عليكم جذب اللي قال اني مرتاح..
اي راحه بلياكم تجيني..
العطش ذبل اشفاف و عافني وراح..
و لكن روني ادموع عيني...
اشلون ارتاح و اصبر يالبعيدين..
و ابد بفراقكم مانامت اللعين..
اتمني انا طير و عندي اجناح..
ياخذني و عليكم يوديني..
اذا ما اشوفكم شفيد عمري..
واذا اضحك دمع ضحكاته تجري..
قبل يمكم و عيش ابنار الاشواق..
يحالي اشلون لما صار لفارق..
منكم هالقلب ما يوم مرتاح..
بين اهمومك ضاعت سنيني..
تعالو ابعينكم شوفوني اشلون..
بعدكم ما غفن لحظات لعيون...
ليالي اتمر على كل ليله ما انام..
لو خذكم حلم ضاع ويا الاحلام..
كل العاشقين ايامها افراح..
وانا على خد تجري ادموع عيني..
عليكم جذب اللي قال اني مرتاح..
اي راحه بلياكم تجيني..
العطش ذبل اشفاف و عافني وراح..
و لكن روني ادموع عيني...
اشلون ارتاح و اصبر يالبعيدين..
و ابد بفراقكم مانامت اللعين..

غنت رهف وصوتها محروق على حبهاا اللي ما اكتمل .. اول شي ناساها والحين نسى بنتها ريوف .. كملت الاغنيه من داخلهاااا .. انتبهت على صووت بجى ريووف ..
رهف: ريوف بس عااااد بابا ما شافج ..
ريوف تبجي : انا ادري محد يحبني محد
رهف : وانا وين رحت ؟
ريوف : انتي بتروحين
رهف : لا ماني رايحه .. هالمره بقعد اهني عشانج ..
ريوف نطت من الفرحه ..
ريوف طارت لحضن امها ..
ريوف بدلع : صج ؟
رهف: أي صج
ريوف: احبببببببج يمااااااا

يرن الجرس ..
رهف: حبيبي روحي فتحي الباب
ريوف: ان شا الله
وركضت ريوف وراحت فتحت البااااب ..
ريوف: منووووو
فيصل: انا فيصل
دقق فيصل في ملامح هالبنت الملاك اللي قدامه .. شاف مزيج من الشبه بين ملامح موسى وملامح رهف.. عصب في داخله وحقد على الاثنين .. ريوف اللي قدامه ثمره حب رهف لموسى .. وثمره اخلاصها له .. تمنى من داخله لو رهف تحبه مثل ما تحب موسى ..
فيصل في نفسه : هه حنت لحبيب القلب ..واحنا بعيد ومشاكل .. الحين وانا اهني وش بيصير .؟
ريوف: منو فيصل؟
فيصل عصب : روحي نادي امك
ريوف عصبت : نعم ؟؟ ماني منادتها شنو بتسوووووي؟؟
فيصل: صدق قليلة ادب
رهف واهي جايه . .
رهف: منو قليلة الادب ؟
فيصل انتفض قلبه لما شاف حبيبته رهف .. حس بالشوق لهااااا .. ما قدر يوصفه ..
فيصل : سلامتك ...
رهف ما تفاجات لما شافت فيصل .. لانها تدري ان فيصل مستحيل يخليهااا مده طويله ..
فيصل : ماتبين تدخلين زوجك ؟
رهف بدون نفس : حياك
ريوف تمسك امها ..
ريوف: ماما منو هذا ؟
رهف: هذا عمج فيصل
ريوف: مابيه ابي ابوووووووووي
فتح عيونه فيصل .. طالع رهف ..
فيصل في نفسه : ابوووووووووووهااااااااااا ؟؟؟ يعني شااااااااااافته ؟؟
فيصل عصب: موسى يجي هنااااا ؟؟
ريوف: منو موسى ؟
رهف: جا مرتين عشان يشوف بنته .. والا يا استاذ فيصل بتحرم هالشي ؟
فيصل : اناا ما قلت كذاااااا .. انا بس مابيه يشوف زوجتي
رهف: ومن قال انه شافني ؟ انا ما طلعت له
فيصل شاك من داخله .. مو شاك بخيانتها .. الا شاك مليون بالميه انها شافته .. خاف ان رهف تضيع منه بسبب موسى خوييه اللي خانه .. واللي اعتبره اكثر من اخووه .. مر شريط الماضي قدامه .. يوم كانو في لندن ولما شاف نظرات موسى لرهف وحيا رهف منه .. صحيح ان موسى ما تكلم ونطق بحبه لرهف قدام فيصل . . بس فيصل حس بكل شي بينهم ولا تكلم .. كاتم حزنه وغضبه من الاثنين ... حاول بهدوءه انه يغيرر حب رهف بس ما قدر .. كان مستهين بحبهاا له ودايم يسميه حب مراهقه بس هالحب هذاا عياا لا يرووح ..

دخل فيصل الدوانيه .. تغيرت الدوانيه ماكانت مثل قبل .. ايام عرس امل .. يوم ينام فيهااا مع حمد ,, ويوم حب رهف .. ويوم شافها لاول مره .. ومن ذيك المره سرقت رهف قلب فيصل ..
قعد يتذكر كل شي صار في ذيك الفتره ..
رهف قعدت جنبه ..
رهف مستغربه منه : فيصل ؟
فيصل انتبه ان رهف تناديه ..
فيصل: يا لبيه
رهف : شفيك ؟
فيصل رد لطبعه : مالك شغل .. يلا قومي جهزي شنطك خلنا نمشي من هنا
رهف : ننمشي ؟ ليه ؟
فيصل: بنرووح .. ترى طولت قعدتك
رهف: بس انا مابي
فيصل: ردينا للعناد
رهف : فيصل ليه انت جذي .. بس تعاندني .. ابي اقعد عن اهلي شوي ..
فيصل: انا هلك
رهف: .. ....
فيصل: مو عاجبك ؟
رهف: ما قلت شي ..
فيصل: يلا بسررعه قومي جهزي شنطك
رهف: ابي ريوف معي
فيصل: بنت موسى لا تجيبينها معك
رهف عصبت ..
رهف في نفسها : مو عاجبه يعني موسى ؟؟ اموت واعرف شغيره على موسى ؟
قامت رهف .. وطلعت من الدوانيه ...
......

ام حمد وندى شافو رهف شايله شنطها ..
ام حمد : رررهف وين بتروحين ؟
رهف: بروح الحين فيصل جا ..
ندى : فديته اخووي بقوم اسلم عليه ..
قامت ندى وراحت للدوانيه ..
...
ندى : هلاااااااااا اخوووي القاطع
فيصل قااام ..
فيصل: هلا ندوووي .. اخبااارك
ندى : بخير الله يسلمك
وسلمو على بعض ..
ندى قعدت عنده .. الفتره الاخيره حييل فقدته .. بعد ماكانو تؤااام رووووح ما يتفارقوون ..
فيصل يناظر ساعته ..
فيصل: وينها رهف ؟
ندى : تجهز شنطهاا .. فيصل
فيصل: هلا
ندى: يخوي شفيك على رهف ؟؟ شوي شوي عليهااا انا محذرتك اكثرر من مره .. شوفهااا الحين حييل تغيرت عن قبل .. صارت ما تضحك مرره الا بطلعه الرووح .. خفف عليها شوي
فيصل عصب: اهي اشتكت لك ؟
ندى : لا ما اشتكت .. بس لاحظت عليها هالشي .. فيصل محد جبرك انك تتزوج رهف
فيصل: ادررري .. انا تزوجتها لاني احبها
ندى : كنت تدري انها تحب موسى ليه تزوجتها؟؟
فيصل بحزن : كنت احسب اني اقدر اغيررها واخليها تحبني بس ما قدرت
ندى : على العموم حاول تهتم فيها الايام هذي . .بيني وبينك خايفه على هالجنين اللي من سنين نتتطره
فيصل تذكرر هالشي مع انه نساه والسبب الهموووم والمشاكل اللي صارت في الفتره الاخيره ..
فيصل: لاتوصين ..
دخلت رهف ..
رهف: فيصل ..
فيصل قام ..
فيصل: يلا ندى فمان الله
ندى : فمان الكريم وهالله هالله بالقمرر
رهف ابتسمت ..
فيصل: محفووظه فالعيون
ندى : شي اكيييد
فيصل: يلا ما تشوفين شرر
ندى : الشر ما يجييك
وركبو السياره ...
ريوف تركض صوب السياره ..ًصوب امها تبجي ..
ريوف: ماماااااااا
رهف انتبهت لهااا وفتحت الدريشه ..
رهف: عيونهاااا
ريوف: ماماااااااا ليش تجذبين علي ؟؟؟
فيصل عصب وده لو يحرك ويدوسها ويفتك منهاااا بنت موسى ..
رهف : حبيبي لازم ارووح تبين شي يا قلبي؟
ريوف: اخذني معااااااااج تكفين مابي اقعد اهني
رهف تبجي ..
فيصل ما استحمل أي انسان يبكي حبيبته رهف .. حتى لو كانت بنتها ..
فيصل : يا بنت موسى روحي داخل
ريوف تبجي ..
ريوف تصاااارخ: يماااااا
ويحرك فيصل السياره ..ويمشوون .. رهف تحاول تخفي دموعها عن فيصل وفيصل حاس فيهااا بس ساكت ما يبي يفتح الموضوع لان لو فتح هالموضوووع رهف بتخليه المذنب ..
رهف تبكي : كله منك .. ليه جيت
فيصل : لا حووووووووووول بديناااا الحين الزعل
رهف: انت السبب
فيصل: رررررررررهف
سكتت رهف .. اهي تعز فيصل بس اذا شافت بنتها تقلب .. ودها لو تنسى المشاكل بس المشاكل قدامهاا ما تخليها .. حتى فيصل اللي يحبهااا ويغليهاا مستحملهاااااا لان يدري ما بيلقى نفس رهف ..
وقف السياره ..
رهف : ليش وقفت السياره ؟
نزل فيصل من السياره ... استغربت رهف وشافت المنظره وشافته يطلع الشنط .. .
رهف فتحت الدريشه ..
رهف: وين رايح ؟
شافته دخل بيت ..
رهف: هذا لا يكون بيتبرع باغراضي
نزلت رهف .. وشافته يدخل البيت .. خافت وبعدهاا عصبت
رهف : لا يكون متزوج علي ؟ والله لذبحه
مشت رهف واهي معصبه ودخلت البيت ..
شافت البيت حلووو ونظيف ومرتب وفخم ... مافيه احد .. سمعت صوت فووق. . ركبت الدررج .. وقفت خافت لو احد غير فيصل فوووق شنو بيكون موقفها لو شافها فيصل .. تشجعت وكملت الدرج ..
شافت ليت غرفة مفتووح .. دخلت الغرفة والا شافت فيصل ..
رهف : فيصل !!!
التفت فيصل لهاااااا ..
فيصل يبتسم : بالمبارك عليييك هالبيت
رهف فتحت فمهاااااا من الدهشه ..
رهف: شريت هالبيت ؟
فيصل يقرب صوبهااا ويلعب بخصل شعررهاا ..
فيصل : أي .. مابي اتعبتك اكثرر حبيبي .. ابي اللي يريحك .. بيتناااا نقدرر نجييه باي وقت ..
بدوون مشاكل ..
رهف في نفسهاا : ليه اهو طيب معي ؟ استاهل الذبح على كل كلااام اقوله له .. ليه ما احبه ؟؟ شفت الحب في عيونه لي .. ما شفتها بعيووون موسى .. ياربي نسني موسى وحببني في فيصل ..

......

صالحه : هلاااااااا في بنتي غدوووووره
رغد تسلم على صالحه ..
صالحه : ها حبيبتي احد ضايقج ؟
موسى حط شنطها : محد ضايقهاااا .. ليه بتكرهينهااااااااا ؟
صالحه : ما كرهتهاا قاعده اسألهاااا والا حرام اسأل عن بنتي ؟
موسى متضايق: ما قلت جذي
صالحه : مرت عمك ام محمد تبيك ترجع بنتها هديل
موسى : يمااااا انا جاهل عندكم .. تمشووني على راحتكم .. مو تارس عينكم ؟
صالحه : ....
رغد : جدووو عادي اروح عند ريووف ؟
صالحه : أي خير ان شا الله
رغد : صج احبج جدووو
وركضت وراحت لغرفتهااااااا..
موسى : يماا ليه تجذبين عليها ؟
صالحه : تبيني اكسرر خاطرها واقولهاا لا عشان تبجي عندي ..
موسى راح ولا حب يتكلم مع امه .. صارت امه في السنوات الاخيره ترفع ضغط موسى وتبتزه بكل شي .. حتى ابوه راشد ما قدر يسووي شي . .لانه لين الحين زعلان عليه لانه طلق رهف ..
موسى : يبااااااا
راشد : .......
موسى : يبااااا والله تعبت . . من طلقت رهف وانت ما تكلمني
راشد : زين عرفت ليه ما اكلمك ..
موسى : يبا تدري انه مو ذنبي
راشد: ولا ذنب المسكينه اللي طلقتها واهي عمرها 18 بنت صغيرره ومطلقه
موسى : تزوجت ولد خالتها
راشد عصب: لانه يدري مراح يحصل احسن من بنت خالته .. كامله مكمله .. والا انت ولد امك رح قووم عني روح ارضع من امك
موسى نزل راسه ..
موسى: الله يهديك يا يبا .. جذي تقوولي الحين انا رجال وعمري 28
راشد قطعه : بعييد عنك الرجوووله
موسى عصب: يبااااااا
راشد : لا تصررخ في وجهي لا العصااا احرقهااا بظهرررك ياللي ما تستحي على وجهك
موسى سكت حاول يهدي نفسه ... مهما صار هذا ابووه ..
موسى : الحين شسووي يبا ؟ والله اني اتعذب الحين كل ما شفت رهف
راشد : تبي اكلم فيصل
موسى : لا لا لا تكلمه .. لحد الحين اهو يكرهني
راشد : ليه عاد ؟
موسى: اهو اصلا يبيها قبلي
راشد: ما علييك .. انا ارووح له واقووول له
موسى : يبا لا تفشل عمررك .. اصلا رهف ما تبيني بروحها الحين حامل
راشد : لا بالله مالك امل فيهااا

........

بعد اسبوع من الاحدااث ما صار شي مهم ...

فيصل : رهف
رهف : هلا
فيصل: مادري ليه اليوم انا متضايق
رهف استغربت من كلامه ..
رهف: شفيك يا بوفهد ؟
فيصل: اااااه يزينها من فمك زي العسل .. مدري حبيبي احس بضيقه داخلي
رهف: لانك هالاسبوع ما طلعت مكان
فيصل: يمكن بس رهف
رهف: هلا
فيصل: اكييد بتسغربين من كلامي بس اللي بقووله يا رهف .. مهما صار بينا مشاكل لا تزعلين علي .. ومابي اشوف الدموع فعيونك ..
رهف: ليه تقول جذي ؟
فيصل: والله مدري احس اني بموووت يا رهف
رهف : اللي يكرهووونك
فيصل يبتسم بالغصب لان الضيقه اللي بداخله اكبر منه عمره ما حس بضيقه اكبر من هذي ..
رهف تناديه وخايفه عليه من هالتفكير ..
رهف: فيصل ؟
فيصل: هلا
رهف: تبي اجيب لك عصير او شاي ؟
فيصل قام ..
فيصل: لا حبيبي انا بطلع اتمشى شوي
رهف : اجي معاك ؟
فيصل: لا لا خلييك ..
يمسح على بطنها ..
فيصل: اهم شي فهد يطلع بالسلامه
رهف بحيا : يتربى بحضنك
فيصل يطلع ..
فيصل: وحضنك يا ام فهد .. الساعه 8 بمر عليك عشان نطلع نتعشااااااااا تجهزززي
رهف تبتسم بكل حيويه : من عيووووووووووووووووني

......

موسى : السلااااااام عليكم
ام حمد : وعليكم السلاااااااام
رغد : شلووونج جدووووووووووو
وتنقز على حضن ام حمد ..
ام حمد: بخييييير يا قلبي وانتي شلووونك ؟
رغد : تمااااااام
ريووف تركض وتطب في حظن موسى ..
موسى : اهلييييييييييين حبيبة ابوووهااااااا ريوووووووفه
ريوف تضرب موسى مع صدررره بالخفيف..
ريوف: ليه ما جيت يباااااا .. انت رحت ويا رغد وبعد امي رااااحت ما بقت الا جدوووووو
موسى تضايق لما سمع ان رهف راحت .. كان وده لو يشوفها وكحل عينه فيهاا .. بس ماله نصيب ..
موسى : يلا يا بنات خلونا نمشي
ام حمد : بتطلعهم ؟
موسى : أي والله يا عمه شكلهم ملو من البيت .. اطلعهم اوديهم حديقه يلعبوون
رغد: الله حديقه ونااااااااااااسه
ريوف: وااااااااو صج يبااااااااااااا
موسى : أي يا قلبووو انتي
وركبوو كلهم في السياره .. وحركووو .. ريوف ورغد يلعبووون ورى وموسى مستانس يشووف رهف في ريووف كانهاا مرايا لهاا .. على وسط صووت المسجل والاغاني ...
ريوف: بابا طووول على صووت الاغنيه ..
رغد : اعلى اعلى
موسى : ههههههه انزين يا بناااات يلا وروني شلووون ترقصوون
ريوف: ههههههههه
وترقص ريوف ورغد .. صج باربياات خذوو قلب موسى ... وموسى يسررع بالسياااره ما شاف السياره اللي قداااااامه وصار شي ما توقعنااااااااه ...
زحمه الدوريات والاسعاااااف يحالون ينقذوون اللي بالسياره من الحاااااادث اللي يخرررع .. السيارتين تكسرووو ..

.....

ركضت رهف والدمووع في عيونها من سمعت الخبرر واهي تركض مثل المجنووونه .. فيصل سوا حاادث .. حست انهاااا ارتكبت جريمه بحقه ,,, حست هذا مو الوقت انه يرووح ويتركهااا كانت تبي تتأسف له عن كل اللي سوووته تبي يغفر لهااا غلطاتهاا بحقه .. مسكت بطنهاااااا ووصلت عند الممر ..
انصدمت شافت امهاااااا واختها امل وندى عند الممر ..
رهف: يماااا
ام حمد تبكي وتروح تضم بنتها ...
ام حمد : يمااااااا ريووف ورغد طلعو مع موسى فالسياره وسوو حادث مع سياره فيصل
رهف شهقت مسكت راسهااااااااااا..
رهف صارخت : يااااااااااااااااااااااا ويل ي فيصل !!!!!!!!!!!!!!!!!!
وتطيح على الارض ..
ندى: اجلسي عندنا يا امل بروح انادي الممرضه
امل خافت على رهف. .
امل : رهف تكفين قووووووومي
ام حمد قعدت على الكرسي وتبكي على حال بنتها واالمصايب اللي تجييها ..
جت الممرضه وحطو رهف في غرفة خاصه ..
الممرضه : اهي حامل ؟
ام حمد : أي يا سستر هالطيحه تأثر عليها؟؟؟؟
الممرضه : والله يا مدام على نفسيه المريضه .. اهي عندها كم ؟
امل : هذا الشهر الثالث لهاااااااا
ندى: يا سستر اهم شي تاكدي على الجنين ...
الممرضه : من عيوني ..
وطلعت الممرضه ..
ندى : خالتي انتي اجلسي هناا عند رهف انا برووح اشووف اخووي
ام حمد: الله يقومه بالسلامه
حمد دخل ووجه متغير. .
ندى : ها حمد بشرررر؟
حمد : عظم الله اجرررج في فيصل !!!!!!!!!!!!
ندى طاحت وتبكي على اخوهااا الوحيد على اخر من بقى لهااا في الدنيا بعد ابوها وامهاااااااا . . ضم حمد زوجته ندى يخفف عنهااااااا ..
ام حمد تبكي : اااااااه يا بنتي الله يعينك ..
امل : وش صار على ريوف ورغد وموسى ؟؟
حمد بصوت متقطع : الدكتور يقوول كلهم بخييير بس رضاااات . . والضرربه القوويه كلها جت على فيصل ...
ردت امل وندى وحمد البيت عشان عمر وساره فالبيت عند الخدامه ...
اما ام حمد قعدت عند بنتها رهف ..

.....

دخلت امل غرفتهاا وكانت حييل تعباااانه ...
خالد: قالي حمد .. حبيبتي ارتاااحي تووج طالعه من الاربعين ارتاحي
امل : ودي ارتاح بس ما اقدر فكري كله عند اختي
خالد : ان شا الله تساهيل ... اهم شي عندي صحتج ...
امل : وينه عمر ؟
خالد : لا تحاتين نايم .. لا تشغلين بالج ..
امل : ان شا الله ..
شافت ولدها عبدالرحمن نايم ...
خالد : شفتي ولدنا شلون طالع قمررر
امل تبووس ولدها عبدالرحمن على خده ..
امل : اليووم كلش ما شفته ..
حاولت تنام امل بس ما جاها النوووم ... جفونها تحرقها كل ما حاولت تغمض عيونها .. كسرت خاطرها اختها رهف .. كل ما حاولت انها تبدي حياة جديده تنهيهاا..

.....

فتح عيوونه .. لمس راسه ..حييل يعوره .. ورجوله مجبره .. شاف الجرووح في جسمه المكسرر .. حاول يقوم ما قدرر .. يحس ان جسمه مخدرر ... تذكرر اللي صار له .. الحادث .. كان معاه بناته ريوف ورغد ..
ضغط على الجررس .. وجاه دكتوور .
الدكتور : اهنئك يا موسى على شجاعتك .. حميت بناتك من الحادث ..
موسى وصوته المبحووح : وين بنااااتي ؟؟
الدكتور: بناتك بخير والحمدلله .. الحادث كله جا على صاحب السياره اللي في الحادث معاك
موسى : وش صار له ؟
الدكتور: امس توفي .. وزوجته طاحت مغشي عليهاااا..
موسى : الله يعينها ويرحمه ان شالله .. دكتووور تكفى طمني عن بناتي اكثرر
الدكتور : مافيهم الا الخيير.. حتى توهم يسألوون عنك ...
موسى : اقدر اشوفهم ؟
الدكتور: لا يا شاطر انت اقعد اهني اهم ما فيهم الا العافيه .. اذا حاب يجوونك اهني عادي ..
موسى : أي والله لو سمحت
الدكتور: من عيووني
موسى : تسلم
وراح الدكتور وجاب ريوف ورغد .. ريوف عندها رضه في يدها الايمين .. ورغد فيها جروح مع يدها .. اول ما ادخلو اركضوو كلهم على حضن ابوهم ..
موسى يتألم من طيحوتهم عليه ..
موسى : آآآآآآآي
رغد : يعور ؟
ريوف : يباااااااا
موسى غمض عيووونه يحس بألم مو طبيعي في جسمه كله .. كنه طاحت عليه شاحنه .. حاول يضحك في وجه ريوف ورغد بس الالم كان اقوى ..

.......

بجت رهف من كل قلبهاااااا... خلاص خسرت فيصل للابد .. كان كلام فيصل الاخير أثررر عليهاااااااا اكثررر .. حتى لما طلع قعدت كل الساعات عند المرايا تحط مكياج ولبست احلا لبسهاا .. كانت مقررة في هاليوم تبدي حياتها بصفحة جديده مع فيصل .. قررت فهاليوم انها تسلم فيصل قلبها بس بعد شنووو ؟؟؟ بعد ما ماااات خلاااص .. كلماته الاخيره حرقت قلبها .. كل ما تتذكر كلامه تبجي اكثرر ..
ام حمد : يا يماا حرام عليييك .. لا تعذبين اللي ببطنك !!
رهف تبجي:اااااااه يا يمااا خلني ابجي عليييه .. يا وييلي علييك يا فيصل يا ليتني انا مو انت
ام حمد تبكي مع بنتها ...
ام حمد : احمدي ربك يا رهف ان بنتك وموسى بخيييييير
رهف: الله ياااااخذ موسى اللي هدم حياااااااااااتي يا يماااااااااااا هدم حيااااااااااااااتي . تمت تبجي
ام حمد تدري هالكلام مو من قلب رهف .. مأثر عليها موت فيصل ..

"" مات الحبيب اللي صورته بالبال روعه ... راح وتركني بدنيتي كني طعين ""

.....

في السياره ...

صالحه تبجي : كله من بنته اللي ذبحته والله لو صار فيه شي ما اخليهم والله . تمت تبجي
راشد : لا اله الا الله .. وبعدين معااااج .. موسى ما فيه شي استغفري الله ..
صالحه : انا قايله ان بنته جايه لمين جايه لامهااا اللي عورت قلب وليدي
راشد : لا اله الا الله ..
تمت صالحه تبجي .. وراشد خايف على موسى .. وخايف من صالحه تسووي مشااااكل .. موسى ولدهاا المدلل واللي تضحي بالدنياا عشااانه ..
وصلو المستشفى .. ودخلو غرفة موسى .. وشافووه يلعب مع بناته ..
صالحه معصبه : يلاااااااااا قومي اقلبي وجهج
ريوف: انا ؟
راشد عصب : صالحه
موسى : ريوف تعالي يا عمري .. لا تسمعين كلام احد غيري وغير امج
فرحت ريوف : ان شا الله يباا
رغد : جدوووو شفيج على ريوف؟
صالحه تشيل رغد على حظنها ..
صالحه : يا قلبي شي يعورج ؟
رغد : لاااااا .. بس ريووف ايدهااا
قطعتها صالحه : ما لج شغل في ريووف
رغد انكسر خاطرهااا وطالعة ابووها ..
راشد : الحمدلله على السلامه يا موسى ..
موسى : الله يسلمك يباا
راشد : تونا جايين من الدكتوور .. لا تخااف ولا تحاتي بس جسمك الحين تعبااان وبعد شهر او شهريين تطلع ..
موسى : ان شا الله . .الله يسمع منك .. لو اني ما اسرعت ما كنت اهني
راشد : هذا قدرك يا ولدي
موسى: استغفر الله ..
صالحه: السبب مو منك انت .. الا السبب من رهف وهذا الخبل زوجهاا اللي مطاوعها في كل شي ..
موسى استغرب ..
موسى في نفسه : شكو رهف وفيصل باللي انا فيه ؟
راشد: ما تعرفين تسكرين فمج يا حرمه ؟
موسى : شسالفه ؟
راشد : المسكين فيصل عطاك عمررره
موسى انصدم ... كان فيصل مثل اخوووووه وخوييه .. وخان فيه وتزوج حبيبتة رهف .. وطول هالسنين والوقت موسى كان السبب في عذاب فيصل .. سكت موسى .. خلاص كره نفسه على اللي صار .. اهو السبب في كره فيصل له .. واهو السبب في موته ..
موسى تنهد : ااااه يا حسرتي عليك يا فيصل انا السبب في موتك
راشد : لا تقول جذي يا موسى .. هذا قضاء وقدررر .. لو ما كنت انت في الحادث كان غيرك .. استغفر يا وليدي ولا تعترض على حكمه ربك ..
موسى كان يسمع كلام ابوووه واهو ساكت .. كان وده لو يرجع مع فيصل مثل ايام قبل ...
صالحه : انا اقول يا موسى انت الحين مريض وتعبان وتبي من يقوم فيك .. ليه ما ترد هديل..
موسى عصب: يماااااااا وبعدين يعني انتي جايه اهني عشان تغثيني ؟؟؟؟؟؟؟؟؟؟؟؟؟؟؟؟؟؟؟؟؟
صالحه خافت منه .. راشد عصب على صالحه ..
راشد : قومي معاااي يلاااا .. طبعج طبع هديل قوومي
صالحه قامت .. ولا قالت شي .. ماتبي تجرح كرامتها .. ناظرت ريووف بنظرات حقد .. ريووف ضمت ابوها . واهي خايفه ... خافت من المراه هذي اللي كرهتها من شافتها .. موسى ضم بناته صوبه .. شاف ابووه .. يبي من ابوه انه يبعد امه عنه حتى لو ثواني... ريوف ورغد خايفين من صالحه .. وموسى بيحاول يحميهم بحيااته .. ولا يسمح لاي احد يحاول يضايقهم .. انقذهم من الحادث .. ويبي يحيمهم من الناس .. والاهم من امه اللي دمرت حياته ...

الاحداث انقلبت 180 درجة ...

هل القدر بيجمع موسى ورهف مره ثانيه ؟؟؟

فيصل مات .. بس خلا وراه ولده اللي ببطن رهف ..هل بيكوون تذكاار لها ؟

صالحه شنوو بتسوووي لموسى .. ؟؟ وهل يقدر راشد يمنعها ؟

هديل شنو تخطط له ؟ ؟

تابعووو

__________________
لكى مرض دواء الا الحب فدوائه النسيان