|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
05-02-2009, 02:58 AM
| ||
| | ||
 قصه تموت من الضحك[اتحدى اللي مايضحك] وطبعا تلفوننا شايل ابوي منه كل الارقام .. مو بمخلي الا رقمين التسعه والثمانيه .. يعني مالك الا تدق على الشرطه وإلا الدفاع المدني وغيره مافيه ... المهم اني رفعت السماعه واقول نعم .. الا وذاك الصوووت اللي يررد الروح .. صوت بنت .. واخوكم اذا سمع صوت بنت اوجعه بطنه وانواع الاسهال ... وقالت الووو .. انا مااعاد عرررفت وش اقول انشلت براطمي وطلعت كني ياسر عرفات .. ال ال ال ال لووووو .. قالت .. مين معاي ..؟؟ قلت .. معاك انا .. (( صراحه جواب يدل على ذكائك ..!! )) وهي اللي تضحك .. وانا قلبي احسه موب طبيعي قالبها سامري وتستنزل عندي الكبد والبنكرياس انواع الربكه .. وقاالت لي .. سوسو موجووده ..؟؟ قلت لها .. ما ينفع طوطو ..؟؟ قالت _مين طوطو ..؟؟ .. قلت .. هذا اسم الدلع حق الطاووس اللي هو انا . . !! وضحكت للمرره الثانيه على التوالي .. وقالت .. يؤ يؤ .. شكلي غلطانه .. طيب آسفه ... قلت لها .. لاعادي.. لاشكر على واجب . . (( دايم اسمع هالكلمه .. وجالس احتري الفرصه اني اقولها ..!! )) .. وقفلت السماعه ... : تصدقون .. ماادري وش صار فيني .. حسيت بشعقريره في جسمي .. وان افرازات الخشم عندي زادت .. وان ودي ارووح _انبطح في الحوش _ واكتب قصيده هجائيه .. لاايكون هذا هو الحب اللي يقولون .. (( نعن ابو الحب اللي تعرفه يالضفدع ))..!! :عاد انا ماني متعود على البنات .. لان ما شاالله بيتنا فيه خمسطعشر رجال اللي هم انا واخواني وابوي وامي .. ( الله يخلف على ابوك واميمتك هذا وانت اكبر اخوانك عليه العوض ومنه العوض: )) المهم .. يعني انا واخواني ماشفنا بنت ابد .. وهذا اللي سبب لنا عقده تسمى العقده _الفيسلووجيه .. (( من وين جت ذي ..!! )) المهم .. اني قررت اني اتعرف على بنات ... بس فيه مشكله وحده اللي هي اني ماعندي اسلوب ابد ...(( يعني وقفت على الاسلوب .. نعن ابوك انت عندك الف مشكله مو مشكله بس .. واهمها مشكلة وجهك اللي كنه لووحة انتبه امامك نقطة تفتيش ..!! )) الوكاد اني مالقيت قدامي الا واحد من العيال اسمه عبدوش .. معروف ان البنات ما يعوقون معاه .. وانا اللي اللقط مفتاح سيارتي واروح له الوكاد .. اني رحت لعبدوش .. وعلمته بوضعي وان امنيتي في الحياة اتعرف على بنت قبل ما اموت .. ((اخس يالشايب..!! ):: فقال لي .. السالفه بسيطه .. اذا بغيت البنت تحبك حسسها انها احسن وحده في العالم ... قلت له .. يعني كيف .. يعني .. يعني كيف .. يعني اقولها انتي احسن من مرادونا ...!! وهو اللي يرفسني برجله في بطني .. وقال لي .. انت ثور .. وش دخل مرادونا يالغبي .. !! انا قصدي انك تحسسها بانوثتها وان مافيه بنت غيرها في العالم .. قلت له .. برررضه ماافهمت .. يعني تبيني اذبح كل البنات واخليها لحالها ...!! وهو اللي يموه علي برجله ويمحطني بيده على جبهتي ..... وقال لي .. شووف انت حمار .. وماراح تفهم الا بالدروس العمليه ... ويطلع جواله ويدق . . وقال لي .. شووف انا هاللحين باكلم وحده.. . وتعلم .. قلت له .. طيب ... وكلم .. وقال .. هلا حياتي هلاا عمري هلا روحي .. انااا لؤي حبيبك ومجنونك .. (( الحمدلله على العقل .. نعن ابوك وين لؤي معه . . والله لو اشوف وجهه في احسن الاحوال بعد ما اعطيه غير اسم جعفر .. قال ايش قال لؤي ..!! )) .. : وقام يقول لها .. احبك واموت فيك .. اناا بدونك مثل البيت بدون حاره .. مثل التلفون بدون حراره .. مثل السواق بدون سياره .. انا البنزين وانتي الشراره .. انا الشارع وانتي الاناره ..انا الرومانسيه وانتي الاثاره اناا مبنى التجاره العالمي وانتي الطياره ... (( قسم بالله اني بغيت اضمه وابووسه يووم سمعت كلامه .. حسيت بشعووور غريب .. نعن ابليسه لو يكلم جداار كااان ذاااب )) المهم .. انه خلص المكاالمه .. والتفت لي .. وقاال لي .. يالله دوورك .. باعطيك رقم بنت وكلمهااا .. وقوول لهاا نفس كلاامي ... قلت له بكل خجل .. طيب .. وهووو اللي يدق على بنت ويعطيني الجواال عشاان اكلمهااا ... وانااا اللي اقوول الووووو .. ويووم سمعت صوووتهاا ضااعت علووومي .. ونسيت كل الكلاااام .. وقلت لهااا .. بابا فين ..!! ومااا حسيت الاااا بذيك الجزمه اللي لااازقه في مقفاااي ... وقاال لي .. قوووول نفس الكلاام اللي قلته يالثوووور ... واناا اللي اقووول لهااا ... هلاا حيااتي هلااا رووحي هلاا تعااالي .. وقالت .. طيب وبعدين ... قلت لهااا . . انااا بدوونك مثل الكيبووورد بدوون فاااره .. مثل التقااطع بدووون اشاااره .. مثل الحمااار بدووون حماااره ... مثل السلطه بدووون خياااره .. انااا محترررف وانتي نظااام الإعاااره ... انااا الولاااعه وانتي السجاااره ... انااا الددسن وانتي الغماااره ... انااا الصرصووور وانتي البياااره ... اناااا طوووط طوووط طوووط طوووط ... قفلت الخط في وجهي .... قاال عبدووووش .. وش فيك ؟؟ .. قلت له .. لاا ابد الخط مشغوووول ...!! (( ماايعررف يصررف ابد ..!! )) ومااادريت الاا وعبدووش مطلع لووح فيه مساامير ودبجني فيه اللين قلت للعنز ياخاااله ...: المهم .. اني رجعت للبيت ودماااني تصب ومااليه وجهي من كثر الطق اللي جاااني من عبدووش00 لدررجة ان اللي يشووفني ماا يعررفني .. طاالع كني مسااابقة .. من صااحب هذه الصوووره .. اللي يحطوونها في المجلااات ... واناا اللي ادخل البيت بشووويش عشاان مايشووفني احد .. واطلع غررفتي واسكر الباااب واناااام ... وفي عز النوووم .. دق جررس التلفووون .. واررفع السماااعه .. الا هي نفس البنت اللي كلمتني اول مررره .. قلت .. نعم .. قاالت .. سوسو موجوووده ..؟؟ قلت لها .. شووفي .. بيتنااا كله شبااب .. وماافيه احد يبدا اسمه بحررف السين .. انا واخوااني كلناا اسمنااا خاالد .. وماا فيه الا اخووي الصغير فهد هو اللي اسمه نااايف ونناااديه عبدالرحمن .... (( وش عنده عادل امام..!! )) والبنت كرررتها ضحكه .. وقاالت ما شاالله دمك خفيف ... (هي تحسبني استهبل مادرت اني دلخ من جد )) وقلت لهااا .. شكرا .. (( مسووي مؤدب ..!! )) وسألتني البنت .. وش تسووي هاللحين ..؟؟ .. قلت لهاا .. والله كنت نااايم ... قااالت .. يؤ يؤ تناام في الليل انت ..!! .. قلت .. اجل متى انااام ..؟؟ قااالت .. لاااا انااا اناااام في النهااار واسهرر في الليل ... قلت لهاا .. ليش الاخت بووومه ..!! قاالت .. لاا بس الليل وقت الروماانسيه .. انت تعررف الروماانسيه ..؟؟ قلت لهااا .. لاوالله ماا اعررف بناات انااا ...!! (( مسووي فيهاا فاااهم ..!! )) وسألتني .. انت وش اسمك ..؟؟ قلت لهااا _مصيول قالت وش معناااه .. قلت لها .. هذا اسم كلب كاان عند جدي وسمااني ابووي عليه لاني اشبهه .... وسألتهااا .. وانتي وش اسمك .. قاالت .. داااليدااا .. قلت لهااا .. اناا ابي اعررف اسمك موو عيااارتك ...!! قاالت .. هذا اسمي ..!! (( هذوللي البنااات .. تسألهاا وش اسمك .. تقول رهف ولاا شووق ولا افناان .. ولوو عذري بس انه من جنبهاا ..!! )) سووويت فيها اسلوب وقلت لها اني حبيت وحده بس انتهى هالحب .. لان اللي حبيتهااا خاانتني ... قالت لي .. من حبيت .. ؟؟ قلت لهااا .. حبيت عنز جيرااننا .. بس انهاا خاانتني مع تيس سووووري عشااان له بقذله ...!! المهم .. ان البنت قاالتلي .. اووكي اكلمك بكررره لان امي تنااديني .. قلت موو مشكله .. وتطووورت العلاااقه .. وصرناا نكلم بعض كل يووووم .. وانااا انقلب حااالي .. ولااحظوا اهلي اني تغيرت .. يعني نكوون جاالسين على الغدا ولاا العشاااا واناا ما آكل .. ساااارح وانغف .. وبعض المراات انسى اصبعي دااخل خشمي ولااحظوا اهلي اني صررت مؤدب واقراا وااجد .. واناا اقراا عشااان اعررف كلاام جديد في الحب .. تلقااني اقراا كتب الشعر والحب والطبخ .. (( لا تستغربوون لان كتب الطبخ اتعلم منهاا كلاام حلو بعد مثل .. ياعسل , ياحليب , ياقشطه , ياكريم كراامل ..!! )) وبررضه صررت ادخل كتب ممنوووعه للبيت .. مثل كتاااب .. ماذا تفعل في ليلة الدخله .. وكتاااب .. سنه اولى زواااج ... بس المشكله انهاا ضااعت هالكتب مني وصرررت اررروح عند بياارة جااارنا اللي طاافحه واقعد افكررر واتأمل وارمي حصى وسط البياااره ....(( مسوي روماانسي .. مثل اللي يجلسون على البحر ويرموون حصى ..!! )) المهم .. انه في ليله من اليالي .. قاالت لي البنت 00مصيوول.. اوصفلي شكلك ..!! يااولله البلشه .. وش اقوولها هذي هاللحين .. اقوولها اني قررررد .. اعتررف لهاا بالحقيقه المررره واقووولهااا اني جداار ماالي ملااامح ... اعترف لها اني شبيه عبدالله سليمان( (الف حمد لله وشكر ))الوكااااد اني قلت في نفسي .. يااولد خلني اسوووي مثل كل الشباااب .. وانصب عليهااا يعني تلقى الوااحد من الشبااب شيييين واذا شفته في الشاارع مااتدري هو راايح ولا جااي لان وجهه مااله معااالم .. ولو تشووف وجهه تحسبه وااحد معطيك مقفاااه .. يعني مفرووض يحط لووحه على وجهه ويكتب .. ترررى هذا وجهي .. عشاان النااس مايلخبطوون بين وجهه وقفاااه .....واناا مثلكم واردى بعد .. انااا اذا قاابلت احد يجلس سااعه محتاار وين وجهي من قفاااي وماا يعررف الا اذا لقى الوورقه .. لان فيني وررقه مثل اللي تجي في الفناايل والسراااويل عشاان تعررف ورررى من قدااام ... !! المهم .. اني قلت لهااا .. اناا عيووني مثل عيوون جواااد .. وطولي مثل طلاال الرشيد .. وخشمي مثل خشم خالد عبدالرحمن .. وملحي مثل ملح رااشد المااجد .. ومهضووم كثير مثل راامي عيااش ... (( والله مانااقص الا تحط ملحن معااهم ويكمل الاووبريت ..!! )) الوكاااد .. ان البنت شكلهااا خقت معي وقاامت تشاااهق من الفررحه .. وسألتهااا انااا وانتي اووصفيلي شكلك .. .. قاالت .. ما اقدررر .. لماا تشوووفيني بتعرررف .. لان ماالي شبيه .. (( اخسس يا بريتني ..!! )) .. وانااا اللي افك_ خشتي وسعاابيلي تقووطر .. كني كلب شاايف له عظمه ... وقلت لهاا .. يعني باشوووفك ..؟؟ قااالت .. اكيد .. اناا بكررره بارووح شاااليهاات اليماامه اللي على طرريق الريااض الخررج .. ونتقاابل هناااك .. قلت لهاا .. بس هذيك للعواائل بس .. قاالت عااد انت دبرر نفسك ... قلت اووكي موو مشكله بس كيف اعررفك ... قااالت بيننا الجوااال .. اذا وصلت كلمني واناا اعلمك وين تلقاااني .. قلت لهااا خلاااص الوعد هنااااك .... المهم .. اني انااا تووهقت .. وش لوون ادخل الشااليهاات وهي للعواايل . .. وقلت ماالي الا عبدوووش .. اتصل عليه واتفااهم معااااه ... ودقيت عليه . . ورد علي وقاال بعصبيه .. نعم وش تبي يالغبي ..؟؟.. وعلمته بالسااالفه من سلسل اللين طقاق عليكم .. ((تراني اقصد من طقطق اللين السلام عليكم بس مدلخ شوى )) وقاال لي .. والله صعبه وش بتسووي .. قلت له .. وش راايك تلبس عباااة وتسووي نفسك حرررمه وترووح معي على انك زووجتي ... وهوو اللي يتغيرر وجهه وقاال .. انااا ولد ابووي .. قلت له .. بالله .. تووني ادرري .. كنت احسبك ولد ابووي انااا ..!! قاال .. تستهبل يالزباااال .. اناا اسووي نفسي حرررمه .. يااويل ويلي ويلاااه .. خيل الخيل خياالهااا .. قلت له .. يارجاال كلك تبن لادووس في بطنك .. جااالسين في مضاارب الباااديه احناااا ..!! .. قاال لي .. لا يا مصيووول هذا شي ما اقدرر عليه .. وش اقوول للجماااعه ..؟؟ قلت له .. ومن قاالك اننا بنحضرر عررس .. حناا بنرووح الشاليهااات .. وانت مارااح تكشف وجهك ابد .. قاال .. طيب ليش انت مااتسووي نفسك حرررمه واناا الرجااال ..!! قلت له .. ياااخوي اناا ما اقدرر .. لاني لا رجااال ناافع ولا حررمه ناافع .. وبعدين حتى لو غطيت وجهي بيكشفوون اني مااني حرررمه من ريحتي اللي كنهاا ريحة شرابااات عزوووبي ... قاال لي .. خلااااص . . بس لااحد يدررري ... قلت له .. ابشر .. بس جهز نفسك بكرره بامرررك ونروووح ... وأخذت سيااارة وااحد من العيااال .. ورحت لبيت عبدوووش ولقيت عند باابهم شحاااده وهي اللي تجي تبي ترركب .. قلت لهاا .. الله يعطيناا ويعطيك ياخاااله .. وهي اللي تطق قزاازة السيااره شووي وتكسرررها .. وانااا اللي اطلع من جيبي ريااال ونص كنت نااوي اشترري فيه تووكس .. بس قلت موو خسااره فيهاا عشاان الله يووفقني .. وتووني افتح الدريشه باعطيهااا .. الا وهي تقوول افتح البااب الله يااخذ هالراااس ..... الصووت موو غريب علي .. يوووووووه عبدوووش.. قاال .. اييه عبدوووش الله لا يباارك فيك .. افتح بسررعه قبل ما يطلع احد من هلي ... وفتحت له البااب ورركب .. وانطلقناا للشاااليهااات ... المهم وصلنااااا الشاااليهااات .... ونزلنااا من السياااره .. وامسك يد زووجتي .. اللي هي عبدوووش ساابقا ... ودفعناا التذاااكر .. ويووم جينااا بندخل .. وقفنااا الحاارس اللي على الباااب .. وقاال .. لحظه لاازم زووجتك تدخل محل تفتيش النسااء لاننا شاااكين فيهااا .. قلت له .. لييش في مطااار حنااا .. ترااه شااليهاات .. بعدين وش فيهاا زووجتي ...؟؟ قاال الحاارس ... ياااخوووي وش هالحررمه اللي لااابسه زبيريااااات ....!!!!! وانااا اللي اناااظر في ارجوول عبدووووووش الا فعلا لاابس زبيرياااات ..!!!! يالله لاااتفضحنااااااا بس ... واناا اللي ا قوول للحاارس ممكن تتركني معاا زووجتي .. ابيهاا في كلمة رااس .. قاال لي ادخل هالغررفه الفااضيه وتفاااهم معااهااا ... واناا اللي اسحب عبدووش للغررفه .. واتررفس في بطنه وانوااع ا لاكواااع .. نعن ابووك يالغبي زبيريااات مررره وحده ... قاال .. وش اسووي ماالقيت جزمه كعب على مقاااسي ..... وقلت له .. اسمع نزل العبااة على ارجوولك عشاان مااحد ينتبه يالغبي المهم .. اننا رجعنااا للحاارس .. واعتذرناا منه على سووء التفااهم .. ودفيناااه بمية ريااال عشاان يسكت ... واول ماادخلنااا استاااجرت شااليه صغير وقلت لعبدووش يجلس فيه .. واناا بارووح ادوور خووويتي .... وطلعت .. ودقيت جوااال على خويتي .. ووصفت لي مكانهاااا ... تقووول انهاا عند الشجر اللي جنب المطعم ... واناا اللي اروووح هنااااك .. واجلس ساااعتين ادووورها ومالقيتهااا ... وادق عليهاا جوااال قلت لهاا .. وينك فيه لي سااعتين ادوورك ... قاالت .. انت وينك بالظبط ؟؟؟.. قلت لهاا .. انااا وااقف جنب كيس زباااله .. وانتي وينك ..؟؟ .. قاالت .. اناا وااقفه جنب واااحد شكله مجنووون وعليه قل صح ... وانااا اللي التفت ورااااي .. اووووب .. هذي هي .... (( افااا طلعت انااا المجنوون اللي تقصده .. وطلعت هي كيس الزبااله اللي اقصده ..!! )) وهي اللي تنصدم .. وقاالت .. هذا انت ..!! وين الوصف اللي تقووول .. اجل طلاال الرشيد هااااه .. امحق طلاااال اللي تشبه له انت ... (( صادتني ان عيووني مثل عيوون خاالد الملا .. وجسمي مثل نبيل شعيل . . وخشمي مثل عبد المجيد عبدالله ..!! )) .. قلت لهااا .. لاا اناا فعلا مثل مااقلت .. بس صاار لي حاادث هوو اللي اثر على وجهي .. ولا اناا كنت حلوووو ... (( اييه هين ..!! )) قاالت .. موو مشكله اهم شي اسلووبك اعجبني .. قلت لهاا .. اشووى ان اعجبك شي فيني .... وطلبت منهاا انهاا تووريني وجههااا .. قااالت .. طيب بس لا يشووفناا احد .. واناا اللي اغطي عليهاااا .. وقلت لهاا .. يالله بسررعه .... وهي اللي ترررفع الغطوووه .. وانااا اللي اضحك ..!! قااالت .. وش فيك تضحك ..؟؟ قلت لهاا .. يالله عاااد بدوون استهباااال ....!! قااالت .. وش فيك ؟؟ .. قلت لهااا .. يالله بسرررعه شيلي القناااع اللي على وجهك لاا تستهبلين ....!! وهي اللي تقوول .. هذا وجهي الصدقي يالقررررد ... وانااا اللي انصدم واحس ان الاررض تدوور فيني ... وش ذا الوجه الشييييين .. اوول مررره اشوووف وجه يطلع منه ريحه مخيسه ... نعن ابووهااا حتى الشجره اللي كناا واااقفين جنبهااا رفعت ثووبهااا وانحاااشت .. وكل الشجر اللي كاان حووولنااا انحااش ورااح وقف في مكاان ثااني بعيد من شين وجههاااااا ....!!! وانا كنت حااط في باالي كلااام رومااانسي جلست عشرين دولااار يووم احفظ فيه .. عشااان اذا شفتهااا اقوووله لهاا .. بس يووم شفت وجههااا اللي كنه وجه وااحد جاالس في مجلس رجااجيل وفيه اسهااال ... وضيعت كل الكلااام اللي حفظته وقمت الخبط في الكلاااام .... سألتهااا .. ليش الغمص ساااكن عيووونك ..؟؟ جاااوبتني ..من الأرق ..!! سألتهااا .. طيب وش هالببسي اللي مكبووب على ثوووبك ..؟؟ جاوبتني .. هذا موووب ببسي .. هذا مرررق ..!! سألتها .. طيب مااعندك غير هالثوووب ..؟؟ جاوبتني .. الا كااان عندي بس انسرق ..!! سألتها .. طيب ماداامك شينه وشهوله تغاازلين ..؟؟ جاوبتني .. اناا كنت حلووه .. بس ان وجهي انحررق ..!! وسألتني .. وش رايك فيني .. ما اشبه باسكاال ..؟؟ جاوبتها .. انتي جسمك جسم باسكااال .. بس الوجه الله خلق وفرررق ..!! المهم اني ماقدرت اتحمل وجهها وقلت لهاا .. انتي جدك الاكبر كاان غوووريلا ..؟؟ قاالت لي .. لااا تطنز انت ووجهك .. انااا اول كنت مصدقه ان الديناصوراات انقررضت .. بس من يووم شفت وجهك عرررفت ان هالكلاام اشاعااات اشاعااات ...!!! قلت لهااا .. شووفي ياآنسه جرااااده .. انااا ودي اجاااملك واقووولك كلااام حلو .. بس وجهك يقووول مااااااااالك امل ..!! قاالت لي .. والله حتى اناا بعد ودي اقوولك كلاام حلووو .. بس وجهك ما يساااعد .. وجهك كنه دعاااية لاااا للمخدراااااات ..!! المهم .. ان كل وااحد مناااا تفل في وجه الثاااني ورحناااا ... وانااا من الصدمه توووقف تفكيري .. كل آماالي واحلاامي رااحت ادراااج الدواااليب .... وركبت السيااااره .. ورجعت للبيت واناااا متحطم .. كنت متخيلهاااا مثل ماياا نصري ولااا اليسااا .. وطلعت مثل فطوووومه ... لااااااااا خلاااص ماعاااد ابي اتعرررف على بنااااات ...(( تكفى آخرر مرره .. حراام تحطم قلووب المعجبااات يا رااغب علااامه .. اقول انطم بس)) الوكااااد .. اني سكررت بااب الغرررفه .. ونمت نوومة عدوووكم .. (( مسووي علووم رجااال ..!!)) وماادريت اليووم الثااني الا باللي يررفس الباااب .. واناا اللي انقز من فراااشي ... وش الساالفه يالرربع .. الاا وهوو ابوووي يصاايح .. افتح يالسمرمدي .. افتح لاباارك الله فيك ... واناا اللي افتح البااااب .... الاا وابووي في وجهي ووجه ماايطمن .. ويطلع ذيك العجرررررا من مخباه .. وانواااع التلحيط .. واخواااني وامي وااقفين عند البااااب يتفرجوون الانذاااال ... من لقااهاا مصااارعه على الطبيعه .... المهم .. ان ابووي شغااال ضررب فيني ويقووول تتزووج من ورااناا يالخسيس .. قلت له .. والله ما تزوجت ... قاال .. الااا .. لان الشااليهاات اتصلووا علينااا وقاالوا خلوا مصيول يجي يااخذ زووجته اللي نساهاا امس ... واناا اللي تضيع علوومي .. وابي افهم ابوووي الساالفه .. بس انه شغاال ضرررب فيني .. ماترررك لي فرررصه .. وبعد جهد جهيد قدرت انفك من ابوووي .. ورحت لآخر الغررفه .. وياااخذ ابوووي نعااال ويرميهاا علي ... وانااا اللي اوخر عنهااا بسرررعه وامسكهااا بفمي ...(( متأثررر بالأفلاااام ..!! )) واخواااني يووم شااافوووني سوويت هالحررركه وهم اللي يصفقوون ويصفرووون لي ... واناا اللي اتحمس .. وانط على ابوووي وامسكه مسكه منوووومه .. (( خربهاا الغبي مع ابوووه ..!! وينط وااحد من اخوااني ويمسك يد ابووي ويرفعهااا اول مرره وطااحت ويرفعهاا ثاااني مررره وطاااحت .. ويرفعهااااا ثااالث مررره وطاااح... لاااا لاااا لااا لااا غير معقووول ... رفع ابووي يده وقاام يأشرر باصبعه يعني لااااا ترااني مانمت ....!! ويووم شفته مانااام .. وانااا اللي اقووم وامسك ارجووله .. واسوووي له حررركه مقصيه عشاان يستسلم .. بس ما استسلم .. واخوااني يقنعوونه انه يستسلم بس هو عنيد يحااول يزحف عند الحباال .. بس اناا مااخليته ينفس ... وفجأه . . اوووه .. لااا تدخل خااارجي ... امي جااابت المقلاااة ومحطتني على ججبهتي محطهمدوووويه ... وتدخلوووا اخوااني ومسكوا امي وطلعوووها براا الحلبه .. ((عائله دلووووخ )) المهم اني دخت وماعااد ادرري وين انااااا وطحت مكاااني .. ويزحف ابووووي بشووويش .. ويحط يده على صدري .. ويعدوون اخوااااني .. وااحد .. اثنين .. ثلاااثه .... فااااز ابوووووووي هييييييييييييييييه .. ((الحمد لله والشكر)) المهم اني فهمت ابوى الساالفه ((ما اصلح في جرياات ابد اعلم واكع على طووول)) ونمر بيت ابو عبدووش ونعلمه وانواع التمحيط فيني المهم انا وصلنا الشااليهات وقلت له معى لك مفاجأه وهو اللي يضحك قال والله اني خاابرك ذيب ما تترك خويك كذاا الرجال ولا بلاشوو وان اقول في صدرى ايه هين وهو يقول اكيد بتعرفني على وحده من خواتها قلت ايه اانا بعرفك على وحده صحيه 00 وهو يبي يشوف المفاجأه بيفصخ العبااه قلت لها خلها عليك كذا احسن((انواع النذااله فيني)) وصلنااا السيااااره .. الاا وابووو عبدووووش مااسك مفك العجل في يده يحتري ولده ... وعبدووش من هووول الصدمه ماعااد شاالته رجليه .. طااح مكااانه وقااام يصيح ويولول ... واستلمه ابوووه انوااع تفقيع الوجه وانوااع الترررفيع والتنزيل .... واناا جاالس اتفرررج ومبسوووط .. ومااادريت الا وابووووي مااسكني وانواااع الررركب .. واناا اللي اصيح فيه .. هيه يابوو الشبااااب .. حلا هي ..!! تووك طاااقني قبل شوووي ...!! قاال ابوووي ... اييه صحيح .. بس عيب الرجاال يطق ولده واناا جااالس اتفررج .. لاازم اسوووي شي اناا بعد ...(( لاا صرااحه ان ابوووي فااهم في الاصووول .. طاالع لي ..!! )) المهم .. عقب الطق اللي كليته اناااا وعبدوووش .. تزاااعلنااااا مع بعض .. وانااا حرررمت اتعرررف على بنااااات .. ومثل مااقاال المثل .. ابعد عن الشرر ياااعمرري وغني لوووووه .. ودان دان لداانه داان واااويلوووه مشكلني حبك يارووح الرووح مشكلني!  ^خخخ خ^
__________________ |
|
#2
05-02-2009, 04:11 AM
| ||
| | ||
| رد: قصه تموت من الضحك[اتحدى اللي مايضحك] هههههههههههههههههههههههههههههههههههههه روعه يسلموووو ووووووو بس مو كنه طويله................. تقبلي مروري...........................
__________________ .gif "flowr") مجنونه وادري تالي العمر تابوت لكن شسوي دايم الحظ ضدي لاتحسب انك يوم صديت باموت صدك يزودني عنا وتحدي |
|
| مواقع النشر (المفضلة) |
| |
.gif "thanks")
العرض العادي
