|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
11-18-2006, 10:55 PM
| ||
| | ||
| جولة مع شاعر ... الجزء الثاني كما وعدتكم بأن اكمل ما بدأته في جولتي مع شاعرنا بدر بن عبد المحسن ولكن اجد صعوبة وصعوبة كبيرة جدا ما راح اقول لكم من وين ابدأ ولكن ما ادري وش اختار فيه قصائد كثيرة جدا رائعة بس ابي احاول ان أجمع لكم ما استطيعه اول قصيدة وانا احبها جدا هي قصيدته الرسايل وهذا جزء يسير منها وليله كانت الفرقا و قالت لي .. فـ أمــان الله و ليله ذكرها يبقى على جرحي .. و لا انساه و جت تاخذ رسايلها .. و خصله من جدايلها و تديني جوباتي بقايا عمر بسماتي و قالت لي .. فـ أمــان الله احس في هذه الأغنية انهزامية لا توصف من فراق ولوعة وحزن وأسى وتتنقل الى قصيدته الثانية وشوفوا معي هالقصيدة لا تجرحيني .. جرحك العام ما طاب داوي بحنانك ما مضى .. واجرحيني ياللي حنانك نظرة بين الأهداب ردي علي بعض العزا .. ناظريني . . . في غيبتك كل الملا عندي اغراب ما أحدٍ أبي قربه .. ولا أحدٍ يبيني لا ياغلا كل القرابه والأصحاب ضاع العدل في الناس لو تظلميني ففي اول القصيدة لم يطلب من حبيبته ان لا تجرحه بل ان تتأخر في الجرح واليكم هذي القصيدة البارحة مريت في أحلى الفصول صيف وشتاء.. وناظرتها.. وقلبي يقول هذي العيون إلى متى حبيبتي ياكثرها عيونك على هاالليل وين ما التفت اشوفها .. حبيبتي يازينها عيونك على هاالليل سحرني برق سيوفها.. ما أقول أعشقها بعقل.. مجنونها.. قمري .. يا شمس الذهب سفري وراء عيونك تعب قلبي تعب... وصبري تعب ومن الهدب لين الهدب... بحر ومراكب من لهب أمواج تبحر برضاه .. وأمواج تلعب بي غضب وعندما اقول لكم انه يتحدي في شعره ويقهر القوافي فأنا اعني ما قلته واليكم بعض اصعب القوافي الي قرأته في دربـكم يا راحلينٍ ٍ منـاكيف تـالي ليـالي القيظ وأول خـريفه ردّوا سـلام أهل القلوب المـواليف على الوليف اللي نشــد عـن وليفه ردّوه لعـذوق النخيــل المهـانيف وعلى القصـور اللي بـوادي حنيفه دارٍٍ لهـا بالقلب عشــق وتـكاليف يـاعـل عيـنٍٍ مـاهـوتها كـفيفه ويا حظ من لا عرف منهو ولا شيف إن طـاب ..يحمد وإن تـردّى .. بكيفه وحنا ورثنا العـز عظم وغضاريف لا مـا ورثـنا العـز تـاج وقطيفة وهذه اخرى من زعلك في عيونك السود نظره لا شفتها حسيت بالحزن والياس من زعلك طاحت من الليل قمره خلت طريقي من المواعيد والناس لو هو انا .. بالله شوفيني مره وأنا أعتذر للتبر .. للدرللماس وأليكم هذه المحبة أرض والفرقا أراضي والزمن كله ترى لاغبت ماضي والله إني ما أشوف إلا عيونك إن رحلت اليوم أو طوّل مراضي قالوا العـذّال والعـذّال مرضى وش بلا حالك من الاشواق قاضي قلت يهجرني حبيبي لين يرضى علّموا الظالم ترى المظلوم راضي جرّحوني في هواك وقلت أبشكي ماهو من جرحي ولكن لـ إعتراضي وش علي لو قطّعوا لاجلك عروقي من رضى بالحب .. يرضيه التغاضي واخترت لكم هذا المقطع زمان الصمت .. يا عُمر الحُزن والشكوى يا خطوة ما غدت تقوى على الخطوة ... على هم السنين حبيبي .. كتبت اسمك على صوتي كتبته .. في جدار الوقت على لون السما الهادي وتمعنوا معي في هذه القصيدة ما بقالي قـلب يشفع لك خطيّه ذوبـته اجروح صدّك والخطايا صاحبي بالله ... لا تعـتب عليّه العَـتـب ما عاد تاسَعه الحنايا كلّ جرحٍٍ فات لي منك هديّه وش بلاك اتخاف من ردّ الهدايا الله أكبر ... كيف مالك مقـدريّه وكل ما تحمله من هـمّي بقايا لا تمنّيني ... سَرَاب المهـمهـيّه الـقـرَاح اليوم ... ما يروي ظمايا وان غَدى للحب في قلبك شظيه وش يقـول اللي غدى قلبه شظايا لم استطع ان اختصر هذه القصيدة مدري الزمان اللي زبد ثم عربد ولعبت بك امواجه معاليق وحجاج أوهو الحبيب الي نزح عنك وابعد ولك حاجةٍ به وانت ما قلت محتاج أوهو الجسد لا بد يعرق ويبرد دور لروحك لحظة الضعف مخراج يا ضاربٍ في الصخر بذراعٍ اجرد بين بياض العظم ما فاض هداج ويا ضايعٍ في غابة الحبر الأسود ضاع العمر ما جبت حرفين من عاج اشعلت جمرٍ وأحرقك لين رمد واليوم تـبني حوله ضلوعك سياج أرخ الستاير ما بقى كود مشهد كهلٍ كفيف يشعل لغيره سراج وهذه اخر القصائد الي اخترتها لكم أول اليوم عانقت الشفق وآخر اليوم عانقني شفق وأنا بين التلاقي والفراق أدفن العمر وأحفر لي نفق يا حبيبي وأنا مثلك غريب عن حمى النوم غربني أرق اقطع الليل لديار النهار واغسل الدمع من شط العرق ولا جمعني بك الموعد لمحت ألف نجمٍ توهج .. واحترق أجمل العمر طفلٍ من غلاه قمت أضمه لصدري واختنق وباقي العمر لو عمره يطول ما يجي سطر في ذهن الورق من بقول اللقا غير الوداع بينهم فرق واجد ما صدق أول اليوم عانقت الشفق وآخر اليوم عانقني شفق ولعلي لا أطيل عليكم اكثر من كذا ولكن انا والله حاولت اختصر بعض الشيء ولكن هذا ما استطعته ,
__________________ * هذا خطي فذكروني ... فلربما يأتي يوم لا تجدوني * |
|
#2
11-19-2006, 01:21 AM
| ||
| | ||
| رد: جولة مع شاعر ... الجزء الثاني زمان الصمت .. يا عُمر الحُزن والشكوى يا خطوة ما غدت تقوى على الخطوة ... على هم السنين حبيبي .. كتبت اسمك على صوتي كتبته .. في جدار الوقت على لون السما الهادي شكرا أخي ماجد منقولك رائع
__________________  الى وطني........... كل الحب |
|
#5
11-21-2006, 12:12 AM
| ||
| | ||
| رد: جولة مع شاعر ... الجزء الثاني أشكرك عزيزي على الفائدة الكبيرة التي أعطيتنا إياها يكفنا فقط أنك عرفتنا أكثر و أكثر عن رمز من رموز الشعر العربي الحديث و كأننا نجلس أمام برنامج تلفزيوني وبحلاقاته الاولى و الثانية و أهم شي لا تحرمنا من مواصلة هذه الحلقات وهذا البرنامج متناولا ً أخي رموز الشعر من الوطن العربي ككل أو أي مدبع في أي مجال كان شعر و غيره شكرا ً لك شكرا ً .gif "thanks") |
| مواقع النشر (المفضلة) |
| |
العرض العادي
