|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#111
08-03-2009, 07:19 PM
| ||
| | ||
| رد: مستحيل احبك مستحيل اعيش من دونك الجزء العشرون............. رتبت عهود اغراضها وحطهم تركي بالسيارة وبعدها راحو مطعم تغدوا فيه بس عهود مالمست اكلها وحاول تركي معاها بس هي عندت لانها كانت مو مشتهيه حتى ريحت الاكل وراحو لبيت اهله تركي وعهود: السلام عليكم الكل: وعليكم السلام ام عبدالرحمن: الحمدالله على السلامه ياوليدي تركي يحب راس امه: الله يسلمك ام عادل : الحمدالله على السلامه تركي :الله يسلمك رغد ومها يحبون راسه: الحمدالله على السلامه خالي تركي: الله يسلمكم ام عبدالرحمن: شلونك يابنتي عهود: الحمدالله خالتي وانتي شلونك ام عبدالرحمن: الحمدالله بس يابنتي ليه وجهك اصفر كذا تعبانه عهود: لا بس تدرين سهر وقلة نوم رغد: عهود قومي نروح الغرفه الثانيه تو عهود بتقوم الا تركي سحبها وجلسها : وين وين عهود: بروح معاهم رغد: خالي خلها تجي ولهانين عليها تركي يحط ايده على كتف عهود: والله مو انتوا بس الولهانين عليه وانا بعد رغد:خالي ترك عنك نذالتك انت بتصير عنك ارع وعشرين ساعه بوجهك اما حنا لا تركي: يالله اتكلي بس حتى مرتي يتشاركوني فيها مها : خالي اثقل مو طايرة البنت تركي: ايش قلتي ماسمعت مها: مو طايرة البنت تركي: تصحيح لكلامك عهود مرة وليست بنت رغد: ابوك ياللغه العربيه عهود حمر وجهها وقلب مية لون بصوت واطي: تركي تركي ماسك نفسه لا يضحك: هلا عهود: اترك عنك ثقالة طينتك مو هنا بعد تركي: هنا وهناك وفي كل مكان عندك مانع رغد: ياهو نحن هنا تركي: ماتقومون تضفون وجيهكم رجال صار له شهر ماشاف زوجته وقاعدين نشبه مها : والله عندكم غرفتكم خذوا راحتكم فيها عهود تأشر لمها بمعنى انثبري رغد ومها:ههههههههههههه تركي: شعندكم رغد: سلامتك ماشئ تركي بنظرة: اقول قلبي قومي ابي اريح عهود: روح انت انا بجلس تركي يقوم ويمسك ايدها: لا مافي تجلسين قومي طلعي لي ملابسي عهود بصوت واطي: من متى انا اطلع لك ملابس تركي: من اليوم ورايح بطلعين لي عهود: طيب روح انت بجلس تركي يسحب عهود: نو نو وراح تركي مع عهود لجناحهم وراح الحمام يتروش بعد ماقفل باب الغرفه عشان ماتطلع وفسخت عهود عبايتها وكانت لابسه فستان نعوم لنص الساق ابيض ومشجر جبينيز ورافعه شعرها وحطه كحل وغلوس وجالسه على الكنبه متمملله طلع تركي ولاف المنشفه على خصره ويمسح راسه لفت عهود عليه بتقول له انها تبي تطلع بس على طول لفت وجهها اول مرة تشوف تركي كذا: هي انت روح البس تركي راح لعندها ووقفها وبصوت رايق: اظن لي اسم عهود منحرجه :طيب روح البس تركي يسحب الكليب من شعرها : كذا احسن عهود تتهرب من انها تشوفه:.............. تركي يلف عهود ويناظرها: ممم عهود: تركي روح البس تركي: ليه البس عهود: بتجلس كذا تركي : عادي عهود: تركي تركي: عيونه ..اقول عهود عهود: نعم تركي: شرايك اوريك شلون السلام الي اقصده عهود بتروح عنه بس هو مسكها : تركي وخر بطلع لك ملابس تركي يقرب عهود منه وباسها : بعدين قلبي بعدين ..................... بعد صلاة العشاء :تركي اصحى تركي:مم عهود: قوم صل العشاء تركي: اذن عهود: اذن وصلو بعد تركي: اوف ليه ماجلستيني عهود: انا توني صاحيه تركي: اهم عهود: هذا ملابسك جاهزة وانا بطلع للبنات تركي: تعالي تعالي عهود: نعم تركي: لاحقه على البنات ماراح يطيرون انتظري لحد مااخلص وطلعي معاي عهود: بس انت بطول على ماتحمم وتجهز اجلس هنا شسوي تركي يحط ايده على ذقنه انه يفكر: مم..طيب ليه ماتتحممين معاي عهود تبلع ريقها: ها تركي ماسك ضحكته: اقول ليه ماتتحممين معاي عهود: لا لا انا تحممت وخلت قوم انت تركي يروح لعندها ويحوطها من خصرها: ابيك معاي عهود تحاول تفك منه: تركي روح صل العشاء لا تأخرها اكثر من كذا تركي بصوت رايق وواطي: لا تغيرين موضوعنا ابيك معاي عهود حمرت من الاحراج: تركي اترك عنك ثقالة الدم واتركني وروح صل تركي: تدرين انا اذوب لما اشوفك مستحيه ومنحرجه كذا ومااقدر اقاومك عهود: تركي الصلاة مايجوز تأخرها تركي وهو يترك عهود : احمدي ربك ان وراي صلاة ولا والله ماتركتك عهود تسرع لباب : يلا صل تعال تركي وتوه منتبه: عهود عهود: نعم تركي: تعالي عهود: تركي روح صل احسن لك تركي: بصلي بس انتي تعالي اشوف وش لابسه عهود" لاحول الله":فستان يعني وش لابسه تركي: ادري انه فستان بس مو كأنه قصير عهود: لا مو قصير هو عند الساق ويغطي اكثر من ثلاث اربعاها تركي يقز: طيب مو مفصل جسمك عهود" الله يطولك ياروح": طيب عادي اجل اخليه وسيع على تركي : لا بس مايكون مظبوط كذا عهود: تركي لا تصير معقد الفستان عادي ومافيه شئ وبعدين انا بجلس مع حريم مو رجال يعني ماراح يقزون مثلك تركي بنظرة : عارف انك مو جالسه عند رجال بس ممكن اخواني يجون وعيال خواتي يجون عهود تنرفزت: والجلال وش فايدته تركي:بس عهود تقاطعه: قلت لك لاتصير معقد وبعدين الحمدالله انا محترمة نفسي ولما يدخلون اخوانك او عيال خواتك انا بقوم من المكان زين تركي: اعصابك عهود: تركي والي يرحم والدايك ترا واصله عندي مو بعدين تقولي لا تطولين لسانك مو متحملتك ترا تركي: انجنيتي انت شصارلك توك زينه عهود وصلت حدها: منك ومن قرفك ياخي صاير تقرف شكلك وريحتك وكل شئ فيك تركي عصب : لا انتي انهبلتي اكيد عهود: اففففف وطلعت من الجناح وراحت للصالة بسرعه وتركت تركي مفور "شفيها ذي توها مافي احسن منها وفجأة انفجرت ولا الحمارة تطلع وتسفهني بعد انا اوريك ياعهود بس نرجع لبيتنا "وراح يتحمم وبعدها صلى وراح عند اهله و شاف عهود مبسوطه ولا كانه صار شئ بس لما شافته كشرت ولفت عنه وانقهر منها وجلس يتقهوى معاهم عهود: يلا رغد قولي لامك بس الاسبوع ذا رغد: بس اخاف ماترضى وبعدين تو خالي جاي من سفر ونروح معاكم فشله عهود: لا فشله ولا شئ بالعكس بتونسيني لاني امل لحالي هو يروح الدوام وماعندي حد رغد بغمزة: اخاف نخرب عليكم تدرين صار له شهر ماشافك عهود تخبطها بالمخده: عن قلة الحيا وتعالي معانا ترا والله ازعل منك رغد: ها مها شرايك مها: انا ماعندي مانع اذا وافقت امي بروح عهود: هذا البنت الاوكي مو انتي يلا خلصي قومي قولي لامك واذا قالت خالك ولا شئ قولي هو الي عازمكم رغد: ام الصواريخ خالي لا قال ولا شئ عهود : صرفي انتي ووجههك يلا روحي ترا بكره بنمشي خلصي رغد: طيب ..يلا مها هم قامو من هنا وتركي جاها : الحين انتي متى تتعدلين وتتركين عنك حركات الاطفال ذي عهود كشرت بوجهها: اف قوم قوم عني انت تحممت ولا لا تركي عصب : لا انتي انخبلتي وش شايفتني اجي لعند اهلي من غير مااتروش ولا مرة شميتي فيني ريحه عهود: ايه هذا انت الحين ريحتك عفنه وبعدين شوف خشتك اشوي ويطلع لك وجه ثاني من كثر ماتأكل تركي يخبطها على راسها: قولي ماشاءالله وجع اول مرة اشوف زوجه تكلم زوجها كذا عهود: هي انت احنا جنب اهلك تركي: ادري انا حنا عند هلي وبعدين على مااظن انه لي اسم عهود: وياثقل طينته هالاسم تركي: عهيد ظبطي نفسك لا اهزئك الحين وافشلك قدام هلي سعاد بلقافه:مادام ماشبعتوا من بعض ليه جيتوا كان جلستوا في جناحكم عهود بنرفزة: وانت شدخلك سعاد انقهرت: لا مادخلني شئ بس اشوف كان عندكم كلام قلت اريحكم واقول انكم معذورين لو ما جيتوا وجلستوا معانا عهود يتتكلم بس تركي حط ايده على فمها: بس بس كبريت صايرة لنا عهود عضت ايده:ايييي عهود: احسن ماحد قالك تحطها عند فمي تركي:خليتك عند اهلك شهر وتوحشتي عهود بنظرة : خلني ساكته لا اثور فيك تركي حب ينرفزه: تعالي لا يكون هذا وقتها عهود داست على رجله وقامت عنه تركي:اخخخ ام عبد الرحمن : شفيك يايمه تركي متوجع:ها ولاشئ ولاشئ ام عبدالرحمن: بس توك تقول اخ تركي يطالع عهود الي جلست عند نورة زوجت راشد بقهر: لا بس عهود وهي ماتدري داست على رجلي ام عبدالرحمن: الله يهداك يابنتي كان انتبهتي عهود: ما خذت بالي خالتي ام عبد الرحمن : تبي قهوة يمه تركي: ايه الله يعافيك توه ام عبدالرحمن بتقوم : وين يمه ام عبد الرحمن : بصب لك تركي : لا ارتحي انتي "لف على عهود"عهود قومي صبي لي قهوة عهود ماقدرت تقول له شئ عند اهله وقامت وصبت له وتوه بتروح سحبها تركي وجلسها جنبه عهود: خير شتبي تركي يشرب القهوة: قصري صوتك عهود: طيب اترك ايدي بقوم تركي من بين اسنانه: وين تقومين انثبري مكانك لا ينتبهون هلي عهود تتحلطم تركي: تكلمي بكلام مفهوم ولا سكتي عهود: اقول انت متأكد انك تروشت تركي: يعني بكذب عليك عهود: اجل وش هالريحه العفنه الي فيك تركي شك بنفسه: توني الحين متروش وجيت ماامدها الريحه حتى تتطلع عهود: اجل من ريحة عطرك الخايس تركي: الحين عطري خايس عهود: ماادري المهم انك عفن ريحتك صدعت راسي وجابت لي لوعة وخر بس تركي تركها خاف انه يرتكب فيه جريمه وجلس طول الوقت يتوعد فيها وعهود تتجاهله وتتجاهل نظراته لها وتعشوا وبعدها كلن راح لبيتها وعهود وتركي راحوا لجناحهم وعلى طول راحت لدولاب وطلعت لها ملايه ومخدة وحطتهم على الكنب وراحت هي على السرير وطول الوقت تركي يتفرج وساكت عهود: لو سمحت كبدي لايعة منك ومن ريحتك نام على الكنبه مو قادرة اتحملك تركي متكتف: نعم خير وش قلتي عهود: الي سمعته تركي راح لعندها ومسكها من زندها : انت الظاهر جنيتي عهود: اتركني المنتي تركي: خلك يمكن تحسين على دمك عهود: اييي اتركني تركي: سمعيني عدل ياعهود ترا والله ان ماعدلتي اسلوبك عهود تقاطعه: بطلقني عادي تركي وصل حده: حلمي طلاق مافي لكن راح ادبك ياعهود عهود خافت بس ماحبت تبين له : بتضرب عادي تعودت على الضرب تركي: لا مو وقته الضرب الحين عهود: اتركني تركي نفض ايدها بقرف : بتركك والي مايبيني انا مابيه ومو انا الي انام على الكنبه انتي الي نامي والسرير مثل مالك حق تنامين فيه انا لي حق فيه بعد واذا ماتبيني كيفك بس ماراح انام الا على الكنبه "مسكها وقربها لحد ماصار وجهها بوجهه"سامعه عهود دفته عنها وراحت للحمام تستفرغ مع انها مااكلت شئ بس تفاحه ولما جات تطلع حست بدوخه بس قدرت تمشي لحد ماوصلت للكنبه وانسدحت عليها على طول وتركي انسدح على السرير وناموا جلسوا الظهر وهم يتغدون وصلت رغد ومها الجزء الحادي والعشرون................ ابو عبدالرحمن : هلا والله تو ما نور البيت رغد ومها وهم يحبون راسهه: بوجودك جدي ام عبدالرحمن: يلا تعالوا تغدوا رغد: بالعافيه احنا تغدينا بنروح الصاله ام عبدالرحمن : على راحتكم عهود: لحظه بجي معكم تركي مسك ايدها: وين مااكلتي عهود متقرفه منه: شبعت تركي: وين شبعتي صحنكي مثل ماهو عهود : اكلت فاكهه وعصير تدخلت ام عبدالرحمن: يمه وهذا اكل شوفي شلون وجههك غادي اصفر وضعفانه عهود: والله خالتي مو مشتهيه ام عبدالرحمن : مو زين لك يابنتي عهود: معليش خالتي على الاقل اكلت تفاحه واذا على الضعف احسن ام عبدالرحمن : ليه تسوين رجيم ..بس جسمك زين يمه لايكون تركي قال لك ضعفي عهود بخبث: ايه ياخالتي كله يقول لي اني دبه ويبيلي اخف تركي شرق بالماي وفتح عيونه على الاخر: انا قلت لك كذا عهود: شفتي ياخالتي يسوي نفسه برئ ام عبدالرحمن : لعنبو دارك شتبي البنت تصير تبيها تختفي تركي : والله ماقلت لها يايمه عهود: ايه انكر ومو قلت اذا ماضعفتي بتزوج غيرك ضعيفه تركي يطالع بعهود بقهر : طيب انا قلت بس الحين غيرت رايي ابيك تسمنين عهود: انا على من كلام الي قبل وبس وراحت لرغد ومها بالصالة اما تركي اخذ من امه وابوه محاضرة طويله عريضه انه كيف يبي يجوع بنت الناس واني امانة برقبته ومايصير الي يسويه فيني عهود: بتروحون مها: ايه خذنا الوافقه وجبنا عفشنا بعد عهود: حلو رغد: بس عهود: بس ايش رغد: امي قالت لخالتي ام خلود وهي قالت لبناتها وقالوا بيجون عهود تضايقت بس مابينت لهم : حلو كل مازادالعدد كل ماصار احسن راحت مها وسوت لها قهوة تركيه واجلست وجابت لعهود معاها وجلسوا يتفرجون على التلفزيون وبعدها دخل تركي وماحسوا فيه بس عهود حست بقرف: بنات ماتشمون ريحه رغد تشم : لا مافيه عهود: بس فيه ريحع عفانه من صدكم ماتشمون مها : عهود شفيك ضربت فيوزاتك مافي ريحه عهود تحط ايدها على انفها : افففف والله ريحه تركي : يمكن منك عهود شفته وعلى طول قلبت معدتي ورحت بسرعه للحمام واستفرغت كل الي بمعدتي وبعدها طلعت وانا احس اني مرة دايخه وجاني تركي قلقان ومسكني من ايدي : تركي بعد والله ريحتك تقرف تركي تركني وهو معصب: هذا جزاتي جاي اساعدك عهود: تساعدني ببعدك عني روح تحمم ولا شوف لك صرفه تركي: عهود بتجنني توني متروش عهود: اجل عطرك او شامبوك غيرهم لان ريحتهم تقلب لي معدتي تركي : وليه ايش الي تغير من اول ماتزوجتك وهذي عطوراتي عهود قرفانه : والله مادري بس المهم لا تقرب مني لحد ماتغيرهم ودخلنا الصاله وجلست عند رغد ومها وتركي جلس بعيد عشان مااحرجه بس مازلت اشم ريحه وماشميتها الا لما دخل هو يعني منه ودق جوالي الا هي عمتي امنه استغربت شعندها : الو امنه: هلا عهود شخبارك عهود: الحمدالله تمام وانت شخبارك وشخبار عمي امنه: الحمدالله بخير لو صدق مهتمه كان سألتي عنهم وعن عيالهم عهود: ولا يهمك شلونهم امنه: مين عهود عارفه قصدها: اسماء وابتهال وزياد تركي سمع اسم زياد على طول جى لعندها : مين تكلمين عهود تأشر له ينتظر امنه: بخير المهم انا داقه عليك اعزمك عهود: تعزميني امنه: بكره خطوبة اسماء بمزرعة جدك عهود: مبروك وعقبال ابتهال وزياد تركي نقزها بكوعه على جنبها: مين عهود تحط ايدها على الجوال : اه جنيت انت وجعتني تركي: مين تكلمين عهود : مرت عمي ارتحت تركي: شتبغى عهود: بعدين خلني اكلم المرة قبل امنه: الو ..الو عهود عهود: هلا معاك امنه : وين رحتي عهود: اسفه بس جوالي خرب مدري شفيه امنه: طيب قلتي لرجلك يجيب لك غيره ولا مو راضي عهود: لا تركي مايقصرمعي بس لانه طاح على وعلق ولا هو مافيه شئ امنه: اهم المهم لا تنسين تجين بكرة وخلي ام رجلك تجي معاك عهود: طيب بس مو احسن تعزميها انتي امنه : طيب هي جنبك عهود: لحظه وقمت بروح لخالتي مسكني تركي: وين عهود: برجع بس بودي جوالي لخالتي مرت عمي تبيها وراحت لخالتي وقلت لها مرت عمي تبيها عشان تعزمها لخطوبة بنتها ورجعت للصالة وجلست على كنبه فرديه لان مالي خلق لتركي تركي: شتبغى مرت عمك عهود: تعزمني على خطوبة بنتها بكرة بمزرعة جدي تركي: ماشاءالله متى انخطبت هاذي عهود: مااعرف بس هم متعودين على كذا مايقولون شئ لحد مايملكون وهالمرة تكرموا وعزمونا على الخطوبه تركي :هم ..بس بكرة بنمشي عهود: لا تركي ودي اروح تركي: مم..بشرط عهود حطت رجل على رجل: الي هو تركي: تظبطين اسلوبك وتبطلين سخافات عهود: طيب تركي: لا اا لقيتني بزر يعني بصدقك عهود: قلت لك طيب مو مصدقني ليه تركي: لاني جربت كلامك من قبل وماصدقتي فاعذريني لصار مافي ثقه الحين عهود: لا اواعدك هالمرة تركي: نشوف نلحق الكذاب قاطعته: يعني انا كذابه تركي: لا ابد محشومة انتي عن الكذب
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة  عضوة فى شله هيناتا  عضوة فى شله البرنسيسات شلة لكل البنات عضوه في بوكمون (لمحبى الانمى) |
|
#112
08-03-2009, 07:25 PM
| ||
| | ||
| رد: مستحيل احبك مستحيل اعيش من دونك عهود رفعت حاجبها وقمت لجناحنا ولحقني تركي ومسكني من زندي وقربنب لعند وجهه : الحين انا الي قلت لك سوي رجيم ها عهود تحاول تفك نفسها وابتسمت : امزح معاك تركي شد عليها : تمزحين معي ها عهود: تركي ايدي تألمني فكني تركي: تستهلين عهود: تركي تركي شد اذنها: بتبطلين سخافتك ولا عهود: اتركني تألمني تركي: بتبطلين ولا عهود بدلع لاول مرة حطت ايدها على صدر تركي وقربت منه: ترركي المنتني تركي تنح : ها عهود تكمل دلع :تركي فكني عاد المنتي خلاص توبه ببطل تركي ترك اذنها وحوطها من خصرها وقربها له: توبه عهود: توبه بتخليني اروح للخطوبه تركي : هم عهود: تركي يلا عاد تركي: ايه روحي عهود: طيب اتركني بروح احجز لي مشغل تركي: بعدين عهود: أي بعدين مايمدي بكرة الخطوبه تركي: يعني لازم تنقصين على الواحد عهود: اف منك انت ماتشبع تركي بنظرة خبيثة: مااشبع من ايش عهود حمرت وبعدت عنه وراحت لدولاب الملابس : ........... تركي راح لعندها وحضنها وصار ظهرها على صدره : تدرين عهو د عهود:.......... تركي بصوت ذايب : على طولة لسانك وعند راسك بس تخجلين وخجلك هذا الي مذوبيني فيك وباس رقبتها وبعدين لفها عليه وباسها عهود: تركي تركي:مم عهود: يلا خلني اقوم اجهز اغراضي لبكرة تركي: مو وقته عهود عهود: تركي صار المغرب متى وقته فكيت نفسي منه وراحت الحمام وتروشت على السريع "افف نسيت ملابسي " وطلعت مظطرة ومستحيه لانه تركي مامرة شافني بروب الحمام وتركي جلس على السرير لما طلعت وجلس يقز فيني عهود: ممكن تطلع ابغى البس تركي تكى على السرير: البسي محد ماسكك عهود: وانت تركي: شفيني انا عهود: يلا تركي اطلع تركي بخبث: تستحين عهود:.......... تركي: ليه تستحين مو انا شايفك كلك على بعضك عهود بطيش: متى تركي ببتسمه: تونا نسيتي عهود تحاول تلهي نفسها بالملابس : لا ماشفتني لانا مطفين الانوار تركي:امم ولو ..شفتك عهود لفيت عليه وانا منحرجه: شلون ومافي نور عشان تشوف تركي يأشر على قلبه: شفتك من هنا عهود تنهدت براحه: فاضي انت يلا اطلع تأخرت تركي: ليه الخجل عادي انا زوجك يلا البسي وبلف وجهي عهود: هاهاه ضحكتني قوم مااضمنك تركي راح لعندها : ليه ماتضمنيني عهود: اخاف تتهور وانا مو ناقصة يلا تركي الله يخليك الحين شلون بلقى حجز تركي: مم طيب وش لي اذا خليتك عهود بتهور: الي تبي تركي حضنها: انتي قلتي والي ابيه .... عهود: قول تركي: تذكرين فستان خطوبة نجود عهود: ايه وش فيه تركي: ابيك تلبسينه بكرة عهود: انا اصلا ناوية البسه تركي يحرك راسه : نو نو مو تلبسينه للخطوبة عهود: اجل لايش تركي: لي مو انتي وعدتيني انك بتستقبليني به وما استقبلتيني عهود: انت عارف ليه تركي :عارف بس بكرة البسيه واوديك عهود: خلاص البسه تركي: اوكي بصدقك بس والله ان كذبتي بوريك شغلك عهود: شبتسوي يعني تركي: تبين تعرفين مسكني ودغدغ بطني وسدحني على السرير : خلاص تركي هههههههههههه تركي: ها بتسوين الي قلت لك عهود:هههههههههههههههههههههههه أي خلاص مو قادرة خلاص هههههههههه تركني بس شفته متنح ونزلت نظري للي يشوفه وحمرت لانه كان يطالع صدري الروب فك وبان صدري قمت بسرعه ولفيته كويس وسحبت تركي من ايده وطلعته بره الغرفة وهو مازال متنح وقفلت بسرعة وسمعته يضحك:هههههههههههههههههه بسرعه غيرت ملابسي واخذت عبايتي وطلعت وشفته يتفرج على التلفزيون : يلا تركي تروش والبس وملابسك على السرير وطلعت قبل لا يقول شئ وراحت الصالة انتظره وبعدها طلع ورحت حجزت عند المشغل يوم الخطوبه العصررحت عند اهلي لاني بروح معها المشغل وعلى العشاء خلصنا ورحنا وكانت الخطوبة بسيطة مرة وعدت بسلام بس صار الي كنت خايفه منه اصرت جدتي انها هي الي بتوصلنا معها لان ماظل حد بالمزرعه غير انا وامي وامنه وبنتها ابتهال وخفنا تسوي سالفه وامي مو ناقصة ركبوا بالسيارة والمصيبة صار اني لازم اجلس قدام جنب جدتي لان مافيه مكان لي وركبت وطبعا زياد كان مبسوط على الاخر وكل شوي يمد ايده على درج السيارة يازعم يبخذ شريط وكل مرة يحاول انه يمسك رجلي انقرت منه : وبعدين معك انت خذ الي تبيه مرة وحدة مو كل شوي ماد ايدك زياد: بشويش ياقلبي ام عبدالله: ايش الكلام هذا يازياد عيب زياد: ماقلت شئ عهود: ايه انت من متى تقول شئ وسكت انتظره يوصلنا بسرعة وهو كان يتعمد يمشي بشويش واخيرا وصلنا وكان تركي مع اخوي عبدالله برة ينتظر لان عبدالله قال له انه حنا بنجي الحين وشفت وجهه تغير لما شاف زياد وتكهرب لما شافني نازلة من السيارة من قدام ونزل زياد لاخوي عبدالله اما تركي جى لعندي وسلم على جدتي وامي وبعدها مسك ايدي بس هالمرة غير حسيت انه يبي يبين لزياد انه ماله امل واني ملكه مو له ووصلت الرسالة لزياد لاني شفته شلون منقهر وركب سيارته ومشى بسرعة تركي يحاول يخفي تعصيبه: وانتي وش ركبك معه عهود:بعدين تركي مو في الشارع عبدالله: ادخل تركي عندنا تركي: لا مرة ثانية انا الحين تعبان ووراي طريق بكرة عبدالله: على راحتك يلا مع السلامة وركبنا السيارة تركي: تكلمي شركبك معه ولا قدام بعد عهود: اولا ركبت معه لان جدتي اصرت علينا انا وامي وثانيا ركبت قدام لانه مافي مكان لي وبعدين ماكنت جنبه كنت جنب جدتي تركي: وليه مادقيتي على اجي عهود: خفت جدتي تسوي سالفة لامي وامي مو ناقصة تركي: طيب ليه انتي تركبين قدام ليه مو اخته عهود: قلت لهم بس قالت انها بالوسط ومالها خلق تنزل وامه سمينه مايكفي المكان لها ارتحت تركي: هاذي اول واخر مرة تركبين مع هالخسيس سامعه عهود معدتها تقلب عليها : من غير ماتقول اصلا انا ماكنت راضية بالي صار تركي : حصل خير عهود مو قادرة امسك نفسي : تركي وقف السيارة على جنب بسرعة تركي: ليه عهود: بسررررررررعة وقف تركي على جنب وعلى طول فتحت باب السيارة واستفرغت كل الي بمعدتي وكان تركي يمسح على ظهري ولما خلصلت عطني منديل امسح فيه فمي وسندت راسي على ورى :اه ه ه ه تركي مفجوع: عهود مايصير كذا من اول ماجيت وانت هاذي حالتك خليني اوديك المستشفى احسن عهود وانا دايخه: لا مايحتاج ودني البيت ابي انام واذا نمت ارتحت تركي: مايصير ياعهود عهود: تطمن تركي هذا بسبب حالتي النفسيه من الي صار من ابوي كلها اسبوع وارجع مثل قبل تركي بشك: اكيد عهود: اكيد ورجعنا البيت وعلى طول دخلت الحمام وتروشت ولبست لي بيجامة ونمت وتركي بعد نام العصر حسيت بتركي وهو يجلسني:عهود اصحي عهود: مم تركي: عهود اصحي يلا الظهر فاتتك قومي عهود وانا لسه مغمضه عيوني: كم الساعة تركي: اربع العصر عهود: طيب قمت تركي قرب : يلا صحصحي وتجهزي بنمشى عهود حطيت ايدي على خشمي : تركي والي يرحم والديك كم مرة قلت لك لا تقرب مني اذا ماتحممت او غيرت عطوراتك تركي: ياصبر ايوب توك صاحيه ولسانك انشط منك عهود معدتي خلاص قلبت وقمت بسرعة الحمام استفرغ بعدها رجعت وانسدحت على السرير مو قادرة دايخه وتركي مو راحمني من ريحته العفنه : تركي الله يخليك قوم مو قادرة على ريحتك تركي حن على شكلها التعبان ومااهتم من كلامها : عهود قومي اوديك المستشفى الوضع ذا ماينسكت عنه عهود : لا ميحتاج قلت لك كلها اسبوع وترجع نفسيتس مثل قبل تركي: تقدرين تقومين طيب عهود:امم تركي: يلا قومي وانا بقول لامي تجهز الغدا عهود: لا تركي مو مشتهيه واخاف اذا اكلت مايجلس بمعدتي تركي: مايصير تجلسين كذا من غير اكل ولا انتي راضية اوديك المستشفى عهود: طيب جيب لي عصير تركي: ماينفعك ياعهود عهود وانا اجلس حالي : والله مو قادرة الله يخليك لا تغصبني تركي : طيب قومي جهزي قمت وانا احس راسي يدور ودخلت الحمام وغسلت وجهي وفرشت اسناني وتوضيت عشان اصلي وبعد ماصليت جهزت اغراضي ولبست لي بيجامة مريحة ولبست عبايتي وطلعت وجلست انتظر تركي يدخل الشنط بالسيارة وتفاجئ من رغد ومها وبدور وسمر انهم جايين معنا بس ماعلق وطلعت وركبت ورى وقلت : أي واحدة منكم بتركب قدام لاني تعبانة وابي انسدح ولان السيارة جيب اخذ راحتي ورى وراحت بدور قدام ولما ركب تركي عصب لما شاف بدور: وليه ماركبت انتي قدام عهودوصوتي رايح من التعب : ابغى انسدح لاني احس اني دايخه تركي بخوف:اوديك المستشفى احسن لك عهود: مايحتاج ومشىينا وانا طول الوقت نايمه لاني احس جسمي متكسر مرة ومعدتي تقلب وصلنا الشقه ونزل البواب الشنط وانا انسدحت على الكنبه بعد مافسخت عبايتي تركي: اجيب لك شئ تأكلينه عهود: لا مو مشتهيه رغد: عهود لازم تأكلين شوفي وجهك شلون صاير عهود: والله مو مشتهيه شئ ..بس جيب لي عصير تو تركي بيقوم مها:ان بروح اجيبه خلك خالي جابت لي مها العصير وبعدها حسيت اني احسن وقمت فرجتهم على الشقه ووين يحطون اغراضهم بعدها طلعنا نقضي اغراض لان الشقة فاضية ورحنا لاسواق التميمي تركي: خذوا الي تبون يابنات مها: لا توصي حريص خالو تركي: ماتنعطون وجه رغد: هههههه توك تدري يلا بس عهود تعالي معاي عهود: يلا راح تركي مع سمر وبدور بالعربية وانا ومها ورغد بعربيه طبعا عربية تركي كانت اغراض للشقه يعني مثلجات سندويشات واشياء مفيدة اما عربيتنا فكانت شيسات وكاكاوات وبيبسي مها: عهود بس والله فشلة اخاف خالي مايرضى عهود وانا منشغلة عند الشيسات : لا عادي متعود علي جان تركي وطالع العربية بعدين قال: متأكد ومليون بالمية ان الاغراض كلها عهود مخذتها عهود: عندك مانع تركي: ابد بس ماراح تقربين لهم الا بعد ماتأكلين زي الناس ولا من الحين اقولك رجعيهم عهود وانا اخذه بالحيلة: طيب موافقه تركي: رغد مها ماتبون شئ مها: لا ماقصرت عهود خذت الي نبيه تركي: خلصتوا يلا مشينا عهود: لحظه تركي ماأخذت لي شيبس ليز بالخل مااشوفه تركي: لحظه ادوره واجي راح جابه وحاسب وطلعنا ورحنا للشقة وتولت مها مهمة ترتيب الاغراض وتركي طلع يجيب العشاء مها: بدور شفيها اختك كانه مذبوح لها احد بدور: لانها ماكانت تبي تجي وامي غصبتها مها: اها عهود: بنات هذا الفرش عندكم مع البطانيات رغد: طيب احنا اربعة ليه الخامس عهود: لي يمكن اشتهي انام معكم وانام مها تغمز: وتتركين الخال يطوعك قلبك عهود: عادي عشان يشتاق مها:ههههههههههههه وصل تركي وقمت جهزت السفرة وجلسنا ناكل بس ماكنت مشتهيه واصر تركي على اني اكل ولا ماراح يخليني اكل من الشيبسات واكلت منا وعلى طول رحت الحمام استفرغت وبعدها غسلت وجهي ورجعت الصالة: كله منك قلت لك مو مشتهيه مااقدر ماتسمع تركي: يعني اخليك كذا عهود: طيب شسوي مو قادرة تركي: سمعي بكرة اذا استمر الحال كذا بوديك المستشفى غصب عنك مايصير عهود: طيب بس خلاص اسكت بعدها شالوا البنات السفرة وجلسنا نتفرج على التلفزيون وبعدها قمت اخذت شيبس ليز بالخل والملح اشتهيته مرة وخذت معه بيبسي وكان الحجم الكبير وجبت معاي للبنات كذا نوع من الشيبسات وجلست اكل فيه لحد ماتركي انتبه علي تركي: خلاص رحمي فمك قلب ابيض من الخل مو زين لمعدتك عهود كنت بتهور بس مسكت نفسي عشان البنات : طيب انا مرتاحة ولو انه معدتي ماعجبها كان شفتني استفرغته مثل الاكل الي من قبل تركي: طيب بس مو زين لمعدتك ياعهود لا تخليني مااخليك تشترين هالخرابيط لك لازم تأكلين عهود : اوكي ماقلت شئ بس لحد ماتهدى معدتي بعدين اكل بدور: ماعليك منها خالي تدلع عليك وعشان شافتك معطيها وجهه مسختها اتركه وهي بتأكل عهود طالعتها بقهر شفيها ذي حاطه علي بس مابينت لها : صح كلامها ادلع انت بس اتركني بحالي وباكل اوكي على الساعة وحدة قام تركي ينام لانه وراه دوام وجلست مع البنات لحد ماصلينا الفجر ونمنا بس كنت طول الوقت مع مها ورغد اما سمر وبدور ماكان بيني وبينهم أي احتكاك رجع تركي من الدوام وعه الغدا وجلسوا كلهم الا انا قلت ماابي وجاني تركي عهود: تركي اطلع برة مو مشتهيه اشوف وجهك تركي: ويعدين معك انتي واسلوبك الزفت عهود: ياخي مو مشتهيه اشوفك غصب ليه تغط وجهك تركي عصب ومسكني من ذراعي : قصري صوتك وانا احاول افك ايده: ماتبي فضايح ابعد تركي والشرار يطلع من عيونه: والنهايه معك انتي تبين اضربك وافشلك قدامهم عهود : وخر زين مع ريحتك العفنه ودفيته عني ورحت الحمام على طول وتركي يضرب الباب ويقول لي افتح وانا مطنشته بس حسيت بدوخه وماقدرت امسك نفسي وطحت تركي لما سمع صوت الطيحه انفجع وراح ركض للحمام طق الباب تركي: عهود ...عهود عهود:................... تركي: عهود افتحي الباب عهود:........... تركي: عهود تسمعيني عهود وهي مو قادرة تتحرك وتأن تركي سمعني وجن وجلس يدف الباب لحد ماكسره ودخل شافها على الارض راح لعندها واخذها بحضنه : عهود حبيبتي قومي عهود:............. تركي يضرب وجهها على خفيف : عهود اصحي شصار لك عهود تأن جات رغد والبنات : شفيها عهود خالي تركي مرتبك : ماادري مها : شيلها وودها المستشفى بسرعة تركي شالني وحطني على السرير واخذت مها عبايتي ولابستني اياها وودني المستشفى بسرعة ولما وصلوا دخلوني بغرفة وسووا لي تحاليل وحطوا لي مغذي تركي: شفيها دكتورة الدكتورة: والله ياستاز تركي مش عارفه احنا هنستنه التحاليل وهنعرف فيه ايه تركي: والتحاليل مطوله الدكتورة: اهي الممرضة جت اخذت الدكتورة الورقه من الممرضة وقرت التحاليل :مم تركي: تكلمي شفيها الدكتورة : مبروك المدام حامل تركي بفرحة: صدق الدكتورة : والله ادي النتيجة بتقول كده تركي: بس شلون الدكتورة مبتسمه: اهأ ازي شلون "وتغمز له" مانتا عارف شلون تركي انحراج من الدكتورة : عارف بس احنا نستخدم موانع الدكتورة: بس ده الي كتبوا ربنا تركي : ونعم بالله الدكتورة: بس مراتك لازمها تغذيه ياابني عشانها وعشان الي ببطنها تركي: ان شاءالله بس اقدر اطلعها الحين الدكتورة : تقدر بس لما يخلص المحلول الي مركبينوه ليها تركي : اوكي اقدر ادخل لها الدكتورة : ايوه وانا حقي معاك راحو لغرفة عهود وتوها تصحى :وين انا فيه الدكتورة: انتي بالمستشفى خضيتينا عليك يابت عهود:شصار الدكتورة: مبروك يابنتي دنتي حامل عهود وانا مصدومة: تكذبين انت صح الدكتورة: وليه اكذب التحاليل بتقول انتي حامل بالشهر الاول عهود وبديت اصيح: لا لا مو صحيح انتي تكذبين الدكتورة : في ايه انتي مش عوزة تحملي عهود: دكتورة تأكدي يمكن غلطانين بالتحاليل الدكتورة: مش غلطانين ولا حاجة تركي توه يدخل عليهم عهود: اطلع بره كله منك انت السبب تركي راح لعندها: عهود الله يهديك هدي عهود: بعد عني تركي: عهود هدي مو زين لك وللي ببطنك عهود: احسن لاني ماابيه انت كذبت على وقلت ماراح احمل تركي : بس انت حملتي وانتهى الموضوع وهذا الي ربي كاتبه عهود: ماابيه ماابيه تركي: حز بخاطره : انت هدي الحين وارتحي بعدين نتكلم بالموضوع عهود: دكتورة الله يخليك نزليه ماابيه ولا انتبهت والا بكف من تركي : جنيتي انتي هذي روح الله بيحسبك عليها عهود وانا بهستيريه : ماابيه ماابيه " وقامت اضرب ببطني " ماابيه وطح راسي على المخده من الكف الثاني من تركي وهو يمسك يديني: دكتورة لو سمحتي مافي مهدئ تعطينها الدكتورة : ثواني وجات الممرضة وعطتني ابرة مهدئة ونامت وطلع تركي مع الدكتورة : اسمع يابني البنت بيها حاجة انت بتسئ معاملتك معاها تركي يغطي وجهه بيديه: لا والله يادكتورة الدكتورة: امال ليه الحاله الي هي فيها تركي: وش اقول لك كل الي اقدر اقوله لك انها متعقدة من الزواج والسبب ابوها وحنا كنا متفقين ان نأجل موضوع الحمل لبعد سنه بس هي حملت مع انه مأخذين الاحتياطات الدكتورة: بس جميع الاحتياطات نسبة نجاحها 99% وعشان كذه المدام حملت تركي:طيب يادكتورة ايش اقدر اسوي الدكتورة : كل الي تقدر عليه انك تراعي اكلها وتحاول قد ماتقدر ماتتعرض لاي ظغوطات او أي حاجه تعصبها تركي يتذكر: طيب دكتورة هي اليوم تشتكي من ريحتي مع اني كنت توني متروش الدكتورة تضحك:هههههههههه تركي عصب: انا قلت شئ يضحك انت وخشتك الدكتورة : ايه الحظ الي ليك يابني تركي بخوف : ليه في شئ يادكتورة الدكتورة : لا ماتخافش بس المدام يتتوحم بك يابني تركي عقد حجاته: تتوحم فيني الدكتورة : ايوه تركي: كيف طيب الدكتورة: يعني بتكون مش طايقه أي حاجه فيك ريحتك شكلك كل حاجه فيك تركي"ومن متى هي تطيقني " اها طيب بطول الدكتورة : على حسب بس المهم انك ماتضايقها طول الشهور الاولى من الحمل اما بالنسبة للوحام بيختلف من ست للست تركي: مم....طيب مافي حاجة ادويه ولا شئ الدكتورة: حكتب لك فيتامينات تاخذهم وتحرص على اكلها وبعد شهر ترجعنا تركي: اوكي الدكتورة: المهم تراجعنا اسبوعيا عشان تتابع تطور ات الحمل معاها تركي: ان شاءالله اقدر اخذها الحين الدكتورة : ايوا ضروري الراحة والتغذية تركي: ان شاءالله جاني تركي وانا نايمه وجلس جنبي بالسرير ومسح على شعري وهو فرحان انه بيصير ابو وبعدها صحيت ومشينا وطول الطريق اجنب اطالع بتركي ووصلنا الشقه وكانوا البنات ينتظروني وعلى طول جاوا: ها خالي شصار تركي وهو ماسكني : لا الحمدالله الحين هي بخير وودني الغرفة وسدحني بالسرير وطلع للصاله وجلس على الكنبة مها: شفيها عهود تركي بفرحة: وش تتوقعون رغد فهمت على طول فرحته : بتصير ابو تركي والابتسامة شاقة حلقه : عليك نور قاموا البنات وباركوا له ودق على امه وبشرها وامه فرحت وباركت له وابوه بعد واشتغل جواله تبريكات من خواته واخوانه وانا كنت طول الوقت بالغرفة ابكي "ليه ياربي ليه ماابي طفل يربطني بتركي اكثر ماابي اعذبه معي اخ خ خ "وجلست اضرب ببطني ابيه يطيح بس تعبت من كثر البكي ونمت جاني تركي يصحيني : عهود قومي سويت نفسي مااسمعه :................... تركي: يلا قومي تعشي لفيت على الجنب الثاني : ماابي تركي: كلي لك شوي بس عهود : قلت لك ماابي تركي: عهود مايصير مو زين لك وللي ببطنك عهود: احسن عشان يطيح وارتاح ماحسيت بنفسي الا وانا بيدين تركي ووجهي بوجهه وكان معصب : عهود تعوذي من ابليس واقصري الشر بديت اصيح: كله منك انت قصيت على قلت لي ماراح احمل تركي: هذا شئ الله كاتبه وانا ماقصيت عليك جلست اضربه وابعده عني بس مافي فايدة: بعد انت كذاب بعد تركي يحاول يهديني : خلاص ياقلبي ارضي بنصيبك وبكرة لما يكبر ببطنك بتحبينه وبتندمين انك قلت الكلام ذا عهود: لا ماراح اند انا ماابيه تركي : ليه ماتبينه وانا اشاهق : لانه بيربطني فيك طول عمري ماراح تطلقني تركي انصدم للحين تفكر بالطلاق: ............. عهود: ليه خدعتني ليه تظلمني معك وتخليني اظلمه ليه تركي: خلاص انتي ارتحي الحين واذا هديتي نتفاهم عهود: ماراح يتغيير رايي طلع تركي وتركني اكمل بكي تركني بهمي وراح وهو مطعون مني ومقهور لاني حرمته من انه يفرح زيه زي أي رجال وهويسمع بخبر انه بيصير ابو بس مو كيفي مو قادرة افرح غصبن عني وعارفة ان تركي مايستحق الي يصير له ونمت اليوم الثاني صحيت الساعة عشر الصباح دخلت الحمام وتروشت وطلعن الصالة تركي شكله راح الدوام والبنات نايمين خذيت لي عصير مع شيبس ليز بالخل وجلست اتفرج على التلفزيون بس كنت موطية الصوت لاني ماابي ازعج البنات حطيت ايدي على بطني"ياربي مو حاسة باحساس الامومة ياناس معقولة انا الحين حامل معقولة بصير ام طيب ليه مو حاسة بالشعور هذا بس كل الحريم الي مثلي اشوفهم فرحانين وتبدى علامات الامومة تبان فيهم ليه انا مو مثلهم لهدرجة قلبي قاسي وماعندي احساس اكيد ماعندي احساس ولا لو واحدة مكاني كانت طايرة من الفرح بالحمل وفرحانة بزوج بمثل تركي وميته بحبه وهويستحق لانه رجل طيب وحنون مع انه كثير الي قالوا انه نذل بس ماشفت نذالته طيب ليه مو قادرة احبه ليه " وقطع على تفكيري رغد وهي تبوسني: مبروك عهود عهود: الله يبارك فيك رغد: شلونك الحين ان شاءالله احسن عهود: الحمدالله احسن شوي رغد شهقت : هعود ايش ذا عهود خفت من شهقتها: شفيك رغد: حرام عليك بتذبحين معدتك من الصباح وتاكلين شيبس بالخل عهود وانا اكمل اكل: مشتهيته يارغد موت رغد: وانت ياماتاكلين او تلهطين بالخرابيط ذي عهود وانا اضحك:اشوفكي قلبتي خالك رغد تضحك: من عاشر قوم عهود:هههه رغد: طيب انا بروح اسوي لي فطور وبسوي لك معي واتركي الشيبس ذا عنك عهود: مو مشتهيه اكل شئ رغد: حرام عليك بتذبحين نفسك من متى مااكلتي وجبه زي الناس عهود: والله يارغد مو مني كل مااكلت حاجه على طول الحمام استفرغها ومليت عشان كذا مااتعب حالي رغد: طيب ماعطتك الدكتورة حاجة توقفها عهود وانا اهز كتوفي: مو عارفه لانها كلمت تركي رغد : اوكي حاولي على الاقل لو شوي عهود: اوكي بجي معك رغد: لا ياحبيبتي ناوية علينا من الخال يقول الحين شغلتوها عهود: بتفرج عليك بس واوريك اماكن الاشياء رغد: اذا كذا يلا
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى) |
|
#113
08-03-2009, 07:28 PM
| ||
| | ||
| رد: مستحيل احبك مستحيل اعيش من دونك الجزء الثاني والعشرون ......... ودخلنا المطبخ وجهزت رغد الفطور وطلعت لحم مفروم عشان بتسوي محشي كوسا للغدا وبعدها فطرنا واكلت اشوي بس وبعدين صلينا الظهر وجلست مها وراحو المطبخ وخلوني بالصالة عشان يسون الغدا مع اني قلت لهم مايحتاج تركي بيجب معه بس مارضوا الساعة ثنتين دخل تركي وشافني نايمة على الكنب وجلس عندي تركي: عهود عهود: مم تركي: قومي نامي داخل عهود: لا مافيني نوم بس انسدحت اريح شوي تركي: شلونك الحين عهود "يالله بيذبحني الانسان هذا على كل الي اسويه فيه ولسته طيب وحنون معي ويخاف علي والله ياتركي انا مااستاهلك انت تستاهل واحدة تقدرك وتحسسك بقيمتك ":الحمدالله تركي يساعدني على الجلوس: مم ..عهود عهود: نعم تركي: انت قلتي لامك عهود: اقولها ايش تركي بتردد خايف اني ارجع لحالتي الي امس :انك ..حامل عهود سكت بعدين تكلمت : لا ماقلت تركي: شوفي ياقلبي هذا شئ صار ومامنه مفر ولازم تعودين نفسك عليه وتتقبلينه عهود : بس مو قادرة غصب عني مو قادرة احس فيه ولا قادرة اتقبله تركي بهدوء خالاني اروق منه: ياحبيبتي طبيعي هالشئ الحين لانك رافضة الفكرة بس لما تعودين نفسك عليه بتحسين فيه و بعدين الاهم من هذا كله مو انتي تبين تفرحين امك وتنسينها مرضها عهود هزيت راسي بمعنى "ايه":......... تركي: وهذا الخبر بيفرحها وبينسيها واذا مو متقبله حملك عشاني وعشانك تقبليه عشان امك عهود سكت وفكرت بكلامه " صح الشئ الايجابي من السالفه هاذي انه بيفرح امي ":......... تركي : شرايك نكلمها ونخبرها مع بعض عهود هزيت راسي له بالوافقه ودقينا عليها وبشرناها وافرحت كثير واحسها طارت من الفرحه وجلست توصي تركي علي وتدعي لنا وهي تصيح بعدها كلمني اخوي عبدالله وبارك لي وهو فرح بعد وعمر بعد مو مصدق انه بيصير خال وسكرت منهم بس مافرحت مثلهم فكرت لما اكلمهم يمكن احس بفرحتهم بس الظاهر مثل ماتوقعت انا عديمة احساس تركي: وش مشتهية تأكلين على الغدا عهود: رغد ومها سوو غدا تركي بعتب: ليه خليتيهم كان قلتي لهم اني بجيب عهود: قلت لهم بس قالوا انه اكل المطاعم مو زينة لي تركي : اذا كذا اوكي وبعدين بيني وبينك خلي قيهم منفعة مها: أي قول كذا جايبنا عشان تكرفنا ها تركي: بسم الله من وين طلعتي انت مها: من الارض تركي: ايه فقع الظاهر انتي رغد: لا تضيع الموضوع تركي: كملت .... المهم ايش طابخين لنا مها : محشي كوسا تركي: حلو بس الله يستر الصراحة انا مو مستغني عن نفسي وعن حرمتي رغد رافعت حاجبها : وانت يحصلك انت ومرتك ان انا ومها نطبخ لكم عهود: انا شدخلني هو الي تكلم خلاص لا تخلونه ياكل تركي: واهون عليك عهود: ايه لاني انا مو مااكله عشان كذا لا تاكل مثل ماولدك حارمني من الاكل انت لاوم تنحرم تركي: الله عليك تبين تموتيني جوع عهود: ياسلام وهذاني مامت تركي: ايه انتي عندك الي يصبرك خرابيطك وانا مااحبهم وش اكل عهود: والله شف لك حل يخليني اقدر اكل من غير مااخاف اني اشتفرغه تركي: اها عشان كذا مو مشتهية تاكلين ولا يهمك اليوم العصر نروح للدكتورة تعطيك حبوب للوعة عهود: ماراح تفيد لاني شفت مرتي خال تاخذهم ولا استفادت منهم تركي : طيب انتي مشتهية حاجة اجيبها لك عهود: لا تغدوا انتوا بس ابي تفاحة تركي: ياعهود لازم تتغذين عشانك وعشان الي ببطنك عهود تنرفزت لما ذكرني فيه: لا تخاف الي ببطني بيتغذى سواء كلت ولا مااكلت تركي ماحب يفتح نقاش معي : يلا رغد حطوا الغدا وانا بروح اغير حطوا الغدا وجلسوا وسال تركي عن سمر وبدور وقالوا انهم مايتغدون وعشانهم سهرانين ماراح يجلسون الحين مر علينا يومين وانا لسة ماتقبلت الوضع عكس تركي الي الفرحة باينا من عيونه الساعة واحدة بالليل جالسين انا والبنات نتفرج على فلم مرعب عهود: تدرون ايش مشتهيه البنات : لا رد كانو مندمجين مع الفيلم عهود اخذت مخدة وخبطت رغد رغد: أي عهود: احسن اجل اكلمك ماتردين رغد: شتبين عهود: اقولك تدرين ايش مشتهية رغد: ايش عهود: ورق عنب مها: ولا يهمك الحين نسوي عهود: وانا بنتظر لحد ماتقومون وتجهزونه رغد: اجل وش بتسوين عهود بخبث: الحين اعلمكم وقمت دخلت الغرفة وتركي كان نايم وشغلت الانوار كلها ورحت جلست على السرير ورفعت الغطا عنه : تركي ..تركي قوم تركي: عهود خليني نايم عشر دقايق بس عهود ضحكت يحسبني اجلسه للدوام : تركي تررررررررركي تركي : صحيت .. صحيت عهود: قوم عشان تجيب لي ورق عنب تركي فتح عيونه : كم الساعة الحين عهود: واحده ونص الليل تركي : عهود حرام عليك مجلستين الوقت ذا ليش عهود وانا اتربع على السرير : ابيك تقوم تجيب لي ورق عنب تركي بتعب : من وين اجيب لك بالوقت ذا ورق عنب روحي قولي للبنات يسون لك عهود: وانا ايش يصبرني على مايسوونه نمت تركي: من وين اجيب لك عهود: المطاعم موجودة تركي : واي مطعم فاتح لك عهود: مالي خص ابي ورق عنب الحين قوم دبر نفسك تركي يجلس : عهود رحميني صار لي يومين مو نايم زي الناس منك عهود: وانا ايش دخلني والله هذا ولدك تركي بقهر: ولدي ها اجل ياالظالمة تخليني انام على الكنب القصير رجولي وظهري تكسروا عهود وانا اضم المخدة: مو مني اذا ولدك مو مشتهيك ولا تضيع الموضوع ابي ورق عنب الحين تركي بتنهيدة: امري لله قام وغسل وجهه ولبس له ثوب بيت وطلع شاف البنات جالسين وهم استغربوا منه رغد: خالي لا يكون ازعجناك تركي يطالعني بقهر : لا بس عهود تبي ورق عنب بروح اجيبه لها تبون شئ انتوا مها تطالعني بلوم: لا خالي لا تتعب نفسك روح نام واحنا نسويه لها الحين تركي: لا مايحتاج على مايستوى تهون انا ماصدقت تبي شئ زي الناس تاكله تركي وهو عند الباب :تركي تركي: يانعم عهود: جيب لي من كذا مطعم يمكن مايعجبني من مطعم واحد تركي :حاضر شئ ثاني عهود: لا بس اذا في بدق عليك ..ايه صح بيبسي تركي: لا بيبسي لا يضرك تبين عصير عهود وانا مبرطمة: ايه وجب ايس كريم بعد قول يضر تركي: لا مايضر وطلع وعلى طول لفوا على رغد ومها: حرام عليك وراه دوام بكرة عهود: والله يتحمل شئ يبيه مو بس انا اتحمل تعب الحمل رغد: اوكي بس مو كذا عهود: شوفي الصراحة انا الوحم عندي بالاشياء الي تتعبه وغير كذا صايرة مااشتهي اشوفه بالبيت اذا طلع ارتاح واذا جا يضيق صدري وقبل لا تقولين شئ هذا مو مني مها : الله يعينك ياخالي بس بعد ساعة رجع تركي وجايب معه ست صحون من كذال مطعم وجاب للبنات عصير مثلي وايس كريم جلست اكل بس الايس كريم مع اني مشتهية الورق بس اكلت واحدة وماعجبني طعمها وعلى طول الحمام ورجعت وجلست اشرب العصير تركي: كلي ورقك الي راجيتيني عليه عهود حبيت انرفزه: والله انت تأخرت وفقدت شهيتي وماابي تركي : لا حول الله... وقام....يلا انا بنام عهود قمت معه عشان حسيت ان البنات بيلوموني ورحنا الغرفة وانسدحت : تركي تعرف من غير مااقول صح تركي بقهر اخذ مخدته وبطانيته وانسدح على الكنب : ياصبر ايوب عهود: قلت لك اروح انام مع البنات مو راضي تركي: نامي نامي سمر :هلا زياد زياد:اهلين وينك عن الجوال من زمان وانا ادق سمر: ماقدرت اكلمك زياد : اها جيت انا ومها ورغد الصاله عشان بنتفرج على فلم :سمر بتتفرجين معنا سمر: لحظه مزون سمر: ايش الفيلم عهود: فيلم الزبيث تاون سمر : مين الي يمثل عهود وانا اتنهد: اولاندو بلوم سمر ضحكت: شفيك عهود: اه ياقلبي على هالمزيون يذبح سمر :هلا مزون اكلمك بعدين زياد بشك: مين الي تكلمك سمر: عهود مرت خالي زياد: مارجعت الدمام سمر: الا بس احنا عندها زياد:انتي بالدمام سمر: ايه زياد: ياسلام والزباين سمر :ينتظرون لاني ماكنت ابي اجي بس امي اصرت علي وغير كذا نساعد عهود زياد: تساعدونها بايش سمر: وانتي وش دخلك زياد: انتي ناسية انها بنت عمي سمر بشك : بس لانها بنت عمك زياد: بس المهم متى ترجعين سمر : على الاسبوع الجاي زياد: ليه مو الاسبوع هذا سمر: لان عهود مايصلح لها طريق الحين عشان حملها زياد بصدمة: ايشششششششششششش سمر باستغراب: شفيك زياد بعصبيه: متاكده سمر: ايه متاكده ليه زياد"لا مستحيل يعني عهود ماراح تكون لي ..لالا عهود لي سواء حامل ولا لا بتكون لي":اوكي انا بسكر الحين اذا رجعت دقي علي وسكر ورجعت سمر للصالة تتفرج على الفيلم عهود: شوفي هالقمر يحب الشينه هاذي مها: صادقه والله عهود وانا احط صبعي على خدي: والله يذبح الادمي ذا رغد بخبث: وخالي عهود رفعت حاجبي : وش دخل خالك رغد: مايذبح عهود: روحي بس وش جاب لجاب مها: تقصدين حالي عهود وانا اتربع: لا طبعا شوفي ياقلبي خالك يمشي الحال بس اورلاندو وجيف هاردي وجوني ديب ذولي التوب عندي مها: ذولي عرفانهم بس جيف هاردي مين عهود: انت ماتشوفين مصارعة مها :لا عهود: فاتك نص عمرك اجل كفاية القصص الي تصير والمزيايين الي يطلعون رغد: وانت تتابعين عهود: ايه انا وبنت خالي نجود حتى فروحه رغد: بس مو هي للرجال عهود: هالكلام من زمان وبعدين انا مايهمني المصارعة نفسها يهمني القصص مثل وحده كانت بتتزوج حبيبها بس جا واحد وقطع عليهم وقال مايصير زواجاهم لانها زوجاته مها: يعني ماطلقها عهود: لا اصلا هي ماعمرها تزوجاته بس هو حط لها منوم بمشروبها وتزوجها وحط لهم الشريط الي يثبت ليه بس عشان يغيض ابوها وغيرها من قصص يعني كانك تتابعين مسلسل بس فيه ضرب مها : امم عهود: ولايهمكم اليوم افرجكم عليها عندي سديهاتهم دخل تركي توه جاي من الدوام : وش جالسين تسوون مها: نتفرج على فلم تركي : من وين تبون الغدا سمر: كيفك تركي: عهود عهود:................. عهود وانا مندمجة مع الفيلم:لا لاتبوسها مو حلوه ..اخ ياقلبي حسافه عليك المزيون هذا ومانتبهت الا بمخدة تخبطني على وجهي وعصبت: من السخيف الي رماها تركي معصب: مالسخيف الا انتي الحين ياقليلة الحيا مو ناهيك انك تتغزلين بالرجال ولا جنبي بعد عهود حبيت اغيضه: ولا مو ذنبي اذا شفت واحد حلو لازم بتكلم عنه ولا انت بذمتك حد يشوف اورلاندو"وقلتها بهيام" وامايتغزل فيه ويذوب تركي عصب وقام طلع السيدي من الجهاز وكسره: وريني الحين شلون بتشوفينه عهود وانا ماسكة نفسي لا اضحك: شفيك ليه تكسره الحين من وين اجيب الفيلم تركي مفور على الاخر: احسن ولا اشوف عندك فلم للتافه هذا عهود ناظرته من فوق لتحت ولفيت وجهي عنه: مها تهدي الوضع: عادي خالي عهود تمازحك تركي توه ينتبه بالبنات وهدى نفسه: المهم شتبون على الغدا مها: عادي أي شئ بس عهود مشتهيه حاجه عهود وانا اقوم من الصالة: لا مو مشتهية بروح انام ودخلت الحجرة مالي خلق اشوف وجهه احس انه ثقيل وغثيث مرة وخاصة ريحته تركي تنهد بقهر: خلاص بطلب لنا وجبات وطلب تركي الغدا وتغدوا وانا طول الوقت بالغرفة اتهرب من تركي وتحججت باني مو طايقة ريحة الاكل واخذت جوالي وارسلت لنجود الي قاهرتني من يوم ماانخطبت وهي ناسيتني "اقول مالت عليك من بنت خال وصديقه تزوجتي ونسيتيني يابايعة العشرا ماعنك ماتستهلين تدرين بس بصير احسن منك وبقول انا حامل وابي منك ورق عنب لاني مشتهية وهذا امر مو طلب سامعه يلا اخاف اشغلك عن طليلك مالت عليك وعليه" وصلت نجود الرسالة وضحكت عليها وعلى طول دقت على وكلمتها ومازالت ماخذه على خاطري منها واعتذرت مني وقالت انها مقصرة بحقي وانها بتجي وبتجيب معها الورق عنب وسكرت منها ودخل تركي علي وجلس جنبي على السرير وانا على طول قرفت من ريحته وكشرت بوجهي : تركي قووووووم ريحتك قرف تركي بضيق : انا مادري مين الي داعي على لاانت طبيعية تبين قربي وحتى وحامك يبي بعدي عهود كسر خاطري بس غصب عني : تركي انت عارف انه من ولدك هو الي مايبي قربك تركي: ولدي ها عهود: كله منك انت الي كذبت علي وخليتني احمل قبل لا اتقبلك وقبل الفترة الي اتفقنا عليها تركي بقهر : وانا ايش دخلني هذا الي ربي كاتبه عهود: عارفه بس برضوا منك تركي تكتف: شلون عهود انحرجت بس بقول: انت ماتشبع كل يوم ولا اخر ماتوصلت له ماخذ لك حبه كانك ناقص تركي بخبث : وهذا الي رباك وسنعك عهود غيرت الموضوع لاني خفت من نظراته :تدري ايش مشتهيه تركي مازال يطالعني ومبتسم بخبث: ايش عهود: لا تطالعني كذا تركي: شلون تبيني اطالعك عهود: انت عارف المهم مشتهيه ايس كريم من باسكن تركي : بعدين اجيبه لك وقرب مني وعلى طول فزيت ورحت الحمام واستفرغت وجيته وانا معصبه : مو قلت لك لا تقرب مني مو طايقة قربك تركي انسدح على السرير وتغطى بقهر : اطلعي خاليني انام عهود: والا يس كريم تركي : اذا جلست اطلعي رفعتي ظغطي وشكلك بتجيبين اجلي ونام وانا طلعت من الغرفة وجلست مع البنات وعلى المغرب صحى وراح صلى بالمسجد ولما رجع جاب معه الايسكريم عهود: بس انا ماابي النوع ذا تركي: مو انتي دايما تطلبينه عهود: ايه بس الحين مابيه تركي :طيب تبين حقي عهود شفته وماعجبني : لا وحتى ذا انا ابي بالنعناع تركي : بالنعناع اتنتي ماتحبينه عهود: كيفي انا احبه ممااحبه خره تركي يتعوذ من ابليس : طيب انت كلي الحين واذا طلعت حبت لك غيره عهود : لا ماابي عافته نفسي البنات لما شافوا تركي متنرفز من تصرفاتي قاموا عنا تركي: عهود ممكن اطلب منك طلب عهود: خير تركي بصبر : ممكن تحسنين اسلوبك معي قدام البنات على الاقل عهود حسيت على دمي صدق اني زودتها لو واحد غير كان داس ببطني بس ليه متحمل وساكت ليه هم يقولون انه عصبي ونذل وانا مااشوف هالصفات فيه كل مرة اعاند واطول لساني عليه واقلل من احترامه وبالمقابل يعاملني معاملة مافي احسن منها يعاملني وكاني اعامله بااحسن من معاملته قاطعني تركي : كل هذا طلبي ثقيل عليك عهود: لا بس انت عارف انه مو بيدي تركي بتفهم ذابحني : عارف ياعمري عهود يالله من زمان عن الكلام هذا :طيب تركي ممكن اطلب منك طلب تركي: ممكن انتي لو تبين عيوني ماتغلى عليك عهود ياربي بيذبحني بطيبته ليه مااقدر ابدله شعوره: مم ..انت ليه ماتتزوج تركي بصدمة:ايييييييييييش عهود : تتزوج احسن لك ولي من جهها انت تلقى راحتك مع غيري وانا ارتاح تركي بقهر: انت سامعه ايش تقولين في مرة عاقلة تطلب الطلب ذا عهود: شوف ياتركي انا حاولت قد مااقدر اني اتقبلك واتقبل خياتي معاك بس ماقدرت ومافي شئ يجي بالغصب وانت طلاق مو مطلق وخصوصا انه ثار يربطنا طفل وعشان نعيش مرتاحين لازم تتزوج تركي يمسكني من يديني ويقربني له وياشر على صدري: انت الي هنا ايش عهود ماقدرت اجاوبه لاني نفسي مو عارفه ايش هذا :............... تركي بحزن اول مرة اشوفه: ليه ياعهود منتي حاسه فيني منتي حاسه اني احبك عهود انصدمت يحبني لا هذا الي كنت مابيه : تركي : ايه حبيتك من اول مرة شفتك فيها وقلبي تعلق فيك عهود يالله ليه ياتركي تعذبني اكثر ماتوقعتك انك بتحبني بس على ايش تحبني انا مامرة حسستك انك مرغوب او حسستك باي شئ يخليك تحبني :............ز تركي بحزن وقهر : ليه ياعهود ليه عهود : قلت لك انا مستحيل احب أي رجال ممكن انه يهيني تركي:طيب انا مرة هنتك ولا حسستك بهالشئ عهود: لا بس ممكن تسويها لان كل الرجال سوا تركي بيتكلم بس قاطعته: الله يخليك اجل الكلام الحين لانا حنا مو لحالنا ودخلت غرفتي من غير لا اسمع رده بس سمعت صوت باب الشقة اكيد طلع "يالله حنن قلبي عليه مو قادرة احبه مو قادرة ليه انا قلبي حجر مايحس ليه " وقطع تفكيري صوت الباب "غريبة مين الي جاي ......يمكن تركي نسى مفتاحه" وراحت الصالة وشفت البنات قالو لي تستنين احد قلت لهم لا وراحنا كلنا نشوف مين عهود: مين :افتحي انا جارتكم عهود:جارتنا : أي الي ساكنين مقابلكم معليش اختي بازعجك بس ممكن اكلم بالتلفون عهود: افتح مها: ايه افتحي ورتبنا اشكالنا وفتحت الباب ودخلنا الصالة بغد ما فتحت وجهها وسلمت: انا اسمي فجر ال......... ساكنة بالشقة الي مقابلتكم عهود: اهلين وانا عهود وعرفتها على البنات فجر: هلا والله بس اذا ممكن التليفون عهود : لحظة وعطيتها التليفون وكلمت اهلها وقالت انها نست المفتاح وجوالها خلص شحنه وانها عندنا فجر: بثقل عليكم اهلي مو جايين الا بعد ساعة عهود: لا عادي حياك الله فجر : الله يحيك .......مم من فيكم زوجة تركي عهود استغربت ايش عارفها بتركي : انا بس شلون عرفتي تركي فجر : لانه هو مع ابوي اصحاب عهود: اها فجر بغمزة: غرتي عهود: هذا من المستحيلات فجر انحرجت :......... عهود تداركت الموضوع: لا لا تفهميني غلط انا ماقلل فيك بس انا "كنت بقول مااحبه عشان اغار بس مسكت نفسي "واثقة من تركي فجر مبتسمه: الله يخليكم لبعض عهود ابتسمت مجاملة لها:الله يسلمك بعد ساعة بالظبط جاو اهلها وسلمت علينا وطلعت ووعدتنا نها بتزورنا مرة ثانية ..الساعة واحدة رجع تركي وهو متضايق ولا تكلم دخل الغرفو غير ملابسه وانسدح على الكنب ونام وجلسنا على الحاله هاذي ثلاث ايام وتركي مايكلمني كل كلامه مع بنات اخته بس قهرني انا ماتعودت على تجاهله لي "طيب ليه منقهرة ممكن اكون احبه لا لا وشو تحبينه انتي عشان ماتعودتي على عدم اهتمامه معه حق اجل الرجال يقول احبك تقولين له تزوج اخ ياقلبي ليتني ياتركي اقدر احبك بس مو مني ياربي ماابيه يتجاهلني حتى طلباتي يأحذهم من البنات " الجزء الثالث والعشرون .............. رغد: عهود خالي تركي يقول وش مشتهيه عشاء عهود كنت بقول ماابي بس كنت جوعانه : ابي لازانيا وبعد نص ساعة جى وجاب العشاء وتعشينا وكان طول الوقت يتجاهلني يالله حتى اكل مو قادرة اكل قمت اغسل "حتى ماقالي اكلي شافني مالمست الاكل ممكن كرهني ليه متضايقة مو هذا الي ابيه لا مستحيل يكرهني افففففف انا ماابيه يتجاهلني شلون اخليه يكلمني شلون ....... لقيتها " رحت اسوي لي كوفي وحطيت الكوفي عند طرف الطاولة بحيث ينكب على رجلي انا من حملت وجسمي على اقل شئ يتحسس بالبدايه حطيته فترة على رجلي لحد ماصارت حمرا واخذت ماي دافي وكبيته على رجلي وملابسي وكبيت الكوفي:اييييييييييييييييي دقايق الا تركي بوجهي : عهود قلبي شصار عهود كنت عارفة انه هذا الي بيجيبك لساته يحبني بس ان شاءالله اقدر اكمل التمثيلية: ايي رجلي تركي بخوف: شفيها عهود وانا امثل الالم : انكبت الكوفي علي تركي نزل على الارض وشاف رجلي محمرة : طيب ليه مانتبهتي عهود: مانتبهت حطيتها على الطاولة وانكبت ايييييييييي تركي يساعدني على المشي لحد الصالة وجابت رغد كيش فيه ثلج واخذه تركي منها وحطه على رجلي تركي: ياقلب....عهود انتبهي عهود: مو مني كنت شايلته وجاتني دوخه وحطيته على الطاولة وانكب تركي : طبيعي تجيك الدوحة وانت ماتاكلين لازم تاكلين عشان تروح عنك الدوخه "ولف على سمر" جيبي لي مرهم الحروق من الصيدليه وجابته وحطه على رجلي : لا الحمدالله الحرق خفيف عهود كملت تمثيلية ماشاءالله على مادريت اني ممثلة بارعة كذا : ايي بس يالم تركي: معليش الحين حطيت لك المرهم وبيخف جلس تركي جنبي : مها الله يعافيك جيبي عشاء عهود عهود: بس انا مو مشتهية تركي : على الاقل كلي لك شوي لانك مااكلتي عهود يعني انتبه لي ماكان يتجاهلني : اوكي باكل بس على شرط تركي : شرطي عهود: انت تاكلني تركي: وانا قبلت المهم تاكلين جابت مها العشاء وجلس تركي ياكلني الصراحة انبسطت من اهتمامه لي عهود: بس تركي شبعت تركي يمد الملعقة لي : بس هاذي عهود حطيت ايدي على بطني : خلاص مو قادرة تركي: الله يهداك ما كليتي شئ عهود: اذا اكلت ماراح استفيد منه لاني بستفرغه حط تركي الصينيه واخذ علاجي وعطاني اياه بعدها رحنا ننام
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى) |
|
#114
08-03-2009, 07:31 PM
| ||
| | ||
| رد: مستحيل احبك مستحيل اعيش من دونك صحيت اليوم وانا احس اني نشيطة قمت للمطبخ ابي اشرب ماي بس شفتها فاضية "اف يعني لازم اعبيها"اخذت علبة الماي الثقيلة وحاولت ارفعها الين قدرت مع ان المفروض مااشيل اشياء ثقيلة مااعرف ليه حسيت اني شريرة لما خلصت من التعبية ليه ماخفت البرادة ليه ماخفت على الي ببطني معقولة اني ابيه يطيح أي ابيه يطيح انا ماابيه وصرت اتعمد ارفع الاشياء الثقيلة مر الاسبوع بسرعة وكانت فجر تجي كل يوم تجي عندنا وصرت صحبه معها احسها عوضتني عن نجود وصرت اكلمها كل يوم اليوم الاربعاء دخل تركي علينا المطبخ كنت جالسة اتفرج عليهم وهم يطبخون :السلام عليكم الكل : وعليكم السلام عهود فرحت لما جى: تركي بننزل اليوم الحسا تركي: لا ماراح ننزل عهود: ليه ابي اشوف اهلي تركي : مايصلح لك طريق الحين وبعدين لا يكون مليتي من البنات عهود حزنت : لا ما مليت منهم بس اشتقت لاهلي تركي : المراجعة الجاية نسال الدكتورة اذا يصير لك تنزلين عهود برطمت وقمت للغرفة بديت اكره الي ببطني ومااحس فيه تعبت منه وهو لسى ماشرف طول الوقت دايخه ومااقدر اكل شئ والحين مااقدر اروح لاهلي افف لاحقني تركي : لاتزعلين عهود: بس والله اشتقت لهم تركي : تحملي كلها اسبوع وبتشوفينهم عهود: صار لي اسبوعين ماشفتهم تركي : لو انك تبين كان انتبهت لاكلك وعلاجك عهود بوزت : .............ز تركي : يلا حطوا الغدا عهود: مو مشتهية تركي: احنا شقلنا اذا مااكلتي ماراح تصحين مد تركي ايده لي ومسكتها ورحنا نتغدا بعدها راح يريح وجلست مع البنات نتفرج على التلفزيون رون جوالي ورفعته:هلا دانة :اهلين وش اخبارك عهود: الحمدالله وانت شخبارك واخبار خالي دانة: تمام يسلم عليك عهود: الله يسلمك ويسلمه وش اخبار قلبي دانة: بخير بس اكيد بيطيح كرته الحين عهود: ليه دانة : مو بجيبين لك واحد الحين وبتنسين حمودي عهود: ياشيخة لا تذكريني بهمي بس وبعدين مستحيل انسى حمودي دانة: نشوف بس طمنيني شلون الحمل معك عهود: متعبني مو كفايه همه زيادة عليه تعب دانة : صدقيني ياعهود بعد ماتحملينه بيديك بتنسين كل التعب وبتتحسفين انك قلت الكلام ذا عنه عهود: صدقيني اتمنى بس مو قادرة احس فيه او احبه دانة: بدري عشان تحسين فيه عهود: ماعلينا دانة: ليه صوتك كذا ملانه عهود: مرة طفشانة دانة: طيب قولي لتركي يطلعك عهود: مو راضي يقول مو زين لي الحركةالكثيرة بالشهور الاولى دانة:طيب تفرجي على افلامك عهود: مااقدر دانة : ليه عهود وانا اتمسخر : مو راضي اني اتفرج على رجال دانة: شلون عهود: يقول المفروض مااطلع رجال غيره يغار حضرته دانة: ههههههههه يابختك ياشيخة حد يحصل له عهود: مو كذا عاد مسوي لي حضر على المسلسلات والافلام الي فيها مزايين دانة : ليه عهود: مرة وانا اتفرج على فلم تغزلت بالبطل خذ السيدي وكسره وخرم على اتفرج على الافلام دانة: ههههههه ماحد قالك تغزلي ولا جنبه بعد عهود: الي قاهرني ليه يسوي كذا لو اني ابداله الحب كان عذرته دانة: ولانك ماتحبينه هو يتصرف كذا عهود: مافهمت دانة : انا افهمك شوفي الرجال الي يعرف ان مرته تموت عليه وماتستغني عنه مايهمه اذا تغزلت برجال غيره او يهمه بس مو لدرجة يسوي لها حضر زيك بس الرجال الي يعرف ان مرته ماتحبه او تتقبله والي هو تركي بيحس بقهر لو سويتي كذا لانه يبي هالشئ له وانت مو معطته اهتمامك وحبك وتعطين اهتمامك ومدحك لغيره وهو احق منهم فطبيعي الي يسويه ويخاف انك تحبين غيره فهمت الحين عهود باصرار : ولو مايعطيه الحق انه يحرمني دانة : عهودة بسكر الحين حمودي صحي وجوعان عهود: اوكي حبيه لي وسكرت منها ورجعت للبنات ودقيت على فجر ووقلت لها تجي وبعد ساعة جات وجلسنا وانبسطت معها كثير حطينا على قناة txtوجات غنية عبد المجيد ياحظ عينك وقمت مع فجر ورقصت كاني من سنين مارقصت وكل ماتجي غنية سواء حلوة ولا لا رقصت عليها "يمكن اتعب وينزل الي ببطني وارتاح " مها: عهود مايصير كذا مو زين للي ببطنك عهود: مها الله يخليك لا تزنين على راسي خليني انبسط فجر : عهود انتي حامل عهود انقهرت لانهم ذكروني بشئ ابي انساه: ايه فجر:مبروك كم لك الحين عهود: شهرين فجر : الله يتمم لك بخير عهود" الله لا يقول ": الله يسلمك رحت المطبخ بسوي لي كوفي وللبنات بعد شفت صناديق البيبسي على الطاولة فقمت اشيلهم وانزلهم على الارض وفجأة حسيت بالم مو طبيعي بظهري بس تنسيته ورحت المجلس وانبسطنا بس الي قهرني ان فجر دائما تدافع عن تركي ماكأني انا صاحبتها مرة دق تركي وكان مالي خلق ارد عليه وطلبت منها ترد فجر: لا عهود استحي عهود: والله مالي خلق له وماراخ يسكر لحد ماارد بس اذا رديتي وقلتي له مشغولة بيحس على دمه فجر: عهود حرام عليك شكله خايف عليك ويبي يتطمن عليك عهود: خليه يولي زين هالشايب فجر : ليه كم عمره عهود: 34سنه فجر: لا مو شايب بالعكس هذا احسن سن تتزوجين منه عهود: طيب ريحيني منه وردي بعدين نكمل فجر : طيب عطيني تركي: اخيرا رفعتي فجر: احم اهلين تركي انا فجر صاحبة عهود تركي ارتبك : اهلين وين عهود فجر : والله هي تعبانة ونامت تبي اقولها شئ تركي: لا مشكور بس جنبك واحدة من البنات فجر : لا والله كلهم نايمين تركي باستغراب : وتاركينك لحالك فجر: عادي متعودة عليهم وبعدين عهود بس مريحة جنبي تركي : عذريني بتعبك معي بس ولا عليك امر خلي عهود تأخذ علاجها فجر : ولا يهمك وتعبك راحة تركي حس بشعور غريب اول مر تكلمه بنت كذا وباسلوب يتمنى عهود تكلمه فيه :مشكور ة فجر: ولو مابين الاهل شكر تركي : طيب مع السلامة واعتذر مرة ثانية فجر بدلع : لا كذا تزعلني منك ياتركي مو قلنا احنا اهل تركي ذاب من صوتها : تسلمين فجر: الله يسلمك وسكرت عهود: شفتي انه غثيث فجر : حرام عليك شكله حبوب عهود: لانك ماعشرتيه مر علي شهر ودخلت الشهر الثالث ومازرت اهلي واما بدور وسمر ارجعوا بيتهم ومها ورغد ظلوا معي وفجر طول الوقت عندي وتروح وتجي معنا وصارت تهتم بتركي كثير بس ماعطيت الامر اهمية وكنت اخليها دايما ترد على تركي اذا كانت موجودة وتركي نبهني اني مااخليها ترد عليه بس ولا كاني اسمعه وكنا جالسين بالصالة وتركي يتقهوى :مم تركي تركي: هلا عهود:مم فكرت بالي قلته لك تركي: ايش عهود: انك تتزوج تركي ترك الي بايده : عهود ماتملين انتي في مرة صاحية تقول لزوجها روح تزوج عهود: والله احسن لك عشان ترتاح تركي: ومن قال لك اني مو مرتاح عهود: يعني انت عاجبك الحال انا الي اعرفه ان الرجال لما يتزوج يبي زوجته تريحة وتعتني فيه تركي: ايه عهود: طيب عشان كذا اقولك تزوج عشان تلقى الي تعتني فيك وتحبك تركي بحزن: وانتي عهود: انت عارف اني مااقدر اعطيك الي تبيه تركي : ليه عهود حزنت لما شفت عيونها تترجاني بس مااقدر :يعني لازم اعيد واكرر تركي بقهر قام : رجاء هالوضوع لاعاد تتكلمين فيه وراح الغرفة ينام "ليه ياربي ليه مايفهم اني مش ممكن اكون له الزوجة الي يتمناها ليه مايريحني ويريح حاله "دقيت على امي بس رد علي عمر ومافهمت منه شئ خفت ان امي صاير لها شئ دقيت على اخوي عبدالله جواله مقفل "لا اكيد امي فيها شئ "ورحت لتركي وانا اصيح :تركي تركي :عهود خليني انام عهود وانا صوتي كله صياح:ترررررركي تركي انفجع وقام : شفيك عهود:...................ز تركي وهويجلسني على السرير : عهود قلبي اهدي وقولي لي فيك شئ عهود هزيت له راسي بالنفي :................ز تركي: طيب شفيك تبكين عهود: امي تركي : شفيها عهود: صار لها شئ تركي :من قال لك عهود: ماحد بس دقيت عليها ورد عمر ومافهمت منه شئ اقوله وين امي يقول مايدري وهو يصيح دقيت على عبدالله وجواله مقفل"وزاد صياحي " تركي يهدي فيني : لاتخافين حبيبي ان شاءالله مافيها الا العافيه عهود وانا اشاهق من البكي: ابي امي ابي اكلم..ه.ا تركي : الحين اخليك تكلمينها بس اهدي واخذ جواله ودق على عبدالله: هلا شخبارك............. اسف ازعجتك بالوقت هذا ..............بس عهود دقت ورد عمر عليها ومافهمت شئ الوالدة فيها شئ .................لا الله يقومها بالسلامة ان شاءالله ........ والحين شخبارها ...............بتروحون البيت ................. سلم عليه اجل يلا مع السلامة تركي: شفتي فجعت نفسك على الفاضي امك مافيها الا العافيه عهود: طيب ليه عمر يصيح تركي : لان عمر اول مرة يشوفها تتالم كذا وراحو ودوها جلسة الغسيل والحين هي الحمدالله ونامت عهود: يعني امي بخير تركي: ايه بخير يلا تعوذي من ابليس ونامي سدحني على السرير وغطاني وتوه بيروح للكنب :تركي تركي: عيونه عهود: لاتروح تركي فرح: تبيني انام جنبك عهود هزيت راسي بمعنى ايه :...... جاى ونام جنبي وعلى طول رحت بحضنه وبديت اصيح وهو على طول حضني ويهدي فيني حسيت بالامان وانا بحضنه ونمت مرتاحة اليوم الثاني صحيت وظهري يالمني مرة وجاتني فجر وقالت تبي تشوف بيجامات كنت توني شريتهم وكان ظهري مرة يالمني قلت لها بعدين وانه وقت جية تركي بس هي اصرت قلت لها روحي شوفيهم بالغرفة وهم مازالوا بالاكياس وماكذبت خبر وقالت لي انها بتروح لحالها مو لازم اجي معها واستغربت على اصرارها بس مااهتميت لان ظهري ذابحني الم فجأة حسيت بشئ نزلت نظري "ياربي انا انزف "خذت جوالي وانا ميتة الم:ترررررررركي الحق على تركي :عهود ..عهود رميت الجوال وتكورت على نفسي من الالم وبسرعة تركي وصل بس انفجع بالي واقفة جنبه كانت فجر لابسة واحدة من بيجاماتي وكانت عبارة عن شورت قصير مع بدي علاق تركي وقف منصدم وفجأة دخل واحد يسب ويلعن وعلى طول فجر تعلقت بتركي :يبه لا مو الي تظنه ابو فجر : ايش خليتي عشان مش الي اظنه يافاجرة وانا اقول ليه مطيحة عنده تركي الي انتبه للوضع : ياعمي مو الي ببالك الله يهداك ابو فجر: وخر انا مالي كلام معك كلامي مع هالتبن فجر: تركي الله يخليك بعده غني بيذبحني تركي :ليه يذبحك انتي ماسويت شئ ابو فجر :وكل هذا ماسويتوا شئ وهالملابس الي ماتستر شئ بجسمها وماصار شئ تركي :الله يهداك ماصار شئ ابو فجر وهو يصرخ : اسمع انا مايرضيني الا واحد من اثنين يااذبحك واذبحها معك او انك تصلح غلطتك وتتزوجها تركي انفجع : انت شتقول ابو فجر: الي سمعته تركي تذكر ليه جاي : شوف الحين ماينفع الكلام زوجتي تعبانة لازم اروح واشوفها ابو فجر : توك تذكر زوجتك ليه ماتذكرتها وانت تلعب باعراض الناس تركي : خلني اشوفها الحين وبعدين نتفاهم ابو فجر : مافي تفاهم فجر: تركي لا تتركني معه بيذبحني تركي يحاول يفكها عنه : ماراح اقول شئ الحين اول اشوف زوجتي وراح تركي ركض للغرفة ماشافها وراح الحمام ولما راح الصالة انصدام كنت متكورة على نفسي وانزف ومغمى على راح ركض جاب عبايتي ولافها على وشالني ابو فجر: وين رايح قبل ماتصلح غلطتك تركي يصرخ : بعد عني مووقتك ابو فجر يسد الطريق : ماراح ابعد لما تصلح غلطتك لا الم عليك العمارة وافضحك تركي : خلاص اذا رجعت نتفاهم ابو فجر : بتتزوجها تركي والشرار يطلع من عيونه: ماتفهم انت اقولك بعد لا ارتكب فيك جريمة بعععععد ابو فجر : ببعد بس عند ك ساعتين بالظبط ان ماجيت تملك عليها بروح للشرطة وورني ايش بتسوي ساعتها تركي : اودي زوجتي المستشفى واتطمن عليها ويصير خير " ويلف على مها ورغد"يلا عجلوا وطلعوا بسرعة للمستشفى بعد ساعة :دكتورة شصار الدكتورة : المدام جاها نزيف حاد بس الحمدالله قدرنا نوقفوا تركي : الحين هي بخير الدكتورة: دلوقتي مااقدرش اقول حاجة لما تعدي 24 ساعة اقدر اتكلم تركي يجلس على الكرسي ويحط وجهه بين يديه : والطفل الدكتورة : لسة بدري لحد مانعرف احنا لحقنا عليه بس ربنا يسهل تركي : اقدر اشوفها الدكتورة : لما نخرجها من العناية واحمد ربنا انك لحقت عليها لو تاخرتو كمان شوية كنا ماقدرنش نسعفها تركي :ليه صار النزيف الدكتورة: اسبابه كثيره منها انها بتشيل حاجات تقيلة والحالة النفسية واهم حاجة انوا جسمها ونفسيتها رافضين الحمل دا تركي : دكتورة طمنيني لاتخبين على الجنين بعيش الدكتورة : كل بعلم ربنا احنا نستنى لحد 24 ساعة ماتمر وبعدها هنعرف على العموم انتوا ملكوش داعي تعقودا هنا رواحو وبكرة الصبح تعالوا لانكم مش هتقدروا تشوفها طلع تركي من عند الدكتورة واخذ البنات وهموم الدنيا فوق راسه قلبه معي وعقله بالمصيبة الي طاحت على راسه راح لابو فجر وحاول انه يفهمه انه ماصار شئ بينهم بس رفض يصدق ومارضى الا من بعد ماملك على بنته :يلا يابنت شيلي اغراضك ولا عاد اشوف وجهك تركي : وين تروح ابو فجر: تروح معك بيتها تركي: خلها عندك لحد مااقول لاهلي ولحد ماادبر له مكان ابو فجر : هالواطية مالها جلسة ببيتي ماتبيها تروح للشارع تركي : على الاقل خلها عندك هاليومين ابو فجر : كلمتي مااعيدها طلع تركي من عنده ومعه فجر خلاص لازم يرضى بالواقع ان فجر زوجته "ااااااااه فرحي ياعهود صار الي تمنيته شلون بقابل اهلي واهلك الحين وشلون بقولك ياترى بتزعلين ولا ماراح يهمك "دخل شقته وقال لها تجلس بالغرفة الثانية لحد مايدبر لها مكان وطول الوقت ماشافها ولا رفع نظره لها طلع للبنات وقال لهم يجهزون اغراضهم بيوديهم لاهلهم وطلب منهم مايجبون سيرة بالي حصل لاحد وخاصة عهود وبيقول انه هو تزوجها بقناعته مها:طيب شلون بتقول لهم انك تزوجت هم بيسألون ليه ومتى خطبت تركي : اذا وصلنا بقول لهم اني افكر اتزوج رغد: وبيقولون ليه وش السبب تركي: من غير سبب الشرع حلل اربع مها : وعهود تركي : ااااااه من عهود وتموا طول الطريق ساكتين لحد ماوصلوا وتركي قال لاهله انه بيتزوج والكل عارضه بس قال لهم ان كلامهم ماينفع وانه خطب وبتزوج الاسبوع الجاي من غير عرس ولا حاجة وطلع من عندهم وهو مقهور ماكان وده انه يتزوج كان راضي بحياته مع عهود لانه حبها وكان مقتنع بانها بتحبه بس الحين مستحيل
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى) |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مستحيل | εïз][šнєяy | أرشيف المواضيع الغير مكتمله او المكرره او المنقوله و المخالفه | 674 | 07-14-2009 11:09 PM |
| قصة خوفي من الحب.... | اكوس وحدة | أرشيف المواضيع الغير مكتمله او المكرره او المنقوله و المخالفه | 2 | 11-20-2008 11:25 PM |
العرض العادي
