عيون العرب - ملتقى العالم العربي

العودة   عيون العرب - ملتقى العالم العربي > ~¤¢§{(¯´°•. العيــون الساهره.•°`¯)}§¢¤~ > أرشيف المواضيع الغير مكتمله او المكرره او المنقوله و المخالفه

أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه.

 
 
LinkBack أدوات الموضوع انواع عرض الموضوع
  #36  
قديم 09-25-2009, 02:04 AM
 
رد: معذبة قلوب الرجال رواية رومنسية مره

الجــــــــــزء الــــسابـــع

مـــرت ثلاث ايام ولا في شي يستحق الذكر..نفسية هيا زفت...بس مايخفي فرحتها..انها بتكوووووون مع مشعل حبيبها...بس فرحتها مجرد نقطه في بحر حزنها وضيقتها...بسبة هالانسانه اللي ماعرفت عنها الا يوم صار مشعل لها..لها لحالها..وتجي هي تشاركها فيــه...
اما مشعل الارض مش سايعااه على قولة المصريين..مابقى شي ماسواه..من الفرحه..


.......:عبور بتجين للـ ملكه؟؟..ولالا
عبير:والله مدري ياشذى...بشوف فيصلوه
شذى:اوووووه..صار يمشي كلامه عليك هااااه؟؟
عبير:يخسي الا هو...ان ماجيت للـ ملكه ماأكوون عبير وتشوفين
شذى:لالالا يرحم امك لا..خلااااص امزح..
عبير:لالالا بوريك ان مو فيصل هو اللي يمشي كلمته علي
شذى:عبووره والله امـــــــزح
عبير:لا يعني لا بجـــــــــــــــي


ناديه:هيون تعالي...بتلبسين هذي ولا هذي..انا اقول هذيك
هيا منسدحه ع السرير وتلعب بطرف شعرها..
ناديه:آلوووووو..من معي؟..هيووووون
هيا التفت من الجهه الثانيه عشان ماتشوفها ناديه..او تشوف دموعها
هيا:بـ كيفك...اني اختاري مالي خلق
ناديه عصبت:يووووووووه..هيا ياتبن..يالله..ترا الكوافيره بتجي..اخلصي علينا..الساعه الحين 7..ومشعل بيجي 9
هيا:مو مهم..انا بتزوجه بتزوجه..سواءا لبست الفستان ولالا..ماوقفت عليه..
ناديه رمت عليها فستان ذهبـــــي..مع احمر..:البسي هذا
وطلعت..بس طلت براسها..:أيـــه ..ترا ااول ماتجي الكوافيره انتي جاهزه
هيا:بعد بعد...
ناديه اصبعها على فمها يعني اسكتي..:اصصصص..ولا كلمه ..تحركي

وطلعت..



عبير كانت جالسه ع الكنب تبي طريقه تقول فيها للـ فيصل انها تبي تروح للـ ملكه
دخــــــــــــــــــل فيصل..
فيصل رمــــى نفسه على المكنب: آآآآه..السلاام عليكم
عبير:وعليكم السلام
مرت لحظه صمت..بعدها عبيرعلى طووول بدت الكلام
عبير:بروح للـ ملكة هيا
رفع فيصل حاجبه...اسلوبها مو طلب الا امـــــر..او كأنها بس تعطيه خبر..
فيصل:لا ياشيخه..زين اللي علمتيني عشان ماأقلق عليك
عبير:تتهزا؟؟
فيصل:أيـــــــــــــه...ولا في روحه لم تعدلين اسلوبك
عبير:والله هذا اسلوبي والي عندك سوه
قام وقرب منها..:اللي عندي اسويه...متأكده
عبير:ياشين تفكيرك..وخر عني
فيصل:طيب..بس كنت بشوف قد كلتك ولالا..بس طلعتي..مو قدها
عبير قامت:الا قدها ونص...!!
رجع لها وقرب منها..مرررره..حتى انها تقدر تعد الشعرات اللي بدت تنبت على وجهه..كااااان قريب مررررر ولو يقرب اكثر اجسامهم بتكون ملاصقه لبعض..اكثر
فيصل:قولي لي..قدها؟؟
عبير توترت وخافت ومليون شعور جاها..:أ..أيه..
طالعها بنظرات خلتها تنحررررررج..هالشخص عليه عيوووون..
قرب منها اكثر وهي من غير شعور طاحت على الكنبه..
فيصل:مشكلتك ضعيـــــــــــــــــــفه!!
وراااااااااااح
عبير:هين هين..يافيصلوه ان مارحت وانت رجولك فوق راسك ماأكون عبير..

دخل فيصل غرفته..طبعا عشان بنووم كـ العاده صارت تعرف روتين حياته..يقوم يروح للـ شغل..ويرجع ينام الــى الساعه 9ويقوم مدري وين يروح..بعدين برجع ع الساعه 12 ..

راحــــــت للـ غرفتها..وجهزت ملابسها...
ونزلت تحت..
عبير:هااااااااااي..اخباااااااركم..
سلطان:هايات..تو حبيب القلب فوق مسرع نزلتي
عبير:حبيب القلب؟؟
عزوز:فيــــصل ولا نسيناااااا
هالانسان غريب يعرف اني ماأحب فيصل ويستغبي؟؟..والله حاله
عبير وهي تجلس :ايه صح
سلطان:بعد شوي بتنط علينا نويف..وتشوفون
عزوز:ليش يعني..وش معنى؟؟
سلطان:كذا كل ماجت عبير نطت علينا
ودخـــــــــلت عليهـــــم.....................ام فيصل
عزوز:هاهاهاهاهاهاهااااا..لقط وجــــــهك..
سلطان:الحمدالله والشكر..
عبير وام فيصل:ههههههههههههههههههههههههههههههههههه
ام فيصل:وش فيكم..هو..منتوب صاحين
عزوز:ولدك مسكيييين يبيله دكتوووور نفسي..هههههههههههه
سلطان:مخليه لك يالاخو
جلسوا طول الوقت وهم على هالحال...

اليـــــــــن جت الساعه 9....
نــــــــزل فيصل
فيصل :الســــلام عليكم
الكل:وعليكم السلاااااام...
طبعا الكل كان فيه...بس نوف منى كانوا طالعين يشترون اغراض للـ ماجد..
يعني مافيه بـ الصاله الا عبير وام فيصل وسلطان وعزوز
فيصل:اخباااااركم اشتقتوا لي..صح؟؟
عزوز:ابداا...ياليتك نمت اكثر...ماكان ودنا انك تقووووم
فيصل:أفــــــــــاا..ليش؟؟
سطلان:لانك بصراحه وبدون احرااااج..ثقيل دم وطينه..وبثر..ووجهك يجيب النحس والكآآآآبه
فيصل:يؤيؤيؤيؤيؤؤؤؤؤ...يمه شفتي..شفتي شيقولون عني؟؟
ام فيصل:هااااااااااااه..عاد كللللللللش ولا ولدي
عزوز:ايه الطفل المدلل..
فيصل:انا طفل يالطفل؟؟؟..هاااااااه؟؟..
عزوز:لالا من قال الله يهديك

في الاخير قام فيصل..وراح وراه سلطان..لانهم بيروحون للـ شغلهم
هو طلع من هنا وهي رقت بتتجهز من هناااك
وفي دقايق خلصت
دقت على سواقها..وجاها وراحت بيت عمها

فــــــــي بيت عمها ابراهيـــــم
ناديه :يالله خلصي...مشعل تحت..
هيا قام قلبها يــــــــرقع..مشعل تحت مشعل تحت؟؟؟؟...لالا مو معقووووله
انا اكيد جالسه احلم..في لحظه حست انها ماتدري هي وين..من هي..مشعل هذا لو يبي خلاها...تفقد الذاكره تفقدها...يقطع الحب شو بيذل...خخخخ

شافت نفسها بالمرآآيه..شكلها حلوو..لابسه فستان احمر مع ذهبي..وكعب مو مره عالي..وشعرها ستريت..وبف من فوق..
ناديه:اللللللله..شكلك حلووووووووووووووو
هيا:تسلمين

سمـــعوا صو الجــــــرس
ناديه:هذا صوت الجرس...والله لو له لسان كان هاوشنا
هيا:هههههههههههههههههههههههههههههههههههههههههههههه
هههههههههههههههههههههههههه
ناديه:ايوه..اضحكي مو تمدين البوووووز شبرين تقولين متزوجه عبدالله مو مشعل
هيا:شمعنى عبدالله؟؟
ناديه:مدري كذا ماأطيــــــــقه
هيا ابستمت وبـــــــــس

طــــل وجــه عبير عليهم
عبير:هااااااااااااااااااااااااااااي
هيا وناديه:هايااااااات..
هيا:عبووووره يالشينه كيفك؟
عبير:بخير الحمدالله
ناديه:اجل تزوجنا..هااه؟؟
عبير:هههههههههههههههه خبيثه
ناديه:ماعنده اخوان؟؟..حلوين
عبير:الا..2..عزوز وسلطان
ناديه:الكبير عزوز صح؟؟
عبير:لا سلطان
ناديه:طيب ليش قلتي عزوز اول؟؟؟؟؟
هيا:يالله تحقيق
عبير:هههههه عادي...لان عزوز هو اكثـــر واحد ارتحت له..وحبيته
هيا وناديه في نفس الوقت:حبيـــــــــــــتييييييه؟؟؟؟؟؟
عبير:ههههههههههههههههههههههه شفيكم هذا اخووووي
ناديه:لاوالله..اجل انا بطق صداقه مع عيال عمي..وبقول أخواني
عبير:ههههههههههه لالا مو قصدي اخوان فيصل يصيرون اخوانــــي..
وقالت لهم السالفه
هيا:أهـــــــــاا..قولي كذا

نـــــزلت هيا لأن طلال ناداها..وعبير وناديه جلسوا ينتظرونها..
بعد دقايق جتهم هيا...وتركت دموعها تنزل...
ناديه:يالله والله اني داريه......لازم الدمووع
عبير:هيونه شفيك مو حلمك تحقق وصرتي مع مشعل اخيرا
هيا:لالا ماتحقق..ماتحقق...


وبعديــــــــــــن...!!

نزلت هيا للـ مشعل..هو طلب يشوفها..حاولت تعارض بس محاولات طلال لها..لانه غالي عندها ولا تقدر ترد له طلب

لما دخلت
هيا صوت واطي:السلام عليكم
مشعل والابتسامه شوي وتشق وجهه خخخ:وعليكم السلااام..هلا هلا بمرتي
هيا استحححححت...
طلال:احم احم
مشعل:ماودك تطلع شوي وانا اخوك
طلال:لا.. بدينا؟؟
مشعل:طلااااااالوه ترا بقول للـ مزيونه
طلال فصخ النعال..
مشعل:هههههههههههههههههه امـــزح وقسم بالله اني امزح
طلال:ايه اعقل...بعد مابقى الا مشيعل يتغزل بـ مرتي
مشعل:تلقاها عمريكيه..من هاللي مخاويهم بالديرة الشقر
طلال:ماتعرف تحكي نجدي زي عمتي فوزيه
مشعل:هههههههههههههههههههههههههههه
مشعل:خلاص عاد عطيتك وجه اطلع من غير مطرود
طلال:بسأل هيا اول..هيونه اطلع ولالا
هيا:براحتك.....
مشعل:أفـــــــــااا..هيوووونه قولي له يطلع
هيا تعاند:لاتطلع
طلال:هههههههههههههههههههههههههههههههههههه
مشعل:طيب اطلع لا يجيك طرااااااااق يخليك كوفته
طلال:هههههههههههههههههههههه كنت افكر اطلع بس مااظن مع اسلوبك هذا..نو وييييي
هيا طفشت ولا كأنها موجوده......قالت خل اطلع
بس هو مسكها...مشعل مسك يدها قبل تلطع
مشعل:طلول تكفى اطلع شفها زعلت
طلال:يووه..يالله عشان هيونه
وطلـــــــــع
مشعل:أفــــــااا...يعني بتطلعين وتخليني؟؟
هيا:..........
مشعل ابتسم لها بحنيه وقال:طيب تعالي نجلس
جلست وهو جلس بجنبها....
كانوا ساكتين..هي كانت تنتظره يتكلم..
مرت ثانيه وثانتين وثلاث واربع وهو ماتكلم...خافت لايكون نايم..خبل يسويها..هي كانت منزله راسها...رفعت راسها له لقته يتأملها...يؤيؤيؤؤؤ كل هالفتره يتأمل وجهي..لا ومنزله راســــي...
مشعل:آآآآآآآآآآآآآآآآآآآآخ بس والله اني احسدني..
هيا مسكت ضحكتها... هلانسان يخليها تضحك غصب
مد يده لـ شعرها...وابعد شعرها عنها...وقرب منها..هيا تجمدت في مكااانهااا..باسها..هي..مااااااااااااااتت من الحيــــــــااااااااا
مشعل:هيونه
هيا مستحييييه:نعم
مشعل:أحبــــــك!!
هنا..الله العالم بـ حال هيا..كانت شوي وتذوووووب..آآه يامشعل لو اقدر اقولك اني احبك..لحظـــــــه؟؟..تحبـــــــــني؟؟ ...مشل يحبني...ودي اصدقك يامشعل بس .. ماقدر..انت تحب غيري..
تبي تبين له انها مو هيا الغبيه اللي ينضحك عليها..خل حبيبتك تنفعك.....
نزلت دمعتها....وبسرررررررعه ركضت تطلع
مشعل استغرب منها...لـهـ الدرجه كلمه احبك لها تأثير ع البنات؟؟؟...كان بيلحقها..بس هي سبقته وطلعت

مـــــر الوقت وعبير تسولف مع شذى وناديه والعنود منال...اريج جت بس حرمت تجلس معهم عقب اللي صاااار...

جت الساعه 12..ودقت عبير على السواق عشان يجي
عبير:رحمه روح بيت جديد..
رحمه:اوكي مدام

رجعت للـ بيت وانطلقت على طووووووول للـ غرفتها
غيرت ملابسها..وليست بنطلون جينز وتي شيرت عادي حق بيت..وفكت شعرها..ومسحت المكياج
- يعني سويتيها ورحتي؟؟؟؟؟؟
التفت عبير لـ فيصل..اللي كان معصصصب..ووجهه فيه علامات التعب والارهاق..بس مو قويه كانت خفيفه..
عبير:مو انت اللي تمشي كلمتك علي....انا اروح للـ لي ابي
قرب منها ومسك ذراعها.....:انا موب قايل لك لاتطلعين؟؟
عبير:الا قلت بس انا ابـــــــــي اطلع....
فيصل:موب مهم انتي وش تبين المهم انا.....
وشد على يدها..:اسمعي..قسما بالله لو ادري..انك طالعه من البيت من غير شوري ياويلك....تسمعين ياويلك
عبير:لاماأسمع ولاافهم ..اتركنننننننني ..يكفي انك ماخذني غصصب
فيصل رمها بس رحمه من ربي ان السرير كان ورهـا..وطاحت عليه..
عبير:انت حقيـــــــــــــــر!!...أكرررررهك اطلع براااااااا
فيصل مسك شعرها..ووقفها غصب..
عبير:أتركنـــــــــي
فيصل:وش قلتي؟؟
عبير:حـ..حقير
فيصل يصااارخ:تكلمي بصوت عالي عشان اسمع....وش قلتي
عبير:...............اتركني
فيصل:وش قلتي.....
عبير كانت خايفه مافي امل تتراجع عن كلمتها..واذا ماقالتها بتصير ليله سودا
فيصل:وش قلتـــــــــــــــــــــــــي؟؟؟؟؟؟؟؟؟؟
عبير:فيصل اتركني.....وخر عني..
فيصل:قولي لي اول وش قلتي..
عبير:انت حقير ووآآآآطي..أكرهـ....
فيصل:قسما ياعبير لو اسمعك تقولين من هالكلام...والله والله مايحصل طيب
دفها مره ثانيه وطلع..بس هالمره طاحت على حافة سرير حست بـ ظهرها بينخلع من مكانه...
صرخت صرخه ..حست انها تفقد كل حواسها...حست ان ظهرها ماراح يتحرك ابداااا....الم تحس فيه كل جسمهااااا..حاولت تقوووووم ورمت نفسها ع السرير


دخل غرفته وهو معصب...انا كنت قاسي معها..يالله وش ذنب هالبنت..ضحية تحدي بيني وبين عبدالله...ولا انا ماأحمل لها مشااعر...آآآه بس..لو بطلقها بتصير مطلقه وهي الحين معلقه..ولو برجعها لـ بيت اهلها..لالا ماراح ارجعها وش بيقول عني عبيدوه...بعدين أرجعها كذا....انا حتى مالمستها...آآآه انا شوسيت..انا اللي ورطت نفسي...ولا في امل تحبني.....شكلها كارهتني حتى مشاعري ماعملت لها حساب...تسمعني كلام مثل الســــــــــــم..لو واحد ثاني كان جته عقده من كلامها..انا لازم اشوف حل...مالي الا منــــــــى

ودق عليهأ..
منى:هلا والله بـ أخوووي
فيصل:هلا منى ..كيفك وكيف مجودي
منى:وهذا انتوا مجودي ومجودي..ومنى اخر شي
فيصل:ههههههههههههه انا قلت اخبارك واخبار مجودي..
منى:كلنا بخير..انت كيفك وعبير وشلونها
فيصل:آآآآآآآآآآآآآآآآآآه بس..منى ابي اشوفك
منى خافت:وش فيك..فصول اذا فيك شي قل..انا اختك
فيصل:ابي اشوفك قلت
منى:ان شالله ثواااااااني واكون عندك...
فيصل:خلاص انا بجي امرك ونطلع
منى:طيب

لبس فيصل ثوب وكاب..وطلع
مر من غرفتها..شافها مرميه ع السرير..عوووره قلبه..هو الحين سبب في تعاستها

لحفها(غطاها)وسكر النور الباب وطلع


شذى:نواااااااااااااااااال..متى يجي بكره عشان تجين عندنا...
نوال:ههههههههههههههه بكره
شذى:نوااااااااااااااااااااال..
نوال:هههههههههههههههههه شفيك نوال ونوال..
شذى:احبك يانواااااااااااااااااااااااااااال
نوال فقعت ضحك:ههههههههههههههههههههههههههههههه
هههههههههههههههههههههههههههههههههههههههههههههههههه ههههه
شذى:ايوه كذا خل نسمع ضحكتك من يوم خذتي هالـ شين..وانتي ماتضحكين الا بالموووووت
نوال:شوشو هذا زوجي...يعني لو سمحتي
شذى:اووووووهوووو طيب طيب خلاااااص

سكرت نوال من شذى..
وجلست تتفرج ع التلفزيون...
محمد دخل:السلام عليكم
نوال ابتسمت بنعومه:وعليكم السلااام
محمد:كيفك؟؟
نوال:بخير الله يسلمك انت كيفك..
محمد:تمام التمام
نوال:اقول حموده
محمد:هلا..عنون حموده وقلبه وعمره
نوال ابتسمت: تسلم عيونك وقلبك وعمرك ..من بيوديني بكره للـ بيت اهلي اخلي نايف ولا توديني انت
محمد:اممممـ..خلي نايف انا عندي كم مشوار...
نوال:براحتك
محمد يتأمل وجهها...وعيونه تلمع
نوال استحت:حمدوي شفيك؟؟
محمد:أحبــك
نوال:وأنا اكثـــــر
محمد:نوال
نوال:عيون نوال..
محمد:هههههههه تقلديني؟؟
نوال:لاني احبك
محمد:وانا اكثر.بس انا ابي أسألك
نوال:أمر
محمد:انا استــــــــــاهلك؟؟
نوال:حموووود!!..وش هالـ سؤال..ترا ازعل منك


عند فيصل ومنـــــــى..بالمطعم
منى:وهذا احنا قعدنا وطلبنا وخلصنا...يالله شعدنك
فيصل:عبير.....
منى:وش فيها...
فيصل حكا لهاعن كل شي الا بعض التفصيلات الدقيقه
منى:الله الله....وانا اظن انك كنسلت خطبتك لـ دلال عشان عبير...طلعت متزوجها تحدي؟؟؟؟؟
فيصل:هي ماتحبني..العلاقه اللي بيني وبينها مو احترام ولاتقولين عنها سطحيه..
كلها مناقر وهوااااش
منى:انت تحبها؟؟


كانت نوف بـ غرفتها...وجالسه تسمع عشان الحب...
والاخت داخله جووو

فجــــــأه رن جوالها
شافت الرقــم...رقم غريب..هي مو من عادتها ترد على أي رقم غريب...
جلس يرن يرن يرن ..وبعدها سكت...
..وبعدها رن نغمة مسج...
فتحته من نفس الرقـــــم..ويقول
"نوف اذا فاضيه ردي علـــــي..."
نوف أستغربت..يمكن وحد من صديقاتها..بس مادقت وكملت الاغنيه

أدري البعد اثر فيك....وتدري البعد ذابحني
حبيبي الله يخليك...ابي ترجع تريحني...
عشـــــــان الحب واللي بيني وبينك..
انا اترجــــاك لاتنسى ليالي الحب وسنيني
وحاول لجل حبي لك...انــــــك ماتخلينـــي

وبعدها رن الجوال...
نوف:اووووف..من ذي اللي ماتستحي؟؟..والله حاله الواحد مايعيش جو رومنسي
حتى لو الاغنيه ماتناسب حالتي.. انا ابي اعيش جوووو ...اف بس
نوف بعصبيه:آلووو
.....:هههههههه بسم الله ليش معصبه
نوف عرفت الصوت زين..هالصوت ..صوت بدر..بدر داق عليها..ماتت حيا وخوف وكل الاحاسيس جتها في وقت واحد
نوف:أ..أأ..هـ..هلا..من معي
بدر بهدوء:افا..نوفي ماعرفتيني..
نوف:أ..لا..مـ ..من؟؟
بدر:بـــدر
حست بـ خوف على انها عرفت انه بدر..بس خاااااافت
نوف:أيه..هـ..هلا بدر..شلونك؟؟
بدر:بخير دامك بخير
نوف تستهبل:اجل انت بخير
بدر:ههههههههههههههههههه
نوف حست انها خبله :.......
بدر:اكيد تقولين وش عنده ذا داق علي..صح؟؟
نوف:لا شدعوه انت ولد خالتي
بدر:امممممممـ.. مشكوووووره والله..بس ماتبين تسأليني ليش داق؟
نوف:ليش داق؟؟
بدر:ابي اسألك كيف السلسله طلعت حلوه عليك ولالا..ولو اني متأكد انها بتطلع حلوه..
نوف استحت:ايه حلوه...مشكووووووووور
بدر:واذا خاطرك بـ أي شي..تراني حاااااظر
نوف:تسلم
بدر:أوكي ماراح اطول عليك...باي
نوف:لا عادي
بدر:..............
نوف ارتبكت:.أ..أ...بـ..باي
بدر ابتسم:بايات
سكرت منه
ورمت نفسها بالسرير....آآآآآآآآآآآآه..احبه ياناس احبه...

بدر دايم حركاته مع نوف كذا..تحسسها انه يحبها...وهي احيننا تشك انه يحبها..تقول يمكن يبي يحسسني اني مثل خواته بس بسرعه تطرد هالافكار من راسها..وتقول انه يحبها...

بس السبب اللي داق علي عشانه سخيف..الله اكيد يبي يدق علي وبس..وناااااسه




منى:طيب نقول انك ماتحبها..ليش ماتحسسها انك تحبها وتخاف عليها..هي بس تبي شخص يقدرها وصدقني تقدر تكسر غرورها..
فيصل:ماأقدر احس كرامتي ماتسمح لي حتى اني اكون هادي معها
منى:دس على كرامتك شوي..هذا زواج مو لعبه
فيصل:اوووف..والله اني اخاف افقد اعصابي وأتهور..
منى:طيب فيصل عبير جميله وتنحب..
فيصل:ادري..بس انا كللللللش مو بهاضمها..احسها لم تعصب تخلي الي قدامها غصب يعصب
منى:طيب انا بقولك على حل وتراه مو غصب..انت عاملها بـ ألاسلوب اللي انت تبيها تعاملك به..ولو طال الوقت صدقني..بيجيك الفرج
فيصل يحط راسه بين يدينه:انا ليـــــــش تزوجتها ليش؟؟
منى:فصوووووول..خلاص اللي راح راح..وان شالله مع الوقت..كل شي بيصير تمام..انت بس لاتشيل هم وسوو اللي قلت لك عليه
فيصل:ان شالله...


طلعوا من المطعم وحط فيصل منى في بيتها..ورجع للـ بيت

عبير كانت قايمه..قامت من السرير وهي تعباااااااااااانه..ظهرها يعووورها
سمعت صوت الباب..هذا اكيـد الاخ شرف
كان شكل عبير مبهذل...اثار الدموع واضحه على وجهها..شعرها محووس..كانت تكسر الخاطر
فيصل:عبيـر؟
عبير تحاول تمنع دمعتها:وش تبي بعد؟؟..ياخي خلاص انا مليـــت طفشت منك...جاي تبي تطقني؟؟..
فيصل عوره قلبه عليها
راح لـ غرفته ولا كلمها..
دخلت عبير غرفتها وهي الى الان تحس بألام ظهرها..فتحت دفتر الخواطر..من زمان عن الخواطر..
جلست تحاول تألف لها أي خاطره..تنسي نفسها..لكن لانفسيتها ولا يدها يحاولون يساعدونها تحس كل الدنيا سكرت بوجهها..
رمت نفسها ع السرير وهذا اللي تقدر تسويه...ضرب فيصل لها اليوم..خلاها تحس بالضعف..آآخ يافيصل من دخلت حياتي وانا احس اني ضعيفه..حتى ابوي صار يسيطر علي..


فـــــــي مكان ثاني..وعند هيا
كانت هيا بـ غرفتها..
تتذكر وش صار لها اليوم معه..آآآه..ياليتني مادريت وعشت بـ كذبتك..كان بتصير هـ اليله اسعد ليله بـ حياتي..
رن جوالها نغمة مسج..فتحت المسـج

"
احبـك .. والغـرام اكثـر
احبـك .. والعشـق اكبـر
احبـك في زمـن صــافي
واحبــك في زمـان اغـبر


عمـري .. قلبـي .. حيـاتـي
كلمــة تـنطـقـها شفـاي
احبـك في كـل اوقـاتــي
في ربيــعـي و شتـاي
في نهــاري و مســاي
فـ كـل لحــظـاتـي
للعــمر .. اللي راح .. واللي جـاي


حبيـبـي ... اسمحـــيلـي
اعيشــك .. ابــتـديــك وانتـهيــك
اجمــع جروحـــك ... وافتــديـك
هـاتيـهـا همـومـك ...ارتــويــك
احبـــك ... وانتــظـر ردك
احــــــتـريـــــك
يــاروعــة لمســة يـديــنـي يديـك
لـو بيـدي اصـرخ واقـول ..
كــل مافيــنـي يبيــك

مشـــــعـــــل.."

حست هيا بسعاده كبيــــره..بس من تذكرت كلامه بالمزرعه حست بـ كررره
تحس انه يلعب بـ مشاعرها..بلعب عليها..ماراح اخليـك تظن..اني هيا الغبيه..هيا اللي تلعب عليها..رسلت له..:

"
جرحتني بدون احساس
وحبك يجر بالاانفاس
تبعتك بالهوى مفتون
ورجعت وخاااطري مطعون
جزا من حب وضحا
ياليتني في حلم واصحا
وين الصبر بعد اللي شفته
ألا الغدر ماتوقعته...خل العتب مرفوع
هذا قراري انا يمكن انا المخدوع"

مشعل مافهم عليها ..بس رسل لها
" حبيبي كل مافيني يذوب بملح
همساتك..
حبيبي كل أحاسيسي يعشقونك
يعشقونك..
حبيبي طالبك تكفى ابيك بكلك
لذاتك..
ابــي اكــــون جنــبك مــــثل
ظلك..
ولاأبي شي من
دونك..
ابسهر في وسط عينك
وابشرب كاس نظراتك
والى مني بغيت النوم
ابي انام بعيونك..

"



سكرت هيا جوالها وحاولت تنام...

من بكره..قامت عبير على صوت جوالها
عبير:آلوو
شذى:هلا عبوووره
عبير:أهلين..
شذى:اخبارك
عبير:عايشه..انتي؟
شذى:تمام التمام..اسمــعي..استعدي عشان نروح للـ كوافيره..
عبير بغباء:ليـش؟؟
شذى:عبوووره..زواج هيونه
عبير:يووه نسيت..اوكي بشوف انتي روحي
شذى:بكيفك..يالله باي
عبير:بايات

سكرت عبير من شذى وراحت للـ حمام..

لبست لبس عادي..وطلعت
كان فيصل جالس بالصاله..

جت بتطلع برا الجناح..بــــس
فيصل:عبير
وقفت عبير بس ماتكلمت ولا التفتت له
فيصل:ماراح تروحين للـ زواج هيا
عبير:لا
فيصل:ليه؟
عبير:مابي..
فيصل:كيفك..
وطلعت وهي مقهووووره منه

نزلت تحت
كان فيه منى ونوف وام فيصل
منى:أهلا وسهلا..وأخيرا نزلتي
عبير ابتسمت:اهليـــــن..متى جيتي؟؟
منى:الساعه 11
عبير:اوف..وليش؟
منى:وش اسوي رحلة رجلي الساعه 12 وحطني هنا
جت وجلست بجنب ام فيصل..
بعد ثــواني..نزل فيصل..
فيصل:السلام عليكم..
الكل الا عبير:وعليكم السلام..
فيصل مبتسم ويناظر عبير:وووش دعوووووووه..رد السلام واجب
عبير استــغربت مو كأن اهله فيه ..بس هلـ لادمي مايهمه..منافق..
عبير بدون تعابير واضحه:وعليكم السلام
فيصل يمد يده بـ معنى انو امسكي يدي.:تعالي ابيك
عبير استغربت..وناظرت منى لانها كانت قدامها..منى شجعتها انها تروح معه
قامت..بس مامسكت يده..بس بـ حركه مفاجأه منه مسك يدها..وطلــعوا برا


في الحــــوش
فيصل:انتي زعلانه منى؟؟
عبير:ليـش يهمك؟؟..
فيصل يبتسم:أكيــــد
عبير:.........
ناظرت فـ الحديقه اللي وراه..
فيصل تقرب منها..ومسك ذقنها..ورفع راسها عشان تشوفه
فيصل بـ حنيه:شوفيني لم أكلمك...انتي الى الان زعلانه مني؟؟
عبير:مو مهم
فيصل:ليـش؟؟..مو زوجتي انتي؟؟..انتي أهم شي عندي..!!
عبير عصبت..تحسه يلعب بـ مشاعرها...بعدت يده عنها بقسووه..
عبير:وخـر عني.. انت لو تهمك مشاعري..كان مأخذتني غصب..
فيصل:طيب انـسي..نفتح صفحه جديده..ونعيـــش كـ زوجين
عبير.لاااا..مابي مابي مابي...انا ماأحبـــــك..تعرف وش معناها؟؟..اكرررررهك
فيصل عصب:طوول عمرك عنيـــده..بس تدرين..انا مدري ليش جاي براضيك ..عندك البيت ملياااان جدران...وانتي اللي فـ النهايه خسرانه..لان بدالك عشر..
وطلـــــــع..

دخلت جوا...
منى:هاااااه..بشري
عبير حاولت تبستم:سلامتك..
ام فيصل:تعالي اجلسي..
عبير:لالا يمه..انا بروح فوق..راسي مصدع
لاوالله مو راسي الا ظهري
ام فيصل:طيب عبير اليوم الخميس..ماودتس تروحين لـ أبوتس؟؟
عبير تذكرت جمعتهم كل خميـس..بروح..يوووه صح نسيت اليوم زواج هيونه..اووف..والله قهر..
عبير:لا ماأظن لان اليوم زواج هيا بنت عمي
ام فيصل:ماراح تروحين؟؟
عبير:مدري..
وراحــــت فووق
ام فيصل:والله اني حبيتها ونعم الاختيار يافيصل..احس ان فيصل مرتاح معها
منى:صــــح يمه
نوف:اممممـ..انا عن نفسي مدري

سمعت عبير كلامهم ..وكملت..ماتبي تسمع اكثـر..آآه يام فيصل..انتي امي ولا ابي اخيب ظنك..بس ولدك..ولدك عجزت احبــه..


الــــــساعه 9 بالليل..
طلعت شذى من المشغل..وهي مخلـصه ..جا نايف ومرها
شذى:نايف ودني للـ قصر...
نايف:لالا انا مابعد لبست..خل اروح للـ بيت وبعدين كلنا نروح للـ قصر
شذى:طيب هيا يمكن تحتاجني يمكن شي ولااش..بليــــز
نايف:اف منك..طيب
ووداهـــا وهو راح للـ بيت عشان يلبس..

دخلـت شذى للـ قصر..هي مره فاقده عبير اللي ماجت..
رن جوالها
شافت الرقــم..اول من جا على بالها عبيـــر..بس هذي العنود
شذى:هلا والله
العنود اهليـــن شوشو..اخبارك
شذى:تمام وينك يادوبا..ماجيتي كل أهلك جايين..وانتي لا
العنود مستحيـه مررره:أ..راحوا عني..
شذى:هههههههههههههههههههههههههههههههههههههههههههههه ههه
ههههههههههههههههههههههههههههههههه
العنود:شوووووشوووو..والله سخيــــــــفه
شذى:ههههه اكيد لاطعه اخوك برا صح؟
العنود:طيب وش السواة..وش اسوي؟؟
شذى:اوووكي ادبرك ان شالله..يالله سلااام
العنود:باي
سكـــــــرت منها..وأتـصلت على احد عشان يجي ياخذها


كان بيـــطلع من الشركه..خلص شغله كله ..والحين جاو قت رجعته للـ بيت
- فيصل
اللتفت فيصل وشاف..عبدالله
لا حووووول...
فيصل:نعم
عبدالله يبتسم:اخبارك؟
فيصل:والله بخير..وانت؟؟
عبدالله:ماشي الحال..الحمدالله..الا تعال..انت فاضي..ابي اطلع معك
فيصل:اوكي..وش وراي..
وراحوا للـ مطعم

فـ المطعم
عبدالله:مارحت للـ زواج مشعل؟؟
فيصل:لا اعتذرت..مالي خلق..انت؟؟
عبدالله:انا مثلك كان عندي شغل الا راسي..بس خلصت ولا ابي اروح
فيصل:أهــاا..
عبدالله:اكيد مستغرب اني عازمك صح؟
فيصل:لا ليش استغرب مو صديقي انت؟
عبدالله:انا فاهمك..بس شف انا لما كلمتك كانت لحظة غضب..وصدقني انا محترم ان الحين عبير تكون زوجتك..وصدقني كلام اول أنســــاه
فيصل:.......
عبدالله:فيصل..انا ماراح اخسر صداقة عمر..عشان زواجه..بلعكس..الله يوفقك
فيصل:عبدالله..انا مازعلت منك..بس هذي زوجتي..والكلام اللي صار بيننا ابيــك تنســـــاه..
عبدالله:ان شالله..صافي يالبن مثل مايقولون؟؟
فيصل:صافي يالبن..

طلــــع فيصل يتمشى معه شــــوي..

فــــــي نفـــــس الوقـــــت...وعند العنـــود
العنود:اووووف ياشوشو..والله انك تقهرين اجل بتدبريني؟؟
سمعت صوت بوري(هرن)
طلـــعت شافت شـــاب..وجالس بـ سياره..
العنود بلــمت..من هذا؟؟..
اتصلت على شذى
شذى:هلا
العنود:شوشو انتي قلتي لـ مين يجيني؟؟
شذى ماتسمع من الطق:أيــــــــــش
العنود:انتـي قلتي لـ من يجيني؟؟؟؟؟
شذى:مـــــاأسمـــــــــع زيـــــــــن؟؟..قلت أيـــــش؟؟
العنود:اطلعــــــي براا كلميــني
طلعت شذى:هاه تسمعيني..
العنود:هههه انتي اللي ماتسمعين..المهم من جاني
شذى:نايف..
العنود:نعم نعم نعم؟؟..شوشو انا متعطــــــره؟؟..بعدين كيف اركب معاه لـ حالي
شذى:ههههههه طيب وش اسوي لك..المهم تراه برا ينتظرك..ماأقدر اكلمك اكثـر بااي
العنود:طيب شوشـ..آآلوو..آلوو..شووشوووو..
سكـــرت في وجهي..اوف حماره عارفه اني ماراح اركب معاه لـ حالي..اوف اوف..وش اسوي...
يؤيؤؤ..ألرجال صار له ساعه واقف عند الباب..اممممـ..اركـب ولالا
سمعـــــت صوت البوري مره ثانيه
فـ الاخيـر..راحـــت وركبت معاه


اما عند عبيـــــر..كانت في حالة ملل..الله يعلم بها..
سمعت صــوت الباب..
عبير:أدخـــــل
دخلت منى..
مننى:عبوووره..ليش جالسه هنا؟؟
عبير:أمممممممممـ..مدري ..ماودي انــزل
منى:طيب فصول داق علي يقول تجهزوا عشان نطلع..شرايك
عبير:مابي روحوا انتوا
منى عارفه شسالفه:عبير عشاني يالله..بليــــز
عبير:تكفيـن منى لاتظغطين علي...مابي
منى:لا راح اضغط عليـك..امشي..يالله
عبير:يعني مافي فايده؟؟
منى:لا..يالله انتظرك تحت..
لبست عبير واخذت عبايتها معها..
نزلت تحت بقت نوف ومنى ومجودي جالسين
منى:وينـــــك؟؟
عبير:تأخرت؟؟
منى:لا لا..بس يالله هذا فيصل جا
عبير:أوكي
وطلعوا برا..لقوا فيصل راكـــب بالسياره
عبير شافت نوف ومنى رايحين ورا..اوووف انا الحين وش يركبني قدام معاه..؟؟..اوكي مو مشكله كلها ثواني..
راحـــــت وركبت..
فيصل:هاه يابنوتات وين تبون تروحون؟؟
نوف:أممممممممـ..انا ابغا..امممـ..مدري كل شي منك حلو..
فيصل ابتسم:تسلميـــن..منى؟
منى:مدري خل ناخذ راي البرنسيسه
فيصل يستغبي:مين؟
منى:عبوره الاموره..
فيصل:.........................."سكات وماسألها وش تبي"
عبير:انا مابي شي..انتوا كيفكم
نوف:خسااااااااااااااره لو في بحر
منى:ههههههههههههههههههههه..طيب شاريك نروح للـ سوق
فيصل:لا مو مره ثانيه..انتي لما تدخلين السوق ماتطلعين ماشالله عليك..
منى:لااا اله الا الله
فيصل:هههههههههههههههه اللهم صلي على محمد..على ايش احسدك
راحـــــــوا للـ ســـــوق
عاد منى دخلت السوق وش بيطلعها..خخخخخ

عنـــــد العنـــــود
العنود ركبت ورا طبعا:السلام عليكم
نايف:وعليكم السلام..اخبـــارك عنود؟؟
العنود:والله الحمد الله..انت كيفك؟؟
نايف:تمام التمام...
وحـــــــرك...طووول الطريــــق وهــم ساكتيــــــن
نايف كان يشم ريـــحة عطرها...ياحلووووه...والله مادوي انزلها من هالعطر..احم استغفر الله ..انا شقاعد اسوي..

اما العنود..فـ كانت شايله هم العطر...هي لو تدري انها بتطلع مع احد غير اخوهـا كان ماتعطرت...آآآخ بالقهر...الحين بصير بـ حكم الزانيه...لالا ان شالله..ان شالله ربــي يغفر لي ويرحمني...ياربي لاتعاقبني..بس والله مو قصدي...

وصـلوا للـ قصر..
العنود:مشكووور نايف...كلفت عليك..سامحني
نايف وهـ بس ياحلووو صوتها ويازين اسمي:لا ماهنا كلافه..وهذا واجبـي
العنود ودها تضحك على رده..ماهنا كلافه خخخخ..متأثر من امه
نزلت ودخلت على طووووووول..وطاحت تهزئ في شذى

عنـــــد عبيـــــــــر
مجودي:مـا مـا...ابي ألوح للـ ملاهـــي فوق..
منى:يووه اصبر..نوف وش رايك بـ هاللبس مو حلوو.؟
نوف:الا مرررره بيصير كيوت عليك
مجودي:ماما..ابي الملاااااااااااااهي..
وجلس يصررررخ بالســـــــوق..وسوى لهم فضيحه...
منى:أسكــــــــــــــت..ياورع
عبير:هههههههههه ورع؟؟
مجودي:مابي مابي مابي..ابي الووووح للـ ملااااااااااهي..
منى:فيصل.بليز انت وعبير روحوا ودوه للـ ملاهي...
فيصل:اوووكي
عبير:بـ..
منى:عبير انتي مالك حاجه بالسوووق بليــــــــــــــــز
عبير:اوكي
وراحــــــوا...منى قاصده تخلي فيصل مع عبير...
في طريقهم للـ ملاهي
فيصل:عبير!
عبير:نعم؟
فيصل:الحين لم نروح فوق ابغاك تشترين لك نقاب ولا برقع
عبير:نعم نعم نعم؟؟..لا مابي انا مرتاحه كذا
فيصل يرص على اسنانه:انا اعطيك خبر...ماأشاورك..فاهمه؟؟..
عبير:بس انا مابـ...
راح فيصل وتركها...او بالاصح سبقها
ولم وصلوا فــــوق..اشترت عبير لها نقاب..ولبسته وهي تسب فيصل في سرها..

واثناء ماكان ماجد يلعب..كانت عبير تفكر بـ معاملة فيصل لها فـ النهار قبل لايروح للـ شغل..هي اللي قلبتها فوق تحت اليــــــــوم... حتى لما كانوا بالطريق ..ماكلمها...حست انها فقدت هالمعامله..مع انه ماعودها..هو بس هالمره..بس حست بـ شعوور غريب لم كلمها..طريقة كلامه....هدوووءه....نظـــــرته...آآآه بغا قلبي يطيح..انا شقاعده اقول...هالانسان أكرررررهه لو وش يصير...ماراح افكر كذا مره ثانيه....

جلس ماجد يلعب ويلعب الييين تعب
مجودي:خالي...تعبت..ابغا ودبه
عبير:أيـــــش؟؟..ودبه؟؟
فيصل:ههههههههههه يعني وجبه
عبير:اما انت عليــــك لغه صرااااحه
فيصل:يالله تعال..
وشاله..وراحوا للـ ماكدونالدز...وطلب له هابي ميل...
ام عبير جلست في طاوله..
شافـــت مجموعة بنات..اللي متلثمه..واللي فاتشه..وكل وحده حاطه الميكآب..اووفر..تذكرت طلعاتها اول..الحين فيصل بترهـا ..صارت مقيده..حتى الطلعه محسوبه علي..آآآه بس منك يافيصل..اذا قلت اكرهك صدقني...
ثوانـي ووصل فيصل ومعاه ماجد
مجودي:عبوووله..سوفي..همنقر
عبير:ههههههههههههه وشو هذا
فيصل:يعني همبرغر..ههههه
عبير ماقدرت تمسك نفسها:ههههههههههههههههههههههههههههههههه
ههههههههههههههههههه
فيصل بس ابتسم...
سمعت عبير صوت البنات وهم يتميلحووون عند فيصل...
ناظرتهم عبير بسخريه... معجبكم هـ الفيصل؟؟..بلاكم ماتدرون..من برا الله الله من جوا يعلم الله....مســــــاكين والله
جلــــــس ماجد ياكل..وعبير تناظره..وش كثر تحب الاطفال..ياليت عندي طفل..اربيه اوأحضنه وابوسه..ياليت عندي بس اخت صغيره..وراح اعيشها احلـــــى عيشـــــه..ماراح اخليه تحتاج للـ ام بصير لها الام...ولا راح اخليها تحتاج للـ أبو..لان ابوي ماراح ينفعها..انا بصير لها الام والابو والاخت والاخو..وكل دنيتها...بس هذا حلـــــــــــــــــــم..!!
رفــــعــت عينها لقت فيصل يهوجس..ويناظر تحت..هلانسان غــــــامض..شيفكر فيه..أموووووووووت وأعرف شيفكر فيه..حتى ولا اقدر اتوقع مجرد توقع...من جد يافيصل انت غااااااااااااامض...ودي اكتشفك ودي اعرف شخصيتك..انت طيب وحنون..ولا نجس وماتحب الا نفسك..مثل ماانا اتخيل...

رفع فيصل عينه..شافها تناظره...عبير ماشالت عينها...وهو نفس الشي..كأنه تحدي...اللي بيخلي اللي قدامه يشيل عينه اول هو المنتصر..حتى بالنظرات..هلاثنين حالتهم مصتعصيه....خخخ
قــــطع عليهم مجودي
مجودي:فيسل...افتح لعبتي
فيصل:اوكي..
وفتحها
جلس ماجد يلعب باللعبه حقت الوجبه الين تعب وجاه النوم...
راح ماجد للـ عبير...
ماجد:عبيل..ابي اناااااام
عبير استغربت من ماجد ...ترك فيصل اللي هو خاله وجاي لي انا..اللي مايعرفني
عبير:من عيوووووني الثنتين
وشالته وحطته بـ حظنها...
مجودي:دولي لي قسه
عبير أللتفت على فيصل...
فيصل فهم عليها:يقول..قولي لي قصه
عبير:بس انا ماعندي قصه
فيصل بدون اهتمام:ألفي له
عبير ناظرت مجوودي..باين عليه منتهي..ووده يناااام
عبير:امممممـ...اوكي اسمع..كان ياماكان..كان في ولد اسمه مجوودي..وكان يحب يلعب وووشاطــــر...
ناظرت فيصل اللي مابعد عينه عنها
اخر شي قام وراح عنها..واتصــل على احد

فيصل:اهليــــن مميمو
منى:هلا فيصل
فيصل:ترا مجود..رايح فيها..فيه النوم
منى:أمممممـ..طيب انتوا روحوا للـ سياره وانا جايه
فيصل:منــــــــــــى!!..مو تطولين
منى:اووووكي..من عيووووني..
فيصل:اوكي ننتظرك بالسياره
وسكــــــــــــــــر..


راح لهـاا..
فيصل:عبير تعالي للـ سياره...منى بتلحقنا
ماعطاها فرصه تتكلم قال كل شي بالمختصر المفيــــــــد..
راحــــوا للـ سياره
وركبــــــــوا..
كان مجودي فـ حضن عبير فـ ساااااابع نووومه
عبير كانت تمسح على شعره..
وفيصل حاط راسه على المرتبه..وواضــح المل فـ عيووووونه
وبعدين شغـــــل أغنيه...تجرحي..

تجــــرحيـ بـ أسم المحبهـ وبعد غيبــه تســـــألين؟؟
ياللـي بجرووحـكـ..كرييمهـ..من متى قلبكـ...؟..من متى قلبكـ..عليـ..؟؟

هالمقطــــــع..كأن هالمقـــــع..فيصل يهيديه لـ عبيـر..بس عبيـر حايره..
هالمقطع مهديه لها..ولا مجرد صـــدفه...فيصل..يحبني ولالا؟؟...بعض حركاته تثبت هـ الشي...وبعضها تثبت العكــــس..وبقوووه...وش سبب زواجه مني؟؟.
ويمكن يقصدني في..ياللي بجروحك كريمه..يعني يحبني؟؟..وانا وش يهمنـــي.. يحيني من اليوم ليـن بكره..اكبــــر همــــي..
سكـــــر فيصل المسجــــل وشغل اغنيه ثــــانيه..اغنية تامر حسني..

انا ولا عارف انا مالي ولا الي جارالي بحبك
يا حبيبي بحبك.... وهتجنن عليك
انا بقى حالي ماهو حالي ولا شاغل بالي يا عمري
غيرك يا عمري ....والله حموت عليك

محتاج لكل الي فيك خليني في حضنك
قربني ليك وريني شكل الغرام في عنيك... خليني معاك

غلبني اجي عندك واهدي اه يا جامد انت
يا ولد اه يا معدي يا واخد انت الحياة والروح وياك

أســــــأله كثيـــــــره جت بـ راس عبير...هالاغنيه لها ولالا؟؟..لالا ماأتوقع هي مجرد صدفه...لالا مو لـــــي..وانا وش علي لي ولالا...

سكر فيصل المسجل...وحط راسه بالمرتبه مره ثانيه..وتنـــــــهد..
فيصل:آآآآآآآآآآآآآآآآآآآآآآآآه...ملل..اووووووف
عبير عصبت منه وش قصده هذا الحين انا ممله؟؟
..
فـ هالحظه جت منى ومعها نوف...وركبوا..ورجعوا للـ بيت
فـــــي الطريـــــق
فيصل:ماشالله منى وش شريتي..كل السوق ولا نصه؟؟
منى:لالا ربعه
نوف تستهبل:انا بعد اسألني
فيصل:وش شريتي؟؟
نوف:اشيااااااااااااااء كثيــــــــــــــــــره
عبير ابتسمت على حركات نوف...ودها تصير مثلها...وجودها مثل عدمه اما نوف لا...انوااااع الاستهبال..والمزح...ياليتني مثلك بس

رجــــعوا للـ بيت

رآآحت عبير للـ غرفتها على طوول..
ورمت نفسها على الكنب
ودخل فيصل بعدها..وجلس معها بالصاله..
فيصل يبتسم:تعباانه؟؟
عبير بدون ماتتبستم ولا حتى تناظره:شوي
فيصل:اووكي روحي نامي..
عبير:ادري مو لازم تقوول
وراحت
هز فيصل راسه..عنيـــــده..بس انا اوريك..دخل غرفته وغير ملابسه ونااام

الــــــــــــــــســــــاعه 1ونص..بدت زفـــة هيــــــــاا
كانت زفة هيا حلوووووه...وكانت ملفته..بـ فستانها..وطقمها وكل شي..كانت جميـــــــــــــــــله
وبعدها...زفت مشعل...
دخل مشعل ومعه طلال وابو طلال ودحوومي الصغير..من عمانها(ماأنذكروا بـ القصه)
باس مشعل راسها...

العنود:ههههههههههههههه احسها مستحيه مررررره
منال:وهـ بس شوفي وش ملحه
العنود تضربها:فـ عرسه تقولين ياملحه..اجل بعد الزواج وش بتسوين؟؟
منال:لالا...مو مشيعل..
العنود:مين؟؟
منال:طلاااااااااااااااال..
العنود:مالت عليك الا مالت عليك..روحي منااااك
شذى:وش تقولون؟؟
منال:مالك شغل..روحي للـ عبير تعلمك
شذى:اخ ياعبير وينك؟؟

جا الوقت اللي بيطلع مشعل..مع هيا
طلعـــوا من القصر..وعلى السياره..طوول ماهم بـ السياره ساكتين..مشعل فسر سكوت هيا على انه خجل...
وبعدها ع الفندق...
دخلت هيا الفندق وهي كاتمه عبرتها..ودها تصررررخ وتصيــــح..تحس بـ الخوف...كيف احس بـ الخوف ومشعل معي؟؟...كيف احس بـ ضيقه ومشعل بـ جنبي الحين..
مشعل:توه مانور الفندق
هيا:.......
مشعل:حيـــاتي تبين عشا؟؟...تبين شي تاكلينه؟؟..
هيا فز قلبها من كلمة حياتي:لا شكرا..ابغا اغير ملابسي..
مشعل:أووووكي..شوفي الغرفه هناك..انا بنزل للـ للوبي شوي وراجع
هي فهمت انه بينزل عشان تاخذ راحتها..
دخلت للـ غرفته وخذت لها ملابس..ودخلت الحمام
طبعا الملابس من الاول وهي مووجوده بالفندق..بس كان في شنطتين شنطه للـ سفر وشنطه فيها بعض الملابس لو احتاجتها هيا قبل السفر..مع العلم ان طيارتهم بكره...على ايطاليا..بلد الرومنسيه على قولة مشعل..خخخ
طلعت من الحمام..وهي لابسه بيجاما حرير فوشيه..وفكت شعرها..جلست ع السرير..جلست تفكر طوول اليوم وطوول السفره وش بسوي؟؟..انا وهو لـ حالنا..اممممممممـ..من هنا الي السفره يحلها حلال..بس الحين

سمعت صوت الباب ينفتح....
______________-
وش بيصير للـ مشعل وهيا بـهـ الليله...

محمد و نوال...وش دورهم بـ القصه؟؟..

فيصل لم كان مع منى..وش جوابه لم سألته منى..اذا هو يحب عبير ولالا...اغلبيتكم اتوقع بيقول انه قال ايه..بس لاتعلقون امل بـ فيصل...لانه غااامض...واللي بالقدر بيطلعه الملاس مثل مايقولون..الى الان مافي أي دليل يثبت ان فيصل يحب عبيــــــر..!

وبتتغير معاملته للـ عبير؟؟؟؟

عبير لم كانت بـ السووق وشافت مجموعة البنات اللي يتميلحون على فيصل..ردة فعلها ماكانت الغيره...لان الاغلبيه بيظنون من هـ البارت ان عبير حبت فيصل..بس لا...يمكن تحاول تكتشفه...بس مو حب...بس بتحبه؟؟..لالا؟

__________________
أفضل تعـريف لذاتك ..
أنك لست أفضل من أحد ، ولسـت كأي أحد و لست أقل من أحد!
  #37  
قديم 09-25-2009, 02:06 AM
 
رد: معذبة قلوب الرجال رواية رومنسية مره

وهذي تكملها لعيونكم ..



الجزء الثــــــــامن
قامت من نومها ...اللتفتت جنبها..كان نايـــم...شكله حلووو وبرئ..ابتسمت على شكله..تذكرت امـس كيف كان طيب معها..

لم كانت جالسه ع السرير وتوها طالعه من الحمام..دخل عليها وكان لابس بيجامته..اممممـ شكل صار وقت وهـو بـ الغرفه بس يمكن ماحسيت لآني كنت اتروش..
مشعل:خلصتي حياتي؟؟
هيا:ايه
مشعل يجلس بجنبها:قولـي آآمين
هيا:آميـــن!!
مشعل:الله لايفرقنا..
هيا:...........
كان اسلوبي معاه بارد..انا مابي اجرح مشاعره..مهما كان هذا مشعل..يالله يامشعل..انا احبك وخايفه على مشاعرك..وانت ولا همـّــــــــك..

قامت من سريرها..وراحـــت للـ حمام...

عنـــــد عبيـر..كانت قايمه من وقت..وجالسه على النت..وبعدين نزلت تحت..
لم نزلت لقت عزوز وام فيصل..
عبير:السلام عليكم..
عزوز و ام فيصل:وعليكم السلام
عزوز:غريبـــه قايمه هالوقت..السـاعه الحين 9ونص
عبير:ادري بس عندي امتحان الساعه 11 وابي اراجع نزلت ابي اكل لي شي
طبعا هي تكذب هي ماذاكرت اساسا عشان تراجع
ام فيصل تدعي:الله يوفقك ان شالله..وتصيرين الاولى
عبير فرحت من دعوة امها...اول مره احد يدعي لها..ابوها ماكان حتى يهتم يعرف مستواها...حبت راسها
راحـــت عشان تقول للـ طباخ يصلح لها أي شي..وراحت فوق عشان تذاكر...جاها أكلها..وجلست تاكل وتذاكـر..
وراحــــــت للـ جامعه مع نوف


.....:فيصل..وش فيك؟؟..مو على بعضك
فيصل:ابد سلامتك بس مانمت زين..
عبدالله:أفـــاا...ليش؟..
فيصل:سلامتك...المهم امــــش نطلع انا طفشت من هـ الشركـه
عبدالله:يالله
وطللـــــــعوا يتمشـــــــون

عبدالله:طيب قل لي وش مضيق خلق يمكن اساعدك..
فيصل:انا اساسا مدري شفيني..

عنـــــد عبيــــــر بالجامعه
عبير:شوشو..وش صار امس بالزواج؟؟
شذى:اممممممـ..كانت هيا مررره حلوه
عبير:وبعد
شذى:والله يابنت الحلال زواج عادي..مافي أي شي جديد
عبير:فيصل قال اذا ابي اروح بس انا قلت له لا
شذى:غبيـــــــــــــــه...ليش؟؟
عبير:بس مابي..ماكان لي خلق..المهم اخبااارك

جت اثير هي و اضواء
عبير للـ شذى:يالله ياقدمهم
شذى:هههههههههههههههههه
اثير:هاااااي عبوره وشوشو..
عبير وشذى:هايات..
اثير واضواء جلسوا..وجلسوا سواليف
اثير:عبير مبرووووووك الزواج
عبير:الله يبارك فيك
اضواء:كذا ماتعزمينا؟؟
عبير:على ايش؟
اثير:زواجك؟؟
عبير:ماسويت ان شالله بعدين مو الحين
اثير واضواء استغربوا..عبير ماسوت زواج؟؟..شي غريب
رن جوال اثيــــــر...
اثير:حمووووووودي
وراحت تكلمه
شذى:هـ الحمود قاطع قلبها
شوي الا قالت اثير من بعيـد
اثير:عبيـــــــــــــــر!!
عبير:نعم؟؟
اثير:خل نطلع...بليــــز
عبير:سووووووري ماأقدر انا متزوجه
طبعا هي ماتبي تطلع معها..ولا مو عشان خاطر فيصل خخخ
اثير:اوووه..اوكي
اثير بغنج تكلم احمد:حمووووودي
احمد:عيونه
اثير:ماأقدر اطلع..صاحبتي مو راضيه تطلع معي
احمد:عبيـــــــر؟؟
اثير بغت تطلع عيونها:وانت وش عليك؟؟
احمد:حبيبي شفيك بس اسأل
اثير:أيــــــه عبير...بس تراها مغرووووووره يعني انا احسن منها..
احمد يبتسم:أكيــــد
اثير:اووكي..بحاول عشان اشوفك
احمد:وخلي عبير هي اللي تجيبك
اثير عصبت:ليـــــــش؟؟
احمد:عشان ابوك مايسأل السواق وين رحتي.. صح؟
اثير:........
احمد:اثير حبي..انتي في نظــــــري احلــــى منها بـ 60 مررررره
اثير:والله؟؟
احمد:أكيــــــــــــــــــــد
اثير:يلومووني فيك
احمد:شفتي كيف..المهم قلبووو..جا خـووي..اكلمك بعدين
اثير:اوووكي
احمد:باي
اثير: بايات

ســــــكــر احمد من اثيـر..على جيت صديقه..راكان
راكان:انا ابــــي اعرف من وين تجيب هـ البنات
احمد:حرام عليك بنت وحده...بس الثانيه بالطريق
راكان:ياأخي ابي طيب انا
احمد:اثير عندها صديقه اسمها عبير..
راكان:ناوي على شي
احمد:اكيــــــــــد...بجيب راس هـ العبير..
راكان:منهي؟؟..متى شفتها؟؟
احمد:تذكر يوم اواعد اثير بـ الكووفي
راكان:يوم كنتوا بـ تشيلز وطلعت معك علـى محل الكووفي
احمد:ايه
راكان:ايه تذكرت
احمد:تتذكر وحده كانت جايه عشان تاخذ اثيــــــر؟؟
راكان:ايووووووووه..تذكرتها..صااااااااااروووووخ..وا لله انها شـــــق
احمد:هذي اللي ابي اجيب راسها
راكان:خلها لي انت عندك
احمد:اووووكي بس اهم شي بجيها شكل البنت موب هينه
راكان:ههههههههههههههه يمكن ذاك اليوم كانت معصبه
احمد:ماأظـــــــــن..


فيصل كان نواي هو اللي بيجيب عبير بنفسه

اثير:عبووره خاطري اشوف زوجك
اضواء:ايه والله.. حلووووو؟
شذى شهقت:حلوووووو وبس..ألا يطيح الطير من السما..صح عبووووره؟؟
عبير بدون اهتمام:مدري..
اثير:اممممممممـ..مامعك صورته
عبير:لا
اضواء:تغاريـــن..لاتخافين كلها بس دقيقه نشوف شكله وخلاص
عبير عصبت منها مابقى الا فيصل اغار عليه:قلت مامعي..اووووووف
اثير:طيب خلاص..يؤ
رن جوال عبير
المتــــصل فيصل
شذى شافت الاسم..
شذى:ههههههههههه عمره طويل...جبنا طاريه دق
اضواء بلهفه واضحه:والله؟؟....وناااااااااسه حطي سيبكر بسمع صوته
عبير عنـاد فيهم:in your dream
اثير:يووووووه ليش عااد
ردت:آلوو
فيصل بدون مقدمات: أطلعي..
عبير:نعم؟؟..كذا يعني بدون شي؟؟
اثير واضواء كاموا يتضاحكون..
عبير تنرفزت منهم قالت انا اوريكم تكلمت بـ دلع:اووووووكي حبيبي
فيصل:حبيبي؟؟
عبير بدلع بغى فيصل يرووح ملـــح:حبيـــــبي..وش فيك؟
فيصل:عبير وش شاربه بالله
عبير:ههههههههههههه ياحبي ولله...
فيصل:...............
عبير:اوووووكي وش كنت تقول
فيصل:قلت اطلعي انا عند الباب
عبير استغربت وش جابه:أيـــش؟؟..وش جابك
فيصل:طيب انتي اطلعي اول ..
عبير:من عيوني..كم عندي من فيصل..
فيصل علامات الاستفهام:طيب تعالي بسررعه
سكرت عبير وهي تسب وتلعن نفسها...وش بتقول له الحين..
اثيــر:ياعينيــــــي ع الحب
قامت عبير وهي واصله معها:كرمينها بـ سكوتك
اثير واضواء:..........
شذى:عبير بتروحين
عبير:ايه..وبدق عليك
اثير:اصبري ابي اشوف زوجك
اضواء:وانا بعد
عبير اووووف علل..صدق ماعندهم كرامه...نشبه..توني مهزئتهم يجوون
لم طلعوا..
اثير:واااااااااااااااااااو..هذا زوجك
اضواء خاااقه:بمووووت..لالا مستحيـل ابي زيه
كان فيصل..جالس بـ سيارته BMWالحـــــوت..ســودا..ولابس ثوب ومرسّــم
ولابس نظاراتDior
عبير:طيب..يالله باي
وراحـــت ركبت معاه..
عبير:السلام عليكم
فيصل:وعليكم السلااام..
عبير تكلمت بسرعه:شف انا يوم كلمتك كذا تو بس عند صديقاتي..يعني مو عشان شي
فيصل:........
عبير:يعني لاتظن اني ابيهم يعرفون اني متزوجه غصـــب
فيصل:طيب انا قلت شي؟؟..ادري انه مو لله
عبير:..............
فيصل:انا ابي اعرف متى بتشيلين فكرة انك متزوجه غصـب
عبير تذكرت كلام عذبتنيـ بصمتكـ..كان يقول لها..لازم تشيل هـ الشي من راسها
طوول الطريـق وهـم ساكتين
فيصل:ويــن تبين تروحين؟؟
عبير:وين؟؟..اكيد للـ بيت
فيصل يبتسم:انا ناوي اليوم اننا نطلــــع
عبير:لالا مابي..ابي ارووح للـ بيت تعباانه
فيصل:و مو تعبانه تجلسين ضحك وسوالف مع عزوز وسلطان
عبير مسكت ضحكتها..ههههه في قلبه علي..خصوصا سالفة البلاستر
فيصل:يالله وين تبين ترووحين
عبير:مــــــدري..
فيصل:اووكي..شرايك نرووح للـ أي سوق نتمشى ونتغدا؟؟
عبير:اووكي
وراحــــوا للـ صحارى
جلست عبير تتمشى واشترت لها بعض الاغراض..طبعا فـ البدايه ماكانت تبي ان فيصل هو اللي يدفع لها..كانت بس تتفرج..بس هو اجبرها بطريقه حلوه انها تشتري...
ورفض انها تدفع شي من جيبها...

فيصل:اووكي وش رايك نرووح نتغدى..ترا حدي جووعان
عبير:مافطرت؟؟
فيصل:هع فطرت الساعه 9 تقريبا
عبير بققت عيونها:خبــــــل..تدري كم الساعه؟؟..الحين الساعه 3ونص..صار لك 7سااعات ماكلت شي..
فيصل:خايفه علي
عبير حست بـ نفسها:لا بس خايفه لايقولون عبير وجهها نحـــــس على عائلة عمها خالد
فيصل تغيرت ملامح وجهه..من ذكر خالـــــــــد
فيصل:أمشــي نرووح نجلس..
طلبوا لهم وأكلوا بـ صمــــــت
عبير استغربت منه جابت طاري ابــــوه وتغير وجهه
تذكرت لم طلعوا مع بعض اول مره..كيف تغير مزاجها من ذكر ابوها
اكتشفت اشيــاء مشتركه بينها وبين فيصل
كلــــــهم ابوانهم بالاسم..وماعندهم ام...بس هو امي موضي عوضته عن حنان الام
بـــــس هـي غيـر...انا امي ماتت يوم ولدتني..اما هو امه ماتت على حسب كلام نوف وعمره 6 سنوات...يعني كان يعتبر كبير نوعا ما..بـ اولى أبتدائي..اكيــد انه عانا بهـ الفتره...ومتحمل عبئ عائله...كيف قدر يتحمل...عمي خالد اللي اعرفه انه مطلق امي موضي..من تقريبا عشريـــن سنه..وفيصل كان هو الابو والام للـ عزوز وسلطان ونوف..والاخو الكبيـــــر..قلبـه كبيـــر تحمل عبئ اخوانه وامه وهو صغيــر..انا لازم اعرف السالفه كامله من نووف..هي اللي بتعلمني..بس كيف فيصل عنده شــــــركه...وهو مدريها وهو بـ عز شبابه..اممممـ..كل شي بيتضح من نووف...لحظــــه وليش اسأل نووف عندي فيصل الحين هو قدامي بسأله
عبير:فيصل؟
فيصل:نعم..
عبير ماتبي تبدا على طوول:انت كم عمرك؟؟
فيصل:26..ليش؟؟
عبير:طيب كيف عمرك 26وعندك شركه...حـ..
كانت بتقوله حقت ابووك بس خافت لايكسر الطاوله فوق راسها
فيصل:الشركه هذي حقت امي..وانا وسلطان ندريها..وش طاري عليك؟
عبير:طيب ابي اعرف السالفه...
فيصل:أي سالفه؟؟
عبير:اممممممـ..ان لم كنت صغير ووش سالفه..أ..أبـــــوك؟؟
فيصل:عبير مو وقته..هذا شي عائلي.. لو سمحتي يعني
عبير:......
فيصل:الحمدالله شبعت...انا بغسل
وقـــام عنها
عبير..علاااماات الاستفهام تكثر فوق راسها...وشلون شي عائلي..صدق انك تقهر يافيصلووه...بس لاحظت شي..فيصل مررررره متغير علي..صاير طيب وحنون ويتحمل ثقالة دمي..لالا وشو ثقالة دمي..هو اللي والله تقيل دم..
قامت وراحت للـ حمام النساء..ورجعت للـ طاوله لقت فيصل جالس..وحاط راسه بين يدينه..وباين عليه الاكتأب
عبير:فيصل؟؟
فيصل على طوول رفـع راسه:هلا..يالله نرووح للـ بيت
عبير:اووكي..
ورجعــــــــــوا للـ بيت

عنــــد مشعل وهيـا..مافي شي جديد راحـوا للـ أهلهم عشان يسلموون وبعدها ع الطياره على طوول

ناديه وهي تسكر الباب بعد ماطلعت هيا
ناديه:بفقدهـا الشيــــنه..شهر؟؟..شهر يالشينه..؟؟
طلال:ههههههههههههههههه انتي فاقدتها ليش؟؟
هيا:بس


طلعت عبير من غرفتها ولقت الجناح فاضي..
تذكرت هي لها فتره مازارت ابوها..
اتصلت على فيصل..
فيصل:هلاوالله
عبير ببرود:هلا..
فيصل ولو ان عبير هي المتصله:كيفك؟
عبير:الحمدالله..ابغا اروح للـ ابوي
فيصل:طيب اووكي البسي وانا جايك بـ الطريق
عبير:انت بتوديني؟
فيصل:ان ماويتك من يوديك؟؟
عبير:في السواق
فيصل:لالا انا موجود..يالله انا بجيك
عبير:طيب باي
فيصل:بايات
وسكرت منه ..
لبست لبس عادي ماتكلفت..هي الي الان شايله بـ قلبها على ابوها

ثواني وخلصت..
نـــزلت تحت لقت منى ونوف
سلطان وعزوز مالهم حس هـ الايام
أيـه نسيت اقولكم اليوم اول اسبووع من اجازتي...خخ شكلي راسبه من كثرة غيابي..بس مابعد طلعت النتيجه...اممممممـ ان شالله شي يرفع الراس
نزلت بس تفاجأت بـ منى كان شكلها حزيـن
عبير:هاااااااااي افري ون
نوف:هايات..تعالي شوفي الخبله زعلانه
عبير:ليــــــش؟؟..ليش الزعل؟؟
منى:بليز ترا مالي خلقكم..روحوا هناك
دخل فيصل
فيصل:السلام عليكم
اللكل:وعليكم السلام
فيصل شاف منى وشكلها زعلانه: سلامات حبيبي مو على بعضك سلامات سلامات أشوف الحزن في عيونك سلامات
هـو عارف انها بتعصصصصصصب
منى:يوووووووه فيصلووه..ياكرهي لك..مو وقتك
فيصل ولا همه يكمل: بلقياك القلب يشفي غليله وانا وياك مثل قيس وليلى...
نوف قاطه معهم: بلقياك القلب يشفـي غليله وانا وياك مثل قيس وليلى...
فيصل:روايات و ياما ألفوا عنا روايات
منى زعلانه:...........
نوف:ههههههههههههههههههههههههه
فيصل: اذا راد الزمن يجرح ولا يداوي اذا راد ولو زاد العمر واحد ولا ينقص ولو زاد
يا طيوب أبي منك دقيقه تشجع و قولي بالحقيقة
حرامات نقضي العمر بالحسره والاهات
منى ودها تسطر فيصل:فيــــــــصــــــل اطلــــع برااااااااااااااا
راح لها فيصل وفتح يده عشان يضمها: يا مهموم تعال ابكي على صدري يا مهموم و لا تلوم تبي مني دمع و عيونك غيوم
منى ضمته على طووول
فيصل:ميمو وش فيك..
منى:عبدالرحمن
فيصل:وش فيـــه
منى:يقوول انه بيطوول بـ سفرته..
فيصل يضحك:ليش هي اول مرره؟؟
منى:بس معه المظيفات..اخاف يشوف له وحده منّأ ولامنّا
فيصل:ههههههههههههههههههههههههههههههههه على بالي عندك سالفه..هذا زوجك مهما كااان
نوف:فصوول وين بترووحون؟؟
فيصل:عبير بتشوف ابوها
نوف:خساااااااااااره..كان ودي اقط
منى:آآآآآه يادحماان
فيصل:دحمان؟؟
منى:عبدالرحمن بس ادلعه
فيصل وعبير ونوف:هههههههههههههههههههههههههههههههههههههههه
منى:ايه وش عليكم..اااااخ
عبير لبست عبايتها..وطلعت
ولحقها فيصل..وركبوا

طوول ماهم بـ السياره وهـم سـاكتين..
وقف فيصل عند محل للـ كووفي..
فيصل:تبين شي؟؟
عبير:أممممـ..بس توني ماكله..
فيصل:شي تشربينه؟؟
عبير:أووكي..ابغا ريلاكس
فيصل:اووكي..لوسمحـــت!!
الرجال:ايوه تفضل..!
فيصل:واحد ريلاكس وواحد موكا حار
الرجال:اووكي..
ثواني وبعدها اخذوا طلبهم...
وكملوا طريقهم وهم سـاكتين...
عبير مستغربه من معاملة فيصل لها..معاملته غريبــه هـ اليومين..اممممممـ..يمكن يبيني احبه او يجيب راســـي..بس لاتحلم يافيصل..لآنك اخـر واحد ممكن احبه...

وصـــلوا للـ بيت ابو عبير..
نــزلت عبير وتفاجأة بـ فيصل يطفي السياره وينزل معها..
عبير:بتنزل؟؟
فيصل يبتسم:اكيــد.... بسلم على عمـي...

دخلوا طبعا عبير معها مفتـــاح..اول مادخلت جلست تتأمـل البيت..البيت اللي عاشت فيه طفولتها ومراهقتها..وكــــل حيـــــاتها..الله يالدنيا..اول كنت لما ادخله احس بـ طفش بس الحين..مابي اطلــــع..ودي اجلس هنا..مابي اطلــع..تحس بـ حنين للـ هـالبيت..

فيصل لاحظ سكــوت عبير وأحترم هـ الشي..

دخلـــوا للـ فلـه
عبير:ميـــــــــــــــــري!!
جت ميري:مدام أبير؟؟؟...(مدام عبير)
كانت واضحه الفرحه بـ وجهها..ميري من زمااان وهي عندهم
عبير بفرح:ميري...كيفك؟؟
ميري:فاين..يو؟
عبير:فاين دامك فاين..وين بابا؟.
ميري:سافر
عبير:أهـــــاا..متى يرجع
ميري:ميبي تموورو..
عبير:اووكي ..يالله انا رووح
ميري:أووكي
فيصل كان واقف عند باب الفله..
فيصل :هاه..شصار عليك؟
عبير:مو موجود
فيصل:خلاص نجي بـ وقت ثاني
عبير:نجي؟؟
فيصل:اييه..نجي..ليش؟؟
عبير:ابوك ولا ابوي؟
فيصل:لامو ابوي بس عمي..
ركبـــــــوا السيــــاره..
عبير:فيصل..لاتظن ان في تغير معاملتك معاي اني بليــــــن
فيصل ابتسم:ليــــــش؟؟
عبير:لأني بكل بساطه.....
قاطعها:أدري تكرهيــني..
عبير:مدامك عارف..ليش متغيره معاملتك؟؟
فيصل:هذي معاملتي مع كل الناس...بس بـ البدايه كانت تصرفاتي معك شوي قاسيه بس غيرتها الحمد الله ورجعت زي اول..
عبير:اهـــــم شي اني علمتك...ولا تفكر مجرد تفكــــير اني بـ يوم بحبك او بس بـ ستلطفك
فيصل:...........

رجعــــوا للـ بيت وفيصل رجع للـ شغله
دخــــــل للمكتبه..
فيصل السلام عليكم..
حمد:وعليكم السلااام
فيصل:وش جاابك هنا؟..ماعندك مكتب
حمد:ياخي احبك وش اسوي
فيصل:الله يحووم كبدك..حبتك القراده..
حمد:هههههههههههههه اكيــد النفسيه اليوم حلوووه عشان المدام مدلعتك
فيصل وهو يجلس:خلـــــها على ربك بس
حمد:اليــــوم جا عبدالله..سأل عندك
فيصل بأهتمام واااضح:قلت له اني كنت مع عبيـــــر؟؟
حمد:لا خبل انا اقووله؟؟
فيصل ارتاح في جلسته:أيــــه اشـــــوى يارجال..
حمد:لين متى وانت تخاف تجيب سيرة مرتك عنده؟
فيصل:انا ماأخاف منه ولا من اشكاله...بس المياه رجعت للـ مجاريها ليش اخرب على نفسي؟؟
حمد:وأنت مصدقه؟؟
فيصل:مو مرررره...بس ماخذ حذري منه
حمد:احسن لك

حمـــــد...صديق فيصل..مـــن يومهم صغار..كانوا هو وعبدالله وفيصل اعــز الاصدقاء بس صار بينه وبين عبدالله حساسيه ...لان حمد كان يشتغل مع ابو عبدالله بس لم فيصل استلم شركة امه..وقام بـ الشركه..حمد وقف معها بـ حكم انه صديقه...وساعده بـ كل صغيره وكبيره..وهـ الشي ماعجب ابو عبدالله وعبدالله..لان حمد كان...شخص مهم بـ شركة ابو عبدالله واللي زاد الطين بله ان ابو عبدالله مايحب فيصل ولا يطيـقه..هـو طيب وخلووق والكل يحبه بس مشكلته لم يعصب يعصب...يعني نفس فيصل..



شذى:عبووره والله لك فقده وقسـم بالله...ليش معد صرتـي تطلعين معنا؟؟
عبير:امممـ..تعرفيـن الظروف..
شذى:تصدقين شلة الخماسي المـرح طايحين لي مصالح..يقولون لي تكفين اقنعي عبير تطلع معنا
عبير:مـاعليك منهم...عندهم سوواويق
شذى: والله عبوره مشـــــتاااااااااااااااااااااااااقه لك مووووووووووووت .. خاطري اشوووووفـك
عبيـر:وانا بعد..ودي اشووفـك
شذى:تــعالي بيتنا
عبير:ماأظـن فيصل يوافـق
شذى:أمممـ..طيب نطلع للـ أي مكـان
عبير:شوشو انا بي اشوفك بس صدقيني فيـصل مسكـر علي..معيي اطلـع
شذى:اووووووووه هـذا اللي كنـّا نكرهه؟؟
عبير:ولي يومك
شذى:بس انا اللي شفته بـ الجامعه يثبت العكـس..؟؟..يوم تكلمينه
عبير ملـّت من الكتمان:أكرررررررررررررررهه..لي يومك وانا ماأحبـه..اللي بالجامعه كان تمثيل
شذى:طيب ليـش
عبيـر حكــــــت لها عـن كـل شـــــــــي..!


.........:هـذا احنا وصلـنا بـ حمدالله ورعايته
هيا ودهـا تضحك:...
مشعل:نـرووح للـ فندق؟؟
هيا:يالله
وراحـوا للـ فندق يطلبون الرآآآآحه

لما وصلوا دق مشعل على امـه يبشرها بـ وصولهم بعدين على طلال
طلال:هلا والله
مشعل:هلا بك
طلال:هاه بشر وصلتوا
مشعل:لاتونا..وش رايك بالله؟
طلال :يؤ.. طيب لاتضربني
مشعل:هههههههه..يالله تراني موب فاضي لك
طلال:ههههههههههه داري..يالله باي
مشعل:بايات
وسكر

وبعدها دق على نايف:الوو
نمشعل:هلا نيووووف..شلونك
نايف:بـ خير ونعمه..انت اخبارك
مشعل:تمام التمام..
نايف:تراك مو احسن مني انا بعد بسافر
مشعل:لاااا خساره..كان ودي اصير انا بس اللي مسافر..والله حاله..طاح كرتي
نايف:ههههههههههههههه احســــــن
مشعل:كم بتجلس
نايف:شهر..ماراح اطوول..مسافر مع الوالد..
مشعل:ترجعون بـ السلااامه
مايف:الله يسلمك ..والله من زماااااان ماسافرت من يمكن شهرين او 3


شـذى:اوووووووف..طيب يالغبـيه في احـد يهدم بيته بيدينه؟؟
عبيـر:لا مـافي ..وفيصل موب بيتي...
شذى:عبير مع احترامي الشديد لك....انتي غبيـــــه وماتنعطين وجـــــــه
عبير رفعت حاجبها:ليـش يالذكيه؟؟
شذى:فيصل قال لك نفتح صفحه جديده..ليش تقولين لاااااااا
عبيـر:لاوالله..
شـذى:عبير فتحي مخك شوي...هـو رجال يعني حلال عليه لو يتزوج غيرك ثلاااااثه فاهمه علي..ثلااااثه..والناس وش بتقول..فيصل اللي ماصار له متزوج عبير شهـر تزوج عليهـا...وانتي بعد ماأعتقد ان ودك تدخل عليك وحده تشاركك في زوجك؟؟..صح ولالا؟؟
عبير:من زينه..من بتقبل فيه
شذى:لا ياشيخه..اولا شـاب..ووسيـم ..ومعاه فلـووس...قولي من اللي ماراح تقبل
عبير:ومتزوج
شذى:ههههه من يهمها...دام عنده فلوس وشاب؟؟
عبيـر:شذى ياحماره سديتي نفسي...انا ابـغا سمعتي
شذى:سمعتك ولا زوجـك؟؟
عبير:سمعتي وش ابي بـ زوجي
شـذى:صـدق انـك عنيـده وراسـك يابـس وماتنعطين وجه...بس انا أقولك لو بيتركك فيـصل بتحسين انك فقدتي شي غـالي عليك..
عبيـر:لاخله يرووح ماراح افقده..بلعكس فكـه منــه
شـذى:طيب طيب خلاااص..انا قررت ماراااح اتزووج انتي ونوال زواجكم مثل وجيهكم
عبيـر:ههههههههههههههههههه لالا انا لاتناظريني هذا مايعتبر زواج
شذى:ياشيخه اجل وشو؟



كانت نايمه...حست بصـوت بـ جنبها...ويد تمسح على شعرها..
فتحت عينها...شافت مشـعل
مشعل بـ حنيه:هيوونه قلبي يالله قومي بسك نوم..
هيا قامت:كم الساعه
مشعل وهو يتأمل وجهها:..........
هيا استحت:مشعل..
مشعل:آآآآه بس..يانعم..ياحظ اسمي
هيا:كم الساعه؟
مشعل:بأي توقيت
هيا:لاوالله؟
مشعل:ههههههههههههههههههه 11
هيـا يؤ نمت كل هـ الوقت:اووكي..
راحـت للـ حمام..
ولبست وطلعوا


حمد:فصوووووووله..في سفره بعد يومين
فيصل:يالله...مو احنا خلصنا من شغل عمي سعد؟؟
حمد:الا بس مو انت تقول ان بقى شغله مااخلصت منها بعده
فيصل:أيـــــــه صح بس هو الحين مسافر
حمد:هو يقول انه بيرجع بكره...والسفره بعد يومين
فيصل:يصير خيـر
حمد:ههههههههههههههههههههههه وراك شاييل هم انا اللي بسافر مهوب انت
فيصل:احســـــــن بعد
حمد:بس كان ودي تصير سفرتك هذي شهر عسل متأخر
فيصل:لالا يرحم امن جابتك..لالا مابي شهر عســــل
حمد:ليش؟
فيصل:مابزيتها بـ البيت ابزاها بـ السفر..اقوول رح مناااااك
حمد:هههههههههههههههههههههههههه حالتك مستعصيه


نـوف كانت بـ غرفتها..تفكـر بـ بدر..هالانسـان اللي امتلكها
تبـــــي نهايه...تبي تنهي هـ القصه..نهايـه سعـيده..نهايـه تجمعها مع بدرها بـ سما وحده..بيت وااحد...تحت سقف وااحد...

رمت نفسها ع السرير:آآآآآآآآآآآآآآآآآآآآه يابدر...احبـــــــك


فتحت عبير دفتر الخواطر...بس مافي شي ببالها...
خـــــواطري ممله...مافيها حب...اصلا في شي اسمــــه حب؟؟...آآخ بس ماأظـن..حب مو موجود...انا حتى بـ مراهقتي ماحبيت...وهي مرحله يمكن اغلب البنات حبوا فيها..

تذكرت لم كانت بـ المرحله المتوسطه...وبعض صديقاتها اللي معها..لم كانت بـ المتوسط

شهد:والله وناااسه امـس شفت ولد خالتي..احس من نظراته ان مشتاق لي
بدور:وانا بعد..ولد عمي جانا امس بس آآآخ يالقهر ماقدرت انزل عنده لآنه كان مع اخووي..وماودي اخذ تهزيئه قدامه
وهــــــي كانت ساكته..
صحيح حب مرآآهقه بس على الاقـل حسوا بـ الحب..
لالالا..اصلا الحب مو موجووووود..الحب شي خيــــالي الناس عرفته من التلفزيون..
حب ااثير للـ أحمد مو حب..لان احمد مايحبها...احمد هذا انســـــان نصاااااب..انسـان يلعب بـ مشاعر اثير..وهي اللي بتعظ اصابعها ندم

هيا ومشعل...هذا بس فترة الملكه..ووو بعدها كل شي بيصير طبيعي مثل نوال وزوجها

ليـش احـب واحد انا مو متأكده اذا هـو بيعطيني قلبـه مثـل ماأنا عطيته قلبـي
الحــــــب ذل...وانا مو مظطره انـي انذل..قلبـي مو مكان للـ حب...انا ماراح احـب..
- احـم أحـم..قلنا السلااام عليكم
اللتفت عبير له:بسم الله متى دخلت
فيصل:منذ مبطي...اللي واخد عـألك
عبير:......
فيصل وهو يجلس:أيــــــوه..تفكريـن فيني؟؟
عبير تناظره بستنكار:نعم؟..مابقى الا انت
مو مشكله اصبر عليك ياعبير وعلى قسوتك
فيصل:اجـل..؟؟
عبيـر:مالك دخـل
وقــــــامـــــت عــــــــــنه..
فيصل تنهد..حركاااتها تجيب الضغظ..
انا وش سويت لها..ماكل حلالها؟؟..ولا ذابـح لها احد..كل هـ الكره شايلته بـ قلبها علي..لـو بس تفكرين بـ عقل..

قــام وراح للـ غرفته..

مــــن بكــــره
دق فيـصل على عمـه..
فيصل:هلا عمي
سعد مو مبسوط بـ أتصال فيصل:هلا فيصل
فيصل يطنش:كيف الحال؟؟ ..وكيف الشغل
سعد:الحمد الله..
فيصل ساكت ينتظره يسـأل عن بنته:.....
سعد:....
فيصل:عمـي ترا عبير بـ خير
سعد:الحمدالله
فيصل:طيب هي بتجيك اليوم ان شالله
سعد:لالا انا بسوي لها عزيمه هـ الومين..بـ مناسبة نجاحها وبـ مناسبة زواجها..
فيصل:خيـر ان شالله
سعد:فيصل انا مشغوول الحين يالله فـ امان الله
فيصل:فـ امان الله
فيصل وده يسطر عمـه..ايه الطيـوور على اشكـالها تقع..عمـي مثل ابوي..


نـزلت عبير ولقت ام فيصل جالسه
ام فيصل:هلا..هلا والله وغلا ببـنيتي...
عبير ابتسمت من قلبها:هلا فيـــك
وحبت راسها..
ام فيصل:هاه..شلونك شعلومك؟؟
عبير:بـ خير دامك بـ خير
جلسـوا يسولفون...
يالله قد أيـش حبيت هـ الانسانه..والله انها طيبه وحنونه..وحسستني اني بنتها من اول يوم جيت عندهم للـ بيت..حسيت اني وحده منهم وفيهم..يمكن حبيتها اكثر من ابـوي..كنت متوقعه بجلس يمكن شهر عشان اتأقلم معهم بس من اول يووم..صرت وحده منهم وفيهم..بس ليش عمي طلقها؟؟
عبير:يمه
ام فيصل:سمـي!!
عبير:سم الله عدوك..أ..أ..ودي اسألك بس مستحيه
ام فيصل ابتسمت:لا..هو..مستحيتن من وشو؟؟..انا امتس..
عبير ابتسمت:ليش تطلقتي من عمي خالد؟
ام فيصل:انا ماتطلقت..ابوتس ماقالتس؟
عبير:لا
ام فيصل:انا ماتطلقت بس انـي معلقه..
عبير:طيب ليـش؟
ام فيصل:عمتس ياعبير طمااع..كان يبي فلوسي وفلووس عيالي..من ماتت جواهر ام فيصل وهـو طمعان بـ حلالي وحلال عيالي..ولا همه هذول عياله ولالا؟؟..
عبير:اهــاا
ماسألت اكثـر حست انها تقلب المـواجع
وتفتح الجرووح
كملـو سواليفهم بـ دون مايجوبون طاري خــــالـد
- هااااااااااااااااااااااي افري ون
ام فيصل:مالت عليك الا مالت عليك..
عبير:هههههههههههههه احسن..امي ماتبي الا السلام عليكم..
عزوز:مااامي..i love you so much
ام فيصل:وش يخربط؟؟..وش هـ الحتسي؟؟
عبير:ههههههههه يقولك انا احبك مرررره
ام فيصل:احتس عربي لا ذا الدله على راسك
عزوز:واااااااااااي..يوم هيت مي؟؟
عبير:هههههههههههههههه انا مو بمترجم عندك؟؟
عزوز:طيب خلاص ااوووف
شــــــــوي ودخـل فيصل..
فيـصل :السلام عليكم
الكـل:وعليكم السلااام..
ام فيصل فاجأتهم:عبيـر ترا الحفله يوم الخميس
عبير:يؤؤيؤؤؤ يمه ماقلتي لي استعد من بدري
فيصل:و ابوك بيسوي لك حفله هـ اليومين
عبير:يؤيؤيؤؤؤؤ..
عزوز:وش فيك يؤ ويؤ؟
عبير وفيصل:هههههههههههههههههههههه

مـــــــــــرت الايـــــام
وجـا موعد عزيمة عبيـر
كانت بـ الانتر..
كانت عبير لابسه فستــــان رسمـي..عـباره عن فستان طوويل..لونه برتقالي وأغمق درجات العناي..وبدون اكمام..وشال عشان يغطي كتوفها وصدرها لانه كلللش مافي اكمام..وشعرها مسيحته ومسويه بف
طالعه خيااااااال

شذى:عبوووور بتصير احل شي بـ العالم..
منال:ودي اشوفها وهي بـ جنب فيصل..
العنود:مناسبن للـ بعض

بـــــدت زفــة عبيـر..
كانت تمشــي على مسيقه سلوووووو..
وصــــــايره ملفته..والكـل سمى عليـها..
بعدهـا دقــــوا..اغنية..لايهمك حبيبي
وبعدهـا علـى طوول زفـة فيـصـل..ودخـل معااه سلطان وعزوز و سعد ابو عبير
فيصل كان بـ المقدمه وهـو لابس البشت..وشكلــه خطيـــــر
حتـى عزوز وسلطـــان
شذى:وووووو كووووشخه
العنود:من ذولا الاثنين؟
شذى:سلطان وعزوز بس من هو عزوز ومن سلطان مدري
منال:كووووشخه بس فيصل احلا
العنود:انتي بس تمدحين فـ الرجال المتزوجين


خلصــــــــــت عزيمة عبيـر على خير..
بـقى عزيمة ابـوهـا اللي مايندرى وش بيصير

مــــــــــــــرت الايـام ولا في شي يستحق الـذكـر..
علاقـة عبيـر وفيصل مثل ماهـي وهيا مشعل على حالهم..
بس عبير بدت تحس بـ متعه..معاملة فيصل لها..ترضي غرورها..صحيح انه يعاملها كـ أي وحده..بعيـــد عن الكلام المعسوول
بس هي مبسووطه بدون ماتحس بـ نفسها

نـوف:عبـوور دريتي اننـا يمكن نطلع للـ بر؟؟
عبيـر:متـى؟؟
نوف:بـكره والله وناااااااااااسه..
عبير:اممممممـ..من بيجي؟
نوف:اكيـد خالتي ايمان وخالتي ام احمد وأحنـا والله مدري بالظبط بس ان شالله كلنا
عبيـر:خالتك ايمان بتجي؟؟
نوف:أيـــــه..فلــّه..ونـااااااااااااااااسه..متى يجي بكره

عبير ماكانت متحمسـه هـ اليـوم يعتبر شي عـاادي عندها..


نـايف:اقوول شوشو؟
شذى:هلا
نايف:امممممـ..اخبـار العنـود؟؟
شذى:ليـش؟؟
نـايف:انا لم جبتها هي كانت عارفه اني انا اللي بيجبها..؟؟
شذى:لا...والله انها هزءتني هههههههههههههههههه
نـايف:ليـش؟؟
قالت له..
نايف:هههههههههههههههههههههههههههههههههه مسكينه


دخـلت عبير للـ غرفتها...
فتحت دفتر خواطـرهـا..بس مافي شي ببالها...
امممممممـ..صار لي وقت ماألفت خاطـره..من دخلت بيتك يافيصل..من دخلت عالمك..مافيني أألف خاطره..مافيني..اكتب شي
سكرت الدفتر وهي يآآئسه من انها بتألف شي..

راحت للـ صاله..
بعدهـا دخل فيصل..
فيصل:السلام عليكم
عبير:وعليكم السلااام
طبعا كانوا ساكاتين..
فيصل:نتيجتك طلعت؟
عبير:لا..ليش؟
فيصل:اسـأل..
عبير:في بكره روحه للـ بر؟؟
فيصل:أيــــــه..
عبير:طيب ليش ماقلت لي؟
فيصل:أممممم..ماجا على بالي..او ماسمحت لي الفرصه
عبير:لاوالله؟..يعني كل الي بالبيت يعرفون وانا لا؟؟
فيصل:طيب اووكي انا آآسف..ماراح اكررها..
عبير:فيصل انا اتكلم جد
فيصل:وانا بعد..صح كان المفرووض اعلـمك..كم عندي من عبير؟؟
عبير:مو لايق عليك ابد
فيصل:وشو
عبير:انك تكوون رومنسي

__________________
أفضل تعـريف لذاتك ..
أنك لست أفضل من أحد ، ولسـت كأي أحد و لست أقل من أحد!
  #38  
قديم 09-25-2009, 07:47 AM
 
رد: معذبة قلوب الرجال رواية رومنسية مره

تسلمي والله لما شفت البارت طيرت من الفرح أرجوك لا طولين بالبارت الجاي أنا أنتظر بأحر من الجمر
  #39  
قديم 09-25-2009, 08:29 AM
BAD
 
رد: معذبة قلوب الرجال رواية رومنسية مره

بليييييز كملي
__________________
*

لا شَيءءء يستَحقُ الإثاره مطلقاً !
  #40  
قديم 09-25-2009, 08:45 PM
 
رد: معذبة قلوب الرجال رواية رومنسية مره

وهــذي تكملـــه ..




فيصل:اصيـر لك روميو ان بغيتي
عبير:لا شكـرا مابي..
فيصل ابتسم:اووكي..متحملك...عشــــــانك
عبيـر:..........
فيصل بـ جديه:ممكن اتفاهم معك شووي؟
عبير:وش فيه بيني وبينك؟
فيصل:عقــــــد زواج
عبير:عقد زواج بس مو حب..
فيصل:طيب بـ أمكاننا نخليه حب
عبير:ماينجبر قلب على قلب..انا ماأحبك
فيصل:عبيــــــر كبــــــــــري عقلك..
عبير:يعني انا غبيـه
فيصل:محشومه...بس انا ابي اتفاهم معك...ابي افتـح صفحه جديده؟؟
عبير بـ أستنكار:ونعيـش كـ زوجيــــن؟؟
فيصل:ليش لا؟؟
عبير:سووووري اعذرني...i can't
فيصل:عبيـر..افهمينـي...انتي مو ماتقدرين انتي ماتبغين..عبير نقدر نعيش كـ زوجين بس انتي ساعديني
عبيـر:وش يجبرني اني اعيش معك كـ زوجه...
فيصل:انا موو زوجك؟؟
عبير:بـ الاسـم
فيصل:طيب نقدر نصلـح اللي بيننا...هذا لـ صالحي ولـ صالحك
عبير:..........
فيصل:عبيـر..انتي افهمي...انا ابي استقر اعيش كـ أي رجـل بـ الدنيا..متزووج وعن قريب اكون ابو وانتي ام..وماأظن انتي ماتبين هـ الشي
عبير:ابي يكوون لي عيال..بس مو منك
فيصل حس انه بيبي يسطرها ميت عليك؟؟..والله انك انســـــانه تقهريييييين
قـــــــــام عنــــــــها..لا يقـوم يكفخها..الكمله الي قالتها تجررح..وتخلي الواحد غصب يعصصب..
عبير حست بـ قووة كلامها...كلامها معه يجرح وهو مايزعل او يشيل بـ خاطره..
من اللي مايستاهل الثـــــاني انا ولا انت؟

مـــــــــــــــــن بـــــــكره
قامت عبير من النــوم..طبعا اليوم روحة الـبر..
لبـست بنطلوون جينـز ازرق..وتي شيرت cut تفاحـي..وجاكيت نص كم اصفر..كانت مررررره كيووت...

طلعت من غرفتهــا..ونزلت تحت لقتهم كلهم مستعدين..
ثـــــــــــواني ونزل فيصل..
كانت لابس برمودا بيج وتي شيرت نص كم زيتي..وكـــــــاب..
راحــوا ام فيصل وعزوز ومنى ونوف ومجوودي مع سلطان
اما عبير ركبت مع فيصل اللي كانت معظم الاغـــــراض معـاهم

وصلــــــــــوا للـ بر..
كانوا اللي جايين خالتهم ايمان و ام احمد..
ام احمد عندها بنت وحده توها متزوجه اسمها سمر
سلمـوا عليهم
واخـــــر طلعوا البنات مع بعض
نوف وعبير ودلال وسمر وغاليه
نوف:ونااااااااااااااااسه الجــــــــــــو حلوووو
سمر:من جد احس مابقى لنا الا دبابات..
نوف:خل نقوول للـ الشباب يجيبون؟؟
دلال:اووكي قولي للـ اخوانك
وناظرت عبير..فهمت ان قصدها فيصل
حست بـ قهر هـ البنت تدوور المشــــاكل دواره
سمـر:خلاص كل وحده تقوول للـ شخص معين..امممم انا بقوول لـ رجلي
دلال:انا بقوول للـ فيصل..لان ماعندي اخـو
عبير ودهــــــا تزنطها..تقهههههر ياناااااااس
نوف:لاياحلووه..عبير بتقوله..وانا بقول للـ سلطان وغاليه تقول للـ عزوز..ودلال..اممممم...مين تقولين له؟؟..مافي لك احد..احمد اخو سمر ماجا
دلال:الا بقى فصوووول
نوف:دلوووول فصول تزوج..اذا ماعندك خبر
دلال بسخريه وتناظر عبير:تزوج؟؟
عبير ساكته حاشمه هـ البنات اللي عندها ولا الود ودها تعلمها شغلها..مثل اريــج اول..

سوو اللي بـ بالهم..جابوا لهم دبابات كل واحد كان معاه دباب حتى الاولاد..

عبيـر كانت متفرجه..دباباها الي الان ما وصــل
وقف فيصل عنـدها اللي كان راكـب دباب +4..ولابس نظارته الشمسيه..اما الكـاب فـ فصخه وعطـاه عبير..

فيصل :مادوك تركبين؟؟
عبير:في زوج سمر
فيصل:تعالي ماعليك منه انتي لابسه نظاره واللبسي هـ الكـاب .."ويأشر على كابـه".... وماراح يعرفك..وهـو اصلا لاهي بـ مرته
عبير:مامعي دباب..
فيصل فحز لها:تعالي معي..
عبير:نعم؟؟..
وناظرت دلال..ههههه فرصه اقهرها..
عبير:أووكي..
وركبت معاه..
فيصل:تمسكي زيــــــن
يييييي لالا..أمسك وسط فيصل؟؟..ياماما ابـــــي انــــزل
عبير:فيصل ابي انـ..
وأنطلــــــــــــق فيصــــل بسرررررررررررعه..قبل لاتكمل كلامها..
واظطرت انها تتمسك فيــــه..

عبير ماسكــــه فيصل بقوووه من الخـــــوف لآنه كان مسرررع مرره حتى بـ اللفات مايبطئ..مجنوون هـ الانسان..وكانت دافنه راسه بـ ظهره..
عبير:فيصل.بطئ شوووي..
فيصل:مـــــــــاأسمــــع
هـــــو فعلا مايسمـــع لأن صوت الدباب عــــــــالـــي
..رفـــــعت راسهـا كانــــــوا بعيــــدين عن المخيم..
اصلا ماتشوفه
فيصل بطئ..مما خلى عبير تخاف أكثــــــــــر
عبير بخووف:فيصل وين احنـا فيه..
فيصل:مدري
عبير وخوفها يزيد:فيصل بليز خل نرجع..
فيصل: انا اعرف احنا وين عشان ارجع؟؟
عبير شوي وتصيـــــح:ياربي..انت اكيــــد تمزح
وقــــف فيصل..الدباب..
ونــــزل وحاول يتصــــل
نزلت عبير..جلست تمشي وتمشي وتمشي..يمكن تلقى اثــــر..
اووف..
فجــــــــــأه..
تلفتت حولــــــها..مالقت فيصل..
وييييييينه..لالالا..ضعت...يامامي..لالا..انا اكيــــــــد جالسه احلـم
عبير:فيصل؟؟...فيصصل..
جلست تصيح:فيــــــــــــــــــــــــــــــــصل؟؟
جلست تصررخ وهي بـ دموعها:فييييييييييييييييصل؟؟
- عبير؟؟..
ألتفت عبير على فيصل..وركضـــــت له..وضمته..
دفنت راسها بـ صدره..
عبير:لا تتركني..ياويلك...انا خااااايفه..فيصل بلييز خل نرجع..
فيصل:ههههههههههههه شفيك انتي مصدقه اننا ضايعين
عبيـرببراءه مو فاهمه:هـاه؟؟
فيصل:فيصل معاك كيف تضيعين؟؟..تعالي!!
ركبـــــــوا الدباب ورجعوا للـ مكان المخيم
عبير:سخيييييييييييييييييييييييييف..
فيصل:ههههههههههههههههههههههههههههههههههههههههههههه هههههههههههههههههههههههههههههههههههههههههههههه
عبير:باااااااااااااااااااااااااااايخ
فيصل ولا عنده:هههههههههههههههههههههههههههههههههههههههههه
راحـــــت عنه وهي مقهووووووره منه..
لحقها ومسك يدها..
فيصل:وش فيك..يعني زعلتي؟
عبير:انت باااااااااااااااااااااااااايخ..اكررررررررهك
فيصل:طيب انا ابيك تحبيـــــني..وش اســــوي؟؟
عبير:عد شعر راسك..او وصل للـ سما وتـــعال..
فيصل:لو اقدر..بس انا ضعيف مسكيــــــن..ماأقدر
عبير:اجل لاتحلم يالضعيف..والمسكين
قــــرب بـ شكل خلاها تتوتر وتخاف..
ووصل للـ أذنها..:لو بيدي خليتك تحبيني..بس قلبك مو بيدي..
عبير:.........
فيصل:ابي اسمعها..من فمك..
عبير:وشي؟
- ماشالله روميو وجولييت هنا؟؟
التفتوا لقـــــوا دلال..
هـ الانسانه وقحـــــه..اووف..منها..لحظه انا ليش احـس بـ القهر..هـ الحظه مفرووض ماتأثر فيني...بس فيصل يحسسني بـ أنوثتي..يحسسني اني بنت..لها كيان..لها قلب..ماقد حسيت بـهـ الشعوور
راحت عنهم اما فيصل ركب الدباب وسفهها..

فـ الاخير لعبوا البنات لـ حالهم..
جـا وقت العشا تعشيت وخلصت بدري..اصلا من له نفس ياكل ودلال قدامه..صدق وقحه ترمي علي كلام..عليها نغزات تقهر..قمت عشان اتمشى شوي..بس مابعدت عن المخيم خبله انا اطلع واضيع..

الحيـن اطلع وألقى فيصل..اممممـ..ليش جا على بالي..؟؟..بس فله لو يطلع عزوز ع الاقل اسـولف مع احـد..
او نوف..
- كشفــــــــــــتتك..وش تسوين؟؟
التفت عبير لقت سلطان:هلا والله
خخ هـ الانسان اللي ماجا على بالي..
سلطان:ينفع اجلس اسولف معك ولا في زائر بـ الطريق؟؟
عبير ضحكت:ههههههههههههه لالا مافي احد..
سلطان:ترا لو في عادي اضف وجهي
عبير ابتسمت:لو في طردتك
-أحم احم..اطرديه الحين
سلطان:هــــذا فصوووول جا..اظن مالي مكان هنا..
عبير:شدعوه..
فيصل:لايرحم امك رح منااااااك مع حبيبك عزوز
سلطان:الله يحووم كبدك
ورااح
فيصل:وش مقعدك هنـا..ماتخافين تضيعين زي تو؟؟
عبير:سخيــــــــــــــــف..
فيصل:ههههههههههههههههههههههههههههههههههههههههههههه ه
عبير:انت ابدا مو funny
فيصل:طيب كيف اصير funny وأضحكك؟..لأني بـ صرآآحه خاطري اشوف ضحكتك
عبير:ماتقدر..لأني ماأضحك
فيصل:اكيـــــــــــــــــــــد؟؟؟
عبير:اكيدين
فيصل:اووكي الايام تثبت..ايه نسيت اقولك
عبير:وشو
فيصل: ام هيا لما ترجع هيا ان شالله بـ السلااامه بتحط عزيمه بـ مناسبة رجعتها..لاتقولين ماقلت لك
عبير:يالله ياكثر عزايمكم..اووووووف
فيصل:ههههههه احلى شي العزايـــــــــم
عبير:..........

فـ الاخيــــــر الـكل رجع للـ بيته..

عنــــــد هيــــا كانت جالسه مع مشعل ع البحر..
مشعل:شفتي البحر شو كبير؟؟
هيا:ايوه
مشعل:ودي اسبح فيـه..
ودها تضحك..على بالها انه بيصير رومنسي الاخ بس للـ أسف ههههه
مشعل:هيوووووووونه كل هذا حيـا؟؟..تكلمي ودي اسمع صوتك
هيا:موب لازم..مو مهم
مشعل:الا مهم بـ النسبه لي..احب اسمع صوتك واحبك كلك..كلك على بعضك
هيا:.............
مشعل:ترا ماحب الحيـا الزايد..خلاااص عاد
هيـا:مشعل لاتظغط علي انا مابي اتكلم..
مشعل: في شي مضيـق خلقك؟؟
هيا:لا مافي شي
مشعل:قولي لي انا زوجـــــــك..
هيا:مافيني شي خلاااااص..لاتضغط علي
وقــــــامت عنـه..
ولحقها هـو
مشعل:ابي اعرف و ش فيك مو على بعضك ابد
هيا:ابي ارجع للـ رياض
مشعل:ليـش؟؟
هيا:بس..ابي ارجع وبس
مشعل:طيب من عيوني..بس ممكن نجلس بس اسبـــــــوع..بس اسبـــــوع تكفين..!
هيا:اووكي..اسبوع بس


مــــــرت الايـام ومشعل يفسر تصرفات هيا على انها خجل..هو حاس بـ شي..هيا ماحاولت تبين له شي لأنها ماتبي تجرح مشاعره..بس ماتبي تبين له انها تحبه..لانه مشعــــــل..بس هـو قلبه ناغزه..رجعــــــــوا للـ رياض بس عزيمتها تأججلت..

عبير..زارت ابــوها كذا مره بس تتفأجئ اكثر المرات اللي تروح فيها انه مسـافر تحديدا مصر..سألت فيصل اذا لهم شغـل هناك..وقال لها ايه..
بس قلبها ناغزها..


كانت هيا طالعه مع مشعل..
هيـا:امممممممممـ..اول مره اجـي للـ بريطانيا
مشعل:اانا جيتها يمكن 4 مرات..ومره لـ حالي
هيا بفضول:والمرات الـ 3 مع من
مشعل: مرتين مع اخوياي ومره مع اهلـي
هيـا:أهـااا
في محلات هناك حلووه شرايك نتفرج ومره وحده نشتري هدايا للـ أهلنا..
هيا:اوكي..
وراحـــوا..
لما اشتروا وخلـصوا..
مشعل:هذي لك..وش رايـك؟؟
فتح علبه فيها سلسله..اكسسوار وحلووه
هيـا:لـي؟؟
مشعل:لا للي وراك..اجـل للـ مين
هيـا:مشكوور..حلوه..
برووودها ينرفز..
مشعل:ماعجبتك؟
هيـا :الا حلووه..
وحطتها بشنطتها..
راحـوا يتمشون ع البحر..


اليـــــــوم الخميــــــس يوم عزيمة ابو عبيـر..كانت ببيتهم..
عبير نشبت فـ ام فيصل الا انها تحضر بس هي ماوافقت فـ ماحبت تحرجها..
وراحـت لحالها..
دخلـت للـ جناح سمعت فيصل يكلم:انا آسف ماأقدر..مو مشكلتي والله ياعمي..انت اللي معنـي بـ الموضوع..وأنـا مجرد متفرج...ايـه..انا بسـاندها بس انت جبها بـ أسلـوب حلوو..اوكي..اوكي..فـ امان الله..
عبير:من تكلم؟
فيصل ألتفت:سمعتي شي..
عبير: سمعت بس مافهمت شي..وش السالفه
فيصل:اووكي يالله نمشي؟؟
عبير حست انها ملقووفه:طيب بجيب عبايتي..
فيصل:وش هـ الزيــــــن وش هـ الكشخه..ياليت لي نصيب من هـ التزين..ياختي انا زوجك تزيني لي..
عبير:.....
وراحــــــــــــــــــت عنه
جابت عبايتها وعلى طوول راحـوا للـ بيت سعد عشان العزيمه
اووف ياكثر هـ العزايـم

وصلـــــــــــــــوا للـ بيت
نـزلت عبير
فيصل:متـى تبين اجيك؟
عبير:الساعه 1؟
فيصل:خلاص وحده وحده.."وابتسم"..باي ولا تنسيني
عبير:بايات
ونـــــــــزلت عبير معجبها هـ الوضع..وهي جالسه تتغلـى..هي ماتحبه بس البنت تستانس على هـ المعامله..
شــــــــــــــــــوي وأمتلا البيت..
شذى تخمها:عبووووره وأخيـرا...
عبير:شوشوو وحشتيني...
فكـوا بعض
شذى:متى نرجع زي اول..متى تطلعين معي انا و اثيـر وشلة القرف
عبير:هههههههههههههههههههههههههه
شذى:فيدت الضحكه
عبير:اووووووه ياليتني بعدت عنك من زمااااااااان
شذى:لا تقولين كذا..انا ولا شي بدونك
عبير:لالالا انا مقدر
شذى:هههههههه طيب امشي بـ نضيف الناس ونكمل مغازل
عبير:هههههههههههههه

ضيفـــوا الناس..
وكـان في قسم للـ رجـال..
شذى:زوجك وأخوانه ماجوا؟
عبير:فيصل جا بس عزوز وسلطان لا
شذى:أهــاا..
منال:هااااااي
عبير:منووله من زماان عنك..
منال:ايه خذتي فصوول ونسيتينا..من لقى احبابه نسى اصحابه
عبير:ههههههههههههههههههه شدعوه..انتوا احبابي
منال:ايه والدليل ماقمتي تسألين ولا تدقين
عبير:منوووووووله من تغلى تخلى
منال:لا تكفين ماصدقت راضيتيني..امــــــــزح
عبير وشذى:هههههههههههههههههههههههههههههههههههه
جلسـوا طوول وقتهم سواليـف..وعبير قالت لهم عن طلعة البر..بس بعض التفاصيل ماقالتها..طبعا فهمتوا قصدي خخخ

رن جـوال عبير..
عبير:هلا
سعد:هلا..هلا بـ بنيتي..هلا بـ وحيدتي
عبير استغربت:هلا
سعد:وشلونك..عسى فيصل مو مزعلك
لو تبون الصــدق ؟؟..لا..بس ودي يزعلني عشان اسحب عليه..بس اخخ
عبير تبي تبين للـ أبوهـا انها مرتاااااحه:لا فيصل مايقصر..
سعد:طيب عبووره حبيبتي انا ابيك بـ شي..تـعالي للـ ملحق..بس خلي فيصل يدخل معك
عبير:فيصل عند الرجال..
سعد:ادري..انا قلت له هو ينتظرك..تعالي للـ ملحق..
عبير:أووكي..
سكـــــرت
شذى:وش فيك؟
عبير:ابوي يبيني فـ الملحق
شذى:وش يبي؟؟..غريبــــه
عبير:علمي علمك..برووح اشووف..
وراحــــت
طلعــــــت..وشـافت فيصل..
عبير:ماتدري ابوي وش يبي
فيصل واضـح انه يكذب:no
عرفـت انه نصااب..اجل no؟؟
عبير:اووكي
مشـــــوا للـ ملحق..ولما وصلـوا للـ باب
فيصل:عبير..
عبير التفتت له
فيصل:أبيـــك تعرفيـن انـي بـ جنبك..لو شيصير..انا معك..
عبير:مافهمت عليك..بديت اخـاف منكم
فيصل:انا مالي يد بـ اللي يصير..بس ابيك تعرفيـن اني بـ جنبك..ومعك بـ كل شي
دخـــــــلوا وعبير علامات الاستفهام تكثر فوق راسها
شــــــــــــافــــــت عبير منظر..تمنت انها تمووت ولا تشووفه..تحس انها بتفقد الصيطره على نفسها..من هذي؟؟..وش مجلسها مع ابــوي
حست بـ يد فيصل تمسك يدها..حست يد فيصل مثل حبل للـ نجاة..هـ المنظر تتمنى لو تنشق الارض ولا تشوف ابوهـا مع وحده مثل هذي
عبير:ابــــــــــوي؟؟..من هـذي؟؟
سعد:عبير اقدم لك زوجتي...سميـره
عبير شدت على يد فيصل:زوجـــــــــتك؟؟
سعد:ايه نعم..
عبير:متى؟
سعد:صار لي تقريبا 7 سنين..بس بـ السر
عبير ودهــا تصيـــح:7 سنين مخبي علي؟؟..انا بنتك ماكنت ادري..7 سنين مكذب علـي
سميره:أيه يابت..ماتحمدي ربنا دتني دي الوأت عروس ماشالله..وعندك جوزك..ولا حـتخدي حلال غيـرك
عبير بكل حقد الدنيا:انتـي اخـــــر من يتكلم فااااااهمه؟؟..حقيــــره
سعد:عبير لو سمحي هذي زوجتي وماأرضــــى
عبير:ماترضى؟؟..صح ماترضى عليها..وانا بنتك وحيدتك..حتى ماتفكر تسـأل عني..انا ولا مره حسيت انك ابوي..ولا مره سألت عني..
سعد:انا ماقصرت عنك بـ شي
عبير:من الناحيه الماديه صح..انا أشهد..مافي كلام..بس عمرك عرفت انا بأي صف..عمرك عرفت انا مع من امشي ومع من اروح..متى طلعت متى رجعت؟؟..محتاجه شي ولالا؟؟..اهتـــميت فيني وانا مريضه واحتاج منهو يرعاني..انا عمــــــري ماحسيت ان لي اهـل..دايـــــم احس اني وحيده..امي ماتت وماتركت عندي احـد..تسمع؟؟..ماتركت عندي احـــــد
جلست تبكي بـ ألم...كان شكلها يكسر الخـــــاطر
سعد:....................
فيصل حس انها بتنهار الحين..الجلسه هنا مو زينه لها..
فيصل:عبير اسمعيني..امشي نلطع
عبير ماتدري وش تقوول..ماعاد تستوعب شي:مابي مابي ..أبي اعلمه اني بنته...انت عندك بنت..
فيصل:انا معك...عبير حبيبتي..انا عندك
رمت عبير نفسها في حضــــن فيصل..وجلست تصيــــح
مسكهـا فيصل وساعدها انها تقووم..
فيصل:عمـي قل لها تروح تجيب عباية عبير..بنطلع
سعد:سميره جيبي عباية عبير
راحـــــت وخذت العبايه طبعا دلتها عليها شذى..وخذت شنطتها
لبسها فيصل لانها ماكانت في حاله تسمح لها تستوعب أي شي..طلــــعت اللي بقلبها..طلعت شي كاتمته من سنيــــــــن..
فـــي السيــــــاره بعد ماخذوا لهم كم لفه بـ شوراع الرياض
فيصل يبتسم لها:هـاه؟؟..كيفك الحيـن؟؟
عبير:احســـن
فيصل:دووووم يارب...وين تبين نتعشـى؟؟
عبير:مالي خلق..
فيصل:أفـــــاا..انا اليوم حاجز لك في مطعم شي
عبير:حاجز؟
فيصل بشقاوه:هع..لا قلت يمكن يقولك ابوك شي يضيق خلقك ونطلع ونتعشى
عبير ابتسمت من قلب..هـ الانسان من قال له اني غبيه:لا ياشيــــخ
فيصل:هههههههه طيب آآسف خلاااص..
وصلـــــــوا للـ مطعم
عبيير:مابي انزل...انا مو جوعاااااانه
فيصل:لا بتنزلين..يالله امشـي
عبير:مابي..مالي نفس
نـزل فيصل ووراح للـ بابها.
وفتح الباب:يالله انزلي
عبير:فيصل ياخي خلاص مابي غصب هو
فيصل:ايه غصب انزلـي قبل لاأعصب وازعل ونرجع للـ بيت
عبير:ههه هذا اللي ابيه
فيصل:خخخ اقول انزلي بس..ليديز فرست..
عبير عصبت:يووووووه مابي...
فيصل مسك يدها ونزلها غصب..:انلـي ابي اتكلم معك
دخلــــــوا
عبير:والله انك عنيــــــد
فيصل:العنـاد ملح الحياة
عبير:.......
فيصل:انا داري ان نفسيتك زفــــت..بس انا اللي محيرني ليش العصبيه..انتي قلتيها بنفسك هو عمره ماأهتم فيك..ليش تتحسفين..شوفي ابووي انا بس ازوره كله عشان ماأكون عاق..عشان ربي ..انتي خذي الوضع عادي..انتي تزوجتي وهو لحاله..ادري انه كذب عليك ..متـزوج من 7 سنين..بس انتي خلاص عندك اهـل..عندك من يهتم فيـك..امي موضي ماراح تقصر عنك..وانا ونوف ومنى وعزوز وسلطان..شوفي يمكن بـ وجهة نظرك خسرتي اب..بس كسبتي ام واخوان وخوات ..وزوج..يعني ربحتي اكثر من ما انك خسرتي..صح كلامي ولالا؟
عبير اقتنعت من كلامه..صادق بـ كل كلمه يقولها..يكفي اهتمامك فيني..بس ماراح احبك..
عبير:صــــادق..صح
فيصل:اووكي..نطلب لآني جوعاااااااااان حدي
عبير:نطلب
أكلـــــوا بـ صمت
فيصل ماتكلم خلاها تفكربـ كلامه..

اخـــــلا شي رجعـــــوا للـ بيت
الحين عرفت ليش ابـوي غـصبني ع الزواج..عشان يفضاله الجو مع.....سميـره!!
اخ يالقهر..


مــــــــــــــــر الاسبـوع ببـطئ على هيا..
واخـر شي رجعـوا للـ بيت
رحـوا يسلمو ن على اهل مشعل..بعدها رحـوا يتعشون عند اهـل هيا
ابراهيم:حيـّا الله من جانا..حيـّأ الله النسيب
مشعل:الله يحيك
طلال:وراكم رجعتوا مبكر؟؟
مشعل:اختك اشتاقت للـ رياض شسوي
طلال كان خايف انها سوت حركه من حركاتها يوم تقول مابيه
ابراهيم:ايييييه..الله يحيكم...
قـام ابو طلال وطلـــــع..لانه كان راجـــــع من الشغل وتعبـان بـ حكم ان ابـو طلال رجال كبير فـ مايتحمل انه يجلس بدون راحه ومشعل مقدر هـ الشي
طلال:مشيعل؟؟..وش فيك.
مشعل:الــــــزواج..وماأدراك ما الزواج
طلال:أفــاا..هيوون متعبتك فـ شي؟؟
مشعل:مدري..احس انها متغيره علي..او مو متغيره بس ماتوقعت ان هذي معاملتها لي..متوقها بـ تفرررح بـ زواجنا..بس..انا اسف ياطلال عورت راسك بس ابيك تسألها..
طلال هو من قبل حاس لآن حركات هيا متغيره أتجاه مشعل...
طلال:على هـ الخشم...ان مارجعتها لك جولييت ماأكوون طلال مشعل:ههههههههههههههههههه ياليت والله
طلال: بس خلها اليوم عندنا
مشعل:خلاااص..انا ماعندي مانع كانها بترجع لي جولييت
طلال:ههههههههههههههههههههههههههههههههههههه



ناديه شوي وتطير من الفرحه:هـيوووووووووووووووووونه
هيا:هههههههههههههههههه كيفك
ناديه:تمام انتي اخبااااااااارك واخباارك السفر والـ زووج
هيا:ههههههه كلهم تمام
دخـل طلال:هلا
هيا:هلا والله
طلال:كيفك اخبارك علوومك
هيا:بخير دامك بخير
طـلال:عندي لك بشااااااااااااره
هيا:وشي
طلال:انا اخذت اذن من مشعل انك تنومين عندنا
هيا بفررحه:والله؟؟
ناديه:وناااااااااااااااااااسه
طلال:هههههه مليتي من مشيعل
هيا:.....لا ..شدعوه
طلال:طيب لي كلااام معك بس مو الحين في مبزره
ناديه:نعم نعم نعم؟؟..انا بزر؟تدري اني الحيـن اخر سنه وأتخرررج؟؟
طلال:ماشالله..طيب انا اكبر منك بـ6 سنوات
ناديه:بـ الجسم فقط
طلال:ناديووه...كن ودك تنظقين اليـوم؟؟
ناديه:هاه..لا يرحم امك لالا..امـــــــــــــــــــزح

اخـــــــــــر الليـــل
كـانت هيا توهـا توها مستقبله رسـاله من مشعل
"كل البشر دوني وخلفي وحولي محدن عطيته بالمحبه نص ما جاك..احبك"
وهـذي رساله من رسايل جتها منـه
طــــــــق طــــــق طــــــــق
هيا:مين؟
طلال:طلال
هيا:تفضل طلوول
دخـل:هلا
هيا:هههه اهليـن..تصدق اشتقت لـ كلمة هلا منك
طلال:ههههههههههه
هيا:أيـوه..وش عندك جااي
طلال:أفـاا يعني ارووح؟
هيا:شدعوه..بس قصدي انت قلت لي انك تبيني بـ كلمة راس
طلال:اوكي..طيب مشعل وجهه مو عاجبني..وانتي كنتي تقولين ماأبيه..مزعلـته بـ شي
هيا تجمعت دموعها:ليش يعني عادي يزعلني ..وانا لا؟
طلال:هو مزعلك بـ ايش؟
هيا:أسرار زوجيه
طلال:طيب انا اخوك ويمكن اقدر احلها..وش فايدة الكتمان اذا فيه تعاستك
هيا:...........
طلال:هيا اسمعيني...انا ابي مصلحة اختي..وسعادتها ونفس الشي ولد عمي وصديقي
هيا:تبي سعادتي؟؟..ليش ماوقفت معي لما طلبت ........
طلال قاطعها:موضوع انتيهنا منه...انا ماراح اساعدك ع الغلط..انتي تقولين انه ماينفع لك...مو سبب هذا..انتي تدرين ان الي تطلب الطلاق بدون سبب ماتشم ريحة الجنه؟؟
هيا:............
طلال:شووفي..انتي قولي لي وش فيك..وانا بساعدك
هيا وهي تصيح:مشعل يحب غيري
طلال:كيف؟؟..وش اللي يخليك تقولين كذا
هيا:انا سمعته مره يقول للـ نايف..انا خاطب بس اني احب..
طلال:متـى؟؟
هيا:بـ المزرعه
طلال:ولا فكرتي تعرفين السالفه منه؟؟
هيا:لا؟..اقوله مشعل انا سمعتك تقول انك تحب غيري..كرامتي ماتسمح
طلال يفكر:..........
هيا:يمكن تعتبره شي سخيييييف..بس بـ النسبه لي شي يعوور القلب..انك تكتشف حبيبك يحب غيـرك..
طلال:اووكي عطيني مهله الى بكـره..انتي قلتي ان نايف كان معهم؟
هيا بخووف:لا تسـأل مشعل..انا مابي اقووله مثل ماقلت لك كرامتي ماتسمح لي
طلال:لاتخافيـن
وطلـــــــــــــــــع

اتصل طلال على نايف
بـــــــس مايـــــرد
دق على مشعل:هلا
مشعل:هلا بك..هاه بشر؟
طلال:طيب قل كيفك
مشعل:والله انك فاضي توني شاييفك امـس..
طلال:اممممممممم طيب..نايف وينه؟
مشعل:وانت وش عليك منه..مسافر
طلال:لااااااا...ليش؟..متى يرجع؟
مشعل:يمكن اسبوعين او اكثر..مدري والله ليـش؟
طلال:ابد ابيه بـ شغله..
مشعل:طلال يرحم امن جابتك..تكفى تراني جالس على ناااااار
طلال:لازم يرجع نايف عشان اقدر اساعدك
مشعل:ليش؟؟..شدخل نايف؟
طلال:بعدين بعدين..يالله مع السلاامه
مشعل:مع السلااامه

رجــــــع طلال للـ بيت وهو يـــائس..مايقدر يكلم مشعل..لان هيا ماتبي..مافي امل له الا نايــف..تذكر ذاك اليوم لم سولفوا بـ الكووفي


نايف:اجل وين حبيبتك هااااااااااه؟؟
طلال:أي حبيبه
نايف:أقوووووووووول له..أقووووول..
طلال:وش تقول؟؟
مشعل:ذا الغبي...مره قلت له ان حبيبتي تتحملني حسب اني اتكلم عن وحده غير هيوني..والله الغبااااء

كلام مشعل كان مجرد اسـهبال..امممممـ..ماأظن هيا قصدها هـ الشي..لالا ماأظن

عبيـر كانت بـ الصـاله..وتتفرج ع التلفزيون..
دخل فيصل وسلم..وبعدهـا راح لـ غرفته
استـــــغربت منه اليـوم راجع 2 الفجر..مو من عوايده..ولا قـال شي بس سلـم ودخل غرفته..اممممممـ..يمكن تعبـان؟؟...لالا ماأظن..وانا وش علي منه؟؟..اللقافه بتذبحني..دخلـــــت غرفتها ووشغلت الاب توب..ودخلت ايمليها
لقت شذى وعذبتنيـ بـصمتكـ..هـ الانسان كل يوم يدخل..علّه
شذى:
هاااااااااااي

عبير:
هاااااااااااايااااااااااات

شذى:
اخــــــبــــارك؟


عبير:
تمام التمام..

شذى:
دووووووووووومز

عبير:
يسلموووو

شذى:
هاه اخبار فصوول

عبير:
والله مدري اليوم دخل غرفته على طوول حتى مافكر يجلس يسولف معي

شذى:
ليش فقدتيه؟؟..لوووول

عبير:
لا مو على كذا..بس شي غريب اول مره يصير..تقدرين تقوليـن مستغربه

شذى:
اهــــــاا


جلســـــت تسولف معها..واخـــر شي..نااامت
__________________
أفضل تعـريف لذاتك ..
أنك لست أفضل من أحد ، ولسـت كأي أحد و لست أقل من أحد!
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور أنمي رومنسية ومميزة ميراااالأميرة أرشيف المواضيع الغير مكتمله او المكرره او المنقوله و المخالفه 94 03-06-2014 06:39 PM
أكثر وأجمل وأحلى صور الأنيمي الرومنسية ميراااالأميرة أرشيف المواضيع الغير مكتمله او المكرره او المنقوله و المخالفه 77 06-15-2012 06:56 PM
الكتب الممنوعة (قائمة) اقبال تحميل كتب مجانية, مراجع للتحميل 130 03-02-2009 10:38 PM
الرجال معادن ؟؟يذوبون في درجات مختلفة؟؟كيف؟ samir albattawi آدم ~ 5 04-27-2007 02:41 PM
الرجال والرمانسية سنيورة أمواج الحياة الأسرية 1 03-16-2007 11:18 PM


الساعة الآن 12:35 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011