.














.

فلور
~

السلام عليكم ورحمة الله وبركاته
كيفكن شو اخباركن اصدقائي
بيشرفني اني كون من أول الاشخاص اللي بيعملوا برنامج في المنتدى
نوع البرنامج اللي قدمه اليوم : كوميدي ساخر وفكاهي
افتتاح البرنامج : 11|12|2017
اسم البرنامج : مخ طاير وقلب حاير
مساعدتي هي اختي فلوريسا اللي اشتغلت بالتدقيق ع الموضوع
وهي اي وهي لأ وهي غيرها ولالالا لا تقول هيك
الله بيعين ، بعتقد بتعرفوها اكتر مني




اليوم حبيت قدم اول حلقة الي
من الموضوع الي اخترعتو اختي فلور الباكا
ويعتبر موضوع كوميدي
بيتحدث عن انواع الزبائن الاساطير
فعلاً مافي مثلهم في التاريخ ع درجة الغباء اللي هم فيه
مثل ما بتعرفو اصدقائي في عنكدكن زباين بتخلي البائع يكره عمره وفي زبائن ازنخ منن مافي
فحبيت قدملكن انواع هالزباين وان شاء الله ينال اعجابكم
1- عندكن الزبون الي بكون لامم عيديات ومعو كلشي فرايط بالحارة
الزبون: عطيني 3 جبنة
البائع: تكرم عينك ... اي معلم تفضل هدول هن طلع حسابن 23 ليرة
الزبون: (طلع الفرايط من جيبتو) لحظة لو سمحت
2+5يساوي7+2
البائع: بس لو سمحت انو..
الزبون: اي شبك يا زلمة هلأ بتخربطني
البائع:......
الزبون:قديش قلتلي انت
البائع: 23
الزبون: 9+6+5يساوي 20 اممممم ثانية وحدة رايح جيب مكمورة اخي وارجعلك

2-عندكن الزبون الخجلان او المستحي بتحسو مثل واحد فايت على الصف الاول وخايف من الكل جوا
الزبون: مرحب ا
البائع: اهلين يا مئة اهلا وسهلا
الزبون: يعطيك العافية...عندك اثنين بيـ بيبـ سي هي الـ
البائع: عفواً اثنين بيبسي !
الزبون: اااا كولا هي ما بعرف شو
البائع: عفوااااااً !!

3-الزبون الشيف
الزبون: مرحبا يعطيك العافية معلم عم قول عندك قشقوان بالبصل
البائع: لا ولله بعتذر منك هي ما منعمل منا
الزبون: لك سهلة كتير معلم ما بدا شي منحط العجينة شوي قشقوان وشوية بصل
لحسة عسل شوية بقدونس اي يعني مو صعبة
البائع: اهاا لكان هيك بيعملوها حلو حلو
الزبون: اي بدي3 منا
البائع: اسف ولله ما منعمل منا
الزبون: اهممم ...2 زعتر اذا سمحت

4-عندكن الزبون البخيل مثل ما بتعرفوا لحنا وقت نشتغل منعاني ومنتعب
حتى نطالع الليرة ومقابل هي العملة الي منطلعة منحب نشتري شغلة عليها القيمة
او جودة عالية ملاحظة
(الا اذا في حال كنت انت عايش على مصروف البابا)

البائع: هلأ عندك وجبة وسندويشة كريسبي والسندويشة ب12
الزبون: لحظة شوي (طلع ورقة وقلم وبدأ بالحساب كمعادلة رياضية )
اذا كان x هو حجم الخسات بالسندويشة تعتبر 7 غرام
واذا قلنا اللحمة 25 غرام وبتحطولا بصل ما هيك ...... ؟
اممم بتبيعني ياهن فرط ؟
البائع:😤

5-عندكن الزبون الي بكون متوتر بقراره زيادة عن اللزوم وبكون اخذ الشروة
بشكل جدي زيادة عن اللزوم كأنه داخل لعبة من سيربح المليون
او داخل بجريمة يقرر مين القاتل
البائع: هاد هو طلبك ؟
الزبون: ( بفكر وبينفض مخه وما بخلي شي ما بيتذكره وبعدين بقلك اي)
وبعد ما يروح الطلب
بيقول : راح الطلب معلم ؟ بس معلش تروح تضيف لي علي شوية خس وشطه

6-عندكن الزبون الي بفوت يطلب نصيحة البائع
الزبون: يعطيك العافيه معلم عم قول اذا عندك هيك شغله ظريفه
خفيفه نظيفه تكون طيبة
البائع: اي معلم هلق انا شخصياً عم اكل اكله طابخه الشيف جديدة
هيك فية رز مع لحمة مع شوربة خضار على كيف كيفك ازا بدك بحطلك منا
الزبون:انو هيك رز ومعة لحمة اهاا ايواا وظريف هاد الشيف
بالطبق يعني اممم؟ ساويلي تنتين شاورما زكاتك اوكي انا هون قاعد

7-الزبون الي مالل من الاكل ومجرب كلشي وفايت هيك مغامره
انو يكتشف شغلات جديدة
الزبون: مرحبا معلم. بلاقي عندك محمرة.بشطة.ما حدِه
البائع:لا والله بدي اعتذر منك مع الاسف مافي
الزبون: اممم. طيب عندك قشقوان. بيمعط. عالبارد
البائع: كمان لاء للأسف
الزبون: هلق ازا حطيتلي عجينة بالفرن وبعد ما طلعت حطيتلي عليها لحمه
شو بيطلع سعرة هي ؟
البائع: هي مافي منا بالحياة كلا صديقي

8-عندكن الزبون السوري طبعا تحية كبيرة لأهل سورية ومع احترامي الهن << ما انت منهن
اصدقائي ازا الاسم مو لابق اقترحولي اسم لهالنوع من الزباين
الزبون: مرحبا معلم
البائع:اهلا وسهلا فيك استاذ
الزبون: بلاقي عندك سجق
البائع: سجق ولله مافي بعتذر منك
الزبون: يعني ما عندك ؟
البائع: لا
الزبون: ومن هون لهون
البائع: وحياة اختي ماعنا
الزبون: يعني بس هيك تنتين
البائع: عم قلك ماعنا
الزبون: هون كذا هيك
البائع: يعني ليش لحتا اكذب عليك يعني لحنا فاتحين لنبيع. مافي .
يا اخي مافي....لعما
الزبون: اها اممم عندك شي مثل السجق

9-عندكن اغلظ زبون بالعالم وبنفس الوقت هوي اغبى واحد بالعالم
الزبون: مرحبا معلم
البائع: هلا يا مئة اهلا وسلا
الزبون: معلم بلاقي عندك بيتزا تبع 30 ليره
البائع: اي موجود معلم
الزبون: اي وشو سعرها
البائع: خبل1

10-وفي نوع من الزبائن ما لقيتلو اسم صراحة
الزبون: مرحبا معلم
البائع: يا مئة اهلا وسهلا تفضل
الزبون: بلاقي عندك مراية وشط
البائع اي تفضل
الزبون: كامش المشط والمراية وعم يقول شو سعرن
( وهو وعم يتمشط ويتفرج على شخصيتو ويتأمل جازبيته)
البائع: 70 ليرة
الزبون: غاليين خلين عندك يعطيك العافية

11- وهاد الزبون انا بعتبرو ابشع زبون
الزبون: يعطيك العافيه معلم
البائع: هلا الله يعافيك تفضل
الزبون: بلاقي عندك بندورة
البائع: اي عندي تكرم
الزبون: ايوااا اي عطيني كيلو كوسا
هاد الزبون بدو عصر ليمون بعيونه

12- وعندكن اسئل الزبائن هي الزبونة الي بتنكتلك المحل كلو وخصوصا الملابس واخر شي ما بتشتري شي

13-وعندكن الزبون الي بينسى شو كان بدو وبفوت عالمحل وبضل واقف عشر ساعات لحته يتذكر مشان شو هوي جايه

14-وفي نوع من الزبائن وخصوصا البنات ومنهم اختي فلور وهال نوع الي
بتفوت عال مطعم وبتطلب كلشي وبتقول انو هي عاملة رجيم
يا اخي ازا عاملة رجيم وهيك شلون ما تكون عاملة رجيم الله يلطف
(كتبولي اقتراحاتكن )

15-وفي النوع الي مفكر حالو مهضوم وبقلك
الزبون: معلم عندك بيتزا ؟
البائع: اي طبعا
الزبون: نيالك احنا ما عنا
هاد بدو رفسة ماكنة

16-وفي زبون يا الله انا بس شوف هيك زبون بصير وشي يجعني منه
وهو الزبون الي بفوت عال سوبر ماركت وبقلو البائع اقمرني شو بدك
وبقلى بدي اشتري هاد الزبون كان رح يسبب بأنتحاري مرتين



وهنا فاصل كلام موجه للمتابعين الأعزاء اثناء العرض التلفزيوني
خلونا نتفق اصحابي ، هي الفقرة بتكون إعلان للفائزين معي
واكثر الأعضاء اللي فرفحو قلبي بردودهم الطويلة

المهم بما ان حسب القوانين بقدر اعطي جوائز فقط 500 نقود
فـ رح اقسم هالـ 500 نقود لأكثر الردود طولاً في هذه الحلقة
والجائزة بأعلن عنها في الحلقة القادمة

بدي منكم تجاوبو على سؤال الحلقة كمان مع رأيكم فيها وإذا عندكم اقتراحات بتمنى تقدموها بالرد
لتفيدوني فيها ، أو إذا في ببالكم سؤال فكاهي يعطيني فكرة لحلقة قادمة
مثلاً : كيف أنواع الزبائن ؟ * الجواب هو هي الحلقة *
المهم السؤال : لنفترض أعزائي ان أعز اصدقائكم يعمل بائع في سوبر ماركت
ما المقلب الذي يمكنكم صنعه فيه ؟
مثلاً تدخل وترفس الباب أو تحرق له المحل مثلاُ وتقول له محلك منور يا ولد
ورجوني إبداعكم
بإنتظاركم

.




.