قصيدة عن السعودية - عيون العرب

بنوته غير شكل · #1 06-22-2009, 04:09 PM

السلام عليكم

هذي القصيدة منقوله من رواية احلى صدفه بحياتي مرره رووووعه القصيد لا تفوتكم

سعودي وافتخر بارضي ولا ني بالفخر مغرور
الى من قيل لي وش ديرتك قلت السعوديّه
رفيع الراس بافعالٍ حقيقه ما تعرف الزور
تسطرها تواريخ الفخر صفحات ورديّه
كتبنا المجد بعد المجد سنينٍ ماضيه ودهور
على صدر الزمن مكتوبةٍ بحروف ماسيّه
لنا الماضي لنا الحاضر لنا مستقبلٍ من نور
لنا التأثير في الدنيا ببصماتٍ حضاريه
من الإسلام منبعها فمنهاجه لنا دستور
على درب الموحّد صادق الأفعال والنيّه
ابو تركي سليل المجد نور الكون في الديجور
ومن بعده رجال ارواحهم للدار مرهيّه
توحدنا بعد كنا ضحية جهلنا والجور
وصرنا كلنا اخوه نعيش بكل حبيّه
من الآمر إلى المأمور منهجنا الإخاء والشور
على درب التساوي والعدل باوضاع مرضيّه
وقدوتنا رجالٍ لاجلنا لو داسوا المخطور
يبون الدار مثل الشمس في الأكوان مرئيه
والى من بانوا الحسّاد واللي بفعلته ماجور
يبان الجد وقت الجد بافعال النداويه
لتبقى ديرتي رمز الرخاء تحيا امن وحبور
بفضل الله وفضل اللي رعاها بكل حنيّه
ابو متعب ابو كل الشعب في برّها وبحور
اذا ناموا بقى ساهر لتبقى الدار محميّه
عزيز النفس متواضع ولا يرضى بحني ظهور
ولا تقبيل يدّينه من اللي جاه لتحيّه
حماك الله يابلادي لتبقي حصننا المعمور
تعيشي لو فنينا كلنا نفدي السعوديه

وبس قوليلي رايكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحميل فيديو الحلقة السابعة من التصفية الثانية برنامج شاعر المليون الجزء الثاني مرحلة 24 شاعر	صنيتان	أرشيف المواضيع الغير مكتمله او المكرره او المنقوله و المخالفه	13	03-06-2011 05:54 PM
تحميل فيديو الحلقة الثامنة من التصفية الثانية برنامج شاعر المليون الجزء الثاني مرحلة 24 شاعر	صنيتان	أرشيف المواضيع الغير مكتمله او المكرره او المنقوله و المخالفه	16	02-21-2008 12:33 PM
قصيدة في بنات السعودية اللي تبي تفطس ضحك تدخل !!!	أبوالوليد	أرشيف المواضيع الغير مكتمله او المكرره او المنقوله و المخالفه	9	11-06-2006 07:30 PM