نبدأ معكم

/
/

( توائم الأحساء )

السلام عليكم حمة الله بركاته

قبل أن أبدأ قصتي أولا أحب أعرفكم بالاحساء .

المملكة العربية السعودية – المنطقة الشرقية – محافظة
الاحساء
تشتهر بالنخيل والعيون ألجوفيه--- وأبار البترول – حدودها قطر
الأمارات ألشقيقه .

هذى نبذه عن محافظة الإحساء

الجزء الأول


( توائم الإحساء)


الشخصيات راح تعرفونها من خلال ألقصه
في شركة فهد بو عدنان

فهد : ياولدي عدنان وين بتروح وتخليني في هالشركه الحالي
كيف تسافر وأنا معد فيني حيل أدير
الشركه و معي سكر وضغط
والكبر شين ياولدي عدنان وفروع الشركه كثيره في المملكه
ماحد معي غير عمك عبدالله قايم بكل
شي جزاه الله الف خير .( عبدالله اخو فهد وهو ساكن قريب
بيت اخوه وعنده خمسه أولاد
عبدالطي5 وبد3 وماج2 و نوره الكبيره 29 مخيره
لعدنان من كانو صغار هي تحبه موت
وهو مايبيها ولا يفكر فيها ويعدها مثل خواته وفاطمه26
متزوجه من ابراهيم اخوعدنان)

عدنان : يابوي انا ماراح اطول كلها شهرين وراد وبعدين عندك
اخوي إبراهيم طبعا إبراهيم 28و
يوس6 وخال4 (طبعاً عدنان عمره 33سنه متزوج بالسر
من اربع سنين محد يدري عنه راح
تعرفون كلشي عنه بعدما أعرفكم بعائلة بوعدنان (عدنان
الكبير وإبراهيم اخوه متزوج فاطمة بنت
عمه ويشتغل ظابط في القوات المسلحة ويوسف مهندس بترول
ناجح وما يحب الارتباط دوم بره
سهر وسفر وخالد يدرس في جامعة الملك فيصل آخر سنه له
في الصيدلة ولهم ثلاث أخوات مريم
32 تركت الدراسة بعد وفاة أمها سارة على شان تهتم بإخوانها
وأبوها خلو3 متزوجة
عبداللطيف ولد عمها( عبدالله) سعا1 متزوجة بدر ومنيرة 18
محجوزة لماجد ولد عمها.) نكمل الآن الحوار

عدنان : يايوي انا بروح نيويورك اشوف اشغالي وتوني فاتح
شركتي هناك ومحتاجه تواجدي هذي اليومين علشان تاخذ
مكانها في الاسواق العلميه

بوعدنان : ياولدي عدنان الحمدالله احنا في خير ونعمه في بلدنا
وزي منت شايف شركتنا من
كبارالشركات في المملكه ولوجلست هنيه واستلمت احد فراعها
ولا تضيع فلوسك في بلد موبلدك .

عدنان : ابوي انت بنيت نفسك بنفسك الين صرت من كبار
التجار في المملكه وأنا باجرب حضي زيك

بوعدنان : ياولدي فلوسي وملاكي هي فلوسك انت وأخوانك شل
فكرة روحتك لأمريكه وأشتغل معي
وساعدني تدري أني اخاف عليك كلما سافرت لأمريكه هذي
تجلس هناك اكثر مما تجلس في بلدك .

عدنان : لاتخاف علي يابوي تراني طالع عليك في حب
المغامرات .

بوعدنان : أعرفك من عمرك عنيد ماتسوي إلا أللي في راسك .
متى ناوي تروح .

عدنان : بكره او بعده باخلص أوراق عندي وبمشي .

في بيت العم عبدالله وبالتحديد غرفة نوره وهي جالسه تكلم
مريم بنت عمها في التلفون ( مريم ونوره صايرين مثل الخوات
كل وحده تحفظ أسرار الثانيه ودايم مع بعض )

نوره : شفتي بيروح ثانيه وبيخليني هايمه فيه وأحاتيه ولا فكر
حتى يزورنا من زمان .

مريم : حبيتي نوري حاولي تنسين عدنان وشوفي مستقبلك
بيضيع عمرك وأنتي ترفضين الي يتقدمون لش انتي الف واحد
يتمناكي .

نوره : كيف تبيني انساه وهو عايش ومتربع في قلبي من سنين
ماتخيل اني اكون لواحد غيره .

مريم : انتي تدرين انه يحب عمله اكثر من أي شيى ثاني يموت
في شي اسمه تجاره والأعمال
التجارية و بيضيع أيامه بدون زواج ويضيعك معه

نوره : الله كريم . وبعدين انتي بعد لازم تشوفي نفسك عمرك بدا
يضيع مع البيت واهتمامك
بأخوانك حاولي تكملي دراستك .

مريم : والله يانوره اني افكر دايم بالموضوع هذا بس خايفه
أهمل البيت .

نوره : اخوانك كلهم متزوجين مابقي غير يوسف و منيره قريب
بتتزوج ماجد وبعدين فاطمه اختي
ساكنه معكم وخابرتها ماتقصر دوم تساعد في البيت معك مافيها
شي لو كملتي دراسه .

مريم: ان شاء الله يصير خير في هالحظه تخش سعاد على نوره
( سعاد قلنا متزوجه من بدر
وعندها بنت عمرها سنه أسمها ريم وساكنه في الدمام بحكم
عمل بدر في فرع شركة عمه في الخبر) .

سعاد : بووووووووووه .

نوره : وجع خوفتيني الوحده تقول السلام موبوه

سعاد : أسفه حييت امزح معك تدرين اني احبك واحب اتغشمر
معك .

نوره: حبتك القراده اشوف عطيني ريموووووووووووه

ريم : مابي

نوره :ايش الي متبين انا خلتك حبيبتك تعلي عندي لش حلاوة
متبينها .

ريم: مابي

نوره : اقول موكيفش بحبك يعني بحبك تعالي اشوف

سعاد: شفيش تركتي سماعه شكلش كنتي تكلمين مريم

نوره : يوووووووووووووه نسيتها كله منش ومن بنتش اشينه

سعاد: حرام عليكي .

نوره : الوووووووووووو مريم شكلها سكرت وهدتني الله
يغربلها .

سعاد : وين ابوي ماشوفه

نوره : في شركه بقي عليه ساعه ويرد تغديتو ولا تتغدين معنا

سعاد : تغدينا في الطريق خفايف

نوره : انا بشوف شتسوي الشغاله واشوف الغداء وتغدي معنا
ثانيه يوم الخميس في لليل على طريق مطار الملك فهد الدولي
في تكسي عدنان يكلم جوال .

عدنان : حبيتي على بكره انا عندكم شلون الأولاد .

رجاء : والله تاعبيني مره الكل يسأل متى بيجي ابوي وأختي
وفاء مسكينه متعبه عمرها معي ودوم
هي جالسه عندي ( طبعاً رجاء زوجة عدنان بالسر تزوجها في
امريكا وعنده ثلاث أولاد توائم
عمارهم ثلاث سنوات فهد ومازن وبسام . وهي الان حامل في
شهر تاسع . عدنان تزوج رجاء
اثناء دراسته في أمريكه وهي امريكيه من اصل عربي من لبنان
جميله جداً شعرها اشقر وعينها
زرق طالعه على جدتها الأمريكيه لي متوفيه من سنين وكانت
متكفله بتربيتهم الين توفت في حادث
اثناء عبورها احد شوارع في امريكا . رجاء وو فاء كل
عايلتهم ماتو في لبنان أثناء الحرب
الاسرائيليه على البنان وهي عايشه مع اختها في امريكا هي
وزجها عماد الي يعمل في شركة
عدنان وهو ذراعه اليمن وهو انسان طيب لبعد حد هوو زوجته
وفاء الي مرزقهم الله أولاد من سبع سنين من تزوجو ).

عدنان : انتي بس لاتعبين روحش ترا دكتور محرص وكلها كم
ساعه ونا بكون عندكم .

رجاء : حبيبي عدنان متى بنستقر انت كله مسافر .

عدنان : حبيتبي مووقته الكلام هذا انا اشتغل من له غير لش
وعيلك .

رجاء : الله يجيبك لنا سالم احنا منبي غير وجودك معنا ولخير
ولبركه هو انت وبعدين الحمد الله
الخير واجد وزوج اختي مومقصر ونا استحيت كثير هو الي
مهتم بالبيت .وأنت دوم مسافر .

عدنان : معليه تحملي حبيبتي الين توقف الشركة على رجليها
في السوق . يله مع سلامه الحين بخليكي

رجاء : مع السلامه ياقلبي.

وفي أمريكا .............. في احد ضواحي فلة عدنان

وفاء : مازن عيب حبيب لاتضرب أخوك شف بسام شاطر
ميسوي شي جالس ياكل فطوره

فهد : حلتي ( أي خالتي ) ماذن ياخذ فتوري

وفاء : حبيبي الحين احطلك غيره. في اللحظه يخش عماد

عماد : السلام عليكم......... شو تو العيال يفطرووووو

وفاء : هههههههههههههه انت تشوفهم يفطرو الحين

عماد: ههههههههههه مخذين الفطور لعب

مازن : عمووووووووه ماد ( أي عماد) توف فهود يضربني

وفاء : والله انك عيار طقني وبكا وسبقني واشتكا هههههههه

عماد : عيون عمو هههههههه حبيبي خلص فطورك

وفاء : روح ارتاح حبيبي عماد على مايخلص الغداء

عماد : وين أختك رجاء عنك

وفاء : مسكينة تعبانه مره مع الحمل في غرفتها منسدحه

عماد : الله يعينها والله ...... انا باروح اريح تبين شي عمري

وفاء : لا حبيبي روح ارتاح .

في السعوديه بيت بوعدنان يوم الخميس كل العائلة مجتمعه
كالعادة في الصالة

فاطمه شايله هبه بنتها وسارة تمشي وراها وهم نزلين من
جناحم (فاطمه زوجة ابراهيم عندها هبه سنه وساره سنتين
ونص إبراهيم سما ساره على اسم أمه الله يرحمها ).

بوعدنان : وين إبراهيم يا فاطمه .

فاطمه : جلس بدري و راح الصناعية يصلح سيارته تعطلت
امس عليه وهو جاي من العمل .

فاطمه : عمي فطرت ولا أسوي لك فطور

بوعدنان : لا فطرت مع يوسف وخالد ماجيت من بره إلا مريم
مجهزه الفطور

سارة : ددي ( أي جدي) ابي أروح بئله (أي بقاله ) اثتري هلوه
(أي اشتري حلوه)

بوعدنان : حبيبتي اوديكي العصر

ساره : ابي اهين

بوعدنان : هههههههههه خلاص الحين اوديكي تعالي

فاطمة : عمي تركها عنك هذي متشبع من الحلوه

بوعدنان : مقدر فيها هذي سمية الغاليه تعالي هوب (ويشيله
ويطلع وعند البيت يوسف جاي معا إبراهيم بعد متصل عليه
يجي ياخذه بعد ترك سيارته في الورشه .

إبراهيم : بعد ماحب راس ابوه بوي وين رايح في الحر

يوسف : يعني وين رايح اكيد البقاله هو يقدر في سمية الغاليه

إبراهيم ويوسف : هههههههههههههههههه

بوعدنان : يا إبراهيم مر اشركه وخذ سياره من سيارات الشركه
وبيع سيارتك بعدم تخلص من الورشة هذي كل يوم وأنت
مصلح فيها .

يوسف : ابوي عجزت فيه وأنا أقوله غيرها كل يوم وهو
مشورنا على الورش .

بوعدنان: راح يوم السبت أي وكاله وأختار سيارة وأرسل
قيمتها على مكتبي في الشركه

ابراهيم : بس ابوي انا بشتري من عندي

بوعدنان : لابس ولا غيره ولا يكثر سو ألي قلتلك

ابراهيم : ان شاء الله

يوسف : ونا بعد

بوعدنان : اقول بودي البنت البقاله

يوسف : عاش مصررررررررف

بوعدنان وإبراهيم ويوسف :ههههههههههههههههههه

وفي بيت العم عبدالله وهوجالس في الحوش مع ماجد يرتب
ويسقي الزرع .

بوعبداللطيف : ماجد يا ولدي قل لأخوانك يخلصون بنروح بيت
عمك تأخرنا

ماجد : ايوي ليه متخلي روحتنا بعد العصر

بوعبد اللطيف : تبي عمك يزعل علينا حنا متعودين على جمعة
الخميس من يوم جدك وجدتك الله يرحمهم .

ماجد : عد عمي حار ما عنده يغير في جمعة الخميس

بوعبد اللطيف : هذا أنت قلت ....... روح بس عجل أخوانك

ماجد : أن شاء الله

وفي جناح عبدللطيف وخلود ( خلود زوجة عبداللطيف وهي
معلمه وعندها ولد عمره سنتين اسمه وليد وعبدالطيف يديراحد
فروع شركة عمه في الرياض وجده وينزل الخميس والجمعه
هو وزوجته )

خلود : لطوف قوم يالله بسك نوم والله عمي بشيش علينا
للحين مارحنا

عبداللطيف : لطوف في عينك اصغرعيالك انا

خلود : هههههههههه حبيبي صدق قوم يالله

عبداللطيف : وهوه يقوم يروح الحمام اففففففف الواحد حتا يوم
اجازته ما يرتاح

عبداللطيف : وهو توه دخل الحمام انت شتسوي هنه جالس
تلعب في المويه

وليد : بابح ( أي اسبح )

عبداللطيف : خلود تعالي شيلي ولدك ترس هدومه ماي

خلود : يوووووووووه توني مغيره ملابسه الله يهديك بس
ياوليد

وفي صاله نوره وسعاد وماجد

ماجد : انتو للحين مخلصتوا

ريم : عموووووووووه

ماجد : عيون عمووووه

سعاد : احنا جاهزين ننتظر بس عبداللطيف وخلود ينزلون

ريم : عموووو نان (نان - يعني تبي تروح في سياره)

نوره : تعالي نروح ريم السياره مع جدي

سعاد : أي والله تفكيني من حناتها

وتروح ريم لنوره ويطلعون الحوش عند العم عبدالله

في مطارنيويورك عماد وهو يستقبل عدنان

عماد : حمد لله على السلامه

عدنان : الله يسلمك ها ايش الأخبار عندك في الشركه

عماد : تمام وأبشرك كسبنا مناقصة جده ومصر

عدنان : مبروك علينا بدينا نوقف في السوق كله بمجهودك
ياعماد مدري لوكنت لحالي ويش باسوي

عماد : يد وحده متصفق كلنا نكمل بعض وأنت ارتاح وخذ لك
كم يوم مع الوالد وخصوصا رجاء على وشك ولاده وأنا بروح
اخلص المناقصه الي في جده ومصر .

عدنان : الله يعطيك العافيه لا أنا با روح علىشان بامر الشرقيه

وأخبر أهلي بزواجي من رجاء وأعرفهم بها هي دوم تطلب مني
تتعرف على أهلي وباخليها تولد هناك وباروح اخلص العمل
اللي في جده ومصر وأنت اهتم بس بالعمل اللي اهنه

عماد : طيب أنت متى تبي تمشي

عدنان : بعد أسبوع احجز لي على الأربعاء .

ويصلون البيت في صاله الكل مجتمع في بيت عدنان عماد وفاء
ورجاء والأولاد

رجاء : نور البيت بوجودك يا بو فهد بعدما سلمت عليه

عدنان : منور بوجودكم

بسام : بابا ويجلس في حظن ابوه ( وتقوم الغيره بين فهود
ومازن وبسام الكل يبي يجلس عند ابوه

عدنان : حبايبي وانتو تعالو هههههههه

رجاء : هههههههههههه تحمل اللي يجيك منهم وين باجلسهم
ثلاثتهم

وفاء : تعالوا عن أبوكم خلوه يرتاح

الكل فهود ومازن وبسام: لا مابي
والكل عماد وعدنان ورجاء

ووفاء :ههههههههههههههههههههه

وبعد صلاة العصر الكل في غرفهم

رجاء : عدنان حبيبي شخبار اهلك

عدنان : كلهم بخير وعافيه .

(رجاء وهي حزينه ساكته )

عدنان : عمري ليش هالحزن كله

رجاء : كان ودي اعرفهم ويعرفوني ويشوف جدهم أولادي
ويفرح فيهم زي ماهو فرحان بعيال أخوانك . ونفسي اعرف
مريم من كلامك حبيتها

عدنان : خلاص ياعمري لاتشيلي هم باخذك أعرفك فيهم
الأسبوع الجاي

رجاء : صج حبيبي والله باروح السعوديه ااااااااااااااااااه ودي
اشوف اهلك واشوف السعودية

عدنان : بتشوفينهم وبتشوفي السعوديه وبامشيكي هناك
وبنجلس شهرين إن شاء الله .

رجاء : والله مني مصدقه الكلام ألي تقوله من الوناسه

عدنان : لا صدقي

رجاء : وهي حزينه بس كيف بنروح مع الولد وأنا ماني قادره
أشيل نفسي حتى اشيلهم معي وبيلعوزونك حتى انت

عدنان : بناخذ الشغاله معنا

رجاء : انا عندي اقتراح أختي وفاء دوم تقول تبي تاخذ عمره
ليه ماخليها تنزل اثنين من العيال وحنا ناخذ واحد بس منها
حتى مايثقلون عليها في السفر الين توصل السعوديه ويصرون
معنا وبعدها تروح على راحتها مكه

عدنان : فكره حلوه اجل باكلم عماد في الموضوع وخليه ياخذهم
على مكه على طول وحنا بعدما تتعرفين على هلي نروح مكه
ناخذ عمره احنا بعد

رجاء: يعني نروح مكه على طول

عدنان : لا طبعاً بعد ماتولدين باخلي عماد ينزل الاولاد ويروح
اهو وزوجته على مكه وبعد ولادتك انتي بأربعين يوم نروح
مكه وجده وأبها والطايف ألف بك المملكه انتي والأولاد.

رجاء : الله شي حلو حبيبي .

عدنان : حبيبتي ونور عيوني انا اعرف أني مقصر معاكي
علىشان كذا باسوي الي تبين وابيكي تكوني اسعد زوجه معي
انتي والأولاد

رجاء : حبيبي طول منت معي انا اسعد زوجه .

عدنان : الله يخليكي ليه انتي والأولاد.

صبح يوم الاثنين في شركة عدنان في المكتب يخبر عدنان عماد
عن تخطيطه اهو ورجاء على روحتهم السعوديه

عماد: بس أنت تعرف يا عدنان أني مادل شي في السعوديه

عدنان : لاتحاتي من الناحية هذي بوصي احد يستقبلك في
المطار ويجيبك عندي

عماد : كذا تمام وزين تسوي ياخوي عدنان انك تعرف عيالك
بهلك

عدنان : بس الله يعيني ولا يزعل الوالد يوم يعرف أني متزوج
من أربع سنين

عماد: ألي اعرفه أن بوك يحبك أكثر من أي احد ثاني في أخوانك


ولا راح يزعل حتى لو زعل بيرضى

عدنان : هذا لو كان مو حاحز لي بنت عمي نوره ولا ادري شعور نوره لو عرفت اني متزوج وعندي اولاد اش بيصير ولله
أني ماعدها الا مثل خواتي الله يهديك بس يابوي يوم ربطت
مصيري بمصيرها .

عماد : الله يكون في عونك .

وفي السعوديه

( صالح صديق عدنان منذ كانوا صغار وهو عارف كل
اسرارعدنان ) وهو جالس في الديوانية مع ربعه يكلم جوال


صالح : هلا والله بوفهد شخبارك

عدنان : تمام والله وشخبارك أنت والأهل

صالح : تمام يسرك الحال ها متى بتجي

عدنان : على الأربعاء ان شاء الله بس ابيك تخبر ابوي أني بجي
خلال الأسبوع مابيك تحدد جيتي اخاف يجلس يحاتي ولاشي

صالح : ايوه خابره مايرتاح الين يشوفك قدامه

عدنان : توصي على شي من عندي

صالح : سلامتك توصل بالسلامه ان شاء الله

عدنان : يالله مع السلامه

صالح : مع السلامه

وعند بيت بو عدنان

يقف خالد سيارته جاي من الجامعه ويشوف سياره bmw 2009سوده فخمه عند الباب

خالد: في خاطره من سيارته هذي.

وينزل خالد ويدخل البيت في الصالة ويشوف الكل مجتمع
ويروح يحب راس أبوه ويجلس جنبه

بوعدنان : أشلون الدراسة معك يا خلود

خالد : تمام أبوي . بس ياليت أسمعك تقولي مره في عمرك خالد
أنا كبرت وأنت تناديني خلود

بوعدنان : بتم صغير في عيني حتى لو تصير جد بعد

الكل : هههههههههههههههههه .

خالد: مين سيارته الحلوه ألي عند الباب

منيره : هذي سيارة إبراهيم شاريها بوي له ( منيرة إنسانه
هادية وجميله وتدرس في كلية التربيه في الاحساء سنه أولى
وهي دايماً من المتفوقات)

خالد : أبو خليل مبروك

إبراهيم : الله يبارك فيك

خالد : وأنا بوي متى أغير سيارتي هي عندي من أول ثانوي

بوعدنان : إذا تخرجت أن شاء الله هي هدية نجاحك

مينرة : مسرع ماغارو بعض الناس ههههههه .

خالد : جب جب انتي

الكل :ههههههههههههههههه .

وفي هل اللحظه يرن جرس الباب وتجي شغاله تعلمهم من عند
الباب

سلمى : بابا عدنان بابا صله ( اي صالح ) عند باب

يوسف : ايه هو متصل بي انه بيجي

بوعدنان : خالد قوم دخل الرجال في المجلس

خالد : ان شاء لله

الكل يروح المجلس بوعدنان وإبراهيم ويوسف

بوعدنان : حي الله ولدي صالح وشلونك وشلون الولدين

صالح : الكل بخير ياعمي

إبراهيم : وينك من زمان ماشفناك

صالح : مشاغل الدنيا الله يلهينا بطاعته

الكل : آمين

صالح : عمي وشلون معك السكر والضغط الحين

بوعدنان : الحمد الله والشكر

صالح : كلمني عدنان بيجي تراه خلال هالأسبوع

بوعدنان : الله يبشرك بالخير ياولدي أنا ناوي هالمرة مايروح
إلا مزوجه بنت عمه نوره أبي أشوف عياله قبل لا أموت

صالح : وهو يتغير لونه ويقول في خطره الله يعينك ياعدنان
اااااااااه لويدري أبوك انك متزوج وعندك عيال شبيصير فيك
ياعمي

بوعدنان : شفيك ياولدي صخيت ( ساكت ) عسى ماشر

صالح : ماشر عمي ما أقول إلا الله يطول في عمرك وتبلغ فيه
وفي عياله أن شاء الله هو وأخوانه

بوعدنان : والله ياولدي اني ماعدك الا زي عيالي هذولي
وأشوفك أنت وهو متزوجين وتهدون هالعزوبية .

صالح : أن شاء الله عمي بتفرح علينا

إبراهيم : وشلون العمل وياك ياصالح

صالح : الحمد الله ماشين وقريب بعد عندي بعثه خمس سنين
بالخارج بس ما حدد وين للحين وين فيه بس هي خارج
المملكه .

الجميع : الله يوفقك تستاهل كل خير

بوعدنان : ياولدي يوسف جيب القهوه للرجال وراكم

صالح : عمي اسمحلي مابي شي والله أني مواعد الأهل باوديهم
السوق الحين

بوعدنان : مايصير ياولدي

صالح : مره ثانيه أن شاء الله

بوعدنان : الله وياك

/
/
يتبع

وفي مطار نيويورك يوم الابعاء في المدرج طائره السعودية
وهي تقلع متجهة إلي الأراضي المقدسة أراضي الوطن الحبيب
السعودية وفي الدرجة الأول .

عدنان : حبيبتي رجاء مبسوطة

رجاء : وفي حضنها فهود نايم شلون ماتبيني مبسوطة وأنا
معاك وباروح أشوف عمي لأول مره و أتعرف بإخوانك وهلك

عدنان : ان شاء الله بس مازن وبسام مايلعوزون خالتهم

رجاء : لا ماتتصور وأنا اخذ فهود وهي تصيح أني باخذه معي
تبيه هو بعد وياهم تحبهم مره ماتستغنى عنهم تقول أنا ماجاني
عيال وهم عيالي كيف بقدر على فراقك وفراق فهود ماشوفكم
في البيت بيصير البيت ناقص بدونكم .

عدنان : الله يرزقهم ان شاء الله بذرية صالحه .

رجاء : آمين

وياخذهم نوم في رحله طويله و ينتبهون على صوت الكابتن
يأمر بربط الأحزمه لهبوط الطائرة في مطار الملك فهد الدولي .
وينزلون من الطائرة
وعند الاستقبال في المطار يشوفون صالح ينتظرهم .

صالح : بوفهد هنيه ويتجه عدنان لصالح وياخذ صالح الشنط
منه يحطها في العربيه ويسلم على عدنان ورجاء .

عدنان : شخبارك ياصالح وشخبار الأهل

صالح : بخير جعلك بخير وحمد الله على سلامتكم .

عدنان ورجاء الله يسلمك

عدنان: أول ما نوصل الاحساء يا صالح ودنا على فندق الأنتر

صالح : متى بتروح بيت الأهل

عدنان: بنريح اليوم وبعدها بنروح بكره لهم

صالح : خير ان شاء الله

وفي احد أجنحة الفندق الدور الرابع على الساعه الرابعة

رجاء : حبيبي عدنان عطني جوالك بتصل بأختي وفاء علشان
نطمنهم أن أحنا وصلنا وأشوف أخبار الأولاد

عدنان : تفضلي الجوال بعدما تخلصين حطيه في شحن البطارية
شبه فارغة

رجاء : اوكيه حبيبي

وفي أمريكا في بيت عدنان عماد يسمع الهاتف ويقوم يرد عليه

عماد : الوووووووو

رجاء : هلا عماد كيفك شخبارك وشخبار وفاء والأولاد أن شاء
الله تمام
عماد : بخير أحنا وانتوا كيفكم وصلتوا

رجاء : ايوه الحمد الله وصلنا وفاء يمك عطني اكلمها

وبعدما نهت رجاء المكالمة في اليوم الثاني في أمريكا في شركة
عدنان أسامه موظف في شركة عدنان يتصل

أسامه : سيد عماد و صل فكس من مصر وجده يخبر بحضورك
فورا بخصوص المناقصة .

عماد: أيش في الفكس غير كذا

أسامه : إعادة اعتماد دخول منافسين في العرض المقدم من
قبلنا
عماد : بتصرف أنا يعطيك العافية أسامه

أسامه : ولو سيد عماد

بعد مسكر عماد يجيه اتصال ثاني

رجاء : الووووووووو

عماد : اهلاً رجاء

رجاء : أيش أخباركم

عماد : الحمد الله

رجاء: وعاملين أيش الأولاد معكم

عماد: طلعوا مع خالتهم لدزني مازن طول اليوم وهو بيبكي
وبيعاكس أخوه فاضطرت وفاء تاخذهم لدزني

رجاء : وفاء هي طبعها كذا ماتستحمل تشوفهم زعلانين ودوم
بدلعهم الله يعينكم عليهم

عماد : أيش الكلام هذا يا رجاء هيه امهم من بعدك وأعرف أنتي
بتحبيهم قد أيش أولادكم هم أولادنا

رجاء : الله يجزيكم ألف خير على ألي بتسوه معنا وعلشان
كذا أنا مطمنه

عماد : أعطيني عدنان إذا هو يمك .

رجاء : هو في الحمام إذا طلع باخليه يكلمك

عماد : اوكيه تامروني بخدمه

رجاء : متشكره سلملي على وفاء والأولاد

عماد: أن شاء الله . مع السلامه

رجاء : مع السلامة

رجاء وهي طالع باب الحمام : عدنان بقي مطول في الحمام

عدنان : وهو خارج من الحمام امري حبيبتي

رجاء : مايامرعليك عدو يا عمري

عدنان : أيش في وجهك صاير اصفر وشكلك تعبانه مره

رجاء : سلامتك حبيبي بس هذا تعب السفر

عدنان : ارتاحي في الفراش ولا تسوين مجهود على شانك
وعلى شان ألي في بطنك باين عليكي قربت ولادتك حبيبتي

رجاء : قبل أنسى حبيبي عماد كان يبغى يكلمك .

عدنان : بتصل عليهم

ويمسك الجوال بيتصل على عماد في هالحظه يجيه اتصال من صالح

عدنان : هلا صالح

صالح : شخبارك عدنان أن شاء الله ريحتوا

عدنان : دوبك تركتنا من ثلاث ساعات ههههههههههه

صالح : هههههههههههههه لا بس حبيت أقولك أني مسافر
بكره الصباح على النمسا

عدنان : وهو متفاجئ لسفر صديقه أيش عندك

صالح : والله عندي بعثه خمس سنوات

عدنان : الله يوفقك ومتى بتبدأ

صالح : الأسبوع الجاي بس مضطر امشي بكره علشان تقديم
الأوراق ......... كان ودي أجلس معك يا بوفهد بس ظروف
حاكمة

عدنان : تروح وتجي بالسلامة .... ولا تشيل هم تحتاج أي شي
كلمني .

صالح : خيرك سابق يا بوفهد توصي على شي

عدنان : سلامتك خليني اسمع صوتك

صالح : أن شاء الله ........ مع السلامة

عدنان : مع السلامة .

رجاء : والله صالح بن حلال

عدنان : أي والله هذا صديق العمر

رجاء : الله يدومها أن شاء الله

عدنان : آمين

عدنان : فهود لازال نايم صحيه ولا بيسهر في الليل ومابيخلينا
ننام

رحاء : تصدق نسيته ههههههههههههه مدري وش فيه من
ركبنا في الطائرة وهو ينام ويصحى

عدنان : أيه الطيارة مدوخته هههههههههههههههه صحيه

رجاء : حبيبي فهود قوم يالله

رجاء : فهود

رجاء: حبيبي فهود يالله قوم ايش هالنوم ههههههههههه

فهود : وهويفتح عيونه ........ مابي

رجاء : أيش ألي ماتبي قوم خلاص نوم أنت ماكلت شي

فهود : أبي حلووووووووووه

رجاء : قوم أعطيك حلوه

عدنان وهو يتصل بعماد .عماد وهو يرد على التلفون

عماد : الووووووووووووو

عدنان : مرحبا عماد شخبارك

عماد : هلا بو فهد حمد الله على سلامة الوصول

عدنان : الله يسلامك ........ها كيف العمل

عماد: جانا فاكس عاجل بخصوص المناقصه من جده ومصر

لاعتماد دخول منافسين في المناقصة . مطلوب حضوري
او حضورك فباروح عنك لأنك توك واصل السعوديه

عدنان : لا خليك أنت مكانك في الشركه أنا باروح وبخلص
العمل

عماد : اوكيه .

عدنان : تمرني بخدمه

عماد : لا مشكور بس حاول تنجز مهمة المناقصه بأسرع وقت
حتى لا تطير علينا المناقصه

عدنان : لا تشيل هم باخلصها بأسرع وقت أن شاء الله

عماد : وخبرني بالجديد عندك

عدنان : اوكيه مع السلامة

عماد : مع السلامة

عدنان : رجاء شكلك مره بين عليكي التعب اوديكي المستشفى

رجاء : لا حبيبي شوي ويروح التعب........ وش كان يبي عماد

عدنان : مدري شاقولك بس مضطر أسافر بس متردد وأنا
أشوف حالتك كذا

رجاء : فين بتروح

عدنان : بروح جده وبمر مصر علشان المناقصة راهنين حنا فيه
نصف سعر الشركة في هالمناقصه وإذا نجحت راح نرتاح
طول العمر ونكون أمنا مستقبلنا ومستقبل الأولاد

رجاء : وكم يبيلك في هالرحلة

عدنان : بالكثير يومين وأن زاد ثلاثة أيام .

رجاء : طيب حبيبي روح .

عدنان : كيف تبيني اقدر اروح وأنا أشوف حالتك تعبانه مره
وكيف باخليكي في الفندق وأروح ولسى ماخبرت أهلي
بوصولي و باخذ وقت علشان اقنع أهلي بوجودك في حياتي يا
عمري .

رجاء : حبيبي روح ولا تحاتي بجلس في الفندق كلها يومين أو
ثلاثة وترد أن شاء الله .

عدنان : مو هاين علي أتركك في هالحالة .

رجاء : أنا متعودة على سفراتك دايمن وكله كم يوم وبترد بعدين
كوني أحس أني بين أهلي وأن هذي ديارك ألي تربيت فيها
كأني عايشه في وسط أهلي . روح حبيبي ولا تحط في بالك .

عدنان : خلاص أنا باروح بس باتركلك تيلفون أبوي أو واحد
من أخواني لو أحتجتي شي اتصلي عليهم . ولا تترددين

(ويكتب عدنان رقم جوال أخوه إبراهيم ورقم شركة أبوه في
ورقه ويعطيها رجاء .)

عدنان : وهو يكلم استقبال الفندق ويطلب منهم يحجزون على
أول طيارة متجهة لجدة عروس المملكة .

وفي بيت بوعدنان

بوعدنان : منيرة طلبيلي عمك عبدالله على التلفون

منيرة : أن شاء الله

وتتصل منيرة على جوال عمها وتحصله مغلق وتتصل على
البيت ويرد

ماجد : الووووووووو

منيرة : السلام عليكم

ماجد : وهو يسمع صوت بنت عمه هلا عمري هلا بعد قلبي
شخبارك منوره يا حبيبتي

منيرة : هي محرجه وجهها صار احمر مثل الطماطم

بو عدنان : هههههههههههه أكيد رد عليكي طويل اللسان مجود
حبيب القلب أشوف الوجه تغير لون ههههههههههه

مريم : وهي تصب القهوة لأبوها هههههههههههههه

منيرة : أبوي اسكت استحي .

بوعدنان :ههههههههههههههه

ماجد : وهو يسمع كلمة استحي ياويلي انا على ألي يستحون

منيرة : ماجد عطني عمي أبوي يبيه

ماجد : وهو متفاجئ عمي يمك هههههههههه شوفك مو على
بعضك اوكيه دقيقه باناديه .

بوعبداللطيف : هلا بوعدنان

بوعدنان : السلام عليكم

بوعبد الطيف : وعليكم السلام

بوعدنان : ابيك تمرني البيت ضروري

بو عبداللطيف : أن شاء الله بعد العشاء بامرك

بوعدنان : اوكيه . يالله مع سلامة

بوعبداللطيف : في امان الله .... ويسكر وهو مستغرب من كلمة
ابيك ضروري .

نوره : بتروح بيت عمي اليوم .

بوعبداللطيف :..................................

نوره : أبوي ....أبوي أش فيك سارح

بوعبداللطيف : هااااا يوه أش فيك

نوره : أقول بتروح بيت عمي اليوم

بوعبداللطيف : ايوه بغيتي شي

نوره : ايوه أبي أروح معك علشان من يوم الخميس مارحت

بوعبداللطيف : خلاص جهزي نفسك وشوفي أمك كان بتروح

نوره : أن شاء الله

( أم نوره فيها شي من الغيرة والحسد هذا من طبعها تحب ألي
في يد ألغير يصيرعندها وفيها من الفضول كثير في كل شي
تدخل وماتحب عائلة بوعدنان بس تروح تشوف أخبارهم ويش
عندهم جديد)

وفي بيت بو عدنان

خالد في صاله بعد صلاة المغرب هو مع بوعدنان ومريم وإبراهيم ويوسف

خالد : بوي أبي اشتغل في الشركة معك

الكل : متفاجئ

بوعدنان : والدراسة

خالد : أبي اشتغل فترة المساء

إبراهيم : بس هذا راح يأثر على مستواك الدراسي

بوعدنان : كلام أخوك إبراهيم صحيح

خالد: بوي السنة هذي علشانها كلها تطبيق في المستشفيات

يوسف : أيه بوي صح كلامه علشانه آخر سنه له يعلمونهم
التطبيق في المستشفيات

بوعدنان : دام شايفين كذا خلاص

ويقوم خالد يحب راس أبوه وهو مستانس

خالد : متى الداوم

بوعدنان : من بكره لحبيت ......... بس شوف عمك قبل
علشان يحطك في القسم المناسب لك

خالد : بوي أنا أبي أتعلم مو اخذ راتب وبس أبي أدور على
جميع الأقسام وفروع الشركة

بوعدنان : يعجبني كلامك وتمنيت انك تصير أحسن من إخوانك

يوسف : أبوي أحنا مو مقصرين إذا بغيت شي .

بوعدنان : السلفه موسالفة تقصير انا أبيكم تتعلمون وتعرفون
كل صغيرة وكبيرة في الشركة وماحد كان عارف عن الشركة
غير أخوكم عدنان الله يذكره بالخير من أيام دراسة الثانوي
وهويداوم معي إلين صارعنده الحين شركه ويديرها وبعدين
شوفو عيال عمكم بدر وعبدللطيف مساكين فروع الشركة وكنت
اتمنى احد فيكم يديره من بعدي

الكل : الله يعطيك طولة العمر والصحة أن شاء الله

بوعدنان : قوم نصلي العشاء قبل يجي عمكم .

الكل : أن شاء الله

بعد صلاة العشاء وصل العم عبدالله بو عبداللطيف
في صالة الجلوس في بيت بوعدنان

بوعبد اللطيف : خير ياخوي بوعدنان

بوعدنان : أن شاء الله خير قوم مكتبي داخل

بوعدنان في المكتب) ياخوي عبدالله السالفة جتني أخبار
اختلاس في فرع الشركة في جده وأبي تروح تعرف لي شلي
صاير هناك منهو المتسبب في سرقة مواد البناء وبيعها بنصف
السعر في السوق السودة .

بوعبداللطيف : عبداللطيف موجود في فرع جده والرياض
ومبلغني عن موضوع زي كذا وغير أن الأرباح ثابتة من يوم
أستلم عبداللطيف الفرعين جده والرياض .

بوعدنان : لا يروح بالك بعيد ترى أولادك أولادي وحلالي حلالك
بس عبداللطيف يومين في جده ويومين في الرياض يعني
احتمال ماعنده خبر بلي يصير وعلشان كذا أبيك أنت تروح
لمدة أسبوعين أسبوع في الرياض وأسبوع جده وتشف
شوصاير وبدون مايعرف عبداللطيف .

بوعبداللطيف : تامر أمر يابوعدنان ومن يوم السبت أنا باكون
في جده

بوعدنان : مايامر عليك عدو

وفي هالحظه يدق باب المكتب

بوعدنان : ادخل

نوره : السلام عليكم

بوعدنان : نوره حياش بنتي تعالي

نوره : الله يحيك عمي أجيب لكم عصير وكيك مسويته مع مريم

بوعدنان : يعطيش العافيه والله أن عدنان مايستاهلش

بوعبداللطيف : إلا هو شخباره عدنان ياخوي لي تقريبا سنه
ماشفته

بوعدنان : وهو يجلس دوم مسافر يطل على في الشركة ساعة
ويمشي

نوره : طيب عمي انا استئذن منكم .

بوعدنان : الله معش

على ساعه 10 مساء وفي مطارالملك فهد الدولي تقلع طياره
سعوديه متجهة إلى جده وبعد الوصول الساعة 12 في مطار جده

عدنان : يكلم جوال حبيبتي رجاء وصلت أنا بس حبيت اطمنك
عيوني

رجاء : حمد الله على السلامة حبيبي

عدنان : كيفك الحين أن شاء الله خف التعب عندك

رجاء : وهي تحاول تطمن عدنان الحمد الله شكلي بولد على
الأسبوع الجاي بتكون أنت خلصت وصرت عندي

عدنان: أن شاء الله يالله مع السلامة اخليكي ترتاحين

رجاء : راحتي معك مع السلامة

وتسكر رجاء من عند عدنان وهي ميته من التعب وألم الطلق
وينهي عدنان مهمته في جده ويتجه المصر .

بعد يومين في الفندق في الدور الرابع

رجاء : (وهي تبكي من الألم ) ياربي شكلي بولد اااااااااااااااااااه

فهودي : ماما تسيح ( يعني ليه تبكين)

رجاء : حبيبي فهودي نام مانمت أنت نام ........ااااااااااااااااااه
ياربي أي أي اااااااااااااااااااه

وبعد ساعة يغلب النوم فهودي وينام ورجاء يزيد الألم وتبتدي
موية الجنين ودم في النزول .

رجاء : ااااااااااااااه ماقدر ياربي ااااااااااااااااه أي أي بتصل
بالأستقبال يودوني المستشفى (وهذا ماكان يدور في نفس
رجاء )

رجاء : الوووووووووو

موظف الاستقبال : ايوه مدام

رجاء : أرجوك ساعدني بموت من الألم

الموظف : أي دور انتي

رجاء : الدور الرابع اااااااااااااااااااااه أي أي جن ا ح رررقم
اااااااااااااااااه أي اييييييييي

موظف الاستقبال : ايوه مدام .......مدام ....مدام ردي

ويتصل موظف الاستقبال بمكتب مدير الفندق يخبره بالمحادثه
ألي صارت وبعدما حصلوا الغرفة عرفوا من خلال موظفة
الفندق أن حالة رجاء صعبه وبدور مديرالفندق يتصل بالطواري
بمستشفى الولادة والأطفال بلاحساء بعدما شافوا حالة رجاء
وهي مغمى عليها على الأرض .

وبسرعه يتجه الإسعاف على الفندق وينقل رجاء إلى المستشفى بينما فهودي نايم في غرفة الفندق وايئمر مدير
الفندق بوضع احد الموظفات لرعاية الطفل ومتابعة حالة النزيلة
بالمستشفى

وفي المستشفى في قسم الطواري الدكتور ويأمر بدخولها غرفة
العمليات فوراً وفي الاستقبال المستشفى يطلب موظف
المستشفى هوية المريضة ويخبره موظف الفندق أن المريضة
نزيله بالفندق وراح ترسل صوره لهم من هوية النزيلة عندهم .

في هالحظه يخرج الدكتور وهو يتلفت يمين ويسار يبحث عن
أقارب المريضة .

ويجيه موظف الفندق يسأل عن المريضة

الموظف : دكتور بشر كيف الحالة عندك

الدكتور : أنت قريب المريضة

الموظف : لا

الدكتور : بسرعة من أنت

الموظف : وهو مستغرب من كلام الدكتور في شي يادكتور

الدكتور : يوه نبي توقيع ولي أمر المريضة لأجراء عمليه
مستعجلة

الموظف : لا يوجد أي احد في الوقت الحالي وأنا موظف الفندق
ألي فيه النزيلة هذي

الدكتور : انا مضطر أسوي العملية بأسرع وقت وفي هالحظة
تجي الممرضة من غرفة العمليات وتنادي الدكتور

الممرضة : دكتور قلب المريضة بداء يتوقف بسرعة تعال
أرجوك

الدكتور : اوكيه

والموظف سالم في حالة ذهول وأستغراب و بدأ قلبه يحزن على
المريضة يقول في نفسه الله يشفيها وبعد ساعة من الانتظار
يخرج الدكتو وعلامات الحزن في وجه

وفي مصر .

وفي هالحظة عدنان وهو في تكسي يكلم جوال

عدنان : ايوه عماد أقولك خلاص كسبنا الصفقة وأنا الحين راجع
السعودية

عماد: تمام الله يوفقنا أن شاء الله يعطيك ألف عافيه

عدنان : الله يعافيك

عدنان : وخليت نصف أرباح الصفقه بأسمك ونصف بسم الأولاد

عماد : بس يا عدنان هذا كثير وبعدين ايش بتستفيد الشركة من
المناقصات إذا أنت وزعت الأرباح من الحين

عدنان : أولاً مو كثير على خوي وبعدين أنا قايلك إذا رست
الصفقة علينا مافيها خسارة على الشركة بيرجع نصف رهن
الشركة وبيكون سددنا الراهن وأستفدنا من الأسهم

عماد : أنا عاجز عن الشكر لك وسعيد بنجاح مهمتك

عدنان : هذا شي قليل بنسبة لي أنت تستاهل أكثر من كذا
وبعدين أنت متى بتمشي من أمريكا

عماد : أنا حاجز على الأسبوع الجاي أن شاء الله

عدنان : خلاص نلتقي في السعودية أن شاء الله مع السلامة

عماد : مع السلامة

وفي هذي الأثناء يجي إتصال على جوال صاحب التكسي ايمن
وهم في الطريق إلى المطار

ايمن : الووووووووو

وهو معصب يكلم المتصل

ايمن : أنا قلت ماتخرج من البيت يعني ماتخرج وأنا جاي والله
لائتلها ( أي يقتلها )

عدنان : وهو يكلم صاحب التكسي ( ياأخي هد من روعك وأنتبه
للطريق آنت كل ماعصبت تزيد السرعة

أيمن وهو يكلم المتصل : ربع ساعة وحاوريكم أزاي متسمعوش
الكلام

وفي هالحظه يعبر ايمن الاشاره وهي حمراء ويصدم احد
سيارات الشحن الكبيرة وتخش مقدمة السيارة في الشاحنة
وعلى الفور ايمن يلفض النفاسه الأخيرة أما عدنان بين الحياء
والموت .

ويهرعون الناس ألي موقع الحادث من البسطاء والقلوب
الرحيمة للمساعدة .

وبعد يوم من الحادثة

في السعودية مدينة الاحساء في فندق الأنتر مكتب المدير

الموظف سالم : ماحصلنا غير جواز السفر المدام والأبن

المدير: شف في رقم تيلفون او شي

الموظف : لا طال عمرك بس اسم العائلة معروف في الاحساء
من الناس المرموقين ومن كبار تجار البلد

المدير : طيب اتصل على السنترال وأطلب ألي رقم عائلة الولد
فهد

الموظف : أن شاء الله

وفي الشركة الساعة الحادية عشر (11) ظهراً في مكتب

بوعدنان

السكرتير وهو يكلم بوعدنان

السكرتير : طال عمرك بوعدنان مكالمة ضرورية لك من الفندق
الأنتر

بوعدنان : وأيش عندهم فندق الأنتر

السكرتير : مدري بس طالبينك ضروري على التيلفون طال
عمرك

بوعدنان : حول الخط بسرعة

السكرتير : أن شاء الله

بوعدنان : الووووووووووو

مدير الفندق : أنت فهد بن ............................

بوعدنان : ايوه قول أشعندك

وبعد لحظه من سكوت المدير ....

بوعدنان : أشفيك متردد

مدير الفندق : طال عمرك .....................................

بوعدنان : وهو مو مصدق الخبر............... أيش

نهاية الجزء الاول

أتمنى يعجبكم .. وأنتظروني مع الجزء الثاني أن شاء الله
حتى تعرفون ماذا حصل لرجاء .. وماذا حصل لعدنان في
الحادث


لكم ودي وأحترامي

__________________

عزيزي تقدر تسوي بحث في قوقل راح تلاقي الجزء الاول فقط مستحيل تلقي الجزء الثاني لان انا صاحب القصه

واحب اشكرك على المرور وتنويرك صفحتي

ملاحظه الجزء الثاني يتوقف على الردود الحلوه منكم احبائي الاعضاء