مذكراتي المؤلمة في المدرسة التعيسة (بييضحك) - عيون العرب

**Kairis kingdom** · #1 09-28-2009, 11:32 PM

صح انو المدرسة هي بيتك الثاني (بالخيال) وهي اللي تعلمنا
انا من جهة نظري يا بيت يا عم هذا بيت العذاب الابدي
بداية مذكراتي اليومية
اصحا الصبح نشيطة وممتازة , هذا كذب طبعا بصحا اصبح كاني مومياء تعبانة وعيوني مورمات فارجع انام لشدة تعبي . ترجع امي تصحيني بشق الانفس . عادي بصحا بعدين بروح اغسل وجهي . اروح بغير الملابس تاعت البيت . وبلبس زي المدرسة البشع

وحلمي انو يكون على الموضة بس وين انا بحلم . ماشي بروح بلف الحجاب تاعي . وبعدين سمعت صوت تمزق لقيت شالي انمزع قلت: هذا اليوم يدل على النحس . رجعت غيرت الحجاب . بعدين لبس الجرابات , اروح برتب الفرشة (السرير ) بس مرات اطنش واقول: هو اول وتاني انا راجعة من المدرسة ورح انام ليش ارتبو . ماشي بروح بحضر الجدول . وبعدين بوقف ادام باب بيتي والبس الحذاء قبل ما بطلع بره طبعا . ماشي كملت كل شي ورحت باستنى الباص يعني حوالي نص ساعة عما يجي . بصعد بل باص . اسفة مدينة الملاهي العالمية , تعرفوا ليش ؟ لان باصنا مخردع وكل ما يجي مطب مبيدعس (بريك) يعني ببطئ السرعة , ولما ما يعمل بريك بنطير بالفضاء الخارجي . ومرة ما عمل وكان المطب عالي ,انا طرت بس ايش ارتطم راسي بالسقف , وكنت بدي ابكي

بس عيب انا كبيرة

ماشي وصلنا للمدرسة وطبعا نوصل والطلاب بدهم يصعدوا للصفوف . ماشي رحنا صعدنا للصف و بس وين احنا بالطابق الثالث علشان احنا كبار . فيعني اخر سما . وبدنا نصعد الدرج صار بدنا نعمل رياضة وريجيم , ياريجيم يا دوب انا مش مبين مني الا الاعظام يعني اذا عملت ريجيم بصير المرأة الخفية وبختفي

. ماشي صعدنا على الصف وحاطين النا اول نص ساعة قراءة قرءان مشان نتصحصح . ماشي اول حصة عربي صرت الطم

:00::00:. وانا اقول والله لو ماخذه حصة تاريخ اول حصة لكان احسن . ماشي تفوت على الصف وبتحكي الدرس ونعيده كم مره وحوالي انضل اسبوع كامل على وحدة . ماشي خلصنا الحصة الاولى انا فرحت ياي خلصت حصة العرب بعديها رياضيات . بعدين اجت معلمة على صفنا قاللت صار في تغير في الجدوول تقدمت حصة العربي وصارت الحصة التانية . انا صرت بدي ابكي

. بعدين اجت على السؤال وهو الواجب اللي اعطتنى ياه , واجت علي وفرجيتها الموضوع اللي كتبته وهو السؤال , اجت قالت لكل الصف امحو اللي كتبتو لانو رح اعطيكم غير شي , وما التشوف والا البخار طالع من اذني وصرت اسب بقلبي وبقول يا عمي انا امبارح ظليت ساهرة عليه وعيني صارت زي الرمانة وطوله زي الحمار . وتقول امسحو. والله بيجوز احسن شي بمحيكي من الوجود . وبعدين خلصت حصة العربي , وانا صرت ازغرت . اجت حصة الرياضيات حصة المعادلات وبعدين صارت تشرح المعلمة بالمعلومات الباخية وبعدين صارت تحكي عن الاقطار وبتقول : نصف القطر = باي (معادلة اجت بالصف الثامن والصفوف اللي بعدها او اقبلها مش متذكر )
انا قلت بقلبي انشاءالله اطلعك من الحصة وبقولك باي باي . ماشي خلصت الحصة رن جرس الفرصة نزلت بدي اكل كم شي وانو في زحمة على الدرج . وبعدين لما خلصت نزول من درج االعذاب خلصت االفرصة انا قلت اكيد بتكذبوا وانا مش حاطة شي بتمي . المهم الحصة الرابعة كان علينا رياضة فرحت كتير حصة الرياضة عندنا ننزل لتحت ونسولف . ماشي المهم الحمدالله اكلت شي .صارت علينا الحصة الخامسة علينا E وحصتين ورا بعض وانا احسن مادة عندي هي الانجليزي . ماشي صعدنا على الصف وكان الجو حار فرحت بدي افتح الشباك
ولانو في بنت انكسر مفتاح الشباك بايدها . صارت تبكي وبتقول عنجد اسفة ماكان قصدي . وانا بقول الها عادي عادي ماصار شي ^45^^45^^45^^45^^45^. وانا بقلبي

. ماشي ماعلينا رحت بدي افتح المروحة , الكهرباء مقطوعة ويييييييييي انا رح اموت

طبعا لانو المدرسة مخردعة. ماشي ما علينا عندنا الباب . اجت المعلمة وقالت انا بردانة قامت اغلقت الباب وانا^44^^44^^44^^44^^44^^44^^44^ يعني خلاص انصهرت انا . ماشي ضليت بمرحلة الذوبان والانصهار لحد ما بدها تخلص الحصتين تاعت الانجليزي طلعنا برا وسمحنا للمعلمة نطلع على الحمام (حجة كاذبة ) وطلعنا من الصف وتجي نسمة هواء جميلة رجعت جمدتني واعادتني الى الحياة .ماشي ضلت حصة التاريخ . فاتت المعلمة على الصف وبدت تشرح بالدرس . وانا بتخيل نفسي (جنكيز خان) بقضي على المعلمات وحدة وحدة

. خلصت الحصة الاخيرة نزلنا للجولات وهي انتظار الباصات لحتى تجي . طبعا احنا باصنا اخر باص ونستنى ساعة ونص عما يجي . وانا ايش بروح انا وصاحبيتي نحكي مع بعض . ماشي اجا لباص ما تشوف الاولاد .انو زي الكلاب الهمجية التي تركض على الباص . طبعا احنا ما عندنا احترام واحلى شي بيقولو الاولاد اتفضلوا البنات اول شي . بس وين ههه بالاحلام حتى مايصير . بعد عراك الاولاد على مين يعد بجنب السايق واحنا البنات ما عندنا لا قدر ولا قيمة ملطوشين لاخر الباص . طبعا ابو الباص بيوديني اول وحدة :88::88::88::88::88:

.
انزل من الباص وبروح للبيت بروح بقعد على المنتدى طبعا باخذ كم بهذله علشان بروح بغير الملابس تاعت المدرسه . بروح اتغدى . بنام لحد اذان المغرب , بقعد على اذان المغرب بصلي واروح باكل كم شي . بقعد على دراستي اللي اقد البغل . وبعدين بتصير الساعة 10 اروح اتفرج باب الحارة وبلحظة اجا اخوي الصغير
اسقط كاسة الماء . وانا صرت بقول وللي على قامتي

انعديت من المسلسل . وبعدين خلصت المسلسلة اللي بيسهر يسهر واللي ينام ينام. انا عن نفسي بسهر لحد ما تصيرالساعة 1 وانام . بعدين بصحى الصبح وتبدأ التعاسة الجديدة الروتينية من أول وجديد.

شكرا على قراءة مذكرتي المؤلمة .

S.A.A · #2 09-29-2009, 12:09 AM

حبيبتي وش اقول نفس التعاسه الي يعاني منها الكل
بس شنسوي هذا هو القدر وهو مؤلم لكن حيتغير لما اتصيرين بالاعداديه
لانو كان عندي نفس الروتين الممل لكن سبحان الله الشعور مالتي نحوه اتغير لمن صرت بالاعداديه والسبب :77: لاادري

تسلم هالانامل على الكتابات الرائعه
تقبلي مروري

**Kairis kingdom** · #3 09-29-2009, 11:01 PM

شكرا يا حبيبتي على الرد , وانا يعني بالمرحلة المتوسطة ما ظل عندي كم شي واطلع من المدرسة علشان اروح على غيرها .
وكمان تشكري على الرد يا عسل .

مطفوووقه · #4 10-10-2009, 08:07 PM

أنااااااااااا أتعس وأتعس حيياتي دمااااااار
الله يعينك ويعينا

**CRAZY~LOVE** · #5 10-10-2009, 10:43 PM

هههههههههه

مذكراتك ما تجي شئ بالنسبة لمذكراتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة المدرسة المسكونة(حقيقية)	محبوبة الحبوبة	قصص قصيرة	17	09-16-2012 04:41 PM
قصة المدرسة المسكونة؟؟؟؟؟؟؟؟؟؟؟؟؟؟؟؟؟؟؟	عندما تبتسم الدموع a+s	أرشيف المواضيع الغير مكتمله او المكرره او المنقوله و المخالفه	49	11-29-2010 06:13 AM
نظام المدرسة الإلكترونية المتكامل	lgihost	إعلانات تجارية و إشهار مواقع	2	05-30-2009 04:49 PM
قصة المدرسة المسكونة <حقيقية>	ممدوح مشاري	أرشيف المواضيع الغير مكتمله او المكرره او المنقوله و المخالفه	2	05-27-2009 01:37 AM
المدرسة المسكونة	فراشة الزمن	أرشيف المواضيع الغير مكتمله او المكرره او المنقوله و المخالفه	11	05-09-2009 12:46 PM