يالليل ماذكر في حياتي تمنيت
مثل ابتسامه تنتشل قلب منصاب

مليت ورب البيت يالليل مليت
من الجروح الي تجيني بلاأسباب

تدري يالليل اني على الجرح غنيت
غنيت دمعه والصدى ضم اللأهداب

تبي الحقيقة والصراحة ترجيت
فرحة ولكن الزمن بالعطا خاب

يالليل قلي بدنيتي ويش سويت
حتى الهموم بداخلي تفتح أبواب

ان كانطيبي عيب ومشكلتي أوفيت
أموت صادق وأرفض أعيش كذاااب

طبعي كذا من ميزتي ماتخليت
عندي مبادئ دونها ترخص أرقاب

بيني وبينك ياكثر ماتعنيت
أركض بغرفة مغلقة مالها باب

غرفة وراها فرحتي دونها جيت
أركانها عتمة ولاحولي أحباب

كآس الفراق المر منه تقهويت
أنا أشهدان الشوقبالليل غلاب

يالليل أنا لاشفت ماعفت أقفيت
أقفي ولو خلفي كثيرين الأصحاب

الا جروحي كل ما رحت واقفيت
جتني تحمل لوم وعتاب

ما اذكر ولا مرة بحياتي تهنيت
اضحك كذا والصدق عن شفتي غاب

صارت دموعي ضيف وعيوني البيت
ودايم من المناديل ترحاب

السنطرة