الجزء الثاني عشر ... والاخير

شما ردت البيت واهي مستانسه .. فصخت عبايتهاا وملفعهاا ونزلت تحت ..
شافت احمد توه داخل البيت وعيونه حمررر ..ومعصب
احمد بعصبيه : تعالي
شما راحت له واهي خايفه انه عرف انها راحت لرهف..
شما : سم وش فيك ؟
احمد : انتي مع منو جايه ؟
شما: مع السايق
احمد : اسمعي يا شماااا اناا ما عندي خوات يتزوجوون من برى العايله انتي فاااهمه ؟
شماا انترست عيونها من دموعهاا .. اللي ما كملت فرحتها ..
شما: وش تقول انت ؟ ليه ؟
احمد قعد يرتاح وبكل برود: محمد خطبج
شما باستهزاء: هه ما بقى الا ذاا الطنقوور اخذه
راح احمد وبعصبيته الزايده مسك شعر شماااا بألم .. وشما مو مستوعبه اللي يصير ..
شما: آآآآآآآي احمد شفيك علي؟
احمد : جب ولا كلمه كلمتي تتنفذ انتي ساااامعه ؟؟
شما: والله لاعلم علييك امي وابووووي
احمد يهد شعرهااا ويكظها صوب الكنبه ..
احمد: منتي بقدهاا يا شمااا
وطلع من الصاله .. وشما طايحه على الكنبه وما تدري ليه احمد معصب عشان انهااا بتاخذ جاسم .. بجت وحطت ايدها على وجههاا تبجي بصووت خفيف .. الحين تساعد رهف وموسى والا تساعد نفسهااا اللي حطمها احمد بدقيقه ..
جلست تنتظر ابوها يدخل البيت او امها عشااان تعلمهم باللي صار .. شافت الساعه 10 بالليل وجاها النووم راحت بتكاسل ولما صعدت الدرج سمعت صوت عبدالله معصب.. قربت من شقة عبدالله وسمعت كلامه ..
عبدالله : انتي من صجك ؟؟؟ وليه ما قلت لي انك بتساافر لندن ؟؟ وينك الحين ؟؟ الله يهديك يا موسى الحين وش اقووول حق امي وش اقوول حق ابوووي .. هذي سواة تسويهااا .. انا جاييك لندن .. عطني العنوااان .. ليه مراح تعطيني اقولك عطني ... الله يسامحك يا موسى .. ليه تتغرب وبيتنا مفتوح لك .. طيب طيب يوصل... فمان الكريم ..

حطت شما ايديها على فمها من قووه الصدمه .. اللي خططت له بح تبخررر وهذا موسى تغرررب الحين شنو تقول حق رهف وشلوون بتتصرررف ؟؟

....

راشد حاط ايديه على راسه من قووه الصدمه ...
راشد بتعب: لا اله الا الله ..
شما سكتت ..
شما: يبا بقولك على شي وابيك تسمعني
راشد : قولي
شما : يباا ادري انك بتعصب على اللي سويته بس ارجووك اوقف معاي
راشد: لا تخافيني يا شماا مراح تاخذين محمد
شما : لا يبا انا اعرف انك بتوقف احمد عند حده .. بس في شي ثاني
راشد : شنو ؟
شما: رهف يا يباا
راشد : وش فيها ؟ لا يكون احد مضايقهاا ؟
شما: يباا موسى يبي رهف ورهف تبيه .. ليه ما نجمعهم مره ثانيه ؟
راشد: انا ودي يا شماا بس وش اسوي فيه .. لو تكلم موسى من عيوني اروح واخطب له مره ثانيه رهف
شما :يبا موسى موافق بس ما يبي يقووول
راشد : ليه ؟
خافت شماا .. لو تقول لابوها ان امها وحنان حطوو السحر في غرفة موسى يقدر يطلق امها ويخلي عبدالله يطلق حنان ..
شما: خايف ان رهف ترفضه . . بس ابشررك يبااا رهف موافقه ..
راشد : يا بنيتي يا شمااا انتي من صجج تتكلمين .؟
شما: أي والله الشاهد علي يا يبا
راشد : دام كلامج صح .. باجر اخطب رهف لموسى
شما سكتت واختنقت عبرتها ..
راشد : وش فيج ؟
شما : موسى سافر للندن ولا عرف راي رهف
راشد عصب: شنوووووووووووو ؟؟؟؟؟؟؟
شما: يبا تكفى لا تعصب .. اهو لو درى عن رهف رد ..
راشد قام من البيت وطلع .. شما اندمت انها فتحت هالموضوع ...
دخلت امها البيت ..
صالحه : ليه ابوج طلع معصب؟.
شما : ما الومه لو عصب. موسى سافر بدوون لا يقووول لاحد
صالحه قعدت .. من الصدمه
صالحه : ليه ؟ ؟
بجت صالحه .. شما اضعفت لما شافت دمووع امهاا تمنت لو تمووت ولا تشوف هالدموووع اللي فجرتها ..
شما : يما بس
صالحه : كله مني يا شمااااااااا كله مني .. اااااااااه يا ربي
شما حست بالضعف من كلمات امها ..
شما قربت من امها وحضنتها ..
شما: يماا الله يهديج ان شا الله لا تسوين جذي.. ان شا الله موسى بيرجع
صالحه ضعفت ودها لو تفضفض اللي بقلبها كله بدووون خوووف ...
صالحه تمسك بنتها شما ..
صالحه تبجي : اسمعي يا شمااا انا مالي غيرج بهالدنياا محد يحبني كثرررج ... اسمعي يا شمااا يعلم الله اني احب رهف كثر ما احب عيالي .. يا بنتي مدري وش اللي جبرني اسووي كل هالاشيااء اللي ضيعت موسى عني .. اسمعي يا شمااا ابيج وانا امج تروحين لرهف وتتاسفين منها عني .. انا يا شماا وحيده .. وحيده ماعندي احد .. تمت تبجي ..
شما تبجي :يماا بس تكفين خلاااص
صالحه : في قلبي هم كبير يا شمااااا ابيه ينزااااح
شما: يماا تبين رهف ترد لموسى ؟
صالحه تشهق من البجي .: أي يا يماااا خليهاا ترد وانا احطهااا بعيووووني ولو تبي اني اطلع من هالبيت ابطلع بس تحنن قلب موسى علي ..
شما :يمااا تكفين بس لا تبجين ورهف موافقه تررررد
صالحه سكتت وابتسمت ..
صالحه : يا بعد عمري هالبنت ما فرحت بحياتها كثر ما افرحو البنات
شما تمسك خصر امها وتقومها . .
شما بحنيه : تعالي نامي يا الغاليه وارتاحي
صالحه بصوت مبحوح : وموسى ؟
شما: موسى ما عليه شرر
شما تودي امها غرفتها .. ارتاحت شمااا .. واخيرااا رهف بترد لموسى .. واهي بتتزوج جاسم بدون مشاكل ..
وراحت وحطت راسها على مخدتها ..
....

وصل راشد لبيت ام حمد .. .
ام حمد : هلااا بو عبدالله اقلط
راشد : اسمحي يا ام حمد اني جيت بهالحززه
ام حمد : حياااك
ودخل ..
رهف: حي الله عمي
وتسلم عليه
راشد : الله يحييج ويبقيج يا بنتي
وقعدو ..
راشد : ها يا رهف خلصت عدتج ؟
رهف باستغراب ..
رهف: أي
ام حمد نغزهاا قلبهاا .. مثل هالموقف صار قبل 6 سنين .. وخايفه لو يتكرر . .
راشد : اسمعي يا رهف مالج قعده بهالبيت .. وانتي يتردين لموسى وش قلتي
رهف: الراي يا عمي هالمره مو رايي. . ان وافقت امي مالي راي
راشد : وش قلتي يا ام حمد ؟
ام حمد : انا ماعندي مانع بس ودي لو اشوف موسى يتقدم لها
راشد: موسى بلندن
رهف سكتت
رهف في نفسها : هه مالت علي وعلى حظي .. والحين موسى نحش .. دام انه ما يبني ليه عمي راشد يخطبني له ؟ والله خوفي اتطلق منه مره ثانيه
راشد: موسى بلندن عشان يكمل علاجه وبيقعد هناك اشهرر انا من رايي يا ام حمد .. اسافر انا ورهف لندن ونزوجهم اهناك
ام حمد : ليه العجله يا بوعبدالله متى ما رد موسى حيااه مراح امنعه من رهف .. بس ليه هالعباله ؟
راشد : عشان يرتاح ضميري يا ام حمد ودي لو اشوف موسى ورهف متزوجين قبل لا تغمض عيوني
ام حمد : لا تقول كذا يا بوعبدالله .. وهذي رهف اتفق معاها على السفره
راشد : وش قلتي يا رهف ؟
رهف بحياا: الراي رايك يا عمي
راشد: نسافر هالاسبووع ؟
رهف: براحتك
راشد طلع من البيت واهو مرتاااح ..

.....

بعد اسبووع وقبل السفره ..

راشد : مبروك يا جاسم الله يتمم لكم بالخير
جاسم: الله يبارك فيك يا عمي .. عمي شكلك مستعجل ؟
راشد : أي والله يا جاسم الحمدلله خلصنا ملكتكم .. والحين وراي سفرره للولدي
جاسم : عمي متى تبينا نحدد العرس؟
راشد : والله كيفك يا جاسم بس مابيها بعد سنه
جاسم: ابشرررر
راشد: يللاه الحين بروووح فمان الله
جاسم: فمان الكريم تروح وترد بالسلامه يا عمي

.....

في المطار ..

رهف ترتجف ماتدري ليه وافقت على هالسفررره ..
راشد لاحظ ارتباكها ..
راشد : وش فيج ؟
رهف : لا لا ما فيني شي .. بس عمي انا خايفه لاني حامل بالثامن ..
راشد: لا ان شا الله نروح ونرد بالسلااااامه .. وبعدين عرسكم بعد ولادتج ان شا الله وتجيبين لنااا فيصل
رهف سكتت وما علقت .. كانت ودها لو تسميه مثل ما يبي فيصل ( فهد ) وكانت رغبته ..
رهف: فيصل كان يبي يسميه فهد على اسم عمي بوفيصل
راشد : وانتي ويش رايج ؟
رهف: انا ودي يا عمي انفذ وصية المرحووم مثل ما يبي فهد ..
راشد: اجل ولا تزعلين .. يا ام فهد
رهف سكتت .. خايفه لا تدخل في الموضوووع ويسبب لهااا جرووح يالله يالله قووت وتدفنها..
وصلو لندن ...

رهف: عمي انا خايفه
راشد: لا تخافين .. وانا عمج
وراحو شقة موسى . .
رهف: عمي انت اسبقني للشقة انا بشتري عصيرر عند ذيك البياعه وجايه
راشد: بسررررعه
رهف: ان شا الله ..
دخل راشد الشقة .. كانت رهف تبي تتهرب شووي من موسى وبعد اهي عطشااانه من جات لندن واهي ما كلت شي ..
...

موسى : يبااااااااااااااااااا
راشد : هذي سواة تسوييهاااااااا؟؟
موسى نزل راسه ..
راشد دخل الشقة .. وقعد ..
موسى راح له وحب ايده ..
موسى : يابوي لا تزعل علي
راشد: من عمرك يا موسى مزعلني ومراضي امك
موسى: ويش اسزي يابوي هذي امي.. انا حاس بضيقة بصدري لاني رحت من غير رضاكم
راشد : اسمع يا موسى انا جاييك اهني عشانك ولدي وتهمني حياتك .. وعشان جذي جبت معي رهف
موسى سكت ولا علق ..
موسى : رهف اهني ؟ ليه ؟ لا لحظه لايكوووون تبيني اتزوجها ا؟؟؟؟؟؟؟؟
وقفت رهف عند هالكلمه ...
راشد: أي
مزسى: ما اقدرر
راشد بعصبيه: شنوووووووووووووووووووووو؟؟؟
موسى : يبا ما اقدرررر
راشد: وليه ؟
موسى: يباااا انا خايف لو اطلقهاا مره ثااانيه وتنقهر المسكينه بسبب امي .. امي ما تحبهاااا وتكرهاا .. ولا تحب سيرتهاا
راشد قام ..
راشد: بالله عليك هذا سبب؟
موسى: ..............
سمعوو صووت شي طاااح .. ..وصوت ونااات
راشد نغزه قلبه . . وفتح باب الشقه والا يشوووف رهف طايحه ..
راشد : ررررررررهف.. يااا موسى قووووووووم تعال نوديهااا
موسى يركض ..
موسى : يلااا يلاااا

في المستشفى ..

موسى قرب صول ابوه ..

راشد : هذا وش يقووول الدكتور ؟
موسى: يقولون لازم يولدنوها الحين
راشد: بس اهي مو بشهرهااا قلهم لاااا
موسى: يبااااااا لازم الحين يولدونها لان نفسيتها تعبااانه ..
راشد قعد على الكرسي ومسك راسه ..
راشد : رح وقع لهم على الاوراق .. ان لله وان اليه راجعووون
....

بعد ساعات ...

موسى يبتسم : ولد
راشد : وشلووونه عساه اهو وامه بخييير؟
موسى : أي قامو بالسلااامه
راشد: اجل قوووم روح سجل اسم فهد وانا بكلم ام حمد وابشرهااا..
موسى : اهي تبي تسميه فهد ؟
راشد : أي فيصل الله يرحمه فخاطره هالاسم ..
موسى : بس الاحسن تسميه على اسمه
راشد: خلها براحتها يا موسى
موسى سكت ومسى بعكازته وسجل اسم المولود ...تمنى لو هالولد يكوون ولده .. ابتسم بالخفيف وراح غرفة رررهف .. عصب .. لقى رهف مفتشيه ..
موسى : شلوون هذولا يخلووونها جذي ..
وراح دخل الغرفة .. واحتااار
موسى في نفسه : ياربي خوفي البسها ملفعهااا وتقووم وتشوفني .. بس نيتي لله ..
لبسهاا ملفعهاا خراابيط .. وضحك على شكلهاا مزنوطه بهالملفع ..
موسى في نفسه : ههههههههههههههههههه احسن عشااان محد قالها تجي لندن واتعب نفسهااا
طلع من الغرفة ولقى ابوووه يتكلم بالتلفوووون ...
موسى قعد بتعب وده لو يروووووح يحط راسه وينااام .. الساعه 12 بالليل وابووه مو راضي يقوووم ..

قعد يفكر في رهف وضحك .. ضحك على نفسه وعليهااا .. الله يا الدنيااا جمعتيناا .. ما قدر يوصف حبه لرهف ...
حس بغباء كبير في نفسه .. شلون يقدر يتركها ويهجرها ويروح ..
شاف ابوه .. ليش ابوي يتعب نفسه كل هذا علشااني ؟ الله يحفظك لي يا يباا ..
موسى : يبااا يلا خلنا نمشي
راشد قام بصعوبه ..
راشد: بمر على رهف قبل لا اروح

,,,,

صالحه: لاااااااا
احمد: يماا ليه ؟
صالحه : استح على وجهك بطلق اختك وتزوجها محمد اللي فشلنا قدام العررب ومتزوج اردنيه ومفكر ان محد يدري عنه .. انت من صجك؟
احمد نزل راسه ..
احمد: بس اهو ولد عمهاااااا
صالحه عصبت: اسمع يا احمد ان ما عقلت لا والله العصاااااا على ظهرك يلاا قوم واذلف
احمد قام ... واهو معصب وبنفس الوقت متفشل ...
دخل عبدالله وقعد ..
عبدالله: وش فيج ؟ لا يكون من احمد ؟
صالحه تمسك راسها ..
صالحه: موب صاحي اخوووووك رفع ضغطي الله ياخذ عدووينه
عبدالله : وش قال ؟
صالحه : يقوول بقول لجاسم يطلق شمااا ونزوجهااا محمد
عبدالله بعصبيه : هذاااااااا من صجه؟
صالحه مستغربه : وش فيه احمد على محمد ؟
عبدالله : والله علمي علمج يا يماا ..
صالحه : الولد هذا فيه شي ؟
عبدالله: يما لا تشغلين بالج .. يووووه تذكرررت .. رهف جابت ولد
صالحه سكتت واول مره تبتسم ..
صالحه : وش سموه ؟
عبدالله: فهد
صالحه : ما سمته فيصل على اسم المرحوم ؟
عبدالله : يقول ابوي وصية فيصل قبل لا يموت
صالحه : وشلونها الحين وشلون فهد ؟
عبدالله : كلهم تمام .. يماا انتي تدرين ليه سافر ابوي مع رهف لندن
صالحه : أي
عبدالله : ليه ساكته ؟
صالحه: يا يمااا خلهم يستانسووون ويفرحوون .. اهم شي موسى ما يكون زعلان مني ..
عبدالله استغرب من امه .. شلون صارت جذي حنيه واول مره ما سوت مشاكل يمكن الله هداها ..

.....

هديل تبجي . ..
هديل: رررهف سافرت مع عمي راشد عشان تتزوج موسى
ام محمد : بس قصي صووتج ..
هديل: مابي مراح اقصر صوتي .. ابي بنتي ابيهااااااااااا
ام محمد : بنتح ما تبيج .. كذا مره راح محمد يجيبها واهي ما تبي .
هديل: يا ويلي علي بنيتي ... غيروها الله يغيرهم
ام محمد: اسكتي .. شتبين في رغد .. ولد خالتج عادل خطبج مني
هديل: نعم ؟ مابيه
ام محمد : يا هديل اخذيه وخلي بنتج
هديل: مابي .. ابي رغد .. وانا مراح اتزوج غير موسى
ام محمد بعصبيه : تخسين الا انتي .. رغد تخلينها عند جدتهااا .. وانتي بتاخذين عادل غصب عنج تفهمين
هديل: يمااااااا
ام محمد ما ردت عليهااا.. ماتبي رغد تعيش عن هديل بنتها لانها تعرف ان هديل ما فيها حنان الام االلي تتصف فيه كل ام .. كل يوم طايحه طق بهالمسكينه رغد.. عشان جذي تبي تبعدها عنها ..
وماتبي هديل تتعلق في وهم موسى .. تبي تزوجهااا وتخلص من مشاكلهاا اللي كل يوم طايحه في مشكله ... يا مشكله مع زميلتهاا في الدوام او مشاكل مع محمد وزوجته الاردنيه ..

.....

راشد : يا بنيتي اسمحي لي ..
رهف: يا عمي انت مالك ذنب..
راشد : لو نطرناا كم شهر لما تولدين .. ما عنيتج لندن
رهف: .....
راشد : يقول الدكتور تقدرين تطلعين اليوم ..
رهف: معليش يا عمي بس ما اقدرر اطلع اليوم ..
راشد : ما اقدر اغصبج يا رهف .. بس ان شا الله بنسافر هالاسبووع
رهف سكتت حست ان موسى رفضها مره ثانيه ... طلع عمها راشد وحست انها تبي تفرغ اللي بداخلهاا تبي تبجي تبي تصررخ في وجه موسى ...تبي يحس فيهااا طول هالسنين اللي افترقت عنه ..
في نفسها : خلاص موسى مو من نصيبي الله مو كاتب لي .. ليه اعاااند ؟
شافت ولدها فهد وباست على خده .. حييل صغيير .. حتى ملامحه مو باينه ..
ردت الكويت ..واهي مرتااااحه حست اللي كانت فاقدته رجعت معااه واللي اهو ولدهااا فهد .. حست بفرحه مو طبيعيه .. الحين اهي مستعده انها تنسى موسى وحبهاا لموسى ... وتبدي حياتها مع فهد وريوف ... حياتها اللي ما كملتهاااا . . .

.؟...

موسى : يباا انا ناوي باذن الله اني اتزوج صالحه مابيج يا يمااا ترفضين هالشي
صالحه تبجي: لا يا يماا مراح اررفض مابي اخسرك يا بعد حيي
موسى انصدم ..
موسى : ما شا الله وش هالتغير؟
احمد: استح يا موسى هذي امك
موسى : وانا قلت شي؟
عبدالله : متى الملجه ؟
راشد: انا اقول الثلاثاء هذا
موسى :أي والله يا يباا الله يجزاك خيير
احمد : انا اقول باذن الله نزوج موسى مع جاسم بليله وحده وش رايك يا يبا؟
راشد : خوفي جاسم يرفض
احمد: يحمد ربه انه يتزوج
عبدالله: احمد
احمد سكت . .
صالحه : احمد شما زعلانه علييك ..
احمد : وش اسوي يعني ؟
موسى : رح راضها
احمد : ما راضيت حرمتي عشان اقوم اراضيهااا
راشد : لا اله الا الله هالولد هذا بيجنني ..
احمد: خلااص اقوم الحين اراضيهاا..
راح احمد غرفة شما ..
شما: لحظه
وفتحت الباب ..
شما بدون نفس : اهلين
احمد منزل راسه
احمد : اسمعي يا شمااا انا غلطت بحقج وانا اسف وحقج علي
شما تيبب ..
شما: كلولوووووش واخيراااا حسيت على دمك ؟
احمد : شماا
شما: طيب طيب بسكت .. يلااا تبي شي ؟
احمد بفضول: وش عندج ؟
شماا: مالك شغل ..
احمد: انا الغطان اني اسألج .. المهم .. ترى موسى نوى يخطب رهف ويمكن الملجه الثلاء ويكون عرسكم بيوم وااااااااااااااحد ..
شما انصدمت وتجمدت في مكانها ..

....

رهف: مابي
امل : ليه ؟
رهف: خلاص مابيه لعبه اهي ؟
ام حمد : يا رهف لا تفشلين عمك وش فيك وش صاير لك ؟
امل: لا تفكرين بنفسج فكري وشلون بيتربى فهد بدون ابوو..
رهف سكتت ..
ام حمد : حمد يقول خل تتوكل على الله ..
امل: والله يا رهف لا تخافين من ناحيه عمتي صالحه .. تقول شمااا انها متغيره فوق ما تتصورين ..
رهف: خايفه
ام حمد : لا تخافين ولا شي .. مابيك تزعلين مني قلت لموسى انك موافقه
رهف انحرجت : يمااااااا
ام حمد تضحك : ههههههههه وش اسوي فيك ؟
رهف : الحين وش يقول عني ما صدقت على الله
امل: عادي وش فيهاا
رهف: فشله
ام حمد : لا فشله ولاشي.. الملكه باكر . يووو ما حجزنا كوافيره ولا عندك فستان
امل : ما عليج يا يماا انا وياها الحين نروح السوق ونشتري ونحجز كوافيره .. وكله علي انا عشان خاطرالعرووس
رهف انحرجت : بس يا امل
امل: شنوووو ... الساعه 4 الحين قوومي البسي عبايتج خلنا نلحق على السوق
رهف: وفهد ؟
ام حمد : خليه عندي
رهف: خلاص ..
وراحو السوق وشرو فستان وحجزو كوافيره ...

موسى : انا متوترر يا عبدالله
عبدالله : ما عليك .. هذي مو اول مره
موسى : ادري بس خايف اذا كانت تكرهني والا لا ؟
عبدالله : لا تحاتين وبعدين ما الوم البنت لو انها كرهتك
موسى : شنو ؟
عبدالله : الله يهديك يا موسى قط الماضي ورى ظهرك وعيش حياتك
موسى : انا ودي يا عبدالله بس ابيهاا تساعديني
عبدالله: رهف بنت حلال وطيبه .. اذا كرهتك اليوم مراح تكرهك طول العمر

....

بعد الملجه .. راح موسى لبيت رهف .. بيروح يبارك له ...
دخلت رهف وعليها فستان وردي قصير واصل عند الركبه .. ورافعه تسريحتها ومسويتها روماني .. وميكب ناعم ..
وقف موسى متأمل هالملاك اللي قدامه صايره احلا من قبل بألف مرره ..
رهف بصوت كله نعومه .: السلام عليكم
موسى بكل رومنسيه : وعليكم السلااااام ..
قعدت رهف على الكنبه قدام الكنبه اللي قاعد فيها موسى ..
موسى : مبرووك يا رهف
رهف: الله يبارك فيك
موسى : وش تامرين عليه يا بنت عمي ؟
رهف : ابي ريوف وفهد معاي
موسى : اكييد ..وبعد ؟
رهف: نسكن في بيتي
موسى : لا لا اسمحي لي يا رهف .. انا عندي بيت جديد توه جاهزز بعد العرس باخذج على هناك
ارتاحت رهف ..
موسى قام وراح صوبها .. اخترعت رهف وودها لو تطلع .. او تهرب .. حست ان وجهها بينفجرر من الحياا..
حاولت تبعد رهف..
موسى يضحك بخبث..
موسى : وش فيج ؟
رهف بحياا: هاااااه ؟ لا مافي شي بس تاخرت وابي ارووح
موسى : خليج شوي ..
رهف: لا لا ما اقدر ابي اروح
وقامت وتبي تروح عند الباب. .
لحقها موسى وضمها لصدره ويشم ريحه شعرهاااا..
موسى : اشتقت لج يا نظر عيني
رهف سكتت .. الحيا ماكلهاااااااااا
رهف: موووسى تكفى خليني اررووووح
موسى يهمس في اذنها....
رهف بحياأ: موووووسى
وفتحت الباب وتركض.. ضحك موسى عليهااا
موسى : هههههههه هذي دايماا مستحيه ..

بعد سنين ...

في الحديقه ..

ريوف: شتبي ؟
راشد ولد احمد ..
راشد : ريوووف انا ولا عمري شفتج مثل البناااااات
ريوف بنص عين ..
ريوف: مو عاجبتك ؟
راشد يمسك يدها ..
ريوف تبعد عنه ..
ريوف: هيه انت شفيك ؟
راشد : ريووف لا تعاندين ابي اتزوجج
ريوف: مابي
راشد : ليه ؟؟ ؟
ريوف: كييفي ..
ومشت عنه ... راشد وراها ...
راشد يغني : ليتك لعيني قريبه كان ابسهررر ونومي لجفني حراااااام عمري عطاا بس خيبه ودام العمر دام لك له غرااام ااه .. انتظرر متى على الفرحة تجيين
ريوف تلتفت عليه ..
ريوف: يرحم امك بطيت اذوني من صوتك الخايس
راشد : ههههههههههههههههههههههههه وش اسوي فيج
ريوف: رح عني
راشد : وش اسوي احبج ..
ريوف تركض وتروح عند امهااا..
رهف: شفيج ؟
ريوف: ما فيني شي..
يدخل موسى ..
ريوف تنقز على حظنه ..
ريوف: بابااااااا
موسى : ههههههههههههه عجوز كبر جدي وانتي لين الحين على بابا
ريوف تسوي نفسها زعلانه ..
ريوف : انااااا
موسى : اعرفج .. ما تمشي علي هالحركااااااات
ريوف: هههههههههههههه
رهف: خابزينج يا ريوووف يلااا قومي روحي عند منال ورغد وفهد وناديهم على الغداااا
ريوف: مالي خلق
رهف: ريوووف ان مارحتي ترى الملاس على راسج
ريوف: انزين انزين الحين بروووح
موسى : راشد خطب ريوووف
رهف: توها صغيره
موسى : أي توها صغيره ريوف عمرها 19
رهف: ادري بس توها طفوليه وعقلها صغير
موسى: هذا اللي معتبني مدري لمتى طفولتهااا هذي تخلص؟ وجابر خطب رغد
رهف: لااا رغد ماتبيه ..
موسى : شنووو ؟؟
رهف: يا موسى رغد تحسب جابر مثل اخوهااا
رهف: امل قالت لي بتخطبها لعمر
موسى : عمر رجال ولا عليه كلام .. اجل نكلمهم الثنيتين ونقعنهم
رهف: ماعندي مانع
...

ريوف: مابيه
رهف: ليه ؟
ريوف: مادري
رهف: انزين صلي الاستخاره واذا ارتحتي قولي لي وياويلج لو جذبتي علي
ريوف : انزين
رهف: وانتي يا رغد ؟
رغد : يمااا جابر مثل اخوووي .. اما عمر مادررري بصلي الاستخاره
رهف: عفيه على بنتي
رغد استانست لان عمر اللي تحبه يوم كانت طفله خطبهااااا..
اما ريوف تموووت على راشد بس ماتعرف تعبر.. بس قررت انها تصلي الاستخاره ..

اليوم الثاني..

ريوف + رغد: يمااااااا
رهف: هلاااا
رغد تبوس يد امها : يمااا ابشرج ارتحت
رهف تحب راسهاأ: بالمبارك يا يماا وتكلم ريوف: وانتي يا ريوف؟
ريوف: ما ارتحت
رهف: ريووووف
ريوف: شنو يماا قلت لج
رهف: هالبنت هذي راسها يابس
ريوف حست نفسها انها غبيه ...
رن التلفووون وراحت تشيله ..
ريوف طبعا بدون نفس : الووو
ما يرد ..
ريوف: وجع ان شالله يعلك المرض ياللي متصل
راشد : استغفري يا بنت .. اهب
ريوف: هذا انت
راشد: أي انا
ريوف: شتبي؟
راشد : عيب عليج تقولين لزوجج شتبي
ريوف: متى ما صرت زوجي ذيك الساعه يصير خير
راشد : بتشوفين
ريوف: حيل رافع خشمك
راشد : لاني احبج يا بقررره
ريوف ضحكت بداخلها على كلمه بقررره ..
ريوف: بقره انت
راشد : لا لا عيب عليج .. وبعدين وش هالاسلوووب الرهيب هذا ؟
ريوف انحرجت بس ما حبت تبين له . .
ريوف: رشوود وش تبغي تراني عطيتك وجه ؟
راشد عصب بس حاول انه ما يبين لها .
راشد : حبيبي وش فيك شكلج تعبانه اخليج الحين
وسكر التلفون بدون لا يسمع منها رد ,, واهو معصب من اسلوب ريووف . .
ريوف انصدمت ونزلت السماعه من اذنها ببطء ..
ريوف حست انها تعدت الحدود .. راحت غرفتهاا واهي تبجي .. تحبه وتموت فيه بس ليه خربت على نفسهاا ؟؟

...

في عرس رغد وعمر ..

راحت ريوف وساره ( بنت ندى ) للصالون عشان العرس .. ساره كبرت وحلوووت اكثررر واللي يسمع كلامها يقول سعوديه لانها عاشت حياتها كلها فالسعوديه ...
ساره : يللا يا ريووووف بسررعه تاخرنا على العرس
ريوف: سوسو لحظه خليني اشيك على نفسي ..
ساره : فمر ما شا الله عليك تهبلين
ريوف: سوسو انتي كويتيه وكلامج سعودي ؟ ؟ بسرعه تتأثرين
ساره : من عاشر قوما 40 يوما اصبح منهم وانا من عمري اهناك
ريوف: ماالومج يا ساره الووم خالي حمد اللي كل وقته اهناااك
ساره تشوف الساعه ..
ساره : ريووووووووف الساعه 9 ونص وتاخرناا على العررررس
ريوف: عادي اهم شي العروووووس والله اني بشتاق لرغد اموت عليها
ساره : تذكرين لما كنا اصغااار كنا نلعب انا وياك ورغد وعمرر مرره حبيت طفولتي هنا
ريوف: يرحم امج خلينا نمشي والله لتذبحني امي .
ساره : يووو نسيتيني ..
وراحو الصاله ...
رهف تضرب ريوف بالخفيف : وجع لو كنت ادري انج بتتاخرين كان اخذتج معاي
ريوف انحرجت : يماااااااا لا تفشليني قدام الناس
رهف: كيفي ..
ساره : الله يهديك يا عمة ما صار الا كل الخير .. وبعدين هالسوسه هذي اخرتناا بسبب التشييك على روحها كل دقيقه ..
رهف: والله اني اعرفج يا ساره تخلصين بسرررعه بس هالسوسه الملقوووفه خابزتهاااا ما تبي الناس تشوفهااا
ريوف: اوووف وش فيها يعني ما احب االترزز في العرس احس اني سخيفه
رهف: الا سخيفتين .
ريوف: يماا
رهف: ريووف روحي عني لا اذبحج
ريوف: يلا سااره شكلها امي ناويه تذبحني
وراحوو قعدو على الكراسي . .
ساره : ليه معصبة عمتي عليك ؟
ريوف: لانج ما تدرين المفروض اكون انا ورغد عرسنا هاليوم
ساره انصدمت : بالله عليك ؟؟ ؟
ريوف: أي خطبني راشد من كم شهر ورفضته ..
ساره : مين هذا راشد ؟
ريوف: ولد عمي
ساره : ما اعرفه
ريوف: يستحسن انج ما تعرفينه لانه يفقع الجبد
ساره : شكلج تكرهينه ؟
سكتت ريوف ودمعت عينهاا وتمسح عيونها بالخفيف ..
ريوف: الا مجنوونه فيه
ساره تمسك ريووف ..
ساره :انتي من صدقك ؟ الحين خطبك ورفضتيه ؟ ليه ؟
ريوف: مدري يا ساره
ساره سكتت ولا حبت تتعمق في الموضوع لان موضوع حساس لو كملت معاها كان خربت مكياجها .. ..مر العررس والكل حبه ..وكان راقي . .. دخلت رغد بكل انوووثه ونعوووومه حتى رهف طلبت من المضيفات يتسخدمون مرشات رهف مسويتهاا وحاطه فيهم ماي زمزم عشان العين ..
كانت في حرمه تمسح دموعهااا يوم شافت رغد ..
راحت سلمت عليها ورغد منصدمه ...
رغد : يمااا
هديل: مبرووك يمااا
رغد : الله يبارك فيج
جات رهف بكل نعومه وانووثه حتى الكل انصدم ان هذي ام ريوف .. وسلمت على هديل..
رهف : وشلونك يا هديل؟
هديل تمسح دموعها . .
هديل: بخير الله يسلمج ..
رهف: وش فيج تبجين ؟
هديل تضم رهف..
رهف: وينج كل هالسنين ؟
هديل: انا غبيه يا رهف ضيعت حياتي كلهااا .. ما الومج يوم حبيتي موسى لانه ينحب .. وانا مرتاحه الحبن بحياتي الله هداني وتزوجت ولد خالتي عادل وسافرت الامارات وحملت وجبت ولد وسميته مشاري على اسم مشاري ولدي المرحوم .. بس لما قلتي لي عن عرس رغد استناست الله يجزاج خير يا رهف ..
رهف: لا تقولين جذي احنا اولا بنات عم واخوات .. وبعدين رغد مثل بنتي
هديل: هذا من طيب اصلج
.....

ريوف ما تحملت تشوف رغد .. لبست عبايتها وملفعهااا ولبست الغشوه وطلعت برى .. اركضت واركضت ودعمت راشد . .
راشد : سلامااااااات
ريوف تأملت هالملاامح اللي عذبتهااا الفتره الاخيره ..
ريوف: راشد ؟
راشد : اهليين ريوفه ليه طالعه من العرس؟
ريوف: مالك شغل فيني خلني لحالي
وقامت من الارض .. وراشد مسك يدهااا وقربهاا منه ..
راشد: تحملت يا ريووف الجفاا منج وبعدين يعني ؟ ؟
ريوف اخترعت منه .. وحست بالخووف اول مره تشوف راشد بهالجديه ..
ريوف: راشد ان ما هدتيني ترى والله لاقول لابووي
راشد : ما يقدر يمنعني يا ريوووف
ريوف انصدمت من جرأة راشد ومن كلامه..
ريوف: يعني مو خايف ؟
راشد بنظرات خبث: لاااا مو خايف لو تقولين للاهلنااا ولامج مو خايف تدرين ليه ؟
وقرب منهاا وشال الغشوه من وجهها وباسهاا على راسهاا.
ريوف متخدره ..
راشد : لانج زوجتي
رنت هالكلمه في راس ريوف ( زوجتي ؟ ؟)
ريوف: .....
راشد تأمل ملامح ريوف الجامده والمنصدمه ..
ريوف متوتره : انت ؟
راشد : أي يا ريوف انا زوجج .. واسمعي كلامي زين ترى عرسناا بحدده ولاني راد عليج
ريوف مصدومه .. بعدت يدها عن راشد ودخلت العرس. ..
ساره لاحظت ان ريوف فيها شي ما حبت تسالهااا الا بعد ما يخلص العرس..
....

ردت ريوف ورهف وموسى وفهد ومنال البيت طبعا بدون رغد ..

ريوف دخلت غرفة امها وابوها .
ريوف تبجي:ليش سويتوها فيني ؟؟
موسى : شفيج ؟
ريوف: مزوجيني ولا حتى اخذتو رايي ؟ ؟
رهف: من اللي قال لج ؟
ريوف ما حبت تقول لهم الموقف اللي صار لها ..
ريوف: عرفت وخلاص
موسى يحب خشم ريوف ..
موسى : السموحه يا ريوووف بس راشد يصلح لج ولد عمج ويبيج وش تبين اكثر من هذا. ؟
ريوف: ليه ما اخذتو رايي على االاقل؟
موسى : طيب وانتي وش رايج؟
ريوف: طبعا مو موافقه
رهف: خلاص يا ريوف الموضوع انتهى .. روحي لغرفتج ونامي ..
ريوف: يما
رهف: ريووف
ريوف مستسلمه : ان شا الله ..
وراحت ..
موسى : ما حبيت اطلعج جذابه قدامها .. ليه ما قلت لي انها مو موافقه ؟
رهف : حبيبي انا اعرف ريوووف ان قالت لااا يعني موافقه اعرفها بنتي
موسى : يعني اهي تبيه بس تكابر ؟
رهف: أي . .
موسى : الحمدلله والشكر وش هالبنت ؟
رهف: ههههههه طالعه علييك
موسى يكابر: وشوو ؟
رهف: أي اسكت بس اسكت الحين تبي تكابر علي بعد انت وبنتك واحد منافقين
وراحت عنه .. وقعد يضحك على نفسه ..

......

ندى : يا حبيبتي يا سويره اليوم انخطبتي
ساره : ما مداهم تونا طالعين من العرس الناس يصبرون اسبوعين او شهر بالكثير هذولا ما صدقو على الله ..
ندى :سوسو اسمعي مين اللي خاطبك .. اللي خاطبتك حنان بنت عم ابوك لولدها جابر
ساره : بالمختصر وش يطلع ذا ؟
ندى : هذا يطلع ولد عم ريوف بنت عمتك
ساره : اهااا
ندى : احنا بنسأل عنهم مع ان ما يحتاج بس بسأل عنه علشانك
ساره سكتت .. خايفه ان يطلع هذا جابر غير عن فارس احلامها اللي تحلم فيه ...

....

مرت الايام وملكت ساره على جابر .. .وبعدهاا بشهووور ..

عرس ريوف . .

مع ان ريوف اكبر مكابره في العالم واكبر منافقه الا ان السعاده اللي حاسه فيها ما تنوصف ... طلبت ريوف من امها انها ما تدخل القاعه .. تدخل سيده على شقتهاا اللي في بيت عمها احمد ..

راشد كان مستانس ومن وناسته حب يغيض ريوف شوي..
راشد : وش هالمكياج اللي يخرع
ريوف سكتت وبغت تبجي المسكينه ما كملت فرحتها ..
راشد: وييع تخرعين .. صج مقرود اني ماخذج
ريوف اهني ما مسكت نفسها وخرتها بجي ..
راشد حس انه زودها شوي ويقرب صوبها ..
راشد يضمها : بس حبيبي تراني امزح معج
ريوف : اقلب وجهك
راشد : ريوووف لا تنسين اني زوجج
ريوف سكتت .. طلعت الحمام ( كرمكم الله ) واخذت شور بسرعه وحطت ميك اب ناعم .. .ولبست قميص ابيض...
راشد انهبل عليهاا وعلى حلاتهااا ..
راشد : حبيبي زعلانه علي؟
ريوف سكتت ..
ريوف: وش تبغي ؟
راشد : مابيج تزعلين علي
ريوف دخلت السرير وحطت الفراش على وجها وتبي تنام احسن من مقابل راشد ..
راشد : تعالي تعالي على وين
ريوف: ابنام
راشد يوخر الفراش من وجهها ..
راشد : مووو الحين

*
*
*
*
*
*
*
*

*
*
*
*
*
*
النهايه .. .
يا رب تكون القصة عجبتكم نقلتها لكم مي

__________________
لكى مرض دواء الا الحب فدوائه النسيان