مدرسة اردنية‏ في احد الايام وبعد ان تفضلت وزارة التربيه والتعليم بأدخال الكمبيوتربشكل اوسع الى المدارس فأن هذه المدرسه كانت من ضمنها اسوة بالبقية
ولكن المختلف في الموضوع انه بعد عدة ايام من استلام هذه الاجهزة وتركيبها بالمدرسة توجهت احدى المعلمات ( دون ذكر اسماء) الى المديرة تشتكي لها وتقول:ايش يا مس....... هذول التربيه ضحكو علينا واعطونا اجهزه قديمه من مدارس ثانيه وهيها ما الها يومين وبلشت تتعطل!!!
المديرة: كيف تعطلت شو مالها ؟ مستحيل الحكي هاظا بجوز الطلاب لعبو فيه وخربوه؟؟؟
المعلمه: لا لا والله ما حدا لمسو غيري اصلا انا ما بسمح لحدا يمرق من جنبو
المديره: انت متأكده من هالحكي يا بنت ... حرام نظلم الناس وبعدين هذه وزاره مش لعبه يعني نتهمها زور وبهتان !!!!!
المعلمه: بقولك علي الطلاق من جوزي ما حدا لعب فيه او قرب منو غيري ومش عارفه شو صارلو هالمسخوط . واله كان شغال زي العسل واليوم فجأه تعطل, لا يروح صابتو عين مس.........هذه عينها بتفلق الحجر, او صابو جراثيم (قصدها فايروسات) بتعرفي المنطقه عندنا
غبره وكلهاامراض عشان احنا قريبين من مصنع الاسمنت.
المديرة (بضحكه مخفيه) لا مستحيل طول عمرنا هون وما حدا شكى من شي. على كل حال هسع بحكي مع التربيه بخليهم يبعثو فني عشان يصلحو بسيطه عادي بتصير في احسنالمدارس.


بالفعل حكت المديره مع التربيه وقالولها بكره الصبح بيجي الفني وبصلحو.
ثاني يوم من الصبح صبح الفني جاي (طبعا لانها مدرسة بنات مسبل هالشعرات وجاي يعرط قدام المعلمات)
الفني:صباح الخير انا فلان فني كمبيوتر
المديرة: صباح النور شرفتنا .تشرب شاي ولا قهوه؟
الفني :لا شكرا خليها بعد ما اشوف العطل واصلحو بعدين بنقعد بنتقهوا وبنسولف.
المديره: على بركة الله...يا ام .......(الاذنه) نادي المعلمه اللي كمبيوترها خربان بسرعه.دقيقه والا المعلمه جايه.
المديره: روحي مع الفني وخليه يشوف جهازك عشان يصلحو وبس يخلص تعالو لعندي عشان نعمل تقرير.
وزي الطلق راحت المعلمه مع الفني وهناك دار الحوار التالي:-
الفني: هذا الجهاز الك انت ؟
المعلمه: طبعا الي انا لاني اشطر وحده هون وما بنادوني غير يا كمبيوترجيه
الفني:ماشاءالله..طيب في ناس بستخدمو غيرك انت ؟؟؟؟
المعلمه: لالالا هذا الشي المستحيل ابدا.
الفني:لعاد اشرحيلي شو صار معك بالضبط من طقطق للسلام عليكم.
المعلمه: والله يا استاذ بكل بساطه انا كل يوم باجي الصبح بعمل شاي لحالي وبصبو في المج(فنجان كبير لشرب الشاي والقهوه) تبعي هاظا وبقعد على هالكمبيوتروببلش اخبص لحالي ساعة لانو ما عندي حصه اولى وبعدين بسكرو وبروح على حصتي.
الفني : وبعدين ؟؟؟؟؟؟
المعلمه: ولا قبلين, لما اجي كل يوم متعود احط فنجاني على قاعدة المج الخاصةواشرب وانا بشتغل, واليوم اجيت بدي احط فنجاني عليها ما زبط معي , وهذه هي المشكله بس.
الفني : وانا عدم المؤاخذه شو دخلني بالمج وقاعدتو انا , انا فني كمبيوتر.
المعلمه: ما انا عارفه انك فني وسيد الفنيين وانا اسفه كثير انا قصدي انوقاعدة المج تبعت الكمبيوتر المعطله.
الفني:ليش هو الكمبيوتر الو مج كمان ؟؟؟؟؟؟؟؟؟!!!!!!
المعلمه: الله يجازي بلايشك ضحكتني. لا مالو مج قصدي القاعده اللي بالكمبيوترالمخصصه للمج تبعي انا.
الفني: يا اختي اي قاعده واي مج انت شو قصتك فهميني.
المعلمه: يا زلمه القاعده القاعده العاديه هاي هاااااااااي شو مالك انت غشيم بالصنعه.
الفني : هاي قاعدة المج قصدك ؟؟؟؟؟
المعلمه: اه هاي , اسم الله عليك
الفني : اللهم لا تؤاخذنا بما فعل ------- بنا(وزير التربية),,, ولك هاي قاعدة مج ، هاي ولك المكان اللي بتفتحيه عشان تحطي السي دي يا …………………………………………�� �…………..
ولا تقوليلي انك كمان ما بتعرفي السي دي؟؟؟

__________________

هههههههههههههههههههههههههههههههه
و
هههههههههههههههههههههههههههههه

و
هههههههههههههههههههههههههههاااااااااايييييييييي

يسلموا كتير كتير

__________________

غبية

__________________
[SIZE="5"][COLOR="Magenta"]لا اله الا الله عدد ما كان و عدد ما يكون و عدد الحركات و السكون


[COLOR="Red"][SIZE="5"]أنا رجعت تاااااااااانى يا احلى أعضاء وحشتونى جداااااااااااااااااااااا