اها هههههههههههههههههههه
ضحكني السمايل امتاعك بكل
تعرفي حتي نحن فرح خالتي الاسبوع الجاي
خالتي جاييه طرابلس ..راجلها يسكن غادي واهله يسكنو فمصراته
والله رح نشتاااااااقلها
دائما فرح الرجل احلي من البنت
تحسي البيت اصبح نكد لما تطلع البنت
خاصتا اذا كانت متزوجه وتذهب لمدينه تانيه

يدوم عليك الخير ياوخيتي وعلى اهل بيتك وكل ليبيا يارب
امين يارب
حتى حني مطر و صقع يضرب في العظام

وياحليلي الاسبوع الجاي عرس خالي ومش عارففه كيف بندير مع الصقع
المهم انت دفي روحك كويس ياوخيتي

خير يا سمحه
كيف الاحوال باهيه ؟
انا بخير و الله
و بأذن الله ربـــي يوفقنا جميعا للخير
شني الجو فطرابلس
نحن مطر مطر و صقع تبروري
متقدرش توري وجهك
ههههه

وشبابنا ربي يوفقهم للخير ديما
ويكونوا مصدر عز وفخر لينا
ربي يتبث خطاهم للخير يارب
و ان شاء الله لما تقدري تدخلي للمنتدى طمنيني عليك
""على اساس اني ديما موجوده في المنتدى ""
دمت في حفظ الله ورعايته
ربي يوفقك يارب

اهلا بيك اختى
مشاغل الدنيا متكملش بكل
شكرا اختي
ربي يوفقك يارب وشدي حليلك
نبي نسمع عليك اخبار حلوه في القرايه
اهلي تمام التمام ولله الحمد
ربي يدوم الخير عليك وعلى كل اهل بنغازي وكل ليبي وليبيه في العالم
يارب

اهلا
وين الغيبه
و لا يهمك اكيد مقدره الظروف
بس هالايام فاضيه
لان الجامعه تبدي السبت الجاي
و انا منزله تسع مواد هالسمستر
فا ربك يستر
و مش هنلقي وقت للنت
كيف حال الأهل يا حبوبه
ان شالله كلكم بخير و عافيه
بنغازي احسن حاال
اعتصامات علي التسلق و النهب فالمال العام
و الفساد الاداري و الاقتصادي للمجلس و المكتب التنفيذي
ان شالله بأذن الله ربـــي يوفق الشباب

السلام عليكم ورحمة الله وبركاته
مرحبا اختى
كيفك وكيف الاهلك الكرام
ان شاء الله بخير
وكيف حال كل اهلنا في بنغازي الحبيبه
انا الحمد لله بخير وعافيه
واعذرني على ردي المتاخر عليك

الله يبارك لنا ويبعد عنا كل الشر
و الله خطوه حلوه و كل يوم نحن فالزايد
مشالله علينا ربـــي يحفظنا مالعين
هههههههه
كيف حالك يا سمحه
ليـك وحشه والله
ان شالله أمورك تمام

السلام عليكم ورحم الله وبركاته
مرحبا
كيفك اختى ؟ وكيف حالك اهلك الكرام ؟
ومبروك علينا الحكومه الانتقاليه
وان شاء الله تكون خير علينا

اللهم امين
ايوه تعب كثير, بس تعبه العيد الاضحى حلو كثير كثير
وان شاء الله يجي الجو حلو

ربي يعاونكم