هل أنا مذنب؟؟؟!! - عيون العرب

يتيم زايد · #1 06-13-2009, 12:11 AM

السلام عليكم ورحمة الله وبركاته.

طبعا هاي اول مشاركة لي عندكم وانا سجلت خصيصا عشان اكتب هالمشاركة.

انا تقريبا من اسبوعين كنت راجع البيت وحصلت قطة صغيرة جدا عند باب الحوش

يعني يادوب بدت تأكل .

المهم شليتها وأكلتها وشربتها حليب وكنت اشتري لها

الحليب بانواعه وانواع التونة والجبن وغيره يعني الحمدالله ماكنت مقصر معاها.

وطبعا انا كنت ابا الثواب وفي نفس الوقت انا احب القطط

المهم كنت العب وياها واحاول امشيها برع

اللي صار ان اليوم كنت راجع من برع وكنت جايب معاي أكل حق القطة

رحت المجلس لانه كان عندنا ضيوف قلت يوم يروحون بروح اعطيها العشاء

قعدت تقريبا ساعة.

بعدها خبروني ان القطة ماتت.

والسبب ان واحد من العيال الصغار فتح باب الثلاجة اللي في المطبخ

وهي جات تركض وصكر الباب وضربها الباب ع راسها وفارقت الحياة

الحين بصراحة انا متأثر واااااااايد عليها.

أخاف اني كسبت ذنوب من وراها مع اني كنت ادور الاجر

ماعرف شو اسوي؟

**مَنفىّ ❝** · #2 06-13-2009, 01:09 PM

السلام عليكم ورحمة الله وبركاته..~
كيفك أخي ان شاءالله بخير..؟!
يآحرآآآم حتى انا تأثرت..~
..~
طبعاً أنت كسبت الأجر وأنتَ لستَ مذنوبٌ لأنكِ لستَ أنتَ من قتلها الذي قتلها هو المذنب.!
بل أنت لم تكن مقصر مع هذه القطه..!
ولذالك لك الأجر حتى لو كان ماتت..!
فارفق بالحيوان واجب..!
واذا كان الشخص الذي سكر باب الثلاجه وأوهو ماانتبه لها..!
يمكن مايصير ذنبه لأنه ماانتبه..!
بس الله اعلم..!
واذا كنت انت ماقصرت معها فأنك كسبت الأجرعلى تربية هذه القطه.!
وايضاً أحب بأن أقول لكم ملاحظه..!!
يجب على الأشخاص اذا اتت لديهم مناسبه او شيء داخل بيتهم وكان لديهم حيوانات..!
يجب عليهم أن يضعون حيواناتهم في مكان بعيد عن هؤلاء الأشخاص لكِ لا يقتلوها..!
أو يعذبوها..!
فأنا ماتت قطتي بسبب هذا الأمر ..!
وكما يقولون <<أسأل مجرب ولا تسأل طبيب..!

وشكراً..

يتيم زايد · #3 06-15-2009, 04:07 AM

الله يعطيك العافية اخوي ع ردك الجميل

وعلى فكرة الموضوع صار له يومين والمشاهدات وصلت تقريبا 18

وانت الوحيد الله يجزيك خير اللي رديت على موضوعي

انا حاولت اني احطها في مكان بعيد عن الفيلا بس كسرت خاطري كل مااوديها

بعيد تقعد تصيح وكانت خايفة كثير

المهم الحمدالله على كل حال والله لايحرمنا الاجر

يعطيك العافية اخوي ماقصرت

**مَنفىّ ❝** · #4 06-15-2009, 11:29 PM

الله يعافيك خيووو هذا واجبي..~

وأنا بنت مو ولد..

يتيم زايد · #5 06-16-2009, 04:02 AM

السموحة منج اختي ماعرفت النك

ع العموم مرحبا بج اختي ويعطيج العافية

ماقصرتي في الرد اللي اثلج صدري