|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#86
07-31-2009, 05:50 PM
| ||
| | ||
| رد: مستحيل احبك مستحيل اعيش من دونك الجزء السادس عشر ............. مر خمس شهور على زواج تركي وعهود والكل يسألهم عن سبب تأخر الحمل عند عهود وكانوا يجوبون ان الله ماكتب ..في الصالة جالسين يتفرجون على التلفزيون :تركي واله اشتقت لاهلي حرام عليك شهرين ماشفتهم تركي:............... عهود: تركي تركي:طيب جهزي الشنطة بكرة بننزل عهود فرحانة: صدق مشكووووووووور تركي وهو ياشر على خده: ماينفع كذا مشكور حاف قامت عهود وباسته على خده: عشان ماتهون بس تركي"وانت ماتخلين احد يتهنى لازم تنقصينعلي":يلا قومي جهزي قامت عهود وطلعت شنطتين وبدت ترتب اغراضهم ودخل تركي :ليه هالشنطتين عهود: لك وحدة ولي وحدة تركي: وليه عهود: لو حطيتهم في شنطة وحدة بتتوهق انت وبتصير رايح جاي بيت اهلي تركي: وليه اروح بيت اهلك عهود: اذاوديت شنطة وحدة بتكون معاي بيت اهلي تركي: ومن قال انك بتنامين عند اهلك عهود: بس احنا متفقين اذا نزلنا اروح تركي: هذا كان قبل ومكانك معاي بيت اهلي مو عند اهلك عهود: بس تركي يقاطعها: شوفي من الحين اذانزلنا في بيت اهلي ولا مافي نزله عهود مبرطمة : المهم اشوف اهلي تركي: بتشوفينهم عهود: وبتخليني اروح الاربعاء والجمعة تركي: افكر عهود: مايصير كذا كفاية انك حرمتني من النوم عندهم ماراح تخليني اروح لزورتهم تركي: خلاص لاتسوين لي مناحة عهود: بتخليني اروح تركي:............................ عهود:تركي تركي راح ووخر الشنط عن السرير : خلي الكلام بعدين عهود: مو وقته تركي يحرك حواجبه: وقته ونص عهود:اففففففففف تركي:ها اهون عهود:لالالالا تركي: حريم ماتجي الابالعين الحمرا وطفوا النور .......................................... اليوم الثاني تركي: عهود جهزي لك شنطة ثانية عهود: بتخليني انام عند اهلي تركي: مو الحين السبت وخليهم يكفون لك لمدة شهر عهود: ليه ..بطلقني تركي حزت الكلمة في نفسه: لهدرجة تبين الفكة عهود:............................................. ................... تركي"اه ه ه يامقسى قلبك ياعهود":لا تفرحين انا عندي دورة عمل عهود: طيب ليه الهذرة وتطويل السالفة على الفاضي خلني اروح بيت اهلي من اليوم تركي: لاتطولين السالفة وهي قصيرة بتكونين معاي لحد مااسافر عهود: اروح اجهز شنطتي احسن وقامت عهود ورتبت اغراضها وحركوا المغرب ووصلوا ونزلوا الاغراض ودخلوا وسلموا على اهله والكل كان مستغرب ان عهود معاه وماراحت بيت اهلها بس ماحبوا يدخلون بالموضوع تجمعوا خوات تركي وتعشوا عهود: تركي متى بتوديني بيت اهلي تركي ببرود: لاحقه عليهم عهود: أي بس انت عارف ان صار لي فترة ماشفتهم تركي: ماراح يغير شئ اذا ماشفتيهم اليوم جلسي هنا ويوم الجمعة اوديك عهود: بس تركي: عهود لا تبسبسين لي قلت لك يوم الجمعة اوديك وسكري الموضوع عهود جاتها الصيحة بس امسكت نفسها : رغد رغد: هلا عهود: مافي مكان نجلس احنا البنات لحالنا تركي بلقافة: منو البنات عهود: انا وبنات خواتك تركي بخبث وصوت واطي: هم بنات أي بس انتي لا عهود : وليه شايفني رجال تركي: لا من قال عهود: انت مو تقول اني مو بنت تركي: كنت بنت بس الحين صرت مرة ولا نسيتي عهود قلب وجهها مية لون :رغد يلا خلينا نقوم تركي:هههههههههههههههههههههههههههههههههههه ام عادل: شفيك تركي ضحكنا معاك تركي: ههههه لا" وهويطالع عهود"بس تذكرت نكتة عهود استحت من نظرات تركي وقامت مع رغد بسرعة ودخلوا بمقلط الحريم مع بدور وسمر وخلود ومها ونورة نورة:عهود عهود: هلا نورة وهي حامل بالشهر الثالث:مافي شئ بالطريق زيي عهود: لا تو الناس خلود: وين تو الناس صار لكم خمس شهور من تزوجتوا عهود: عادي وبعدين لاحقين على العيال مها: افف خلود: شفيك مها: بتفتحون سالفة العيال كان جلستوا مع خالاتي عهود: صادقة رغد: عندي فكرة بدور: وش هي رغد: نلعب لعبة الصراحة سمر: فاضية اانت رغد: نضيع وقت عهود: انا موافقة نورة: وانا بعد خلود ومها: واحنا بعد رغد: الموافقة بالاغلبية يلا نبدأ وجابت رغد قرشة بيبسي وبدت تدورها لحد ما وقفت عند نورة والي تسالها سمر سمر: اممم..مرتاحة مع راشد لحد الحين ولا ندمت انك تزوجتي نورة: لا ماتوصل اني ندمت بس احيانا افكر باني لو مطولة فترة الخطوبة كان تعرفت عدل على طبع راشد بس على العموم الحمدالله مرتاحة لفوا القرشة مرة ثانية ووقفت على خلود والي يسالها نورة نورة: وشو اكثر موقف محرج صار لك مع زوجك خلود:هههه وش هالسؤال نورة: جاوبي لا تضيعين الموضوع خلود:ممم..اول ما تزوجنا كنا جالسين مع اهله وكانت امه تسولف عن الدورة من غير ماتنتبه لوجوده ولما رحنا على البيت جالس وقالي ودي اسالك سؤال قلت له اسال قال وش هي الدورة عاد انا قلب وجهي طماط من الاحراج وسكت قال لي ماجوبتي هي تجيك ولا بس الحريم الكبار قلت له طيب روح اسال امك قال سالتها وقالت لي اسال مرتك وانا جيتك وقلت له كل شئ عنها الكل:هههههههههههههههههه رغد: من صدقك مايعرف عنها شئ خلود: والله انت عارفة ان وقته ماكن ملكه وكان كل وقته بالشغل وما يهتم بالنت زي الشباب ومايطلع مع ربعه كثير مها: صج ان زوجك نكته خلود: هي ما اسمح لك عاد سمر: صدقيني كان يستهبل عليك مافي رجال مايعرف نورة: صادقة والله اول مانبهني عنه راشد عنها قال مابي اشارات ليلة الزواج بدور: ههههههه يبي يكيف الرجال نورة: صادقة ولفوها مرة ثانية وجات على عهود والي تسالها بدور بدور: وانت مراهقة حبيت احد من اهلك او مو من اهلك او اعجبت باحد عهود: لا بدور: عادي مراح نقول لخالي لانك كنت مراهقة وطبيعي انك تميلين لاي احد عهود: والله اني ماحبيت ولا اعجبت باحد بدور: ليه عهود: لاني ببساطة ماعترف بشئ اسمه حب او اعجاب بدور : يعني ماملتي لعيال خلاتك او خوالك عهود: ابدا لانهم اخواني بالرضعة لان جدتي ارضعتني بدور: وعيال عمامك عهود: مافي الا زياد وزياد مستحيل حتى افكر فيه بدور بفضول: ليه عهود: عطيتك وجه اشوف اللعبة سؤال واحد وانت سالت اكثر من سؤال لفوها مرة ثانية وجات على عهود والي تسالها سمر عهود: لالا غش مايصير دوري مرتين رغد: والله انت شفتي انها دارت دورة كاملة يعني مافي غش سمر: قلتي انك ماحبيت او اعجبتي باحد وانت مراهقة طيب الحين حبيتي خالي عهود: الصراحة سمر: اكيد عهود: لا الكل استغرب منها مها: يعني تكرهينه عهود: طبعا لا بس ماحبيته ومو شرط انه زوجي ولازم احبه نورة: بس شلون عيشين مع بعض اذا ماتحبينه عهود: الحب مش لازم لان الحب يموت على طول السنين بس الي يستمر العشرة الي بينهم وتقدورن تقولون اني لسه مابديت احبه بس يمكن احبه على مر الوقت رغد: طيب ليه ماحبيتيه عهود: لاني قلت لك اني ماعترف بشئ اسمه حب سمر: وخالي يعرف عهود: أي لان علاقتنا قايمة على الصراحة سمر: وراضي عهود: مااعرف بس هو مااعتراض رغد: والله مسكين هالخال الله قطه بواحدة الرومانسية بقارة وهي بقارة ولفوها مرة ثانية وجات على عهود والي تسالها رغد عهود: ماصدق مؤامرة رغد:طيب ليه ماحبيتيه عهود: لان لسه ماعرفنا بعض كويس رغد: بس كان عندكم فترة الخطوبة عشان تتعرفون على بعض عهود: فترة الخطوبة موهي الفترة الي ممكن تتعرفين فيها على زوجك رغد وعلامة الاستفهام مرسومة على وجهها: ليه عهود: لا فترة الخطوبة مايكونون على طبيعتهم وكل واحد يحاول قد مايقدر مايظهر مسوائة لشخص الثاني وغير كذا انا افكر بعقلي قبل عواطفي ودق جوال عهود:هلا وغلا باغلى ناسي ام عبدالله: هلا حبيبتي شلونك ان شاءالله بخير عهود: الحمدالله وانت شلونك ام عبدالله: بخير يوم سمعت صوتك عهود: وشلون عمور وعبدالله ام عبدالله: يسلمون عليك عهود: الله يسلمك ويسلمهم ام عبدالله: ماجيتي عهود: تركي مو راضي ام عبدالله: ليه عهود: لان بيسافر يوم الجمعة عنده دورة وبيجيبني عندكم لمدة شهر ام عبدالله: اذا كذا مسامحته ومتى بتجين عهود: يوم الجمعة ام عبدالله: على خير ان شاءالله يلا مع السلامة وسلمي على تركي عهود: يوصل يلا حياك ام عبدالله: الله يحيك وسكرت من امها رغد: يلا نرجع للعبة عهود: لا ماابي شكل هاللعبة حاطة علي ودخل تركي عليهم : شتسون سمر: نلعب تعال العب معانا تركي: لا مالي خلق لعبوا انتوا كفاية ولف على عهود: يلا عهود عهود: وين تركي: ننام عهود:بس انا مافيني النوم تركي: يجيك النوم خلصي قومي " وعطها نظرة تهديد" فهمت عهود وقامت وراحت معاه على الجناح الخاص فيهم عهود: انت بتنام بس انا مافيني النوم غصب تركي يحوط خصرها ويقربها منه : ومن قال اني فيني النوم عهود: انت تركي:والله الي اعرفه ان اللبيب بالاشارة يفهموا عهود عرفت قصد تركي وبخبث قالت: بس انا اليوم محرمة عليك تركي عصب : شلوووووووووون عهود: شفيك ليه معصب تركي: لا سلامتك مافي شئ ..وانت ليه مااخذت لك حبوب تمنعاها عهود: وليه امنعها بعد تركي : لا يعني مو عارفة اني بسافر الجمعة انتظرتي لحد ماسافر عهود: لا تبيني اقولها لاتنزلين الحين لان الاستاذ تركي ماوده بك تركي : عهود مسكي لسانك مالي خلق عهود: طيب اروح للبنات تركي : انثبري مكانك عهود: طيب انت بتنام وانا مافيني النوم خلني اروح تركي: عناد لك مافي ويلا انخمدي عهود:طيب انا وش ذنبي تركي: لو انك مرة عدلة كان نظمتيها لحد ماأروح عهود: اففففف تركي: لا تتأفيين وخمدي عهود: مافيني نوم غصب تركي: ايه وراح قفل الجناح وحط المفتاح في جيبه وانسدح على السرير عهود: انت بتنام وانا شسوي تركي: قلت لك نامي ولا اقول تعالي سوي لي مساج خلي فيك منفعة على الاقل عهود: لا ماابي بنام تركي : أي تهربي مثل ماتتهربين من واجباتك عهود: نام نام بس وراحت انسدحت وطفوا الانوار وتركي من القهر نام اما عهود تمت تتقلب لحد ماجاها النوم يوم الجمعة وعهود تجهز اغراضها لانها بتروح لاهلها عهود : يلا تركي انا جاهزة تركي يلا بروح اصلي وارجع اشوفك جاهزة عهود: طيب وطلع تركي اماعهود راحت تصلي العصر قبل لا يأذن المغرب لان تركي صلها بالبيت وماقدرت تصلي وهي خذت هالفكرة من رواية قراتها من النت بس من سؤ حظها رجع تركي لان نسى مفاتيحه وتفاجأوراح لعندها: مو تقولين ان ماوراك صلاة عهود توهقت ومو عارفة وش تقول :................. تركي عاقد حواجبه : تلعبين علي ها عهود:.................................. تركي: انا اوريك بس خليني ارجع ان ماطلعت روحك مااكون تركي وطلع بعدين رجع: بيت اهلك مافي الا لما اروح المطار يعني اخر الليل وطلع بعدين رجع تركي:لما ارجع اشوفك مرتبه شكلك فاهمة"وهو يصرخ" عهود:.......................... تركي : انا جالس لك لاخر الليل ياعهود ان ماطلعت حرة هاليومين مااكون تركي فاهمة عهود" ياويلي": ........... تركي: ماتجاوبين فاهمة عهود بارتباك: ايه وطلع تركي وقفل الجناح وراح يصلي ومارجع الا بعد صلاة العشاء ولما دخل الجناح كانت عهود لابسة قميص نوم سكري قصير للركبة ومسيحة شعرها بس مو عشان خوف منه بس عشان مايحرمها من الروحة لبيت اهلها عهود ترقع: شرايك تركي يطالعها ببرود:في ايش عهود: بالقميص تركي وهويطفي الانوار ويمسك خصرها: مايهم"بصوت واطي عند اذنها".......... الساعة واحدة راحت بيت جدتها وراح تركي المطار وقبل لايروح قال انه حط بحسابها مصروفها واذا احتاجت زيادة تدق عليه وكان منقهلا منها لانها ماكلفت نفسها تساله وين مسافر ومتى راجع ولا حتى ودعته نزلت من السيارة من غي ماتقول شئ ودخلت وسلمت على اهلها وجلست مع امها وخالتها وقالت لنجود وفروحة يجلسون الاسبوع هذا بيت جدتهم وقالوا لاهليهم ووافقوا وبعدها مشوا خالاتها وخوالها الساعة ثلاث الفجر وراحوا البنات لمقرهم وجابت عهود معها لاوزم السهرة واتفقت مع خالها بسام يوديهم بكرة يقضون لهم لاوزم لسهرات الاسبوع نجود:عهود ليه تأخرتي عهود:سكتي ياشيخة نجود:ليه شصاير عهود وهي مبرطمة وقالت لهم السالفة نجود وفروحة:ههههههههههههههههههههههههههه عهود:ضحكوا شعليكم انتوا مو فيكم فروحة:انت الي جبتي لنفسك من قال لك تقصين عليه عهود: قلت ابي اخذ حقي منه بعد ماحرمني من بيت اهلي وقلت لما يروح ويوصل اقول له واخليه يموت قهر بس للاسف صادني نجود:ههههه والله هههههه ماحد هههه قال لك تلعبين عليه عهود: والله طلع عيوني الظالم ولا مأخذ له حبة ناقصة انا فروحة: لا يكون الي خبري خبرك عهود: اييييييييه فروحة انسدحت :هههههههههههههههههههههههههههه نجود:لعبت مع واحد اذكى منك ياعهود فروحة: وانا اقول شفيها مشيتك عهود: لاتذكريني وانا ليه جيت هنا الاسبوع هذا عشان كذا والله ان جسمي وخاصة بطني وخصري موسمين من ايديه من كثر مارص على فروحة: وريني اشوف قامت عهود وكشفت بطنها لهم وهم ضحكوا عهود: والله ذبحني واقوله خلاص يقول خليني اطلع حرتي ولا ماقهرني الا يوم قال وهي تقلد صوته" اتمنى انك تعيدين عملتك هذي لا الصراحة شعور حلو لما يأخذ الواحد حقه بعد القهر" الكل: هههههههههه عهود: بس خلاص رحموني ابي انسى فروحة: انت قلت لنا رؤوس الاقلام قولي التفاصيل عهود: استحي على وجهك اذا تزوجتي بتعرفين فروحة: أي بس الوحدة اذا تثقفت احسن عهود: زوجك هو الي يثقفك على طريقته فروحة: متى يجي بس عهود: الحمدالله والشكر مفجوعة انتي فروحة: شعليك متزوجة وخالصة نجود: ماعليك من الهبلة بس ماقلتي وين فيه الدورة عهود: والله تصدقين ماادري نجود بشهقة: عهيد من صدقك انت في مرة ماتعرف وين زوجها مسافر عهود: والله لما تكون الزوجة تحب زوجها بتهتم لكن انا ماحبيته ولا بحبه نجود: حرام عليك ياعهود كذا بدمرين نفسك وبدمرين حياتك عهود: وليه ادمر حياتي يعني لازم احبه غصب نجود: لاتحبينه بس خلاص تقبلي حياتك معاه عهود: لا ماابي نجود: انت عارفه ان مصيرك اذا تطلقتي ولد عمك زياد عهود: مستحيل وبعدين هو مايرضى على نفسه يأخذ له واحدة مو بكر نجود: بيأخذ لان الي سمعته ان امه تبي تزوجه وهو مو راضي يقول بيستناك لما تطلقين عهود: وهو شعرفه اني بتطلق من تركي نجود: ماادري بس الي اعرفه انه يبك ومااحد يقدر يمنعه ياخذك لو تطلقتي وانت عارفه ابوك عهود:................. فروحة: سمعيني تمسكي بتركي ياعهود قبل لا يمل منك ومن اسلوبك ويطير من ايدك لان تركي كل بنت تتمناه وحمدي ربك انه من نصيبك لان هو الوحد الي يقدر يغير رايك بالنسبة لزواج والحب عهود:............................... نجود: لاتقولين شئ الحين وفكري ياحبيبتي لان الطلاق مو من صالحك وانت عارفة ان زياد يشبه طبع ابوك بس هو العن بسبب صياعته عهود: بس خلاص سكروا الموضوع لو سمحتوا فروحة: بنسكره بس بشرط تفكرين بالكلام الي قلنه لك توعديني عهود:................ نجود: امانة عهود ماراح اقول حبيته بقول ماتقبلتيه عهود:................. نجود: جاوبيني عهود: يه نجود: حلو وهذي بداية طيبة ومو شرط بنجاح الزواج اهم شئ الاحترام يكون بينكم يعني لاتحبينه احترميه وقدري الاشياء الي يسويها لك مثل ماهو يحترمك وبكذا بتعيشون بسلام فروحة: توعديني تفكري عهود : اوعدك نجود: وهذي عندك فرصة وانت بعيدة عنه عشان تفكرين عدل عهود:طيب قوموا ننام صدعتوا راسي نجود: اوكي بس قبل لاننام عندي طلب عهود: الي هو نجود: مادامك ماتعرفين هو وين مسافر وعلى خبري فيك اكيد حتى وداع زي الناس ماودعتيه ابيك ترسلين له رساله تطيبين خاطره فيها عهود: نو وي فروحة: الله يخليك عهود على الاقل تعطينه بصيص امل انك ممكن تتقبلينه لان هو بعيد عنك ويمكن ابليس يلعب بعقله ويفكر ان مافيه امل فيكم ويتركك وهو هناك نجود: يالله كانك تعزينا مثل ماتقولين بتنفذين طلبنا عهود:طيب بس سكتوا ذبحتوني صارت شعبيته عندكم عاليه اشوفكم صرتوا بحزبه فروحة ببتسامه : احنا مع الصح طلعت عهود جوالها ودورت لها مسج مناسب وارسلته تركي كان بينام يوم جاه المسج ويوم انه قراه"هل تسامحني؟ اعلم اني جرحتك .. اعلم بأنني أخطأت .. اعلم بأنني خدعتك.. اعلم بأنني كذبت عليك.. لكن اعلم اني بدات اتقبل حياتي معاك" تركي استغراب وكان فرحان بس راحت فرحته لان خاف انه يكون مثل المرة الي فاتت وارسل لها"لا ياعهود انا مو مغفل تضحكين عليه ماراح تلعبين علي مرة ثانية " عهود: شفتوا ليتني ماارسلت نجود: لاتلومينه الي جاه منك مو اشويه فروحة: رسلي له مرة ثانية واثبتي له انك صادقة نجود: وماراح تخسرين شئ عهود: بشوف اخرتها وارسلت له"في عشرتك ما شفت انا غير الاخلاق تعلا وترقا في اطباع رفيعه تدري بقلبي صار لك مكانه هذا لانك تسعد القلب لاضاق ولانك اذا جار الزمن ماتبيعه ] وصدقني ان هالكلام طالع من قلبي والايام بتثبت لك[" تركي "ممكن تكون تقبلتني بس ليش تقول كذا يوم اني سافرت ليه ماقالته وانا عندها "ورسل لها"اتمنى ذلك ومثل ماقلتي الايام بتثبت اذا كان كلامك صحيح ولا كذب" ارسلت له"صدقني صحيح بس في سؤال وادري اني مااستاهل انك تجاوبني عليه بس عارفه كرم اخلاقك واكيد بتجاوب انت وين فيه دورتك" ارسل لها تركي"مع انك ماتستهلين مثل ماقلتي بس بقول لك بجدة " ارسلت له " ترجع بالسلامة ان شاءلله ولنتبه لنفسك" تركي مو مصدق ان الي ترسله عهود وارسل"انت متأكده انك عهود والا مغيرينك" ارسلت له عهود"هههههه والله انا عهود بشحمها ولحمها" ارسل له"اوكي يلا تصبحين على خير " ارسلت له"وانت من اهل الخير" نجود: ها نقص شئ منك يوم ارسلتي له بالعكس انتوا الحين بديتوا خطوة من خطوات حياتكم الي ان شاءالله تكون كلها سعادة.....وراحوا ينامون على الساعة تسع راحوا العثيم مع بسام :يلا روحو واذا خلصتوا دقوا علي انا فوق عند المطاعم ولا تتأخرون مواعد الشباب عهود: خلاص انت روح لربعك واذا خلصت تعال بسام:هاهاها تنكتين حضرتك يلا يالقزمة روحي بس روحي عهود: لاتقول قزمة بسام: والله قزمة يعني نجود امنابالله اكبر منك واطول منك بس فريح اصغر منك واطول منك شلون ماتصيرين قزمة بعد عهود: خااااااالي بسام: بس لاتصحين علينا روحي عهود: ان شاءالله تصير مرتك اقزم مني بسام: اها تعترفين انك قزمة نجود: خلصي بس لو نقععد معاكم كذا على هالحال ماتسوقنا فروحة: أي والله ودخلو السوبر ماركت ومعاهم عربيتهم الي امتلت من الشيبسات والكاكاوت فروحة: شبغى بعد عهود:ممممممم ....شوفي هذا الشيبس شكله غريب جيبيه نجربه ودق جوال عهود نجود: منو عهود: تركي نجود: ردي طيب عهود: هلا تركي تركي: هلا بك عهود: كيفك تركي : تمام وانت عهود: الحمدالله تركي: وش ذا الازعاج عندك عهود: لاني برا تركي: وين برا عهود: بالعثيم تركي : من معاه عهود: تركي هو تحقيق تركي: لا يعني اسألك صار تحقيق وين تقولين انك تغيرت عهود: خلاص ولايهمك احنا البنات اتفقنا ننام بيت جدتي وجينا هنا نقضى للسهرة تركي: اها بس ملاحظة مهمة عهود: الي هي تركي : هم بنات أي انت لا انت مرة ولا نسيتي الي صار امس عهود حمر وجهها من تحت الغطا: تركي تركي: هههههههه عهود: لا تجلس تدقق على كلمة اقولها تركي: بدقق شوفي الاخطاء الي تطلع من فمك عهود تغير الموضوع: شلون الجو عندكم تركي:مووووووووووت حر عهود:هههههههه الله من قلب تقولها تركي: والله موت ورطوبه بعد وانتوا شلون الجو عهود: مم زين يعني لسه ربيع لاهو حر حر ولا برد تركي: يعني عهود: يعني بدينا نستخدم المكيفات بسام: قزيمة خلي عنك الهثرة وخلصي وراي مشوار عهود: قلت لك لاتقول قزمة بسام: كيفي قزمممممممة تركي: عهود عطيني خالك عهود ببزارة: شوفه يقول لي قزمة تركي: عطيني اياه عهود: خذ تركي يبيك بسام: يتخوفيني انت وجههك برجلك واخذ الجوال منها : هلا بالنسيب تركي: هلا بك بسام : شلونك تركي: تمام المهم لاتضيع السالفة بسام:هههههه مايفوتك شئ تركي: لا ولا اشوفك تقول على مرتي قزمة سامع بسام: اذا هي مرتك انا خالها يعني اقول الي ابيه تركي: بسام ترا حسابك بيكون عويص اذا رجعت بسام: بس لا تهدد خلاص مو قايب حشى محامي دفاع تركي: ان مادافعت عن حرمتي لمين ادافع بسام:لصاحبك الله دنيا قبل كنت ماتستقني عني والحين جات المرة وجطلتنا تركي: مدام معاي القمر مالي ومال الصخول بسام: صخول ها لاتخليني اطلع حرتي بمرتك تركي : جرب بسام : وانا اقدر هذي الغالية بنت الغالية تركي: هذا العشم بس مااوصيك عليها واذا حسيت ان ابوها ضايقها لا بسام يقاطعه: لاتوصي حريص وارقد وامن عهود بامان تركي: وهذا الي مطمني انك وراها ويلا اشوفك مصختها وين مرتي بس بسام: أي الله لنا هاك عهود: هلا تركي: اهلين وهذا هزئنه لك عهود: مشكور تركي : العفو عهود: طيب يلا تركي : شفيك تبين الفكه انتي عهود: لا والله مو قصدي بس مااعرف اخذ راحتي وانا بره بسام: عاش مصرف عهود: توكل انت بس تركي: نعم عهود:مو انت تركي: على بالي عهود: يلا اكلمك بالليل تركي: اكيد ولا تصرفيني عهود: اكيد تركي: سمعي اخذي الي تبين واذا نقصك شئ قولي لبسام يعطيك وانا اعطيه بعدين عهود: لا مشكور الي عطيتني يكفي تركي: انا قلت اذا احتجت قولي ولا تقولين يكفي عهود: طيب تركي : يلا مع السلامة عهود: مع السلامة وسكرت بسام: الله كل هذا للاسبوع فروحة: واشوي بعد بسام: والله بتخسروني انتو بس لا تاخذون شئ زيادة عهود: من قال انك انت الي يتدفع بسام : مين اجل عهود: انا بسام : اقول ماعندنا بنات يدفعون نجود بصوت واطي : ماسمعه تركي عهود: اكلي تبن نجود: ههههههه وراحو حاسبوا بعدها طلعوا عند المطاعم وتعشوا ولما كان بسام يجيب العشاء الشاب: ياحلو عطنا نظرة فروحة: ياثقل دمهم ولي يعني مايفكونا نجود: وهذا بعد في صيع يبونهم يعطونهم وحه ومافي فايدة يروحون للي محترمين انفسهم عهود: تركوه بس الشاب رمى الرقم عليهم: انتظر منكم اتصال وجى خالهم بسام: خير يالاخو في شئ الشاب : لا سلامتك وراح وجلس بسام: سوى لكم شئ نجود: تركه يولي بس وخلنا نأكل ميتين جوع بسام: اكيد بتجوعين خميتوا السوبر ماركت كله عهود: خالي بتمن علينا وتعشوا وانبسطوا وبعدها ودهم بسام البيت وراح هو لعند ربعه بالاستراحة
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة  عضوة فى شله هيناتا  عضوة فى شله البرنسيسات شلة لكل البنات عضوه في بوكمون (لمحبى الانمى) |
|
#87
07-31-2009, 05:53 PM
| ||
| | ||
| رد: مستحيل احبك مستحيل اعيش من دونك عيزاكم تردو على التكملة عيزة ردود حلوة بس مش احلى منكم طبعا ياللى انا انتظر
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى) |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مستحيل | εïз][šнєяy | أرشيف المواضيع الغير مكتمله او المكرره او المنقوله و المخالفه | 674 | 07-14-2009 11:09 PM |
| قصة خوفي من الحب.... | اكوس وحدة | أرشيف المواضيع الغير مكتمله او المكرره او المنقوله و المخالفه | 2 | 11-20-2008 11:25 PM |
.gif "thanks")
طبعا وهية بعد احلى بوجودك وشكرا علة التكملة
العرض العادي
