|
| |||||||
| شعر و قصائد القسم يهتم بالشعر العربي الفصيح والعامي الموزون, المكتوب بأقلام الأعضاء لا نقبل القصائد المنقولة |
| مشاهدة نتائج الإستطلاع: ما رأيك في الموضوع ((الشعر)) | |||
| ممتاز |     | 1 | 50.00% |
| جيد جداً |    | 0 | 0% |
| جيد |    | 0 | 0% |
| مقبول |    | 1 | 50.00% |
| ضعيف |    | 0 | 0% |
| المصوتون: 2. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
|
#1
05-24-2006, 07:41 PM
| ||
| | ||
 قصيدة!! قصيدة للشاعر الكويتي "[glint]حامد زيد[/glint] " الله اكبر والخطا المقصود مـا يدمـح بتوبـه والمشاكـل دوم تاقـف للبنـادم عنـد بـابـه والبنادم تحـت رحمـة واحـد يغفـر ذنوبـه والبشـر كـل بقـدر عبادتـه يلقـى ثوابـه ما خلقنا الله نعيشك يالزمـن عيشـه كذوبـه ولا خلقنـا لليديـن الخاينـه ننهـب نهـابـه انظلمنـا فـي نهـار عيبنـا نجهـل غيوبـه والرجل لو انه آمن مـا يصـدق مـا جرابـه ما حصل بثنين اغسطس من شروقه لي غروبه يوم يبقى للعروبه جرح مـا يبـرى صوابـه الخطا اللي ما تغفره بالحسـاب اكبـر عقوبـه ما سعينا فـي لقـاه ولا سلمنـا مـن عذابـه ابتلينـا والقـدر غـلاب والنفـس امغلوبـه في سفيه ما يعـرف مـن العمـار الا خرابـه ارتدى ثـوب الجهـاد وقـاد للظلمـا شعوبـه يوم عجل فـي لقانـا عجـل الله فـي ذهابـه بالردى خرب بلاده فوق مـا هيـب امخروبـه زود صـدور الخلايـق مـع كآبتهـا كـآبـه مجرم من خيبته يحصد نجاحـه فـي رسوبـه كـن مـا بالحقـد درب للقلـوب الا مشابـه ادعى فرض الحمـوة والمـروة فـي حروبـه يحسب ان الناس تخشي زمرته والظـن خابـه من يقول ان الشجاعة فالرجل تمحـي عيوبـه والله ان الغـدر مـا زاد الشجـاع الاعيابـه الجهل بالحرب يحني هامـة المذلـول صوبـه مثل ما يحني سبيب الصاهله قـوس الربابـة والبلاد اللي تبات وتصبح الصبـح امحروبـه ماتبنـت فعـل كـاذب لجـل تتحمـل عقابـه ديرة ولها سيادة شعب مـا هيـب امغصوبـه تحتمل غلطه سفاهة حكم من حضـرة جنابـه الوطن دونه رجـال للعـدا صـارت عقوبـه ما تعرف من التفادي والخطـر كـود إرتكابـه كا من حـاول لقاهـم مـا اتقاهـم عزروبـه وان تلاهم وابتلاهـم يسحبونـه مـن ثيابـه دمنا لا خضب تـراب الوطـن زاده خصوبـه ودمعنا لا لامس القـاع الوجـل طهـر ترابـه وطبعنا لا ثارت الهيجا وشـق السلـم ثوبـه من نصانا مرحبا به مرحبـا بـه مرحبـا بـه اجتمعنـا والبحـر قـدام وايقـنـا ركـوبـه والليالي مـا تثمـن طعنـة الرجـل وصوابـه كـا مازدنـا صلابـه ضدهـا زادت صعوبـه وكل ما زادت صعوبه=وامحلت زدنـا صلابـه وقتها ما نعـرف امـن الامتحـان الا وثوبـه نبتلا وضلوع شجعان العرب تحطـب حطابـه اتجهنـا للكويـت ولا عرضنـا عـن دروبـه والعمر عيـا يسـاوي عندنـا جنـح الذيابـه اتحدنـا للعمـار جيـوش لجيـوش امعقوبـه وانطلقنا من ربـوع المملكـة عـز ومهابـه ما ذخر عنا زعيم المملكـة لـو ربـع طوبـه بيض الله وجه ابو فيصـل ولا فيهـا غرابـه عادة الرجل الخليجي لا انظلم شبـت شبوبـه والتكاتـف مـا يزيـد المسلميـن الا قرابـه تذكرون بيوم تحرير الوطن من مـن سطوبـه كيف يمطرن الهمايل والوطن تـروي هضابـه دوبه يغسل القبور الطهـر مـن الـدم دوبـه دمع عينين الكويت اللي تحـدر مـن سحابـه لا تكف الدمع عينـك كـل مـا زود صبوبـه البكـا مـا زاد حسنـك بالعيـون الا ذرابـه يالقلوب الممحلة لا رحـم ابـو منتـي قلوبـه يا عـداة المسلميـن ولعنـة الديـن وكتابـه يا لكلاب اللي تنابح بالشهـر عشريـن نوبـه واقلعـوا عنـا غثاكـم لعنبـوا منتـم كلابـه الكويت... ولا بدال بلاد اخـو مريـم رحوبـه من بعد ما صار مالا يحسب المسلـم حسابـه جنة الله في ثرانا صاغهـا الخالـق عجوبـه فتنة عيـون البنـادم كـل مـا طـول غيابـه درة البحر الخليجي من شمالـه لـي جنوبـه شجرة تكبر ويكبـر ظلهـا عطـف ورحابـه وش يغيض الا هنوف تنذبـح يـوم الخطوبـه ردها عقب الله..اللي لا انتهض للحـق جابـه جابر ولا غير جابـر حاكـم شعبـه رضوبـه الزعيم اللي يهـاب المـوت منـه ولا يهابـه قايد لنهضة ثبات الشعـب نبـراس العروبـه جامع حكمه شداد الرأي واعـراف الصحابـه عقله اركد من ثبات طويق واخطاه امحسوبـه كن نصف العقل ثقل ونصفـه الثانـي لبابـه دامه الله قايد محبـوب ف...بـلاد امحبوبـه وعزه الله عزوة للشعب مـن يـوم اعتزابـه والرواسي ما تهاب الريـح لا هبـت هبوبـه والمزايـا عنـد حكـام البلـد جـات اتشابـه يا سعد... يا سعد من خـلاك حكمـه تنوبـه خصك الله ياطويل العمر فـي حسـن الانابـه انت ما تفخر بنسبـك للكـرام وانتـه جيوبـه الكرم نفسه هو اللـي يفتخـر بـك بانتسابـه يا ولي العهد يا زبن الرجـال اليـا انتخوبـه يا ذراع الشيـخ جابـر بالسـلام وبالحرابـه شعبكم رهن الاشاره سمع وعيـون إمعصوبـه كلنا يـوم الملاقـي لا بـه مـن دون لا بـه والولا لإخوان مريم بالفـدا يفـرض وجوبـه مثل ما تفرض زكـاة المـال لا كمـل نصابـه ويالكويت الله يديمـك طـول الايـام مهيوبـه ويا عساها من شفاهي للسمـا دعـوة مجابـه قلتها والشعـر كنـي تـارك دوبـي ودوبـه يحرث قلوب الخلايـق وازرع بـذور الكتابـه شاعـر مالـد شوفـه للقريـب وقـال توبـه التفت لا قصى طموحه وانطلق بـاول شبابـه والشعـر مااحـدن يعيبـه لـو يطـول وبـه عذوبه=بس لي كلمة اخيره والكلام اسد بابـه كلمة من وقت قيلت وامست سنيـن امحجوبـه جيت ابنطقها عـن لسـان الخلايـق بالنيابـه بالعرب سبة ضيـاع العالـم النامـي شعوبـه والتكاتـف مـا يزيـد المسلميـن الا قرابـه [glow=FF0000] و شكرا صوتوا لا تنسون!!:88: :88: [/glow]
__________________ يودعكم عين الســــــــحر!؟ |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| توفيت امه فكتب قصيدة ابكت من لا يبكي ........ | AminoLoLo | قصص قصيرة | 22 | 10-09-2007 11:33 AM |
| قصيدة ليس الغريب غريب الشام واليمن | أبوعبدالرحمن | خطب و محاضرات و أناشيد اسلاميه صوتية و مرئية | 17 | 04-29-2007 04:12 PM |
| قصيدة مأساة هندي | abu el3ees | أرشيف المواضيع الغير مكتمله او المكرره او المنقوله و المخالفه | 7 | 02-13-2007 10:34 PM |
| نصائح هندية + قصيدة هندية | حور العين | أرشيف المواضيع الغير مكتمله او المكرره او المنقوله و المخالفه | 10 | 10-15-2006 12:54 PM |
| قصيدة .. بعــــــــــــد وفرااااااااااق ... | khlodi | شعر و قصائد | 8 | 09-20-2006 11:06 AM |
كل الشكر لأبو نجم للتوقيع المذهل
العرض العادي
