|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
09-09-2009, 11:43 AM
| ||
| | ||
 رساله بالقصمنجي...اتحدى احد يفهم شي.......بس القصمان يفهمون وانا قصيميه. السلام عليكم ورحمة الله وبركاته ، وبعد : خطتس اللي كزيتي وصلن وفرحت بُه .. وكثر الله خيرتس على المقطع والغدفة اللي كزيتي لي ، وابشرتس أن اخبارنا تسرتس .. البقرة أضنت ، والبيض فقش ، والدجاجة الرقطا راجن ، وان ادحيم العلي أعرس ، ونوّير مخطوبة ، وعويش فطمناه ، وطريفة رفّعناه من السقاط ، وصويلح شراله دنانة ، وسليّم ختم المصحف ، واعزيز الصالح طاب من الطنان ، وبريه ولد رقية بدا يحبي ، والحمد الله طاب الجحام اللي بعينه ، وانتي صاتزه حطينا عليه تبنه ، وحصيصة طابت اقطوفه اللي براسه ، ومنيرة مشطناه بوردة ، وأم دريحم طلعت من الماجب ، وتممنا لدريحم ، والنعال الزنوبا اللي تخبرين عندنا هاك السنة خطناه ، ومقطع الروز خبناه ، والدوشق غيرنا قطاعته ، والسفرة الكبيرة علقناه بالقبة ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته ، والزبيل مليناه حتات من إنخلتنا ، وشرينا سحارة ولقيناه مكسورة .. وبقولس إني مع هالحمولة غاديتن حوسة ، الطاية تخر ، والمثعب منشق ، والقتالة منقلعة ، وباب الروشن منكسر ، والتسوله مسنيّه ، وبريتز الغرش الصغير منقشع ، والله يهديتس ... يا أم دحيم ... البزار اللي كزيتيه شوي كركمُه ، والمسمنة تقل رماد ما به ليمون ، والفتيت مسري ، والكليجا تقل عظامة . واذا بغيتوا تكزون شي .. كزوا شي يبل الريس ويواجه عند الحمولة . معكم علم ان حمولتنا ناس ينقدون بتلة . وخالتي بس تشره ، وعمتنا حقنة ما يجوز لها الشين ابد ، وحريم عمومتنا صرت اثم لهن ، وجذعانهم فرقا عين جدي شيبان كبري يترددون على هالجصة أقضو تمره تقل دبا ، وأنا ما ودي أطول عليتس الحتسي عسا ما يخلين منتس ، ولا من جناين قلبتس ، لاخلا ولا عدم وسلميلي على من نشد عنا ، وأخص بالسلام لطيفة وهيا وقوليلهن والله ما خلان أقصر عنوتي عنكم وأشوفكم إلا اني عويجزة ولاصقه على ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودنن بتلة ومع هالبراد صايلات علي يالله حسن الخاتمة والعمل الصالح .. وسلمي وأنتي سالمة .. عاد انا قصيميه....
__________________ قالوا علامك رافعه الراس وصايره قويه؟ قلت العفو كلنا ناس بس انا سعوديه........ |
|
#5
11-19-2009, 11:13 AM
| ||
| | ||
| ^44^ ^44^ ^44^ ^44^ ^44^ ^44^ ^44^ وه وه بس يا حليلتس و أنا أختس و يا حليل أم دحيم ذي شكله وحدةٍ سنعه بس الله يهديه اتّشرّه كثير  يا حليلتس بس طلعتي من أخويانا القصمان وه اشتقتلهم يا بعدي هم ما اروح لهم إلاّ بالاجازات و بطلعت الروح بعد  بس الحمد لله لقيت لي وحدةٍ مثلتس تونّسن << فديتن ترى شروطي ماهيب هينه |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تبغى صاحبك يكسر الجواااال .. أرسله رساله من هذه الرسائل ..؟.. | محبة كااى للابد | أرشيف المواضيع الغير مكتمله او المكرره او المنقوله و المخالفه | 49 | 07-26-2010 02:41 PM |
| خلي المسنجر يقول لك بصوتك ( جتك رساله ياعسل ) | ماتريكس | أرشيف المواضيع الغير مكتمله او المكرره او المنقوله و المخالفه | 19 | 04-06-2010 11:13 AM |
| رساله الى حبيبى | اميره الاحزان | أرشيف المواضيع الغير مكتمله او المكرره او المنقوله و المخالفه | 12 | 05-12-2009 12:34 PM |
العرض العادي
