|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#12
08-11-2009, 04:25 PM
| ||
| | ||
 الجزء الرابع من قصة توائم الاحساء بقلم اسير النت  الجزء الرابع من..........................توائم الاحساء جزءنا هذا يودينا لبلد شقيق عربي ماراح اذكر اسم البلد طبعا لأسباب كثيرة في هذا البلد في احد الملاهي الليلية غرفة إدارة الملها الليلي 7 7 مدير : الملها عزام عزام : اسمع يا عبداللطيف أعتقد حنا صبرنا عليك كثير واليوم لازم ترحل من الملها ومابي أشوفك ثانيه هنا عبداللطيف : ايش تقول بعد ما اخذتوا كل فلوسي تطردني وأنت قايلي أني شريكك في الملها والفندق عزام : فيه أورق تثبت كلامك هذا . عبداللطيف : أعتقد ما بين الأخوة أوراق وهذا كلامك يوم سألتك ايش يضمن حقي بعدما كنت أنت خسران ورفعتك بكل شي عزام : أول شي أنت أخذت حقك أول بأول كل يوم نجيب لك المخدرات إلي أنت أدمنت عليها ولا انت فاكر منيين الفلوس ألي نصرفها عليك وأنت الآن ماعد تنفع في شي شوف حالك كيف صار بس إذا حاب تشتغل عندي براتب باعتبار العيش والملح ألي بيناتنا ماعندي مانع . عبداللطيف : أقول ماحد ضيعني غيرك وخلاني اخسر أهلي وأخسر الشركة وبنيت لي أوهام في المستقبل الباهر معك والحين بعدما كنت أنت تشتغل عندي تبغاني اشتغل عندك وايش بتشغلني حضرتك عزام : عندي وضيفة سفرجي عبداللطيف : سفرجي ياوقح شوف حقي لازم أخذه كامل وأنت نصبت علي وأخذت كل ألي عندي ولازم ترجع ألي أخذته مني او ......... عزام : او ايش تهددني حضرتك عبداللطيف: أنا ماهدد راح تشوف ايش أعمل عزام : اطلع بره قبل أجيبهم يطلعونك ويرمونك بره . عبداللطيف: أنا طالع بس تذكر أني راح أرد الصاع صاعين وبعدما طلع عبداللطيف عزام: في المكتب ينادي حسام حسام : هلا عزام شو عملت مع عبدللطيف أن شاء الله خلصت منه عزام: ايوه بس لازم ندبر له شي يفكنا منه على طول حسام : أشوف هو مدمن ومن أدمنه نوديه في داهية عزام: كيف حسام: كيس حشيش في غرفته ألي في الفندق بياخذ 15سنه على الأقل ونجيب أثنين يشهدون انه مروج وخصوصا أنه توه بعد ماخذ مني مخدر وبكذا نكون خلصنا منه عزام : والله انك داهية يا حسام وفكره حلوه نفذ عزام وحسام هههههههههههههههههههههههه وينفذ حسام وعزام الخطه ويقبض على عبداللطيف بتهمة مروج بشهادة شهود ويأخذ حكم بسجن 21 سنه قابله للزياده أو النقصان في حالة سلوكه . وفي السعودية الكل في ربشه ( أي عجله وفرحه ) من البنات والشباب في بيت بوعدنان لليلة زواج منيرة على ماجد يوسف : أشفيكم يا مريم ما خلصتوا المعازيم ينتظرون حضوركم مو حلوه الصالة كذا فاضيه مافيها احد من أهل العروس مريم : ايش نسوي خالد راح يجيب منيرة من الكوافير وإبراهيم أتصل قال بيمر فاطمة وهو طالع من الشركة وبيروح الصالة . يوسف : طيب أنتي بتجين معي أو مع العروس مريم : لا روح أنت بس خذ بوي معك لأنه جاهز وأنتبه له ولا تخليه يطول معاد يستحمل أي شي بل كاد قنعناه يحضر وأنا بجي مع خالد والعروس يوسف : طيب بس لا تتأخرون أكثر مريم : أن شاء الله الكل ينتظر العروس بدر وهو جالس يم ماجد يعدل له شماغه بدر: لا تتحرك غير تسلم وتجلس مكانك الين أقولك قوم علشان أو ديك المطار ماجد : أقول تأخرت منيرة كثير أنا بنتظرهم بره بدر : ياولد أثقل لا تفشلنا اجلس مكانك وأركد وخل الرجه عنك مو طايره العروس ماجد : بس الطيارة بطير وأنا انتظر بدر : طيارتك على 3 الفجر يعني تو بدري ويدخل يوسف وبوعدنان والكل يقوم يسلم بما فيهم المعرس بدر : يالله حيه عمي نور المكان . بوعدنان وهو جالس على كرسي متحرك يهز رأسه ويبتسم ماجد : والله ياعمي شكلك أنت المعرس مو أنا بوعدنان : يرفع راسه يطالع ماجد ويضحك أول مره من 8شهور بس علشان ثقل لسانه مايقدر ينطق كويس ويكتفي بالسكوت والابتسامة إبراهيم : وهو دخل يشوف أبوه مع ماجد وبدر ويوسف وهم يسولفون ويشوف أول مره أبوه يضحك كذا ويسلم إبراهيم على ضيوف ويتجه لهم . إبراهيم : ماشاء الله وين يا بوعدنان فقدنا هالضحكه هاذي من زمان الله لايحرمنا منها بوعدنان : وهو يرفع يده اليسار علشان يحضن أولاده يوسف وإبراهيم ودموع الفرح تنزل من يوسف وإبراهيم وبدر من تأثير الموقف الجميل ماجد : عمي تكفى بس لا تزيد دموع لاني قمت أصيح زيكم الله يسعدكم شكلي صار فشله معرس يبكي والكل ههههههههههههههه وفي هالموقف الكل قام من ضيوف يصفق لمعنويات بوعدنان ألمرتفعه بأولاده وأولاد أخوه ألي مرت عليهم ثمانية شهور كلها حزن واليوم الفرح يعم من جديد عائلة بوعدنان 7 7 في قسم النساء بدريه زميلة نوره من سنوات من أيام الدراسة بدريه : نوره ماقلتي لي أي كوفيرة وديتيو العروس . نوره : والله تصدقين ناسية اسأل مريوم . وفي الحظه هاذي تجيهم خلود وتسلم على نوره خلود : شخبارك نوره نوره : بخير ياعمري شخبار وليد وربي فقدته من زمان عنه بدريه : شكلك ما عرفتيني خلود نوره :هذي صديقتي بدريه من أيام الدراسة ساكنه وراء حيكم خلود : اهااا تذكرتك بس وين أيامك أختفيتي عنا فجأة نوره : كانت عايشه مع زوجها في أمريكا يحضر الدكتوراه خلود : وتذكر أخوها عدنان ويتغير وجهها وبسرعة تنتبه نوره وتغير الموضوع لان ماصدقو ان خلود توها طالعة من البيت بسبب ألي سوا عبداللطيبف نوره : خلود من بيجيب العروس خلود : خالد مع مريم نوره : موكنهم طولوا خلود : توني مكلمه ريم تقول هم في الطريق جايين الآن بدريه : كاهم وصلوا خلونا نروح نسلم على العروس الكل يالله وبعد مجالسة العروس الكل يتكلم عن منيرة وجمالها وعن رقتها نوره : منيرة ماشاء الله عليكي غطيتي على الموجودين منيرة : وهي مستحيه نورررره خلاص عاد نوره ومريم وبدريه وخلود الكل ههههههههههههههه مريم : نوره ماشوف سعاد نوره : راحت مع أمي يجهزون البوفيه مريم : اهااااا وفي قسم الرجال إبراهيم يتصل ابرهيم : الووووو جاسم وينك تأخرت حنا ماحطينا العشاء ننتظرك جاسم : أنا في الطريق بس الله يهديه ولدي احمد أخرني خمس دقائق وأنا عندكم إبراهيم : أحنا في انتظارك 7 7 7 7 يتبع  |
|
#13
08-11-2009, 04:27 PM
| ||
| | ||
| تابع الجزء الرابع من قصة توائم الاحساء بقلم اسير النت (( فكره بسيطه عن ولد جاسم احمد ........ احمد ولد جاسم الكبير وسبق درس في المرحلة الابتدائية مع عدنان وهو إنسان محترم وحبوب ومن زمان ماشاف عدنان من كانوا صغار يعني هو في عمر عدنان تزوج مره وطلق ومفكر يتزوج ثانيه )) ماجد : تراكم طولتوها علينا خالد : ههههههههه مابقي شي ياماجد أنت صابر سنين أصبر ساعة بعد أقول ماجد وين ناوي تسافر ماجد : أن شاء الله أم الدنيا مصر وبعدها يمكن نسافر ديره ثانيه على حسب الجو ويدخل جاسم في هاذي ألحظه جاسم : السلام عليكم الكل وعليكم السلام جاسم : وهو يحب راس بوعدنان أشلونك بوعدنان وألف مبروك زواج منيرة على ماجد بوعدنان : وهو يضغط على يد جاسم يعني الله يبارك فيك احمد : شلونك عمي أن شاء الله بخير بوعدنان : يهز راسه وهو يبتسم لأحمد بدر : من عند صالة الطعام تفضلوا للعشاء والكل يقوم للعشاء وفي أثناء العشاء يوسف واحمد وجاسم وخالد جالسين على طاوله العشاء الكل يسولف عن أموره في الدنيا وفي هاذي الأثناء جاسم : وهو يأكل يغص ( يشرق ) وبسرعة الكل احمد ايوي أشرب العصير هذا وإبراهيم يمد يده يعطي جاسم كاس مويه و بالخطاء يسقط كاس العصير على احمد وتتبلل كل هدومه من العصير وينحني ينظف نفسه بالمنديل ويحرك طوله وهو موطي ينظف ملابسه وينسكب الجيك بكبره على ظهره والكل موعارفين كيف يعتذرون لأحمد وجاسم من الموقف هذا احمد : وهو منحرج من شكله بعد أذنكم بروح دورة المياه خالد : فيه غرفة للتبديل يا احمد أنا باخلي السائق يجيب لك ملابس ثانيه جاسم : بعد ما شرب المويه لا ياولدي حنا ماشين الآن ويكفينا شرف وجودنا معكم بهالليله الحلوة احمد :ابوي دقيقه بس باروح الحمام بس اغسل مكان البقع إبراهيم : أعذرني احمد والسموحة مانتبهت أليدك وأنت رافع العصير احمد : لا تعتذر إبراهيم عادي ماصار شي ويتجه احمد إلي الحمام وهو في قمة الإحراج وثوبه مبلل بالعصير من كل جانب وهو رايح في طريقه غرفة تجهيز البوفيه دخل علشان ينضف ملابسه فيها بدل الحمام وفي قسم النساء ام نوره :........ نوره روحي خذي عشاء العروس ووديه غرفتها أنا مجهزته نوره : طيب مريم : نوره الله يعافيك خذي دلال القهوه معكي حطيها في البوفيه علشان شوي وبنحط العشاء للحريم نوره : طيب بس أنتبهي لا أحد يجي مكاني مريم : طيب ولا يهمك نوره : وهي تحاول تشيل ألدلال بشويش علشان ما يطيحون بدريه : خليني أساعدك ماتقدرين تشيلي أربع مره وحده نوره : لا حبيبتي جلسي ولا تكلفين على نفسك أنا أشيلهم عادي وتتجه نوره غرفة البوفيه وهي شايله دلال ودف الباب برجلها وتدخل وما أنتبهت أن احمد موجود جالس فأصخ ثوبه وجالس ينظف ثوبه ويلتفت احمد على دفة الباب ويشوف نوره شايله دلال وتحطهم على الطاوله الموجودة وترفع راسها تبي تشوف وين العشاء منيرة ألا وعينها في عين احمد احمد : وهو مسك ثوبه ودينه كلها صابون وشكله يموت من الضحك ومتفاجئ من ألي دخلت عليه نوره : وهي في قمة الإحراج وكانت في قمة الجمال والروعة وخصوصا أنها في مناسبة بكامل زينتها وصار وجه نوره احمر من الإحراج وهي تشوف احمد وتطلع بسرعة من الغرفة وفي هالحظه يدخل يوسف بعد ماطلعت نوره يوسف : وينك احمد احنا ندور عليك ترى عمي جاسم ينتظرك بره احمد: وهو سارح يتذكر الملاك ألي شافه قبل شوي ويقول في نفسه مين هاذي ياربي من جد حلوه يوسف : احمد أشفيك احمد توه ينتبه أن يوسف موجود لالالالالا ما في شي بس كاني جاي الحين ويلبس ثوبه وهو رطب يوسف: احمد ثوبك كله مويه أشلون تلبسه كذا احمد : هاااااااا أي معليه بوصل البيت وأغير ويطلع مع يوسف ويروح احمد وجاسم بيتهم وفي الطريق جاسم : وهو في الطريق ولدي احمد أشفيك من ركبت وأنت سارح عسى ماشر احمد : يقول لأبوه ألي صار له مع البنت في غرفة البوفيه جاسم : وهو يضحك على موقف ولده قولي أعجبتك البنت يا احمد احمد : والله البنت ماشاء الله ملاك جميله يا بوي جاسم : طيب شريك نخبطها لك إذا هي مو مرتبطة احمد : وكيف بنعرف هي بنت مين يابوي ؟ جاسم : يا ويلي على الحب من أول نظره احمد : أبوي يعني لازم من التعليقات والإحراج ههههههههه جاسم : ههههههههههه بس معليك راح اعرف منهي أن شاء الله احمد : أبوي أنت واثق من نفسك انك بتعرفها كيف جاسم : ممممممممممممممممم أول شي أبي أتأكد أن بنت عمك بدريه كانت موجودة أو لا احمد : بدريه !!!! جاسم : أيه هي صديقة نوره بنت عبدالله الله يرحمه وأكيد عزمتها ومنها راح اعرف مين البنت ألي شفتها احمد : والله أنك أبو عسل وفله جاسم : طيب أقول انتبه وأنت تسوق احمد وجاسم الكل ههههههههههههههههه وفي صالة قسم النساء نوره وهي شاردة الذهن مريم : نوره أشفيكي سارحة من رجعتي من البوفيه بدريه : صدق أشفيكي نوره وجهك صاير احمر من ضاربك !! الكل ههههههههههههههه نوره : صار لي موقف في البوفيه وتعلمهم ألي صار . ام نوره : هذا عيب الصالة أن البوفيه وغرفة البوفيه مشتركه مع قسم الرجال... وبعد انتهاء مراسيم الفرح راح يوسف وبدر يوصلون المعاريس إلى مطار الملك فهد الدولي . نرجع بكم إلى مصر الحبيبة ونشوف ايش صار مع عدنان بعد ما نزل عدنان من المستشفى جلس على كرسي أمام المستشفى وجلس يفكر وين يروح الآن وفي المستشفى سارة رجعت الغرفة وما شفت عدنان فيها وعلى طول راحت تدور عليه وهي متجه بره المستشفى وطلعت تسأل ألسكرتي ماشفت مريض توه طالع ألسكرتي : لا بس في واحد نزل وجلس هناك على ذاك الكرسي شوفيه سارة : مشكور ألسكرتي : العفو سارة وتتجه لعدنان عدنان : وهو منزل رأسه يفكر يرفع رأسه ويشوف سارة واقفه أمامه سارة : وهي في يدها كيس الدواء وتجلس على الكرسي يم عدنان . سارة : وين بتروح وليه ما انتظرتني ألين أجي عدنان : وهو يطالع فيها ومتضايق من حالته ساره: باخذك معي حتى نحصل احد تعرفه مارايح أتركك كذا وأنت في الحالة هذي سارة : انتظرني لحظه وبجي لا تروح وتروح سارة بسرعة للمستشفى وتستأذن من رئيسها في القسم وتطلع وتاخذ عدنان و عدنان مستغرب وهي ماسكته وتتجه للمستشفى يظن أنها بترجعه عدنان : وهو يأشر لسارة بيده لالالالالالالالا سارة : مورايحين المستشفى بنروح مواقف السيارات علشان سيارتي واقفه فيها . وعدنان مستغرب ويمشي معها الين وقفت عند سيارة موديل لكزز سوداء أللون نهاية الجزء الرابع من ............................. توائم الاحساء |
|
#14
08-11-2009, 04:29 PM
| ||
| | ||
الجزء الخامس من توائم الاحساء بقلم اسير النت  يسعد مساءكم صباحكم بالخيرات والمسرات أحبتي .. عذرا للتأخير .. واتمنى بأن تستمتعوا معي ومع استاذنا الغالي كاتب القصة الرائع // اسير النت لن أطيل عليكم لأنني أعلم كم أنتم في شوق للجزء الخاس نبدأ معكم 7 7 الجزء الخامس من ............................. توائم الاحساء في مصر سارة وعدنان في مواقف السيارة حق المستشفى سارة : تفضل اركب ويركب عدنان وتنطلق سارة مع عدنان في سيارتها وأثناء الطريق سارة : أبي أناديك بسم بس موعارفه ايش أناديك به أشرايك اختار لك اسم أناديك فيه عدنان : وهو يهز رأسه بالموافقة سارة : راح اسميك أمممممممممممم ايش يا سارة أيش يا سارة فارس أيش رأيك عدنان : عجبه اسمه الجديد وتبسم سارة : تعرف تكتب وتقرأ فارس فارس : الى هو عدنان يهز رأسه ايوه سارة : جميل نعرف نتفاهم كذا وصلت سارة الي مجمع تسوق وقالت لفارس أي عدنان انزل نزل فارس ومسكت يده سارة وحس بنعومة يدها ودفئها وتبسم لها وبدأا في التجول في سوق وتوقفت سارة عند احد المحلات وأخذت قمصان وشورتات وملابس داخليه له وبدت تقيس على عدنان الملابس وعدنان حس بحرج كبير فكر بأنه بحاجه لملابس وأنه راح يعوض سارة بلي يستطيع بعد ما انتهت سارة بشراء جميع ما يلزم عدنان اتجهت الي فندق به مطعم فاخر يطل على النيل وجلست معه وهو في قمة السعاده مع إنسانه أعجب بأخلاقها ووقفتها معه وبعد صمت من عدنان وتأمل في سارة وجمالها ورقتها سارة : فارس مالك سارح أيش تحب تأكل على فكره فارس أنا أحب هذا المطعم على طول دائما بجي هنا لأنه هادي وبيطل على النيل كمان مأكولاته راقيه . يبتسم عدنان ألي هو فارس لها ويكتب في ورقه أنت إنسانه ذوق وراقيه وجميله جدا سارة : الله كلامك حلو حبيبي فارس وتأشر سارة للقرسون القرسون : مرحبا وتطلب سارة مأكولات بحريه وتأشر لفارس أيش يطلب ويكتب فارس ورقه لها فيها باكل على ذوقك لان ذوقك راقي سارة : تبتسم وتطلب لا فارس زيها .. وفي مطار القاهرة تصل طائره سعودية وفيها ماجد ومنيرة منيرة : ماجد خلاص أنا مره تعبانه أبي أنام بعد الرحلة والفرح و الزواج وحنا سهرانين . ماجد : خلاص حبيبتي ما بقي شي غير نروح الفندق ونرتاح من تعب ألرحله . وفي السعودية في بيت العم جاسم احمد : أبوي أيش سويت في موضوعي جاسم : أي موضوع احمد : أبوي الله يهداك بعد أي موضوع . جاسم : ههههههههه أنت مازلت تفكر فيها ههههههههههه طيب الحين بتصل على بدريه وفي بيت بدريه بنت اخو جاسم أحلام بنت جميله أخت بدريه ولها صديقه اسمها نوف كل وحده متعلقة بالثانيه ويحبون بعض كأنهم خوات أحلام: جالسه تكلم صديقتها نوف بالتلفون أحلام: أقول نوف أمس كنت في مجمع مارينا مول وعجبني طقم يجنن أشرايك تاخذينه في زواج اخوكي فلاح نوف: أي زواج فصخ خطبته منها لأنها تقول تبي تكمل دراستها بره أحلام: يوه ليه شلي صار وبعدين ليه ماقالت من الأول . نوف: بعد ماوافقو ردو علينا يقولون البنت تبي تكمل دراستها وشكلهم غيروا رأيهم أساسا أنا موعاجبتني مغروره وشايفه حالها . أحلام :على قولك نوف : أمي كاهي تدورله غيرها الله يوفقه والله موناقصه شي علشان ترفضه هذي أحلام : طيب أنا بادلك على بنت وربي من عائله وطيوبه مره تعرفين صديقة أختي بدريه نوره نوف: أيه اعرفها وشايفتها هذي ألي تحب واحد اسمه أعتقد عادل أحلام :عدنان مو عادل هههههههههه نوف : المهم عاد عدنان ولا عادل بس ما أعتقد اخوي يبي وحده متعلقة بشخص ثاني أحلام :ما أقصدها أهي اقصد بنت عمها مريم أنا شايفتها مره في زاوج بس وربي البنت جميله وراح تعجب فلاح نوف: ممممممممممم تدرين بقول لامي عليها وفي أللحظه هاذي يدق جوال قريب من أحلام نوف: هذا صوت جوالك أحلام: لالالالالالالا هذا جوال بدريه دوم ترميه ولا تدري وين تحطه فيه الكل نوف و أحلام هههههههههههههههههههه أحلام : نوف كلميني بعدين بروح أودي الجوال لبدريه نوف: طيب يا الله مع السلامة أحلام: مع سلامه وتأخذ جوال بدريه وهي تنظر للشاشه تشوف رقم عمها جاسم وترد أحلام : آهلين عمي أشلونك جاسم: بخير أشلونك انتي أحلام: تمام عمي أنت كيفك جاسم: الحمد الله وين بدريه أبيها في موضوع أحلام : باودي الجوال لها مويمي هي الحين جاسم: طيب قولي لها تتصل بي أحلام :أن شاء الله عمي وفي القاهرة بعد ما تغدا فارس ألي هو عدنان مع سارة راحت وياه البيت وأول ما وصلوا كان فيه سيارة ثانيه تقف أمامهم مرسيدس أخر موديل وعند باب المنزل ينزل فارس وسارة وينزل من المرسيدس أبو سارة واسمه حمدي حمدي وهو مستغرب من الشخص ألي مع بنته الوحيدة بعد زوجته ألي ماتت بمرض خبيث حمدي: مين هذا يا سارة سارة :هذا فارس وكان مريض في المستشفى وطلع منه وأخذته معي لان ماله احد حمدي: وهو مستغرب بس يابنتي هذا مو شغلنا يروح بنفسه يدور على أهله . فارس: يجي يم حمدي ويمد يده يسلم وهو منحرج ويبتسم لحمدي حمدي : ما مد يده يسلم على فارس ودخل البيت وتتبعه سارة وفارس سارة : وهي تهمس لفارس لا تشيل في خاطرك بوي قلبه ابيض وما يرفض لي طلب وراح تشوف كيف يغير رأيه بسرعه . وفي داخل البيت في صالة الجلوس سارة: اجلس هنا شوي انتظرني برجع وتروح سارة لمكتب أبوها في البيت ألي متعود هو يجلس فيه ودق الباب حمدي : ادخل سارة : أشفي الحليوه زعلان مني حمدي: يا بنتي أنتي عارفه أني رافض عملك من البداية كمان تجيبي لي راجل في البيت سارة : بابا اسمع قصته فارس وبعدين احكم عليه فارس من ثمانية شهور وهو كان في غيبوبة عندنا في المستشفى وفاقد الذاكره والنطق بسبب حادث حصله وتحكي سارة لأبوها ألي صار لعدنان ألي هو فارس وفي صالة الجلوس عدنان وهو يتأمل بيت سارة من داخل وكيف ذوقها راقي في تنسيق الألوان وأختيار التحف وجمال تصميم المنزل ويقوم يتجول في المنزل ويتجه إلى باب كان خلف الدرج ألي في صالة الجلوس وهذا الباب يطل على حوش فيه حديقة كبيره بمسبح وتحيط أسوار الحديقة زهور بدت تذبل من حرارة الجو وجلس يتأمل جمال الحديقة ويلفت نظره خرطوم الماء بجانب المسبح ويا خذه فارس ويبدأ برش الحديقة والزهور وفي مكتب حمدي وهو متعجب من قصة فارس حمدي : كل هذا حصل للمسكين هذا سارة: ايوه وأتمنى تحصل له عمل عندك يا بابا وأنا فكرت يسكن في غرفة الضيوف أيش رأيك بابا حمدي: والله بعد ألي أنا سمعته عنه أوافقك الرأي والله يقوينا على مساعدته على استعادة ذاكرته وأهله أن شاء الله وراح أخذه من بكره معي العمل يتعلم ويعمل جنبي سارة :مشكور بابا والله فارس مسكين ويستاهل وخلينا ننزل علشان تتعرف به أكثر حمدي: راح أعتذر منه على سوء مقابلتي له يتبع |
|
#15
08-11-2009, 04:31 PM
| ||
| | ||
| يبتع الجزء الخامس من توائم الاحساء وفي صالة الجلوس سارة وين راح لا يكون مشي حمدي وهو مستغرب والكل يطالع حوله حمدي : لا ما مشي اظن انه في الحوش لان الباب كان مقفول وتروح سارة وحمدي للحوش ويشفون فارس جالس يرش الحديقة والزهور فارس : وهو يأشر لهم ويبتسم لأنه شاف حمدي يتبسم ويبدي إعجابه بفارس .ألي ما يحب يجلس أساسا بدون ما يشغل نفسه بشيء يعمله وفي السعودية في بيت جاسم يدق جوال جاسم جاسم :هلا بدريه كيفك بدريه :هلا فيك زود عمي شخبارك أن شاء الله تمام وكيف صحتك جاسم :أنا بخير يا بنتي شلونك أنتي بدريه: الحمد الله أحلام قالت لي انك تبيني عمي جاسم : ايوه أنتي رحتي زواج ماجد ولد عبدالله الله يرحمه بدريه : أيه عمي في شي جاسم :لا بس أنا واحمد كنا موجودين وحصله موقف هناك وعجب ببنت مدري تعرفينها بدريه : أيش الموقف هذا يا عمي جاسم : ويحكي السالفة لبدريه مرت عليكي بنت بالمواصفات هذي ألي قال عليها احمد بدريه : مممممممممم وتذكر موقف نوره وتضحك ههههههههههه طلع احمد ألي صار له الموقف مع نوره ههههههههه جاسم :هههههههههههههههه تعرفينها اجل بدريه : أيه نوره هي بنت عبدالله أخت ماجد ههههههههههههههه جاسم: اهاااا بدريه : بس ياعمي والله هي خوش بنيه وإذا كان احمد يفكر فيها والله مدري عنها لان كانوا متكلمين عليها لعدنان ولد عمها بس مدري أذا تغير شي جاسم: يا بنتي كلمي البنت وشوفي رأيها وردي علي . بدريه : أن شاء الله يا عمي جاسم :الله يعطيكي العافيه في أمان الله بدريه : وأنت في حفظه عمي وفي بيت نوف حصة : ام نوف بعد ماخبرت أمها بلي سمعته من أحلام عن مريم حصة :اعرفهم والله خوش عايله ناس طيبه نوف :ها أيش قلتي يا أمي تروحين تخطبينها لفلاح اخوي يعدونها بنت ربة بيت ممتازه وهذا ألي يبي اخوي ما يبي وحده زي المغرورة ألي رفضته ويكفي اسم عايلة بوعدنان لا دروا أن حنا ناسبناهم . حصة: باشوف أول رأي ابوكي وفلاح نوف: فلاح أنا كلمته عن البنت موافق قلي كلمي أمي أذا وافقت ماعندي مانع حصة : وأنا بوكي ما أعتقد بيرفض هذولا ناس ماينعابون من خيرة العوايل وفي احد الفنادق الفخمة في القاهرة ماجد: منيرة صباحيه مباركه بسك نوم قومي منيرة : مجووووووود خلني نايمه شوي وربي تعبانه حيل أحس جسمي من هد ماجد : مجوووود بعينك قومي بس خلينا نطلع منيرة : ههههههههه طيب حبيبي روح أطلب الفطور على ما أغير ملابسي وينزل ماجد ويروح لأستقبال الفندق ويكلم الموظف ويطلب الفطور موظف الاستقبال : تحب حضرتك نصعد لك الفطور أو تفطر في مطعم الفندق ماجد :لا خليه في المطعم علشان بالمره بنروح نتمشى هو وينه فيه موظف الاستقبال :خلف الفندق وبيطل على النيل مكان هادي وجميل وكثير بيجون من الخليج والعرب له هو من المناطق السياحية وراح تنبسطون من المكان . وفي السعودية في بيت بوعدنان في المجلس بوعدنان وإبراهيم ويوسف و أبو فلاح وفلاح . بوفلاح : والله يا بوعدنان لنا الشرف نطلب يد بنتك مريم لولدي فلاح . بوعدنان : يأشر لإبراهيم انه يتكلم عنه . إبراهيم: والله يا بو فلاح ونعم فيكم وفي فلاح وأن شاء الله بنرد عليكم بعد ما ناخذ رأي البنت . وبوعدنان : وهو راضي ويتبسم لأبو فلاح وفي صالة الجلوس في بيت بوعدنان أم حصة ونوف وفاطمة ومريم بعد ماعرفت سبب وجود حصة أم فلاح . فاطمة حياكم الله نورتونا أم حصة : أشرايك يابنيتي مريم وأنا أعتبريني حسبة أمك وأقولك كذا علشانك إنسانه ماشاء الله عليكي واعيه وفاهمه . مريم: الله يكتب لي فيه الخير أن شاء الله وراح أفكر وأرد عليكم . والكل يستأذن بو فلاح وأم فلاح وفلاح بانتظار الرد عليهم وفي بيت العم عبدالله الله يرحمه نوره وهي تكلم في التلفون نوره : مش معقول بدريه ألي صار لي الموقف معه هو ولد عمك احمد . بدريه :أيه وهو طالب يدك يبيكي على سنة الله ورسوله أيش قلتي نوره: أنتي عارفه أني ما أفكر في الزواج الحين بدريه : لا متى بتمي كذا تنتظري سراب يا نوره عدنان الله يعلم به هو حي أو ميت . نوره: لالالالالالا تقولي كذا انا حسه انه حي وبيرجع نشاء الله بدريه : فكري عدل يانوره حتى الو هو حي تتوقعين انه يفكر فيكي . نوره: الله يخليكي سدي السالفه هذي بدريه :أنا ماراح ارد عليهم أنك رفضتي بتركك تفكرين عدل في الموضوع والله أني أحبك وأحب مصلحتك واحمد ولد عمي والله إنسان تتمناه كل البنات وعلشان كذا أنا فرحانة يوم أختارك أنتي . نوره : أن شاء الله أفكر وأرد عليكي . وفي شركة بوعدنان جاسم : مبروك يا إبراهيم طالع ماشاء الله مثل أبوك وأخوك عدنان عسى الله يرده الشركة بدأت تتحسن أوضاعها كثير إبراهيم :هذا والله بفضل الله وفضل وقفتك معنا ياجاسم جاسم :على فكره ياولدي عندي موضوع أبي أكلمك فيه إبراهيم : يا جاسم إذا محتاج فلوس ولا شي أنا حاضر جاسم :لا ابد خيركم سابق بس ولدي احمد طالب القرب منكم إبراهيم: وهو مستغرب ماعندي غير أختي مريم وتو متقدم لها شخص ولسى ماردينا عليه جاسم :لا مو أختك مريم وعسى الله يتمم لكم على خير طالبين بنت عمك عبدالله نوره لأحمد وأنت عارف أن أبوك هو كبير العايله وما نقدر نتقدم لهم بدون رأي بوعدنان وتبلغون أخوان البنت إبراهيم : والله مدري شو أقولك ياجاسم بس تعرف أن البنت كان متكلم عليها أبوي لعدنان مع عمي لكن أنا باوصل الكلام ألي أنت طالبه لأبوي واخذ رأيه والله يوفقني على رد شي من الجميل لك . جاسم : الله يجزيك ألف خير وهذا ألي أنا أبيه . وفي بيت بوعدنان مريم تكلم نوره بالتلفون بعد معلمة نوره مريم أن بدريه بنت عم احمد طالب يدها مريم : وليش ترفضينه وهو من عائله محترمه وإنسان ناجح في عمله فكري عدل ولا تضيعين ألفرصه عليكي شوفي مستقبلش يانوره الأيام تمشي والعمر يمضي نوره :بس يامريم انتي عارفه إني متعلقة بأخوكي عدنان كثير ماتخيل أكون لواحد غيره وعلى الأقل أنا في بالي شخص انتظره وهذا أنتي متقدم لش واحد ورافضته . مريم: بس أنا يانوره أنتي عارفه أني أنا أقوم بأخواني وأبوي وعيال عدنان وما أفكر أتزوج وأتركهم بدون رعاية خصوصا أبوي وعيال عدنان نوره :معليش يا مريم فاطمة موجوده وخلود معكم وهم مو مقصرين وأنتي لامتى بتمين تفكرين ما تتزوجين وأنا أذا باوافق شرط انك توافقين أنتي بعد مريم: يادبه وليش تربطين مصيرك في مصيري . الكل مريم ونوره هههههههههههههههههه وفي مصر في محل المجوهرات حمدي بو سارة وقف مع عدنان صار يعمل معه وتبين لحمدي بأن عدنان له خبره في التجارة من أسلوبه في العمل معه . حمدي: ولدي يا فارس ما شاء الله كل الزباين باين مرتاحين لك كثير وباين عليك شاطر في العمل والله أني تعبان وربي رزقني بولد أعتمد عليه فارس : يكتب ورقه لحمدي فيها هذا بفضل الله ثم فضلكم علي وانتوا أهلي وأنا من غيركم كنت ضايع . حمدي: لا تقول كذا يا ولدي أحنا اهلك و أن شاء الله راح تلقى اهلك وناسك فارس : وهو يحاول يقول شي لحمدي حمدي : يا ولدي صرت أفهمك اكتب ألي تبي ولا تتردد فارس : وهو متردد في الكتابة ويعود يقطع الورقة ويرميها حمدي :وهو يبتسم قلتلك أفهمك يا فارس لأنك صرت حسبة ولدي ويمد حمدي يده في البترينه وياخذ دبله ويمدها لفارس . فارس والفرحة مو سايعته والدموع تنزل على خده ويحضن بو سارة وحمدي : وهو يطبطب على فارس وأنا وين باحصل على زوج لبنتي سارة أمين وإنسان خلوق فارس: والدموع على خده يحب راس حمدي ويقبل يده حمدي :على فكره سارة عازمتنا اليوم على العشاء بره وفرصه تقدم لها الدبلة . وفي المساء الساعة التاسعة في مطعم الفندق ماجد ومنيرة بعد شهرعليهم في مصر جالسين يتعشون في نفس المطعم ألي تجي فيه سارة دائم وكانوا جالسين قرب زجاج يطل على النيل وأضواء السفن تسطع في ماء النيل والمنظر روعه والطاوله ألي خلفهم مباشره عليها يافطة بأنها محجوزة . منيرة : ماجد أنا باروح الحمام ماجد : ليش خلصتي منيرة : أيه شبعت شوفني يا الله أقوم ههههههههههههه ماجد : ههههههههههههه بالعافية . ولا طولين اجلس احاتيكي منيرة : يا حياتي لا تحاتي وين باروح شوي وراجعه وفي هذي الأثناء يدخل المطعم سارة وأبوها حمدي ويجلسون في الطاوله المحجوزة لهم وكان ماجد معطيهم ظهره يعني ما يشوفهم ماجد وهو يتأمل السفن وحركتها على نهر النيل والمنظر الجميل يدخل عدنان ولد عمه ألي هو فارس طبعا فارس شاف ماجد بس بما انه فاقد الذاكرة ما يذكر وين شاف الشخص هذا فيه وماجد ما أنتبه له لأنه مندمج مع المنظر ألي بره وجلس فارس على الطاولة ألي فيها سارة وصار فارس معطي ماجد ظهره سارة : وين رحت يا فارس فارس : ويكتب ورقه لساره فيها راح تعرفين ليش تأخرت بعد شوي . وحمدي: يبتسم وهو عارف فارس ايش مسوي لسارة وفي أللحظه هذي تجي منيرة من الحمام وتجلس طبعا مكانها مقابل ماجد بس ما تشوف أخوها عدنان لأنه معطيها ظهره وهو مقابل سارة وأبوها ماجد :حبيبتي أن شاء الله أنبسطتي منيرة: أكيد مبسوطة وأنا معك حبيبي بس والله مشتاقة لأهلي ماجد: خلاص لليله هذي أخر ليله لنا في مصر . وفي الطاولة الثانية فارس يفتح كيس معه ويقدم الدبلة لسارة وكان فيه شخص من بعيد يراقب سارة وفارس . سارة :وهي مو مصدقه ألي تشوفه دبله من حبيبها فارس حمدي : بابنتي سارة فارس طلب يدك وأنا موافق أشرايك أنتي سارة : وهي مستحيه وينقلب وجها احمر وتهز رأسها بالموافقة حمدي : يأشر لفارس علشان يلبسها الدبلة ويرفع فارس يده يأشر للي يراقب من بعيد وهو مسؤل المطعم . مسئول المطعم يتكلم اليوم نحتفل بالمخطوبين فارس وسارة ويشغل أغنية فراح بالمناسبة هذي والكل يصفق لفارس وسارة ويلبس فارس سارة الدبلة ويلتفت في أللحظه هذي ماجد ويشوف العروس سارة وجنبها أبوها حمدي وهو يقبل بنته ويهنيها ويهني فارس وبما أن فارس معطي ظهره ماجد ماشاف غير العروس وأبوها ومنيرة تطالع برضه العروس مع أبوها مايشوفون فارس لأنه معطيهم ظهره منيرة : ماشاء الله العروس جميله مره وبيضاء ماجد: ايوه ماشاء الله منيرة : نحنو هنا هيه ماجد : بدينا نغير والكل ماجد ومنيرة هههههههههههههههههه نهاية الجزء الخامس من ........................... توائم الاحساء مع أرق تحايا هذا المساء لكم أحبتي |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ملف كامل لريجيمات الشيف عبد الله يوسف لا يفوتكم | العابدة الطائعة | أطباق شهية | 49 | 06-20-2016 02:35 PM |
| مرضى النقرس عليهم المحافظة على تناول التين | حمزه عمر | صحة و صيدلة | 0 | 09-23-2008 12:00 PM |
| احذر الموسيقى عند تناول الطعام | emy_fleur | صحة و صيدلة | 6 | 12-04-2007 01:50 PM |
| تناول الحليب في الشاي يزيل كل فوائد الصحية | sumaiah2006 | صحة و صيدلة | 0 | 05-09-2007 01:35 AM |
العرض العادي
