إنكان لي عندك معزة... بضمك...@!!@ - عيون العرب

حبيبةخالد · #1 06-15-2009, 11:50 PM

أشيل الهَم عنّك وأداريك
وإنتَ همومي ثقلَهَا ما يهمِّك

لا يا حبيبي .. الزمن لا يخليك
تقسى على قلبي وتسقيه سِمِّك

دنياك هذي , لا تغيِّر مباديك
مهماإستطعت الظلم إعدل بحكمك

ما هي غريبه من يذمِّك يماشيك
لكن غريبه يمدحك من يذمِّك !!

ماكل واحد غاب معناه ناسيك
بعض البشر ينساك لو كان يمِّك

أدري تعزني .. الله يعز غاليك
وإنكان لي عندك معزَّه بضمك

في خاطري كم كلمةٍ عن تجافيك
وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك
وقلبي يفز .. لاجابوا الناس إسمك

ليتك تحس في ضيقتي يوم أحاكيك
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سبب مُقنع حبيبي .. وألمك

همِّك , جنونك , ضحكتك , كل ما فيك
صوتك , سكوتك , وأرجع أقول: همِّك

طيشك , عنادك , لما تزعل وأراضيك
ترسم ملامح ضحكتي .. وتمحي رسمك

[ لبيه ] منِّك غير .. لمَّاأناديك
كن الكلام العَذب ... مرساه فمِّك

مهما غلوك قلوب ناسٍ حواليك
أغليك أكثرمنِّهُم بس .. لعلمك

أبوك , خالك , إختك , أخوك , ماضيك
ربعك ، جميع الناس , وعيال عمِّك

شايف غلاهم لِك .. أكثر أنا أغليك
واللِّي وِصَل ( نِص الغلا)يمكن أمّك

ممارااااق لي/////اتمنى يعجبكم///
حبيبةخالد

**ياسر قباني** · #2 06-18-2009, 02:32 AM

تسلم يدك
تحياتي

**عبدالله الشاعر** · #3 06-18-2009, 11:12 AM

تعبير جميل عن حب طاهر ووفاء ظاهر.......
أهنئك على هذا البوح.................
ودمت...........دمت مبدعة

حبيبةخالد · #4 06-18-2009, 03:01 PM

شكرا لمروركم الكريم...
اخي ياسر...وعبدالله الشاعر..
لكل من نثر عطرة بمتصفحي....
ورسم جمال عباراته هنا....
وان لم يكتب يكفيني طيفة العابر..
تحياتي ....حبيبة خالد.

حادي الركب @ · #5 06-18-2009, 11:34 PM

روعة تسلم يدياتك خيتي حبيبة

>>بس البيتين :

أشيل الهَم عنّك وأداريك
وإنتَ همومي ثقلَهَا ما يهمِّك

فديتهم

...وبانتظار جديدك