تغربنا - عيون العرب

@غروب@ · #1 07-27-2009, 09:02 AM

تغربنا ..
وغصب عنا تغيبنا ..
عزفنا نغمة الحرمان .. مهوب صد ولا نكران
جبرنا وقتنا نعاند .. ونعكس فطرة الأنسان
وتهتز الغصون تصيح ..
وين أوراقي الخضراء ..
دخيلك ياهبوب الريح ..
رديها عساي أبرا ..
وتنهل السما شلال ..
وعبرة تقتل العبرة ..
ترى ليلي ونهاري طال ..
بلا شمس ولا قمرة ..
تعال بشوق يا بكرة .. ترى حنا تعذبنا .. وتغربنا
×× ×× ××
أنا ما أدري الأمل .. وش يحضن بسره من هموم الطريق
و أنا ما أدري الوصل .. لو تم وش يطفي الحريق
خواف أبيك ولا أبيك ..
يا المقبل اللى أحتريك ..
معاك ضيعت الهوى .. ومعاك لا قيتة
حبك شربني وارتوى .. وحبى تساقيته
وبيني وبينك ود مجنون .. عيا يقربنا .. وتغربنا
كأني و أنت حزن يجامل ضيوفه ..
ألم يداري الصمت بحروفه ..
ضياع بكل ما يعنى الضياع العذب ..
مفارقنا صعب والملتقى أصعب ..
ألا ياحلم كل سنيني اللى سافرت عنى ..
سألت أرجوك علمنى ؟
صحيح أنك بتبقى حلم ؟؟
أو أنك يوم بتوعدنى وتطمنى ..
ترانى و الصبر وأحلامنا تعبنا .. و تغربنا ...