عيون العرب - ملتقى العالم العربي

العودة   عيون العرب - ملتقى العالم العربي > ~¤¢§{(¯´°•. العيــون الساهره.•°`¯)}§¢¤~ > أرشيف المواضيع الغير مكتمله او المكرره او المنقوله و المخالفه

أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه.

 
 
LinkBack أدوات الموضوع انواع عرض الموضوع
  #51  
قديم 09-28-2009, 01:33 AM
 
رد: معذبة قلوب الرجال رواية رومنسية مره

  #52  
قديم 09-28-2009, 01:35 AM
 
رد: معذبة قلوب الرجال رواية رومنسية مره


الجـــــــــزء الــــــثـــــــــانـــــي عشــــــــ12ـــر

رجعــــــت عبير للـ بيت مع فيصل...
فيصل على طـول رااح للـ غرفته..اما هي جلست تتفرج ع التلفزيون..
وتذكرت انها مواعدهـ منال ع المسن
فـ دخلت...
كان الـ اون لاين...شذى ومنال والعنود وناديه..
عذبتنيـ بصمتكـ..موموجود غريبـه..العاده 24ساعه اون لاين

منـال:
هــــــــ والله وغلا ـــــــــــلا

عبير:
هلا بكـ..

منـال:
اخبـارك ياعسـل..؟

عبير:
تمام التمام..انتي؟

منال:
بـ خير

عبير:
وش فيك بـ الموت تردين

منال:
معليش...برب

عبير:
تيت

سكــــرت منال المحادثه من عبير ودخلت محادثه مع ايميل
التوبيك حقه
" baby girl you can be my cinderella"

التوبيك توبيك ولــــد...بس هـ الايميل ايميل صديقة ناديه
يمكن هي اضافت الايميل الغلط

فـ الاخيـر

منال:
Hi

baby girl you can be my Cinderella:
heey

منال:
كيف الحـال؟

baby girl you can be my Cinderella:
fine…u

منال:طبعا تتظنز
بـ خير الله يسلمك..

baby girl you can be my Cinderella:
lo0o0o0o0o0o0ol

منـال:
ماعندك حروف عربي؟

baby girl you can be my Cinderella:
ألا

منـال:
^_^..ايوه كذا احسن

baby girl you can be my Cinderella:
sorry,,but idon't know who r u

منـال:تجاريه..ولو انه قاهرها
Ok..iwill tell u

baby girl you can be my Cinderella:
هههههههههههههههههاااااااي....خليتك تتكلمين انجلش

منال:
والله ماعرفت لك

baby girl you can be my Cinderella:
انا اختبرتك...انا عارف انك تبيني اتكلم عربي..

منـال:خسااااااااارهـ
Ok...الجيات اكثـر

baby girl you can be my Cinderella:
لووول..أيـوه...من معي؟

منال:
انا سويت لك آآد على انك وحده تقرب لي بس التوبك حقك حق ولد :S

baby girl you can be my Cinderella:
اممممممم...يمكن خطـاء مطبعي...لو تركزين الاييميل مايبين اذا ولد او بنت..

منـال:
اهـاا...طيب عندي سؤال

baby girl you can be my Cinderella:
تفضلي

منـال:
التوبك اللي حاطه ,عندك اغنيته؟

baby girl you can be my Cinderella:
عندي وعندي الريمكس

منـال:
قل والله؟؟...اعترف انت من أي كوكب؟

baby girl you can be my Cinderella:
يؤ...ليش؟

منال:
مافي واحد سعودي يعرف الريمكس لانه مابعد انتشر مره زي الاغنيه الاولى حقت نفس المطربه

baby girl you can be my Cinderella:
لالا انا كنت اعرفه لأني قبل كم شهر ماكنت هنـا..ليش الاخت مو سعوديه


منال:
الا


baby girl you can be my Cinderella:
خخخخخخخ...اجل انتي سعوديه..حسيت من لهجتك..من اهل نجد صح؟

منـال:
ايه..انت..حجازي صح؟

baby girl you can be my Cinderella:
هههههههههههههههههههههههههه لا.....ليش حجازي؟

منـال:
مدري حسيت

baby girl you can be my Cinderella:
احسـاسك غلط

منـال:
اقول ماتلاحظ اني جالسه اسولف معك...وانت غريب..يالله باي

baby girl you can be my Cinderella:
أفـااا...شدعوهـ

منـال:
انت ولـد؟..ولا ماتدري

baby girl you can be my Cinderella:
طيب طلع مني تصرف تضطرين تعطيني بلوك؟

منـال:
امممممممممممم....لا

baby girl you can be my Cinderella:
طيب ليش البلوك؟

منـال:
ياخي والله انك ولد مايصلح

baby girl you can be my Cinderella:
طيب اعتبريني بنت

منـال:
هههههههههههههههههههههههههههههههههههههههههههههههههه ههههه
ههه طيب بس والله ان بدر منك أي تصرف بصكك ببلوك>>متعوب على بدر

baby girl you can be my Cinderella:
هههههههههههههههههههااااي ...طيب..

منـال:
خخخخخ..خلاااص

baby girl you can be my Cinderella:
طيب وش اسمك؟

منـال:
لازم؟

baby girl you can be my Cinderella:
ههههههه طيب بقولك انا اول...اسمي طلال

منـال:
الله احب هـ الاسم...مثل اسم ولد عمي

baby girl you can be my Cinderella:
الله يسلمك..>>مستحي مايدري شيقول

منـال:
ههههههههههه استحيت؟

baby girl you can be my Cinderella:
اييه..احمرت وجنتاي

منـال:
هههههههههههههههههههههههههههههههههههههههههههههههههه ههههههههههههههههههههههههههههههههه

baby girl you can be my Cinderella:
خخخخخخخ

منـال:
تخيلتك محمره وجنتاك

baby girl you can be my Cinderella:
خخخخ...وكيف شكلي حلوو؟

منـال:
اممممممم..مو مره

baby girl you can be my Cinderella:
ههههه طيب يالله قولي اسمك..ابغاا اعرفه

منـال:
ميمو...هع

baby girl you can be my Cinderella:
تدرين وش عجبني فيك شي

منال:
وشو؟

baby girl you can be my Cinderella:
شكلك مو راعية اولاد..لانك ماتبين تقولين اسمك...صح علي؟.. لو وحده ثانيه ماعندها عادي..

منـال:
اخـاف..وبعدين اخـون ثقة اهلي...

baby girl you can be my Cinderella:
صدقيني انا ماراح اسبب لك ضرر...العلاقه اللي بينا ماتتعدى حدود النت..انا مثلك مو فاضي للـ بنات..بس مدري ليش كلمتك

منـال..هئ هئ..هذا حكيكم يالاولاد:
والنعم والله

baby girl you can be my Cinderella:
ههههههههههههه ادري انك مو مصدقتني...بس مع الوقت كل شي بيتضح..

منـال:
هههههههههههههههههههههه..ماشالله عليك ملكع..

baby girl you can be my Cinderella:
مايبيلها شي...ماتحتاج لكاعه

منـال:
اووكي طلال...انا لازم اروح انام..تامر شي

baby girl you can be my Cinderella:
سلامتك..

منال:
الله يسلمك .....باي

baby girl you can be my Cinderella:
بايات

وطلعت


سكرت عبير...انتظرت منال اللي مارجعت حتى بالمحادثه الجماعيه مع عنود وشوشو مالها حس..

عنــــد منـال
هـ الشاب سحرها..بـ اسلووبه..كلامه..حتى ذكاءه...انا الغبيه كنت خبله..اكتشفت بيني وبنيه قواسم مشتركه كثيــــره..بس لازم احذر


مــــــن بـكره

نـزلت عبيـر..
كان في ام فيصل عزوز وسلطان ونوف منى ومجود.......وفيصل
الكل متجمع
نوف:مااااااااافي عزيمه اليوم عبوووووره
عبير اكتفت بـ الابتسامه..
ام فيصل:وينتس يامي مالتس حس اليوم مانزلتي تفطرين؟
عبير: معليش يمه مابي..ماكان لي نفس
عزوز:مالك نفس ولا...النـــــوم سلطان
سلطان:ياخي ارحمني...
عزوز:لا..ماراح ارحمك الا لين حطوك في قبرك
ام فيصل:عزيّز..ياشين حتسيك؟
عزوز:يمه انتي ليش ماتحبيني؟
ام فيصل:انقلع مناااااك
فيصل:عبير ليش واقفه تعالي اجلسي..
جلست عبير بجنبه..عشان اهله بس
منى:عبووووره...وش فيك وجهك مو بحلوو
عبير:هاه؟
نوف:ههههههههههههه..وش مو بحلوو..قولي متغير..مو على بعضك..وش موب حلوو؟
منى:كيفي..هاه عبوره
عبير ماكانت تنام..ولا لها نفس تاكل..وتفكر كثير..ولا تتكلم زي اول..
عبير:كيف؟
منى:وجهك...تعبانه
نوف:منكن حااااااااااااااااامل
عبير:لا موب حامل
ام فيصل:وش دراتس
عبير ناظرت فيصل عشان ينقذها..هو فهم
فيصل:لا مو حامل..
نوف:وش دراك؟
فيصل:ادري
عزوز:اييييه
فيصل:ترا في نعله هنا
عزوز:انا قلت شي؟
فيصل:جـــــــرب
نوف:عبوووووووره مافيييييش عزووومه
عزوز:عزومه...وش تحسين فيه انتي؟
نوف:سخييف..ملييغ..فااشل
عبير:ليش؟
نوف:اجلوووها يقول فصوول
عبير ناظرته ولا كلف عمره يقول لي
فـ قررت تردها له..ماسألته عن السبب سألت نوف
عبير:ليش أجلوها؟
نوف:اممممم..مدري
فيصل:انا اعرف بس لو انك سألتيني
عبير ماأهتمت تعرف..بس هي كانت تبي تدخل معهم وتنسى شوي فيصل
عزوز:ليش مانطلع؟
ام فيصل:رح انت واخوانك اليوم خالتك ايمان جايه
سلطان بـ ملل:يادييييين امي
ام فيصل:سليطييييين!!
سلطان:هاه...احد قال شي؟
عبير ومنى:ههههههههههههههههههههههههههههههههههههه
رن جـوال عبير
نوف من لقافتها تبي تشوف مين المتصل
نوف:شووووشوووو
سلطان:ارحبوووووو
منى ونوف:ههههههههههااااااي
عبيرابتسمت له:انا طالعه..
وطلعت
عبير:آلوو
شذى:هلاوالله وغلا
عبير:هلا بك..
شذى:وش في صوتك..
عبير:مافيني شي
شذى:لالا مو معجبتني
عبير:ليش؟
ذشى:صوتك مو حلوو..متغيره مره عبوره
عبير:مافيني شي خلاااص..لاتضغطين علي



baby girl you can be my Cinderella:
halla walllh

منال:
هلابك

baby girl you can be my Cinderella:
kifk?

منال:
تمام التمام...u

baby girl you can be my Cinderella:
b5eer

منال:
انت للـ هدرجه مو مصدق انك سعودي؟

baby girl you can be my Cinderella:
y?

منال:
ماتعترف باللغه اللي اسمها عربــــي؟

baby girl you can be my Cinderella:
ههههههههه..اوكي كذا؟

منال:
ايه..

baby girl you can be my Cinderella:
متعود اكتب كذا..وش اسوي؟

منال:
لا لازم تتعود

baby girl you can be my Cinderella:
o0k اصبري علي شوي..بس الاختصارات شر لابد منه


منال:
طيب اهم شي تتكمل عربي

baby girl you can be my Cinderella:
امممممم...ايوه وش عندك من علووم؟

منال:
اليـوم كان بيكون وناسه بس للـ أسف..

baby girl you can be my Cinderella:
ليش؟

منال:
كنت بجتمع مع قريباتي..

baby girl you can be my Cinderella:
اهـــــاا

منال:
وانت؟

baby girl you can be my Cinderella:
انا كنت بطلع مع اخوياي..بس هونت

منـال:
مع احترمي الشديد لك..انت غبي

baby girl you can be my Cinderella:
ليش؟

منال:
في احد يعاف الطلعه؟

baby girl you can be my Cinderella:
انــــــــــــــــا

منال:
ارحمك

baby girl you can be my Cinderella:
ههههههههههههههه انا اللي ارحمك


منال:
يوووه لازم تقلب المواجع يعني؟

baby girl you can be my Cinderella:
هههههههههههههااااي

منال:
ايه اضحك وش عليك

baby girl you can be my Cinderella:
لالا خلاص رحمتك

منال:
حلوو

baby girl you can be my Cinderella:
يعني انتي ماتطلعين

منال:
الا..بس مو على كيفي طبعا..يعني تعرف لازم احد يطلع معي يمشيني..وألخ

baby girl you can be my Cinderella:
ماعندك اخو؟


منال:
الا...ومايقصر والله..بس..ودي يكوون عندي سياره واطلع واروح للـ جامعه

baby girl you can be my Cinderella:
سيـــــــاره؟...يعني تسوقين؟؟


منـال:
لا سياره اصور معاها؟؟..شرايك بـ الله

baby girl you can be my Cinderella:
هههههههههه...بس السياره لها سلبيات مثل مالها ايجابيات..

منـال:
انا راضيه

baby girl you can be my Cinderella:
طيب انا اقولك..بحكم اني دارس برا فـ اعرف..

منـال:
سمعنا

baby girl you can be my Cinderella:
واحد اعرفه..متزوج وجايب زوجته للـ امريكا..لآنه بيحضر للـ دكتوراه المهم انه طوول الوقت وشغوول..عن زوجته وعياله..وبما ان هنـاك قيادة المراءه شي مسموح..فـ كل شي فوق راسها..تروح للـ سوبر ماركت.وبعدين تجيم عيالها..وتطبخ الغدا..وغيره و غيره..وهو يجي يلقى كل شي مخلص وجاهز

منـال:
يؤيؤيؤيؤؤؤ..وش هـ الزوج النجس؟؟

baby girl you can be my Cinderella:
شفتي كيف

منـال:
هع..طيب انا مو متزوجه؟..

baby girl you can be my Cinderella:
طيب بتقولك امك..روحي جيبي من البقاله كذا..روحي جيبي من الصيدليه كذا..و..و.. والخ

منـال:
ايييييه والله..انا مابزيتها في روحي جيبي من فوق..تقولي روحي جيبي من البقاله

baby girl you can be my Cinderella:
ههههههههه يالله عاد تقولك روحي للـ سويدي جيبي الشي الفلاني

منال:
لا والله اني كنت امزح ماااااابي اسووق

baby girl you can be my Cinderella:
هههههههههههههههههه..احسـن شي..


مشعل:انا طالع تبين شي
هيا:سلامتك
مشعل يبتسم:اووكي..مع السلامه
هيا:مع السلامه
طلــــــع مشعل اللي كان مواعد نايف
نايف:هلااااااا شعوووول..
مشعل:هلابك
نايف:كيف الحـال؟..وكيف المدام..وكيف شغالتكم؟..وكيف....
مشعل:خلاااااص كلهم بـ خير..يؤ
نايف:ههههههههههه..الا وين طلالووووهـ..طارق..وفهد والباقين
مشعل:وانا وش دراني
نايف:يعني مو مجتمعين العاده جمعه يجتمعون صح؟
مشعل:يمكن في ملحق طارق
نايف:يمكن دق على طلول
مشعل:وش طلول دق على طارق
نايف:لااا..دقيت عليه مايرد..
مشعل:طيب
ودق..
مشعل:هلااااا..شلونك؟...دووم..الا اقولك..وين الشله؟....ايييييه...طيب..اووكي..طيب اذا صاروا في بدق عليك..يالله..مع السلامه..
نايف:هاه؟..شقال؟
مشعل:مايدري هو بالبيت
نايف:اووكي خل نروح نجرب حظنا
مشعل:يالله


baby girl you can be my Cinderella:
اووكي..ميموو..انا طالع تامرين على شي؟

منــــال:
ويـن؟

baby girl you can be my Cinderella:
الربــع داقيـــــن..يحنشون

منـال:
خخخخخ..اووكي..


baby girl you can be my Cinderella:
طيب متى اشوفك؟

منال:
نعم نعم نعم نعم نعم؟

baby girl you can be my Cinderella:
هههههههههههههه..اقصد متى اشوفك اون لاين

منال:
اييييه اشوى...بـ الليل

baby girl you can be my Cinderella:
اووكي..مع السلااامه

منـال:
مع السلااااامه


وطلــــــــــــــــع


منى تناظر شعرها:ودي اقصه
نوف:ايه والله وانا بعد..ودي اقص اطرافه
منى:شرايك نروح للـ مشغل؟
نوف:الحين
منى:لا بعد سنه..ايه الحين
نوف:ميب جايه خالتوو؟
منى:لا هونت..دلال بتروح للـ صديقتها
نوف:اكشـــــــخ
منى:يالله اجل خل نروح
عبير:لاااااا انا ابي اروح للـ مشغل..خلوها وقت العزيمه عشان تصير روحه وحده
نوف:وانتي بتروحين للـ مشغل عشان عزيمه؟
عبير:لا..بس يعني رايحين رايحين..خذوني معاكم
نوف:موب لازم..عندك شغالة مجوودي تعرف تسوي عمايل(جدايل او ظفاير)
عبير:لالا وشو عمايل انتي بعد..مابي
منى:خلاص خلاص..اليوم ويوم العزيمه..حل وسط
عبير:اخاف تجحدوني
نوف:انا من ناحيتي اقولك من الحين بجحدك عشان بس ماتتفاجئين
عبير:منى؟
منى:لا ماراح اجحدك..بس ان جا دحمان.وش اسوي عاد..
عبير:يووه..يالله امري لله
راحـــــت فوق عشان بتقول للـ فيصل..وتاخذ عبايتها
طقت على فيصل الباب
فيصل:اخلي عبير
دخلـت
عبير:ابي اروح مع خواتك للـ مشغل
فيصل:عشان؟
عبير:اممممم..تعرف حركات الحريم..
فيصل:اووكي..
طلعـت..

لبســـت عبــــايتها وركبــــت


احمد:قلبووو..مافي اخبـار عن خويتك؟
اثير:أي وحده؟..عبير؟
احمد:ايه
اثير:انت وش فيك عليها
احمد:لانها هي الوحيده اللي تقدر تخليك تطلعين...ابي اشووفك
اثير:مولازم انسااهاا..هي اصلا من تزوجت وهي ماتطلع
احمد:متزوجه؟
اثير:ايه..
احمد:مين؟
اثير:ولد عمها اتوقع..واحنا وش علينا منهم؟
احمد :لا ابد..ايووه طيب كيف اشوفك؟
اثير:مدري..كان البرنسيسه رضت تطلع..ولا مالنها نصيب
احمد:اقنعيها..
اثير:اووكي..بس ماراح تشوفها
احمد:ههههههههههههههههه...لالا مو مهم هي اهم شي انتي
اثير:ياخي احبك شسوي؟



نايف:قايل لك عند طارق
مشعل:طيب متى بيفتح ذا كلف
(كلف سبه عند الاولاد بس ماعرف معناها خخخخخ)
نايف:بـدق عليه



نوف:روحي للـ(......)
منى:لا مايعجبني قصهم وععع
عبير:خل نروح للـ(......)..انا رحت له مرره مره حلوو قصهم واستشوارهم وكل شي
منى:اووكي على مسؤوليتك
عبير:هههههههه طيب
وراحـــــــــــــــــوا للـ(.....) خخخ


كان فيصل جالس في غرفته فاضي لاشغل ولا مشغله
ورن جــــــــواله
فيصل:آلووو؟
حمد:هلاوالله بـ خووي
فيصل:هلا بك
حمد:اخبارك؟
فيصل:بـ خير..انت؟
حمد:تمام التمام
فيصل:وش عندك دااق
حمد:افـاا...
فيصل:اخلص علينا
حمد:انا بصير احسن منك وبقول...خل نطلع انا عازمك على حسابك
فيصل:هههههههه والله انك كريم ياخي
حمد:ههههههههههه شفت كيف؟
فيصل:طيب بس ترا مانيب جايب بوكي
حمد:اجل جب معك مخدتك عشان تنوم في القسم
فيصل:ابووك يالتحجير
حمد:هههههههههههههه يالله عاد تعال..
فيصل:طيب..تعال مرني
حمد:اووف ولو ان كان ودي انت اللي تمرني بس يالله
فيصل:ليش ووين سيارتك
حمد:فلووس البنزين من يدفهعا؟؟
فيصل:هههههههههههههههههههه ياخي انت كريــــــم..وش يقرب لك حاتم الطائي؟
حمد:ههههههههههههههه ولد عمي... يالله استعد انا جايك
فيصل:اووكي...فـ امان الله
حمد:فـ امان الله


نوف:عبووووور شكلك خطيـــــــــــــــر....خقيــــــــــــت...لالا مقدر مقدر..اختنا ومرة اخونا على عيني وراسي...بس كذا تصيرين احلى مني ..لاانا اغـاااااار
عبير تغمز لها:ماراح اخذ بعض الناس
نوف أكتأبت من طاري بدر
منى:الله الله الله الله...ايه الجمال دا كلووو؟
عبير:حلووو؟
منى:الا تهبليــــــــــــــن...
عبير:عيونك اللي تهبل..هع
نوف:روحي شوفي شكلك بالمرايه
عبير:اوووكي ولو اني خايفه يطلع شين

وراحــــــــــــت عشان تشوف نفسها...
كانت مدرجته على قصة الورده...
صايره كيووووووووته
ابتسمــــــــت للـ شكلها


شذى:نوال...متى بتجينا؟
نوال:انتي عارفه يوم الاربعاء هو وقت جيتي لكم
شذى:الا انتي بـ أي شهر؟
نوال:الثامن
شذى:الله وناااااااااااسه...بقى شهر...بقى شهر..بقى شهر
نوال:ههههههههههههههه...
شذى:وتجين عندنا 40 يووم..عصبن عن محيميد الدعله
نوال:شذى!...وش قلنا
شذى:مشكلتك ماترضين عليه
نوال:رجلي...وش تبيني اصفق لك لين سبيتيه ؟
شذى:اوووف منك....اقول نوال...امي تناديني تبين شي؟
نوال:سلمي عليها...
شذى:يبلغ..
نوال:مع السلامه
سكـــــــــرت نوال من شذى
وجلست تفكر بـ حالها مع محمد...
هو ليش كذا؟..ليش كل شي مايعجبه ولا يوافق عليه..لازم القى حل..من جد شوشو صادقه لي متى وانا على هـ الحال؟؟...

محمد:اللي واخد عألك
نوال:هلا..معليش كنت سرحانه
محمد:فيني؟
نوال:ايه
محمد جلس وكن جازت له السالفه:ايوهـ؟؟
نوال:وشو؟
محمد:وبعد وكنتي تفكرين فيني بـ ايش؟
نوال:ولا شي..انا برقد لي شوي..تعباانه
محمد:اووكي..
وراحــــــــــــــــــــــت
نوال صارت تتضايق من تصرفات محمد لانه يحب نفسه..نفسه وبس..هو يطلع ويروح ويجي.كل شي..اما هي لا..بس بيت اهلها ولا هوب دايم..
انـــــا لازم القى حل..


فيصل:هـ المكان حلوو
حمد:ياحبك لـ محلات الكوفي
فيصل:هههههههه تصدق قبل لانروح للـ مزرعه رحت انا وعبير للـ د.كيف
حمد:مسكينه بيطلع من خشمها
فيصل:والله الجو حلووو..السماء الصافيه والغيوم الزرقاء
حمد:أي زرقاء يرحم امك؟..من منجحك في التعبير؟
فيصل:انتوا شفيكم علي من منجحك في النحوو...ومن منجحك في التعبير؟...انا الاول ع المملكه
حمد:ان شالله يالدافوور الاول هاه؟
فيصل:كن الحكي موب عاجبك؟
حمد:لالا عاجبني...الا مادوك تسافر؟
فيصل:هههههههههههههه تبي تفتك مني؟
حمد:شفت كيف؟
فيصل:والله افكر اروح للـ شرقيه ولا البحرين.بس مدري
حمد:طيب؟..وش يمنع؟
فيصل:بعد اسبوع في عزيمه..وهي ودها تروح لها..
حمد:طيب روحوا للـ بحرين ولا الشرقيه وبعد اسبوع ارجعوا..وبعدها روحوا براا
فيصل:والله فكره...بشوفها اول
حمد:طيب اخبارك معها؟
فيصل:الحمدالله..تغيرت 180 درجه
حمد:للـ أسوء؟
فيصل:للـ احسن..
حمد:كيف؟
فيصل مايبي يرد:انا دخلت في راسي سالفة السفر..
حمد:احد ماسكك؟
فيصل:ابي اقولها
حمد:قل لها
فيصل:بس هي طالعه الحين
حمد:والله وأستولت عليك عبير؟؟
فيصل:رح يالمثقف..استولت...متى تعلمتها؟
حمد:هههههههههههههه قبل لا اجيك
فيصل:ههههههههههه
حمد:الا جد انت تحبها ولالا؟
فيصل:تبي الصراحه؟
حمد:لا مابيها..وش اريك؟
فيصل:ههههههههههههه طيب ماراح اقولك الصرآآحه
حمد:احتس(تكلم)
فيصل:اووكي بقولك


طلعـــــــــــت من المشغل..
منى:وين نروح؟
نوف:امممممممممممممم...خل نتمشى
منى:طيب
عبير:اخاف يجي فيصل
منى:روحي انتي وفيصل...اكيد طالع الحين ..لاتفكرين فيه هو ماجاب خبرك
عبير حــز بـ نفسها كلامها بس هي صادقه..
نوف:خل نروووووح...امممممممم...وين؟
منى:مطعم انا جوعااانه
نوف وعبير:اووكي

وراحــــــــــــــــوا


حمد:والله انك لووووح
فيصل:افـاااا..ليش؟
حمد:أسـأل نفسك...ترا البنت تحب الحكي المعسول...عطها منا ولا منا..تراه حلال يعني انت رجلها..
فيصل:مقدر..ماعندي ذا الحركات
حمد: يالمؤدب..هذا زواج موب لعبه
فيصل:طيب طيب خلاااص بشوف..اراجع حساباتي
حمد:احب المهمين انا
فيصل:هههههههه..رح منااك..



baby girl you can be my Cinderella:
انتي متخرجه؟..ولا تدرسين؟

منال:
لا متخرجه..من الثنوي ^^"

baby girl you can be my Cinderella:
اهـاا...بالجامعه يعني الحين؟

منال:
احم..اول سنه..ولا بلا فخر..في الملك سعود

baby girl you can be my Cinderella:
lo0o0o0l..


منال:
وانت؟

baby girl you can be my Cinderella:
متخرج من جامعة هارفارد


منال:انا ووجهي افتخر اني في الملك سعود هئ هئ هئ
اممممم وينها في هذي..سمعت فيها


baby girl you can be my Cinderella:
في مدينة كامبردج..في ولاية ماساتشوستس..

منال:
لالا في بوستن هي

baby girl you can be my Cinderella:
هههههههههههههههه كله واحد

منال:
طيب كلمني عنها

baby girl you can be my Cinderella:
شقول؟

منال:
أي شي

baby girl you can be my Cinderella:
ماعندي الا رؤس اقلام

منال:
عادي

baby girl you can be my Cinderella:
امممممممم...اسسها جون هارفارد..عام..1663 او 1636..ماأذكر بالظبط..
وفي عندهم اقسام مثل هندسه وهو قسمي..وفنون والتربيه المستمره والاعمال..وطب اسنان ومعهد رادكليف

منال:
يقول ابوي ان اللي يحصل على شهاده منها يضمن المناصب الحساسه والثروه

baby girl you can be my Cinderella:
ايه ..بس مجرد سفرك للـ بوستن وعيشك هناك يتطلب شوي وشويات..

منال:
طيب ليش اخترت بوستن؟

baby girl you can be my Cinderella:
مدري..انا من اول ابغا جامعة هارفارد..

منال:
هع كان رحت للـ اكسفورد

baby girl you can be my Cinderella:
لازم يكون معدل ذكائي فوق الطبيعي...وانا مسكين..لوول

منال:
ههههههههههههه مسكين..انا اللي اشوفه العكس

baby girl you can be my Cinderella:
كيف

منال:
يعني ماشالله خبرتك وثقافتك مره حلووه

baby girl you can be my Cinderella:
تسلميـن..بس شي طبيعي تشوفيني اعرف لأني تقريبا 8 سنوات هناك

منال:
والله؟...كيف؟

baby girl you can be my Cinderella:
انا بالثنوي درست في لوزيانا..وبـ بعض العطل اروح للـ نيويورك ولوس انجلس وبورتلاند...كلها اروح عشان معاهد وغيرهـ..

منال:
ماتروح للـ رياض؟

baby girl you can be my Cinderella:
الا ...

منال:
ماشالله عليك عكسي الدراسه مقطعتك


baby girl you can be my Cinderella:
هههههههههه لا مو كذا بس ابوي من النوع الي يزن,,تعرفين

منال:
هههههه..Tell about it


baby girl you can be my Cinderella:
lo0o0o0l


رجعت عبير للـ بيت وهي متحمســـه تبي تعرف راي فيصل بـ شعرها..
نوف:انا بروح اناااااااام
منى:ويـــــن مجوودي؟
نوف:اتوقع مع الشغاله
منى:بروح اشوفه
وراحــــت,,على طول وراها نوف
اما عبير رقت فوق..
كان فيصل جالس ع الكنب ويتفرج ع التلفزيون
عبير:السلام عليكم
فيصل:وعليكم السلام
ماشــــــاف..يوووهـ...يقهر
جت وجلست عنده
فيصل اخيـرا اللتفت..
فيصل:اقـول عبيـ.....
وسكـــت..بس موب شكله خاق..
عبير ابتسمت
فيصل:وش مسويه بـ شعرك؟
عبير:درجته
فيصل:طيب انا احب الطويــل
عبير ببراءه:لالا والله بس درجته على نفس الطول
فيصل يتـــــأملها ويبتسم:حلووو
عبير جاها احبااااااااااااااااط..بس هذا اللي قدرك ربي عليه؟..حلوو؟
فيصل:اقول كنت بقولك شي بس الله يهديك نسيتيني
عبير:وشو؟
فيصل:أيـــــــــــــــــــه..وش رايك نروح اسبوع للـ شرقيه او البحرين
عبير:اممم بس العزيمه
فيصل:نرجع قبل العزيمه
عبير:اووكي..
فيصل:خلاااص جهزي نفسك...
عبير:متى بنروح؟
فيصل يناظر ساعته..:اليوم مايمدينا...بكره نجهز وننشر الخبر..بعد بكره ننطلق
عبير:طيب
وقــــــــــام
فيصل:بس من جد حلووو شعرك..طالعه حلوووه
ابتسمت..ههه حلوه المجامله
قــــــرب منها..
فيصل:انا ابي افهم ليش وجهي نحس..
عبير اختفت ابتسامتها:لا مو نحس بس انا كذا
فيصل:طيب لاتكشرين موب حلوو شكلك لم تكشرين
عبير ماقدرت تبتسم..
فيصل:شال شعرها عن وجهها: شوفيني
عبير:..............
فيصل:عبيــــــــــــــر!!
عبير:مابي..
مسك وجهها ورعفه بيده بـ حنيه
فيصل:عبير في شي مضايقك قولي لي
عبير:..........
فيصل:انا مضايقك؟
عبير:............
فيصل:مين ؟..ريحيني
عبير:محد..انا بروح انووم
وقامت عنـــه

ودخلت غرفتها


وجلست تصيـــــــح

سمعت صوته يدخل غرفته
وش فيني؟؟..انا احبــــــــــك يافيصل..بس انت ماتحس..او ماتبي تحس
شافت دفتر الخواطر..وفتحته
وكتبـــــــــت

"حرمـــــــــــــان"
" لطالما سمعت عمن يحرم من شيء...يحبه...
لم اكن اتوقع ان اكون ...منهم...
حرمت من شيء لا استطيع امتلاكه...
مع انهـــ امتلكني...
..صدمه..
اكبر صدمه مررت بها..
عندما دخلت عالم الحب...
ولكنه... رفضني...
رفض ان ادخله بسهوله..
..مراره..
لم اذق منه ...
سوى مرارته...
..محاوله..
حاولت ان اعاند الوقت..
وان اتــة في الحبـــــ...
حتى وان لم يكن يريدني..
حتى وان صدمني.. بحبي..
..حبي الازلي..
نعم احببتكـ..
ربما لم اكن اظهر هذا الحب بصورته المعتاده..
لانني دومآ مختلفهــــ..
.. نهايهــ...
ربما لن ينتهي حبي هنا..
ولكنني..
انتهيت..
نعم انتهيتــ..
وانا اعلم انكــ...لست ملكيـــــــ....
ولكنني وبكل ماليـــ... ملككــــ...
اعلــــــن نهايتيـــــ.."
__________________
أفضل تعـريف لذاتك ..
أنك لست أفضل من أحد ، ولسـت كأي أحد و لست أقل من أحد!
  #53  
قديم 09-28-2009, 03:44 AM
 
رد: معذبة قلوب الرجال رواية رومنسية مره

رررررررررررررررررووووععععععععة ياسلام على كتاباتك بتجنن
  #54  
قديم 09-28-2009, 04:20 AM
BAD
 
رد: معذبة قلوب الرجال رواية رومنسية مره

جونآآآن بليز كمليها
__________________
*

لا شَيءءء يستَحقُ الإثاره مطلقاً !
  #55  
قديم 09-28-2009, 05:18 AM
 
رد: معذبة قلوب الرجال رواية رومنسية مره



الجــــــــــــــــــــزئ الثـــــــــــــــــــــالـــــــــث عشــــــــــ13ـــــــــــر

قـــــــامت عبير من النــــــوم الساعه 12..
اكيد محد قايم الحين
طلعت من الغرفه..ونزلت تحت
سمعـــت صوت في المطبخ التحظيري
دخلت
هـــــذا عزوز
عبير:احم
عزوز:هلااااااااااا
عبير:مانمت؟
عزوز:لاشوفيني فااخ نوم
عبير:ههههههههههه
عزوز:ليش مانمتي؟
عبير:الا نمت بس قمت
عزوز:اهـااا


شذى:اووووووف طفش طفش..
نايف:والله محد قال لك قومي 12 العاده فاخه نوم لييييين 3 او 4
شذى:مالك دخل..تتوقع عبير قايمه؟
نايف:وانا وش دراني؟
شذى:بدق عليها
ودقـــــــت على جوالها بس محد يرد
ودقــــــت ع الثابــــــت


عزوز:عبير هذا صوت التلفون
عبير:مالي خلق ارد انت رد
عزوز:والله ماأرد..تصير وحده من صديقات نويف يجلسون يتميلحون علي
عبير:ههههههههههه شاين الثقه


شذى:أففففف ماترد
...:آلووو
هذا موب صوت عبير..
رد عليها صوت واحد باين ان توه الحين قايم من النـوم
شذى:آ..آآآلوو؟
..........:اآآلووو
شذى:السلام عليكم..
......:وعليكم السلام
عرفت الصـــــــوت...سلطان..
يييي...ياويلي..ياربيييه..
شذى:مـ..ممكن عبير؟
سلطان:من اقول لها؟
شذى ماتبي تقول اسمها:وحده
سلطان:ادري انك موب عشر..
شذى:....................................
سلطان:لحظه انا كني اعرف صوتك...انتي شذى صح
شذى:لا
سلطان:هههههههههههههههههههههههههه الا..
شذى:ابغا عبير
سلطان:ياشيـخه اصير لك عبير..
شذى شوي وتصيح:ابغا عبير
سلطان:طيب ماأنفع انا؟
شذى:مع السلامه
وسكـــــــــــــــــــــــــرت
ضحــــك سلطان عليها مايدري ليه يحب ينرفزها...هو ماعنده هـ الحركات انه يغازل او بس يدقها سوالف مع بنت لانه مايرضاها على خواته بس شذى..شذى غير مايدري ليه


عزوز:خلااص سكت التلفون
عبير تصب لها الكبتشينو:احسن
عزوز:ماراح تصبين للـ فيصل؟..تراه ماراح للـ شغل اليوم
عبير:ليش؟
عزوز:ياشيخه؟
عبير:..........
وصبت لها هي وفيصل
عبير:المشكله انك تدري وش بيني وبين فيصل بس تستغبي
عزوز:انا مابي اعطيك مجال..لاني لو بخليك تاخذين راحتك في رفض زواجك من فيصل بتتغير اشياء كثيره
عبير:ولو اني مافهمت بس انا بروح فوق
عزوز:ان شالله تفهمين
عبير:ان شالله

راحـت عبير للـ غرفتها
وجت بتودي الكبتشينو للـ فيصل بس ترددت اكيد هو قايم الحين..
ودقت الباب
فيصل:ادخل
دخلت
كان جالس عالاب توب
عبير:اممممممم جبت لك كبتشينوو
فيصل:أيــوه مشكوووره والله جا في وقته
عطتــــه الكوب
وتـــــوها بتطلع ناداها
فيصل:عبيـــــــــــــــــر!!
هي ماصدقت خبر ناداها..
عبير:نعم
فيصل:شوفي انا قلت للـ أمي..اننا بـ نسافر...
عبير..طيب؟..والمطلوب؟...:........
فيصل:فـ ممكن ترتبين شنطتي لأني موب فاضي
عبير:اوكي
فتحت دولابه..ماشالله مرتب عكس اللي اسمعه عن غرف العزوبيه
اللي أسمعه ان غرف العزوبيه ماتدري وين تحط رجلك من الحووسه
لحـــــــــــــظه
وش قاعده اقو ل انا؟؟..عزوبي؟..وانا؟..شكلي مامليت عين نفسي..خخخ
فيصل:انا ماعمري شفت وحده تبتسم كذا بدون سبب
زادت ابتسامتها..
فيصل:اكشــــخ..عبير تبتسم
عبير:لااله الا الله..
فيصل:ههههههههههههههههههههههههههه عيني بارده والله
عبير:والله مدري عنكـ..
طلعت عبير الملابس وفيصل جالس ع الاب
بين كل فتره وفتره تلتفت له..
عبير:فيصل!!
فيصل:هلا
عبير:تبي ثياب ولا بدل؟
فيصل:حطي لي كم ثوب والباقي بدل
عبير:طيب
جمعت كل ملابسه اخيرا..ومابقى الا الجزم
فتحت دولاب الجزم..
فـــــــــقت فمها..
كلها تقريبا جزم اول ستار ولا ادي داس..ووحده بس نايك..
والرسميه حقت الثوب على جنب
فيصل:ههههههههههههههههههههههههههههههه
التفت عليه لقته يناظرها..
عبير:هذا دولاب جزم ولا محل رياضه؟
فيصل:وش اسوي احب جزم all star
عبير:لا جد كل الاوان عندك
فيصل:طيب؟..
عبير:ودولابك اكثره برمودات
فيصل:انا انسان احب الرآآآآحه والقى راحتي بهـ الاشياء
عبير:بـ كيفك
جمعت كل اغراضه بس بقى الشنطه
عبير:خلـــــصت..
فيصل يبتسم ابتسامه شوي وتشق وجهه:اخذهم كذا
عبير:هههههههههههه عليك شكل..
فيصل:طيب شلون اشيلهم تسذا؟
عبير:لا مهوب تسذا
فيصل عجبه الوضع:اجل؟
عبير:بالشنطه
فيصل:يااااااشيخه!!..زين اللي قلتي لي
عبير:ههههههههههههه
فيصل قرب منها..
هي بعدت على طول..
فيصل استغرب من ردة فعلها
عبير:أ..أ..وين الشنط؟
فيصل يأشر فوق الدولاب:فوق
عبير ناظرت اوف هذي كيف اجيبها
فيصل كنه قرا افكارها
فيصل:بجيبها...
رفـــع فيصل يده بس ماوصل..ورجوله عشان يطول اكثر بس ماوصل.
على انه طويل بس الدولاب كان اطول
فيصل:اووف وش ذا
عبير:ماتقدر خل ننادي وحده من الشغالات..
فيصل:لا موب لازم..بشيلك وانتي قربيها وانا اخذها
ناظرته يمكن يستهبل..بس الاخ جاااااد
عبير:لالالا انا اخاف على عمري
فيصل:ماله داعي الخوف ان طحتي طحتي علي وانا اللي بتعور موب انتي
عبير استحت...صدق الاولاد جريئين ياليته يعطيني شوي..
عبير :لامابي
بس هو ماشاورها
وشـــــــــــالها
عبير تصررررخ:فيصل..فيصل تكفى نــــــزلني..

فيصل:جيبي الشنطه بس
عبير وصلت للـ الجزء العلوي من الدولاب بس كانت متمسكه فيه (الدولاب)مررره ومغمظه عيونها..
فيصل:عبير!..ههههههههههههههههه..اخلصي علي يالريشه
عبير شوي وتصيح:تتهزا؟
فيصل: لاجد انتي وش تاكلين؟..كان قلتي ان اهلي مايوكلونك شي
عبير:مفطح..وش رايك يعني؟؟..فيصل يرحم امك نزلني
فيصل:شوفي لاتناظرين تحت..خلي تركيزك ع الشنطه..
عبير:مقدر مقدر
فيصل:عبير..انتي ليش رايحه فوق؟
عبير سؤال غبـي!..:مالك دخل
فيصل ماقدر الا انه يضحك:ههههههههههههههههههههه
عبير:فيييييييييييييييييصل!!...نزلني
فيصل:طيب جاوبي وانزلك ليش رايحه فوق؟
عبير:عشان في لوح جبرني
فيصل:طيب ليش جبرك اللوح؟
عبير:يووووووووووهـ...هذا وقتك؟
فيصل:جاوبي وانزلك
عبير:عشان اجيب الشنطه
فيصل:ليــــــــــــش ماتجبينها؟
عبير ارتفع الظغط عندها:فيــــــصــــــــل!!
فيصل:ليش... جاوبي
عبير:بس مالك دخل نزلني
فيصل:قربي الشنطه اول
عبير فتحت عبير عيونها ومدت يدها للـ شنطه..اووف بفتك من اسألته..
وقربت الشنطه
عبير بـ خووف:فيصل!
فيصل:عيووووونه
عبير:بنزل
فيصل:قربتيها؟
عبير:ايه
نزلها
عبير بـ عصبيه:لاعاااااد تتعودها
فيصل:هههههههههه
عبير:ايه اضحك ..لو اقواك كان شلكت ووريتك
فيصل:يالله شيليني..
عبير:عشان اتمصع؟؟...اخاف على عمري
فيصل:ليش شايفتني فيل ولا حوت؟
عبير:زرافه
فيصل:ههههههههههه ليش زرافه؟؟
عبير:لانك طوييييييل وكل سمنتك رايحه في الطوول
فيصل:هههههههههههههه والله اني موب دب..
عبير:طيب...
رفــع فيصل يده وجاب الشنطه بـ سهووله لانها كانت فوق الدولاب وبعيده فـ قربتها عبير..وهو جابها
نزل فيصل الشنطه ورتب اغراضه..
اما عبير فـ كانت تتفرج..تنتظره يطلب مساعدتها..بس شكله مستغني


منال تكلم عنود ع التلفون
منال:ايوووووووهـ اخبار نايووف؟
العنود استحت:والله..مافيش جديد
منال:ههههههههههههههههههه يعني ودك؟
العنود:والله ميب شينه
منال:طيب ان صار لتس موقف..لا تجين بكره تقولين منال صار كذا منال انا بنتحر..ياويلك
العنود:ههههههههههههههههه طيب انتي اخبار الاخ حق المسن
منال:آآآآآآآآآآآآآآآآآآه ياعنوده آآآآآآآآآه...مقدر مقدر من قلتي مسن خقييييت
العنود بـ جديه:منووله مايصلح كذا..لازم تشوفين لك حل..
منال:ليش والله ماسوى لي شي
العنود:حتى ولو....مو من اول مره بيسوي لك شي..
منال:لالا هو محترم مايسوي شي
العنود:وش دراك عنه؟...
منال:مدري..بس هو انسان محرم
العنود:تحبيــــــنه؟؟
منال:لا
العنود:منـــــــــــــــــال!!
منال:يوووووووووه مجرد اعجااب
العنود:منــــــــــــــــال
منال:من الحمار قليل الادب اللي معملك اسمي؟
العنود:هههههههههههههههههههههههههههههههه
منال:كل كلمه والثنيه منال ومنال..
العنود:اممممممممممم...طيب وش بتسوين؟
منال:مدري والله مدري..مقدر اعطيه بلوك..
العنود:يوم اقولك تحبينه
منال:عنييـّد!!..انتي معي ولاضدي
العنود:طيب طيب..امزح وهـ
منال:انا مدري كيف اضفته عندي..انا كنت اقصد ايميل ثاني
العنود:وش السالفه اصلا؟
منال:لم كنا بـ المزرعه..عطتني ناديه ايميل صديقتها..لأن صديقتها تصير بنت عم صديقتي لم كنت بـ الثنوي..فـ اضفتها عندي على امل ان صديقة ناديه تخليني اكلم صديقتي
العنود:اهــــااا
منال:ههههههههههههه فهمتي؟
العنودي:ايه..خخخخ
منال:بس مرره شي هـ الانسان...الا اقول
العنود:هلا
منال:ورا ماتجيننا اليوم؟
العنود:اممممممممممممممممم مدري
منال:يالله يالله يالله يالله..
العنود:ياااااااااااااربيييه خلاااص بقول للـ أمي
منال:احبتس يالشينه
العنود:ولا بعد؟
منال:كلي تبن..
العنود:اووكي انا لازم اسكر تبين شي؟
منال:سلامتك ياحلووه
العنود:ثانكس ياعسسل
منال:هههههههههههه قلبناها مغازل
العنود:هههههههههههههههههه
منال:اووكي بايووو
العنود:منول؟
منال:هلا
العنود:لازم تشوفين لك حل مع هـ الطلال
منال:اووف..طيب باي
العنود:اوكي بايوو
منال:بايات

سكرت منال وراحت فتحت ايميلها..بس ماكان داخل..
اوووووف المسن مو حلوو بدونه...اييه اكيد بيدخل بـ الليل


دخلت غرفتها ورتبت شنطتها..
امممممم..مامعي الا بيجامه وحده بس ساتره..انا كل يوم بشتري وانسى
خلاااص ان شالله وانا مسافره بشتري
خذت الاب توب حقها وفتحت ايميلها..
لقت عذبتنيـ بصمتكـ..

عذبتنيـ بصمتكـ:
ولكموووووو

عبير:
هلاوالله

عذبتنيـ بصمتكـ:
اخباركـ؟؟

عبير:
تمام التمام انت؟

عذبتنيـ بصمتكـ:
كويس..وينك يالقاطعه معد تدخلين المسن

عبير:
انا لازم اقولك شي

عذبتنيـ بصمتكـ:
امريني

عبير:
مايامر عليك عدوو

عذبتنيـ بصمتكـ:
^^
عبير:
امممممممم..طبعا مايخفى عليك اني متزوجه..انت اول واحد فضفضت له..بس علاقتنا لازم تنتهي..لاني ومهما كان انا متزوجه..

عذبتنيـ بصمتكـ:
حلووو....بس ممكن اقولك شي..

عبير:
تفضل

عذبتنيـ بصمتكـ:
انتي تحبينه؟؟

عبير:طبعا عارفه بس تستغبي
من؟

عذبتنيـ بصمتكـ:
زوجـــــــــــك؟؟

عبير:
ليش؟

عذبتنيـ بصمتكـ:
انا عارف الاجابه بس بتأكد

عبير:
مادام عارف ليه تسأل؟

عذبتنيـ بصمتكـ:
طيب انا سالت جاوبي على قد السؤال

عبير:
من كــــــــــــل قلبي

عذبتنيـ بصمتكـ:
وش الجديد في الموضوع

عبير:
مافي جديد بس شي تغير فيني...

عذبتنيـ بصمتكـ:
هو وش ردة فعله من هـ التغيير

عبير:
مدري عنه...هو بااااارد مرره

عذبتنيـ بصمتكـ:
اووكي ربي يوفقك ان شالله ولا تيأسين من المحاوله..مهما كان هذا زوجك واذا ماتحملتيه من بيتحمله...ومعالوقت بيحبك...^^

عبير:
مشكووور...كلامك مثل البلسم..

عذبتنيـ بصمتكـ:
ماسويت الا الواجب وانتي مثل اختي

عبير:
اووكي..اتمني لك حياة سعيده

عذبتنيـ بصمتكـ:
مع زوجتي؟؟

عبير:
زوجتك؟؟

عذبتنيـ بصمتكـ:
خطبت..

عبير:
مبروووووووووووووووووووك والله

عذبتنيـ بصمتكـ:
الله يبارك فيك



نـــــــزلت منال من الدرج مسرررررررعه لان العنود عند الباب..وبتفتح لها
منال:هآآآآآآآآآآي
العنود:هلا..وش فيك كنك راكضه ملييون متر؟؟
منال تتنفس بسرعه:وش اسوي..الشغالات فوق...ومافي الا انا وهم ةتعرفين هم موب نازلين ووقت رآحه
العنود:اهاا..اوكي..
منال:تعالي ياكلبه..اخبارك
العنو:انا كلبه ياحيوانه؟
منال:هع هع..بس كلبه حلووه
العنود:ماتلاحظين انك تسبين كثير؟
منال:امشي يازعووله

ودخلـــــــوا



عزوز:سوآآآآآآآآآآآآآآآآآآآآآآآآآآآآآآآآآآآآها قلبي ياحبيبي وحبك..
سلطان:يرحم امك اسكت..تكفى..!
عزوز:ههههههههههه ليش عاد؟..ماعجبك صوتي؟؟
سلطان:انا خلقه اكره هـ الاغنيه اسمعها منك؟؟..مشكله صرآآحه
عزوز:صدق من قال الاخو اخو
سلطان:من قاله؟؟
عزوز:ماعندي أي فكره صرآآحه..بس اتوقع انه ارسطو
سلطان:طيب ليش ارسطو قال الاخو اخو
عزوز:لأني اكره هـ الاغنيه وماحفظت غير هـ المقطع..وكره اغاني كثير
سلطان:انا ماأحب هلي..
عزوز:ياسلاآآآآآآآآآآآآآآآم..ياخي ارسطو صادق الاخو اخو
سلطان:اسكت الله يعافيك..ارسطو..
عزوز:ههههههههههههههههههههههههههههه
جـــــــت عبير
عبير:هلاااا والله بـ اخوتي الاحبه
عزوز:كووووووشخه والله تعرف عنقلينزي..
عبير:؟؟
سلطان:هههههههههههههههه
عبير:I don't get that
عزوز:تعرف اسبـــــاني..شف شف تعرف اسباني..
عبير:بسم الله عليك حرارتك مرتفعه
سلطان:هههههههههه الفصحه انجليزي والنجليزي اسباني
عبير:ههههههههههههههههههه انت شكلك مأجر الجزء العلوي من دماغك
عزوز:ايه بس الله يهديه المسـاجر..مادفع
سلطان:زين ماأنحاش منك..
عزوز:اقول رح انت وشعرك
عبير:هههههههههههههههههههههههه فـي الصميم
سلطان يحط يده على شعره:حرام عليكم..والله انه يهبل
عبير:لالا من جد حلوو
عزوز:انت شكلك غير..كلنا شعورنا تهبل..تقول ابونا هيربل..بس شعرك اعوذ بالله
سلطان:غيره الله يكافينا شرها..
عبير:بلعكس الحين البنات يروحون الكوافير عشان يسوون بـ شعرهم زي كذا
سلطان يقلد طلاب اولى ابتدائي لما يتهجون جمله جماعي زي قراء ..قراء :قـ ـهـ ر...قهر
عزوز:ياخف دمك..ياخف دمك
سلطان:اهم شي..احم احم تحب الكيرلي؟
عبير:مرررررررررررررررره
عزوز:منهي منهي؟؟
عبير:اممممممم..اسأل سلطوون
عزوز:سلطوووني حبيبي عمري قلبي حياتي..من هي؟
سلطان:انت بـ هذا الشكل دمرت كل البزنس اللي بيني وبينك
عبير:ههههههههههههه عاشوا غبي واغبي..!
سلطان:عبير لو سمحتي!..بدون تعليقات جانبيه.
عبير:ههههههههههههههههه ذكرتني بـ أيام المدرسه..والله فلـه!!
عزوز:يالله قل منهي؟
سلطان:نوب..ماراح اقولك ياقلبوو...
عزوز:يوووووووووووووووهـ...اكرهك
سلطان:لاتكفى حبني...تكفى انا ميت عليك
عزوز:لا..

فيصل:مرحبا
سلطان:هلا..شرف مستر فيصل..!
فيصل:ههههههههههههه مشتاق؟
سلطان:وااااااااااجد..ياحبيبي واجد
عزوز:من قايلها ذي؟؟..ارسطو؟
سلطان:فكنا يرحم امك انت وأرسطو..
عزوز:طيب اسأل..يمه منك..!
فيصل:وش سالفة ارسطو؟؟
سلطان:مدري عنه..يقول ان ارسطو يقول..الاخو اخو
عبير:هههههههههههههههههههههههههههههههههههههههههههه. .
فيصل:فديتك والله..!
عبير استحت
عزوز:ترا فوق..في جناح ادخله وسوو اللي تبي وتعال..
فيصل:ماينفع هنا؟؟
سلطان:خلهم انا مستانس..كملوا يا حلوين
فيصل:اخاف خووينا ارسطو يزعل
عزوز:اتحداك من هو ارسطو؟؟؟
سلطان:لاااااااااااااا سأل المثقف..الحين بيجلس يحكي وش بيسكته
فيصل:ههههههههههههههه اسمه أرسطوطاليس..
عزوز:ماشالله والنعم والله...وش يقرب للـ مصطفى طه..!
عبير:هههههههههههههههه يقالك الحين تشابه في الاسم؟
عزوز:انا ادري عن رجلك...ارسطوطلابيس..
فيصل:ههههههههههههههههههههههه قسم بالله انك جاهل..
سلطان:ماجبت شي جديد الاخ فيصل المثقف..مع عزيّـز الجاهل..
عزوز:اقول تراني اخوكم لاتاخذون وجه بقووه..
عبير:لاااا عااد لاحد يقول شي لـ عزوزي..
عزوز يزين لبسه بـ غرور:احم احم..كح كح
سلطان يحاكي فيصل:ماينعطى وجه
عبير و فيصل:هههههههههههههههه
عزوز:اووكي ياحلويين..انا سوف ذاهب
سلطان يناظر فيصل:صدق الاخو اخو..!
عبير:ههههههههههههههههههههههههههههههههه فيصل وعزوز الفصحه عندهم ميح
عزوز:هييييييييّ!..لاتسرق مقولة خويي!..سرووطي
سلطان وفيصل وعبير:هههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههه
عزوز:قووووود باي
وطلــــع
عبير:ههههههههههههههههههه حلوه الاخو اخو
سلطان:عزوز هذا عليه طلعات قسم بالله
عبير:الاخو اخو
سلطان:كنك تسبيني؟؟
رن جوال فيصل
فيصل:آلوو..هلا..ان شالله.."يناظر ساعته"..طيب الحين مافي دوام..طيب..طيب..ان شالله...فمان الله
سلطان:لاحووووووول..دق ثانيه
فيصل:ايه
سلطان بـ كل جديه:طيب..بتروح للـ شركه ؟
فيصل تنهد:آآه بس الله يصبرني..
سلطان:انا من رآآيي لا تروح..
فيصل:لا بروح..
سلطان بـ حقد:خله مثل الكلب..ينطق لاتنسى هو وش سوا فيك..
فيصل:سلطان!..الله يخليك..قفل ع الموضوع..انا خلقه مغتلق..
((مغتلق=ضايق صدري))
سلطان:بـ رآآحتك بس انا من رآآيي..انك ماتروح
فيصل:لابرووح..امري لـ الله
سلطان:طيب متى
فيصل:الحين..لاني مسافر بكره ان شالله
سلطان:والله انك يافيصل رجال..مدري بدونك وش كنا بنسوي..
فيصل يبتسم غصب:ترا ازعل منك..انت اخوي
سلطان قام وباس راسه..:الله لايخلينا من ك قل امين
فيصل:امين
عبير تحس انها مثل الاطرش فـ الزفه..ماتدري وش السالفه..!


.....:حموود وش تفكر فيه؟؟
احمد سرحان:هممم
رااكان:آلووووو
احمد:خير وش تبي؟؟
راكان:اقولك وش تفكر فيه؟؟
احمد:افكر في عبير..!
راكان:ياليل..وش فيها بعد؟
احمد:مافيها شي..
راكان:لي الحين تبي تنتقم؟؟
احمد:ولين بكره
راكان:لازم تلقى اليد اللي تعورها.وتلويها..
احمد بـ سخريه:هه..لقيتها..!
راكان:هاااهـ..؟؟
احمد:وش فيك مفهي؟؟..لقيت يدها اللي تعورها..وعندي خطه ماتخرش الميه.والله لـ خليها تعض اصابعها ندم..
راكان:كـــــــــفــــــو!!..
احمد:بس خلني ابدا بـ اول جزء منها..
راكان:بس هاه..لاتنساني..من الانتقام
احمد:أفـاا عليك..ففتي ففتي..
راكان:يلعن ام الفلـــه ياشيــــــخ!..باخذ حقي
احمد:اصص..فضحتنا..
جا صديقهم سامي..
سامي:وش عندكم ؟
احمد:الله ياخذ العدو فضحتنا
سامي:ههههههههههههههه السالفه فيها بنت صح؟
راكان:بنت وبس؟؟
سامي كنها جازت له السالفه:هلا والله..انا ذراعك اليمين..قل لي وانا اسوي اللي تبي..
احمد:ان وش دخلك الحين؟
سامي:افاا ياحمووده افاا
راكان:هههههههههههه
سامي:يالله قل ولك مني لااساعدك..
احمد:اووكي..اسمع
وقـــــال له كل شي..عن عبير!


راحت عبير فوق بعد ماراح فيصل للـ شغل..!
وش سالفة الرجال اللي بس من ذكره فيصل انقلب حاله..لا مو بس فيصل حتى سلطان..شكل سلطان يكرره كره موب طبيعي..يتكلم وفي صوته حقد ..شايل في قلبه عليه..امممممم...بـ حاول اعرف..من نوف؟؟..مااظن انها بتساعدني..بـحاول اسحب من نوف كلام..او فيصل..


سامي:امممممم طيب وش خطتك
احمد:عااد هذي مالك شغل فيها...لم يمشي الجزء الاول من الخطه..انا بعلمك وش هي
سامي:طيب..وش يمنع ان اثير ماراح تفضحك لي عرفت انك كذآآب..
احمد:من هـ الناحيه لاتشيل هم لأني ماراح اكذب على اثير
رااكان:من جدك؟؟...
احمد:انا بكون صادق معها..بس بطريقتي
ركان وسامي يحسون ان كلام احمد الغاز
سامي:ولو اني موب مقتنع..بس حمود...انت الغلطان البنت مابغتك خلاااص انسحب..
راكان:فكنا يالمؤدب.نص بنات الرياض يعروفونك
احمد:بتجي معنا ولا شلوون؟
سامي:اووكي...مدام السالفه فيها بنت حلووه ليش لا



كان فيصل جالس في مكتبه..في الشركه
ورن جوال:هلااا والله ياللي له الخافق يهلي
...:هلا فيصل
فيصل:اخبار الحلويـــــن؟؟...والغاليين
ام فيصل:بـ خير..اقول فيصل خالتك ايمان جايه اليوم بتودعك بتجي ولا؟
فيصل:ان شالله بس انا مواعد واحد..عندي شغل
ام فيصل:من هو..
فيصل:أ...هاه؟؟
ام فيصل:هو!..فيصل وش بلاك؟؟..اقول من هو؟
فيصل:واحد..واحد..ماتعرفينه
ام فيصل:طيب يالله لاتتأخر
فيصل:قلتي للـ عبير عن جية خالتي ايمان؟
ام فيصل:لاوالله..
فيصل:خلاااص انا بقولها..
ام فيصل:زين..يالله فمان الله
فيصل:فمان الله
وسكر منها ودق على عبير
عبير:آلووو؟
فيصل:هلاوالله..
عبير:أهليـن
فيصل بهدووء:اخبار القمر؟؟
عبير استحت:تمام..توك شايفني
فيصل يتنهد:آآآآآآه بس..
عبير استتتتحتتتتتت
فيصل:اقول..
عبير:هلا
فيصل:ترا خالتي ايمان جايه اليوم
عبير لاشعوري:دلال جايه؟
فيصل:هههههههههههههههههه ليش؟
عبير حست :لالا ولاشي..
فيصل:هههههههههههههههههههه فديتك اللي يغـ...
عبير قاطعته:ماأغار...
فيصل فقع ضحك:هههههههههههههههههههههههههههههههههههههههههههههه ههههه
هههههههههههههههههههههههههههههههههههه
عبير..ياحلوو ضحكته..ياحلوو ضحكته..ياحلوها ياحلوها..ياحلوهاااا يانااااااس
فيصل:وينك عني من زماان؟
عبير:.......
دخــــــــل رجـــــال على فيصل
فيصل:اقوول بكلمك بعدين باي
عبير:بـ...
طوط طوط طوط طوط طوط
ســــــــــكـــــــر..!حتى باي ماكملتها

عبير علامات الاستفهام فوق راسها


منال:اممممممممم وش نسوي
العنود:هو بقا شي ماسويناه؟
منال:هههههههههههههههههههههههههه..خل ندخل النت
العنود:اوك
ودخلوا..
سوت منال تسجيل دخول للـ ايميلها..
كان طلال اون لاين
منال:هذا هو
العنود:من؟
منال:تستهبلين؟
العنود:طلال؟
منال:يس يس
منال:شوفي الاسلوب..
العنود:اووكي

baby girl you can be my Cinderella:
heey

منال:
هلا والله

baby girl you can be my Cinderella:
كيفك؟؟

منال:
تمام التمام..انت؟



baby girl you can be my Cinderella:
انا بـ خير


جلست منال تسولف مع طلال..والعنود كانت مجرد متفرجه..


طلعت عبير من غرفتها وطلعت براا..
دقت على شذى
عبير:آلوو
شذى:مابغيتي تدقين؟؟
عبير:بسم الله الرحمن الرحيم..
شذى:لاوالله؟؟...الاخ الكريم ماقال لك اني داقه؟
عبير:لا من هو؟
سذى:سليييطييين
عبير:ههههههههههههههههههههههههههههههههههههههه
شذى:ايه اضحكي..وش عليك
عبير:ههههههههههههههههههههههه
شذى:وجع خلاااص
عبير:يوجعك..المهم اخبارك؟
شذى:بـ خير..انتي؟
عبير:تمام..اممممممممممم شوشو؟
شذى:هلا
عبير:انا مسافره الشرقيه والبحرين بكره
شذى:لااااااااااااااااااااااااااع ماراح تجين للـ عزيمه؟
عبير:الا..برجع قبل
شذى:ههههههههههه عليك شهر عسل
عبير:هههههههههههههههههههههههههه لاموب شهر عسل ذا..هذا بس تصبيره
شذى:ياعيني
وجلســــوا يسولفون


baby girl you can be my Cinderella:
اقوول ميموو

منال:
هلا

baby girl you can be my Cinderella:
انا طالع تامريني بـ شي؟

منال:
سلامتك!

baby girl you can be my Cinderella:
الله يسلمك..انتبهي على نفسك..

منال:
ان شالله انت بعد

baby girl you can be my Cinderella:
ان شالله ...يالله باي

منال:باي

وطلـــــــــــــــــــــــع!!

مناال:هاه..كيف؟
العنود:بـ صرآآآحه
منال:يس
العنود:ماألومك...اسلوبه خطيـــــــر الولد واضح انه مثقف ومتعلم وعاقل..وكل شي
منال:اقولك
العنود:اممممممممم طيب وان طلع لعااب من هـ الاولاد اللي يلعبون؟
منال بدون اهتمام:I don't care
العنود ماصدقتها:امممممممم هاتي ايميله طيب..بشوف هو يكلم ولالا؟
منال جازت لها الفكره:اووووكي...حلوو..
اللعنود مسكت الجوال:وشو ايميله
منال قالت لها الايميل
العنو:اووووووكي
منال:بس قولي لي من احلى هو ولا نايف؟
العنود بـ غرور:نـــــــايف طبعا
منال:هههههههههههههههه تحبينه؟
العنود:لا مجرد اعجاب لاأكثر
منال:ايييييييه زين زين
العنود:ايه سلكي لي..
منال:ههههاااااااااااااي..
العنود:هههههههههههههههههههه


لبست عبير توب ابيض وجاكيت جينز قصير..وتنوره لين تحت الركبه جينز

ونزلت تحت

سلطان:هلاااا والله
عبير:انت ماتطلع؟
سلطان:ههههههه ليش تبين الفكه؟
عبير تبتسم:لاشدعوه..وين نوف و مامي؟
سلطان:امي بـ غرفتها..ونوف مالها حس اليوم
عبير:هو اليوم بس؟
سلطان:فيها شي ذا البنت بس مدري وشو؟
عبير:اممممممممممممممممممم منكن تحب؟
سلطان:هههههههههه من هو سعيد الحظ؟
..........:هـ هـ هـ هـ هـ..!
سلطان:بسم الله الرحمن الرحيم
عبير:من متى انتي هنا؟
نوف:من يوم ..منكن تحب
سلطان:الا تعالي انتي وش سالفة امك...مالك حس...وصايره عصبيه وجالة امك حاله
نوف:مالك دخل..لقافه..
وراحــــــــت عنهم
سلطان:هذي نوف؟
عبير:لاتلومها يمكن فيها شي...مع صديقاتها ولا شي..
سلطان:والله اني مدري

ورن جواله

سلطان:هلا...هلا فيصل...الحين؟..ماعندي دوام..."عصب"..اووف.انا موب قايل لك مالي شغل مع هـ الحقير...لا بقول..ياخي وش حادك....ماله فضل عليك هو....تدري شلون شكلي بجي احسن للـ شركه وافرشه.."وقـام"....ناس ماتستحي..انا مدري ليه تدافع عنه..

وطلـــــــــــــــ!!ــــــــــــع

_____________________________________________-
من هو هذا اللي من طاريه سلطان يفقد اعصـابه..؟؟

وفيصل نفس الشي؟؟..

وعبير هل بتكتشف من هو؟؟^^
__________________
أفضل تعـريف لذاتك ..
أنك لست أفضل من أحد ، ولسـت كأي أحد و لست أقل من أحد!
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور أنمي رومنسية ومميزة ميراااالأميرة أرشيف المواضيع الغير مكتمله او المكرره او المنقوله و المخالفه 94 03-06-2014 06:39 PM
أكثر وأجمل وأحلى صور الأنيمي الرومنسية ميراااالأميرة أرشيف المواضيع الغير مكتمله او المكرره او المنقوله و المخالفه 77 06-15-2012 06:56 PM
الكتب الممنوعة (قائمة) اقبال تحميل كتب مجانية, مراجع للتحميل 130 03-02-2009 10:38 PM
الرجال معادن ؟؟يذوبون في درجات مختلفة؟؟كيف؟ samir albattawi آدم ~ 5 04-27-2007 02:41 PM
الرجال والرمانسية سنيورة أمواج الحياة الأسرية 1 03-16-2007 11:18 PM


الساعة الآن 02:55 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011