واخيرا رحل ابليس!!بس ليش؟؟؟ - عيون العرب

بنوتة اردنية · #1 09-25-2009, 01:03 PM

إبليس يصف الوضع والحالة اليوم:

كان في غرفته, يلملم ملابسه في حقيبة إلى جانب باقي متعلّقاته, على
المنضدةالقريبة كانت استقالته موقّعةومختومة حسب الأصول, وبجوارهاتقبع ون-
واي تيكت إلى جزرالقمر. كانت ملامح وجهه في تلك اللحظات تنطق بالحزن, الكآبة,
الإحباط, اليأس, وقلّة الحيلة... مع دهشة مزمنة ارتسمت عليه منذ فترةليست
بالقريبة, واعترافٍ بالعجزوالفشل.إبليس راحلٌ عن بلادنا إلى غير رجعة.... فليفرح
المؤمنون...

-سألته: وين يامسهّل؟ ليش عم بتضبّ اغراضك؟

-يازلمة ما عاد لي قعدة عندكو, إلي سنين عاطل عن العمل وقرّبت أموت من الجوع...

- بلاقيش معك سيجارةياخوك؟ مش قاطع فيكو لا وسواس ولاخنّاس!

- كنت زمان بوسوس للوحدةتسيب ابنها يبكي وهي بتحكي مع جاراتها, هلا صاروا

لحالهم يرموا اولادهم في الزبالة أوّل مايجوا!

-كنت أوسوس للواحد ينسى يسمّي الله قبل مايوكل, هسّة بطّل حدا لاقي إشي
يوكله!

-يازلمةإذا أنا إبليس تسمّمت بالشاورما!

-كنت برضو بوسوس للشب يرميلو كلمة عالبنت وهي ماشية بالشارع, صاروا البنات

يطقّسوا ع الشباب بكلام أنا نفسي بستحي أحكيه!

-واحد بسرق 6مليون دينار عينك عينك بحبسوه 3سنين في فيلاّ ع شطّ العقبة,

-وتنين بنبشوا في مكبّ الزبالة بتطخّهم الشرطة,

إنتو بدّكو إبليس إنتو؟!

صار عندكم فائض في الفساد بكفّي 30سنة لقدّام,

صرت أخاف على حالي منكم!

يازلمة مرّات باضطرّ أوسوس بالشقلوب وأقول للمسؤول إرحم وللحرامي بكفّي

خلّي شويّ للحراميّة اللي رح يجوا بعدك!

يعني إذا إنتو لحالكو سمالله بتعملوا كل هالبلاوي,

أنا إبليس شوأعمل؟ أشتغل شوفير تكسي يعني ولاّ أفتح صالون حلاقة؟

ماظلّ غيرأقدّم للأوقاف يعيّنوني واعظ أو إمام جامع!

ثمّ فتح الباب وانطلق خارجاً إلى غير رجعة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
واخيرا جميع حلقات القناص المترجمة من جينج ياسر 2008	ging yasser	أرشيف المواضيع الغير مكتمله او المكرره او المنقوله و المخالفه	19	04-30-2012 09:33 PM