا جبناها هنا نواف:نفس الشي ما تفرق المسؤول:وشنو اسمها؟ نواف:عهود عادل ال..... المسؤول مسك السماعه ودق على رقم وعلى طول جاله الرد قالهم يجيبون عهود للمكتب سكر السماعه والتفت على نواف الي كان يطالع المكتب بقرف مو قادر يتخيل شلون عهود بنت خالته الدلوعه تجلس هنا... المسؤول(بدون نفس):وين الهويه؟ نواف:تفضل المسؤول:انت شنو تقرب لها؟ نواف(بتردد):ولد خالتها المسؤول(ببتسامة استهزاء):شبعنا ولد خالتها ولد عمتها ممنوع لازم ولي الامر نواف:اخوها قالي اجي اخذها وهذي هويته المسؤول:وليه ما جاء بنفسه يستلمها؟ نواف:لانه ..... المسؤول(يقاطعه بعنف):اكييد متفشل يجي ياخذها من هنا يحقله وحده ماحترمت نفسها ولا اهلها شيبون فيها اهلها نواف:لو سمحت انا ما اسمح لك... المسؤول (يقاطعه بعنف):قبل لا تحاسبني روح حاسب اهلها الي ما عرفوا يربونها رايحه تقابل شباب بالمجمعات وتوه نواف بيكمل الا ينطق الباب... المسؤول:ادخل دخل واحد جثه طويل وعريض وشكله كانه سجان يخوف اول ما دخل المكتب رمى عهود باقوى ما عنده وهي من كثر التعب طاحت على الارض ولا قدرت تقوم.... نواف راح عندها وهو خايف لتكون ماتت لانها ما تتحرك,فتح وجهها ولقه لون ازرق واحمر واخضر من الضرب وشفايفها متجمع فيها الدم وشكلها مو حاسه بشي... نواف(مومصدق الي يشوفه):انتوا شنو سويتوا فيها؟ المسؤول(بكل بروود):ما رضت تعطينا رقم احد من اهلها اطرينا نضربها نواف(بحقد):انت شلون تسمح لنفسك تمد ايدك عليها؟ المسؤول:لاتخاف لما يشوفها ابوها ولا اخوها بيذبحها نواف:انا مضيع وقتي معاك اروح احسن المسؤول:قبل لاتروح توقع على ورقه تعهد ما نشوف وجها مره ثانيه رفع نواف عهود من الارض ووحطها على الكرسي وقع على التعهد وراح على البيت... وصل بيت عهود نزل عشان ينزلها طق الجرس وافتحت له الخدامه الي استغربت من نواف وهو شايل عهود دخل البيت وسدحها على الكنبه لانها مو قادره تجلس دور على خالته لقاها بالمطبخ.... نواف:هلا خالتي ام عهود:هلا ولله نواف شخبارك وشخبار امك؟ نواف:كلهم بخير خالتي الحقيني عهود تعبانه ام عهود:تعبانه هي وبنها؟ نواف:في الصاله طلعت ام عهود من الغرفه مستعجله وخايفه على بنتها راحت عند الكنبه وقعدت تطالع وجها وشلون شكله مكفخ ..... ام عهود:شصار لها ليش وجها كذا؟ نواف(بتردد):بصراحه ....الهيئه مسكتها ام عهود :شنو الهيئه شلون؟ نواف:يقولون صادوها بمجمع ام عهود:يالمصيبه (وهي تضرب على خدودها)وانت شلون طلعتها؟ نواف:اخذت هوية بندر وطلعتها ام عهود:وليكون بندر درى؟ نواف:طبعا لا لو درى كان الحين تشوفينه هنا ام عهود(وهي حاطه يدها على راسها):ولله ليذبحها ابوها لودرى نواف:هدي بالك انشاء لله خير ام عهود(وهي تصيح):اقولك بيذبحها ضاعت بنتي مني حسبي لله ونعم الوكيل على اللي كان السبب شوي الي ينزل بندر من الدرج بسبب صراخهم... يندر:يمه نواف شصاير؟ نواف وام عهود يطالعون ببعض خايفين من ردة فعله ..... بندر:شفيكم (انتبه لعهود الي على الكنبه)يمه شفيها عهود كذا من ضربها؟ ام عهود(ساكته مو عارفه شترد عليه):....... بندر:يمه شفيك ساكته ردي,نواف شنو صاير؟ وهذا بارت ان شاءالله يعجبكم >>>>الجزء التاسع <<<< سكرت شوق من مشاعل وطالعت رحاب واكبر ابتسامه على وجهها... شوق:سمعتي شقالت روحي البسي عشان تمرنا رحاب:اوكي قامت رحاب متحمسه وطارت عند ملابسها عشان تلبس شوق توها بتقوم من السرير الايدق جوالها رفعته وشافت رقم مشعل ما ودها ترد لانها طفشت منه بس اذا ما ردت بيظل يدق .... شوق(بدون نفس):هلا مشعل مشعل:هلا حياتي,وينك ما تردين؟ شوق(وععع يا شين حياتي منك):بنت عمي عندي بالبيت وكنت قاعده معاها مشعل:اها,طيب انتي شخبارك؟ شوق(يييو هذا مطول):ماشي الحال,انت شخبارك؟ مشعل:دامك بخير انا بخير شوق(اشك):طيب مشعل بغيت شي؟ مشعل:ليش عندك شي؟ شوق:ايوه بطلع مع بنت عمي نتمشى مشعل:وليه ما قلتي انك بتطلعين؟ شوق:ليه تبيني قبل لا اطلع اقولك؟ مشعل:ايه لازم تستاذنين مني قبل لا تروحين اي مكان شوق:ههههههههه(ضحكه نرفزت مشعل)لازم استاذن منك انا ماما وبابا ما استاذن منهم استاذن منك انت مشعل:بس انا غير شوق:لا حالك حالهم ولا حتى هم احسن منك مشعل(منصدم من كلامها وظل ساكت):........ شوق:عموما انا طفشت ومليت من هالوضع خلاص انتهينا مشعل:شلون يعني انتهينا؟ شوق:يعني لا تدق على ولا اشوف رقعة وجهك .باي سكرت شوق الخط قبل لا تسمع رد مشعل وضحكت بصوت عالي تتخيل شكله وهو يسمعها تقوله بكل بساطه انتهينا.... رحاب(وهي طالعه من غرفة الملابس):الحمد لله والشكر,شعندك تضحكين لحالك؟ شوق:لاتتحمدين ربك تحسبيني مجنونه,كنت اضحك على مشعل(وهي تبتسم ابتسامه خبيثه) رحاب:انا من اشوفك تبتسمين كذا يعني مسويه مصيبه انطقي شعندك؟ شوق(وهي تمشي وتوقف قدامها):لا مصيبه ولا شي الا افتكيت منه رحاب:سحبتي عليه؟ شوق:واحلى سحبه ولله كان يقهرني والحين هم وانزاح رحاب:ودامك ما تبينه ليش من البدايه تعرفتي عليه؟ شوق:مزاج رحاب:طيب يأم مزاج روحي بدلي ملابسك عشان ما نتاخر..... ****************** قامت هديل من النوم ولقت نفسها بالمريول حق المدرسه حست انه الالم الي براسها خف رفعت شعرها من على وجها وافتحت عينها بضيق شافت نور الشمس خفيف من الستاره ,شكله العصر طالعت الساعه لقت ال  اف نمت كل هالوقت غريبه ماما ما قومتني قامت من السرير بكسل وتحس كل عظمه بجسمها تعورها قررت تاخذ شاور طويل تريح جسمها بالجكوزيطلعت من الحمام بعد ساعه وحست بنتعاش ونشاط لبست ملابس مريحه ونزلت تحت عند امها لقتها تكلم بالتلفون حبتها على راسها وابتسمت لها امها وردت لها هديل احلى ابتسامه كلها حب وحنان... ام هديل:هديل شفيك حبييتي طولتي بالنوم؟ هديل:مدرى كنت تعبانه شوي ونمت من غير ما احس ام هديل:ليش فيك شي؟ هديل:لا بس شويت صداع ام هديل:اذا تعابنه اوديك المستشفى هديل:هههه لا ماما ما يحتاج امسكت هديل الريموت وجلست تتفرج على القنوات ولما لقت مسلسل سوري(على طول الايام)... هديل(وهي تطالع التلفزيون):ماما بسالك سؤال؟ ام هديل:شنو؟ هديل(وهي للحين تطالع التلفزيون):كنت بسالك عن بابا لله يرحمه ام هديل(استغربت وارتبكت):ابوك شفيه؟ هديل(وهي تلف عليها):بابا شلون مات؟ ام هديل(مسكت دموعها لا تطيح وهي ترتجف بس تحاول ما تبين):ليش تسالين؟ هديل:مدرى انتي عمرك ما قلتي لي شلون مات وطرى على بالي السؤال ام هديل:ابوك لله يرحمه قبل لايموت كان...كان مريض هديل(استغربت واكبر علامة استفهام على وجها):انتي عمرك ما قلتي ان بابا كان مريض؟ ام هديل:ما كنت ابغى اشغل بالك هديل:ماما لله يهديك شنو ما تبين تشغلين بالي هذا بابا ,طيب شنو كان فيه؟ ام هديل(وهي تسترجع شريط ذكريتها وحياتها مع زوجها حمد):كان مريض ...(وهي تحاول تمسك دموعها وتمنع صوتها المرتجف انه يبين)كان مريض بالسرطان هديل(وكان احد كت مويه بارده عليها):سرطان ام هديل تذكرت لما قالهم الدكتور عن المرض وكيف كان صدمه بالنسبه لهم وكيف عانى زوجها من السرطان وكيف عاشت معاه اخر ايامه نزلت دموعها وحده ورى الثانيه حاولت تمنعهم عشان تبين لهديل انها قويه وقادره تتحمل لكن دموعها خانتها ونزلت عشان تطلع الضيق الي فيها وتريح نفسها,هديل طالعت امها وشافت لاول مره دموعها وعرفت انه الي مرت فيه مع ابوها مو شويه.... هديل(من بين دموعها ):وانتي ماما ما فكرتي... ام هديل(عرفت لما طالعت بعيونها شنو تفكر فيه):طبعا لا هذا الي كنت بقولك عليه انا عمري ما فكرت لحظه اني اتخلى عن ابوك وهو مريض بالعكس انا حبيته اكثر لاني كنت عارفه اني بفقده... ما قدرت تكمل لانه انهارت من البكى وهي تتذكر زوجها وكيف عانت وياه قربت هديل من امها وضمتها تخفف الي فيها هي تعودت ان امها قاسيه وما في شي يأثر عليها بسهوله بس لما شافتها تصيح انهارت مثلها واكتشفت شي بامها ما عرفته.... ام هديل(وهي تمسح دموعها):خلاص حبيبتي انا كويسه الحين هديل:طيب حست هديل بألم فظيع براسها مسكت راسها تحاول تخفف من الالم... ام هديل(والخوف واضح منها):هديل شفيك تعبانه؟ هديل(وهي تكابر على امها):لا ولاشي بس شوية صداع ام هديل(وهي مو مصدقه):شوفي وجهك اصفر تبيني اوديك المستشفى؟ هديل(وهي تبتسم عشان تخفي الالم):لا ماله داعي انا بروح انام وبرتاح ام هديل:طيب تبين شي؟ هديل(وهي تقوم ):لا تصبحين على خير ام هديل:وانتي من اهله راحت هديل لغرفتها ورمت نفسها على السرير وهي تحس راسها بينفجر من الالم وتتذكر كلام امها وتخطر ببالها صورت ابوها الي ما حست بحنانه لانه مات وهي صغيره وما تتخيل شكله وهو يعاني من السرطان كانت محتاجه تتكلم مع احد وخطر على طول فيصل ببالها وخذت الجوال تكلمه.... ******************** في القهوه كان فهد قاعد مع صديقه طلال الي ساكن بالشرقيه كانوا يشربون شيشه ويسلفون... فهد:عاد تدري شنو الي يقهرني فيها؟ طلال:شنو؟ فهد:غرورها طلال:عاد انا ما احب البنات المغرورات على الفاضي فهد:لا عاد هذي الغرور انخلق عشانها طلال:ليه هي حلوه؟ فهد(وهو يتذكر شكل شوق الي ما غاب عن باله):حلوه وبس شقولك وشخلي فيها ,وقعد فهد يوصف شكل شوق لطلال الي قعد يتخيل شكلها ووده يشوفها ... طلال:اقوول فهد شرايك تخليني اشوفها؟ فهد(توه ينتبه انه قاعد يوصف شوق قدام طلال وهو يعرف تفكيره الوصخ):نعم شقلت؟ طلال:ها لا ما قلت شي؟ فهد:ايه على بالي حط ببالك هذي بنت عمي طلال:انشاء لله مع انه عادي بالنسبه لي فهد:ايه انت اعرفك طلال كان واحد صايع بكل معنى الكلمه (مخدرات,شرب,بنات)ما باقي الا الارهاب بس هذا مستبعد .... طلال:وانت شتبي فيها دامها مو معطتك وجه؟ فهد:افا عليك انا الي بجيب راسها طلال:وشلون؟ فهد:قصه قديمه بذكرها فيها طلال(باستغراب):قصه ما فهمت؟ فهد(وهو يبتسم بخبث):سالفه سوتها وانا بهددها فيها طلال:شنو هذي السالفه؟ فهد:سالفه خاصه ما تهمك طلال:طيب برراحتك,وتظن انها بتوافق تتزوجك فهد:الا هي الي بتترجاني اخذها طلال:والله انك خطيييييير ودي اشوف وجهها وانت تقولها السالفه فهد:نعم شقالنا احنا طلال:هههههههههه لاحوول اسفين والله قصدي شريف فهد:شنو قصدك شريف انت ما تفهم طلال:فهمنا بنت عمك ذبحتي بنت عمك هذي فهد(طفش منه لانه ما يغير اسلوبه ولا تفكيره):اقوول انا بروح البيت مع السلامه طلال:وووين رايح تو الناس بدري فهد(وهو يقوم):اي بدري خلك بلي انت فيه باي طلال:براحتك وطلع جواله عشان يكلم وحده من البنات الي يضحك عليهم.... *********************** لبست مشاعل وتكشخت عشان اليوم بتشوف بنت عم شوق لاول مره ولازم تكون كشخه قدامها طلعت من البيت من دون ما تشوف ابوها وركبت السياره... مشاعل:شاهين روح بيت شوق شاهين:انشاء لله انسه مشاعل راح شاهين على قصر شوق وهم بالطريق رن جوال مشاعل وكان رقم غريب ما كانت بترد بس مزاجها كان رايق وردت .... مشاعل:الو ...........:هلا ميشو مشاعل(ما عرفت الصوت واستغربت مين الي يعرف اسمها لاويدلعها بعد):مين معاي؟ ..........:هههههههه مسرع نسيتني مشاعل(حاولت تعرف بس ما قدرت):اقوول اخلص مين معاي؟ .........:هههههههه اكيد من كثر الي تعرفينهم ما عرفتي صوتي مشاعل(عصبت منه):الشرهه على انا الي اسمعك سكرت الخط وهي معصبه منه وما عرفت مين هو شبهت على الصوت بس ما عرفت ما تعبت نفسها تفكر لانها وصلت عند القصر... دقت مشاعل على شوق عشان تطلع... شوق:هلا ميشو مشاعل:اهلين انا بره يلا تعالي شوق:اوكي طلعت شوق من القصر مع رحاب ودخلوا سيارة مشاعل.... شوق:هاي مشاعل:هاي شخبارك ؟ شوق:بخير ,اعرفك(وهي تاشر على رحاب)هذي بنت عمي رحاب مشاعل:هاي رحاب(وهي تمد يدها تسلم عليها) رحاب:اهلين شخبارك؟ مشاعل:تمام شخبارك انتي شوق دايم تتكلم عنك؟ رحاب:كويسه انشاء الله ما تحش فيني مشاعل:لا تقول كل خير عنك رحاب(وهي تطالع شوق بنص عين):مع اني اشك بس عشان خاطر ميشو بصدق شوق:هههههه خير من متى المعرفه ميشو رحاب:ما عليك مني على قولت المصرين(خروقي منها وهي تعمر) مشاعل:ههههههه ايه والله صدقت انتي ما عليك منها شوق(تسوي نفسها زعلانه):لا وصرتي معها بعد اجل اطلع ليش اقعد معاكم رحاب(وهي تفتح الباب):يلا تفضلي مع السلامه مشاعل:هههههههه حلوه شوق(وهي تطالع بمشاعل ورحاب): لا والله طيب مع السلامه (وهي تبعد رحاب عنها)بعدي خليني اطلع رحاب:شدعوه شوق نمزح معاك زعلتي شوق(وهي تتدلع):لا تكلميني الشرهه علي بطلعك مع صديقاتي مشاعل:خلاص عاد شوق بلا سخافه رحاب سكري الباب عشان نروح شوق:اخر مره سمعتوا رحاب:انشاء لله عمتي مشاعل:هههههههه حلوه شوق:وانتي سمعتي مشاعل:ها ايه اوكي دقوا البنات على هديل بس كان طول الوقت مشغول او ما ترد فراحوا وخلوها وراحوا مجمع الظهران وبعدين راحوا البحر عشان رحاب ... تعشوا البنات في فرايديز وراحوا جرير واشتروا سيديات افلام وطلعوا ورجعوا البيت.... *********************** في بيت عهود الجو كان متوتر مرره ام عهود ونواف مو عارفين شنو يقولون حق بندر الي كان مره معصب... بندر(وهو مو عارف شي):يمه نواف ما تردون شفيها عهود؟ نواف:هد نفسك يا بندر بصراحه عهود ....كانت بالهيئه بندر(وكانه مو مستوعب):شنو وووووووووين كانت؟ نواف:بالهيئه بندر:يمه الكلام الي يقوله نواف صح ولا انا سمعت غلط؟ ام عهود ما عرفت شنو ترد وهزت راسها بمعنى ايه... بندر:انا اوريها الملعونه ويمسك بندر عهود من شعرها بقوه ويجرها بالارض وامها تمشي ورها وتصيح وتمسك ايد بندر عشان يهدها وبندرما يسمع لها وجرها على الدرج لين وصل غرفتها وحبسها فيها....بعد ماطقها بعنف.. ام عهود(وهي تصيح):يمه بندر حرام عليك خلنا نوديها المستشفى بندر(وهو معصب):يمه هذي بنتك انا متبرى منها وانا الي بذبحها بيدي ام عهود(وهي تصيح وتمسك يد بندر):يا ولدي الله يخليك بندر:لله لا يخليني اذا خليتها حيه دام راسي يشم الهوا طلع بندر من البيت وهو معصب وام عهود راحت عند غرفة بنتها بس ما سمعت لها صوت خافت انها ماتت او صار لها شي نزلت تحت وما لقت نواف موجود خافت تدق على زوجها ويجي يذبحها قعدت على الكرسي بقلة حيله وهي تصيح... **************** رجعوا شوق ورحاب القصر واول ما دخلت شوق الغرفه دق جوالها وكانت خديجه داقه عليها.... شوق(افففف شتبي هذي النشبه):هلا خديجه خديجه(يا كرهيلك):هلا شوق شخبارك سلامات اليوم غايبه؟ شوق(يهمك يعني):لا ابد بس بنت عمي كانت عندي خديجه:اها سلمي عليها,طيب شقلتي على الحفله بكره؟ شوق:يييييو نسيت ما ادرى عشان بنت عمي عندي خديجه(حسافه):يييييو طيب خلاص المره الجايه شوق:مو مشكله اذا راحت قبل بكره بروح معاك الحفله خديجه(انشاء لله تروح):زين انا اخليك الحين اذا صار شي معك كلميني شوق:اوكي باي سكرت خديجه من شوق وهي تتوعد فيها انا الي بكسر غرورك يا شوق انا اعلمك شلون تهددين اختي وتفضحينها ... غزال المراقبه تصير اخت خديجه وشوق طلعت اشاعه في المدرسه انها تدخن وانها مصوره بالبلوتوث عاد البنات وكلامهم يزودون عليه لين وصل للادراه وفصولها عشان كذا خديجه كرهت شوق وحلفت تتنتقم منها اشر انتقام..... .. التعديل الأخير تم بواسطة ŁOUIS ; 07-23-2016 الساعة 05:04 AM |
|
#10
07-23-2016, 05:34 AM
| ||
| | ||
| اهلييييين بنات اسعدني مروركم حبايبي وهذا بارت لعيونكم >>>>الجزء العاشر<<<< يوم الثلاثاء في الليل ال 2 ونص هديل كانت تكلم فيصل وتقوله على اسمعته اليوم من امها وهي للحين تبكى وفيصل يحاول يهديها...فيصل(وقبله يتقطع على بكى هديل):هديل يا قلبي والله قطعتي قلبي خلاص كفايه صياح هديل(وهي تمسح دموعها):والله ما اقدر انت اليوم ما شفت ماما شلون بكت اول مره ادري ان في شي يحزنها لهدرجه فيصل:اكيد هذا زوجها لازم تزعل عليه هديل:لله يرحمك يا بابا ما اتخيل شكله وهو مريض(ورجعت تبكى هديل حساسه وبسرعه تتاثر باي شي حولها وتتعاطف معه شلون لو كان ابوها في السالفه) فيصل:هدووول حياتي وبعدين مو قلنا خلاص ما في دموع هديل(وهي تمسح دموعها بكل رقه ):طيب فيصل(وهو يبتسم لانها اخيرا وقفت صياح):فديت الي يسمعون الكلام انا هديل:ههههه فيصل:فديت هالضحكه دووووم انشاء لله هديل(وهي تبتسم ابتسامه حلوه):تسلم والله من دونك ما كنت اعرف شنو بسوي فيصل:وانا من دونك اموت هديل:سم الله عليك عسى يومي قبل يومك ,فيصل بلييز لا تجيب طاري الموت فيصل:سم الله عليك انتي بعد,بعدين شلون ما اجيب طاري الموت ..الموت حق هديل:ادرى بس اخاف لما اسمع طاريه فيصل(وهو يبي يخفف عنها):افا تخافين وانا معك هديل:اصلا انا ما احس بالامان الا لما اسمع صوتك وادرى انك بخير فيصل:اه وربي احبك هديل(وجها صار احمررر):وانا بعد فيصل(وهو يبي يحرجها):وانتي شنو؟ هديل:فيصل لا تحرجني فيصل:يا حلو اسمي منك,بس ما راح اسكر الا لما تقولين انتي شنو؟ هديل(بهمس):وانا بعد احبك,يلا انا بروح انام تاخر الوقت فيصل(وهو يمسك قلبه الي يدق بقوووه ):طيب يا قلبي بس تغطى زين وقصري على المكيف عشان ما تبردين بالليل هديل:اوكي,تصبح على خير فيصل:وانتي من اهله سكرت هديل منه وحطت الجوال على قلبها طالعت السما ودعت ربها من كل قلب عسى الله لا يحرمني منك... *********************** يوم الاربعاء الساعه 10قامت شوق وهي تسمع صوت بالغرفه فتحت عيونها بثقل ولقت رحاب قاعده ترتب ملابسها بالشنطه... شوق(وهي تعدل جلستها بالسرير):رحاب ليه ترتبين ملابسك بالشنطه؟ رحاب(من دون ما تلتفت عليها):بنرجع الرياض اليوم شوق(قامت من السرير مو مستوعبه الي سمعته):نعم ليه انتي قلتي بتقعدين اسبوع؟ رحاب(رفعت راسها تطالعها وابتسمت):الاختبارات قربت ما بقى الا اسبوعين ابي اروح اذاكر شوق(وهي ترفع خصله من شعرها ):ييييو عادي فيتامين"و"يجيبلك احسن نسبه من دون ما تفتحين الكتاب رحاب(تحاول تضيع الموضوع):وبعدين انتي صارلك كم يوم ما تروحين المدرسه لاني موجوده ما ابيك تلتزمين فيني شوق:رحاب بلا سخافه اقعدي واذا على المدرسه اصلا انا اغيب واجد مو عشان انتي موجوده رحاب:مشاء لله يعني مو عشاني قاعده جد ما تستحين وتقولينها بالوجه شوق:اقووول لا تصرفين الموضوع رحاب:ما عندي صرف من قال شوق:خخخ ما يضحك رحاب:الا يضحك بس ما تبين تضحكين غيرانه مني شوق:مافي فايده منك الا تصرفيني المره هذي بفوتها لك المره الجايه بتقعدين شهر عندي رحاب:لو سمحتي راجعي السكرتيره تشوف جدول اعمالي شوق:ايه بزنس ومن على غفله,خلي الشنط الخدمات يرتبونها انا بغسل وجهي وننزل تحت رحاب:طيب بنتظرك بره لا تطولين دخلت شوق الحمام وجلست رحاب تفكر بالسبب الحقيقي الي خلاها ترجع للرياض المواقف الي صارت لها مع ناصر خلاها تحس بشي غريب اتجاهه وهي خايفه من هالشعور وخصوصا ان ناصر خاطب ومو اي وحده الا بنت عمها وهي مستحيل تفكر بخطيب بنت عمها عشان كذا قررت تبعد عن هنا فتره يمكن تنسى .... ************************ مشاعل ما راحت المدرسه امس كانت سهرانه على الماسنجر قعدت تسولف مع واحد توها تعرفت عليه قامت من النوم بكسل دخلت الحمام وغسلت وجها طلعت من الحمام وراحت تشوف جوالها لقت فيه 3مكالمات لم يرد عليها كان رقم غريب بس لما دققت فيه عرفت انه نفس الرقم الي دق عليها من قبل وسكرت بوجه ما عطت الموضوع اهميه نزلت تحت عشان تفطر لقت ابوها قاعد على طاولة الطعام يفطر.... مشاعل:good moring ابو مشاعل:good moringليه ما رحتي اليوم المدرسه؟ مشاعل(وهي تجلس بالكرسي الي جمبه):ابد بس امس كنت سهرانه وراحت على نومه ابومشاعل:عاد الاختبارت قربت شدي حيلك حبيبتي اوكي مشاعل:اوكي وجلسوا يفطورون بهدوء الا من بعض السوالف البسيطه والعامه صحيح مشاعل البنت الوحيده عند ابوها ومدلعها لكن بالفتره الاخيره متغير وما عاد يهتم فيها مثل اول .... ****************** شوق لبست برمودا جينز فيه زينه سماويه من على الجمب ولبست بلوزه سماويه ضيقه على جسمها والابه حقت البلوزه مويدليها كان صيني رفعت شعرها ونزلت خصل على وجها طلع شكلها مرتب حطت قلوس وردي وحطت كحل بعيونها لونه سماوي رايق تعطرت ونزلت عشان تودع رحاب ..... لقت رحاب وزوجة عمها وامها قاعدين بالصاله .... شوق:هاي ام رحاب:هلا والله شوق رحاب:اخيرا خلصتي تزين رايحه عرس مو جايه تودعيني شوق(وهي تجلس):انت مالك دخل انا جايه اودع خالتي مو انتي ام رحاب وام ناصر:ههههههههه رحاب:لا مدرى من فوق تترجاني اقعد معها شوق:الجني رحاب:ههههههه اجل انتي الجني ام رحاب:ههه رحاب عيب عليك هذي بنت عمك شوق:اي خالتي لا اوصيك هزئيها ام ناصر:يييو شفيكم على رحاب والله انها حبوبه وتمزح انتوا الي مدرى شفيكم تزعلون بسرعه شوق:ماما تدافعين عنها رحاب:خلاص ماما شرايك خالتي تجي عندنا وانتي ماما اقعدي هنا خلي شوق تطلعلك قرون الكل:هههههههههههه في هالوقت دخل ناصر وفهد عشان يقولون لرحاب وامها يطلعون وسمعوا صوت ضحكهم.... ناصر:السلام عليكم, الكل:وعليكم السلام ناصر:ليه تضحكون ضحكونا معاكم؟ ام ناصر:هذا يا ولدي رحاب تقول ليه ما اروح معاهم وتخلي امها هنا عند شوق تطلع لهاقرون ههه ناصر التفتت يطالع رحاب الي اول ما شافته نزلت راسها منحرجه منه على الموقف الاخير الي صار بينهم :مو مشكله وانا يمه خذيني معاك رحاب ما فهمت قصده بس رفعت راسها وطاحت عيونها بعيونه ما فهمت شنو يقصد بنظراته ولا حاولت تفهم وخرت عيونها عنه وجلست تطالع اي شي بالصاله عشان تشغل نفسها... فهد اول ما دخل ما شال عينه من شوق كانت طالعه مرتبه وشكلها مرره غير عن العاده لما يشوفها بس احلى شي فيها الكحل السماوي على عيونها الخضر خلى شكلها طالع رايق كان وده يقعد هنا اكثر عشان يشوفها كل يوم بس امه كل يوم تكلمه عشان يرجعون عشان اختبارات رحاب بس هو حاط بباله انه بالعطله بيجيهم كل اسبوع ..... بعد ما ودعوا بعض طلعوا عمها وعيال عمها من البيت ورجعوا للرياض استعداد للاختبارت وكل واحد شايل بقلبه ذكرى سواء كانت حلوه ولا لا قلوب مو عارفه شنو ينتظرها وشلي بيصير يغير مجرى حياتها للابد... **************** دخل ابو عهود البيت وكان هادئ دخل الصاله ولقى ام عهود تبكى ام عهود ما حست فيه لان تفكيرها كله مع عهود.... ابو عهود(وهو يحط يده على كتفها):لولوه شنو صاير ؟ ام عهود(قامت مفزوعه من الكرسي اول ما سمعت صوته ):ها..لا مو صاير شي ابو عهود(لا حظ ارتبكاها ورجفة ايدها):طيب وشفيك ترجفين كذا وتطالعيني كانك شايفه جني؟ ام عهود(تحاول تخفي ارتباكها):لا وشدعوه جني انت بس شكلك تعبان من الشغل بروح احط الغدى ابو عهود:طيب انا بروح ابدل ملابسي وانزل ام عهود ما صدقت انه ما لاحظ عليها شي ارتاحت انه ما سالها عن عيالها وراحت المطبخ عشان تحط له الاكل عشان ما يشك بشي..... طلع ابو عهود لفوق والتفتت على غرفة عهود خليني اروح اشوفها من امس ما شفتها... راح وطق باب الغرفه بس ما لقى رد وطق مره ثانيه عهود داخل الغرفه سمعت صوت من بعيد بالنسبه لها افتحتت عيونها بثقل من الضرب حاولت تحرك ايدها بس ما قدرت ابوها خاف لانها ما ردت ضرب الباب بقوه لحد ما فتح الباب وتفاجاء لما لقى عهود على الارض وكانت تنزف من امس ومغمى عليها ..... ابو عهود:عهود شفيك منو سوا فيك كذا؟ كان يطالع اثار الضرب عليها منو بيضربها كذا هم طول عمرهم مدلعينها وماحد يتجرا يمد يده عليها شالها ولبسها العبايه وداها على المستشفى على طول وهو نازل شافته ام عهود واستغربت شلون بيوديها وبعدين تذكرت انه ما يدري عنها.... ام عهود:عادل وين بتوديها؟ ابو عهود:بوديها المستشفى مو شايفه حالتها؟ ام عهود(كذبت عليه):ها...لا ما ادرى استنى بروح معاك ابو عهود:بسرعه لا تطولين ولا بروح عنك طلعت ام عهود باسرع ما عندها ما صدقت بتروح بنتها المستشفى من دون علم اخوها ولو ابوها يعرف الحقيقه كان ما فكر يلامسها حتى .... ********************* مشاعل خلصت فطورها وطلعت الغرفه وهي تحس بالملل مو متعوده تجلس بالبيت راحت عند جوالها شافت عندها رساله افتحتها وتفاجات بلي مكتوب... مشاعل ليه ما تردين ردي احسن لارسل للي ورى اسمك كان الرقم غريب ما تعرفه توها بتتصل على الرقم الا تشوف رساله ثانيه منه... مشاعل اذا كنتي بنت خالد الثميمي ردي... مشاعل هنا بغت تموت من هذا الي يعرف اسم ابوها لا واسم عايلتها بعد هي مستحيل تقول لاي احد تعرفت عليه اسمها الكامل فكرت وحاولت تتذكر بس مستحيل تقول لواحد اسمها الكامل حست انها متورطه طرت على بالها هديل دقت عليها على طوول... هديل(بصوت كله نوم):هلا ميشو مشاعل:هديل لحقي على هديل(قامت مفزوعه):خير شصاير؟ مشاعل:تخيلي واحد راسل لي اسمي الكامل هديل(مو مصدقه):نعم شلون يعني؟ مشاعل:راسلي مشاعل خالد الثميمي انا مستحيل اقول لواحد اسمي الكامل هديل:طيب انتي ما عرفتي منو هو؟ مشاعل:لو كنت اعرف كنت الحين متخرعه كذا,طبعا لا هديل:معقوله طيب يمكن واحد من اهلك ويستهبل عليك مشاعل(فكرت شوي):لا ما اظن انا ما اعرفهم زين عشان اعطيهم رقمي وبعدين لو من جد واحد من اهلي جد حركه سخيفه منه هديل:طيب انتي هدي شوي خلينا نفكر بعقل مشاعل توها بتجاوب الا تشوف خط ثاني وكان نفس الرقم... مشاعل:هدول هذا هو يدق انا برد عليه واعرف مين باي ما اعطت فرصه لهديل ترد لانها كانت خايفه انه يسكر... مشاعل(بتردد بس ردت بكل برود ):نعم ..........:ها الحين رديتي مشاعل:خير شعندك راسلي اسمي الكامل انت من وين جبته؟ .........:بصراحه انا ما كنت بتصرف معك بالطريقه هذي بس انتي ما ينفع معاك الا كذا مشاعل(ميزيت الصوت بس متغير عليها):اقوووول اخلص شتبي؟ ........:لا تكلميني كذا لما اكلمك تتكلمين عدل سامعه مشاعل:بعد تصارخ على انت مين.... ........(قاطعها):اسمعي انا الحين قلت اسمك الكامل لك انتي ما تبيني اروح عند dad(ويقلد طريقتها)واقوله عن بنته الوحيده شنو تسوي من وراه مشاعل حست الدنيا تدور فيها من هذا الي يعرف كل شي عنها فكرت شوي لحظه كاني عرفت مين هو... مشاعل:ليكون انت... ........:ها الحين عرفتيني؟ مشاعل(بخوف):انت...ر..راشد راشد(وهو يضحك ضحكه نرفزتها):هههههههههههههه ذكيه والله مشاعل(وهي متنزفزه منه):ليش الضحك انكت انا؟ راشد(وهو للحين يضحك):ههههه لا بس بصراحه ما توقعت استيعابك بطئ كذا ههههه مشاعل:لا والله دمك ثقييييييييل راشد:اقووول احترمي نفسك هذا اذا كنتي اصلا محترمه مشاعل(عصبت):انا ما اسمحلك.. راشد(يقاطعها):وتسمحين لنفسك تقطين بنات الناس بالهيئه وانتي تطلعين منها مثل الشعره من العجين لا وبكل قوات عين تقفلين بوجهي وتسبين امي مشاعل:افففف والحين شنو المطلوب راشد:المطلوب منك تسوينه لما ادق عليك تردين مو تطنشين وبكره بقولك شنو ابغى منك مشاعل:لا والله شغاله عند ابوك انا انا مو فاضيه لك راشد:شاطره تعرفين تردين بعد سمعيني انتي انا مشغول الحين بالليل بدق عليك سامعه وسكر الخط بوجهها وما عطها فرصه ترد عليه.... مشاعل(بكل عصبيه ضربت رجولها بالارض):انا انا ميشو يسكر الخط بوجهي انا بعلمك ياراشد الكلب ودقت على هديل وقالت لها كل الي صار وهي معصبه وتصارخ وهديل تحاول تهديها... ********************** شوق لما راحوا عيال عمها جلست مع امها واخوها شوي بعدين قالت بتطلع فوق الغرفه توها بتطلع من الاصنصير الا تذكرت حفله خديجه اليوم.... شوق(بكل دلع):ماما حبيبتي انتي ام ناصر(عرفت انها تبغى شي منها):ههههه قولي شعندك؟ شوق(وهي تجلس جنب امها ):ماما اليوم انا طفشانه ام ناصر:طيب شتبيني اسوي لك؟ شوق:ماما اليوم عندي حفلة وابي اروح ام ناصر:حفله مين؟ شوق:وحده من صديقات ميشو مسويه حفله Dgوعزمتني ناصر(وهو يطالع التلفزيون):مو لازم حفلات البنات الماصخه هذي شوق(انقهرت من لقافته خايفه يخرب عليها الموضوع):انت مالك دخل انا سالت مامي ام ناصر:ناصر خلك من اختك مالي خلق عوار راس شوق(بدلع عشان تقهر ناصر):ها مامي شقلتي اروح؟ ام ناصر:طيب البنت تعرفينها؟ شوق:ايه مامي البنت مرره كويسه ام ناصر:طيب بس لا تتاخرين؟ شوق:لا عالساعه 7 انا بالبيت ناصر(لف عليها معصب):شنو الساعه 7 وين قاعدين حنا شوق:انت شعرفك اصلا الحفله ما تبدى الا ال 2 شرايك يعني متى يمديني ارجعناصر:يمه بنتك هذي مدلعه بزياده لو انا منك ما اخليها تروح لمصخره مثل كذا شوق(قررت تروح غرفتها قبل امها ما تغير رايها):طيب ماما انا بروح اتجهز باي وطلعت بسرعه قبل لا تكلمها امها اول ما دخلت الغرفه سندت نفسها على الباب وخذت نفس تريح نفسها مسكت جوالها ودقت على خديجه.... خديجه(اول ما شافت رقمها ردت على طوول):هلا شوق شوق:اهلين خديجه ترا بنت عمي رجعت الرياض وانا اليوم بجي معاك الحفله خديجه(فرحت وابتسمت لين طلع ضرس العقل):والله زين خلاص اليوم امرك الساعه9اوكي شوق:مو بدري خليها 10 ونص خديجه:لا على بال ما نوصل لين الاستراحات الطريق ياخذ وقت شوق:اها اوكي طيب انا بجهز لما توصلين دقي على اوكي خديجه:اوكي شوق:باي خديجه:باي سكرت شوق منها وراحت عند غرفة الملابس تختار لبس حق الحفله... ******************** اول ما وصلوا المستشفى كانوا داخلين قسم الطوارئ اخذوها على طول الممرضات لقسم العمليات نادوا على الدكتور المسوؤل وامها وابوها بره خايفين ومرتبكين امها خافت انه تكوت ماتت لانها تنزف من امس غير الضرب الي اخذته .... طلع الدكتور بعد 3ساعات كانت مثل ثلاث سنوات على امها وابوها اول ما شافوه راحوا عنده على طول... ابو عهود(بخوف من الي راح يسمعه):دكتور طمنا بنتي شصار فيها؟ الدكتور(ببرود لانه تعود على مواقف مثل كذا):بنتك تعرضت لاعتداء بالضرب بشكل وحشي غير انها كانت تنزف من امس وفقدت كثير من دمها عشان كذا... ام عهود(تقاطعه وكلها امل ان بنتها ما صار لها شي):بنتي شفيها ؟ الدكتور:للاسف ما قدرنا نسفعها انتم جبتوها متاخر مره البقاء لله ابو عهود(مسكته من يده بقوه):نعم انت شقاعد تقول بنتي ماتت الدكتور:هد نفسك (كل نفس ذائقت الموت)الموت حق علينا كلنا اطلب لها الرحمه ام عهود اغمى عليها ما قدرت تتحمل الصدمه ابو عهود مو مصدق ان بنته راحت منه شال زوجته من الارض وهو يبكى لاول مره بحياته شي مو سهل عليه هذي بنته وتروح منه كذا اكيد ما ارح يتقبل الامر بسهوله... الدكتور طلب من الممرضات يشيلون ام عهود وودها العنايه المركزه لان من الصدمه دخلت بغيبوبه.... ابو عهود(عادل)مو قادر يتقبل فكرة موت بنته والحين زوجته تدخل بغيبوبه وما يدرى بتصحى منها ولا لا... ******************* الساعه 7 كانت شوق بالحمام تتروش طلعت ونشفت شعرها نادت على الكوفيره الي طلبتها من المشغل عشان تسوي شعرها ومكياجها .... سوت شعرها كيرلي لانه يطلع عليها حلو حطت مكياج نفس لبسها ذهبي مع السماوي كانت لابسه نفس لبس ميريام فارس باخر فيدو كليب لها (واحشني ايه)البلوزه الشك الذهبيه كانت شفافه وتحتها بدي ذهبي وبنطلون جينز فيه شك من على الجمب نفس الي بالبلوزه كانت طالعه عليها جنان ما حطت اكسسورات لان البدله فيها شك كثير لبست جزمه(وانتم بكرامه)ذهبيه كعبها طويل زاد من طولها.... الكوفيرا(بعد ما خلصت):يخزي العين شو قمر شوق(متعوده على هالكلام تسمعه كثير):ههه ثانكس الكوفيرا:ما فكرتي تاصي شعرك لانه مشاء لله كتتير حلو شوق(طفشت من لقافتها):بفكر ,خلصتي شغلك الكوفيرا:ايه خلاص شوق:اجل اطلعي وسكري الباب وراك الكوفيرا عرفت انها طرده بس اسكتت عشان لقمة العيش شالت اغراضها وطلعت من الغرفه... شوق:افففف ياشين التلزق شافت الساعه الي على الطاوله وكانت 8ونص باقي نص ساعه تعطرت بعطر من(Burberry)ريحته جنان زادت من جاذبيتها طلعت شنطه ذهبيه من(Dior)حطت فيها الاغراض الي تحتاجها دق جوالها وكانت خديجه... شوق:هلا خديجه:انا بره عند الباب شوق:الحارس دخلك القصر خديجه(مستانسه القصر انا اوريك):ايوه شوق:اوكي جايه سكرت منها ونزلت تحت بعد ما لبست العبايه عشان ما يشوفها ناصر بس حمدت ربها انه ما كان موجود ركبت السياره حقت خديجه ودقت على راج السواق... شوق:راج الحق السياره الي ركبت فيها فاهم راج:انشاء لله طال عمرك سكرت شوق منه والتفتت على خديجه الي كانت تطالعها مبهوره كانت من جد طالعه تجنن... شوق:ههههههه وشفيك تطالعيني كذا شكلي مو حلو؟ خديجه:لا ههه مشاء لله عليك طالعه تهبلين شوق:ادرى خديجه:بس ليه قلتي للسواق يمشي ورانا؟ شوق:عشان اذا خلصت الحفله ارجع معه خديجه:ليه عادي انا ارجعك؟ شوق:لا ما ابغى ما ابي اعطلك خديجه:وشدعوه عادي خليه بس يقعد هنا شوق(عصبت ما تحب احد يمشى كلامه عليها):انا قلت ما ابي مو ما اقدر خديجه سكتت لان شوق باين عليها انها عصبت وتتكلم من جد مع انها ما رفعت صوتها ولا صارخت بس نبرة صوتها خوفتها... خديجه:اوكي .براحتك,عباس روح على الاستراحه مشت السياره لمده نص ساعه لحد ما وصلوا الاستراحه الساعه 10 دخلت السياره الحوش حق الاستراحه كانت الاستراحه كبيره وفيها حديقه من ورى وصوت الDgواصل لين بره من كثر مو عالي شوق شافت شباب داخلين بعدهم صحيح خافت بس بعدين تذكرت ان خديجه قالت لها من قبل انه فيه شباب بالحفله نزلت شوق وخديجه شوق استغربت من خديجه الي تمشى بالاستراحه وكانها تعرفها من زمان ... دخلوا غرفه عشان يعدلون فيها اشكالهم فسخت شوق العبايه وعدلت لبسها وشعرها وتعطرت زياده عدلت مكيجها شوي شافت خديجه الي كانت لابسه فستان اسود علاق لحد الركبه كان عادي وشكلها كان مرتب شعرها فاتحته ومرول على فوق والمكياج كالعاده (فول ميك اب)وحاطه روج احمر شوق كانت اول مره تشوفها متزينه كذا وشكلها حلو بس طبعا قدام شوق كانت ولاشي.... خديجه:يلا شوق خلصتي شوق:يس طلعت خديجه من الغرفه وطلعت بعدها شوق,شوق لما دخلت داخل وشافت البنات والشباب واشكالهم كانت مو مرتاحه ابد مر واحد من جمبهم شكله كان سكران مررره شوق خافت منه كان يتكلم مع خديجه كلام مو مفهوم على الاقل بالنسبه لها خديجه كانت قاطه الميانه وياه تضحك وتسولف كانها تعرفه من 10 سنين شلة شباب واقفين ويشربون شافوا شوق وماتوا عليها شعرها الي فيه خصل ذهبيه تلمع ولا البنطلون الي لابسته كان مرره مخصر على جسمها والبلوزه كانت لاصقه على جسمها ومبينه خصرها المنحوت نحت هم يعروفون خديجه من قبل بس اول مره يشوفون شوق معها راحوا عند جهة خديجه .... طلال:هلا والله بالزين كله خديجه(كانت تموت على طلال لانه كان وسيم ):هلا طلال شخبارك؟ طلال:نسال عنك وينك ما تجين من زمان؟ خديجه:ابد مشاغل طلال(وهو يطالع بشوق من فوق لتحت):ما عرفتينا على الحلوه الي معاك؟ خديجه(انقهرت من شوق وحبت تسوي فيها حركه):هذي شوق صديقتي شوق كانت سرحانه تطالع الناس مو منتبه للي كانوا موجودين الا لما سمعت اسمها... شوق(وهي تكلم خديجه بصوت واطي):نعم بغيتي شي؟ خديجه(ابتسمت لها ابتسامه خبيثه):مو انا الي ابغاك طلال يبغاك شوق لفت وجها لوين ما خديجه تاشر لها اول ما لفت شوق انصدمت من طلال كان حلو الا وسيم وقليل عليه بعد اول شي لاحظته فيه شفايفه الورديه كانت ملفته للنظر وخشمه الطويل سله السيف ولا عيونه المرسومه رسم مع رموشه الكثيفه وشعره الاسود عكس بيايضه ... طلال اول ما شاف شوق انهبل عليها كانت واضحه عيونها الخضر الي صار لونها مع المكياج الذهبي فاتحه مره ولا شفايفها والورج الي حاطته كان شكلها من قريب احلى جنان بس سوا نفسه عادي مو مهتم... طلال(ببتسامه ذبحت شوق):اسمك شوق؟ شوق(انقهرت من خديجه لانها قالت اسمها الحقيقي بس قالت بكل غرور ودلع):ايوه وانت شسمك؟ طلال(ارتبك لما سمع صوتها):انا اسمي طلال شوق:تشرفنا طلال:انا اول مره اشوفك مع سحر؟ شوق:ايوه انا اول مره اجي معها طلال:طيب ممكن اعزمك على شراب شوق(يييو ابتلشت انا ما اشرب بس حبت تجاريه لانه دخل راسها):اوكي راحت شوق مع طلال وعيون كل واحد من الشباب الموجودين عليها كانت تمشى بكل دلع وغرور مشيتها المعتاده وبجمبها طلال الي كانوا كل البنات الموجودين ميتات عليه وشوق كانت مبسوطه والشباب تطالعها لانها تحب تلفت الانظار..... اعطى طلال الشراب لشوق الي مسكته وما ودها تشربه فقالت اسولف معه احسن عشان اضيع الموضوع... شوق(بكل دلع):طلال انت تعرف سحر من زمان؟ طلال(مات على دلعها وابتسامتها الجذابه):ايوه اعرفها من سنه تقريبا شوق:عشان كذا تسولف معاك عادي طلال:وانت ما تبين تعرفيني؟ شوق(طالعت فيه بنظرات ارتبك منها):الا اكيد دام سحر تعرفك اجل انا لازم اعرفك طلال:طيب شنو حابه تعرفين عني؟ شوق:ممم كل شي,تكلم عن نفسك طلال:انا اصلي من الرياض بس ابوي شغله هنا بالشرقيه فجينا وسكنا هنا بس انا ساكن بلحالي مو مع اهلي شوق:ليش؟ طلال:بس انا ما احب الازعاج وابي اخذ راحتي واسوي الا ابيه شوق:ههههههه يعني لا غاب القطو العب يافار طلال(يا حلو ضحكتك):افا انا فار شوق:سوري لا تاخذ المساله شخصي هو بس مثل ينقال طلال:طيب بسامحك بس بشرط شوق:شنو؟ طلال:تاخذين رقمي وتكلميني اليوم اذا رجعتي البيت شوق(ما استغربت طلبه قالت دامك سعودي لازم تختمها كذا):هههه هذا شرطك اوكي بس جوالي مو هنا بالغرفه الي هناك(وهي تاشر على الغرفه الي دخلوا فيها اول ما جو) طلال:مو مشكله روحي جبيه اذا سمحتي يعني شوق(وهي تبتسم):اكيد لحظه بس راحت شوق عند الغرفه وطلال راح عند خديجه .... طلال:سحر ترى هي الحين داخل الغرفه؟ خديجه(فرحت عشان بتكمل خطتها):وليه قاعد مقابلني روح لها قبل لا تطلع.. طلال:اوكي راح طلال عند الغرفه وشاف شوق تدور شنطتها ولما لقتها قعدت تطلع الجوال وهي تدور بالشنطه سمعت صوت الباب يتقفل رفعت راسها وشافت طلال متسند على الباب ويبتسم لها اببتسامه خبيثه ويطالعها بنظرات ارتجفت منها ووقفت كل شعره بجسمها..... ******************** *تتوقعون شنو راح يصير لشوق؟ *وطلال شنو علاقته بشوق؟ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روية بشويش ضميني على الصدر تكفين واذا طلبتك شي لاتمنعيني | نـﭼوى | أرشيف المواضيع الغير مكتمله او المكرره او المنقوله و المخالفه | 73 | 07-30-2015 11:58 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| إلهي طلبتك عونا لشام | الهام بدوي | نثر و خواطر .. عذب الكلام ... | 1 | 06-01-2012 01:38 PM |
| طلبتك أبيك تبتسمين ! | ●أفهمـטּـي تملڪنّـي● | مواضيع عامة | 5 | 07-08-2011 06:52 AM |
| طلبتك يازمـــــن وقـــف قبل لاتنهي أيامـــــي..!! | فاقده قلب حنون | محاولاتك الشعرية | 0 | 01-02-2010 01:14 AM |
5Likes
العرض العادي
