الجزء السابع ...

رهف فتحت عيونهاا .. وكانت تحس في عيونها ثقل ما تعودت عليه ..حست ان جسمها ثقييل .. لمست وجهها وكان بااارد .. ما تتذكر شلون وصلت اهني ... في هاللحظه دخل فيصل .. طالعته رهف والحقد في عيونها ..
فيصل والشووق في عيوونه شاف ملاكه رهف والتعب باين على وجهها .. نزل نظرات عيونه وحس انه مذنب بحق رهف ..
فيصل والتعب باين على صوته : السلام عليكم
رهف بعدت نظرها عنه ..: وعليكم السلام
قرب واخذ له كرسي وقعد .. مسك يدهاا ..
فيصل : رهف
رهف : لا تكمل كلامك .. ابيك تطلقني
فيصل توقع انها تطلب الطلاق ..
فيصل : تبغين تدوري سبب عشان نتطلق
رهف: .....
فيصل: انت دووم كذا تفرحين ثانيه وتزعلين سنه .. لمتى يا رهف واحنا على هالحال ؟
رهف وصوتها رايح : فيصل انا تعبانه ارحمني والله تعبانه ابي ارتااااح
فيصل عصب: يعني ما ترتاحين الا بالطلاق؟؟ وش مصير اللي ببطنك ؟؟؟؟؟؟
رهف رفعت راسهاااا من الصدمه ..
فيصل: ادري انك ما تبين مني عياااااااااال بس ذا مو من حقك ... ومو من حقك انك تتعبين نفسك
رهف: انا حامل ؟؟؟؟؟؟؟؟؟
فيصل: أي حامل .. انا بروح الحين تامريني على شي؟
رهف : ............
طلع فيصل .. اول ما سمع الخبر انهبل وانجن من الفرررحه .. اخيرا بصير له ولد من رهف .. بس جمود مشاعر رهف ما خلته يطلع فرحته ..
رهف تبكي .. مو تبكي لانها حامل من فيصل .. تبكي على حياتها اللي ضاعت واللي تبهدلت فيها .. ما توقعت ان هذا يصير لها .. طلاقها من موسى .. وبنتها ريووف اللي مع خالتها امل .. وزواجها من فيصل وحملها منه ,,, كانت رهف توقعت احلا عيشه بتعيشهاا في حياتها ملووونه بالحب والحلام .. ما توقعت ان الحياة اللي تعيشها اسمها الواقع ..

..........

هديل معصبه : رررررررغد يا جعلج الموووووت ان شا الله
رغد تبجي ...
هديل تروح وتضربها ..
نورة : هدي اعصابج يا هديل ما كانت تقصد تضرب جابر
هديل: تستااااهل
رغد بجت وراحت ...
حنان كسرت خاطرها رغد بنت هديل ...
حنان في نفسها : بنت 5 سنين توها صغيره وتضربهاااا ما تخاف من ربهااااااا الله يكون بعووون هالمسكينه
هديل: عمتي متى بتجي من ماليزيا ؟
نورة : والله يمكن الاسبووع الجاااي .. حييل طولوا في السفررره هالمره
هديل: المسكينه عمتي صالحه كل سنه تسافر تعبت خلاص ما صارت هذا علاج شما
حنان : هديل تبين شي ؟؟
هديل: شنوو ما فهمت قصدج ؟
حنان : كل مره تقولين جذي .. قصدي تبين فلوس؟
هديل: لا يا حبيبتي مابي فلوس ابي صحة عمتي اللي ما خلت ديره ما راحت لها
نورة سمعت صوت ولد هديل يبجي ..
نورة : هديل مشاري يبجي روحي له
هديل: عادي .. يبجي متى ما خلص يسكت ..
حنان في نفسها : الله يعينك يا موسى عليهااا
حنان قامت : انا بروح له
هديل ناظرتها بنظره حقد ... وحنان ما ردت عليها وراحت لود هديل مشاري..
شالته وغيرت حفاظته ..
حنان : اللي ما تخاف من ربهااااا جذي تسوي فيه ؟؟؟
ومشاري وجهه غالب احمررررررر من كثر البجاا .. مسكته وحاولت تهديه .. شافت موسى وراحت له ..
موسى : شفيه مشاري؟
حنان قصرت صوتها : اسمع يا موسى والله الشاهد علي اني ما اقول غير الصج .. هديل كل يوم تضرب رررغد وتهمل في ولدك مشااري ... تكفى يا موسى كلمهاا والله حرام اللي تسويه في عيالك ..
موسى عصب ومسك ولده مشاري..
موسى عصب: مو هذي نصيحتكم لي اني اخذهااااااا واطلق رهف ؟؟؟؟؟!!!!!!!!!!!!!
حنان نزلت راسها وبجت ..
حنان : موسى انا صج غلطانه ..بس انغريت بهديل مثلك ... ما توقعتها بهالوحشيه هذي .. !!!!!!
موسى: وش يفيد الندم الحين يا حنان ... اللي صار صار .. يلا فمان الله بودي مشاري للمستشفى ..
حنان : زين تسوووي ..
وراح موسى .. شافت هديل موسى شايل مشاري. .
دخلت حنان الصالة وقعدت ..
هديل: ليه موسى اخذ مشاري؟
حنان : علمي علمج .. هذا ولدج وهذا زوجج روحي اسليه لا تسأليني ...
سكتت هديل وكملت شرب الشاي ...

.....

الدكتووور : البقا لله
موسى مو مستوعب : شنوو ؟ ؟ دكتور ولدي يوم جبته هني ما فيه شي ؟؟؟؟؟؟؟؟؟؟؟
قعد على الارض ويبجي على ولده ..
الدكتور: انا ادري .. بس أسالك منو اللي يغذي ولدك ؟
موسى يبجي : الخدامه
الدكتور : اذكر الله ..واحنا حللنا معدته وفيها غسوول تنظيف الحمام عزك الله ..
موسى فتح عيوونه
الدكتوور: لازم تقدم قضيه على الخدامه .. وهذا من حقك
موسى يبجي ولاهو حاس اللي حواليه . .

....

ريوف : خالة امل دقي على امي تكفين
امل : تراج ازعجتيها
ريوف تبجي ..
تجي ام حمد . .
ام حمد : مين اللي زعل حبيبتي ريووفه
ريوف تمثل انها تبجي ,, وراحت عند جدتها ..
ريوف: جدوو ابي ماما
ام حمد : ماما تجي الاربعااا يا ماما
ريوف: اووووف
ام حمد : شفيها ريووف يا امل .. هالايام تبي امها مرره .. احد مضايقها ؟
امل : والله يا يماا محد مضايقهاا بس مدري شفيها ؟
جا عمر وشاف ريوف تبجي وراح قعد عندها وبجى ..
امل : استح على وجهك عمرك 9 سنين وتبجي مثل البنااات
عمر يبجي : ماما ريووف تبجي ..
امل : ههههههه انا بغير اسم هالولد وبسميه روميوو
ام حمد : هههههههه اذا كبروا بنزوجه ريوووف
عمر كشخ ضروسه ..
امل : يماااا العياااااره فيه .. المساع يبجي والحين يضحك .. يما منك
ام حمد : هههههههههههههههههه
ريوف : جدوو تجين معاي حفلة مسوينها في المدرسه ؟
ام حمد : هذي يما ما صارت مدرسه .. صارت جيسوو
امل: من ديكسوو لجيسووووو هههههههههههه
ريوف: احلا شي جدووو
ام حمد : ان شا الله عيووني اروووح معاج .. بس يما ما صارت حفلات هذي
ريوف : بس هالمره وبس .. وتضحك
ام حمد بحزن : تذكرني برهف نسختهاااااا .. بس عيونها جايه لموسى مررررره

......

دخل موسى معصب ....

موسى : كله منج يا هدييييل كله منج ... طاااااااااالق بالثلااااااااث
هديل انصدمت ولا عرفت ترد .. حنان ونورة قامو وطلعو من الصالة خايفين من موسى وعصبيته ...
هديل قامت وخايفه من موسى : ليه ؟
موسى يبجي : لييييييييه ؟؟؟؟؟؟؟ تقولين ليييه ؟؟؟؟؟؟؟ ولدي رااااااااااااااح رااااااااااح والسببب انتي
هديل : مشاري؟
موسى : يلاااااااا اطلعي من بيتي .. ولا تفكرين تاخذي رررغد يلااااااا
هديل عصبت : انت السبب يا موسى .. مشاري مات وانت السبب .. اهمالك لي ,, خلاني اهمل في ولدي
موسى :يسلااااام حطتي السبب علي الحين ؟؟؟؟؟ يلااااااا اقلبي وجهج وفاارقي
طلع موسى من البيت معصب .. حياته جحيم والسبب هديل .. ولا انكر ان موسى بعد السبب في اللي يصير له .. اهو السبب بعد ...

..

حنان : تستاااهل المفروض هالشي من زمان يصير
نورة : يكرهي لهااااا.. احسن الحين فكتنا من مقابلها 24 ساعه
حنان : مسكين ولدها شذنبه باللي صار له ؟؟
نورة : من اهمالها له وضربها لرغد .. كسرت خاطري رغد شكلها بتتعقد من امهاااااا

...

فيصل دخل .. شاف رهف تجهز شنطتهااااا .
فيصل: تونا رادين من المستشفى ليه تجهزين شنطتك ؟
رهف: بسافر
فيصل: وهالفكره هذي لين الحين ؟؟ متى بتعقلين ؟
رهف : اعقل منك
فيصل عصب بس حاول يسكت ..
رهف: فيصل طلقني
فيصل: مابي
رهف : غصب يعني اقعد عندك يخي ماااابيك
فيصل انجرح من كلامها ..بس استقوى ..
فيصل عصب : اطلقك عشان تتزوجين موووووسى ؟؟؟؟؟؟؟؟
رهف انصدمت ولا تكلمت ..
رهف في نفسها: ليه يقول جذي ؟؟؟؟؟؟؟؟؟؟
فيصل: ردي علي يا رهف
رهف : نعم
فيصل: تحسبين اني مدري انك لين الحين تحبين ذا ولد عمك الخاين !!!!!!!!
رهف استغربت من كلام فيصل ..
رهف: ليه حرام احبه ؟؟؟؟؟؟؟؟؟
فيصل تفاجأ من كلامها .. كان متوقع تقول أي شي الا هالكلمه .. اعترفت بحبه قدااامه !!!!!
فيصل : ما تستحين وانتي تقولين لي تحبين قداااامي ؟؟؟؟؟
رهف: فيصل اسمعني .. موسى كان زوووجي ... وحبيته ...
فيصل: هه وناتج هالحب طلقك عشان ياخذ بنت عمه اللي كان عاشقهااااا من كان صغيرررر
رهف تبكي . . تبكي وهزت كيان فيصل من هالبكي .. حس فيصل انه ذكرها في الماضي وجرحهااا ..
فيصل بحزن : حبيبي انا اسف
رهف :ابعد عني ولا تقرب .. كلامك يسم
فيصل : احبك يا رهف ولا ابيك تحبين غيري
رهف: ما ينجبر قلب على قلب يا فيصل
فيصل: حبيبي والله احبك اجلسي هنااااااا مو عشاني عشان ولدنا اللي جاي باذن الله
رهف تمسك بطنها ..
رهف: ابي اسافرر
فيصل: بخليك تسافرين بس بسافر معك
رهف: اول مره تسويها
فيصل يبوس خد رهف . .
فيصل: هالمره غييير يا ام فهد
رهف ابتسمت بخجل ..

......

في العزاء ..

احمد : ليه طلقت هديل ؟
موسى : كيفي
عبدالله : شنو كيفي ؟؟ هذي زوجتك اللي ذبحتنا عليها من كنت صغير ؟
موسى : عبدالله تراني معصب لا تخليني اطلع فيك عصبيتي
احمد يقط نغزه : ايه من طلق رهف واهو دايم معصب
موسى : وش الطاري يعني ؟
احمد : سلامتك
عبدالله : يخي دامك ما تحب هديل ليه تزوجتها من البدايه ؟ ؟
موسى : كله من امكم
احمد : لا يا حبيبي مو من امك .. لو انت تبي رهف كان ما طلقتهاااا لو شنوو ..
عبدالله: شكله خايف يا عبدالله
موسى: خايف ؟؟ من شنوووو
عبدالله : خايف تقول انك تحبهااااااا
موسى : ماعندكم سالفه ..
احمد : هههههههههههههه مو قايل لك يحبهاااااا
عبدالله : أي والله يا احمد .. يحبهاااا ... والله اخووي خبببل على منووووووووو طالع .. الحين يحبهااااا وطلقهااااااا ...
....

دخل موسى شقته ...

رغد تبجي : بااابااا
موسى يشيل رغد ...
موسى : عيوووني
رغد تبجي : بابا مشاري مات صح؟
موسى : ليه تقولين جذي حبيبي ؟
رغد تبجي : مشاري مو على سريره .. مشاري مااااات
وتبجي .. قطعت قلب موسى من البجي ..
مسك تلفونه ..
موسى : قوووووووه عمه
ام حمد : هلا منوو ؟
موسى : موسى
ام حمد : هلاااا موسى شلونك ؟
موسى : ماني بخيير
ام حمد : عسا ما شر؟
موسى : مشاري ولدي مااات
ام حمد : ...........
ام حمد : عظم الله اجرك
موسى : اجرنا واجرج .. يا عمه انا توني مطلق هديل .. والله ضايع .. وتعبان
ام حمد : سلامتك يا موسى ... رغد وينها
موسى : معااي .. ولاني عارف شلون بتصرف
ام حمد : تعال الحين يا موسى وانا عندي لك موضوع ..
موسى : الحين ؟
ام حمد : اذا تقدر ؟
موسى : خلاص ماشي الحين جاي .. فمان الله ..

طووووووووووط طووووووووووووووووووط

رغد : بابا بنروح مكان ؟
موسى : أي بابا بنروح

........

امل : منو يما ؟
ام حمد : موسى جااي ...بخري البيت
امل : ليه ؟؟؟؟؟
ام حمد : ولده مشاري مات .. وتوه طلق هديل ..
امل: الله يرحمه ... ليه طلق هديل ؟ اللي عشانها طلق رهف
ام حمد راسها عورها: مدررري مدررري لا تسأليني
امل سكتت .. وراحت تبخر البيت ..
ام حمد تفكر في موسى ... وتفكر في رهف ...
سمعت صوت الجرس وراحت تفتح الباب ...
ام حمد : رهف !!!!!!!
رهف تبتسم .. سلمت على امها ...
ام حمد : ما جا فيصل؟ ؟
رهف: لا يما عنده شغل .. وينها ريووف
ام حمد : تلعب مع عمر ..
دخلوو البيت ...
رهف فصخت ملفعها وعبايتها ...
رهف: ههههههه متوقعين جيتي يعني ؟؟
ام حمد : أي يمااااااا..
وقعدوو ..
دخلت امل ..
امل : رهوووووووووووووف عندناااااااا هلااااااااا والله مسويه فيها مفاجاه ؟
رهف تسلم عليها ..
رهف: سبرااايز هههههه
امل : عاد اليوووووم بيجي م
امل سكتت وشافت خز امها ..
رهف: مين اللي بيجي ؟
امل : حريم جيراانا
رهف: هذا وقته الساعه 6 المغرب والله ناس فاضيين ...
امل : ههههه لا وراهم رياجيل ولا بزارين يلاحقوونهم نفسنااااا
رهف: اااااه تعبانه
ام حمد : سلامتك شفيك يا بنتي وجهك مصفررر وضعفانه
رهف تبتسم بتعب : حامل
ام حمد + امل : مبرووووووووووووووووك
امل: وليه تقولينها جذي ؟
رهف: لاني تعبانه
ام حمد : قولي لي شسوى فيصل؟ ؟
رهف : ما سوى شي؟ عادي
امل تغمز : عليناااااا
رهف: ياربي شتبين .. ؟ ؟
امل: عادي ملقووفه ... واللي في بطني عيا لا يطلع
رهف: امل مو زين جذي انتي باخر الشهرر .. روحي افحصي
امل : خوفتيني الله ياخذج .. خلاص اذا جا خالد اخليه يوديني المستشفى . .
ريووف تركض ...
ريوف: مامااااااااااا
رهف : هلاااااا هلااااااااااا
ريوف تروح لحضن رهف..
ريوف: ماما وحشتيني ..
رهف: وانا اكثر
عمر: رهف
رهف: هلاااااا عمووووووور..
ريوف تبجي: ماما اجلسي معنا لا تروحين مره ثانيه
رهف: حبيبي بجلس عندج اسبوعين
ام حمد : ليه ؟؟
رهف: قلت لفيصل تعويض الاسبوع اللي طاف ... قال اوكي
امل: الله وناسه بتقعدين عندنا ...
الجرس يرن ..
رهف: شكلهم الحريم جوو .. انا مو فاضيه لهم .. بروح مع ريوف غرفتنا
عمر: وانا
رهف: تعال حبيبي
وركبو الدرج ..
ريوف: لا لايجي خليه يقعد عند امه هالحمار
عمر : برووووووح ..
وراح عند امه امل ..
رهف تضرب بنتها بالخفيف
رهف : عيب هذا ولد خالتج شنو حمار؟ ان سمعتنا منج مراح اجي مره ثانيه انتي فاهمه
ريوف: خلاص ماما
....
ام حمد : هذا موسى .. انتي روحي داخل
امل : ان شا الله .. يلا عمرر خلنا نروح
عمر: ان شاالله ماما
...
دخل موسى واهو شايل رغد ..
موسى : السلام عليكم ..
ام حمد : وعليكم السلاااااااام ...
دخلو الصالة ...
ام حمد : هذي رغد يا حلوووهاااااا ما شاالله عليها
رغد تسلم على ام حمد ..
موسى : هلا عمه بغيتي مني شي ؟
ام حمد : أي ذكرتني..
موسى :, ,,,,
ام حمد : لما طلقت رهف
موسى : هالموضوع هذا من زمان يا عمه ؟
ام حمد : أي ادري . . بس في شي ما تعرفه من ذاك الوقت
موسى : خير؟
ام حمد : لما طلقت رهف ... جتنا رهف واهي حامل !!
موسى : حامل ؟؟
ام حمد : أي
موسى عصب: وليه ما قلتووا لي ؟؟؟؟؟؟؟؟؟؟؟
ام حمد : رهف ما بغت هالشي
موسى : شنووو؟؟؟؟؟؟؟؟ وش جابت ؟
ام حمد : بنت
موسى يقوم واهو معصب ..
وطلع ...
ورغد قاعده ما تدري شسالفه ؟
لما طلع صدم ريووف..
ريووف: عمى
موسى ما شاف ريووف ..
وكانت رهف تركض .. ووصلت .. وقفت تاملت هالوجه .. مو غريب عنها هالوجه ...
موسى شافها اا رد قلبه ينبض من جديد .. شافها تاملها زين .. .هذي رهف منو غيرها اللي حييت قلبه .. .
رهف: موسى !!
موسى : رهف
وسكتوا ....
رهف: .......... ريوف
موسى تامل ريووف ... نسخة من امهاا رهف .. بس العيوون .. طالعه عليه ..
مسكهاا .. رهف خافت انه يعرف .. ريوف قطعه من حبيبها الغالي وماتبي تخسرها ..
موسى : هذي بنتي
رهف : لا مو بنتك .. بنت فيصل
موسى عصب: حطي عينج في عيني وقولي انها مو بنتي !!!
رهف نزلت نظرات عيونها وسكتت ..
ريوف: منو انت ؟؟
موسى: حبيبي انا بابا
ريوف كشخت ضروسها : بابااااااااااااااا
وحضنته ..
ريوف: وينك ؟
موسى : حبيبي كنت مسافر
رهف كانت تسمع ريوف وموسى واهي ساكته وخايفه .. خايفه من موسى ياخذ ريوف .. اخر تذكار من موسى
راحت .. وموسى وده لو يقعد ويسولف معاها مثل قبل ...
رغد : باباا
ريوف: منو هذي ؟
موسى : هذي رغد اختج
رغد : منو انتي ؟
ريوف: ريووووف عندج مانع
رغد : بابا هذي شفيها ؟؟
ام حمد : موسى
موسى : هلاااااا
ام حمد : والله يا وليدي مو قصدي اخبي عليك ..
موسى: معذورة يا عمتي .. بس عندي طلب
ام حمد: امر
موسى : خلي رغد عندج امانه على ما ارتب اموري
ام حمد : رغد بالعين لا تحاتي بالحفظ والصووون
موسى طلع فلووووس ..
ام حمد ترده ..
ام حمد : حشى علي ما اخذت فلوس منك ..
موسى : ما يصير يا خالتي
ام حمد : ان تبي بنتك تجلس عندي مابي منك فلووس
موسى: كلج ذوووووق ... يلا بابا تبين شي
رغد : بابا وين تروح ؟
ريوف: بابااا
موسى : حبيباتي انا رايح وبعدين اجيكم اوكي
ريوف+ رغد : انزين ..
موسى : يالله فمان الله ..
ام حمد : فمان الكريم ...
وطلع ...
رهف بحزن : ليه جاي؟وليه قلتي له عن ريووووف ؟؟؟؟؟؟؟؟
ام حمد : انتي انهبلتي .. من صدقك انتي منتي بقايله له عن ريووووووف ؟؟
رهف : يما خايفه ياخذها مني
ام حمد : لا موسى مو من هالنوووع
رهف: هذي بنته رغد ؟
ام حمد : أي
رهف تروح له وتبوس خدها ..
رهف: نسخه من موسى .. مافيها شبه من هديل
ام حمد : هههههه احسن لهاا
رغد ببراءة : انتي منوو ؟
رهف: انا امج حبيبي
رغد : ماما ؟
ريوف : لا والله لا مو امج هذي امي انا
رهف: ريووووف
ريوف: امنا كلنا بس لاتعصبين ماما

..........

ام محمد : كنت متوقعه انج بتتطلقين
هديل عصبت : يماااااا كنت تفاولين علي ؟؟؟؟؟ الحين خسرته وخسرت ولدي وتفاولين بعد
ام محمد : لو انج حرمه سنعه ما تطلقتي
هديل: بس يماا اللي فيني مكفيني
ام محمد : والحين شنو بتسوين ؟
هديل: بقدم على وظيفة
ام محمد : احسن من قعدتج فاضيه
هديل: لا تخافين مراح اصرف منج
ام محمد : امحق بنت جذي تكلمين امج
هديل: وجذي تعاملين بنتج ؟
ام محمد : يا شين كلامج بس
هديل عصبت ... فيهاا حقد وقهررر على موسى .. بس اهي تقريبا مرتاحه لانها واثقه ان عمتها صالحه بتخلي موسى يردها غصب عنه ... اما جدتها حمده صار لها سنه كامله في الغيبوبه .. وعمها راشد مشغول في علاج بنته ..

.....

شنو تتوقعووون ؟؟؟

هل موسى حن لرهف ؟ او ينكرها ؟

رهف هل تطلب الطلاق من فيصل ؟

تابعو البارت الثامن .. من ( ليتني ما عرفتك يا رهف )

اختكم الكاتبة

__________________
لكى مرض دواء الا الحب فدوائه النسيان