ثورة امرأة - عيون العرب

**بــو راكـــــان** · #1 10-25-2005, 08:10 AM

يقولون المرة تبقى مره مهما يطول الحال
يرون ان المره ماهي بشر فيما يظنونه

يظنون المره سلعه تباع وتشترى بريال
اذا شارت بشور استهجنوه ولا يعـــــــيرونه

جهل مدري كفرمدري تغطرس سمها ياخال
انا مدري وش اللي يعملونه وش يسمــــونه

تحملنا صبرنا ربمــا يتغير المـــوال
ونصبح في نظرهم عكس ماكانوا يقولـــونه

ولكن زاد طغيان الــرجال وصبرنا مــــا زال
حرام استغفر الله يارجال اللي تســـــــــوونه

اذا كنتم رجال فحاسبــوا حنا بنات ارجـــــال
خلقنا الله سوى ويش الذي عنـــــــا تزيدونه

عيال التسعة اشهر كل ابونا مــاهناك جــدال
رضيتم مارضيتم حكم الهي غصب ترضـونه

انا ما قصدي اكشف سـركم يا طيبـين الفــال
لكني واجب اوقف زحفكم فيمـــــــا تسوقونه

اذا كان الرجل منكم يفاخر فعــل ولا اقــــوال
مــن اين الفخــر؟ اكـيد الفخـر منا تستمدونه
اذا كنتم دنادين المـواقف للحمــــول اجمـــال
نعم لكنه الـدندون جــــا من بطـــن دنــد ونه
اذافيكم شجاعه ماترون القـدس سجنه طــال؟
نبــي نفــــرح ونتفاخــر بــكم لمــا تعيــدونه
مهـــو ملا علينا تهـــدرون وتعـــزفون اللال
وتستهزون في عقل المره بالنقص تصفونه
صحيح اني مره لكني افضل مـن مية رجـال
اجيب اللي طــويلين الشــوارب مــا يجيبونه
وسلامتكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღღ .. قبيلة من الجن تدخل في امرأة .. ღღ	jihadnet	أرشيف المواضيع الغير مكتمله او المكرره او المنقوله و المخالفه	62	04-24-2007 11:56 AM
امرأة من رواندا تقتل طفلة وتاكل قدمها لتشفى من العقم	jihadnet	أرشيف المواضيع الغير مكتمله او المكرره او المنقوله و المخالفه	11	12-13-2006 11:08 PM
امرأة يحبها الله	عثمان أبو الوليد	نور الإسلام -	10	12-04-2006 06:19 PM