بالسودانى - عيون العرب

حسامون · #1 06-05-2009, 05:28 PM

من حقك إنك تفتكر
في الماضي أيامنا القبيل
وأنا برضو ياحلو العيون
من حقي أنساك ياجميل
وأسدل ستار الذكريات
علي ماضي من عمري القبيل
علي ريدة عاشت بيننا يوم
والليلة راحت زي شليل
من حقي أبكي عليك عمر
وأشكيك للماضي الجميل
لكني ياميلاد غناي
بنساك رغم المستحيل
رغم انو كان بيناتنا ريد
في وصفو كان سامي وفريد
ورغم اني كنت بعيش هواك
كل يوم معاك عمر جديد
وانت بتشيل جواك غرام
سامي وبينبض في الوريد
لكنك اتغيرت يوم
بدلت وعدك بالوعيد
ورميتني في آخر المطاف
خليتني في دربك وحيد
والليلة راجع تعتزر
تحلف كمان بي أغلي ريد
معليش وحاتك مابعيد
ماضي وحكايات مابتفيد
خليني أنزف جرحي فيك
وأبدا أنساك من جديد
وزي ما إنت بتفتكر
في الماضي والريدة القبيل
من حقي أنسي جروح هواك
من حقي أنساك ياجميل

الريد معناه : الحب

**غالب النهاري** · #2 06-05-2009, 05:44 PM

اسعدني ان اكون اول من يرد على خاطرتك كلماتها جميلة ومعانية اجمل تسلم على روعة الابداع اخي ... ..

حسامون · #3 06-05-2009, 05:47 PM

غالب تحيه وشوق بامتداد الشمس اخى الاعذ وسامحنى لتقصيرى معك فدائما انت القلب الكبير تحياتى اخوك حسام

**شمعة العمر** · #4 06-05-2009, 07:07 PM

تسلم يا أخوي الكريم على روعة ما خططته
وتحية طيبة لك دمت بود وسعادة