|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#124
08-05-2009, 12:14 PM
| ||
| | ||
| رد: مستحيل احبك مستحيل اعيش من دونك الجزء السادس والعشرون ............. المغرب جالسين بالصالة كنت اتفرج على فلم وفجر لاصقة بتركي وتقهويه عهود: تركي تركي: هلا عهود: متى نروح نشتري اغراض البيبي تركي : مو بدري عهود: الا بس انا الحين توني بالشهور الاولى وتعبانة كيف اجل بالاخيرة ماراح اعرف اتحرك تركي : ولا يهمك بكرة افضي نفسي ونروح اوكي عهود وانا فرحانه : اوكي تركي : اوامر ثانيه عهود وانا امسح على بطني :مم جوعانة تركي : يخسى الجوع ايش مشتهية واطلبه لك عهود جبيت اتدلل عليه الصراحة توني اعرف ان التدلل على الزوج حلو: ابي اندومي تركي كشر : اندومي عهود: ايه انومي وابيه يكون حامض مرة تركي : اندومي اندومي "يلف على فجر "ولا عليك امر قومي سوي لها عهود لو ايش يصير مااكلت منها شئ : لا انا ماابي منها أي شئ ابيك انت تسويه فجر : وليه ماتبين مني شئ قالوا لك بسممك يعني عهود وابي اقهرها: كل شئ جايز تركي حس ان هواشة بتصير قطع علينا : بس انا مااعرف اسويه ولا احبه عهود برطمت : ماابي خلاص تركي يراضيني : افا كل شئ ولا زعلك بس والله مااعرف اسويه عهود: اقوم معك واعلمك تركي : طيب يلا لاتغيرين رايك عهود اتدلع : بس بشرط تركي :تدللي عهود:تاكل معي تركي : بس انا ماحبه عهود: مالي دخل بتاكل معي باكل مو ماكل ماراح اكل تركي : طيب امري لله قومي فجر :انت ليه تعاملها احسن مني انا لوطلبت منك شئ ماتحبه ماتسويه عهود عجبني الوضع وحبيت اقهرها : انا غير فجر : ياسلام "وتلف على تركي "انت شلون ترضاها على نفسك وتعيش مع واحده ماتطيقك تركي عصب : شتقولين فجر: اقول الصدق هي بعظمة لسانها قالت الكلام ذا تركي يطالعني بغضب ويكلم فجر :متى قالت الكلام فجر: قبل لا نتزوج وكنت مصاحبتها تركي لانت ملامحه :ذاك الوقت كانت بفترة وحامها وعلى مااظن انتي عارفة انها متوحمة فيني وماتطيقني بس الحين لا مو صحيح ياعهود عهود تفجأت من سؤاله وكنت انقل نظري بينه وبين فجر "هل مازلت ماطيقه لا انا تقبلته الحين وافرح بشوفته ويضيق صدري اذا ماشفته ايه تقبلت تركي بحياتي :الصراحه انا للخين ماحبيتك بس متقبلة وجودك بحياتي ومااتصور حياتي دونك تركي ببتسمة رضا : يلا قومي اغذيك اشوي وبتختفين عهود رفعت حاجبي : لا كل هالكرش ومو عاجبك تركي : أي كرش الله يهداك ودخلنا المطبخ وبدى تركي يسوي الاندومي باشرافي وانا جالسه على الكرسي : وبعدين لاتطنز علي عند خوالي وامي تركي بضحكة : متى عهود: يوم تتكلم عن الحريم تركي تذكر : اها ايه ماقلت الا الصدق ابي احس انك حامل الصراحة اتخسر على نفسي لما اشوف الحريم وهم يمشون وكروشهم سابقتهم من كبرها وانتي شكلك بتولدين وبطنك مابان عهود بدلع :حرام عليك اكثر من كذا والله احس ان بطني واقف بحلقي من كبره تركي :ههههههه عهود: أي اضحك انت وش عليك تركي يراضني : صدقيني حبيت الحمل منك مع اني كنت اكره اشكال الحريم وهم حمل بس صرت اموت على الحمل فيك ياحلو "وغمز" عهود عرفت معنى غمزته :تركي حرام جوعانة ابي اكل وبعدين اليوم مو دوري تركي يتصنع الحزن : افا ماتبيني عهود ماقدرت انكر صرت احب انام بحضنه احس بالحنان الي فقدته وبالامان : لا مو كذا بس ابي اكل واذا اكلت مالي خلق لاي حركة تركي : ايه على بالي عهود:مطول جعت تركي : شوفي استوى ولا اكلنه وتركي عجبه طعمه وقال انه جربه من قبل ماعجبه قلت له اكيد ماحطيتوا عليه ليمون وماجي مرت الايام وصرت الحين بالشهر السابع وصرت دائما انام بحضن تركي اذا جى دوري لاني كنت انام على بطني تركي : عهود مو زين لبيبي تنامين على بطنك الحين تهرسينه عهود: ماارتاح بالنومة الاعلى بطني وكذا مرة حاولت مانام بس انقلب وانا نايمة ومااحس تركي :انا عندي حل عهود: ايش الحل سحبني تركي لحضنه على السرير :خير تركي : اذا نمت بحضني اقدر امنعك وانتي نايمة وماراح تنقلبين عهود عجبني حله وبعدين خفت على البيبي بس الصراحة استحي انام بحضنه واقابله فصرت انام و ومعطيته ظهري وهو يحضني ونجح الحل وصرت ماانقلب على بطني بس من دخلت الشهر السابع وانا اهوجس بالولادة وصرت اخاف منها لدرجة اني اجلس تركي من عز نومة عهزد: تركي ..تركي تركي :مممم عهود: تركي قوم تركي بصوت نعسان : عهود خليني انام مابقى على دوامي شئ عهود بديت اصيح : خايفة تركي جلس : خايفة من ايش عهود واشتغل عندي البكى :...................... تركي :عهود قلبي ليه هالبكي عهود :اخ..اف ..امو.ت تركي على طول حضني :ليه حبيبيتي وش جاب هالطاري عهود:اخاف اموت وانا اولد تركي : لا حبيبتي لاتخافين ان شاءالله تولدين وتقومين بالسلامة ونربيه سوا ونجيب له اخوان يلعبون معه عهود: لا تكذب على انا بموت تركي : حبيبتي اذكري الله عهود وجهي صار احمر من البكي : لا اله الا الله بس انا من ابرة اموت من الالم اكيد الولادة بتذبحني تركي : ليه من قال لك الكلام هذا عهود: لا انا شفت المرة الي بالتلفزيون وهي تولد ماتت لما ولدت وكانت تتالم كثير تركي : وانتي الي تشوفينه خلاص بيصير هذا شئ الله كاتبه واذا كان يومك بتموتي سواء وانتي تولدين او لا بس انتي قوي قلبك وكثري من الادعيه وقراءة القران وان شاءالله ربي يسهل عليك وبعدين مو قايل لك لاتشوفين الاشياء ذي عهود: انا ماكنت ابي اشوفه بس فجر قالت لي اشوفه عشان اعرف وبعدين قالت لي انه ممكن يصير لي تركي انا خايفة تركي يشد على : قلبي مو قلت لك طول ماانا معك لاتخافين ويلا الحين تعوذي من ابليس ونامي ونمت وصار هذا الشئ روتيني كل يوم اجلسه من النوم ونفس الاسطوانة وهو يهدي فيني ومسك فجر وهزئها وقال لها اذا خلتني اشوف شئ ثاني ماتلوم الا نفسها لاني اروح اجلسه من نومه حتى وهو عند فجر الايام هذي اكتشفت نذالة تركي بس الحمدالله مو معي اول مرة ادري انه مايرضى بالغلط مرة فجر كثرت الملح بالاكل ثار فيها وحرمها انها تروح لامها اول مرة اكتشف الجانب هذا من شخصية تركي بعد اسبوع زواج عهود وماعندي شئ البسه احس ان فساتيني كلها صارت ضيقة مع اني شريت فستان من اول ماانخطبت لان تصميمه روعه وخفت انه يروح علي بس الحين ضيق ومو مرتاحه فيه كنت اتفرج على نفسي بالمرايه وكان لون الفستان بنفسجي محروق وفيه كريستال عند الصدر وحوليه اما عند الخصر صاير لف بطريقة تبرز الخصر ومفتوح من الجنب على شكل ستارة ويبان منه قماش حرير مكموش وكان قماش الفستان فخم مرة بس احس مو مرتاحة فيه بسبب بطني التفت الا اتفجأ بوجود تركي وكان شكله متنح ارتبكت منه واستحيت لان الفستان عاري من فوق ومبرز صدري :انت من متى هنا تركي دايخ على :من زمااااااان عهود حمرت من نظرته :لاطالعني كذا لوسمحت تركي بصوت خلى قلبي يرجف:حد يشوف القمر ولا يناظره عهود "ياربي ليه احس كذا ليه احس ان نظراته لي تعجبني من قبل كنت اتضايق بس الحين لا":طيب ممكن تطلع تركي:ليه عهود:مابيك تشوفني وبعدين الفستان مو حلو على تركي يقرب مني :الا طالع يجنن عليك عهود رجعت لورى لما قرب :ايه تكذب علي شوف كيف صاير ضيق من كرشتي تركي يقزني:وين الكرش يتهئ لك ياقلبي والله انه جناااااااااااان عهود الصراحه ارضى غروري بتعليقه:طيب لاتطلع ماتستحي تقزني كذا خلني احط شئ الشال بعدين طالع تركي جاى لعندي وسحب الشال بسرعة بيد وباليد الثانية مسكني من خصري :لا اتركي الشال وخليني امتع نظري منك لسه ماشبعت عهود"ياربي ليه قلبي يدق بسرعة انا مو اول مرة اكون بين يديه ليه هالمرة غير ":تركي بعد تركي ويقربني لصدره :ليه تبين تحرميني من قربك عهود:....................ز تركي رفع وجهي لوجهه:طالعيني عهود تلاقت عيوني بعيونه لاول مرة انتبه لهم كانوا وساع ولونهم عسلي عيونه جذبوني حاولت اقاوم بس ماقدرت حسيتهم مغناطيس يالله صدق عيونه جنان ويدوخ الواحد فيهم مالوم فجر اذا تعلقت فيه طيب ليه توني احس فيه الخين يوم صار لغيري يوم صار في احد يشاركني فيه هل هو حب او حب تملك وبس انا من ضغري ومااحب حد يشاركني باشيائي ايه حب تملك انتي ياعهود مستحيل تحبين نزلت نظري لخشمه كان طويل وحاد ومبرز شكلة وفمه محوط بسكسوكة مخففه وعند وسط شفته السفليه مسوي الخنجر ياربي شفيني خقيت :تركي تركي بعيون كلها حب :عيون وروح تركي عهود بدلع:ممكن توديني السوق تركي :ليه عهود:باخذ لي فستان لعرس نجود تركي مازال محاوط خصري : والفستان ذا عهود:مايناسبني ومطلعني سمينة تركي بضحكة :حرام عليك صايرة جلد بعظم تقولين سمينه عهود:انت تجاملني بس تركي :وغلاتك الفستان حلو والي محليه انتي... جسمك معطيه حلا موطبيعي "وكمل بهمس عند اذني "شلون موحلو وخصرك ولا خصر الغزال اما صدرك اخخخ على صدرك خطيييير عهود حمرت وانكمش جسمي بين يديه وحسيت انه يستمتع باحراجي :............... كمل وبنفس الهمس:انتي تذوبيني بكل حالاتك سمينة ضعيفة تذوبيني ملكتي قلبي ياغالاي عيونك بحر اضيع فيهم"وباس عيوني "خشمك الصغير ومعطيك شكلك الطفولي الي ذابحني وخاصة اذاحمر اروح فيها "وباسه"اما فمك اخخخخخخ على فمك بس بلونه الوردي عذبني عذبني برسمتة وما عمري مليت ولا راح امل من اني اشوفه واتامله وطول عمري بحبه وبنجذب له ولا غيره بيجذبني "وباسه "اما وجهك الضغنون شئ ثاني هو لحاله قصة اما رقبتك تغريني وانا باسواء حالاتي "وباسها" عهود كنت طول الوقت مغمضة عيوني :تررررركي خلاص تركي بتنهيده:ااااااه ياعهود ماكتي روحي وعقلي وقلبي وعمري ماضنيت ان واحدة ممكن تملكني عهود"مية احساس غزاني بالحظه ذي معقولة انا احب تركي ..لا لا مستحيل انا تقبلته بس ماحبيته طيب قلبي يرجف كذا ليه ليه احس اني اذوب من صوته واذوب اكثر بين ايديه صرت احب اكون بحضنه على عكس قبل ماطيق اكون قربه وابعد عنه خاصة بعد مااعطيه حقوقه كنت اتمنى الوقت يمر بسرعة عشان ابعد عنه بس الحين احب حضنه وقربه ويضيق صدري لبعد عني "قطع تفكيري تركي :حبيبي عهود ومازلت مرتبكه:همم تركي : ودك تروحين السوق وتدورين لك فستان عهود:مو تقول حلو خلاص بلبسه تركي : غيرت رايي الصراحه مااحب حد يشوف هالحلا غيري عهود رفعت حاجبي : ياسلام يوم اقنعتني فيه تقول لا تركي ببتسمة :بس فكرت فيها والصراحة ماحب حد يشاركني ويشوف شئ خاص فيني "ويغمز "وانتي مشاءالله عليك اخذتي الحلا كله من الناس واخاف يحسدونك وتروحين علي عهود حبيت كلامه بس قهرني :الله يخليك تركي خلني البسه تركي يهز راسه بالنفي :............ عهود بدلع :شوف اذا خليتني البسه بالعرس راح اسوي الي تبي وعشان ترتاح بخلي الشال طول الوقت علي تركي يحرك حواجبه بطريقة مضحكة: الي ابي عهود:الي تبي ندمت يوم شفت نظراته :خلاص قد وعدك عهود ودي اتراجع بس دخل الفستان بمزاجي :ايه تركي :اوكي بس مو الحين بطلب منك بعدين عهود بفضول : متى تركي : نزلي الحمل الي عندك بعدين تعرفين ياقلبي عهود انحرجت منه: طيب اطلع بغير تركي : غيري ماحد ماسكك عهود تكتفت : وانت تركي :على ماظن اني زوجك وانتي حلالي اقدر اشوفك بكل حالاتك عهود انقهرت منه ومن جرءاته:تررررركي لا تنرفزني وخلنا حلوين مع بعض تركي ينسدح على السرير :طلعه مو طالع تبين تغيرين غيري قدامي لمتى تستحين مني خلاص من اليوم مافي انوار مطفيه عهود طلعت عيوني : ليييييييييييه تركي : ابي امتع نظري فيك من يوم ماتزوجتك ماشفت جسمك وبعدين بكرة لاقدر الله لصار لك شئ وضعتي او صار لوجهك شئ وقالو لي ايش العلامة الي تميز جسم مرتك اقولهم مااعرف لانها ماخلتني اشوفها عهود ياربي هالادمي يستمتع باحراجي : اقول لا يكثر وقوم روح لمرتك الثانية تركي كشر بوجهه:ماني قايم بتغيرين غيري منتي مغير عاجبني الوضع بكلا الحالتين عهود انقهرت "في احلامك اغير جنبك ولا بكرشي بعد ......مممم مالي الا المطبخ "طلعت بسرعة من الغرفة ورحت المطبخ وغفلت الباب خفت انه يلحقني وغيرت ولبست لي قميص وردي قصي لنص الساق وفيه بالوسط دبدوب ومخلي شكلي كيوت وطلعت وشفته ينتظرني ويطالعني بقهر :من اليوم ماراح اخلي مفتاح بالبيت واشوف كيف تمنعيني عهود ضحكت على شكله وهو معصب :هههههههه عادي اعفن بلبسي او انتظر لح ماتروح العمل واغير تركي سحبني من ايدي : انا اوريك شغلك الحين والله لا طلع حرتي فيك عهود خفت : شبتسوي تركي بخبث : الحين تعرفين دخلني الغرفة وقفل الباب عهود : يامجنون اذا ماخفت على خاف على البيبي تركي باصرار :ماراح اضرك لا انتي ولا البيبي اضر عمري ولا اضرك عهود:طف النور طيب تركي : باحلامك عهود:تررررركي ولا حياة لمن تنادي ^_ ..................................
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة  عضوة فى شله هيناتا  عضوة فى شله البرنسيسات شلة لكل البنات عضوه في بوكمون (لمحبى الانمى) |
|
#125
08-05-2009, 12:21 PM
| ||
| | ||
| رد: مستحيل احبك مستحيل اعيش من دونك الجزء السابع والعشرون ......... اليوم الثاني دور فجر وكنت طول الوقت مبوزة بوجهه لانه اجبرني علي شئ مابيه "لاني الصراح استحي وهو جرئ بزيادة المفروض يقدر وضعي ولا الشيخ مبسوط على الاخر " اليوم زواج نجود كانت خايفة ومرتبكة كثير بس كانت رائعة بفستانها الابيض ومكايجها مبرزجمالها انزفت نجود لطلال وانبسطنا بالعرس بس حزنت بفراقها لان ماراح نكون مثل قبل صحيح مازلنا نكلم بعض وارجعت علاقتنا بالشهر الي راح مثل قبل بس خلاص بيكون وقتها لطلال الحين مر اسبوع على زواج نجود جلست بالليل الساعة واحدة على صوت جوالي :تركي تركي :مم عهود خليني انام عهود وبدى صوتي يختفي من الصياح :تررررركي تركي : عهود قلبي ماراح يصير لك شئ انشاءالله نامي وتعوذي من ابليس عهود ماقدرت امسك نفسي ورميت نفسي على مخدتي وبكيت بصوت مكتوم تركي جلس مستغرب اني تركته من غير اسطوانتي المعتادة وانفجع من شكلي :عهود قلبي لا تسوين كذا كل الحريم ولدو وماصار لهم شئ لا تجلسين توسوسين بعقلك عهود :..................ز تركي يحضني : قلبي صدقيني ماراح يصير شئ الا الي ربي كاتبه عهود وانا صوتي كله بكي :ام..ييييييييي تركي :شفيها امك عهود:بالمستشفى تركي بخوف: شدراك مين قال لك عهود: عمر دق علي وقال لي امي طاحت عليهم ويلزمها عملية زرع كلى تركي يهديني :ان شاءالله بتكون بخير وبتقوم بالسلامة عهود: تركي ودني لها تركي :ان شاءالله بكرة العصر نحرك عهود :لا بتوديني الحين تركي : مايصير الحين عهود وانا مصرة وخايفة على امي : بتوديني الحين لو انه احد من اهلك مانتظرت لبكرة تركي قدر وضعها : طيب قومي جهزي حالك بنمشي الحين وبسرعة قمت وجهزت نفسي ومسكنا الطريق حسيت ان الطريق طال ..وصلنا المستشفى وشفت خوالي مع خالتي العنود ينتظرون الدكتور رحت بسرعة لهم : شلون امي خالتي العنود حضنتني :ان شاءالله بتقوم بالسلامة الدكتور اخذ منا دم عشان يشوف اذا تطابق لكلية امك وان شاءالله خير عهود: وانا ابي احلل العنود : مايصير ياقلبي انتي حامل تركي : وين غرفة التحاليل سالم : تعال معي بعد اربع ساعات طلعت النتايج ولا احد تطابق مع امي عهود: لا مايصير كذا امي بتروح منا خلوني اسوي تحليل يمكن تطابق العنود: مايصير وبعدين صبري باقي نتايج تركي عهود بيأس: احنا اهلها ماتطابق شلون تركي بعد ساعة طلعت النتيجة خالي بسام: بشر يادكتور الدكتور : الحمدالله نتيجة الاستاذ تركي مطابقة لكليه المدام فرحنا واستبشرنا بالخير وجهزوا امي وتركي للعمليه ودخلوهم مرت ست ساعات ولحد الحين ماطلعو من غرفة العمليات بعد نص ساعة طلع الدكتور وانقبض قلبي من ملامحه خالي سالم : بشر الدكتور : والله مش عارف اقول ايه بس البقية بحياتكم الكل : بمين الدكتور : بالمدام عهود صرخت باقوى ماعندي:لاااااااااااااااااااااااااااااااااااااااااا ا امييييييي العنودبصياح : ان لله وان اليه راجعون خالي بسام حضن خالي سالم وبكى:لا اختييي راحت راااااااحت سالم يمسك نفسه : ادع لها بالرحمة العنود جات وحضنتني وتحاول تهديني : تركي طلعوه من العمليات من بعد مانقلو كليته لامي وكان نايم من مفعول البنج عطوني مهدئ لاني انهرت عليهم بعد ساعة انتبهت لعمر نايم جنبي وكان باين عليه البكي شكله صاح لحد ماتعب ونام جلست وطلعت برى الغرفة وانفجعت بوجود اكثر شخص اكره فهالعالم وماكان باين عليه الحزن على فراقها ااااااه ياامي رحتي وتركتيني شدني صوت اخوي عبدالله:مالك دخل فيها ابو عبدالله بغضب : كل تبن يالخسيس عبدالله : لا ماراح اكل انا سكت من قبل عنك عشانك ابوي وعشان امي بس كل شئ له حدود انك تجي وتتشمت بموتتها هذا الي ماراح اسكت عنه راحت له وباقوى ماعندي :طرررررررررررررراخ أي عطيت ابوي كف طلعت فيه قهر السنين الي مضت طلعت فيه الضيم الي عيشنا فيه انا وامي واخواني وبكل صوتي : انت السبب انت الي ذبحتها اكرررررررررررهك ابو عبدالله فار وكان بيضربني بس عبدالله وقف له: قلت لك لحد هنا وبس ابو عبدالله يبعده عنه: وخر خلني اربيها وخر عبدالله بقهر : انت ايش انت ابو ولا عدو مرتك الي هي امي توها متوفية وجاي بشرك ابو عبدالله رفع ايده بيضربه بس وقفه هالمرة خالي سالم : عبداااااااااالله ابو عبدالله يطالع خالي سالم بخوف لانه عارف انه الوحيد الي يقدر عليه :سالم سالم : انت ماتستحي على وجهك ياخي قدر ظروفنا وظروف عيالك ابو عبدالله:......................ز سالم وهو يحاول يمسك اعصابه : والحين تفضل بره ابو عبدالله: مايحق لك انا جاي اشوف زوجتي سالم: بعد ايش بعد ماماتت وينك في يوم احتجنا لك وينك في يوم احتاجت لكلية ها قول تكلم ابو عبدالله : بس بسام يقاطعه : لا بس ولاشئ اختي بحياتها ماقدرتها وحتى بعد مماتها جاي تتشمت فيها مالك حق فيها الحين خلاص كفاية الي شافته منك وهي حيا خلاها ترتاح بمماتها ابو عبدالله :وين عمر عبدالله: مالك دخل بعمر ابو عبدالله يصارخ:وشلون مالي دخل انا ابوه عبدالله: وعمر مايبيك ومن اليوم ماراح نعيش معك بنفس البيت ابو عبدالله: انت بالعنه بس اخوك بيجي معي عبدالله : ماراح يجي كفاية طفولته ماتهنى فيها خله يعيش مراهقته بسلام ابو عبدالله : عمر باخذه غصب عنك عبدالله : اعلى مابخيلك اركبه والمحاكم بتوقف معنا بعد ماتشوف اثار الحروق والضرب الي بجسمه بسام وسالم منفجعين :ايييييييييش عبدالله بقهر وصراخ: أي حروق الوالد الغزيز عشان يرضي اهله كان يحرقنا باسياخ حاميه انا ماسلمت منه عهود ماسلمت وعمر المسكين بعد روح ياخالي روح شوف ظهر كيف صاير الغريب بيحس وبيشفق عليه وهو ابوه ماهمه "وبكى قهر "حرام عليك ذبحت امي وبتذبحنا سالم راح لعبدالله واخذه بقوة لحضنه وعبدالله تمسك فيه وكانه طوق نجاة :اسف ياعبدالله اسف لاني ماحميتكم من هالخسيس كنت متوقعه ادمي بس حتى الحيوانات اشرف منه على الاقل هي ماترضى على اولادها وتحميها من أي خطر بسام مسك ابو عبدالله من ثوبه : اطلع بره لادوس ببطنك الحين والله ثم والله ان شفت وجههك ببيتنا ولا بالعزا انت واهلك لايكون ذبحكم على ايدي ابو عبد الله خاف وعلى طول هرب من المستشفى عبدالله مازال بحضن خاله يبكي :خلاص ياخالوا خلاص اعرف من اليوم ماحد بيمس شعرة من روسكم انتم امانه برقبتي ومن اليوم ورايح انا ابوكم عبدالله يبكي وشد مسكته على خاله:....................... بسام جاني وجلس بجنبي :قومي ياقلبي قومي لزوجك عهود وانا ميته صياح :........... بسام حضني : ادعي لها بالرحمة واخذني لغرفة تركي وكنت مترددة ادخل له بس من بعد مافتح خالي الباب وشفته فاتح ذراعه لي جريت لحضنه وبكيت :تر..كي امي ..راحت وتركتني ..راحت ..وتركتني ..لحالي تركي يمسح على ظهري : الله يرحمها وبعدين ياقلبي مانتي لحالك ابد انا معك وماراح اتركك عهود ومازالت اصيح:رااااااحت ياتركي راحت وخلتني رااااحت تركي :خلاص ياقلبي هدي عهود بعدت عنه بغضب : شلون اهدى هاذي امي فاهم شلون امي راحت راحت وتركتني مين الي بيحميني الحين مين الي بيحسسني بالامان مين بيحبني غيرها مين قولي "وكملت اصرخ عليه وصوتي بدى يختفي من البكي "تبيني اهدى تكلم قول تركي وقف بصعوبه من الفراش واخذني لحضنه وكنت ابعده عني بس استسلمت بالنهاية :امي راحت تركي بحنان : انا الي بحميك انا الي بحسسك بالامان وماراح اتركك ابد ياقلبي عهود وصوتي مبحوح : انت بتتركني بعد تركي يرفع وجهي له : اتركك اترك روحي ولا اتركك انت هواي الي اتنفسه حياتي من غيرك ولاشئ مستحيل اتركك مستحيل وانسدح على السرير وسدحني جنبه وحط راسي على صدره ويمسح على ظهري :يعني ماراح تتركني تركي يتالم من عمليته: ابد عهود وانا منهارة : توعدني تركي : اقسم لك مو اوعدك طلع تركي من المستشفى وانا مع اخواني رحنا بيت جدتي وصار العزا ببيتها وخوالي امنعوا ابوي واهله من انهم يحضرو بسبب ان ام ابوي دقت على جدي وهزئته بسبب الي صار لابوي من خوالي وقالت له ان موتة امي عقوبة من الله لها ولنا وسبها جدي وقال لها لاهي اخته ولا يعرفها ولاتطب له مكان بعد اليوم اما انا حبست نفسي بغرفة جهزتها جدتي لي ولا اطلع منها الا لضرورة وحتى تركي لما جى يعزيني رفضت اطلع له وقال له عبدالله يتركني لحد مااهدى وهو بيقنعني كنت كل ليلة اجلس وابكي فراق الغالية "اااااه يايمة ليه تركتيني ليه مااخذتيني معك ليه ليييييه من لي بعدك انا الحين يتيمة الابو وهو حي ويتيمة يوم متي وتركتيني وينك يايمه وينك "صرخت " :يمه ويييييينك ليييييييه تركتيني جاو خالاتي وجدتي وكل واحدة تهديني جدتي : خلاص يابنتي مايجوز الي تسوينه بنفسك عهود وبكل غضب الدنيا :لاتقولين بنتي انا مو بنتك انا مو بنت احد خلااااااص امي راحت راحت الي اكون بنتها وتركتني لحالي جدتي :يايمة منتي لحالك احنا معك واحوانك وتركي عهود صرخت صرخة حسيت منها اني اطلع كل الغضب والقهر الي فيني : لا مانتوا دايمين لي انتوا تكذبون مثل ماكذبت هي هي قالت انها ماراح تتركني وهذهي راحت وتركتني العنود تقرب مني : حبيبتي عهود بعدت عنها: بعد عني انا مو حبيبتك ولا حبيبة احد "وبكيت وكاني طفلة"ماحد يبيني ماحد يحبني جدتي : انا ابيك وخالاتك بعد عهود: لا ماتبوني لو انكم صدق تحبوني كان ماخليتونا انا وامي عند هالوحش الي ذبحها واذاني حرمني من اني اعيش طفولتي وحرمني الحين من امي وينكم يوم اذانا الحين جيتوا يوم ذبحها العنود: عهود خلاص انتي تتعبينا وتعبين نفسك عهود بهستيرية : اتررررررررررررركوني لحالي مابي احد طلعووووووووووا بره خالاتي يمسكوني ويحاولون يهدوني لحد مااغمى على وودوني بسرعة المستشفى وخلوني عندهم بسبب ضعفي وانهياري ظليت بالمستشفى اسبوعين وكنت رافضة اشوف أي احد ماكنت اسمح الا لاخواني بس وتركي تعب من كثر ماترجاني وترجى خوالي انه يشوفني وانا كنت رافضه اليوم مر شهرين على وفاة امي ومازلت على حالي بالحزن صرت اجلس مع خوالي وخالاتي الوحيد الي مازلت رافضه اشوفه تركي بكرة بدخل شهري التاسع والحمل متعبني حيل كنا جالسين بالصالة مجتمعين العنود:عهود عهود:هلا العنود : بتكلم معك بموضوع وابيك تسمعين من غير ماتعصبين عهود: اذا كان عن تركي من الحين سكريه العنود: ليه طيب حرام عليك الرجل يبي يشوفك ويطمن عليك عهود : لان تركي مو من حقي العنود مافهمت: ايش شلون فهميني عهود: تركي رجال الف بنت تتمناه وانا مااستاهله العنود: وليه ماتستهلينه عهود: تركي الحين متزوج غيري وهي الي بتريحه ومو من حقي اخرب حياته العنود: هو اشتكى لك مرة لمح لك عهود: لا بس انا مااقدر اكون معه العنود: عهود بذمتك انتي للحين ماحبيتيه عهود سؤالها صعقني :.......................... العنود: جاوبيني عهود: الحين فات الاوان وماينفع لان تركي مو لي لحالي وانا مااحب حد يشاركني بشئ وانا استهل لاني طلبت منه يتزوج العنود : انتي صاحيه عهود تركي يحبك ومايستغنى عنك والحين اكثر من أي وقت لازم تتمسكين فيه عهود: ليه العنود: ليه يعني تبين ترجعين لابوك ترا اذا تميتي على هالحال الرجال بيمل وبيطلقك وابوك مستحيل يتركك هنا بيجي وياخذك وماحد يقدر يمنعه لانك بنت مو ولد وراح يزوجك لزياد الي يتمنى اليوم قبل بكرة ان تركي يطلقك وياحذك عهود:.................ز العنود: وبعدين لاتصيرين انانية انتي حياتك مرتبطة بطفل بريئ ماله ذنب يعيش بعيد عن ابوه لازم تفكرين فيه وتحاولين قد ماتقدرين انك تأمنين له الحياة الي انت نحرمتي منها عهود "كلامها صح انا انانية يوم فكرت بنفسي انا الحين مسؤلة عن هالطفل ومو من حقي احرمه من انه يعيش حياة طبيعيه انا لازم اعوضه عن الاشياء الي انحرمنت منها لازم":............ العنود: سمعيني حبيبتي اليوم تركي بيجي وابيك تطلعين له وابيك تبدين حياتك معه من جديد اذا مو عشانك عشان الي ببطنك طيب عهود باقتناع :ان شاءالله العنود: هذا الكلام المظبوط حبيبتي خلاص انسي امس وفكري ببكرة وخلي الماضي ورى ظهرك وابدي حياة جديدة عهود:خالتي الكلام ذا سابق اوانه العنود: اهم شئ انك تفكرين كويس ومن غير تهور بعد صلاة العشاء بلغني خالي بسام بحضور تركي وهو يستناني بالمجلس لبست لي جلابية ناعمة لونها عنابي ورفعت شعري بطريقة مهملة وماحطيت أي ميك اب ونزلت له بعد تردد دخلت :السلام عليكم تركي وشكله بيطير من الفرحة : وعليكم السلام هلا والله عهود جلست بالكنبة الي مقابلته :............ تركي ماعلق على بعدي خايف اقوم واتركه : اخبارك واخبار البيبي عهود: الحمدالله تركي يطالعني بنظرات حب وشوق :ان شاءالله الحمل مو متعبك عهود: الحمدالله تركي : وانتي معلقه على هالكلمة عهود :............... تركي قام وجلس جنبي ومسك ايدي : لهدرجة اهون عليك شهرين ماتخليني اشوفك فيهم عهود رجفت من صوته الي كله شوق وعتب :انت عارف ظروفي تركي بتنهيدة:ايه عارف بس على الاقل خليتني اسمع صوتك عهود : وهذا انت سمعتني وشفتني تركي ببتسمة : بالله ماشتقتي لي ولثقالة دمي عهود ابتسمت لكلمته : يعني تركي : الحمدالله عهود استغربت من جوابه : ............ز تركي يوضح: يعني احسن من لا فهمتي عهود: امم جلسنا نسوالف هو يتكلم عن حياته من غيري تركي : عهود عهود : هلا تركي : متى ترجعين لبيتك عهود :مو الحين ياتركي بعدين تركي : متى بعدين عهود: انا الحين بشهري وماراح استفيد من رجعتي لان برجع بيت جدتي مرة ثانية بعد مااولد صح ولا تركي بتفهم: طيب بعد ماتولدين وتخلصين نفاسك بترجعين معي عهود: ان شاءالله بس لي شروط تركي : امري عهود: اذا رجعت اكون بشقة او جناح لحالي تركي : من غير لاتقولين انا فتحت شقتي مع الشقه المقابلة على بعض عهود: حلو وابي تكون الشقة الثانية لي مو الي كنت فيها تركي : ليه عهود: ابي ابدء حياتي من جديد معك ومع الي ببطني تركي بفرح : ولا يهمك اعتبري الموضوع منتهي عهود: باقي شرط تركي بصبر : الي هو عهود: اخوي عمر بعيش معي لانه تركي يقاطعها : من غير تبرير هذا بيتك وبيته عهود وانا ممتنا له: مشكور ياتركي ماتصدق حمل وانزاح تركي : طيب وانا عندي شرط عهود رفعت حاجبي : الي هو تركي : انك ماتحرميني من صوتك وشوفتك طول مانتي هنا عهودببتسمه وانا اقلده: ولا يهمك تركي : هههههه تقلدين مع وجهك عهود:ههههه مر اسبوع وتركي كل يوم عندي يخلص من دوامه وينزل الحسا الصراحة ماعجبني الوضع وخفت على انه يصير له شئ بالطريق وهو رايح جاي وهو مأحذ راحته لان فجر عند اهلها بسبب التصليحات تركي : عهود عهود: هلا تركي : كم يوم بتجلسين عند جدتك بعد ماتولدين عهود: قصدك كم شهر تركي :ايشششششش عهود : شفيك طبيعي البكر تجلس شهرين تركي : لا حدك شهر الصراحة مااقدر على فراقك اكثر عهود: بس لازم اجلس شهرين لاني بكون تعبانه وماراح اعرف لبيبي وهالشعرين يادوب اتعود على وضعي تركي : لا عهود : تركي لاتصير عنيد تركي : لا يعني لا عهود بمكر : اوكي بس اعرف اني اذا جيتك بعد شهر ماراح تقرب غرفتي الابعد شهر وتجهيز لرجعتي ماراح اجهز تركي : كيف عهود: شوف بعد شهر لسه جسمي مارجع لطبيعته وغير كذا مو قلت لك ابي ابدء حياتي من جديد يعني بجهز نفسي وكاني توني متزوجة "وغمزت له بحيا "فهمت ولا اوضح اكثر تركي تشقق : اكيد ولا تنصبين على عهود: اكيد يعني اجلس شهرين تركي بقهر : ايه جلسي شرى تركي لنا عشاء وجلت اكلمه عن تجهيزات البيبي وهو قال انه جهز له بالشقة غرفة و جهز لعمر غرفة بحمامها بعدها تفرجنا على مسرحية طارق العلي البيت بيتك وضحكنا ضحك مو صاحي بس قهرني تركي يوم جى مقطع لطارق يقول كيف يخلي المرة مطيعة تركي بخبث: والله فكرة شرايك اسويها عهود رفعت حاجبي له : عادي انا مو ذاك الزود مع الميك اب تبيني اجيبه لك تركي :لاطالعيني كذا امزح عهود: وانا قلت شئ تركي : شوفي شلون تطالعيني كاني ماكل حلالك عهود بنرفزة : مدري عنك تبي تذلني تركي : ومن قال ابي اذلك عهود: ياسلام مو توك تقول بتسويها عشان اسوي الي قاله تركي : امزح والله امزح شفيك كذا ماتتحملين كلمة مني عهود حسيت اني زودتها :اعذرني بس انت عارف الحمل يخلي الواحدة ماتكون على طبيعتها تركي بقهر : وانتي حملك مايسوي عمايله الافيني بالوحام فيني وتنرفزك فيني عهود كسر خاطري الصراحة : طيب ايش ذنبي من ولدك تركي يحط راسه على بطني :اخخ من ولدي بس اخخ متى يشرف ويخليني ارتاح عهود جذبني شعره وحطيت ايدي عليه : كلها كم يوم ويشرف تركي : تتوقعين ولد ولا بنت عهود: كلا منك ماخليت الدكتورة تقول تركي انسدح على فخذي :احسن تصير مفجأة عهود حسيت بشئ يغزي قلبي ويتسلله وراس تركي بحضني :....... تركي رفع عيونه :ضايقتك "وتوه بيقوم رجعت راسه " عهود: لا خلك تركي "فرحت من قبولها لي ":متاكدة عهود : متاكده تركي غمض غيونه :عهود عهود وانا امسح على شعره :همم تركي : ودي انام احس اني من زمان مانمت عهود :تبي اجيب لك فراش تنام عليه تركي : لا ابي انام بحضنك اذا كان مايضيقك عهود ببتسمة : لا ابد مايضيقني مرت ساعة وتركي مروح بالنوم حسيته طفل على هيئة رجال تأملت وجهه "معقولة بديت احبه لا مستحيل هذا من تأثيرات الحمل "فجأة حسيت بألم فظيع ببطني :ااااااه تركي صحى مفجوع : عهود قلبي شفيك عهود مسكت بطني :مدري احس بألم مو طبيعي تركي استوعب : بتولدين عهود خفت يوم قال كذا : لا لا ماابي اولد "وبديت اصيح " تركي ارتبك من الوضع:عهود لا تخافين عهود :لا ماابي اخاف اموت وانا اولد ...اااااه بطني تركي قام بسرعة ينادي خالتي العنود وبعد دقايق جات وجابت عبايتي معها وبسرعة لبستني وودوني المستشفى واحنا بالسيارة جلست اصيح : مابي اولد ماابي اموت العنود: ياقلبي تعوذي من ابليس عهود :كلا منك انت اكرهههههههههك تركي حز بخاطره : ........ز عهود بالم : ااااااااااااه يمه ابي امي وينها ابي امييييييي العنود : عهود قلبي اهدي حبيبتي عهود: خلاص ماابي البيبي مابي اولد مابييه العنود: عهود ايش هالكلام استغفري ربك عهود مازالت ابكي :اااااااه .........خلاص مو قادرة تركي بخوف : خلاص قلبي كلها دقايق واحنا بالمستشفى وصلنا المستشفى ودخلوني غرفة الولادة وتركي وخالتي جالسين ينتظرون مرت ساعة وتركي رايح جاي وهو يدعي لي العنود: خلاص ياتركي اجلس بتسبب لي حوال من روحتك وجيتك تركي بتوتر : مو قادر "طالع ساعته"ماكأنهم تأخرو العنود: لا تو الناس الولادة تأخذ وقت مرت ثلاث ساعات بعدها طلعت النرس وراح لها تركي بسرعة : ولدت النرس : مبروك بابا في يجي بنت تركي : والمدام شلونها النرس : كويس بس هي نوم الهين بسبب مكدر تركي رفع يديه لفوق :الف حمد وشكر لك يارب الف الحمدالله والشكر العنود تصيح : مبروك ماجاك ياتركي والحمدالله على سلامتهم تركي بفرح : الله يبارك فيك ويسلمك العنود: ممكن نشوفها النرس : أي ممكن بس هيا نوم تركي طلع من جيبه 200 ريال وعطاهم النرس :خذي النرس طلعت عيونها : شكرا بابا شكرا
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى) |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مستحيل | εïз][šнєяy | أرشيف المواضيع الغير مكتمله او المكرره او المنقوله و المخالفه | 674 | 07-14-2009 11:09 PM |
| قصة خوفي من الحب.... | اكوس وحدة | أرشيف المواضيع الغير مكتمله او المكرره او المنقوله و المخالفه | 2 | 11-20-2008 11:25 PM |
.gif "flowr")
ننتظر التكملة
العرض العادي
