ماكذبت أمي عليّ .. يوم قالت - عيون العرب

**براكودا** · #1 06-07-2009, 12:17 AM

ماكذبت أمي عليّ .. يوم قالت ..

ياحبيبي ...

لاتنام إلا متوضي ..

وصل .. لله ركعتين ..

واقرالك لو آيتين ..

وارفع يديك وتضرع .. بالدعاء ..

يشرق النور بجبينك ..

ماتجيك أحلام توحش ..

وماتقوم الصبح ..

مهموم .. وحزين ..

ماكذبت أمي عليّ .. يوم قالت ...

ياحبيبي ...

لاتفرط في صلاتك ..

ولايغرك حب ذاتك ..

ولايبل الريق مسكر ..

حتى لو يبست لهاتك ..

ياجنيني ..

إحرص .. تصلى جماعه ..

وكل ساعه ..

راقب الله في حياتك ..

ماكذبت أمي عليّ .. يوم قالت ..

ياحبيبي ...

لاتصير إنسان جارح ..

إضحك بوجه الجميع ..

عامل الناس بتسامح ..

لاتفرط في حقوقك ...

لاتجامل في النصائح ..

ولاتثور .. تصير فاضح ..

وإن لمست عيب صاحب ..

لاتنافق ... ولاتصارح ..

وإنتبه من هالنصيحه ..

لاتصير إنسان غامض ..

ولاتصير إنسان واضح ..

ماكذبت أمي عليّ .. يوم قالت ..

ياحبيبي ...

اظفر ببنت الحلال ..

ولا تطالب في المحال ..

عامل بحسن النوايا ..

ولاتدقق في الخطايا ..

ياجنيني

زوجتك ..

لاتبتذلها

ولاتجرّح في أهلها ..

وفي حياتك

لاتعز النفس عنها ..

ولاتبالغ في السؤال ..

ماكذبت أمي عليّ .. يوم قالت ..

ياحبيبي ...

إحذر .. أولادك ومالك ..

لاتجافيهم وتقسى ..

ولاتبالغ في دلالك ..

ربهم بالخير .. تربح

وعلم النفس القناعه ..

وعلم القلب الشجاعه ..

ولاتغطي العين وتحلم

وتخدع الرآي بخيالك ..

ماكذبت أمي عليّ .. يوم قالت ..

ياحبيبي ...

إنتبه .. لاتبني دارك

قبل ماتختار جارك

وفكر بحق المجوره!!!

لايحس إنك ظلمته ..

وإلا إنك يوم خنّته ..

وإلا توذيه بصغارك ..

ماكذبت أمي عليّ .. يوم قالت ..

ياحبيبي ...

إن وعدتَ وعد .. فاصدق

إحذر تزل بلسانك ..

أو تقلل يوم شانك ..

عش عزيز النفس تسلم ..

حاجتك للناس .. علقم ..

لاتبين ضعف حالك ..

أو يغرك زود مالك ..

ولاتهين إنسان .. تندم ..

ماكذبت أمي عليّ .. يوم قالت ..

ياحبيبي ...

خلك إنسان بكرامه ..

لاتغرك هالأمور ..

المناصب ..

والقصور ..

فكَّر بيوم القيامه ..

فكَّر إنك ماأنت خالد ..

رحلة الدنيا قصيره ..

تلقى نفسك في سلامه ..

ماكذبت أمي عليّ .. يوم قالت .

ياحبيبي ...

إحذر تصير البخيل ..

واحذر تبذر وتطّغى

واحذر تعيش بخساسه ..

أو ذليل

**براكودا** · #2 06-08-2009, 08:43 AM

^45^ ^45^ ^45^ ^45^ ^45^

**براكودا** · #3 06-09-2009, 06:08 AM

17 مشاهدة ولا رد واحد

**قمر وربي امر** · #4 06-09-2009, 12:26 PM

يسلموووووووووووووو فعلا موضوع رووووووووووووووووووووعه
يسلمووو باكودا

نصر الحصيني · #5 06-09-2009, 12:33 PM

يسلموووووووووووووووووووووووووو