أخبي الشعر عن عينه أخاف إنه يجي يقراه
أخاف أكدر إحساسه بحزن يكسي إحساسي

دفنت الحزن في قبر الضلوع اللي بكت فرقاه
وأجر الآه بحرف بكت في صدر كراسي

دموع الشعر ,حرمان المعاني ,همهمات ,وآآه
جمر هجر ,ودموع فراق ّفي حبري وقرطاسي


أنا ابعت الخلايق كلها والناس لجل رضاه
لانه كان لي ربعي واهلي وديرتي وناسي


أحبه والله الشاهد وهذا البعد ما أقواه
أكابر وأتظاهر بالصبر لين إنكسر باسي



أنا من لي عينه!!أنا مأبغى سوى دنياه
أبيه بسيف وصله يطعن همومي وهوجاسي



بكى في داخلي طفل بحبه والوفا رباه
أنا وهذا الطفل عقبه يتامى واليتم قااسي



نسى قلبٍ جعلته خاتمٍ في خنصره خلاه ؟
نسى حبي ؟ نسى قربي ؟ نسى اللهفه بانفااسي ؟



نسى ذيك العيون اللي تموت بطلعة محيااه ؟
نسى دافي عتابي والغرام الشامخ الراسي ؟



يقول القلب: لا تنساه وأقول: شلون بس أنساه !
أنا وشلون أبنسى من غرامه تاج راسي ؟



هذاك اللي أنا وإنته ياقلبي لي أمر طعناه
هذاك اللي بنظره من عيونه يورق يباسي



هذاك اللي تفز الروح ولهانه على طرياه
هذاك اللي بغيابه \عن عيوني أبعد نعاسي



ياليته يرجع ويرحم خفوق ذاب من فرقاه
ياليته يرجع لقلبي ويحيي موت إحساسي



مما راق لي ..