واش نخبط على المنطقة الحساسة ياو كان قد البعير وانا مروحة ميتة من التعب وصايمة كل اللي قدرت نديرو لاني كنت فشلانة من التعب هو اني بقيت في وضعية الدفاع وتحملت كل الخبط لدرجة انوا عفسلي على رجلي تقسم صباطي على زوج النص القدامي طار طول وبقاو صباعي في الشمس هه حاول يطيحني باي شكل من الاشكال وماقدرش حتى اني شفت في يدو حاجة كحلة في البداية ظنيتها موس وكي شفت مليح لقيتو برطابل مديت يدي الاخرى باه نحيهولو بصح هو بعد عني يدو
المهم يومين ديتها رقاد في الفراش
انا من عامين في رمضان جيت مروحة من الخدمة القايلة تعرضلي سراق
المهم كليتها مفصلة من عندو قريب كسرلي رجلي وكان حجمو كبير
المهم ماقدرش يسرقني تحملت الضرب المهم مايدي والو
وبعد عامين وانا نخدم في لافارماسي شاء القدر انو نفس السراق اللي ضربني جا للافارماسي تعرف عليا وتعرفت عليه انو هو السراق والمصيبة طلع ابن زبونة دائمة عندنا والافضع طلع عندو سوابق قتل
يعني ستر عليا ربي هذاك النهار لانو هو هاجمني وصاحبو يستنى في طاكمسي بيضاء
الحمد لله على سلامة راسك
نضحكك حنا حارتنا كامل تسرقت ومن بينهم دارنا نهارها كل رجال الحارة تلمدو ومعاهم بابا وراحو للكوميساريا يشتكو قاللهم البوليسي شكون اللي تسرق حسب الغاشي شهود برك ايا كل قالولو رانا كامل تسرقنا ههههههههههههه
حنا تسرقو من قبلنا زوج ديار
وبنفس اليوم اللي تسرقنا فيه سرقو دار وحدة خرا
هوما يعسو غير الناس الخدامة وكتاش ما كانش في الدار
والله ما تخوف بتلاتا الصباح ماكانش في الدار
السراقين طلعو من فوق الحيط تاع برا كسرو البارسيان وحلو تاقة
والكارو قصوه بكاش حاجة باسكو سجاجة وحدة ما تتسفر في اللرض
الدنيا خلاوها مقلبة المنظر هاداك ما عادش ننساه
عشت فلم هندو
انا طريت نروح بصح ربي دارها ودرت روطار وروحت ع 11
انا حليت الباب اللوراني وكي دخلت
لقيت الضو باقط والدنيا مقلوبة انا راح بالي لبابا
ونضت نعط بابا بابا
من بعد نسمع في الصوت بدوزيام ايطاج
انا طلعت لتم ونتصدم بالحية كيفاش
موقف ما نوصفوش
هربت من الخوف بزاف
