الجزء العاشر ...

رهف ساكته ودموعها جفت وقلبت حمر .. وامهاا تصلي صلاة العصر . . ولما خلصت امها من الصلاة ...
رهف وصوتها المبحووح من كثر البكي . .
رهف: ريوف وينها ؟
ام حمد استناست لان رهف تكلمت بعد نوبه من البكى ..
ام حمد : عند ابوها ..
رهف اول مره تسمع هالكلمه (( ابوها )) حست ان لها معنى كبير ..
رهف: شلونه ؟
ام حمد تتنهد : ما فيه الا الخير .. بس بقعد شهر مدري شهريين لان عظامه تكسرت .. لما كلمني الدكتور قعد يمدح في موسى
رهف تضحك باستهزاء : يمدحه بشنووو ؟
وتكمل بصوت يخرع : يمدحه في ذبح فيصل ؟ ؟؟ ؟
ام حمد لاحووول ولا قوه الا بالله .. .انتي وش فيك ؟؟ هاااه ؟؟ هذا قدر فيصل انه يمووت امس .. .
تبكي رهف ...
ام حمد : يا رهف لا تحرقين فيصل بدموعك
تكمل رهف البكي ..
رهف: ابي ريووووف يمااااااااااااا ابيهااااااا
ام حمد تعبت : خلاص الحين بروح اتحمد على موسه بالسلامه واجيب ريوف معي
رهف: ....... .
وراحت ام حمد بعد ما اسألت الاستعلامات غرفة موسى .. كان له غرفة وسيعه وكبيره .. اول ما بغت تدخل سمعت صوت ضحك ... ضحك موسى مع رغد ويرووف .. فرحت بقلبها ان موسى رد لبنته . .ودعت من قلبهااا انه يرد لرهف لانها فهالوقت محتاجه لوقفة رجال .. دخلت . .
ام حمد: السلام عليكم
ريووف ركضت صوب جدتهاا ورغد بعد ..
ريوف + رغد : جدوووووووو
قعدت ام حمد تسلم عليهم ... حس موسى انه سمع صوت مألوووف يعرف هالصووت صوت كله حنان وطيبه صووت دافي .. صوووت الام الحنون ..وموسى لما رفع راسه بيعرف منو ... وشافهااا فررح وبنفس الوقت ما قدر يحط عينه في عينهااا خايف انها تتهمه انه اهو السبب في موت ولد اختها فيصل.. .وزوج رهف بنتها ... تذكر رهف .. صح رهف وينهاا ماله صووت ؟؟؟ مرت هالثواني بسررررعه ..
موسى : وعليكم السلام
حاول موسى انه يبعد نظره عن مرت عمه ام حمد اطوول مده .. كان خايف ان مرت عمه ورهف يكرهوونه بعد ما قرب منهم فهالوقت ..
ام حمد وصوتها تعبان ..
ام حمد : وشلونك الحين يا موسى ؟
موسى : الحمدلله بخييير .. عظم الله اجركم في فيصل .. والله لما سمعت الخبر تضايقت يا عمه .. يمكن اكون السبب ويمكن يكوون القدرر..
ام حمد : اجرنا واجرك اميين ..المسكينه الله يعينهااا رهف مالها نصيب فهالدنيا ..
موسى ساكت مايبي يتكلم بشي يتعلق برهف ..
ريوف: وينهاااااا ماما ؟
ام حمد : هناك يماا تبيني اوديك لهاااا
رغد : انا بعد برووووووووووح عن ماما رهف
ام حمد : يلااا تعالوو معي ..
طلعو من الغرفة ... حس موسى ان هالغرفة بااارده وجمدت عظامه ... حط اللحاف في وجهه يبي ينكرر اللي صار له بس ما قدر .. غمض عيووونه يبي يرتاااح بس هم رهف ماكله ...

....

دخلت ام حمد مع ريووف ورغد ...
رهف: هلااااااااااااا ماماااااااااا هلا بقلبي
ريوف تبجي بحظن امها ورغد ما تدري شتسووي ..
رهف تلمس بنتها تتاكد انها بخير.
رهف: رهف يعورج شي ماما ؟
ريوف ترفع يدها الييميين ..
ريوف: هذي بس
رهف تبووس يدهااا ..
رغد : مامااااااا
رهف: تعالي ماما
رغد استناست وراحت قعدت عندها ..
ام حمد حست ان رهف لما شافت ريوف بخييير ردت طاقتهاا ...
ريوف: يمااا
رهف: هلا يما
ريوف: يماا ابوووي جسمه مكسرررر مسكين ما عنده احد ,. خلينا نروح نقعد عنده
رهف تفاجات من كلام ريوف ..
ام حمد : بعدين يا ريوووف .. .
رهف ف نفسها: ااااااه القدر يا موسى ما يبي يفرقناا عن بعض .. يمكن لانا خلقناا لبعض
بس فيصل .. فيصل اللي حرق هالقلب ورااااح ...
مسحت دموعها ..
رغد : يمااا
رهف انتبهت لرغد اللي تناديها . .حبت رغد من كل قلبهاا تذكرهااا في موسى ..
رهف: هلااااا يقلبي ..
رغد : ابونا قاعد لحاله حراااام خلينا نرووح نقعد عنده ..
رهف تتهرب من طاري موسى اللي صار طاريه يلاحقها
رهف : لا يماا ما اقدر انا تعبانه مره ثانيه
رغد زعلت لانها حييل متعلقه بابووهااااااا .. رغد تحس انها وحيده وما عندها غير ريوووووف ..

.......

محمد : هديل
هديل : شتبي؟
محمد : شكلج نسيتي ان عندج بنت
هديل: عند ابووهاااااا
محمد: ابوها في المستشفى مسوي حادث
شهقت هديل ..
هديل: متى ؟
محمد : امس
هديل: ما تعرف أي مستشفى ؟
محمد : مستشفى ************
هديل: ورغد وينها ؟
محمد : اكييد عن بيت عمي راشد
هديل: قوووووووم ودني برووح
محمد : انتي من صجج ؟؟ ما يصير تطلعين
هديل: اووووووووف .. انزين قوم جيب بنتي ..
محمد : انا الحين بروووح مو فاضي لج ..
هديل: أي روووح للاردنيه
محمد عصب,,
محمد : جب ان تكلمتي مره ثانيه لاقطع هاللسااان
هديل: هه اتحداااك تحسب اني ما اعرف عن زوجتك الاردنيه ..
محمد : شتبين الحين ؟
هديل: جيب بنتي رغد عندي
محمد : انززززين ..
وطلع محمد يتأفف من طلبات هديل اللي ذبحته فيها . .راح لبيت عمه راشد ...
راشد : هلااا محمد القاطع
محمد: هلااا عمي
راشد : وينك انت ما تبين ؟؟؟
محمد: وش اسووي يا عمي مشاااااغل
راشد يدري ان محمد يجذب علييه .. كان خايف عليه من كثره هالسفرااات المجنوونه .. اللي كل اسبوع يسافر ..
راشد : ادري انك جاي مو لله .. تبي شي ؟
محمد تفشل ..
محمد : أي والله يا عمي هديل تبي تشوووف بنتها بعد الحادث
راشد ( يجذب ) : زين والله تذكرت رغد .. رغد مو اهني
محمد : عمتي صالحه قالت لي ان رغد اهني
راشد: لا مو اهني عند ابووهااا منومينها ..
محمد: ما تعرف متى تطلع ؟
راشد: متى ما طلعت انا اقولك
محمد: احسن بعد .. يلااا تشااو . وراح .
راشد : مع السلامه
صالحه : شنو يبي محمد ؟
راشد: يقوول ان هديل انخطبت
راشد في نفسه : خطبووها جناااااااانووه اميييين
صالحه انصدمت : انخطبت ؟
راشد : أي وكان جاي ياخذ راي .. ووافقت
صالحه: انتي من صجك تتكلم ؟؟؟ هديل لموسى
راشد : راسج يابس .. اسمعي خطبة هديل لا تطلع .. حتى مع ام محمد لا تتكلمين الا لما تقووول لج انتي فاهمه .؟
صالحه : أي أي .. خلاص
طلع راشد من غرفته ...
وصالحه منصدمه ... شلون هديل تنخطب واهي ماتبي غير موسى ؟؟؟

.......

راشد : اقوول جاسم
جاسم : هلاااااااا عمي
>>> جاسم عمره 29 .. متدين .. ومطوع .. توه طالع من السجن بقضيه في الشركة اهو مظلووم فيهاا واللي وقف معه اهوو راشد معاه بنفس الشركة ومحد صدقه غيره .. ويعرف اخلاقه زين ..جاسم حاول انه يتزوج بس محد وافق عليه بسبب السجن اللي اظلموه فيه .. مملووح وعيوونه حوور .. وعنده اسلوووب يجذب ..
راشد : ما لقيت بنت الحلال ؟
جاسم نزل راسه : والله يا عمي الله ما كتب
راشد : عندي لك البنت بس توافق؟
جاسم فرح من قلبه . .
جاسم : اكيييد ..
راشد : اهي بنت اخووي واسمها هديل. . عندها بنت 5 سنين .. ومطلقه
جاسم : والله يا عمي اناا
راشد : ماتبيها ؟
جاسم : لا يا عمي ما قلت .. بس تعرف لازم امي تروح تخطبهاا اول
راشد : هذا من حقك .. تبي العنواان ؟
جاسم : لو ما عليك امر ؟
سجل راشد العنوان في موبايل جاسم ..
جاسم: جزاك الله خير يا بوعبدالله
راشد : انا يا جاسم بجمع راسين بالحلال ومابي منك غير الدعووووه لبنيتي شمااااا
جاسم يعرف سالفه شماااااا ودايم يفكر فيهااا وكسرت خاطره ..
جاسم : عمي
راشد: هلا يا جاسم
جاسم : عمي انا ما اقصد بس تدري اني مطوع ومتدين .. ابي اقرى على شماااا
راشد انصدم من هالطلب . .يدري ان جاسم يحب الخير للناس.. وشكله مهتم في سالفه شما ..
جاسم : ....
راشد : خلاص يا جاسم تعال معي الحين خلنا نرووح مره تقرى على شما ومره تتعشى عندي
جاسم فرح ومستانس ... جاسم قلبه طيب .. بس يبي الفرصه عشان يثبت للناس طيبه قلبه ...

.........

دخلو البيت وجاسم مستحي .. ودخلو غرفة شمااا .. اول ما شافها جاسم دشت قلبه .. كانت شما مثل الملاك على السريرر .. توها داخله ب26 .. كانت بشرتها صااافيه وناااعمه وعيوونها العسليااات اللي يجذبوون .. كانت ملاااك واكييد انتو عرفتوو سالفتها من الحسد ...
راشد : حيااااااااك
جاسم بحيا: الله يحييك
قعد جاسم عند كرسي قرب من سرير شما ..
راشد : انا بقول لهم يسووون لنا شاي.. وطلع
فتح جاسم كتاب القران وقعد يقرى عليهااا بصووت خشووع وعذب .. اللي يسمعوون صوت جاسم واهو يقرى القران يمر عليهم شعوور الخشوووع ..جاسم قرى من كل قلبه وطبعا في الله ....
دخل راشد .. ولما سمع صووت جاسم .. سكت وفررح من كل قلبه ...
راشد بصوت هادي وحنون : جاسم
جاسم ختم الايه ... وشاف راشد في وجه جاسم نوور الاسلاااااام ونور الخشوووع ..
جاسم : نعم عمي
راشد : يلاااا خلنا نروح للدوانيه ..
جاسم : ان شا الله عمي .. .
طلع راشد ... وقبل لا يطلع جاسم دعى لشماااا .. ودعى ان الله يستجيب له ...

..........

خلال اسبوع من زيارات جاسم لبيت راشد .. صار شي محد توقعه ... قامت شمااااااااا !!!!!!!
بعد فضل الله وفضل جااااسم اللي صار يقعد ب3 ساعات يوميا يقرى عليهااااااا ..
استناس جاااااااسم من كل قلبه ... وحمد الله على سلامة شمااا ...
في المستشفى ...
صالحه تبجي : شماااااا
شما: يماا بس خلاص احمدي الله على اني رديت
صالحه تمسح دموعها : الحمدلله على كل حال
وتمسح على خدهاا .. .
شماا : يبااا
راشد : هلااا يبا
شما: انا سمعت صووت قرااان منو كان يقرى ؟
راشد استنانس ..
راشد : هذا جاسم معاي في الشركة .. واهو مطوووع
شما ابتسمت ..
شما : الله يجزاه خييير
صالحه : أي والله الله يجزييه خييير .. والله اني ارتحت له من الاول
شما : يمااا وين اخواني احمد وعبدالله وموسى ؟
قعدت صالحه وراشد يعلموون شما بكل اللي صار طووول 16 سنه اللي طافت من عمرها .. حتى ان شماا انصدمت لما سمعت ان رهف بنت عمها تطلقت من موسى اخووها .. وانصدمت لما سمعت ان موسى اخوها في المستشفى .. شمااا ما توقعت كل هالاحداث هذي .. حمدت الله انها ما كانت موجوده طوول هالاحدااث .. شما بطبعها رقيقه بمشاعرها .. وناعمه ... كلها انووووثه .. وطيبه من قلبهاا ..

...

رهف استناست ان بنت عمها اللي تحبها شما قامت بالسلامه .. كان ودها تروح لهاا بس كانت في العده .. قاعده عند بيت امها وماتبي تروح لبيتها اللي شراه فيصل لها .. لانه يذكرها فيه .. وزع الورث على رهف وندى وولد رهف اللي في بطنها ... وكلت حمد على الشركات اللي بالسعووديه .. وسافر حمد وندى للسعوديه ...
...

جاسم : عمي انا اطلب يد شمااااا
سكت راشد ولا علق .. جاسم نزل نظرات عيوونه
جاسم في نفسه : ما هقيتك يا عمي طلعت مثلهم وين كلمه ولدي ؟
راشد يمسك يحضن جاسم .. اللي انصدم من راشد .
راشد: مبرووووووووووك
جاسم ما استوووعب ..
جاسم : صج يااا عمييييييي الله يباااااااااااااارك فييييييييييك
دمعت عيوون جاسم من فررحته اللي ما وسعته ... ما صدق ان شمااا اللي دخلت قلبه بيتزوجهاا .. كان متردد انه يتقدم لها ..

....

صالحه : ها يا شماا شرايج ؟
شما بحيا: الراي رايج يا يما
صالحه : الرجال ما ينعاب وبفضل الله وفضله انه شال العين .. انا عني موافقه .
شما حست ان وجهها احتررق من الحياا .. حست بفررحة كبيرة .. صح انها ما شافت جاسم .. بس حبته من صووته اللي جذبهااااا.. كانت تسمع صووت يخليها تخشع .. صوته اللي ذوبها ..
راحت شما لغرفتهاا تشوفها ... شافت اشياء قديمه على يوم كانت عمرها 10 سنين ..
شما : اهلين حنووونه ونووورة
نورة وحنان يحبووون شماااااا يوم كانو صغااار ... وكانوو خوياات
شما تدمع عيونها ..
شما : .....
نورة : ليه يا شما تبجين ؟
شما : ابجي على اللي راح من عمري
حنان : لا تبجين ولاشي ... تعالي متى الملجه ؟
شما بحيا: هالدرجة وصل لكم الخبررر هههههه نسيت ان اخواني ازواجكم
نورة :ههههههه اهم شي تكونين مستناسه يا شماا
شما : تسلمين يا قلبي
بعد ما خلصت شما من السوالف مع حنان ونورة .. راحت لغرفتهاا ترتاح وتفكر في جاسم ..
شما : الحمدلله لك يا رب على كل شي اللهم لا اعتراض..ياربي الحين شخبار موسى حييل فاقدته ..
اخذت موبايلها ...
شما: قووووووه عبدالله
عبدالله : اهلاااااااااااااا شماااااااااااااااااا
شما: عبوود ابيك توديني عند موسى باسلم عليه .. اهو درى اني قمت بالسلامه ؟
عبدالله : أي قلت له .. وده لو يشووفج اليوم قبل باجر . . ولا تحاتين ان شا الله امر عليج العصرر ..
شما: اوكييي يا الظاهر اني عطلتك يلا باااااي
عبدالله: ولو يا شماا .. بايات
تسكرت شماا .. عضت على شفايفها بحييره .. شنو بتسووي الحين ؟؟ وشنو بيكون حالها ؟؟
توه قامت من الغيبوبه ودها لو تشوف خوياااتهاا من قبل ودها لو تشووف الناس اللي تعرفهم من قبل .. قامت من سريرها وشافت روحها بالمرايا .. تغيرررت كثيييير وصارت احلا ... فلت شعرهاا الطوويل .. وسرحته .. تحس انها وحيده .. وانها غريبه .. فكرت في رهف بنت عمها اللي اخر مره يوم شافتها يوم كانو صغاار .. ودها لو تروح وتعزيها .. بس امها رافضه هالشي .. بس شما معروفه اللي براسها تسوويه ..
سمعت صوت الباب ..
شما :منوو
حنان : هذي انا حنان
شما تروح تفتح الباب على حنان ..
شما تبتسم: حي الله حنوووون .. حيااج
دخلت حنان ...
حنان : شماا . . كان ودي اقولج هالشي من البدايه .. بس ما كانت الوقت مناسب..
شما: خير حنان ؟
حنان : اسمعي يا شما .. من قبل 6 سنين .. واكثر.. اخوج موسى كان حاجز بنت عمج هديل
شما: أي هذا اللي اذكره ..
حنان : بس بعدها غير رايه
شما: غير رايه ؟ ليه ؟
حنان : سافر موسى معاج فلندن وهناك شاف رهف لاول مره وحبها
شما ما استوعبت : لحظه لحظه .. يعني ابوووي ما غصب موسى انه يتزوج رهف ؟
حنان : خالي راشد عرف ان موسى يحب رهف .. ويبي يجمع بينهم بدون لا تتدخل عمتي صالحه . . يا شما حرااام جذي عمتي تحرم موسى من رهف .. رهف الحين وحيده ..
شما .. ساكته وتفكر في حال اخوها موسى ورهف .. شما دلوعه امها .. أي شي تطلبه تنفذه امها . .
حنان : عمتي صالحه ما ترفض لج طلب ..
شما: وليه تسوين جذي يا حنان تدافعين عن رهف ؟؟
حنان تبجي ...
شما : ليه تبجين يا حنان .. اكييد مسويه شي صح ؟
حنان تهز راسها .. قامت شما معصبه .. حنان مسكت بكل قوتها رجل شما ..
حنان تبجي: شماااااا تكفين اسمعيني
شما تهز جسم حنان ...
شما معصبه : شمسوووويه ؟؟؟؟؟؟؟؟؟؟
حنان تبجي حييييل حتى قطعت قلب شمااا .. حست شما ان حنان مسويه شي .. الا شي كبير .. وتبي تصلحه ..
شما بهدوء: اسمعج قووولي شسويتي ؟
حنان بعد ما استكت .. وحست ان قلبها تقطع من البجي ..
حنان منزله راسها ..
حنان : يوم تزوج موسى رهف .. خالتي موصيتني انا ونورة انا نضايق موسى ورهف.. ونحط الفتن فيهم .. وخالتي قالت لي ..
شما : ياللي ما تخافوون الله .. كملي زين كملي .. وانا اعلمج السنع
حنان خافت .. واهي تتكلم ترتجف. .
شما معصبه: تكلمي !!!
حنان : حطيت سحر في غرفتهم !!!!!!!!!
شما: شسووووووووووويتي ؟؟؟؟؟؟؟؟؟
حنان : حطيت سحر في غرفتهم
شما معصبه: قووومي اطلعي يلاااااااااااااااا قوووووووووووووووومي يا الملعوووونه
طلعت حنان بعد ما ريحت ضميرهاااااا .. كانت حابسه هالهم على قلبها .. لا مخليهااا نفسيتها زين ولا خلتها لين الحين ما حملت .. وما عندها غير جابر .. وخايفه لا تخسره ...
شما حست بدووخه غريبه .. عورها راسها من الصدمه اللي سمعتها ...
شما : سحررر !!!! هذا اللي خلا موسى يبعد عن رهف طول هالسنين ولا راضي يعترف انه يحبهاااااا سحرررر الله لا يسامحكم ان شا الله ... لانتي يا شما ولا امي !!
انطرت شما لين يوصل العصر عشان تحل هالمشكله اللي انظلم فيها موسى وانظلمت فيها رهف ..
ركضت بسرررعه لغرفة اخووها موسى ... وشافته نايم على فراشه ..
قربت منه ولمست خده ... تغييير .. من قبل 16 سنه ما شافته ... حست بشووق وحنين له .. لدرجة انها بجت لين فتح عيونه ...
موسى يبتسم : ررررررهف
شما افتحت عيووونها ..
شما في نفسها : يا ويلي عنك يا خوي ...نذر علي اني اجمعك فيهاااااا ..
شما تبتسم : هذي انااا شما
موسى يعدل قعدته ..
شماا: شلونك يا اخوي ؟
موسى: بخيييييير ياا شماااااااااااا انتي شلونج ؟ لما قالي عبدالله تمنيت لو عندي جناح وطرت لج ..
شصار على خطبتج ؟ ترى جاسم ما ينتطوووف ؟ ويغمز لها ..
شما : هذا مو موضوعنا يا موسى ... موسى
موسى : هلا ..
شما تبجي : ليه يا خوي تسوي في نفسك جذي ؟
موسى : شنو ؟ وليه تبجين ؟ في احد ضايقج ؟
شما : أي انت .. حراام عليييك .. اسمع يا موسى ان ما تزوجت رهف لا انا اختك ولا اعرفك
انصدم موسى من كلامها ... حس ان في شي ..
موسى: اتزوجها ؟ انا ما ابيها يا شمااااا وزواجي منها كان علشان خاطر ابووي
شما : جذااااااب .. انت تحبهااااا
موسى : شمااا
شما: يا موسى انت تحبها بس العذال اهم اللي احرمووك منهاااااااا.. تدري منوو اهم ؟؟؟ امناااااا وحنان اللي حطووا لك السحر في ليلة عرسك برهف ..
انصدم موسى .. حاول يستوعب كلام شماا .. كان كلام شماااااااا من القلب للقلب ..
موسى : سحررررررررررر؟؟
شما تمسك يد موسى ....
شما: أي والله سحررر .. انت ورهف لبعض
بجت رهف على فراش موسى .. وموسى يبي يطلع اللي في قلبه ... بس ما قدر .. تذكر رهف في ليلة عرسهم ... قمررررر وانهبل فيها ولا حتى ندم انه تزوجهاا .. حتى تذكرر الكره والحقد اللي حسه بصوبهاا .. واكييد هذا السحر ..
موسى يمسك راسه .. وده لو يموووت ولا يسمع كلام شماا .. ان امه وحنان مخططين له السحررر ويغصبونه على هديل ...
طلعت شماا من غرفة موسى .. بقى اخرر مهمه واهي رررهف ...
طلعت من المستشفى وركبت السياره ..
شما: عبدالله ابيك تمر بيت عمتي ام حمد
عبدالله : ليه ؟
شما : بعزي رهف
عبدالله : بس دقيقه تعزيها وتجييين انزين
شما: انزين ..
شما في نفسها: شرهتك على اللي يرد علييك .. هههههه بقعد ساعه عناد فيك ..
دخلت شما البيت .. وحست ان هذا اهو ما تغير .. شافت بنت حلوووووووة مثل القمرر تلعب مع رغد بنت موسى ومع ولد ...
قربت منهم ..
رغد : عمتي شماااااا
ريوف التفت لها .. وعمر استنانس مع رغد ...
شما : شلووونكم ؟؟
ريوف: منو انتي ؟
شما : انتي منوو ؟
ريوف: انا ريووووف
شما : بنت موسى صح
ريوف: أي
رغد : هذي اختي ريوووف وهذا عمررررر
شما : منو امك ؟
عمر : امل
ضحكت شماااااا..
شما في نفسها :هههههههه امل صارت ام من متى اخر مره شفتها تلعب في الشارع مع كشتهااااا يحليلها فديتها والله لها وحشه من قلب اما رهف ما اذكررررها ؟؟
شافت ام حمد وحده قاعده تسولف وتضحك .. وراحت لها ...
شما: عمتي ام حمد ؟
ام حمد : منو انتي ؟
شما: انا شمااااا
ام حمد تسلم عليهاا...
ام حمد: الحمدلله على سلامتك ..والله يا بنتي سمعت انك قمتي بالسلامه بس انتي عارفه بالحال ..
شما: أي والله يا عمتي عظم الله اجركم ان شا الله
ام حمد: اجرنا واجرك .. حياااك
شما: الله يحييج ...
دخلت شما وقعدت في الصاله ..
دخلت امل ومعاها عبدالرحمن تحاول تنومه .. شافت وحده غريبه في بيتهم ..
قامت شما ..
شما: انتي امل .؟
امل مستغربه : أي منو انتي .؟
شما : انا شمااااااااا
امل بغى يطيح منها عبدالرحمن من الصدمه ... سلمت عليها وقعدو ...
امل : شلووونج الحين .. والله لج وحشه يا شماااااا
شما: بخير الله يسلمج وانتو شلونكم شخباركم .. والله يا امل من قمت وانا مادري الكويت تغيرت ما عرفت شي فيها .. حتى اخواني تغيروو كلهم تغيروو ...
امل: ما الومج يا شماااا ..
شما: الا وينها رهف ما شفتها .؟؟ شفت بنتها ريوووف بسم الله ما شا الله عليها قمررر اكييد بعد رهف قمر مثلها ..
امل: ااااااه بلاج ما تدرين عن حالها الحين ...
شما: الله يعينها ..
...

ام حمد دخلت غرفة رهف..
ام حمد: رهف
رهف تقرى القران ..
رهف: هلا يما
ام حمد: جات شما تسلم علييك
رهف استانست ..
رهف: يما تعذري لها .. والله انه ضايق خلقي ..
ام حمد: ولو يا رهف. . انتي تعرفين عمتك صالحه ما تحبناا يمكن بعدين ما تشوفينها مره ثانيه يابنيتي البنت تعنت لك .. تردينها ؟
رهف قامت ...
رهف: الحين بنزل
ام حمد: عفيه حبيبتي..
ونزلو تحت ...
شما لما شافت رهف شهقت ... شافت ملاك نازززل .. حوووررريه ...
شما فتحت فمها ..
شما: لا اله الا الله قمرررر عسى الله يحميج
ابتسمت بحيا رهف وسلمت عليها ..
شما : شلووونج رهوووفه عاد تصدقين ما اذكررررررج مدري وين مختفيه قمررر مثلج
رهف: عيونج الحلووة
قامت امل ..
شما: وين رايحه ؟
امل : بودي عبدالرحمن ينام ..
ام حمد: اقدعي يا شماا ..
شما: مشكووورة عمه
قامت ام حمد ..
شما: اافااا وين رحتووو ؟؟ ههههههههههه والله شكلي بقعد لحالي ..
ام حمد تبتسم : البيت بيتك .. هههه ولا تخافين بيتنا ما يخوووف
وراحت ..
شما :رهف
رهف: هلا
شما: رهف الكلام هذااا وربي يشهد علي انه صج ..
رهف: ؟
شما: رهف بسألج سؤال صرريح .. انتي تحبين موسى .؟
رهف بحزن : ليه هالسؤال يا شمااا تكفين لا تفتحين الجروووح
شما: في ذمتج يا رهف قوووولي لي .. تراني حلفتج
رهف سكتت ولا ردت .. تعبت حبت موسى وما جاها غير العذاب والالم .. ولما حبت فيصل ما كمل حبها ..
شما عرفت رد رهف.. يمكن رهف ما حبت ترد او انهاا تخاف .. بس عرفت ..
شما: رهف تدرين ان طلاقج من موسى سحررر
رهف: اللي صار صار والحين موسى ما يهمني ..
شما عرفت ان رهف تعذبت .. حتى لاحظت حملها ..
شما: طلاقج من موسى سحررر وحسااافه ان هالسحر من امي وحنان ..
ما قالت شي رهف.. حست انها تعودت على الصدمات والمفاجات ولا عاد يهمها الحين غير ريووف وولدها ..
شما: رررهف موسى محتاااج لج .. والله يبيج .. بس السحر اهو مأثر عليه .. تذكري اخووي موسى انه ما حب غيرج ..
رهف: شتبيني اسووي يا شمااا انا الحين فالعده ..
وتمسح على بطنها ..
رهف: وابي اربي ولدي من زوجي فيصل
شما: والله ادرري .. رهف لا تكونين انانيه .. موسى من له ؟؟ مسكين اليوم لما شفته بجيييت على حاله ..ماله احد .. حتى امي كرهها .. ولا يبي يشووف وجهها .. اخووي محتاج اللي حبهااا والله يحبج يا رهف. ..
رهف حست ان كل كلمه من شماا هي الحقيقه .. بس خايفه .. خايفه لو تعرفت لموسى بحبها يرفضه مره ثانيه وينكرهاا .. وخايفه على مصير ولدهاا اللي بعيش بدووون لا يشووف ابووه ..

شنو تتوقعوون يصير ؟

هل رهف توافق على موسى بعد ما رفض حبهاا في كل مره ؟

وموسى لين الحين مأثر عليه السحرر ؟؟

وهل يتزوج رهف وموسى وتصيررر النهايه ؟؟ او بتصير مشاكل ؟

ريوف + رغد + عمر + راشد ( ولد نورة واحمد ) + ساره + جابر ( ولد حنان وعبدالله )

بنشووفهم لما يكبرووون ؟؟

تابعوووو

__________________
لكى مرض دواء الا الحب فدوائه النسيان