|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#6
10-10-2009, 02:29 PM
| ||
| | ||
| رد: رواية سحرتني عيونها/بقلم الكاتبه:][قمر مشتاقه][ بعد صلاة العصر ام سليمان: ريوم رنود يالله خالكم ابو عبدالعزيز و اخالتكم ام ياسر يحترونا في الاستراحه ريما: اوك ماما قمنا ريناد قومي يالله طلعي لك لبس ترا مو جالسين ساعه عشان حضرت جنابك ريناد:طيب طيب قامت ريما خذت دش سرييع و طلعت و بعدين دشت اختها بعدها لبسوا ريما و ريناد و ركبوا السياره و اتجاهم كان على الاستراحه ريما كانت لابسه بنطلون جنز اسود و بلوزهـ سوداء مرسوم عليها جمجمه و كوتش ابيض وكانت لابسه طوق نصه ابيض و النص الثاني اسود ريناد كانت لابسه تنورهـ قصيره فوق الركبه بشوي تركوازيه و تحتها سترتش ابيض مقلم بتكوازي وصندل ابيص و مسويه بف بشعرها ومن تحت مجعدته افنان كانت لابسه بنطلون احمر و بلورهـ بيضاء مكتوب عليها بالاحمر و كوتش احمر مخطط بخطوط عريضه بالابيض و مجعده شعرها مرح كانت لابسه بنطلون جنز و بلوزهـ صفراء مرسوم عليها فيسات مبتسمه و كوتش نصه ابيض و النص الثاني اصفر وفاكه شعرها و ماسكه بعضه من ورا و منزله الغره بسمة كانت لابسه فستان ابيض مرسوم عليه ورود حمراء و سوداء و فاكه شعرها لان شعرها متجعد خلقه سارة كانت لابسه برموده جنز و بلوزهـ زهريه مرسوم عليها بنات نرجع لقصتنا و ابطالنا الحلوين والي من زمـآن ما عرفنا اخبارهم الـBoys(الاولاد) سليمان , محمد , عبدالعزيز , ابراهيم , مشعل , ياسر كانوا في المسبح محمد: يا ابراهيم يرحم امك وش خايف منه ترآآهـ مسبح ابراهيم يطنز: انا بشرتي ما تتحمل مويه بارده تجف سليمان جاء من ورا ابراهيم و دزهـ و طاح في المسبح ياسر: الولد ما بعد طلع لا يكون مات عبدالعزيز: اخوي يالظالمين ما تنهى بشبابه مشعل انتبه لشي بس سكت و قام يضحك و الكل استغرب وشوي إلا احد يدز سليمان و يطيح في المسبح ابراهيم: مره ثانيه ما تدزني فهمت اعرف انزل انا ما اعرف اسبح في المويه البارده بس اعرف اطلع بدون ما يحس احد فيني سليمان وهو يمسح المويه من وجهه: عشانك جني ابراهيم: ما الجني إلا انت ولا يا ياسر ياسر بستعباط: هذي فيوجن يا ابو الشباب << هع يقلد دعاية فيوجن هع هع الكل: هههههههههههههههههههه في لحظة ضحك سمعو صوت نااعم ينادي ....:سليمان .. سليمان سليمان: هلا والله بريوومه وش تبين ريما: نبي المسبح لو سمحتوا يعني نبيه سليمان:أ... تقاطعه صوت عالي مره ...: وانتي تشاورينه ولا تستأذنين منه اطلعوا يالله نبيه طولتوا فيه وآآج ــد محمد: يرحم امك يا ريناد قصري صوتك ترا صوتك خلقه مزعج و ع ــالي و المسبح صدى يعني حاولي تصيرين هاديه شوي ريناد: انتوا اطلعوا ويصير خير ريما وهي تبعد اختها عن الباب: سلووم ما عليك منها متى ما خلصتوا قولوا لنا << ترآآهم يتغطون يعني تراهم لابسين جلال ياسر: سليمان إحنا خلصنا خلاص خلهم يجون وحنا بنطلع العيال: اييه خلاص خلصنا طلعوا العيال و جو البنات افنان: ياااي المويه بارده شلون سبحوا فيها ما شاء الله بسمة: خيوو برهوم اكيد ما سبح فيها ريما: يـآآآي ليه ان شاء الله بسمة: يعني اخوي ما يحب يسبح في مويه بارده ابداً ريناد: ريوم بسوم فيفو(أفنان) مرمر(مرح) و الباقين يالله فلم she's the man بسرعه قبل لا يخلص بسرعه مروى: وآآي اعرفه قد حضرت التصوير حقه في امريكا مره حلو بس احس انه مبالغ فيه شوي صح اريام: موحلو مرهـ يعني بس ترا الـ Tv غير عن التصوير يعني احس كله الاجواء مركبه يعني اسلاك و كميرات و إضائات و صجه و مكياج و نصوص طا يحه في كل مكان و كراسي مليانه مرره مرره حوسه عشان كذا يمكن مشاهدة الفلم يطلع حلو ريناد: بلا هذره زايده وقوموا يالله البنات: طيب البنات رآحوا و سمع احد العيال ان البنات راحوا فقال للعيال ليه ما نروح نسبح قالوا خلاص ما نقدر المهم ياسر: سليمان نبي نتمشى ملينا من جلسة الاستراحه و هالشياب مسنترين عند التلفزيون وش نسوي العيال: يالله خلونا نروح سليمان: يوهـ نسيت مفاتيحي في ثوبي الي في المسبح يا ابراهيم يعني لو تكرمت تقوم تهز طولك و تجيب لي المفاتيح ابراهيم: طيب راح ابراهيم دخ ــل سمع صوت جوآل يرن يرن وشاف جوال احمر و فضي مره ناعم و الي قاعد يرن اخته مرح ويوم شاف الصوره كانت يومنهم صغار في ماليزيا عند البحر و عرف انه جوال ريما توهـ بيطلع إلا انصدم بريما قدامه وكان باب المسبح مفتوح ريما من الخرع هجت بتطلع و الكوتش حقها ما ربطته فتعكرفت و طاحت بالمسبح وهي المن الحياء ألتفت و ألزقت بالجدار ابراهيم: ريما انتي بخير ريما بصوت منخفض و ناعم يذوب الصخر: ايه ابراهيم لف وعطا المسبح ظهره: ليه جايه لحالك و من دون جلال ريما بسرعه: انا كنت ابي جوالي ناسيته هنا و حسبت انكم موب فيه ابراهيم: حتى ولو امشي بجلاك ترآ مو بس الي هنا معنا ربعنا يعني تخيلي احد من العيال اليم تعرفينهم هنا ريما و بخوف و خانقتها العبره: والله ما كنت ادري ابراهيم: ما صار إلا كل خير هذا جوالك تو كان يرن بحطه عند ثوب سليمان .. وطلع وريما جلست بالمسبح تصيح خذت جوالها ورجعت للبنات ريناد خافت يوم شافت اختها باين عليها تصيح و ملابسها كلها مويه: ريوم حبيبتي وش فيك ريما و تبي تسكتهم بأي طريقه: كنت بروح اخذ جوالي و انا امشي شفت صارور قمزت و كان باب المسبح مفتوح فزلقت و طحت في المسبح المهم كملوا سهرتهم و طول الوقت و ريما ساكته يوم رجعوا للبيت رقت ريما و ريناد لحقتها دخلت ريما الحمام و كانت تبي تغير ملابسها غيرت ريناد ملابسها و تحتري اختها تطلع يوم طولت كثير خافت ريناد و قامت افتحت الباب لقت اختها طايحه في الحمام راحت نادت اخوها و راحوا بها للمستشفى محمد: رينود حبيبتي هدي ما فيها شي بإذن الله ريناد وهي تصيح: شلون اهدي هذي اختي يا محمد اختي محمد: يعني مو اختي زي ما اهي اختك سليمان : هااه طمني محمد: للحين ما طلع الدكتور سليمان: بسمة خذي ريناد و روحوا استراحة الحريم بسمة: ان شاء الله .. رنود تعالي حبيبتي الدكتور طلع سليمان: طمنا دكتور الدكتور: انتوا اخونها سليمان: ايه دكتور الدكتور: ابداً عندها حرارة مرتفعه شكلها تعرضت لنفحة هوى كبيرة وهيا مبلله سليمان:طيب مافيها شي يعني الدكتور: لالا ابداً بس راح تجلس هون كم يوم تحت المراقبه لان الحرارة كتير قوية لما بتنخفض و تنزل عن الـ 140 راح نطلعها سليمان: طيب تحتاج مرافق ولا لا الدكتور: براحتكم ريناد: انا انا بجلس معها محمد: خلااص وبكرا تجلس معك بسمة سليمان: لا بتجلس معها اليوم محمد: وعيالك يا اخي تنام عندهم اليوم و تدوديهم عند امي و تجيب حرمتك سليمان: يالله انا بروح انتبهوا لنفسكم محمد: رنود بحجز غرفه خاصه و بروح تبين شي ريناد: ابي سلامتك محمد حجز غرفه و جلسوا فيها ريما و نامت معها ريناد وعت ريماا الساعه 3:15 لقت اختها نايمه فلحفتها بالشرشف الزاي دالي عندها و قامت وتحس ان الدنيا تدور و جسمها مسكر يعني حلات الالم و الصداع فيها توضت وجلست تقارء قرآن يوم اذن الفجر قامت صلت و قومت اختها بعد ما خلصوا من الصلاة ريناد: ريوم وشفيك ريما: ما فيني شيء ريناد: لا تقعدين و تلفين و تدورين انا اختك و ابخص فيك اعرفك اذا جيتي تكذبين و لا تقولين الصدق ريما قامت تصيح و ارتمت في حضن اختها ريناد: خوفتيني عليك قولي ريما قالت لأختها كل القصه ريناد: بس غريبه ابراهيم ريما: ايه ريناد: طيب انتي ارتاحي اللحين ولا تفكرين بالسالفه شي طبيعي ريما: بس خفت ريناد: ارتاحي ونامي ريما: طيب عمهم ابو عبدالعزيز اجل مسابقة المواهب للعاءله عشان ريما جلست ريما اسبوع في المستشفى بعدين طلعت نهاية البارت الرابع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ |
|
#7
10-10-2009, 02:33 PM
| ||
| | ||
| رد: رواية سحرتني عيونها/بقلم الكاتبه:][قمر مشتاقه][ البارت الخامس قررت المسابقه المواهب بعد خروج ريما من المستشفى ريما: عموو لييه اجلت المسابقه..؟ ابو عبدالعزيز: والله يروح عمك انتي من المشتركين يعني لازم اوقف عشانك افنان: دادي انا زعلانه منك لييه تدلعها انت لي انا ما ابي احد يشاركني فيك الكل:هههههههههههههههههههههه ابو عبدالعزيز: بس شريكة حياتي مقدر لازم تشاركك ام عبدالعزيز غاصت في ملابسها الكل:هههههههههههههههههههههههههههههههههههههههه يوم الخميس ريناد: مررح مررح مررح مرح مرح مرح مرح مرح مرح كانت مشغله على الاستريوا و معليه الصووت مرره ريناد طفت الاستريو وزاعقت: مررررررررررررح مرح: وجع سمعتك خير وش تبين ريناد: يالله معااي يا قمر مرح: وين مسابقة المواهب ما ابي استحي بأسحب اسمي مداام عبدالعزيز بيحظر ريناد: يااااي اقو لامسي و انتي ساكته نبيك بسالفه و انسي شي اسمه سحب اسم من المساابقه ريما: اخيراً تعبت من الوقفه بروح اجهز نفسي .. وغمزت لريناد و ريناد فهمت و مرح هي الي ضايعه بينهم .. مرح ريناد بسوم و افنان يبونكم في غرفة الحريم الي ننام فيها << طبعاً هم اللحين في الاستراحه و اليوم وقت مسابقة المواهب مرح: لييه؟ ريناد: بيصورون معنا يعني اكيد يبونا في سالفه ريما: يالله انا برووح اجهز نفسي و اعمل بروفه مرح و ريناد راحوا للغرفه عند افنان و بسمة طبعاً الباب كان مردود يعني مفتوح شوي مرح: ريناد يالله ادخلي ليه و اقفه ريناد وهي ماسكة ضحكتها: لا انتي اول ما يصير مرح استغربت شوي إلا فيه شي دز مرح وخلاها تدخل افنان: يووهـ اسفه ما دريت كنت مسرعه مرح و هي مصدومه و وجهها محمر و كأن فيه احد ربط لسانها بسمة: ههههههههههه وش فيك سكتي عادي عادي انا هنا مو مسوي شي تعالي وراك واقفه مرح:................ افنان مسكت فرح و جلستها جمب بسمة عبدالعزيز:هههههههه حرام عليكم البنت صار وجهها طماط مرح و هي خلاص بتغوص في ملابسها: من قال الكل:ههههههههههههههه مشعل من عند الباب الثاني الي يطلع على الرجال:هيه ترا اختي دايم تقول متى بس اشوف عبدالعزيز مرح الي ناظرة اخوها بنظرات تتوعد له و خلاااص معد تقدر غاصت في هدومها قامت و طلعت و صرخت في وجه ريناد و الي جوا يسمعون : بايخااااات سخيفاات .. وركضت و راحت لعند المسبح نرجع عند ريما..: ريما: ماما انتي اسمعي و بعدين احكمي ام سليمان: يالله انهجي من الصبح تقولين كذا ولا سمعنا شيء ريما: يالله اسمعي احم احم وقالت ريما لآمها الشعر في وقت الماسابقه المعلقه بسمة: واللحين جاء وقت موهبة كتابة الشعر و اللحين راح تتقدم ريما ريما كانت لابسه عبيتها عشان العيال وقالت الشعر: ما احب تغيب عني .. ابيك دوم جنبي خذني لصدرك و ضمني .. وودني لعالمك و خلني واذا كنت ما تبيني .. امسك يدي و طربي وفي سطح القمر حطني .. وخلني اتوهـ انا وحبي وسافر لم وين ما تبي .. ولا تجي وتسئل علي او تسئل عن قلبي و حبي .. افهم اني نسيتك و انسني ومن بالك و قلبك شيلني .. وابيك تنسى انك كنت تحبني وسلامتكم الكل صفق و اخذت ريما المرتبة الثانيه لآول مره و مرح المرتبة الاولى و افنان المرتبه الثالثه الجوائز: المرتبة الاولى:تختار وين بيصيفون هالسنه المرتبة الثانيه: ميك آب و عطورات المرتبة الثالثه:عطورات طبعاً كل البنات كانوا متجمعين عند مرح ما عدا ريما كانت تصور المسابقه لان جاء دور العيال و طبعا العيال جوائزهم المرتبة الاولى:500 ريال المرتبه الثانيه:300 ريال المرتبه الثالثه: 100 ريال المهم نرجع عند البنات ريناد: مرح قولي وش قررتي مرح: والله مدري بسمة: اممم ليه ما نصيف في سويسرا ساره: ماما لالا ما نبي ريناد: امم امريكا الكل:لالالالالالاع ريناد: يمه كليتوني ساره: طيب كندا..؟ ريناد: وش فرق عن امريكا ساره: الاسم ريناد: اسكتي لقوم اتوطى بطنك ساره: سكتنا مرح: انتو سكتوا خلونا نشوف شاعرتنا وين ودها تصيف فيه الكل: ريمااا ريما:هلااا مرح: وين تبين نصيف هالصيفيه ريما: اذا تبون خلونا نصيف في لبنان بصراحه رحنا صيفنا في اماكن كثيره بس ما قد زرناها مرح: ايه والله خلاص بسمة روحي قولي لهم بنصيف في لبنان راحت بسمة و قالت لهم و صارت السفره بعد اسبوع يعني على ما يحجزون و يرتبون امورهم نهاية البارت الخامس ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــ |
|
#8
10-10-2009, 02:34 PM
| ||
| | ||
| رد: رواية سحرتني عيونها/بقلم الكاتبه:][قمر مشتاقه][
البارت السادس يوم الجمعه 3:00 الفجر في المسن ريما و و افنان ريما: هلا و غلا بالحلا كله افنان: هلا فيك قلبوو  ريما: اخبارك؟؟ افنان: تمام وانتي..؟ ريما: انا بخير مدامك بخير افنان: ليه داخله هالحزه..؟ ريما: ماجاني نوم نزلت تحت جلست عند التلفزيون ولا لقيت شي قمت جبت الاب وجلست بس انتي ليه جالسه للحين افنان: مثلك بس انا ابي التلفزيون بس ابراهيم مشغل روتنا سينما ويشوف اقدم فلم في الدنيا ريما: شنو ..؟ افنان: فلم كيف الحال..!! ريما:اها افنان: بس هو مو طبيعي مو مع الفلم ما سك جواله ويناظر فيه وكل ما غيرت رمى علي المخده وقال لا تغيرين ريما:ههههههههه تلقينها قاعد يسجل الكلام الي يقوله طلال في الفلم وكلام جده يمكن بيرسله للعيال افنان: هههههههه يجوز ليه لا ريما: يووهـ الوقت مر بدون ما نحس الساعه اللحين 4:15 يالله بقوم اصلي و قومي انتي افنان:طيب بس بترجعين ولا بتنامين..؟ ريما: يمكن ارجع افنان: اها اوك برب بروح اصلي ريما: وانا كمان تيت افنان: برهووم يالله قوم الصلاة .. وشافت افنان اخوها قاعد يلعب و يركب في صوره طلت لقتها نفس الصوره الي في جوال ريما الخلفيه ابراهيم: طيب دقيقه افنان: برهوم مو هذي الصوره الي صورناها في ماليزيا يوم كنا صغار..؟ ابراهيم: اييه افنان: وليه تلونها و تركب عليها صور و تقصصها ابراهيم: ابي احطها في لاب حقي بس بركب صورنا الباقيه عشان تطلع اكثر من صوره افنان: طيب اللحين قم صل و بعدين كمل ابراهيم: يالله قمت صلوا ورجعت افنان للمسن افنان: باكـ..~ ريما: ولاكم حبي افنان: ريووم طلع الاخو مو يكتب ريما:هااع افنان:تتذكرين الصوره الي في جوالك يومنا في ماليزيا تونا صغار ريما: ايه ايه تذكرتها شو فيها..؟ افنان: برهوم قاعد يصغرها و يقصص الصور حقتنا و يصغر الصور الكبيره و ركبها مع بعض و بيحطها بجهازه ريما: اهااا افنان: ريوم ليه ما نفطر في الموول..؟ ريما: يالله بس ما ندري اذا خالتي ام ياسر بترضى ناخذ معنا البنات ولا لا افنان : نكلمها و نقنعها ريما: اوك بروح اخذ شور سريع و البس و اقوم ريناد و اقول لأمي و اجيك على طول افنان: وانا بعد بتروش و البس و ادق على خالتي ام ياسر و اقولها ريما: يالله بااي افنان: باي وسكروا المسن راحت ريما تروشت و قومت اختها و اختها تروشت راحت ريما لغرفة امها ريما: ماماتي ام سليمان وبصوت نعسان: ممممم ريما: انا و ريناد و افنان و مرح و مروى و رغد و ارايام بنروح نفطر في المول ام سليمان: طيب بس انتبهوا لنفسكم ريما: ان شاء الله يا الغلا ريما و ريناد لبسو عباياتهم و طلعوا في الحوش ولقوا اخوهم محمد محمد: على ويين يا حلوين ريما: بنروح نفطر في المول مع البنات محمد:مع ميين..؟ ريناد: اكييد السواق محمد: لالا ما تروحون مع السواق لحالكم امي مدلعتكم بزيااده انا بوديكم يالله اصبروا هنا بروح البس و اجيب مفاتيحي ريناد: والله مو بتوصلنا عشانك خايف علينا إلا قل عشان تفطر محمد: عليك نور و انا ما احب اخواتي يروحون مشاوير كذا مع السواق و انا موجود مفهوم البنات: مفهوم تنقبوا و طلعوا في بيت ابو عبدالعزيز افنان لبست عبيتها و تحجبت و جت بتخرج من الباب وناداها اخوها ابراهيم ابراهيم: وين وين؟؟ افنان: بروح افطر مع البنات في المول ابراهيم: وانتي من بيوصلك افنان: كلنا بنروح مع سواق عمي ابو سليمان ابراهيم: لالا قلبوو انتي بتجيين معي ما تروحين مع سواويق لحالك دق جوال افنان و ردت افنان: الووو ريما: هلا فوفو افنان: هلا ريوومه ريما: تراا خيوو محمد هو الي بيوصلنا افنان: شو لالا فشله انا بجي بسواقنا ريما: يووهـ تعالي البنات كلهم و افقوا يالله افنان: اقولك فشله .. طيب اسمعي انا راح اجي مع اخوي بعد يصدون عنى اذا جو معنا و محارم لنا بعد ريما: اوك يالله نترياكم في المول افنان: اوك باي ريما: باي افنان: برهوم يالله قوم ابراهيم: طيب طيب ترا بس هالمره عشان محمد فيه ولا غيرها ما فيه افنان: اتحداك امش و انت ساكت تنقبت افنان و طلعت وركبت السياره محمد كان لابس شورت بيج و بلوزهـ بيج مكتوب عليها بالابيض و شعره طويل شوي وناعم ابراهيم كان لابس بنطلون جنز و بلورزهـ سوداء مرسوم عليها جمجمه راحو للمول و جابوا لهم فطور و للعيال بعد العيال جلسوا في طاوله الي تقابل البنات محمد كان معطي البنات وجهه و ابراهيم معطيهم ظهره مروى: بنات بعرف ليه اخونكم جو..؟ افنان: يقالك يخافون علينا كأنه اول مره نروح لحالنا البنات:ههههههههههه رغد:اخووي عادي عنده يعني نروح هون لحالنا احسن ما نروح لحالنا عند الغرب و بعدين اخوي ياسر في سابع نومه غريبه اخوانكم سهرانين ريناد: مو غريبه ولا شي إلا يومياً سهر انتوا ما تسهرون عشانكم في امريكا لازم انتضام وقت اريام و ريما: الحمدلله شبعنا اريام: ريما ابيك شوي .. وطاحت لثمة اريااام بس اريام رجعتها بس يعني الي كان يناظر اكيد راح يشوف شكلها<<طبعاً مروى و اريام و رغد يتلثمون عشانهم ما بعد تعودوا على الغطاء يعني هم في امريكا متحررين .. ريما زينت لها اللثمه و عدلتها زين خلتها ماسكه محمد.. انبهر في شكل اريام كانت في قمة من الجمال << طبعاً اريام كانت ابيض من اخواتها و عيونها عسليه فاتحه وشفايفها ورديه ملسه وهي كانت في قمة من الجمال جمالها يبهر يشع من وجهها ابراهيم: حمووود شوفيك..؟ .. التفت ابراهيم للمكان الي يناظر له محمد شاف ريما تعدل لثمة اريام ابراهيم: لهذا الحد غيوور يعني عاادي امريكيا متعوده على الفتشه يعني حتى لو طااح اهجد بس كمل فطورك خلنا نمشي محمد: خلنا نمشي البنات حرآآم ابراهيم: بس هم مو صفه و حده يعني كل و حده بتروح مع جهه محمد: عادي اصلا بنات خالتي ام ياسر مع ريناد و افنان و مرح و ريما مع بعض اختر من تبي انا في كل المجموعتين لي فيها محرم انت خذ مجموعة ريما لان اختك هناك ابراهيم: طيب .. ويقول في نفسه : اصلاً بروح معهم من دون ما اشاوركـ خلصوا فطور و راحوا يتسوقون في محل فساتين كانت فيه مجوعة ريما ريما: فوفو شو رايك في هذي حلوه صح حتى لونها حلوو ورايق ازرق لبني افنان: حلوو مرح: شو رايكم تطقمون انتوا البنات في عرسي ريما بصوت منخفض ما يسمعه إلا البنات و الي يكون قريب منهم مرره و فيه شوي غنج: بيطلع حلو علي انا بس لحد يقلدني ما راح يطلع حلو عليهم افنان: من وين جايبه كل هالوثوق فرح: اكييد مني افنان: جتنا االواثقه الثانيه ريما ضحكت بس بخفيف: هههههههههههه ابراهيم معد يقدر يتحمل صوت ريما كل ما سمعه يحس شي يتحرك في صدره ابراهيم: ما خلصتوا..؟ افنان: اممم لالا ما بعد باقي نمر محل المكياج و بعدين محل الاحذيه و بعدين بنمر gap و بعدين بنروح للكوفي شوب بعدين نفكر نرجع البيت ولا لا فرح و ريما بصوت خفيف:هههههههههههههههههههههههههههههههههههه ابراهيم: لا والله اقول من هنا للبيت انهجوا ريما: ابراهيم الله يخليك بس شووي ما بعد خلصنا ابراهيم وما وده يردها: خلاص بس بسرعه لان ابوي و عمي ابو سليمان بيعصبون علينا لاننا اليوم لازم نروح معهم لمشوار فرح: منب متأخرين بس شووي افنان: والله بسرعه ما راح نتأخر ريما: واذا قالوا انهم بيزيدون على هالمحلات بسحبهم مع عباياتهم بس خلنا شوي ابراهيم : اوك لكم 30 دقيقه انهجوا اذا ما خلصتوا بأمشي عنكم البنات:اوك قامو يدورون و يتسوقون خلونا نتجه عند مجموعة ريناد ريناد: اريام مروى رغد تعالوا البنات:شنو..؟ ريناد: سلسال ذهب يهبببل شوفيه واي شو رايكم نشتري 7 و نحط في كل وحده احرفنا يعني حروف(r,a,m,f) في كل وحده وناخذها كلنا اريام: ايه حلووه محمد وهو يتريق على البنات و منعم صوته: وانا حطيتو حرفي..؟ ريناد: اييه لا تخاف البنات:ههههههههههههههههههههههههههههههههههههههههههه ه و بعدين رجعوا البيت و ناآآمـو نهاية البارت السادس ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ |
|
#9
10-10-2009, 02:36 PM
| ||
| | ||
| رد: رواية سحرتني عيونها/بقلم الكاتبه:][قمر مشتاقه][
البارت السابع العصر الساعه 4:30 العصر ريما وهي تمشط شعرها: رنووده قوومي خالتي ام ياسر عازمتنا في بيتها امي راحت مع بابا و احنا بنروح مع محمد بتقومين تلبسين ولا اروح و اخليك ريناد وهي تتمغط :يالله قمت قامت ريناد و لبست و قامت تكد شعرها: ريووم وش اسوي بشعري..؟ ريما وهي تستشور شعرها: اممم جعديه ريناد: يووه مليت من تجعيده يا اجعده يا احط طوق يا احط شباصه صغيره في المقدمه ملييت ريما: انا قلت لك لا تقصين boy قلتي لا انا ابي شعري كذا هاه هذا الشعر الي تبينه ريناد: ما فيه قصات حلوه جيت بقص الفراوله جيتي انتي قصيتيها و انا ما احب احد يقلدني ريما: بسررعه محمد بيعصب علينا ريناد بملل: طيب ريما كانت لابسه برموده ابيض و بلوزهـ حمراء منقوش عليها من الزاويه لين حد البطن ورود بالابيض و كوتش احمر و مجعده شعرها و ماسكه الغره ونافختها ريناد كانت لابسه بلوزهـ خضراء فوق السر و تحته بلوزه بيضاء و بنطلون جنز ومجعده شعرها ولابسه طوق سخيف ابيض و طوق سخيف اخضر و كوتش اخضر افنان كانت تنوره قصيره مكسره جنز و بلوزه بيضاء مرسوم عليها فراشات بالازرق و صندل ابيض و خيوط رقيقه مربوطه على رجولها لونها ازرق فاكه شعرها و لابسه طوق ابيض مرح كانت لابسه بلوزهـ بيضاء مخططه بالعرض بالازرق و بنطلون جنز كوتش ابيض و رابطه شعرها ذيل حصان مروى بلوزهـ اورنج مكتوب عليها بالذهبي و تنورهـ قصيره بيج و صندل بيج فاكه شعرها و حاطه شريطه ذهبيه و منزله الغره اريام كانت لابسه فستان لحد الركبه بيج و عليه حزآم عريض ذهبي و صندل ذهبي و مسويـه سراميك لشعرها رغد لابسه تيشيرت اسود مرسوم عليه بنت بالابيض و برمودهـ جنز و كوتش اسود و رافعه شعرها بشباصه.. ساره كانت لابسه بلوزه فضيه ساده و حاطه بروش الماس على شكل قيتار و برموده ابيض و صندل فضي و مستشوره شعرها و حاطه شباصتين صغاار من قدام بيضاء بسمة كانت لابسه تنوره جنز تحت الركبه و بلوزهـ بيج مكتوب عليها بالابيض و صندل ابيض و فاكه شعرها وحاطه طوق بيج سليمان لابس ثوب محمد بنطلون جنز تشيرت اسود مرسوم عليها جمجمه كوتش اسود عبدالعزيز لابس ثوب ابراهيم لابس برموده اسود و تشيرت ابيض مكتوب عليه بالاسود كوتش اسود ياسر لابس بنطلون جنز و بلوزهـ خضراء كوتش اسود مشعل لابس ثوب في بيت ام عبدالله ام عبدالله: خلود حبيبتي خلي الخدمات ينزلون الشنط و يرتبون الملابس في الدواليب و و انتوا خذوا دش سريع عشان نروح لخالتك ام ياسر خلود: من عنوناتي يا الغاليه ام عبدالله: تسلملي عنوناتكـ الحلوهـ خلود قالت للخدم يسوون الي قالت لها امها و تروشت و البست و زينت شعرهـا سمر: يوهـ ما ابي اروح مدام عندهم ام عبدالعزيز و ام سليمان خلود وهي ترمي المخده على اختها: هيه انتي وش هالخبال هذول يقربون لـ خالتنا ما نبي شيء طواه الزمن نحطه في الحاضر سمر: بس نسيتي وش سووا في امي خلود وهي معصبه: سمير قومي تروشي و خلي سوالف الكبار للـ كبار و لا تدخلين في شيء ما يخصك سمر بعصبيه: طييب مرام: خيتو خوخه الحلوهـ خلود: هلا مروومه .. هاه تروشتي..؟ مرام: ايه بس خيتو خوخه ما عرفت وش البس خلود: صبر اخلص من تجعيده شعري و ازينه و احط مكياج و اجي اطلع لكـ لبس و ازين شعركـ وش تبين بعد يا الغاليه مرام و هي تنط عندها و تحبها مع خدها: الله لا يخليني منك يا الغلا خلود: ولا يحرمني منكم.. ^---^ راحت خلود طلعت لبس لـ أختها و زينت شعرها ام عبدالله: عبوود عبوود يالله قوم الله يصلحك ابوك تحت يحتريك عبدالله: يماه شوي بس والله تعبااان ام عبدالله: يا ولدي قم ابوك يبيك بعد شوي بنروح لبيت خـالتك ام ياسر عبدالله: يالله يا الغلا قمت نزلت ام عبدالله لـ صاله و لقت خلود و سمر و مرام و ابو عبدالله جالسين ابو عبدالله: هاه يا ام عبدالله وين عبدالله..؟ عبدالله: جيت يا الغالي ابو عبدالله: الطيب عند ذكره عبدالله: تسلم يا الغالي خلود: بابا يالله حمستنا من الدمام و انت تقول عندي لكم شيء ابو عبدالله تنهد: اسمعوا يا عيالي تعرفون الماضي وش كان بينا و بين اخوان خالتكم ام ياسر من الرضاع عبدالله: الله لا يعيده من يووم ابو عبدالله: انا و امكم تصالحنا معهم قبل ما نروح للـ دمام يعني تصافينا ام عبدالله: يعني احنا اهل اللحين سمر: بس بابا.. ابو عبدالله: بلا بس بلا خرابيط الماضي نطويه و نرميه و رانا مفهوم حبايبي العيال: مفهوم ام عبدالله: هذولي عيالي ابو عبدالله: يالله البسوا عبياتكم خلونا نلحق عليهم ترانا متأخرين مرره الكل: يالله خلود لابسه بلوزهـ صفراء مرسوم عليها قلوب بالابيض و بنطلون جنز و كوتش اصفر و مجعده شعرها و ماسكه الغره من قدام بالـ البنس سمر كانت لابسه برموده احمر و بلوزهـ بيضاء نص كم و كوتش ابيض و مسويه سراميك بشعرها و حاطه شريطه حمراء فيها كرستال ابيض مرام كانت لابسه بلوزهـ بيج مرسوم عليها فراشات بالذهبي و برموده جنز بيج و كوتش بيج و مسويه برمه بشعرها عبدالله لابس ثوب في بيت ام ياسر ام سليمان: ياربيه ذا العيال تأخروا ام ياسر: يمكن توهم يتجهزون خليهم على راحتهم ام عبدالعزيز: ام ياسر يا خوفي من هالجمعه احنا تصافينا بس البنات و العيال ام ياسر: لا تخافين اختي قالت انها بتكلم العيال ام عبدالعزيز: بروح اكلم عيالي لا يسوون لنا فضيحه ام سليمان: شكلهم جو وانا بعد بروح اكلمهم ام ياسر: الله يعينكم راحوا ام عبدالعزيز و ام سليمان و قالوا زي ما قال ابو عبدالله لعياله عبدالله وهو يدخل مع الباب و قلبه يرقع خايف من نظرات الرجاجيل: السلام عليكم الرجاجيل: و عليكم السلام و رحمة الله وبركاته ابو سليمان: هلا و الله بـ أبو عبدالله و ولده عبدالله حياكم تفضلوا ابو عبدالله: هلا فيك .. دام فضلك عند الحريم خلود و سمر و مرام وام عبدالله يفصخون عباياتهم مرام: سروونه اشتقت لك ساره: وانا اكثر يا مروومه مرام: والله شكل الليله مميزه ساره: مدام اهلي و اهلك مجتمعين اكيد مميزه مرام: شوفي مو علاقتهم ببعض تخرب صدقتنا ساره: ولا حروب الدنيا تخربها مرام: يا حبيلك بس ساره: بسرعه يالله تعالي نروح لعند المراجيح ابيك تسولفيلي عنك من زمان ما شفتك مرام: يالله سمر: خوخه انا مره خايفه نظرات البنات غريبه خلود: قصري صوتك و ادخلي سلمي اجلسي كلموك كلميهم ما كلموك اسكتي سمر: طيب ام عبدالله: يالله يا بنات ادخلوا سمر: ماما تعبانه ام عبدالله: إى قولي خايفه سمر: بصراحه ايه ام عبدالله: احنا وش قلنا لكم في البيت خلود: يالغلا ما عليك منها انتي ادخلي وحنا و رااك ام عبدالله دخلت و سلمت و البنات وراها يسلمون جلسوا الحريم و جت القهوه و جلسوا يسولفون ريما: بنات قوموا مليت من جوا الحريم رغد: اوك يالله قوموا نروح لغرفة اخوي ياسر البنات:يالله ريناد : روحوا وانا بجي بعد شوي بس بنتظر لاب توبي الي قلت لسليمان يجيبه مرح: طيب لا تتأخري ريناد: طيب جاء سليمان و عطى ريناد الاب توب .. ريناد لحظت ان خلود و سمر ما رقوا وحست انهم خايفين من ان يصير شيء و حبت تتقرب منهم ريناد: خوخه سمور ليه جالسين هون قوموا احنا كليتنا فوق خلود: لا احنا من السعوديه انتي من لبنان..؟ ريناد: ههههههههههههههه يقولون من عرابجة لبنان سمر و خلود:ههههههههههههههههههههههههه ريناد: بتقومون معي بالطيب ولا اقومكم على طريقتي خلود: لالا قمنا ريناد: ايه بنات ما يجون إلا بالعين البرتقاليه الحريم:هههههههههههههههههههههههههههههههههههههههههه ريناد خلود سمر رقوا عند البنات ام ياسر: الله يديم السعاده بينهم شكلهم تعودوا على بعض من اول يوم ام عبدالله: الله لا يعيد ذيك الايام الحريم: امين نروح عند الشباب سليمان: عبوود يالله بنلعب بلوت بسرعه عبدالله وهو متفاجىء و في نفس الوقت مستانس: طيب اللحين بجي العيال: بسرعه نروح للبنات في غرفة ياسر ريناد: بالله من بتجلس في هالغرفه ريما: الله يعين من بتاخذ اخوك اريام: ههههههههههههههههههههههههه سمر: الغرفه موب شينه حليووهـ يعني بس فوضويه و ألونها خشنه مروى: ترانا في غرفة ولد مو بنت يوم انكم تعلقون افنان: والله جد يعني مدري وش تحسون به رغد و خلود و مرح كانوا يناظرون هبال البنات وسكاتين عند العيال ياسر: وين جوالي..؟ محمد: انت ما نزلته معك يوم ارقى لك كنت حاطه على الطاوله ياسر: بروح اجيبه لا تكملون لعب لين ما اجي العيال:طيب دخل ياسر مع الباب الخلفي عشان ما يمر من عند الحريم و رقى من الدرج الثاني و دخل غرفته انصدم ياسر كانو البنات يرقصون طبعاً وحده تطق و الثانيه تغني و الباقين يرقصون خلود كانت هي الي ترقص قدام الباب وكانت تطق خصرها ويطلع شوي من بطنها وهي تطق الخصر البنات و قفوا اريام: يااااااااااااااااا ,, ياااااااااااااا ,, ياااااااااااااسر اطلع برااا بسرعه ياسر حس بعمره صك الباب وحط رااسه على الباب ياسر: لالا مو بنت عاديه اشك أي جسم أي شعر أي جمال مروى وهي تفتح الباب وتصكه بسرعه مروى: وش جاايبك هاااه شلون ما نتبهوا لك الحريم و قالوا لك ياسر: انا جيت مع الباب الوراني مروى: اوووف ما تسمع صجه يعني لزوم تطق الباب منتب في امريكا ياسر: يا شيخه غرفتي و اطق الباب اطلعواا روحواا لغرفة وحده منكم مروى: غرفتك كبيره و فيها استريوا و فيها Tv و فيها..يقطعها ياسر ياسر: خلاااص فهمت سكتي روحي جيبي جوالي مروى ببتسامه: طيب رغد: هدوا اكيد ما شاف شيء على طول راح وبعدين ما يعرفكم وش بيدريه من انتم اهجدوا بس خلود: بس انا الي كنت قباله اريام: لا تاكلين هم ما انتبه لك ان شاء الله ام عبدالله: يا بنات يالله العشى ولا مطولين فوق البنات: يالله جينا نزلوا البنات تعشوا و رجعوا رقوا لغرفة ياسر ياسر كان في الغرفه ومتمدد على السرير وفاصخ الـ تيشيرت حقه و اصلا ما تعشى عقب ما شاف الي شافه في غرفته << اقصد خلود ريما: اييه بس ويـ................ سمر: ريووم شفيك دشي............. افنان:............................................ ............... مروى: وراكم صنجتوا..؟ اريام:هييييييييه << شهقه رغد صكت الباب بسرعه و ياسر حس فيهم وسمع كلامهم وقاااام يضحك على حياهم وخجلهم رغد: انا اول مره اشوف اخوي كذا اريام: وانا مروى: وانا .. لما كان يروح يسبح ما كنا نروح معه لان البنات الي هناك الحمدلله والشكر ما ينشافون عشان كذا اول مره نشوفه كذا ريما الي تبي تتنفس: ااا ااا لا يكون انتبه لنا..؟ سمر الي ترتجف: لالا كان مغمض عيونه ما اضن ياسر في نفسه: آآهـ يا رب ارحم حالي من ذيك الي كانت قبالي منهي..؟ مروى تطق الباب: طق طق طق طق ياسر: ادخل مروى: ياسر اليوم لنا ولك محرج اسفين اذا سببنا لك ازعاج لاننا جلسنا بغرفتك من دون اذنك ياسر: سؤال وش تحسين به مروى: اسفه ياسر: مروى مروى: ياسر اعرف انك ما تعشيت معهم و اادري انك رقيت بعد ما نزلنا ياسر: ومن قال انه بسببكم مروى: اجل من بسببه..؟ ياسر: مروى انتي اختي الي دايم اقولها اسراري مع انك مو الكبيره واصغر وحده مع انك تفهميني اكثر منهم مروى: ياسر شنو فيك ياسر: مدري الي فيني اندهاش او اعجاب او حب مروى و فوقها الف استفهام:هاه..؟ ياسر: اخذت فكري الي ما خذته بنت مروى بنظرات استغراب: منهي..؟ ياسر: كل شيء تسئلين جاوبي مره وحده مروى ومازالت الاستفهامات فوق راسها:هههههههههههههههه طيب عطني سؤال وجاوب ياسر: وش تتوقعين يكون الشعور اندهاش ولا اعجاب ولا حب في الي اخذت عقل اخوك الي ما قد اخذته بنت..؟ مروى: بما اني ما ادري متى شفتها و متى عرفتها و من هي إلا هي مسئلة اندهاش بس يمكن تختفي هالـ حاله او انها تطور لحالة اعجاب و مع مرور الزمن الزمن يختار يا تدوم مسألة إعجاب لين ماتلقى شريكة عمرك او انها تطور لحالة حب تصنع حلم الزواج هذاا حسب روأئيتي يعني اما قلبك وعقلك يمكن يفوق ويتجاوز حدود تفكيرنا يا ياسر اذا عقلك و قلبك اتخذوا قراار واحد لا تتردد وسوهـ ولا تهتم بكلام الي حولك ياسر: اخت مروى كلامك بيزيد افكاري ممكن تتركيني اللحين مروى: هذا يسوور الي اعرفه .. وطلعت لسانه وطلعت ياسر:هههههههههههههههههههههه .. وناااام في بيت يسكنه الهدوء و الظلام هناك نور واحد مشتعل غرفة خلود ,, انسه خلود مستلقيه على سريرها الزهري الطري الناعم وتلعب بخصل شعرها الناعم تبكي و تبكي السبب مجهول حتى الان نتجه إلا منزل يعم بالضجه و الصرآخ و الانوار المشتعله ريما: ريناااد وخري ابي امد رجولي عورتني ريناد: مقدر لاب حقي لازم ياخذ مكان محمد: ريمووهـ هاتي الريموت ابي اغير ريما: لا أبي الفلم ذا ريناد: حطي mbc2 فيها فلم مرعب محمد:هاتواا ابي اشوف فلم Game over ريناد: محمد ما نبي اشياء قااسيه احنا تونا صغار محمد: ايه ما بعد طلعتوا من البيضه تبون تشوفون تعالوا ما تبون احسن ريما: اوووف ابو سليمان: وش فيكم..؟ ريما ريناد:بابا ابو سليمان: شفيكم..؟ ريما: بابا شفه سحب مني الريموت و بيحط لنا فلم قيم اوفر الي كله طق وذبح مره بابا خشن ابو سليمان: محمد محمد:يبه وين اناظره فيه ابو سليمان: رووح لـ غرفة المكتب حقتي بس اجلس على الطاوله ولا تجي المكتب او الاوراق محمد:ان شاء الله .. راح وهو يتوعد لـ ريما و ريناد ريما و ريناد:بابا ابوسليمان: هههههههههههه الله يهديكم نهاية البارت السابع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ |
|
#10
10-10-2009, 02:40 PM
| ||
| | ||
| رد: رواية سحرتني عيونها/بقلم الكاتبه:][قمر مشتاقه][
البارت الثامن يوم السبت الظهر الساعه 1:30 افنان: مرح مااصدق بنساافر اليوم مرح: اييه صدقي يالله بروح اشوف أي عبايه البس افنان: شور رايك نقم ناخذ عباية شنل..؟ مرح: اوك بشبك البنات معنا بس بتدفعين لي 20 ريال افنان: هههههههههه طيب مرح: امززح لا تصقين افنان: ادري بس عجلي اشبكي البنات مرح: طيب يمه اكلتيني ريناد:هممم نعم مرح: قووومي للحين نااايمه ورانا سفر ريناد: بكرا بكرا مرح: قومي لخلي ريما تكب المويه عليك ريناد: مرحوهـ تراا بالـمنبه على وجهك مرح: يا السكراانه انا في بيتنا ريناد: لوك في الصين وخري لا يجيك شيء مرح و افنان و ريما:هههههههههههههههههههههههههههههههه انقطع الاتصال بـ ريناد ريما: رينادوهـ يا الخبله ريناد: ريوم مالي خلقك ريما: طارق العلي جاء يسوي مسلسل في بيتنا ريناد الخبله تنط من سريرها: ويين وينه..؟ ريما:ههههههههههههههههههههههههههه .. الو مرح افنان قومتها افنان: ما بغت ريما افنان مرح:هههههههههههههههههههههههههههه مرح: بشبك الباقين اريام: ان رقمي اللحين نايم بكرا يقوم ريما: لا يكثر اخواتك جنبك..؟ اريام و بكل تعب: اييه مرح: يعني مو لازم اشبكهم افنان: لالا مو لازم ريناد: ما ودكم تدخلون بصلب الموضوع مرح: ايه بس باقي خلود و سمر ريما: انهجي خلود بصوت مبحوح: امم والله انكم فاضيات يعني احد يدق هالحزه مرح: لا وش رايك اذا ركبنا الطياره دقينا عليك فزي طولك قومي خلود بصوتها المبحوح: بنام نص ساعه بس كلمي سمر بدل عني مرح: اوك بايو خلود:طوط طوط مرح: الو سموورهـ بالله عليك لا تكونين نايمه سمر: لالا قاعده اتغدى البنات: بالعافيه سمر: مكالمه جماعيه .. الله يعافيكم مرح: المهم الكلام ينطبق على الجميع حتى الغايب كلنا عباية شنل مفهووم سمر: بس انا ما عندي إلا مجنح مرح: لالا وع مو حلوهـ لبسناها في اول سفره لنا لـ كندا مو حلوهـ طيب قولي للـ خدم يجيبون لك وحده اللحين انتي و اختك سمر: اوك اخلص من غدااي اول مرح: اوك بااايو يا الكل البنات: بااايو جميع الخطوط: طوط طوط << المهم اذن العصر صلوا جهزوا انفسهم و راحوا المطار و ركبوا الطياره داخل الطيارهـ ريما و افنان و مرح ريناد و مروى و خلود سمر رغد...... بسمة اريام..... مرام ساره..... ام عبدالعزيز ام عبدالله ام سليمان .. ام ياسر عبدالله ياسر ابو عبدالله ابو عبدالعزيز ابو سليمان .. عبدالله سليمان و محمد مشعل ابراهيم و عبدالعزيز مداخله من الراويـه<~.. هذا ترتيبهم بالطياره حسب الموقع ........ النقاط الي زي كذا معناه المكان فاررغ و الي ما فيه شيء يعني ركاب الله يستر عليينا و عليهم و .. النقطتين يعني الممر ريما:’’ سحب كنها سماء باريس’’ السحب سحر ياخذني’’ لـ بلد العشق فيه ناس’’ .. مداخله من الراويـه<~.. من تأليفي مرح: الله الله يا الشاعره اهجدي بس اااه بصرآآح ــه ودي اوصل بسرعه افنان: كلها 3 ساعات و نوصل يا قرب المسافه ريما: هههههههههههههه أي 3 ساعات وين رايحه له انتي 6 ساعات لين ما نوصل على الهبوط 5 دقايق على ما ننزل نكون في الفندق ننام من بكراا الجوله :/ مرح: انتي قد رحتي لها..؟ ريما: لالا بس سويت تحريات .. مداخله من الراويــه<~.. مقدر يا الباحثه هههههههه خارج النص <~.. ريما: لا تدخلين و اكتبي و انتي ساكته خارج النص<~.. الروايــه: خخخخخخخ طيب افنان: اخص اثرك موب هينه ريما: لا عشان اول مره زورها قلت اعرف عنها شيء مرح: اها 6 ساعات مرت بالسوالف و الضحك لكن فيه اشخاص ساكتين و عايشين عالمهم الخاص (ابراهيم..ياسر..محمد) كانوا يفكرون في هالرحله راح يشوفون بدون خجل وجيه البنات و كل واحد بيتمتع بشوفت حبيبته .. مداخله مهمه من الراويــه<~.. سوري ياسر براا الحب للحين ما تأكد من مشاعره بس في فكره انه راح يعرف منهي البنت وتابعوا.. وصلوا لبنان حجزوا افخر فندق اخذوا 4 سويتات 1 للحريم 1 للرجال 1 للبنات 1 للعيال و ارتاحوا وش تتوقعون من ابطالنا الحلوين..؟ وش تتوقعون راح يصير بين الـ Boys و الـ Girls..؟ في لبنان راح تصير مواقف محرجه مثيره غريبه ترقبوا البارت التاااسع نهاية البارت الثامن ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| || رواية البؤساء - فيكتور هوجو || بقلم : البؤساء | البؤساء | أرشيف المواضيع الغير مكتمله او المكرره او المنقوله و المخالفه | 24 | 11-08-2009 08:47 AM |
| رد على آ من يقول في رواية بنات الريآإض | ميييمووو//: | نور الإسلام - | 3 | 04-25-2009 03:57 AM |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| رواية ( البيت المائل) آغاثا كريستي | ***peer dagher*** | أرشيف المواضيع الغير مكتمله او المكرره او المنقوله و المخالفه | 5 | 07-26-2007 04:17 AM |
| بين رواية ( بنات الرياض ) .......ورواية ( بنات بيت حانون ) .........دعوة للمقارنة | الداعية | ختامه مسك | 11 | 11-21-2006 02:31 AM |
العرض العادي
