|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#16
08-24-2009, 10:05 PM
| ||
| | ||
| رد: ملاك وفيصل رواية من تأليفي في مدينة الرسول -صلى الله عليه وسلم- بس في مكان ثاني وبتحديد بيت ابو مصعب مصعب وصل اهله البيت ورح عند مروة ملاك:مرام مرام: هااااااا ملاك:اوصفي لي شعورك وانتي بكره ملكتك على خلووووود مرام: والله مدري ايش اقول خايفة وفرحانة ومدري كده مشاعري متلخبطة ملاك: امممممم تصدقي مراموه اول مرة ادري ان عندك مشاعر وتحسين مرام: مالت عليك والله انك بزر تصدقي مدري ايش الي مخليني اجلس معاكي خليني اقوم غرفتي احل وجباتي احسن لي ملاك: بسم الله هذا كله بس عشان قلت لك...... هيا ما كملت كلمها الا ومخدة تجي في وجهها ملاك تصرخ : وجـــــــــــــــــــــــــــع مرام: احسن تستاهلي وقامت تشرد قبل مايسير لها شيء ملاك : هههههههههههههه تصدقي حتى انا بروح غرفتي اذاكر بكره ما رح افضى رحت ملاك غرفتها تذاكر شركة ابو فيصل الباب يدق فيصل رتب مكتبه ولبس شماغه : تفضل ابو فيصل يدخل مبتسم : صباح الخير ياعريس فيصل بصوت مبحوح : احم ...... صباح النور يبه ابو فيصل : ها بشر كيف الشغل معاك فيصل: تمام التمام ابو فيصل: الحمد الله اجل ما قالت لك امك ايش صار فيصل : ايه حاول يبتسم بس ما قدر بس ما سمعنا مبروك ابو فيصل : الف الف مبروك فيصل : الله يبارك فيك ابو فيصل : بصراحة ياولدي فيصل: ايه ابو فيصل: من يوم ما قلت ماتبي تكمل جامعة طحت من عيني لكن بزواجك من بنت عمك كبرت كثير في عيني فيصل ابتسم و هذه المرة من قلبه ابو فيصل : وشوف دام بكره بتشوف الريم تقدر تطلع فيصل : من جد ابو فيصل يهز راسه بايجاب فيصل : اذن انا طالع وسلم على راس ابوه وطلع دق فيصل على صاحبه ياسر : الو ياسر :هلا والله فيصل : هلا بيك كيفك ياسر : بخير الحمد الله وانت بشرني عنك فيصل : دامك بخير انا بخير ياسر : والله صوتك ما يقول كده فيصل : طيب وش رايك نتقابل ياسر : افهم من كلامك في شيء بتقوله فيصل : ايوة ياسر : والله حتى انا عندي كلام كثير ايش رايك تمرني البيت وبعدين نروح مع بعض اي كوفي فيصل : خلاص اتفقنا ادق عليك وتنزل ياسر : اوكي فيصل : يلا سلام ياسر: سلام *ياسر* اقرب صديق لفيصل صديقه من ايام الطفولة وكل اسرار فيصل عنده ونفس شيء عند ياسر ياسر نسخة ثانية عن فيصل يتشابهوا بكل شيء .... *ورح اتتعرفوا على شخصية ياسر بالجزاء الجاية* فيصل راح على بيت ياسر وبعدين راحوا starbucks ياسر : دام ما طلبت شيء اكيد السالفة كبيرة فيصل : والله مدري من وين ابدا ياسر : انت قول وانا رح افهم عليك وقال فيصل القصة من اولها لأخرها ياسر: اممممممم بصراحة فيصل: ايه ياسر: تجوز الريم وتوكل على الله فيصل: بس هذيك غير حسيت بشيء ثاني معها حسيت. يقاطعه ياسر: شوف فصول دايم الريم الحب الأول مستحيل تنساه وبعدين انت قلتها يبه انا ابي الريم خلك رجل ولا تغير كلمتك وبعدين انت تحب الريم من يوم كنتوا صغار يعني مستحيل تتنساها اسالني انا حاولت انسى حبي الأول بس ما قدرت فيصل اقنعه كلام ياسر : وانت ايش صار مع حبك الآول ياسر تنهد: مدري فيصل: ما تدري اجل مين يدري ياسر: تخيل طلبت ايدها من اسبوعين وللآن ما ردت فيصل : هم متى قالوا يردون ياسر: بعد اسبوع فيصل: طيب خلي امك تكلمهم ياسر: قلت لها ما رضيت فيصل : طيب ايش رايك تخلي امي تكلم امك ياسر : تتوقع تقنعها فيصل:ليش لا ؟ خلنا نجرب ونشوف ياسر: انا خايف ترفضني فيصل: ليش ترفضك ماشاء الله احسن مني على الأقل انت مكمل دراستك وداخل جامعة ووضيفتك مضمونه ياسر : مدري بس فيصل : لا بس ولا شيء ياسر : ادعي لي فيصل : الله يوفقك بس تصدق رحمتك ياسر رفع حاجبه وطلع بفيصل بنص عين فيصل ابتسم وقضوها سواليف الين مااذن الظهر رحوا المسجد صلوا الظهر بعدين كل واحد رح على بيته بيت ابو مصعب ملاك خلصت مذاكرة ورحت تقعد شوي مع مرام دقت الباب مرة واثنين محد رد دخلت لقت مرام نايمة قاعدت ومسحت على شعرها ماتدري ليش كان لها نفس تتأملها وهيا نايمة تأملت ملمحها انفها الصغير والطويل فمها الي مثل الكرز وابتسمت غصب عنها وباست راس اختها وخرجت في الصالة ام مصعب : والله خواتك رح يجننوني ملاك : احم احم كأني اسمع حش فيني انا واختي مصعب : جبنا سيرة القط جانا ينط ملاك طنشته : يمه ليش بنجننك ام مصعب : اختك تبي تسوي شبكة بكرة ملاك : تصدقي فكرة ام مصعب : اي فكرة انتي الثانية احنا لسه مارتحنا من فرح منى نسوي شبكة لمرام وبعدين وين بنسويها وكيف و ....... ملاك :يمه خلي كل شيء علي ام مصعب : انتي بزر ما ينشد الظهر فيك ملاك : انتي جربيني مرة ومارح تخسري ام مصعب : واذا فشلتيني قدام خلق الله ملاك: اممممممم مدري سوي فيني الي تبيه مصعب : خليها علي والله لا اوريها النجوم بعز الظهر ملاك : خلص اذن اتفقنا ام مصعب : اسالي ابوك اذا رضى سوي الي تبينه انتي واختك الخبلة ملاك : حلو (ودارت على مصعب) وانت استعد للخسارة مصعب : هههههههه صدقت امي يوم قالت خبلة ملاك : طيب رح تشوف هذه الخبلة ايش رح تسوي ودخل ابو مصعب : السلام عليكم الكل : وعليكم السلام ابو مصعب : وين العروس ام مصعب : تبكي بغرفتها ابو مصعب : ليش ملاك : تبي تسوي بكرة شبكة ابومصعب : طيب تستنى شوي ام مصعب : مو راضيه تقول الشبكة يسونها يوم الملكه ابو مصعب : طيب بس... ملاك: يبه انا رح اتكلف بكل شيء ابو مصعب : نعتمد عليكي ملاك : اكيد ابو مصعب : مالنا غير كده يلا توكلنا على الله ملاك :يعني موافق ابو مصعب : ايه ملاك تنقز فوق الكنبة : وناااااااااااسة ابو مصعب: والله شكلي بغير راي ملاك على طول جلست لالا خلاص بجلس ابو مصعب ابتسم : طيب فين الغداء ام مصعب : ايوة دحين احطه ملاك: يبه نسوي الشبكة باستراحتك ابو مصعب : لا عشاء الرجال هناك ملاك: طيب وقامت مسكت التليفون مصعب : هيييي انتي قومي ساعدي امي بالغذاء واتركي عنك التليفون ملاك: بس دقيقة بعرف البنت صاحية ولا نايمة الو السلام عليكم ... ممكن نوف .... طيب شكراً ولو سمحت اذا صحيت خليها تكلمني ضروري .... شكراً قفلت السماعة اوووووووووووووف مصعب : وش فيك ملاك: نايمة مصعب: مين ؟!! ملاك: نوف الدبة مصعب : اقول اذلفي جيبي الغداء مرة جيعان ملاك : مرة ما عندك اسلوب مصعب : لا ملاك: مالت وقامت على المطبخ بالمطبخ جهز الغذاء ملاك: يمه انا بروح اصحي مرام ام مصعب : طيب ومري على ابوك واخوك وقوليلهم الغذاء جاهز ملاك: طيب في غرفة مرام ملاك : مرام مرومتي مرام : هممم ملاك : قومي ياعروس بنسولك شبكة مرام : اي شبكة وشلون بنسويها ملاك: انتي قومي وانا افهمك كل شيء وبعدين ترى الغذاء جاهز وابوي جاء مرام : طيب خلاص الحين اجي طلعت ملاك وتغذوا وفهمت ملاك مرام كل شيء مرام: ملاك تتوقعي نقدر نسويها ملاك : اكيييييييييييد ما يحتاج دام انا معاكي ويلا قومي البسي عبايتك خلنا نطلع السوق ندور لك على فستان مرام: استني ما صليت الظهر ملاك : يالله بسرررررررررعة انا وامي رح نسبقك وننزل مرام: طيب صلت مرام ونزلت بسرعة حتى ما قدر تلبس ونزلت بقميصها ملاك : كل هذا تصلي مرام طنشتها :يمه وين بنروح ؟؟؟ تقاطعها ام مصعب: اول نروح النور واذا ما لقينا شيء نروح مكان ثاني مرام : بابلو(السواق ) ودنا النور بابلو: حاضر مدام ابتسمت مرام والله حلو مدام مرام لايقة ومن الظهر الين آذان المغرب وهم بالسوق لقوا فستان بالسوق مرام:ماما أبغى أضيف عليه شويت تعديلات ام مصعب : أي تعديلات يابنتي ما في وقت مرام:وديني للخياطة وانا اتصرف ام مصعب: أي خياطة..... تقاطعها ملاك: امي تكفى عشان خاطري والله انشب بحلق الخياطة لين ماترضى ام مصعب:بس ماف.... ملاك: يمه عشان خاطر خاطري وعشان هذا العروس الحلوة وتأشر على مرام ام مصعب : ادري ما رح ترضى ام سعيد ...... تقاطعها ملاك: خليها علي والله لا اخليها ترضى ام مصعب عصبت : انتي ايش فيك ما تخليني اكمل كلامي والله الغلط مو عليكم الغلط علي انا الي خلاني اروح مع مراهقات مثلكم ملاك ومرام ساكتين عشان امهم ما تزيد الكلام عليهم ام مصعب : بابلو روح بيت بابلو : حاضر مدام مرام :يمه أي..... ام مصعب : اقول اسكتي ما ابغى اسمع صوتك روحي انتي واختك انا مالي دخل فيكم اروح البيت احسن لي مرام قرصت ملاك بفخدها ملاك: اييييييييييييي مرام بهمس : والله لا اوريكي كده خليتي فطوم تزعل ملاك : يعني ايش بتسوي لي مرام: انا اعرف كيف اتصرف معاكي وصلوا البيت ونزلت ام مصعب ملاك: بابلو روح مشغل...... .... وبعدين روح بقالة حق بابا واعطي رجل هذا ورقة وقول له هذا من ملاك بابلو:حاضر مدام ملاك : لالا الله يخليك انا مو مدام قولي ملاك وبس بابلو : طيب ملاك وبس ملاك+مرام : ههههههههههههههههههههههههههههه بابلو : ايس في ملاك : ههههه لالا ولا شيء انت قولي ملاك بابلو تأفف : ملاك ملاك رحوا البنات للمشغل ونشبوا بحلق ام سعيد رضت لكن بمساعدت مرام وملاك ام سعيد : طيب موافقة .... يقطعها صراخ البنات : هياااااااااااااااااااااااااااا ام سعيد : بس بشرط ملاك : امري تدللي ام سعيد : انتو جيبوا الفصوص وانا اشتغل ملاك : من عيوني دحين نجيبها خرجوا لبنات من عند ام سعيد وراحوا على عالم الفصوص واشتروا الي يبونه ومروا على كم محل عشان باقي الأشياء ملاك: الحين نروح عند ام سعيد تسوي الفستان بعدين نروح ستي روز عشان نوصي على الورود مرام : من جدك تبغي تسوي كوشة ملاك : وابشرك من تصميمي هيا المفروض لشبكتي بس يلا اسوي غيرها مرام: ملاك ترى بكرة الشبكة والحين الساعة عشرة واحنا ماسوينا شيء كيف تبغى تسوي كوشة و تزيني الدرج غير الحديقة الا ما سوينا فيها شيء و...... ملاك: والله رح اسوي هذا كله وتأكدي ما رح يجي بكره الا وانا مخلصة كل شيء مرام : ان شاء الله الا ملاك رح تسوي تفاسير ملاك: ايوة نواف بيسويها مرام: مين نواف ؟؟؟ ملاك: نوف بس احنا كده نسميها مرام: ونوف مين تعرف يسوي هذه الأشياء ملاك: اخوها عنده محل يسوي هذا الأشياء مرام : اها والبنات ما رجعوا البيت غير الساعة 1بالليل مرام من تعب نامت بس ملاك قعدت تشتغل على الكوشة والدرج والحديقة ومن التعب ما قدرت تكمل ونامت قبل صلاة الفجر بشوي وعلى الساعة9 صباح دق تليفون البيت ملاك صحيت : الووو الرجل : صباح الورد ملاك: يالله صباح خير في احد يعاكس في الصباح الرجل : لالا انا مو بعاكس انتي فهمتيني غلط انا من محل ستي روز وانتي طلبتي الورد الصباح صح ملاك سكتت شوي تستوعب الكلام : ايوة صح الرجل : الطلب بأسم ابو مصعب صح ملاك: ايوة صح الرجل : طيب بعد شوي بيجي رجل اسمه فادي بيعطيك الطلب ملاك: طيب خير ان شاء الله بس لا تتاخروا الرجل : ان شاء الله مع السلامة ملاك : باي وراحت جري على غرفة مرام ملاك: مراااااااااااااااااااااااااااام مرام: ها وش تبي ملاك: الساعة 9 يالدوبه وانتي للآن ما قمتي مرام : تسعة ملاك : ايوة قومي دق حق الورد مرام تجري على الدرج وتأخذ ملابس وتدخل الحمام: ومين بيقابله ملاك: بروح اصحي ابوي اسمعي انتي اذا خلصتي لا تروحي مجلس الحريم و لاتنزلي تحت ابداً مرام: ليش ؟؟ ملاك : مسوي لك مفاجاة وبعدين لاتنسي صلاة الفجر مرام: من جد وناااااااااااااااااسة وصارت تصرخ بالحمام ملاك: لا تصارخي يالخبلة والله يدخل فيك جني مرام: طيب بس روحي صحي ابوي قبل لا يجي الرجل ملاك : طيب خلاص ملاك صحت ابوها وبسبب صراخها صحي كل البيت وملاك منعت أي احد من نزول تحت او الخروج للحديقة وكانت بس هي تشتغل وبمساعدة مهند في بعض الأشياء الي تخص الرجال وكان الكل خايفين اول مرة يعتمدوا على ملاك في كل شيء وخايفين تفشلهم والحين كل شخص يتكلم عن مشاعره *ملاك* والله مرة خايفة من ردت فعل اهلي وبذات مرام مرام ذوقها صعب ومو كل شيء يعجبها تحب تضيف لمساتها بكل شيء بس في نفس الوقت مرة فرحانة لها عقبالي انا وفيصل يارب << مسكينة ما تدري انه رح يكون لغيرها << بس انا ادري خخخخ *مرام* قلبي يدق وخاااااااااااااااايفة صحيح اني رح اتجوز من الشخص الي احبه ويحبني بس خايفة وفرحانة و قطع تفكيري اغنية ((أحباب )) وعرفت انها دانا : هلا والله دانا : اهلين كيفك ياعروس مرام : كويسة وانتي دانا : تقول كويسة << تكلم خالد وانا تمااااااااااام مرام : تكلمي مين دانا : حبيب القلب جنبي مرام حمرة خدودها وبهمس قالت : خالد دانا تقلدها : ايه خالد مرام يالبي عليه : سلمي عليه دانا : خذيه معك مرام : ايش لالا دانا لا تسويها ان...... ما كملت كلمها الا جاها صوت خالد : هلا بقلبي وروحي مرام: هلا بك خالد: كيفك مرام: بخير وانت خالد: يوم سمعت صوتك صرت تماااااااااااام مرام:....... خالد يصرخ ويقول : احبـــــــــــــــك مرام: هههههههه وانا بعد اموووووووووووت عليك وقفلت السماعة من غير ما اسمع رد خالد وقلبي صار يدق طبوووووووول وبطني مغصتني مدري ليش يوم سمعت صوته صار معي كده *خالد* ضحك وباس الجوال يالبي فديتها تجنن دانا : هههههههه وش قالت لك حبيت احرق اعصابها : انتي وش دخلك دانا : خلودي حبيبي قلي وش قالت لك يوم قلتلها احبك والله لا اطلع لك قرون : ما رح اقولك وبعدين انتي ليش قاعدة عندي يلا اذلفي ساعدي امي دانا : مااااااااالت عليك وعلى زوجتك اروح عند امي احسن لي يارب خلي المغرب يأذن بسرعة يارب والله ودي اشوفها وحشتني مرة *دانا* مالت عليك يا خالد رح اسكت الحين وبعدين اخليك تحكي لي انت كل شيء اصلاً حتى لو ما حكيت لي رح اعرف من مرام ونااااااااااااااسة اخوي الوحيد بيتجوز *ام مصعب * الله يعين والله ملاك بزر مدري كيف خليتها تتحمل مسولية الشبكة يالله لا ومنى ما كلمتني من امس وهي قالت بتكلمني اول ما توصل ابو مصعب : فطومتي فيك شيء ام مصعب : والله مدري ايش اقولك ابو مصعب : خير وش فيه ام مصعب : منى ما كلمتني من امس وخايفة عليه و بعدين بنتك الخبلة مو راضية تخليني ادخل مجلس الحريم ولا الحديقة ابو مصعب ابتسم : اذا على منى اكيد انشغلت مع جوزها وبعدين انتي تعرفين عرسان وحكاويهم كثير واذا على الخبلة ودها تثبت انها قد المسولية وان شاء الله تطلع قدها يلا صلي على النبي واعطيني ثوبي خلني الحق على صلاة الجمعة ام مصعب : عليه الصلاة والسلام الله لا يحرمني منك ابو مصعب :ولا منك يآرب والله ريحني كلام محمد *ابو مصعب* والله هذولاء الحريم عليهم سواليف شيء يخلوا من الحبة قبة *مهند* يالله عمري ما تخيلت مرام الهبلة تتزوج وسمع اغنية ((ياصاحبي )) عرف انه واحد من الربع مهند: هلا والله علي : هلا بيك كيفك مهند: تمام وانت بشرني عنك علي : بخير دامك بخير اقول مهند تطلع معنا للبر مهند : والله كان ودي بس اليوم ملكة اختي على ولد عمي علي : ايه صح قلت لي امس طيب حاول من هنا ولا من هنا نستأنس مع بعض مهند: مين طالع من الشباب علي : انا ومحمد وحبينا احد يطلعى معنا بس شكلنا مو طالعين مهند: ليش يعني عشاني ..... يقاطعه علي : لا مو عشانك بس كل ما نقول لواحد من الربع يطلع معنا يطلع مشغول وما في احد فاضي هذا اليومين غيرنا مهند: هههههههههه علي : طيب اضحك اضحك مالت عليك وعلى الي يسولف ويك يلا سلام مهند : هههههههههههههه سلام والله رحمتك يا علي يومين بدون محاضرات وبدون طلعات من جد قرف الله يعين *فيصل* يالله اليوم بشوف قلبي من زمان ما شفتها من ايام المتوسط اكيد صارت احلى بس مو مثل ملا لالالا انا لا زم انسها انا احب الريم وبس الريم وبس *في* قهر والله قهر اليوم ملكت صديقتي وما اروح عشان هذا الدب فيصل مالت عليه الحرام النبوي – بعد صلاة المغرب ملك خالد على مرام وكان مررررررررررررة فرحااااان ويحاول يطلع على طول عشان يشوف مرام بس ما قدر من كثر الرجال ورحوا على الاستراحة حقت ابو مصعب بيت ابو رائد ((عم فيصل (فهد))) ابو رائد : رائد وانا ابوك خذ فيصل للمجلس خله يشوف اختك رائد : من عيوني يبه تفضل فيصل فيصل : يزيد فضلك دخلت الريم المجلس الي كان فيصل قاعد فيه هو ورائد الريم : السلام عليكم فيصل ابتسم يوم سمع صوتها الخجول اشتاق له وحس انه بدا اول خطوة لنسيان ملاك : وعليكم السلام الريم منزلة راسها وخدوده حمراء مرة *الريم* حساااااااااااااااسة لأبعد درجة ومرة حنونه ونفس الوقت صبورة اذا عصبت ما تعرف امها ولا ابوها واياك ثم اياك وخيانتها لانها لو قتلتك ما رح ترتاح ملامحها :جمالها عادي لكن فيها جاذبية مو طبيعية شعرها بني غامق طويل الى كتفها وناااااااااااعم مرة عيونها متوسطة لا كبيرة ولا صغيرة انفها طويل وبيضه مرة وبعد فترة من زمان كان فيصل بس يتأمل الريم اشتاق لها والريم منزلة راسها وخدودها حمراء مرة رائد اشر للريم عشان تطلع طلعت الريم ورجع فيصل للرجال وجلس شوي بعدين راح البيت بيت ابو مصعب كان البيت مليان حريم وكان مجلس الحريم رائع بمعنى الكلمة كان على كل طاولة باقة ورد كانت المباشرة رائع وكانوا الي يباشروا بنات عم مرام (عهد ,عهود ,رهف ,رشا) المباشرة كانت عبارة عن شوكلاته من شوكولاين وحلى جهزتوا ملاك وطبعاً تمر والقهوة وكانت الكوشة عبارة عن قوس بالورد الآحمر ونازل منه كريستالات وكان تحت القوس كرسي ابيض منثور عليه ورد احمر عنده أضاءه خفيفة وكان قدامه طاولة باقة ورد كبيرة وورد منثور ملاك كانت لابسة فستان ابيض لفوق الركبة كان مرة نعوم تزينه شريطة فوشي تحت الصدر وكانت تقعد مع الناس شوية وترج الغرفتها عند المراجيج الي كانوا يسوا شريط الزفة ملاك:ها بنات خلصتوا تولين: هيا تحب اكثر شيء عبد المجيد صح ملاك : ايوة بس مو لازم هو جيبوا اغاني حلوة وخلاص غزل : ملاك الحين انتي مو تقولين صوت خالد يجنن ملاك: والله ياغزل صوته ولا يجي شيء جنب عبد المجيد عبد الله بشيء ود : ايش رايك هو يغني بالزفة ملاك سكتت شوي تفكر : والله وجبتيها يا غزل بس شلون قوله نوف : قولي لدندن وهيا تكلمه يغني لها ملاك حضنت صحباتها : والله موقفكم هذا ما انساه طول عمري يا احلى صحبات البنات : ولو احنا اخواتك ملاك: والله واعز من اخواتي يلا انا بروح اكلم دانا واجيكم نوف : انا بأجي معك بروح استهبل قصدي ارقص تولين : نواف خذني معك غزل : ورآكم ورآكم ملاك راحت لدانا ملاك : دانا تعالي بغيتك شوي دانا : هلا ملاك في شيء ملاك: دقي على خالد قوليله يجي بيتنا الساعة 11 دانا تناظر الساعة : يعني كمان نص ساعة بس ليش ملاك : ابيه يغني لمرام وقت الزفة دانا تابتسمت وسكتت شوي : والله انك جنية ملاك : هههههههههههه والله مو انا الجنية دانا : الي تكون بس من جد خطير بس ايش رح يغني ملاك : مدري بس مرام تحب اغاني عبد المجيد انتي قولي له وهو يختار الي يعجبه دانا مسكت الجوال : الو .... هلا والله بالعريس .... ههه طيب اوريك .... المهم ما علينا طلبتك لا تردني .....يوووه خالد بلا هبال حتى وانت متزوج تستهبل ....ههههه طيب اذا ما قلت لمرام ..... ابيك تغني لمرام وهيا تنزف ..... احم احم ادري ..... الحين وش قلت موافق .... المهم لا تقول لمرام ..... هههه طيب باي ملاك: خلاص وافق دانا : ايوة وسحبت ملاك من يدها تعالي ارقصي ومشت النص ساعة بسرعة مع الرقص والوناسة جوال ملاك يدق ملاك : الو في : هلا والله ملاك : في اهلين وينك يالدوبة ليش ما جيتي في : الحمد الله كويسة وانتي كيفك ملاك: في بلا هبال قول لي وينك في : هههه طيب الحين افهمك السالفة وما فيها اليوم شوفة فيصل لبنت عمتي الريم وامي قالت لازم تجين معنا ملاك ما ستوعبت الكلام : كيف يعني ما فهمتك في : اتكلم انجليزي انا ملاك: من جد في ما فهمت يعني .... تقاطعها في : فيصل خطب الريم حبه الأول والأخير ملاك تجمعت الدموع بعينها وقفلت السماعة بوجه في في : الو ملاك ملاك الوووووو بهذا الوقت دخل فيصل : السلام عليكم في : وعليكم السلام هلا بالعريس فيصل ابتسم : هلا بيك الا ما قلتي لي كيف الريم حلوة في : تجنن واااااااااااااااو روووووووعة خط...... فيصل : قولي ما شاء الله لا تعطيها عين في ابتسمت: ما شاء الله شكلك خايف عليها من دحين فيصل : اكيد مو زوجتي لا زم اخاف عليها في : ما شا ءالله صارت زوجتك فيصل : يعني شبة زوجة في : ههههههههههههه حلوة هذه شبه زوجه ما قلت لي عجبتك فيصل : اكييييييييييد هذه مو حبي وحياتي في : حركااااااات فصول صاير خطير فيصل : افا عليكي انا اعجبك في : والله انت عاجبني بس ملاكوه هذه مو عاجبتني فيصل من يوم سمع اسمها صار قلبه يدق بصوت مبحوح : وش فيها في : مدري يوم قلت لها انك تزوجت الريم قفلت السماعة بوجهي فيصل سكت عرف انه جرحها : يمكن جوالها ما فيه شاحن في : مدري يمكن بس من اول ادق ما ترد فيصل حرك كتوفه يعني مدري , خرج من عند في وهو يحاول يبعد ملاك عن تفكيره ولا كانه صار شيء وصار يفكر بالريم ويتذكر ملامحها ملاك حاولت ماتبكي وحاولت بس ما قدرت وعشان محد يشوفها راحت الحمام – الله يكرمكم- صارت تبكي وتبكي دانا : ملاك اطلعي بسرعة ملاك بصوت مبحوح : ط...ي..ب ال..ح..ين طالعة دانا : ملاك فيك شيء ملاك: لالا و..... ولاشيء دانا : طيب مسحت ملاك دموعها وطلعت من الحمام على طول على غرفتها وضبت مكياجها وطلعت للمجلس الحريم دانا : انتي وينك كل هذا بالحمام ملاك : ايش تبغي دانا : كيف بيطلع صوت خالد بدون ميكرفون ملاك: يوووووه كيف راحت عن بالي دانا: ها وش سوااااااات ملاك : استني يارا يارا يارا : نعم ملاك :يارا عندك ميكرفون لعبة يارا هززت راسها بأيجاب ملاك مسكت جوالها لقت 6 اتصالات من في طنشتها ودقت على مصعب ملاك : مصعب بسرعة روح بيتك مصعب : خير ايش فيه ملاك : بس جيب لعبة يارا ميكرفون مصعب : مالت عليك اترك الرجل عشان يارا ملاك :لالالا بس احنا نبغاه عشان خالد بيغني لمرام وما عندنا ميكرفون مصعب : اها عشان كده طيب انا عندي ميكروفون ملاك : من جد مصعب: والله ملاك: طيب بسرعة روح جيبه مصعب : طيب جاب مصعب الميكرفون وجاء وقت الزفة انطفت الأنوارتغطوا الحريم ودخلت مرام كانت لا بسة فستان كحلي من قدام دربيه ومن وره مفتوح الين اخر فقرة بظهرها كان يزين الفتحة كريستالات فضي وبيضة كانت مسوية تسريحة بسيطة ومكياج مرة بناتي وكان شكلها مرة رووووووووووعة دخلت على موسيقى هادية والبنات يصفروا ويصرخوا يوم شافوا مرام رجع وعم لمكان الهدوء وما في غير صوت الموسيقة الهادية وفجأة تغيرت الموسيقة لموسيقة اغنية ((قررت اموت بحبك)) بصوت اكثر من رائع :قررت اموت بحبك...وامشي معاك بدربك... انت ياساكن قلبي اسمح لعيش بقلبك... البنات صراااااااااااااخ رج المكان رج خالد: قربك ترى يحيني... وصوتك انا يهديني ...وبعدك ترى يبكيني...لاتغيب عني وربك ...بنسى معاك همومي واسهرواخلي نومي ...واعيش وقتي ويومي...كله وانا بجبك ...قربك ترى يحيني ...وصوتك انا يهديني ...وبعدك ترى يكبيني لاتغيب عني وربك ...مثلك انا مالاقي يصعب عليك فراقي ...صادق انا باشوقي ...لوتكذب اعشق كذبك ودخل خالد وباس مرام على راسها مرام كانت ابتسامتها شاقه وجهها خالد بهمس : حياتي طالعة اليوم روووووووووووعة مرام زادت ابتسمتها وبهمس : تسلم عيونك الحلوة كان ضوء ابيض على جهتهم والمجلس كله انوار خافته وريحة البخور ماليه المكان وكانت مرام وخالد واقفين بداية الدرج نزلوا الدرج على اغنية : بين ايـديا واحس انـك بعـيد ذوب باحضاني مثل قـطعة جليد علم العشاق كيف الحـب يكون بلا حواجز احلى طعم الحب اكيد زيـد نـاري خلي لجروحي ملح خلـي نسهر ليـلنا لحـد الصبح لا تفكر حبـنا غلطةولـه صــح شما يعدي العمر حبنـا يظل جديد اقتـرب منـي تـرى الدنيـافــرص وخذ من شوقي اذا شوقك نقص خلـي احجيلك مـواويل وقـصص شما يعديالعمر حبنا يـظل جديد وصلوا للكوشة مرام ابتسمت لملاك جلسوا وبعدين بدات اغاني وقامت مرام وخالد يرقصوا على اغنية (( واشر لي بالمنديل ياهوووووو فستاني كحلي طويل )) وجلسوا الحريم شوي بعدين فتحوا الحديقة الي كان فيها البوفيه كان رااااااااااااااائع وكان الجو مرة حلو تعشوا الحريم وكلهم راحوا بيتهم ملاك كانت تعبااااااااااانة بمعنى الكلمة اليوم صارت كثير اشياء خالد كان قاعد مع مرام في المجلس خالد:تذكرين سفرة دبي مرام : ايوة اذكرها خالد : تذكرين وعدك لي مرام يووووووووه يقطع ابو الفشلة الي كذا : خالد كم الساعة ؟ خالد: امممممم الساعة 1 اوف والله الوقت مرة بسرعة مرام : أي والله خالد : انا بروح بكرة عندي دوام مرام: لا خليك معي خالد: والله لو اقدر كنت ما تترك ثانية وحدة احد يترك قمر مثلك ويروح بس تعرفين دوام ولازم اقوم صباح بدري مرام : اوكي مرام وصلت خالد عند الباب خالد ابتسم : اليوم قدرتي تهربي من سوالي بس بعدين ما رح تقدري مرام ابتسمت خالد قرب من مرام وباسها : باي ياحلوة مرام حمرت خدودها : باي راحت مرام الصالة لقت ملاك نايمة على الكنبة وباين عليها انها تعبااااااااااانة مرام : ملاك ملوكه ملاك : هممم مرام : قومي نامي على فراشك ملاك: مرام حلوة الكوشة حلوة الملكة مرام ابتسمت وحضنت ملاك : تجننننننن يا احلى اخت بالعالم ملاك : مرام انا بنام والفجر صحايني عشان عندي اختبار انجليزي مرام : طيب انتي نامي وارتاحي مرام لبست بيجامتها ومسحت مكياجه كان اليوم احلى يوم بحياتها قاعدت ترتب البيت دق جوالها على اغنية ((انسى)) مرام ناظرت الجوال مكتوب (( هذا حبيب القلب انا اعطيته جوالك يتصل بك )) ابتسمت مرام وردت : هلا والله خالد : وحشتيني مرام : كذااااااااب قبل شوي كنت عندي خالد : والله لو تغيبي عن لحظة اشتاق لك مرام ابتسمت : حبيبي ليش ما نمت للآن ؟ خالد : مو قادر انام مرام : ليش ايشبك تعبان .... يقاطعها : مو قادر انام بدونك مرام ابتسمت ما عرفت وش ترد :............ خالد: ايش رايك تحكيني حكاية ما قبل النوم مرام : هههههههههههههه اذا كذا بتنام احكي لك ليش لا خالد: يالبي على هذا الضحكة اكيد بنام كده مرام : طيب وش تحب احكي لك خالد : الي تحبينه مرام وهيا مبتسمه : احكي لك حكاية سندريلا خالد : ههههههههه ترى انا خالد مو يارا مرام : ادري واحلى خلودي بعد خالد: والله احبك مرام : وانا بعد اموت عليك وقضوها سواليف الين ما آذن الفجر مرام : حبيبي انا بروح اصحي ملاك بكرة عندها اختبار انجليزي خالد: انتي اكيد مو رايحة المدرسة مرام : ايوة طبعا ابغى ارتاح بعد التعب وبعدين بكره ما عندي شيء خالد: دام كذا وانا بعد ما بروح الدوام اجي اخذك نفطر بره مرام : طيب حلو كذا اتفقنا خالد : طيب صحي ملاك و قولي لها خالد يقولك مرة شكراً وانا لما اطلع من الصلاة اكلمك مرام : خلاص طيب يلا بااااااااي خالد: باي مرام راحت عن ملاك لقتها صاحية وتبكي مرام : ملاك وش فيك ملاك بصوت مبحوح : تعبانة تعبانة يامرام |
|
#18
09-25-2009, 11:26 AM
| ||
| | ||
| رد: ملاك وفيصل رواية من تأليفي
مشكورة .gif "flowr") القصة روعة جميلة جدا جدا وانا من المتابعين الى النهاية بلييييز كملي بسررررررررعة تسلمين.gif "thanks")
__________________ ربي... اجعل القران رفيق دربي ربي... سهل عليه دروسي احبك ربي.. من اعماق قلبي سلاما ع الدنيا ان ما كان فيها صديق صدوق صادق الوعد الصداقة حب لا يموت  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بائعة الخبز | شاهي | تحميل كتب مجانية, مراجع للتحميل | 7 | 07-14-2011 08:33 AM |
| || رواية البؤساء - فيكتور هوجو || بقلم : البؤساء | البؤساء | أرشيف المواضيع الغير مكتمله او المكرره او المنقوله و المخالفه | 24 | 11-08-2009 08:47 AM |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| رأيي في رواية بنات الرياض بعيداً عن الوصاية الفكرية | hosam_e7e | قصص قصيرة | 3 | 10-15-2007 10:10 PM |
| بين رواية ( بنات الرياض ) .......ورواية ( بنات بيت حانون ) .........دعوة للمقارنة | الداعية | ختامه مسك | 11 | 11-21-2006 02:31 AM |
العرض العادي
