المحادثة بين ابتـهـال و فردوووووس
عرض رسائل الزوار 31 إلى 40 من 71
-
و الله انت تحبي فردوس
أنا أكيد حنحكيلك يي هالاسم
و ربي يلاقينا في فردوسه الاعلي نشالله
و كل عام انتي وأهلك بخير
عيدكم مبروك
ان شالله ينعاد علينا في خير بلاد
بلاد تكون ليبيا لنحبوها
وااش اخبار العيد
والله تعب في التجهيز
اليوم اخري كن امدايرين حفله عند اهل ماما
العايله كامله
و بعد يوم العيد
وبي يكون فالعون
-
وكل عام وانت واهلك الكرام بالف الف خير
وينعاد عليكم بالخير واليمن والبركات
-
و لاني كنت نحب عمي هلبا
حبيت ندكره مع اي حد يقولي فردوس في المنتدي
ولان نحب ندعي لاي احد يقولي فردوس بان ربي يجزيه وتكون منزلته هي منزلت الفردوس في الجنه
و انت وراحتك اي اسم تفضلي تناديني بيه
-
اسمي قصته قصه
بديتها حكايه عمي اللى مسميني فردوس
وبعد اللى صار غيرولي اسمي "لان جدتي ما تبيش شيء يفكرها بيه وتقعد تتحصر عليه "
الي فاطمه وصار كل شيء ليا باسم فاطمه
-
اها
ربي يعاونكم يارب
امين يارب
..........
ان شاء الله اختى
:rose:
-
السلام عليكم ورحمة الله وبركاته
مرحبا اختى
كيفك
....................
الله يسلمك يارب من كل سوء
اكيد اختي
الحمد لله
-
الحمد لله علي سلامت عمك اللف مبروك علي رجوعه لوطنه واهله
ايـــه يا ما عانينا من المجرم هذا
وربي اخد الحق منه
ما في عائله ليبيه ما تضررت منه
الا المستفيدين اللي قدر يشتريهم بالفلوس
سبحان الله في نفوس تنشري بالفلوس
والله اكيد توا ارتحتوا واخديتوا بحقكم
هههههههه
انا طالعه يوم الخميس الفنان صلاح غالي جاي لبنغازي
والجمعه جاي لطرابلس
ان شالله نقدر نطلع
والجمعه دايرين حفله للعائله
عشان اللي رجعوا من الجبهة سالمين وعلي قتلت السفاح
الله لا يرحمه ويذيقه اشد العذاب
...
حنصورلك الحفل ان شالله
ونحطلك الصور
؟؟ ما قتيليش شني اسمك؟؟؟؟؟؟؟؟؟
-
والله ان رجعت عمي مش فرحتنا حني وبس حتى جران والكل فرحان ولزالت الفرحه مستمره وربي يفرح كل ليبي وليبيه وكل ام واب و كل العرب اجمعين يارب وكيد وبلا شك فرحتنا ديما ناقصه مداما اقصنا محتل وجريح يصتصرخ وينادي على من لديه قلب ينبض بالاسلام والايمان 
............... ربي ينصر اسلامه والمسلمين في كل مكان يارب 
-
السلام عليكم ورحمة الله وبركاته مرحبا اختي واسفه لتاخري في الرد .......... بسيطه بسيطه اني وبنات عمي لما مخلوناش نمشوا قلنالهم لما يروح عمي ميشدنا حد بنديروا جوا وفعلا درنا جو و هتفنا وكل المنطقه سمعتنا ولما وصل عمي سكروا الشارع على خاطرنا "طبعا اتكلم عن ابوي واعمامي وجدي " وقعدنا الاسبوع الماضي على طوله وحني نكبروا ونزغرطوا وجو 
لين انبح صوتي ................... اها ربي يتغمره برحمته الواسعه ويجزيه الجنه يارب والله نحن عمي اللى رجع كان من سجناء اللى هربوا من بوسليم 
................ تخليلي اختي من 15 سنه لما هرب عمي في ليلتها جوا الكتايب يفتشوا عليه في حوشنا وخدوا ابوي واني كنت صغيره نبكي فضربني واحد منهم تيروا على راسي و مشوا لحوش جدي واخدوا عمي الصغير 
وبعد شهر رجع عمي مكسور وحالته حاله وابوي رجع للاسف مدمن فاعمامي رفعوا يعالجوا فيه ولله الحمد بعد سنه ونص رجع مثل الاول وطبعا من هديك الليله وحني مراقبين اه اه اه ومشت حياتنا كلها خوف وكل شويه استدعاء واستجواب وهم وخلاص والحمد لله رغم كل هدا بس القلب مايخافش الا من اللى خلقه -
اهم حاجه المقولات
هههههههههههههههه
^___^
